Katrín vill brenna sparnað Íslendinga á báli grænu víkinganna

Í ávarpi á Norðulandaráðsþingi í Stokkhólmi í dag sagði Katrín Jakobsdóttir forsætisráðherra að það þyrfti að breyta skattlagningu svo hún þjóni markmiðum í loftslagsmálum (lesist stórauka skattpíningu landsmanna með nýjum "grænum" sköttum).

En hún gengur enn lengra með kröfu um að "tryggja að lífeyrissjóðir og sjóðir hins opinbera fjárfesti í grænum skuldabréfum". Ætlar hún að sjá til þess að grænu víkingarnir hirði sparnað landsmanna í lífeyrissjóðunum og einnig tæma ríkissjóð til þess að sýna að Ísland fylgi réttrúnaði í loftslagsmálum.

Norræna ráðherranefndin fylgir blint sænskum krötum sem lofuðu að Svíþjóð hefði minnsta atvinnuleysi innan ESB 2020 en Svíþjóð hefur nú næst mest atvinnuleysi innan ESB. Stórar hástemmdar yfirlýsingar, þar sem ráðherraliðið fjálgmælist og ropar gylliorð hvert framan í annað eru ekki pappírsins virði þegar á reynir og það gildir einnig um blaðrið um "nýja framtíðarsýn" fyrir Norðurlöndin sem "sjálfbærasta og samþættasta svæði í heimi árið 2030." 

Það eina sem er sjálfbært við svona stjórnmálablaður er ælupoki flugfélaganna sem væri mikið góðgerðarverk að dreifa ókeypis til almennings á jörðu niðri. Það eina sem er "samþætt" (veit nokkur hvað orðið þýðir?) er afritunargarg vinstrisinna sem apa allt eftir misheppnuðum sænskum sósíaldemókrötum sem hafa enga stjórn lengur á samfélagsþróuninni í Svíþjóð.

Verða hugmyndir forsætisráðherrans og ESB-sinnaðrar ríkisstjórnar Íslands samþykktar verður framið stærsta rán Íslandssögunnar sem ekkert mun slá eftir bankaráni útrásavíkinganna forðum.

Fólk ætti að hraða sér í bankann og lífeyrissjóðina og taka út allar innistæður sínar og hafa undir koddanum áður en gjörspilltir stjórnmálamenn brenna eigur landsmanna á báli grænu víkinganna.

Þakkaði ungmennum fyrir loftslagsverkföllin

George Soros: Alþjóðahyggjan mun sigra

Í nýju viðtali við New York Times segir alþjóðavinur ESB-sinna á Íslandi, marxíski fjármálasvindlarinn George Soros, að Donald Trump sé undantekning og að alþjóðahyggjan muni fljótlega sigrast á þjóðernishyggjunni. George Soros er stærsti styrktaraðili Demókrataflokksins og að hans mati er Elizabeth Warren þingmaður Demókrata hæfust til að verða forseti Bandaríkjanna. Samt segist hann ekki styðja hana opinberlega, því "andstæðingar hennar myndu nota það gegn henni".

"Ég er hreykinn af óvinum mínum. Það er besta leiðin til að sjá hver sé einræðisherra eða á leiðinni að verða einræðisherra ef viðkomandi skilgreinir mig sem óvin."

George Soros vill vera erkiengill jarðarbúa og samtök hans Open Society styðja og fjármagna loftslagsverkföll ungmenna og öfgaloftslagsstefnu um allan heim. Hann segir aþjóðahyggjuna hafa mætt mótbárum vegna vaxandi þjóðernishyggju í seinni tíð en er sannfærður um að alþjóðahyggjan muni vinna sigur yfir þjóðernishyggjunni að lokum. Alþjóðahyggjan er skv. Soros eitt efnahagssvæði með sameiginlegri löggjöf – líklega þeirri sem hann kaupir af spilltum stjórnmálamönnum.

Gréta málsvari ritskoðunar á samfélagsmiðlum

Gréta Thunberg hótar að hætta á Facebook nema að Facebook þurrki burt "hatursskrif" þeirra sem eru henni ósammála. 

Greta Thunberg heldur á lofti ritskoðunarstefnu stjórnvalda í Svíþjóð sem hafa fengið Google og Facebook í samstarf til að slökkva á gagnrýnisröddum við innflytjendastefnu yfirvalda. Þekktustu dæmin um þá ritskoðun eru swebbtv.se sem Youtube hefur tvisvar slökkt á en neyðst síðar að kveikja á aftur vegna mótmæla. Síðast slökkti Youtube á redice.tv og eyðilagði 10 ára starf á nokkrum sekúndum. Bæði Swebb tv og Redice tv fjalla um innflytjendastefnu sænsku ríkisstjórnarinnar á gagnrýninn hátt.

