Bloggfærslur mánaðarins, febrúar 2019

Glæsilegur þingflokkur Miðflokksins

mid

dokument2Miðflokkurinn stækkaði óvænt eftir slúðurherferð gulu pressunnar. Jafnvel þótt fundir þingflokksins væru galopnir fyrir upptökum ferðamanna, þá fengi enginn þeirra titilinn kona ársins fyrir vikið. Fjósapúkinn fitnar á Klaustur bar en ekki á Alþingi, -engan veginn nálægt þingmönnum sem þjóna meðborgurum af heilu hjarta. Þótt þröngt sé við borðið er eflaust pláss fyrir löglegan upptökustól merktum Marvin.

Í næstu kosningum þegar landsmenn moka grátkór afmælisstjórnar fullveldisins út af þingi mun Miðflokkurinn marka spor. Ef flokkurinn stækkar ekki mun slúðurpressan senda út Garvin. Og ekki veitir nú af þegar tárakirtlar ráðherra eru skrælnaðir eftir keppni í flóði krókódílatára í fjölmiðlum: "Æ, æ, við höfum smitast af EFTA-dómum, æ, æ, við áttum að gera betur, æ, æ, ódrepandi ESB-sýklar! Ríkisstjórnin hefur snarað inn stjórnarráðið og hent lausa endanum til Brussel og hrópar: Herðið ólina!

Þingflokkur Miðflokksins er The Untouchables. Alla vega gegn ólöglegum upptökutækjum, Gróu á Leiti og greftri Panamaskurðar gegnum þjóðina.


Fyrst Icesave, síðan Panama, nú þetta: ESB-snara um háls lýðveldisins Íslands

200px-Coat_of_arms_of_Iceland.svgSvo virðist sem ríkisstjórnin ætli að taka endanlegt skref og afnema stjórnarskrá Íslands í verki með eftirliti ESB á lagatillögum Alþingis. Fær ESB með nýrri tilkynningaskyldu EES-ríkja möguleika á að stöðva lög og senda tilbaka sem ekki henta lagabálkum sambandsins.

Þetta er snara um háls þjóðarinnar og innlimun undir valdakrumlur ESB. Viljinn skrifar: "Gangi breytingarnar eftir mun framkvæmdastjórn ESB eða Eftirlitsstofnun EFTA hafa vald til að stöðva slíkar ákvarðanir stjórnvalda (Alþingis, ríkisstjórnar, sveitarstjórna) í EFTA-löndunum. Framkvæmdastjórn ESB getur þá einnig stöðvað ákvarðanir þjóðkjörinna fulltrúa ef það telur að ákvörðunin sé ekki réttlætanleg eða nauðsynleg á grundvelli almannahagsmuna." 

Nú ætti framhaldssaga Icesave að fara að renna upp fyrir mönnum, þriðji kaflinn hafinn í baráttunni um að koma völdum á Íslandi í hendur ESB. Þetta áhlaup er undanfari yfirtöku landsins ef til styrjaldar kemur. Með yfirráðum landsins tryggir ESB sér mikilvæga stöðu á Norðurslóðum. Auðlindir Íslands fylgja sjálfkrafa með beinni stjórnsýslu lýðveldisins. 

Samþykki Alþingi lög um þessa málsmeðferð og forseti staðfestir verður það ekki gert nema í trássi við skilmála stjórnarskrárinnar um að breytingar á stjórnarskrá eigi að gera á tveimur kjörtímabilum með alþingiskosningum á milli. Hvernig ríkisstjórnin og forsetinn ætla sér að sniðganga stjórnarskrána á eftir að koma í ljós en varla verður slíkt gert án þess að vekja reiði og jafnvel uppreisn lýðræðiselskandi Íslendinga.

Er ríkisstjórnin að hleypa öllu í bál og brand? 

Hér er linkur á mótmæli samtaka og einstaklinga 14. janúar s.l. "Stöðvum tilkynningarskyldu við ESB - sveitarstjórnir þarfnast lýðræðis til að vernda hagsmuni íbúanna!"


Miðflokkurinn stærsti stjórnarandstöðuflokkurinn

22552442_121318565215010_6892790137392834209_nÞað er mikill fengur fyrir Miðflokkinn að fá þingmennina Karl Gauta Hjaltason og Ólaf Ísleifsson til liðsinnis. Verður Miðflokkurinn stærsti stjórnarandstöðuflokkurinn á Alþingi og þriðji stærsti stjórnmálaflokkur Íslands. Inga Sæland rak þingmennina úr Flokki fólksins eftir barferð og markar það upphafið af endalokum þessa flokks. Segir það mikið um formanninn Ingu Sæland að hún virðir slúður Gulu pressunnar meira en lög og rétt. 

