Bloggfærslur mánaðarins, maí 2017

Þjóðverjar vilja á ný stjórna heiminum - safna liði til að losa sig við Trump

euro.1Tími 4.a ríkisins er kominn. Þ.e.a.s. þess kjarna ESB ríkja sem munu steypast saman í eitt ríki undir forystu Þýzkalands. Ekki það að Þjóðverjar þurfi á því að halda, heldur mun sú þróun flýta fyrir uppbyggingu eigins hers og færa Þjóðverja fyrr nær heimsmarkmiðum sínum.

Tónninn í samskiptum Þýzkalands við umheiminn verður sífellt hrárri. Þjóðverjar sem aftur eru orðnir vanir að stjórna málum á meginlandi Evrópu þola enga gagnrýni hvorki austan, sunnan, norðan né vestan. Gagnrýni Bandaríkjaforseta á hóflausan viðskiptagróða Þýzkalands við útlönd á fullan rétt á sér og hefur verið áhyggjuefni flestra annarra ríkja innan ESB í mörg ár. Þjóðverjum hefur tekist í dag það sem nazistum mistókst, að svínbeygja nær alla Evrópu gegnum gjaldmiðil Þýzkalands evruna. 

Í einu stærsta blaði Þjóðverja Der Spiegel skrifar ritstjórinn Klaus Brinckbaumer eftirfarandi í leiðara þ. 17. maí sl:

"Donald Trump er óhæfur sem forseti Bandaríkjanna. Hann ræður ekki yfir nægjanlegu gáfnafari og skilur hvorki þýðingu né verkefni embættisins. Hann er ólæs.....Hann er lygari, rasisti og svikari....Trump verður að fjarlægja úr Hvíta Húsinu. Strax. Hann er ógn fyrir heiminn.....Trump er ömurlegur stjórnmálamaður....Trump er einnig ömurlegur yfirmaður. Starfsmenn hans neyðast til að ljúga og búa til afsakanir fyrir hann." 

Klaus Brinkbaumer hvetur "alþjóða samfélagið til að víkja Hvíta Húsinu til hliðar", það sé algjörlega nauðsynlegt og mögulegt. Kvartar ritstjórinn sáran yfir árangurslausum flugferðum Sigmar Gabriels utanríkisráðherra Þýzkalands til USA, þar sem hann hafi komið tómhentur heim aftur. "Þýzkaland og Bandaríkin skilja ekki hvort annað lengur" er fullyrðing ritstjórans. Líkir hann Trump við Mad King í Game of Thrones sem var myrtur en Trump sé enn á lífi sem óþroskaður unglingur sem hvenær sem er getur steypt heiminum í glötun. "Foreldrarnir verða að senda piltinn aftur í herbergið sitt og láta fullorðna fá völdin".

Verður það fyrsta verkefni 4.a ríkisins að reyna að framkvæma þá valdaboðun?


mbl.is Ekki hægt að stóla á Bandaríkin og Bretland
Tilkynna um óviðeigandi tengingu við frétt

Framfarafélag í réttri tíð

Ánægjulegt að sjá góðar undirtektir við stofnun Framfarafélagsins. Stofnun félagsins er rétt svar við þrengingu lýðræðis á Íslandi og Vesturlöndum, þar sem margir af "góða fólkinu" nota tímann í vegarbyggingu til heljar með því að takmarka stöðugt eðlilega rökræðu og lýðræðisleg samskipti. Niðurrifsstarfsemin hefur gengið svo langt, að hryðjuverk eiga að líðast í dag sem "eðlileg" á Vesturlöndum.914047 

Á Íslandi hefur þetta niðurrifsstarf einna skýrast sést í baráttu fjármálaelítunnar gegn  eðlilegum og réttlátum Icesave-kröfum þjóðarinnar um að óreiðumenn skulu ábyrgir vera gerða sinna. Það kannast Sigmundur Davíð Gunnlaugsson mjög vel við sem helsti baráttumaður InDefence og Davíð Oddsson sem í sæti Seðlabankastjóra gat bjargað því sem bjargað varð, þegar fjármálafyrirtækin hrundu.

Áframhaldandi niðurrifsstarfsemi vinstri manna með Landsdómi, tilraunum til að eyðileggja fullveldisákvæði stjórnarskrárinnar (sem þeir vinna enn að), eyðileggingu þingræðis með þrasi um störf forseta Alþingis og nú síðast með Panamaárásinni, þar sem stjórnskipun lýðveldisins gaf eftir þunga fjölmiðlaárásar á réttkjörna embættismenn þjóðarinnar, - alla þessa niðurrifsstarfsemi mætti með góðri samvisku kalla öfgastefnu, því öflin að baki vilja lýðræði okkar feigt. 

