Miðflokkurinn leiðir peningastefnu Íslands sem sjálfstæðrar þjóðar

Enn á ný er sú staða uppi á teningnum í íslenskum stjórnmálum að ríkisstjórnin er á bandi fjármálaafla sem bera samskonar virðingu fyrir hagsmunum landsmanna og köttur fyrir mús.

Sami flokkur og leiddi Icesave árásir fjármálasvindlara vogunarsjóða og erlendra risabanka í samfylkingu Evrópusambandsins gegn Íslandi vermir sjálfan forsætisráðherrastólinn. Þegar skjólstæðingum var stungið í steininn var stjórnmálaarmurinn verðlaunaður með feitum embættum. 

Sá hluti stjórnmálamanna sem stóð á lýðræðislegum grundvelli og björguðu þjóðinni frá hruni voru ofsóttir og hraktir úr embættum.

Vesældómur forystu Sjálfstæðismanna í peningamálum er forkastanlegur og gerir illmögulegt að aðgreina flokkinn frá vogunarsjóðum og dæmdum fjárglæpamönnum. Engu er líkar en að Sjálfstæðisflokkurinn hafi ályktað að taka upp Samfylkingarstjörnu Jóhönnu Sigurðardóttur, sem glansaði mest í hámarki Icesavestríðsins. Þingmenn sjálfstæðismanna greiddu atkvæði með dragbítnum Icesave III sem flokkurinn þarf að gera upp við til að geta nálgast sjálfstæðan grundvöll peningamála.

Enginn tekur samt neyðarlögin frá Davíð og Geir sem björguðu landinu frá sömu skuldahlekkjum og keðjar Grikkland og önnur nútíma evruríki í dag. 

Miðflokkurinn er í peningamálum Sjálfstæðisflokkur nútímans. Þar standa menn staðfastir á grundvelli lýðræðis og neyðarlaga Íslands sem sjálfstæðrar þjóðar.

Nei - maðurinn Sigurður Ingi Jóhannsson breyttist í já-mann í þríeyki með Katrínu og Bjarna. Virðingin sem þríeykið segist vera að endurheimta fyrir stjórnmálamenn er í raun endurreisn glæpamannanna sem þjóðin barðist við í Icesave.

 

 

„Við erum að ræða almannahagsmuni“

Feigðarós Dags B. Eggertssonar dýrt ævintýri fyrir Reykvíkinga

Skuldir Reykvíkinga slaga hátt í 4-5 milljónir kr á hverja meðal barnafjölskyldu í borginni.

Þetta er engum gleðiefni, - varla börnum í borginni sem hafa þessa skuldbyrði á bakinu eftir hömlulausa eyðslu vinstri manna í eigin gæluverkefni á kostnað bæjarbúa. 

T.d. getur eftirsatt gatnaviðhald þýtt að byrja þurfi á götulagningu upp á nýtt.  Markmið borgarstjórnar að takmarka eða eyða alveg bílaumferð er steinrunnið sjónarmið sem gengur þvert á þarfir vinnandi fólks sem þarf á farartæki að halda til að komast í vinnuna.

Borgarstjórinn hefur hvað eftir annað sýnt dómgreindarleysi með því að ryðjast inn á starfssvið ráðherra t.d. með stjórnmálaályktunum um utanríkisstefnu Íslands. Fagna ber því yfirlýsingu Vigdísar Hauksdóttur um athugun á valdasviði borgarstjórna/sveitarfélaga og ríkisins. 

Í heimi einræðisherrans eru engir stólar til fyrir stjórnarandstæðinga. 

Í lýðræðisríki ákveða bæjarbúar hverjir fá að sitja í stólunum. Að banna frambjóðenda Sjálfstæðisflokksins að taka sæti á almennum fundi sýnir að Dagur B. Eggerts er búinn að tapa öllum áttum. 

Hann hagar sér eins og apaguð týndu borgarinnar.

 

„Einn hafði ekki eins gaman að þessu“

Bjarni Benediktsson ber ekki ábyrgð á upplausn Evrópusambandsins

Fjármálaráðherrann lýsir vel þeirri þróun ESB sem sífellt ágerist að sniðganga minni ríki sem vilja halda fullveldi sínu. Þetta ætti að vera þungt áhyggjuefni fyrir Íslendinga sem eru í tvíhliða samstarfi við ESB gegnum EES, þegar ESB reynir sífellt og í ríkara mæli að taka yfir stjórnarhætti á Íslandi. 