221c411e0faa84684316713a74ac72b0Ég hef haft kynni af báðum þingmönnunum og veit að þeir vinna í einlægni og af drengskap í þjónustu almennra borgara. Margir Íslendingar misstu allt sitt í bankahruninu 2008 og ekki verið lokið við skuldaleiðréttingu heimilanna sem ríkisstjórn Sigmundar Davíðs Gunnlaugssonar lagði af stað með. Miðflokkurinn er því málefnalega réttur stjórnmálavettvangur Ólafs og Karls Gauta. 

Ég óska þeim báðum svo og Miðflokknum til hamingju með samstarfið og velgengnis á komandi árum.


mbl.is Ólafur og Karl Gauti í Miðflokkinn
Tilkynna um óviðeigandi tengingu við frétt

Forystusauður utanríkisráðuneytisins leiðir þjóðina beint í drekkingarhyl ESB

falling-sheep"Ekkert annað svar en samstaða og sókn" segir Haraldur Benediktsson þingmaður Sjálfstæðisflokksins og harmar að fjársterk fyrirtæki hafi völdin á Íslandi. Vill þingmaðurinn "lyfta íslenskum búvörum og gera þær að fyrsta kosti allra neytenda."

Hversu heitt sem þingmaðurinn óskar sér, þá mega orð hans sín lítils gegn landbúnaðarstefnu ESB sem sjálfstæðisframsóknarvinstrigræningjar hafa innleitt á Íslandi þvert á móti gefnum loforðum.

Forystusauður utanríkisráðuneytisins hrósar ríkisstjórninni fyrir landbúnaðarstefnu sem henti séraðstæðum Íslands. Séraðstæður ríkisstjórnarflokkanna er að gera ESB-niðurgreiddar landbúnaðarvörur að ófrystum kosti allra neytenda. Gengið verður að íslenskum landbúnaði dauðum og bændastéttinni útrýmt. 

Öðru eins viðskiptafrelsi og EES-samningurinn býður upp á hafa Íslendingar ekki kynnst síðan á tíma verslunareinokunar danskra kaupmanna á 17. og 18. öld. Ekkert frelsi er til fyrir íslenska bóndann innan ESB, allar vörur eru þegar framleiddar annars staðar og eru tilbúnar að taka yfir íslenska markaðinn með átthundraðföldu skattfé í handarjaðrinum.

Össur Skarphéðinsson f.v. utanríkisráðherra tókst ekki að selja Íslendingum snákaolíu í aðildarpakka ESB. Núverandi ríkisstjórn drekkir landsmönnum í snákaolíu EES-samningsins.

Augljóst mál að þjóðin þarf eina ferðina enn að reisa varnarmúr kringum stjórnarskrána. Í þetta sinn vegna Bænda- og Orkusave.


mbl.is Hagsmuna Íslands ekki gætt
Tilkynna um óviðeigandi tengingu við frétt

Að hengja bakara fyrir smið

Skärmavbild 2019-02-19 kl. 12.57.13Miðað við skoðanir Ragnhildar Sverrisdóttur stendur orðið hómofóbía eiginlega fyrir hana sjálfa sem treður eigin kynstefnu uppá annað fólk. Það sést skýrt á æsingnum, þegar hún ásakar Davíð Oddsson ritstjóra Morgunblaðsins fyrir ofstækisfullan málflutning gegn samkynhneigðum vegna tilvitnunar Staksteina í blogg mitt um ný skólalög í Frakklandi, þar sem afnema á orðin faðir og móðir. 

Ef það er rétt, að um 95% hjónabanda eru milli tveggja einstaklinga af gagnstæðu kyni, þá hljómar það ekki beinlínis framfarasinnað að þeir hinir sömu eigi að ræna börnum sínum möguleika á að nota orðin faðir og móðir. Jafnvel ekki þótt slík hjónabönd væru aðeins 5%. Setningin "kippa stoðunum undan kjarnafjölskyldunni" er mín og ég stend fyrir þau orð hvar og hvenær sem er.

Tilvist samkynhneigðra er ekki "sök" gagnkynhneigðra og því missir árás Ragnhildar á ritstjóra Morgunblaðsins fullkomlega marks. Öll börn eiga föður og móður - líka börn samkynhneigðra. Að "hómóvæða" tungumálið leysir ekki jafnréttisvandamál samkynhneigðra.

Jafnrétti gildir nefnilega fyrir alla burtséð frá kynhegðun og kyngreiningu. Að krefjast þess að heimurinn umturni sér fyrir sérþarfir samkynhneigðra ber vott um takmarkalausa eigingirni. 


Frakkar afnema orðin faðir og móðir - talin kúga samkynhneigða - foreldri 1 og 2 notuð í staðinn

foreldri1Þetta er ekki frásögn úr vísindaskáldsögu. Þetta er engin lygi. Þetta er frásögn af nýjum skólalögum í Frakklandi.