Málfrelsið, sem einn mikilvægasti þáttur mannréttinda, er þess virði að berjast fyrir. 

Framfarafélagið á gefið hlutverk í þeirri baráttu.

Ég óska félaginu allra heilla og hlakka til að taka þátt í jákvæðri þróun þess.

 


mbl.is Sigmundur: „Ég er uppveðraður“
Tilkynna um óviðeigandi tengingu við frétt

Sigmundur Davíð Gunnlaugsson - mikill fengur Íslands. Falskur fáni Panamaárásinnar visnar.

Við Íslendingar eigum láni að fagna með stjórnmálaleiðtogann Sigmund Davíð Gunnlaugsson. Eftir Panamaárásina og svik í eigin flokksröðum sér hann möguleika á málefnalegri þróun og skapar nýjar leiðir í stíl bestu athafnamanna fyrir blómgun stjórnmálaþróunar. Sigmundur Davíð Gunnlaugsson mun bjarga Framsóknarflokknum frá einni af verstu krísum flokksins frá upphafi. Stofnun Framfarafélagsins sem hugveitu skapar öllum velunnurum framsóknarstefnunnar möguleika á að hittast og kryfja framtíðarsýn Framsóknarflokksins til mergjar og ræða málin til hlítar á lýðræðislegum vettvangi. Þau vinnubrögð standa í skæru ljósi sem andstaða þess pukurs og allra lyga sem sveipuðu Panamaárásina og munu þau vafalaust auðga framsóknarstefnuna og með tímanum einnig lækna núverandi sár Framsóknarflokksins og íslensku þjóðarinnar. 

Sigmundur_Davíð_Gunnlaugsson_(cropped)Framsóknarflokkurinn - sem annar af núlifandi stofnflokkum íslenska lýðveldisins - er órjúfanlegur hluti Íslandssögunnar og ekki síður nauðsynlegur í dag en við stofnun lýðveldisins. Ef eitthvað er, þá er hlutverk flokksins í dag mun stærra, þar sem vegið er að bændastéttinni og sjálfbærri matvælaframleiðslu Íslendinga á allt annan hátt en fyrr. Alls staðar þar sem ESB kemur hendi við bókstaflega hrynur bændastéttin og grafið er undan getu ríkja að sjá sjálfum sér fyrir nægjanlegum mat ef aðflutningsleiðir lokast. 

Það er óhugsandi að Framsóknarflokkurinn hætti sem stjórnmálaflokkur og leiðrétta verður það bakslag sem Panamaárásin veitti flokknum og Íslandi.

Dettur nokkrum manni í hug að fjölmiðlar heimsins hafi verið að gera sér ferð til Íslands vegna áhuga á "meintu skattabroti" forsætisráðherra Íslands? Hvenær hefur landið komist í alheimsfréttir nema vegna eldgosa, landhelgisbaráttu og Nóbelsverðlauna HKL? Afhverju ætti það að vekja athygli í heiminum, hvort íslenskur ráðamaður eigi í viðræðum um skattamál?

Trúir nokkur þeirri þvælu sem beint var gegn Sigmundi Davíð Gunnlaugssyni að hann kæmi stolnu skattfé í skjól í Panama til að styðja vopnakaup Al-Assads Sýrlandsforseta til myrða börn í Sýrlandi? Eða að fv. forsætisráðherra væri moldríkur í sama báti og Pútín?

Fáranlega falskur fáni Panamaárásinnar hafði aðallega eitt markmið: Að hæða forsætisráðherra Íslands á Lækjartorgi alheims, leiðtoga lítils ríkis sem var að ná sér eftir fjármálahrun og var yfirlýstur andstæðingur ESB. Með því að gera forsætisráðherrann að ómerkum fjármálasvindlara í augum alheims var grafið undan trúverðugleika hans í andspyrnuhreyfingunni gegn fjármálasvindlurum og ESB. Panamaárásin var í fyrsta lagi innlegg fjármálaelítunnar í Brexit kosningarnar til að eyðileggja trúverðugleika Íslands sem lands sem var að ná stjórn á bönkunum og með blómstrandi efnahag sem ekkert ríki í ESB getur státað af. Í öðru lagi beindist Panamaárásin að því að eyðileggja líf dugmikils leiðtoga Íslands sem sýnt hafði fulltrúum fjármálafyrirtækja, að það eru lýðræðislega kjörnir fulltrúar sem setja lögin en ekki fjármálafyrirtækin. 