Að taka til alvarlegrar skoðunar á Alþingi hver staða EFTA-ríkjanna sé á grundvelli EES-samningsins er því hjartans mál og vonandi að svo verði gert hið fyrsta. 

Allir hafa hag af því að samningar séu haldnir. Í leik skulu lög virt í báðum liðum en ekki bara að annar aðilinn eigi að fylgja þeim og hinn geti leikið dómara sem fer eftir eigin geðþótta.

Íslendingar eru lítil þjóð og hafa ekkert annað bolmagn á bak við fullveldið nema einbeittan viljann til að fá að lifa sem sjálfstætt fólk. 

Sá vilji hefur dugað okkur vel fram að þessu.

Það mun hann einnig gera í framtíðinni.

Vegið að grunnstoðum EES-samningsins

Útlit fyrir alvöru samkeppni um stjórn Reykjavíkurborgar

Eftir að Sjálfstæðismenn hafa valið Eyþór Arnalds sem frambjóðenda sinn til embættis borgarstjóra Reykjavíkur og Miðflokkurinn tilkynnir að Vigdís Hauksdóttir leiðir lista flokksins í Reykjavík hefur grundvöllur skapast fyrir alvöru framboð og stjórnmálakeppni um fremsta embætti Reykjvíkinga. 

Vonandi markar þetta tímamót í sögu Reykvíkinga um að fólk sé nú orðið þreytt á trúðum og brandarakörlum gerviflokka sem eingöngu eru í framboði til að auglýsa sjálfa sig eða búa til myndir um eiginn hégóma. 

Stefna Samfylkingarinnar og Besta flokks Jóns Gnarrs hefur orðið Reykvíkingum dýrkeypt. Reykvíkingar eru í skuldafjötrum, stjórn borgarinnar í ólestri og fjármunum verið sóað í einskis nýtar spjátrungstilraunir vinstri manna. 

Vopnið sem Reykvíkingar hafa til að binda endi á vesældóminn er að notfæra sér kosningaréttinn og skipta um stjórn.

Það er við hæfi að bjóða velkomið það fólk sem vinnur af heilindum fyrir kjósendur bæði á Alþingi og í sveitarfélögum.

 

Vigdís leiðir lista Miðflokksins

"Faðir alþjóðavæðingarinnar" látinn

Breitbart skrifar að "Faðir alþjóðavæðingarinnar" Peter Sutherland sé látinn 71 árs að aldri.

Sutherland barðist fyrir að "grafa undan" þjóðum Evrópu með aðstoð fjöldainnflutnings frá þriðja heiminum. Peter Sutherland var í forystuhlutverki m.a. hjá Goldman Sachs, BP og Bilderberg hópnum og stjórnaði innflytjendamálum hjá Sameinuðu þjóðunum og ESB.

Í viðtali við BBC árið 2012 lýsti hann því yfir sem sérstakur fulltrúi Sameinuðu þjóðanna í innflytjendamálum að "Evrópusambandið ætti að gera allt til að grafa undan ´eingerðum´ þjóðfélögum aðildarríkjanna og opna veg fjölþjóðasamfélagsins".

Hann sagði að fjöldainnflutningur væri "lífsnauðsynlegur fyrir hagvöxtinn" og að aðildarríki Evrópusambandsins yrðu að gera allt til að "brjóta niður það sem eftir væri af þjóðarsamkennd".

"Við finnum enn til þessarar samkenndar og aðskiljum okkur hvert frá öðru. Það er einmitt verkefni Evrópusambandsins - eins og ég sé það - að gera allt sem hægt er að gera til að eyða þessari samkennd."

Þetta er stefna Evrópusambandsins, sem ætlar að beita valdi til að þvinga aðildarríki sambandsins til að taka við flóttamönnum, sem þau vilja ekki taka á móti. Reuters segir, að ákvörðun valdbeitingarferlis ESB gegn Póllandi sé vegna yfirlýsingar Póllands um að að taka ekki við múslímskum innflytjendum. 

Myndin verður sífellt skýrari. Markmiðið með gegndarlausum innflutningi fólks til Evrópu er að afnema sjálfstæðar þjóðir og steypa allri álfunni undir eina alríkisstjórn. 

Í dag er höfuðborgin Brussel.

Á morgun Berlín.

 

 

Trompaðir taparar neita að sjá hverju Trump hefur áorkað

Það jók á Þrettándagsfagnaðinn að lesa Reykjavíkurbréf Morgunblaðsins. Höfundur raðaði upp meginrökum gegn þeirri nýtilkomnu stefnu Íslands að ákveða fyrir Bandaríkjamenn, hvar sendiráð þeirra eiga að vera. Undirlægjuháttur Íslands að taka þátt í mótmælum Sameinuðu Þjóðanna gegn Bandaríkjunum er með öllu óskiljanlegur í ljósi samskipta Íslands og Bandaríkjanna í gegnum tíðina. Full ástæða er því til að taka undir spurningar bréfahöfundar um hvers vegna íslenska utanríkisráðuneytið telji það þýðingarmikið að fylkja sér í félagsskap þjóða sem líklegri eru til að óska árásarherjum á Ísrael velgengni og vilja fremur þóknast hryðjuverkasamtökunum Hamas en Ísraelsmönnum. Ég hvet alla eindregið til að lesa Reykjavíkurbréfið 6. jan. 18.

Áróðursdrifið gegn Trump nær nýjum hæðum með bókinni "Fire & Fury". Í grein í Mbl. s.l. föstudag sagði ég frá árásum fv. forsætisráðherra Svíþjóðar, Carl Bildt og Fredrik Reinfeldts á Trump en Bildt segir að vegna þess "að valdatímabili þjóðríkja sé lokið í Evrópu" þá þýði lítið fyrir "Trump að dreyma um fullvalda ríki". Reinfeldt ásakar Trump fyrir "testósterón" hegðun gagnvart einræðisherranum Kim Jong-un, þannig að hugsanleg kjarnorkuárás Norður-Kóreu á Bandaríkin verði örugglega Trump að kenna. 

Fyrir utan að styðja andstæðinga lýðræðis og sjálfsákvörðunarréttar þjóða, sem Donald Trump vill varðveita, þá er þessu moldviðri m.a. ætlað að fela góðan árangur af starfi Trumps í embætti forseta sbr. þessa samantekt Fox News m.m.  

Nokkur dæmi:

• 250 þúsund ný atvinnutækifæri urðu til í desember 2017 (það mesta á 9 mán. tímabili)
• Uppsagnir með minnsta móti síðan 1990
• Atvinnuleysi það lægsta í 17 ár
• 2,1 milljón ný störf sköpuð í valdatíð Trumps 
• Framleiðsla í Bandaríkjunum er nú sú mesta síðan 2004
• Matarmiðar með minnsta móti í 7 ár, hefur fækkað um 2 milljónir manns síðan Trump tók við
• Opnað fyrir olíuborun á hafssvæðum sem lið í að Bandaríkin verði óháð öðrum með orku
• Einfaldara regluverk, fyrir hverja nýja lagagrein eru 16 gamlar skornar niður.
• Yfir 3% hagvöxtur tvo ársfjórðunga í röð

Árangurinn ofan kom í ljós ÁÐUR en skattaniðurskurður ríkisstjórnar Donald Trumps upp á 1,5 billjónir dollara var ákveðinn.

Til samanburðar má bera árangur Trumps við afrekaskrá Obama:

• Lægsta vinnuframboð síðan 1970
• Um 95 milljónir manns misstu atvinnuna
• Versti hagvöxtur síðan 1940
• Minnsta eignarhald á húsnæði í 51 ár
• Um 13 milljónir fleiri Bandaríkjamenn á matarmiðum
• Um 43 milljónir Bandaríkjamanna í fátækt

Kannski koma þessar upplýsingar að notum til að skilja ástæðuna fyrir kjöri Donald Trumps sem forseta Bandaríkjanna. 

 

Falskar fréttir og nú „fölsk bók“

Fylkingar myndast - hernaðarátök undirbúin í Evrópu og Asíu

Dökk ský eru á himni þessi áramót. Efnahagsleg, stjórnmálaleg og hernaðarleg. Stjórnmálaóróleiki ríkir um alla Evrópu með vaxandi uppreisn almennings gegn alríkishugmynd ESB-elítunnar.

Vilji almennra borgara hindrar þó ekki uppbyggingu 4.a ríkisins. Glaður Tusk sagði nýlega að draumurinn um eigin her sé orðinn að veruleika. Höfuðkrati Þýzkalands Martin Schulz lætur ekki stærsta kosningaósigur sósíaldemókrata frá stríðslokum seinni heimsstyrjaldar hindra boð um stofnun ofurríkis ESB í síðasta lagi ár 2025. Emmanuel Macron Frakklandsforseti hellir olíu á eldinn - hann vill komast í sögubækurnar sem stærsti ofurríkiskyndarinn. Ný skoðanakönnun YouGov í Svíþjóð, Finnlandi, Danmörku og Noregi ásamt Þýzkalandi, Bretlandi og Frakklandi sýnir gríðarlega andspyrnu íbúa landanna gegn ofurríkjadraumi Schulz.

Juncker forseti framkvæmdarstjórnar ESB getur ekki haldið beinni línu á þriggja metra breiðum teppadregli vegna ofurölvunar um hábjartan dag. Boris Jeltsin er skemmt. Og Adolf Hitler líka, því að tjaldabaki ræða smiðir 4.a ríkisins að halda eigi upp á 100 ára afmæli setningu Olympíuleikjanna í Berlín með því að afmá þjóðarauðkenni af búningum íþróttamanna sem einungis keppa í nafni stórríkisins á Ólympíuleikjunum 2036. Það ár verður ESB (ef það lifir) eins og Spánn 2017 og aðildarþjóðirnar í katalónskum viðjum. Her hins endurreista Varsjárbandalags verður sendur til að kveða niður uppreisnir innan sambandsins. Ungir Pólverjar segja því réttilega í dag að “kommúnismi nútímans er blár”. Framtíðin mun skera úr um, hvort blái stjörnufáni 20. aldarinnar verði hjúpaður sömu tilfinningum og rauði hakakrossfáni 19. aldar.

Efnahagur hins vestræna heims og verðbréfamarkaðir eru tálsýn, borin uppi af falskri bókfærslu um verðmæti sem ekki eru til. Búið er að tæma sjóði fjöldamargra ríkja gegnum bankakerfið.  Seðlabankar hins vestræna heims, sem eiga að gæta jafnvægis efnahagslífsins, hafa dælt inn billjónum innistæðulausra dollara og evra til að halda tálmyndinni á floti. Rætist spá ástralska hagfræðingsins Steve Keen um nýtt fjármálahrun af svipaðri stærð og Lehman Brothers fer hinn vestræni heimur á kaf. Búið er að tæma hirzlurnar og engin mótstaða eftir. Heilu ríkin munu fallera frítt.

Stjórnmálaelíta í höndum olígarka vill eyða fullveldi ríkja fyrir alræði elítunnar. Íslendingar hafa kynnst þessu í Baugi, Samfylkingunni og bankahruninu. Jónar alheims hafa baugsmiðla sem halda uppi fréttafölsunum og árásum á lýðræðislega rétt kjörna fulltrúa fólksins. Almenn skynsemi víkur fyrir bábiljum og gróusögum.

Hergagnaframleiðendur viðra morgunloft. Markaður dauðans í Miðausturlöndum er á leiðinni til Evrópu og Asíu. Nýlega varaði bandaríski hershöfðinginn Robert Neller við komandi stórstríði í Evrópu. Kannski átti hann við hugsanlega gagnsókn Úkraínumanna til að frelsa Austur-Úkraínu en Rússar hafa hótað blóðbaði ef Úkraínumenn nota nýju bandarísku vopnin sín til þess að reyna að endurheimta austurhlutann. Í Eystrarsaltsríkjunum og Póllandi er viðbúnaður við innrás Rússa og einnig í Svíþjóð og Noregi. Svíþjóð hefur endurreist herdeild á Gotlandi en varnarmálayfirvöld lýsa varnargetu Svía gagnslausri nema að varnir verði styrktar mjög fljótlega.

Í Asíu hafa stórveldin myndað fylkingar með eða á móti Kim Jong-un. Þrátt fyrir yfirlýsingar um hið gagnstæða hafa Rússar og Kínverjar tekið hernaðarstöðu með Norður-Kóreu. Rússar hafa flutt eldflaugakerfi að landamærum Norður-Kóreu sem ólíklega verður notað gegn Kim Jong-un. Kína, sem er á leiðinni fram úr Bandaríkjunum sem stærsta efnahagsveldi heims, segist fylgja samþykktum SÞ um viðskiptabönn. Engu að síður sýna gervihnattamyndir hvernig kínversk skip dæla olíu yfir í N-Kóreönsk skip þrátt fyrir samþykktir SÞ. Kína ögrar Suður-Kóreu með skipum sem sigla í lögsögu S-Kóreu og þvinga fram viðvörunarskot áður en þau hverfa á braut. 

Möguleikar Donald Trumps á eðlilegum samskiptum Rússlands og Bandaríkjanna á grunni Regans og Gorbatjovs í Reykjavík eru að engu orðnir. Búið er að brytja niður diplómatakerfi ríkjanna hvort hjá öðru. Eina ástæðan fyrir því að olígarkí Wall Street, alþjóðastórfyrirtækja og hermangara í Washington hefur ekki þegar flæmt Trump frá völdum er sú, að hann er nothæfur sem stríðsforseti í komandi átökum.

Brennið þið vitar, - farvel 2017.

Velkomið sértu 2018.

Ég þakka samfylgdina 2017 og óska öllum gæfu og gengis á nýja árinu.

 

Velkomin í "skítkastaraklúbbinn" - tízka staðreyndaleysis í hámarki 2017

Það er ógæfulegt fyrir Ísland að hafa greitt atkvæði með stjórnmálayfirlýsingu gegn sjálfsákvörðun Bandaríkjastjórnar að flytja sendiráð sitt til Jerúsalem, höfuðborgar Ísraels. Eins og að SÞ hafi eitthvað með það að gera, hvar USA staðsetur diplómata eða hvaða ríki USA velur að vinna með.

Ríkisstjórn Bandaríkjanna er heil. Hún gerir það sem hún segir. Hún segir það sem hún gerir. En bara af því að það er Trump sem er forseti er öllu tjaldað til að leggja Bandaríkjmenn í einelti. 

Bæði Fredrik Reinfeldt og Carl Bildt fyrrum forsætisráðherrar Svíþjóðar eru meðlimir í "skítkastaraklúbbi" heimsins gegn réttkjörnum forseta Bandaríkjanna, Donald Trump. Fyrst Bildt sem sagði að Trump hefði "reykt", þegar Trump benti réttilega á ofbeldið í Svíþjóð. Núna Reinfeldt sem sagði í viðtali við Aftonbladet, að Trump svaraði Kim Jong-un alltaf með "testesteróni". Sem sagt ef brjálæðingnum í Norður Kóreu tekst að myrða fjölda manns, þá er það Trump Bandaríkjaforseta að kenna. 

Paul Craig Roberts fv aðstoðarfjármálaráðherra Bandaríkjanna skrifar í pistli: 

"Ráðandi ólígarki gerir núna upp dæmið með Trump til að tryggja að engir forsetaframbjóðendur í framtíðinni geti beint máli sínu beint til fólksins. Þegar Trump sagði, að hann myndi stjórna í þágu fólksins og flytja aftur inn útflutt störf, þá réðst hann á gróða alþjóða fyrirtækjanna og þegar hann sagðist ætla að koma samskiptum við Rússland í eðlilegt horf, þá réðst hann á völd og gróða hernaðar- og öryggismálasamsteypunnar. Hann þarf núna að gjalda fljótfærninnar. Stóra spurningin er: Hvaða verð þurfa Bandaríkjamenn og allur heimurinn að borga fyrir þær takmarkanir sem hernaðar/öryggismálasamsteypan hefur lagt á getu Trumps til að gera samskiptin eðlileg við Rússland?"

Kosningin hjá SÞ þar sem Ísrael er gert að bitbeini sýnir hvoru megin í skítkastinu og falsfréttaflóðinu fólk velur að standa. Ísland hefur tekið niður fyrir sig og vikið af braut sjálfsagðrar virðingar fyrir sjálfsákvörðunarrétti þjóða. Ísland er komið í "skítkastaraklúbbinn" þar sem málefnin víkja fyrir persónulegum árásum og einelti. 

Gott mál hjá Bandaríkjastjórn að skera niður fé til fólks sem ekkert hefur annað við tímann að gera.

Skerða framlög til Sþ um 258 milljónir

Jólakort frá Stokkhólmi

Í auglýsingabruminu fyrir jólin er létt að vinda upp á 72 snúninga hraða og hlaupa, hlaupa út í búð til að kaupa, kaupa, kaupa. Pakka fyrir fullorðna og krakka - fleiri en þrjá eða fjóra og alls enga litla heldur bara stóra.

Viðvörunarbjöllurnar klingja. Margir bílar í bílaskýli gista í raun á eyðibýli. Loftið er mettað hátalararödd á öllum hæðum og Hó Hó maðurinn segir Gleðileg jól í sínum ræðum. Röddin blönduð málmi speglar brot úr engum sálmi.

Gleðileg jól, kaupið hó, hó tól segir rödd sem er svo sálarlaus um vetur að gervimaður gæti talað betur. Hó hó sveinninn er úr plasti með haus sem hreyfist í hasti en er svo skakkur og valtur, að maður verður af sjóninni einni saman haltur.

Hver vill sína daga á þessum nótum enda og í hó, hó kistunni lenda? Verzlunarmiðstöðin er full af lokkandi tilboðum og sálin verður á nálum. Hvað er ekta? Hvað er hilling? Er þetta allt saman eintóm spilling?

Búðarstúlkan brosir. Viltu kvittun? Mundu að borga. Gakktu út án þess að orga. Krítarkortin af silfurpeningum eru full. Enginn hefur áður séð annað eins lánagull.

Ding dong, ding dong - hringja klukkurnar fyrir King Kong? Súra, súra - er kærleikurinn horfinn á bak við múra, múra?

Frelsari er fæddur en hann er hæddur og ekki yrði ég hissa þótt hann væri hræddur. Skotin hvína, hverjir falla? Sumir fyrir vörubílum sem ekki eru með öllum mjalla.

Guð sé með oss. Í sál og hjarta og lýsi veginn úr myrkri yfir í veröld bjarta. Ég þakka öllum fyrir samfylgdina á árinu. Heims um ból.

Gleðileg jól!

Svíþjóð varnarlaust ríki - 40 myrtir, 135 særðir í 306 skotárásum í ár

Í hvítbókinni "Nýjar allsherjarvarnir" sem konunglega stríðsakademían í Svíþjóð birti nýlega, segir að varnir Svíþjóðar gegn hugsanlegri vopnaðri árás eða tölvuárásum séu svo hörmulegar að hægt sé að fullyrða að Svíþjóð sé varnarlaust land. Segir að með tölvuárásum sé hægt að "slá út rafmagn í öllu landinu og við það muni mest allt stöðvast - símakerfi, þráðlaus net, greiðslukerfi o.s.frv. Fólk byrjar að svelta eftir eina viku þegar matvörur klárast. Notkun árásaraðila á félagsmiðlum skapar ofsahræðslu, vantraust og uppgjafaranda. Við hernaðarárásir munu herdeildir í Svíþjóð, bæði landher og sjóher að öllum líkindum slást út eða hætta að virka. " (Úr formála hvítbókarinnar). Niðurstaða hvítbókarinnar er að Svíþjóð þurfi að byggja upp varnir frá grunni og stórefla hergetuna til að geta staðist hugsanlega fjandsamlega árás. 

Eftir útkomu hvítbókarinnar tilkynnti ríkisstjórn Svíþjóðar að tíminn sem fólk á að geta séð sjálfu sér fyrir mat áður en það leitar til ríkisins í styrjaldarástandi muni verða framlengdur frá 72 tímum upp í eina viku. 

Innanlands ríkir gengjastyrjöld. Sænska sjónvarpið gerði samantekt og lýsir ísköldum aftökum í gengjastríðum og hefndaraðgerðum. Það sem af er árs hafa 40 verið myrtir og 135 særðir í 306 skotárásum í Svíþjóð. Það er tvöfalt meira en fyrir fimm árum síðan. 1, 21 skotárás að meðaltali daglega. Meirihluti ódæðismanna og fórnarlamba þeirra eru ungir menn á tvítugsaldri. Flestar skotárásir gerast á almennum svæðum í þéttbýlum. Fram að þessu eru einungis 6 af 40 morðum leyst. 26 morðanna eða 65% voru framin í Stokkhólmi. Sænska sjónvarpið lýsti aftökusveit 4 ungmenna á aldrinum 20 og 21 árs frá Rinkeby í Stokkhólmi sem myrða gegn greiðslu og ráða lögum í Stokkhólmi. Morðið kostar á milli 3,7 -6,2 milljónir íslenskar.

Yfirvöld lofa hertari lögum en hversu margir munu falla fyrir byssukúlum á nýju ári í Svíþjóð?