Héðan í frá verða orðin móðir og faðir ekki lengur notuð þar sem þau tryggja ekki jafnrétti samkynhneigðra. Orðin eru sögð gamaldags þar sem þau taka hvorki tillit til samkynhneigðra foreldra ná henta nútíma lögum um hjónabönd samkynhneigðra. Orðin foreldri 1 og 2 koma í staðinn í lögum um "skóla sem hægt er að treysta".

Valére Petit fulltrúi REM-flokks Macron segir að margar fjölskyldur séu á tímamótum gamaldags fjölskyldulíkana. "Þessi breyting táknar félagslegt jafnrétti". 

Halda mætti að Macron sé í beinu sambandi við Kölska sjálfan. Lögin kippa stoðunum undan kjarnafjölskyldunni - sjálfum grundvelli samfélagsins. Börn í Frakklandi verða heilaþvegin með nýju hugtökunum frá þriggja ára aldri.

AFDH samtök franskra samkynhneigðra foreldra tóku vel í lögin en varaði samt við stéttaskiptingu á milli 1 og 2: "Hver á að vera foreldri 1 og hver á að vera 2?"spyr formaður samtakanna. 

Greinilega verður mikið að gera í breytingu ritaðs máls til að lagfæra kúgun samkynhneigðra. 

Tvö dæmi, annað úr Stjörnustríði, þegar Svarthöfði upplýsir Loga um tengsl þeirra tveggja - sjá mynd. Hitt dæmið er þekkt bæn: "Foreldri eitt, þú sem ert á himnum...." 


Fjallkona Íslands

fjallkonanVigdís Hauksdóttir meinar það sem hún segir. Hún gerir það sem hún meinar. Eins og bestu fjallkonur.

Það var heillaspor fyrir Reykvíkinga að fá Vigdísi Hauksdóttir í borgarmálin. Svínarí Samfylkingarinnar sem keyrt hefur fjármál borgarinnar í botn og lifað glys- og glamúrlífi á svita og tárum borgarbúa hefur fyrir löngu síðan flætt yfir öll flóamörk.

Það er til marks um kjark og dug, að GERA EITTHVAÐ í málunum. Hingað til hefur litlu sem engu verið hreyft - aðeins talað.

En þegar Vigdís Hauksdóttir kom inn á sviðið gerast hlutirnir, pálmatrén fjúka, braggagullið kemst upp á yfirborðið og höfuðpaurinn Dagur B. Eggertsson reynir að fela síg í sífellt minnkandi sjálfsskugga til að myrka glæpaverkin.

Þrátt fyrir að kærufrestur sé fyrir löngu útrunninn er rétt að reyna á þessa leið fyrst áður en áfram er haldið.

Borgarmálin eru í þvílíku uppnámi að það eina sem getur hreinsað burtu óloftið eru nýjar sveitastjórnarkosningar í Reykjavík. Gjarnan undir opinberu eftirlit.


mbl.is Vigdís kærir borgarstjórnarkosningar
Tilkynna um óviðeigandi tengingu við frétt

Ókrýndur herforingi glóbalista ógnar heimsfriðinum

Jens Stoltenberg framkvæmdastjóri NATO hefur fullkomlega rétt fyrir sér í viðvörun til ESB um stofnun ESB-hersins. Slíkur her þjónar ekki vörnum ríkja á meginlandinu heldur einu stórveldi sem getur dregið heiminn út í stríð eina ferðina enn. Að sniðganga Bandaríkin er ögrun við söguna og þungar fórnir Bandaríkjamanna í fyrri stríðum Evrópu. Án Bandaríkjanna hefði þýzka morðmaskínan ekki verið stöðvuð. NATO hefur tryggt friðinn í Evrópu, hvorki Þýzkaland né Frakkland né ESB hafa gert það, þótt ESB reyna að stela afrekum Bandamanna.

Soros-FT-640x480Núna blæs ókrýndur herforingi bláa stjörnufánans, marxíski auðkýfingurinn George Soros til stríðs gegn fullveldissinnum hvar sem er í heiminum (blessuð sé minning Jóns Sigurðssonar). Í nýrri grein skrifar Soros, að ESB standi frammi fyrir allsherjarhruni nema að stuðningsmenn ESB "vakni úr svefni." Segir Soros valdhafa í heiminum þurfa að skilja að stjórnmál snúist ekki lengur um verkafólk gegn kapítalistum heldur með eða á móti ESB og glóbalismanum. Soros hótar með "martröð aldarinnar" ef glóbalistar tapi í kosningum til ESB-þingsins í maí n.k. Donald Tusk einn af forsetum ESB segir þá sem ekki vilja vera með í ESB eiga heima í helvíti. 