Ég óska Sigmundi Davíð Gunnlaugssyni og hinni nýstofnuðu hugveitu alls hins besta og óska eftir skjótum bata Panamaáverkanna á Framsóknarflokkinn.


mbl.is Fyrrverandi formenn stjórna
Tilkynna um óviðeigandi tengingu við frétt

Gríman fellur - ESB þvingar aðildarríkin að taka upp evruna fyrir 2025

eu2011bGögn hafa lekið út um áætlun ESB um framtíð evrusvæðisins. Evrópusambandið kastar grímunni og setur fulla ferð á alríkið. Þýzka blaðið FAZ Frankfurter Allgemeine Zeitung skrifar um það í dag að skv. áætluninni eigi öll 27 ríki ESB að hafa tekið upp evruna í síðasta lagi 2025. Þau lönd sem eru fyrir utan evruna eru Svíþjóð, Pólland, Tékkaland, Ungverjaland, Króatía, Rúmenía og Búlgaría. Danmörk er utanvið evruna en danska krónan er tengd evrunni.

Tillögurnar verða gerðar opinberar miðvikudaginn 31. maí. ESB vill koma á sameiginlegum fjárlögum með sköttum beint frá framkvæmdastjórninni á aðildarríkin. Á ESB-þingið að samþykkja fjárlög ESB til að sýna "lýðræðislegri stjórn peningamála" í stað funda fjármálaráðherra bak við luktar dyr.

Skv. FAZ grundvallast þessar upplýsingar á minnisblöðum og skýrslu frá fundi Pierre Moscovici og Dombrovksis frá framkvæmdastjórninni með fulltrúum ESB þingsins.

Svíar felldu evruna í atkvæðagreiðslu 2003 og síðan hafa sænskir stjórnmálamenn sagt að Svíþjóð standi fyrir utan evruna. ESB tekur ekkert mark á því. 

Áætlun ESB um fjárhagslegan samruna ríkja mun kollsteypa álfunni í illdeilur og ófrið.  Magdalena Andersson fjármálaráðherra Svíþjóðar sagði í sjónvarpsfréttum kvöldsins að það væri ekki "mál ESB að ákveða gjaldmiðil fyrir Svía. Það gerðu Svíar sjálfir og ef þeir vildu taka upp evruna yrði það gert í atkvæðagreiðslu". 

Ekki er að búast við að lönd Austur-Evrópu sem hafa langa sögu af kúgun kommúnismans leyfi fjármálakúgun ESB. 

"Friðurinn" er dauður.

4.a ríkið fæðist.


mbl.is Ekkert samkomulag um afskriftir
Tilkynna um óviðeigandi tengingu við frétt

Líkum rignir yfir okkur þegar Soristar allra landa sameinast

reykjavikurbref2Skrifað frá Svíþjóð, þá bókstaflega rignir líkum yfir Svía vegna ört vaxandi glæpastarfsemi, að ekki sé minnst á öll önnur lík sem rignir yfir ESB vegna hryðjuverka. Lík eru margskonar og til öðruvísi lík en mannslík t.d. lík getuleysis, vankunnáttu, kæruleysis, illmennsku og fake news sem rigna daglega yfir okkur í valdabaráttu í heiminum. Tvennt auðkennir okkar tíma: Mafíósar hafa klætt sig í hvítflibba með bindi og tekið yfir bankastarfsemi og skipulagðar árásir eru daglega gerðar á lýðræðislega, réttkjörna fulltrúa fólksins til að hindra að lýðræðislegur vilji þess nái fram að ganga. Ísland eru gott dæmi um hvoru tveggja.

Sem betur fer eigum við árvökulan fjölmiðil í Morgunblaðinu og óhætt að taka undir fullyrðingu Reykjavíkurbréfs dagsins: "Þrátt fyrir alla þessa peninga er ekki fjölmennasta og öflugasta fréttastofa landsins hjá "RÚV". Hún er hjá Árvakri, Morgunblaðinu og hliðsettri starfsemi þess." 

Þótt gefið væri, að ekkert væri rétt, sem stendur í Morgunblaðinu, þá eru Reykjavíkurbréfin ein og sér ígildi gulls og borga áskriftargjaldið a.m.k. tuttugufalt. Morgunblaðið er oftast fyrst með fréttirnar og fréttamennskan ólituð lygum sem einkenna valdapot vinstri manna í þjónustu einstakra auðkýfinga. Í fágaðri blaða- og fréttamennsku ber Morgunblaðið ægishjálm á íslenska fjölmiðlamarkaðinum sem allir njóta góðs af. Án Davíðs Oddssonar og góðs starfsteymis Mbl. væri miklu fátækara um að litast.

Ungverski prófessorinn María Schmidt skrifaði nýverið grein um lýðræðisbaráttuna og lýsir baráttu rétt kjörinna ungverskra yfirvalda við auðkýfinginn George Soros sem sölsa vill völdin í landinu. Hún segir uppskrift hans einfalda: "Skapaðu þér auðgandi alþjóðlegt viðskiptamarkmið. Sendu borgaraleg samtök þín til að valda óróleika á svæðinu og skipuleggðu meðvind fjölmiðla. Skapaðu glundroða og þegar þú hefur fengið hann býður þú þig fram sem eini aðilinn til að koma á jafnvægi á eftir og plokkar um leið rúsínurnar úr kökunni. - Kauptu fjölmiðla staðarins: Sjónvarp, útvarp, dagleg og vikuleg dagblöð og netmiðla, endurskírðu þá sem óháða og borgaðu þeim til að vinna að þeim markmiðum sem þú hefur ásett þér". Segir hún auðvelt að taka eftir miðlum stútfullum með peningum Soros, því þeir "fylgja gamalli aðferð Leníns að koma alltaf með persónulegar árásir. Þeir kynna aldrei efnið eða það sem ágreiningur er um, þeir ræða aldrei málefnalega, þeir þreyta aldrei sjálfa sig eða hlustendur með hugmyndalegum gagnrökum."

GeorgeSoros

Halda mætti að María Schmidt væri að lýsa íslensku fjölmiðlalandslagi og væri sérfræðingur í RÚV, 365 og öðrum hlutdrægum fjölmiðlum sem vinna að sömu markmiðum og Soros og hans veldi hefur einsett sér. María skrifar:

"Soros er nálægur í um eitt hundrað löndum. Það sem hann og meðlimir netverka hans standa fyrir er afnám þjóðlegs sjálfsákvörðunarréttar, vörð um hagsmuni alþjóða fyrirtækja, markmið hinna "þróuðu Vestrænna ríkja". Einnig hugmyndafræðilega blöndu: Soroismann sem tók loftið úr Vinstri mönnum og frjálshyggjumönnum. Það sem komið hefur í staðinn er útópísk mynd Soros um alþjóðleg gildi, þar sem "alþjóðasinnar heimsins sameinast" til að framfylgja viðskiptahagsmunum hans og kemur í stað "öreigar allra landa sameinist". 

Soroisminn eins og hún kallar það, sem ég vel að kalla "sorismann", er hin nýja alþjóðlega doktrín vinstri manna á eftir Marx, Lenín, Stalín og Mao Tse-tung. Vinstri menn eru fyrir löngu síðan búnir að týna verkalýðnum. 

Muna menn eftir ICESAVE, Landsdómi, brottrekstri Seðlabankastjóra og Panamaárásinni?

Dæmigerður sorismi það.


Ísland orðið Ísland aftur

fjallkonanTakk og lof er tilræði vinstri manna gegn lýðveldinu lokið. Í bili alla vegana og vonandi til allrar eilífðar.

Það er ekkert að stjórnarskrá lýðveldisins. Hún hefur staðið af sér allar hremmingar þau 73 ár sem lýðveldið hefur lifað. 

Íslenskir sósíalistar vildu og vilja enn breyta stjórnarskránni til þess að taka valdið úr höndum Íslendinga og setja í fárra og helst erlendar hendur. Samfylkingin var í peningavasa íslenskra svindlara og erlend flokkssystkini hennar í vasa alþjóðlegra ólígarka sem berjast um heimsyfirráð. 

Á alþjóðavettvangi mæta nú sósíalistar hverju áfallinu á fætur öðru að íslenskri fyrirmynd. Það getum við öll verið þakklát fyrir. 

Tilraunir vinstri manna með Internasjónalinn kostuðu milljónir manna lífið en þrátt fyrir það klífa sífellt nýjir heilaþvegnir einstaklingar fram á sviðið til að endurtaka gömlu mistökin.

Íslendingar mega vera stoltir af lýðveldinu. Við eigum langa þingsögu og ófáir eru þeir sem dást að lýðræðishefðum okkar.

Vonandi verður aldrei aftur í sögu lýðveldisins jafn rotin atlaga gerð að stjórnarskránni og lýðveldinu. 

Það sem okkur er kært -sjálft fjöregg þjóðarinnar, skulum við vera hrædd um og vernda gegn ytri sem innri árásum. Við megum aldrei sofna á verðinum.


mbl.is Ákvæðið um þjóðaratkvæði fallið úr gildi
Tilkynna um óviðeigandi tengingu við frétt

Innskráning

Ath. Vinsamlegast kveikið á Javascript til að hefja innskráningu.

Hafðu samband