Facebook er harðlega gagnrýnt fyrir að hafa hreinsað burtu einstaklinga, hópa og fréttamiðlun sem ekki er netrisanum að skapi og facebook kallar "fake news". Facebook hefur tekið sér hlutverk fréttamiðils sem ákveður sjálfur hvað er birtingarhæft og hvað ekki.

Í heimi Grétu og góða fólksins má ekki borða kjöt, búskapsbændur eru hundeltir og bannað að fljúga. Að allir eru ekki sammála Grétu er augljóst eins og t.d. eyðilegging vegglistaverks í Kanada sýndi en yfir mynd af Grétu var málað "út úr Kanada!".

Greta Thunberg íhugar að hætta á Facebook

Hrekkjavika í boði ESB - allt árið

Þá er haustfríi lokið eftir ferðalag m.a. til Búdapest. Alltaf gott að koma þangað en þar voru bæjar- og sveitastjórnarkosningar og skipt um borgarstjóra í Búdapest. Flokkur Viktor Orbáns tapaði og vinstra liðið vann og fyrsta loforð hins nýja meirihluta var að slefa fyrir George Sóros með ósk um að hann kæmi aftur til Ungverjalands með eitthvað af aurum. Viktor Orbán er hins vegar staðfastur leiðtogi sem fjölgar í landamæragæslunni og ávarpaði fjölda nýráðinna liðsmanna á hinu fallega hetjutorgi og hvatti þá til að standa vel vörð um Ungverjaland. Orbán ver kristin gildi, fjölskylduna og segir Ungverja ekki taka við innflytjendum frá ESB nema að Ungverjar ráði við að aðlaga þá að ungverskum siðum.

Annað gildir í ESB og þar er Svíþjóð verstbest og gott að komast burtu þaðan í nokkra daga og hvílast án skothelds vestis. Í Svíþjóð eru sprengingar hversdagslegur hluti nútíma ímyndar landsins. Fjöldi öryggissérfræðinga, háskólaprófessora og annarra vara við eyðileggingu sænska ríkisins. Prófessor Wilhelm Agrell við háskólann í Lundi skrifar í Sænska Dagbladet að "Svíþjóð hefur orðið fyrir barðinu á vaxandi og sífellt grófara, glæpsamlegu ofbeldi...Einkaréttur samfélagsins á ofbeldi, sjálft auðkennið á virku, sjálfstæðu ríkisvaldi, hefur skref fyrir skref verið brotið niður og finnst ekki lengur. Stofnanir samfélagsins hafa breyst í að vera einn af mörgum aðilum sem beita ofbeldi." Framtíðarsýnin sem prófessorinn boðar verði ekki gripið til róttækra aðgerða er ófögur fyrir þetta forðum svo friðsamlega land.

Hrekkjavika stendur fyrir dyrum og vonandi kemur í ljós hvort hinni eilífu Brexit hrekkjaviku ESB-sinna í Bretlandi lýkur. Bæði í Bretlandi og á Íslandi stendur baráttan milli lýðræðislegra kjörinna embættismanna og starfsmanna kerfisins sem enginn hefur kosið. Sýnu verr á Íslandi með svo marga stjórnmálamenn sem eru í hlutverkum "undirmanna embættismanna" svo vitnað sé í Reykjavíkurbréf dagsins:

"Þegar við bætist að nánast allur þorrinn af löggjöfinni kemur nú annars staðar frá, þvert á gefin fyrirheit, og því sé blákalt haldið fram að heimildin til þessa hafi verið svikin inn á þjóðina, þá er orðið lítið eftir. Niðurstaða „stjórnvalda“ í seinasta deilumáli var sú að Ísland hefði ekki lengur heimild til þess að hafna fyrirmælum sem send væru að utan til fullgildingar hér. Þótt athæfið brjóti sannarlega bæði lög landsins og stjórnarskrá þess þá breyti það ekki því að óheimilt sé að horfa til slíkra heimilda, vegna þess ótta sem embættismenn hafi komið sér upp og miðlað til undirmanna sinna, stjórnmálamannanna." Reykjavíkurbréf 26.okt 2019

Að íslenskir ESB-sinnar hafa hreiðrað um sig í kerfinu og róa öllum árum að því að koma landinu inn í ESB er vel lýst í 25 milljón króna skrifborðssnákafæðu sem gengur undir nafninu EES-skýrslan. Þar er lýst í flækjupunktum hvernig rústa á stjórnarskránni og leggja lýðveldið að velli svo báknverjar geti matað krókinn það sem eftir er í þjónustu ESB eins og hirð Lúðvíks XIV Sólarkonungs forðum. 

Endalaus hrekkjavaka í boði báknverja.

Danir leyfa ekki mistök Svía

Dómsmálaráðherra Dana, Nick Hækkerup, kynnti herta stefnu Dana gegn glæpum og er eitt aðalatriðið að koma á landamæraeftirliti við Svíþjóð til að koma í veg fyrir að sprengju- og morðóðir "Svíar" komi yfir sundið og drepi Dani eins og tíðkast hefur að undanförnu.

"Við höfum séð ógnvekjandi þróun í Svíþjóð með sprengingum og auknu ofbeldi. Við höfum fylgst með þessu og ákveðið að styrkja landamæravarnir gegn Svíþjóð. Þetta má alls ekki verða hversdagsmatur í Danmörku. Við munum tryggja öryggi Dana” sagði dómsmálaráðherrann á blaðamannafundi í morgun. Landamæraeftirlitið tekur gildi 12. nóvember n.k.

 

Nick Hækkerup er sósíaldemókrati og neyðist núna til að þrífa upp glæpaverk sænskra flokkssystkina sinna þar sem dauðinn er útflutningsvara. Sænskir kratar halda áfram hömlulausum og eftirlitslausum mannflutningi til Svíþjóðar frá Afríku og Miðausturlöndum með tilheyrandi fjölgun á nauðgunum, bílaíkveikjum, skotbardögum, manndrápum og sprengingum. 

 

Sænskir kratar eiga Norðurlandamet í mannvonsku og skiljanlegt að aðrir norrænir kratar vilja ekki feta ekki í fótspor þeirra.

Boðar eftirlit á landamærum Svíþjóðar

Fáheyrð krafa ESB um yfirráð yfir Norður-Írlandi

Markmið Evrópusambandsins er að stöðva Brexit með öllum tiltækum ráðum og er lýðræðislega kjörnum fulltrúum Bretlands sem framfylgja vilja þjóðarinnar lýst sem ófreskjum. Ástæðan fyrir því að samningar takast ekki við Breta um útgöngu úr ESB er hin  yfirgengilega, fáheyrða og fordæmalausa krafa ESB, að Bretar afhendi ESB yfirráðin yfir Norður-Írlandi. Að sjálfsögðu verða Bretar ekki við þessari landnámskröfu stórveldisins. Þetta er ámóta fáranlegt og að ESB krefðist að Vestmannaeyjar yrðu áfram í EES-samningnum og í lögsögu ESB ef Íslendingar vildu segja upp samningnum! 

Þarna sýnir ESB sitt rétta andlit með kröfu um yfirráð yfir löndum og landssvæðum; Norður-Írland í skiptum fyrir útgöngu Breta. Og þetta kalla fylgismenn ESB "frjáls viðskipti"!! 

ESB heldur breska þinginu í gíslingu með meirihluta þingmanna fylgjandi áframhaldandi veru Breta í ESB gegn vilja þjóðarinnar. Þar er reynt að eyðileggja eins mikið og hægt er fyrir lýðræðinu og lýðræðislega kjörnum embættismönnum sem hlýða kalli þjóðarinnar um útgöngu úr ESB.

Fyrr eða síðar komast Bretar úr prísundinni, Íslendingar ættu að lýsa yfir stuðningi við sjálfstæðisbaráttu Breta og bjóða þeim ferskan fisk eins og í den.

Ég ræddi þessi mál við Arnþrúði Karlsdóttir og Pétur Gunnlaugsson á útvarpi Sögu í gær.

Mun berjast fyrir útgöngu án samnings

Svívirðileg framkoma Kínverja gagnvart friðsömum mótmælum íbúa Hong Kong

"Þið hafið kennt okkur að friðsamleg leið er ekki lengur fær" skrifaði einn mótmælenda á húsvegg. Íbúar Hong Kong eru innikróaðir í gildru hinnar miskunnarlausu og tortímandi kommúnistastjórnar Pekings. Það sem byrjaði sem friðsöm mótmæli er nú orðið að frelsisstríði íbúa Hong Kong til varnar lýðræðislegum mannréttindum og að fá að lifa sjálfstæðu lífi. Á það hlusta kommúnistar ekki neitt og beita allt harkalegri ofbeldi gegn saklausu, vopnlausu fólkinu. Rauði herinn er í viðbragðsstöðu, nýbúið að halda stóra montsýningu á Torgi hins "himneska friðar" og núna má búast við að Peking láti sverfa til stáls og blóðið látið flæða í Hong Kong.

Það eina sem íbúarnir í Hong Kong vilja er að fá að lifa sínu eigin lífi sjálfir án íhlutunar Kína. Það fá þeir ekki, ekkert er að marka loforð kommúnistastjórnar Kína um "eitt ríki tvö kerfi", Kommúnistaflokkur Kína leyfir ekkert annað kerfi en kommúnismann og byssurnar látnar tala. Kínverjar hafa plantað útsendurum í raðir mótmælenda, sem núna eru að átta sig og leita uppi og finna slíka njósnara. Myndin að ofan sýnir þegar lögreglumaður sem laumaði sér í raðir mótmælenda hafði slegið út tennur eins mótmælandans og fengið liðstyrk til að yfirmanna hann. Leikurinn er ójafn, allt traust fyrir lögreglunni farið, þar sem hún hlýðir pólitískum skipunum kommúnista í stað þess að vinna fyrir fólkið. Á annað þúsund manns hafa verið handteknir.

Engar keyptar heilsíðu áróðursauglýsingar kínverska kommúnistaflokksins í vestrænum blöðum ná að byrgja þá miður fögru sýn sem birtist á götum Hong Kong.

Fólkið í Hong Kong á alla samúð skilið. Greinilega eru viðskiptaþvinganir við einræðisrisann ekki nógu sannfærandi.

Ætlar hinn vestræni heimur að horfa þegjandi á kínverska kommúnista murka lífið úr íbúum Hong Kong? Af hverju mótmælir utanríkisráðherra Íslands ekki harðlega þessarri svívirðilegu framkomu kínverskra kommúnista?

Leigubíll ók á mótmælendur í Hong Kong

Svíþjóðardemókratar velta sænskum sósíaldemókrötum af stalli

Sem eðlilegt framhald af þeirri brjálæðisvegferð sem sænskir sósíaldemókratar eru á með blindri afneitun á skothrjáðri þjóð í landi sem hefur verið opnað upp á gátt fyrir alþjóðlega glæpahringi, þá veita nú sífellt fleiri Svíar Svíþjóðardemókrötum traust. 
Í nýjustu könnun Expressen Demoskop tapa Sósíaldemókratar rúmlega 5% frá þingkosningunum og Svíþjóðademókratar bæta við sig og eru nú svipað stórir og Sósíaldemókratar. Munurinn er svo lítill að ekki er hægt að fullyrða hvor flokkurinn sé stærsti flokkur Svíþjóðar. Þar með hafa Svíþjóðademókratar tryggt sig í sessi sem eitt stærsta stjórnmálaafl landsins.

Og það er vel. Svíþjóð er í fríu falli, efnahagslega, menningarlega, stjórnmálalega.

Kjarnahópar krataflokksins eldra fólk og lágtekjufólk flykkjast til Svíþjóðardemókrata. Móderatar tapa fylgi til Svíþjóðademókrata, í nokkur ár hefur flækst fyrir Móderötum hvernig þeir eiga að nálgast Svíþjóðardemókrata. Álög jafnaðarmanna er þykk steypa mörgum um megn.  Svíþjóðardemókratar einir hafa hreinan skjöld gagnvart krötum og hafa því mátt þola - eins og meirihluti Svía - útskúfun þingræðis og lýðræðis.

Samanlagt hafa Svíþjóðardemókratar, Móderatar og Kristdemókratar 49%. Frjálslyndir ná ekki inn á þing skv. könnuninni. Sósíaldemókratar, Vinstri flokkurinn, Miðflokkurinn og Umhverfisflokkurinn hafa samtals 45%.

Gíslataka krata á lýðræðinu er farin að bera ávöxt. Fólk rís upp gegn útilokun 23% kjósenda. Seinni hluti útrýmingasögu krataflokksins kemur, þegar íslamskir innflytjendur fá eigin stjórnmálaflokk og koma á sharía lögum í Svíþjóð. Þá munu þeir sem enn kjósa sænska krata yfirgefa þá og fullskapa það víti sem kratarnir hafa opnað dyrnar að.

PS. Helmingur sveitarfélaga í Svíþjóð nær ekki endum saman og mörg eru gjaldþrota. Angistarópin berast hvaðanæva að. Glæpaklíkurnar herða tökin á landinu. 50 glæpaklíkur í höfuðborginni einni. Atvinnuleysi Svíþjóðar næst mest innan ESB. Stálbað á næstu stoppistöð. Í Stokkhólmi trónar nígeríanska eiturlyfjamafían Black Axe og dregur afríkanska innflytjendur í eiturlyfjaneyslu, vændi og afbrot með voodoo brögðum. Fangageymslur yfirfullar og ofbeldið breiðir úr sér...hratt, hraðara, hraðast í vesturheimi. 

Framtíðin er glæsileg fyrir glæpamenn í Svíþjóð.

PS.PS: Ranglega er sagt undir mynd með frétt Mbl að einungis "15 hafa orðið fyrir lífshættulegum skotum í Svíþjóð það sem af er árs". Skv. sænska sjónvarpinu voru 182 skotbardagar í Svíþjóð með 25 drepnum fyrstu sex mánuði ársins. Tala látinna hefur hækkað töluvert síðan. 45% aukning sprengjuódæða í ár og ekkert lát á nauðgunarfaraldri sem gerir Svíþjóð að heimsmeistara í þeirri grein.

50 glæpagengi að störfum í Stokkhólmi