Lýðræðið eins og við þekkjum það er undir árás. Evrópuher Soros&Co á að nota gegn ríkjum Evrópu sem ekki fylgja ESB að málum. Vígbúnaðarkapphlaup er hafið í kappi við klukkuna. Hinn frjálsi heimur hefur sem fyrr bandamann í Bandaríkjamönnum og NATO.


mbl.is Varar við Evrópuhernum
Tilkynna um óviðeigandi tengingu við frétt

Nýjar kosningar eina leiðin til að hreinsa andrúmsloftið í Reykjavík

800px-Reykjavik_Coat_of_Arms.svgHneykslismálum úr stjórnsýslu Rekjavíkurborgar rignir yfir okkur þessa dagana og virðist engan enda taka. Kosningaáróður borgarstjórnar í síðustu sveitarstjórnarkosningum er meint lögbrot samkvæmt úrskurði Persónuverndar í vikunni.

Að borgaryfirvöld földu megintilgang inngripa í kosningaferlið fyrir Persónuvernd er ein og sér næg ástæða fyrir ógildingu síðustu sveitarstjórnarkosninga í Reykjavík og að kosningar fari fram að nýju. Borgarstjórn hefur fyrir utan meintan kosningaáróður gefið út villandi kosningaleiðbeiningar sem er brot á lögum um kosningar til sveitastjórna.

Að fela afstöðu fulltrúa minnihlutans fram yfir kosningar er ólýðræðisleg valdbeiting borgarstjórnar, vægast sagt, sem misnotar stöðu sína til að hafa áhrif á kosningarnar sínum flokkum í vil. Meint kosningaspjöll sem einnig ógilda niðurstöðu kosninganna í Reykjavík.

Eyðing tölvupósta, ítrekuð ósannindi vegna brota á fjárlögum borgarinnar og útboðsreglum eru dæmi um önnur afbrot í stjórnsýslu höfuðborgarinnar.

Ef meirihluti borgarstjórnar Reykjavíkur á að fá að komast upp með margítrekuð lögbrot verða kosningalög og lýðræðisreglur fótum troðnar og traust kjósenda rofið, sem mun taka mun lengri tíma og kosta meira að laga en að endurtaka kosningarnar í Reykjavík.

Yfirkjörstjórn á að láta málið til sín taka og ógilda kosningarnar. Það er hreinasta, fljótvirkasta leiðin til að taka á sukkinu í stjórnkerfi Reykjavíkurborgar og hreinsa það eitraða andrúmsloft sem eyðileggur hefðbundin störf í þágu Reykvíkinga.

 

 


mbl.is Ítrekað var óskað eftir áliti
Tilkynna um óviðeigandi tengingu við frétt

Hærra plan helvítisveirunnar heilaeinkenni stjórnsýslunnar

dreamstime_xs_96872832Einn af forsetum ESB, Donald Tusk, sagði á blaðamannafundi, að þeir sem styddu Brexit væru íbúar helvítis. Annar forseti ESB, Juncker, sagði að hann væri í helvíti í starfi sínu hjá ESB en hefði enn ekki hitt þessa íbúa helvítis sem hinn forsetinn talaði um. Þriðji forsetinn á eftir að segja sitt til að fullkomna hærra plan helvítisveirunnar.

Orðafimleikar utanríkisráðherra Íslands minna á fyrirennara hans sem reyndi að sannfæra landann um, að með ESB fylgdi dýrðarglampi í pakka til Íslendinga, sem að pakkanum meðteknum fengju að hlýða á hörpuslátt að eilífu. Við svo búið yrði ekki á hærra plan komist. Núverandi utanríkisráðherra vill ekki vera minni en fyrirennarinn og lofar orkupakka númer þrjú með síst minni glampa.

Íslendingar hafa heyrt og séð þetta áður. Lýðræðislega kjörinn embættismaður sem tapar jarðtengingunni við snertingu Evrópusambandsins. Sambandi sem setur sífellt ný met í atvinnuleysi, sköttum, fátækt, bókhaldsóreiðu, spillingu, fjármálasvindli, valdmisbeitingu,  ríkjakúgun, handtökum lýðræðissinna og núna síðast innflutningi öfgaíslamista til að berjast í heilögu stríði á hæsta plani.

Varla við öðru að búast, þegar íbúarnir flykkjast til helvítis og skilja forsetann og utanríkisráðherrann eftir.

Þýzka drottningin með háhælaða franska forsetagleðigosanum eru svo high af framtíðarsýn á hærra plani, að nýji stórveldaherinn leyfir Þjóðverjum að svíkja herleysisloforðið, sem þeir lofuðu öllum eftir seinni heimsstyrjöldina.

Helvítisveiran er komin á svo hátt plan, að næsti forseti eða kanslari getur sent alla álfuna að Íslandi meðtöldu eina ferðina enn til helvítis.  


mbl.is Vill umræðuna um EES á hærra plan
Tilkynna um óviðeigandi tengingu við frétt

Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband