Plís - ekki drepa fólk með loftslagssköttum

Eftir að hafa horft með öðru auganu á "borgarafund" skattfjármagnaða ríkiseinokunarfjölmiðilsins RÚV með alræðisrétt á auglýsingamarkaði, þá verð ég að rifja hér upp bréf bandaríska prófessorsins Jason Hill hjá DePaul háskólanum í Chicago sem stuðning við Ernu Ýr Öldudóttir. Hún passaði ekki inn í trúarbragðarsýningu RÚV um loftslagsmál og virðist bara hafa verið boðið til að gera að athlægi. Öllum rökum vísað frá svo hægt væri að syngja halelújasönginn um endalök jarðar og óð til vísindamanna sem ætla að græða á grænu byltingunni. Ég þakka Ernu Ýr Öldudóttur fyrir að halda uppi merkjum almennrar skynsemi gegn tískutrúarbrögðum nútímans sem hún lýsir réttilega sem sértrúarsöfnuði. Móðursýkin heldur áfram, ESB hefur lýst yfir "neyðarástandi" í aðildar- og samstarfsríkjum m.a. Íslandi í gegnum EES-samninginn.

Úr bréfi Jason Hill til Grétu Thunberg:

”Ef mannkynið fer í hendurnar á umhverfisfasískum stuðningsmönnum þínum þá endum við í strákofum, drekkum vatn blandað dýraskít og krjúpum í duftið af hræðslu fyrir ísbjörnum í staðinn fyrir að skjóta þá í matinn, þegar þeir ráðast á okkur”

"Börn eru mikilvæg framtíðarfjárfesting. Við höfum fjárfest í þér. Það ert þú og þín sjálfselskandi kynslóð sem heldur að ekkert sé hægt að læra af þeim eldri, sem eru að bregðast sjálfum ykkur. Hverjir heldur þú að muni ráða meirihluta ykkar til starfa ef þið hafið hvorki vinnuhæfileika né lífsgetu til að sjá fyrir ykkur í heiminum? Háværum atvinnulausum sleppa-skólanum-á-föstudögum börnum framtíðarinnar?"

"þín kynslóð er óhæf til að vinna fjörtíu tíma á viku án þess að stöðugt falla í þunglyndi og taugaveikisköst. Meðlimir hennar geta ekki einu sinni ákveðið hvort þeir eiga að vera strákur eða stelpa eða bæði eða hvorugt eða "þau." Þeir geta ekki borðað kjöt án þess að væla. Ég gæti bætt því við að kynslóðin ykkar þarfnast fyrirfram „öryggisviðvarana“ og „öryggissvæða“ sem skilyrði þess að geta lært í skólanum. Meðlimir hennar hafa sjúklega þörf á að vera umvafðir og verndaðir frá raunverulegum áskorunum lífsins. Kynslóðin ykkar er stærsti krefjandi og neytandi kolspúandi tækja og tóla. Klukkutími án þeirra fær of mörg ykkar til að leggjast í lamandi dvala"

Prófessor Hill lýkur máli sínu á þessum algjörlega frábæru línum: „Sú dómdagsheimssýn sem þú boðar er lendingarbraut þeirra sem hafa hatað framfarir í gegnum söguna. Dómsdagsspár þínar hafa verið til í þúsundir ára og enn erum við hér. Við munum enn vera hér löngu eftir að þú ert orðin fullorðin og við höfum fyrirgefið þér að hafa skrópað í skólanum og þar með lækkað gáfnakvóta heillar kynslóðar.“

Þreytt á einhliða loftslagsumræðu

Svíþjóðademókratar gætu átt næsta forsætisráðherra Svíþjóðar

Svíþjóðademókratar héldu landsfund um helgina í Örebro og greindu sænskir fjölmiðlar frá atburðinum t.d. sænska sjónvarpið sem sjónvarpaði í beinni frá stórum hluta fundarins. 

Svíþjóðademókratar finna fyrir miklum meðbyr um þessar mundir sem ekki er svo skrýtið miðað við að þeir fyrstir og ötullastir allra flokka hafa bent á skaðlegar afleiðingar hömlulauss innflutnings á fólki frá Afríku og Miðausturlöndum til Svíþjóðar.

Í nýlegu sjónvarpsviðtali við Stefan Löfven forsætisráðherra lýsti hann því yfir að enginn hefði getað séð vaxandi ofbeldi í Svíþjóð koma og að ríkisstjórnin myndi kippa ofbeldismálum í lag á næstu sex mánuðum. Sagði hann ekkert samband vera á milli fólksinnflutnings og sívaxandi ofbeldisódæða í Svíþjóð. Boðskapur forsætisráðherrans hefur vægast sagt fallið í grýttan jarðveg og jörðin farin að loga undir fótum hans eins og Håkani Juholt, áður en hann neyddist til að segja af sér flokksformennsku. 

Í nýrri könnun Sifo telja 88% Svía að ofbeldið haldi áfram að vaxa eða vera í jafn ríkum mæli og nú er en einungis 8% trúa orðum Stefan Löfvens að ofbeldismálum verði kippt í lag á næstu sex mánuðum. 

Það eru fleiri en Jimmy Åkesson sem spyrja á hvaða plánetu Stefan Löfven lifir. Daglega hellast hneykslismál yfir Svíþjóð og sósíaldemókrata eins og það nýjasta, þegar upp komst að varnamálaráðherra Íraks sem sekur er um morð á hundruðum mótmælenda, er með sænskt ríkisfang og fær félagslegar bætur í Svíþjóð. Þá var vopnum öryggisvarða stolið úr sjálfu stjórnarráðinu sem er afar pínlegt fyrir ríkisstjórnina sem gerir allt til að málið fái ekki umfjöllun fjölmiðla. Ekki bætir það úr skák að eftir áramótin þurfa sjúkraflutningamenn (a.m.k í Uppsala) að klæðast skotheldum vestum við störf.

Ef fram fer sem horfir eru töluverðar líkur á að Jimmy Åkesson verði næsti forsætisráðherra Svíþjóðar.

Skeifa Miðflokksins farin að marka spor

Það eru góð tíðindi að Íslendingar fylki sér í ríkari mæli um Miðflokkinn sem staðfastur varði fullveldið í orkupakkamálinu. Á mynd sést formaður Miðflokksins Sigmundur Davíð Gunnlaugsson halda á fundahamri með skeifu á endanum og víst er að bæði skeifa og reiðskjóti Miðflokksins eru besta trygging á ferð landans frá vanstjórn, ofsköttum, kerfisræði, græðgisspillingu og því almenna vinstra ofríki sem ríkir á Íslandi um þessar mundir.

Ríkisstjórnin var stofnuð fyrir ráðherrastóla og að hindra að sá maður þingheims sem leiddi þjóðarbaráttu Íslendinga gegn Icesave í samtökum InDefence kæmist til valda. Kalla mætti ríkisstjórnina Icesave-stjórn; bæði Bjarni Benediktsson og Katrín Jakobsdóttir greiddu atkvæði um að hneppa landsmenn í skuldafjötra Icesave margar kynslóðir fram í tímann en dómstóll hnekkti ákvörðun þeirra. Samt sem áður hefur hvorugt enn beðist afsökunar á framferði sínu.

Ríkisstjórnarflokkarnir selja út eigur landsmanna sem Íslendingum tókst að stöðva tímabundið með uppreisn þjóðarinnar í Icesave. Sjálftökuliðið sem tapaði Icesave hefur hreiðrað um sig í helstu stjórnstofnunum lýðveldisins og heldur áfram uppteknum hætti. Þjóðin þarf því að rísa upp eina ferðina enn og hreinsa í stofnunum sínum og koma misyndisfólki út úr þingsölum og öðrum stjórnarstofnunum.

Afar eðlileg viðbrögð landans að snúa baki við ríkisstjórnarflokkunum og veita Miðflokknum brautargengi. Ég vorkenni sönnum Sjálfstæðismönnum, hver verður til að storka útfarastjóra Sjálfstæðisflokksins Bjarna Benediktssyni?

Ég óska Miðflokknum til hamingju með árangurinn og vonast til að hann njóti áframhaldandi vaxandi trausts landsmanna sem vantar óspilltan, baráttusækinn flokk fyrir alla landsmenn á grundvelli lýðveldisins.

Kjósendur kunni að meta stefnufestu

Svíþjóðademókratar styrkja stöðu sína sem stærsti stjórnmálaflokkur Svíþjóðar

Allt eftir því sem sprengjum, skotárásum, nauðgunum og ránum fjölgar í Svíþjóð eykst fylgi Svíþjóðademókrata sem í nokkrum síðustu skoðanakönnunum hafa fest sig í sessi sem stærsti stjórnmálaflokkur Svíþjóðar. 

Í nóvembermælingu Sentio 15. - 19. nóvember mælast Svíþjóðademókratar með 28,5% sem afgerandi stærsti flokkurinn og sósíaldemókratar fá aðeins 22,5% og eru á hraðri leið niður í fylgi. Moderatar koma fyrst í þriðja sæti með 16,9%, Vinstriflokkurinn fær 8,5%, Miðflokkurinn 7,0%, Kristdemókratar 6,8%, Umhverfisflokkurinn 4,9% og Frjálslyndir aðeins 2,5% sem er undir 4% markinu til að ná inn á þing.

Skoðanakannanir sýna ekki allar sömu útkomu en Svíþjóðademókratar eru stærsti flokkurinn í öðrum skoðanakönnunum, þannig að sú staða þeirra er því innan fráviksmarka.

Þessi staðreynd hefur gjörbreytt stjórnmálalandslaginu sérstaklega fyrir sósíaldemókrata sem klofið hafa Svía í tvo hópa með útilokun Svíþjóðardemókrata - fulltrúa um fimmtungs kjósenda í Svíþjóð, sem sósíaldemókratar kalla nazíska vegna afstöðu í innflytjendamálum. Úrbræðsla sósíaldemókrata er orðin þvílík yfir missi fylgis síns til Svíþjóðademókrata og annarra flokka, að þeir kalla núorðið bæði Móderata og Kristdemókrata fyrir nazíska vegna viðurkenningu þessarra flokka á réttmæti afstöðu Svíþjóðademókrata í innflytjendamálum. Formaður Kristdemókrata Ebba Busch Thor er þegar í samráði við Svíþjóðademókrata og það vakti mikla athygli í vikunni, þegar formaður Móderata Ulf Kristersson gekk út með opinbera afsökun á slappleika flokksins í innflytjendamálum. Lofaði Kristersson kjósendum bótum og betrum.

Stefan Löfven forsætisráðherra sagði í viðtali í sænska sjónvarpinu um síðustu helgi, að innflutningur fólks til Svíþjóðar skipti engu máli varðandi glæpi í landinu. Hann hefur áður lýst því yfir að synir og dætur "ríka fólksins" dópi sig svo mikið að það sé ein helsta ástæða vaxandi velgengni glæpgengja og ofbeldis í Svíþjóð. Lýsti hann því yfir í viðtalinu að þótt enginn innflutningur hefði verið á fólki til Svíþjóðar væru ofbeldið örugglega eins í dag miðað við sömu misskiptu kjara og nú ráða ríkjum að hans mati.

Þessi boðskapur forsætisráðherrans hefur fallið í illan garð hjá Svíum sem í dag treysta Svíþjóðademókrötum best allra flokka til að fara með öryggismál landsins ásamt lögum og reglu. 

Frásögn lögreglumanns í Malmö

Fyrir þá sem vilja fá smá innsýn í sænska ofbeldið...úrdráttur úr bréfi lögreglumanns í Malmö á facebook:

"Ég ligg í rúminu, þegar ég skrifa þetta. Þrátt fyrir að hafa verið vakandi í sólarhring og unnið í 16 tíma er ómögulegt að hvílast. Í starfi þar sem maður verður sérfræðingur í að loka fyrir eða hættir. Í starfi þar sem harmleikurinn er skilinn eftir í þröngum fataskápnum, þegar farið er úr vinnufötunum. Í starfi þar sem maður verður sérfræðingur í að sofna eftir pöntun til að komast hjá því að verða útbrenndur.

Síðasta sólarhringinn hef ég og nánustu vinnufélagar mínir m.a. reynt að bjarga lífi barns sem var skotið til dauða. Þegar vonin slokknaði hófst leitin að finna út hver það var sem var fyrir framan okkur. Hvað barnið heitir sem liggur með slöngur í hálsinn, blóð í andlitinu og skotgöt í líkamanum. Eftir þó nokkra vinnu vitum við hver hann er. Eða réttara sagt hver hann var. Á sama augnabliki og við vitum deili á barninu fá allir viðstaddir kökk í hálsinn. Það þýðir nefnilega að við, sem mörg eigum börn sjálf, þurfum að koma skilaboðum til óttasleginnar fjölskyldu sem nær ekki sambandi við barnið sitt.

Síðasta sólarhring höfum við líka fengist við illa særðan félaga barnsins sem tekið var af lífi. Hann fékk líka margar kúlur í kroppinn. Við höfum haft samband við fjölskydu hans og vini og séð um blóðuga muni hans.

Síðasta sólarhring höfum við líka keyrt beint að nýlega sprunginni sprengju og settum okkar í lífshættu með því að ganga allt of nærri staðnum til að reka burtu fólk sem skammaði okkur fyrir að mega ekki ná í bílinn sinn á bílastæðinu. Við sáum um ungt par sem var augnablik frá því að slasast alvarlega eða týna lífinu vegna sprengjunnar. Við reyndum að útskýra fyrir þeim fyrir utan heimili þeirra, að þau eru væru samt sem áður örugg.

Við höfum einnig bjargað lífi konu sem ráðist var á á hryllilegan hátt og næstum drepin.... við sáum það sem var eftir, þegar líkaminn var alveg að gefast upp. Við fundum út hver gæti verið árásarmaðurinn og handtókum hann áður en blóð konunnar þornaði á fötum okkar...

Síðasta árið hef ég og félagar mínir fengist við mörg morð, sprengjur og slys. Við höfum elt grunaða hryðjuverkamenn, vopnaða morðingja og geðveikissjúklinga. Við vorum með þegar kær vinur og vinnufélagi dó í örmum okkar eftir umferðaslys. Við höfum grátið og séð fólk gráta. Við höfum fórnað öllu fyrir samfélagið.

Eftir nokkra tíma fer ég aftur í vinnuna. Vonandi eftir nokkurra tíma svefn. Ég fer í að hluta til blóðug vinnufötin og keyri aftur út. Í starf þar sem harmleikur er hversdagsbrauð. Í starf þar sem skrifstofa okkar er myrkasta herbergi mannlífsins. Í starf sem sér um líkamsleifar barns. Í starf þar sem manni er ógnað með hótunum og ofbeldi fyrir að verja samfélagið en fær engar skaðabætur vegna þess að samfélagið telur rétt að við þolum það. Í starfi þar sem samfélagið lætur okkur fá 26 þúsund krónur í mánaðarlaun fyrir skatt."

25 milljón króna halelúja um ESB

Ég átti grein í Mbl. 1. nóvember s.l. "Afturganga vinstristjórnarinnar" um 300 síðna doðrant sem kallaður hefur verið "EES-skýrslan". 25 milljón kr frá skattgreiðendum hefur verið hent í kerfislögfræðinga til að skrifa hilluvermara sem aðrir lögfræðingar fá greitt fyrir að lesa.  Þessi s.k. "EES-skýrsla" er svar sjálfstæðismanna í samvinnu við Samfylkingu, Viðreisn og aðra umsækjendur/stuðningsaðila ESB-aðildar Íslands við ósk Alþingis um að taka saman yfirlit yfir kosti og galla EES-samningsins.

Í viðtali við Ólaf Ísleifsson, þingmann Miðflokksins, í Mbl. 3. okt. lýsir Ólafur skýrslunni sem "gagnrýnislausu varnarriti" fyrir EES-samninginn. Ólafur Ísleifsson telur að álitamál sé hvort skýrslubeiðni Alþingis hafi í raun verið fullnægt með þessari skýrslu.

Full ástæða er til að taka undir þessi orð. Hugmyndir skýrsluhöfunda eru að komið verði á sambærilegu stjórnarkerfi á Íslandi og gildir hjá aðildarríkjum ESB. 

Nýlega lagði Flokkur fólksins fram þingsályktunartillögu um að Alþingi feli ríkisstjórn Íslands að afturkalla ESB-umsóknina. Er það vel að áréttað verði formlega að Ísland hefur ekki stöðu "umsóknarríkis" eins og ESB-sinnar túlka málið. Í viðureign við ESB er það alkunnugt, að þegar menn telja sig vera búnir að gera samkomulag, þá kemur ESB eftirá með ný atriði og túlkun þvert á gildandi samkomulag. Útganga Breta sannar klækjabrögð ESB sem eru í hrópandi andstöðu við frjálsa samninga. Full þörf er því bæði á aukabelti og axlaböndum til að missa ekki allt niður um sig í viðureigninni við ESB. Miðflokkurinn og Flokkur fólksins deila hér saman hagsmunum fullveldisins sem aðrir flokkar svíkja.

Sjálfstæðisflokkurinn mun eflaust eins og hinir ESB-flokkarnir (Samfylking, Viðreisn, Vinstri grænir og Píratar) finna leið til að stöðva tillögu Flokks fólksins um formlega frelsun Íslands úr klóm ESB.

Roðið á Brusselspýtunni er meira virði fyrir ESB-flokkana en lýðveldið Ísland.

Linkur á pdf: Afturganga vinstristjórnarinnar

Sigmundur Davíð Gunnlaugsson sækir fram

Frábært að hlýða á ræðu formanns Miðflokksins, Sigmundar Davíðs Gunnlaugssonar á flokksráðsfundi Miðflokksins í gær. Sigmundur var í essinu og fór yfir stöðu stjórnmálanna á Íslandi og víðar í dag. Nýhafin sókn Miðflokksins með auglýsingum eftir reynslusögum er aðferðafræði sem aðrir geta lært af. Með því fær flokkurinn beint frá notendum/þolendum kerfisins hvar skórinn kreppir að og getur þannig sýngert vandamálin og lagt upp heildarlausn vandans. Enginn stjórnmálaflokkur á Íslandi hefur sýnt dug og þor eins og Miðflokkurinn að standa á grundvelli fullveldisins og með góðar rætur til ALLRA landsmanna hefur Miðflokkurinn gott fararnesti til frambúðar í farsælli vegferð flokksins landsmönnum til heilla.

Miðflokkurinn axlar mál sem aðrir flokkar hafa svikið: Báknið burt, lægri skattar, betri rekstrarskilyrði fyrir smáfyrirtæki, betri nýtingu skattakróna í skilvirkari kerfi sem þjónustar landsmenn í staðinn fyrir að mata sjálfvalda gæðinga. Sameinast þjóðin á þessum grundvelli verður stórt framfaraskref stigið í þróun Íslands.  Kerfið er ofvaxið og stendur þróuninni fyrir þrifum. Kerfis"sérfræðingar" útiloka kjósendur frá eðlilegri aðkomu að umræðu og skoðanaskiptum og því þarf að skera upp herör og hreinsa til í kerfinu og færa það aftur til upprunahlutverksins að þjónusta landsmönnum.

Það blása sérdeilis frískir vindar frá Miðflokknum.

Ég óska flokknum til hamingju með góðan ásetning og skynsamlega stjórnmálastefnu sem lýsir eins og skær stjarna á náttsvörtum himni kerfisræðisins í dag.

 

Segir lýðræðið hætt að virka sem skyldi

Munu Vinstri grænir berjast gegn falsfréttum um kjarnorkuframleitt rafmagn á Íslandi?

Þar kom að því að sjálft Norðurlandaráð tekur þátt í ritskoðunarherferð "góða fólksins" sem fær netrisana í lið með sér og slekkur á allri gagnrýni gegn ESB og misheppnaðri innflytjendastefnu sambandsins. Í Svíþjóð hefur þessi ritskoðun komið einkar skýrt fram með heitri línu frá ráðuneytum til m.a. Facebook og Google og einnig í yfirlýsingum krata og ESB-sinna um að "mikilvægasta verkefni ESB sé að koma í veg fyrir "hægri öfgastefnu" og "popúlisma"". Google sem hlutlaus leitarvél er ónýt og dugir að bera saman leit t.d. um gagnrýni á ESB saman við aðrar leitarvélar eins og duck til að sjá muninn.

Ég hlakka til að sjá Óttarsson Proppé og Silju Dögg berjast gegn falsfréttum stjórnmála- og fjömiðlafólks um íslenska raforkuframleiðslu úr kjarnorku og jarðolíu. Þær falsfréttir prentar Orkustofnun í hvert sinn sem rafmagnsreikningar eru sendir til viðskiptavina stofnunarinnar.

Norðurlandaráð sem og hvert mannsbarn á Íslandi veit mætavel að á Íslandi eru engin kjarnorkuver og heldur enginn sæstrengur sem flytur rafmagn framleitt með kjarnorku eða olíu á meginlandinu til dreifingar á Íslandi.

Sósíalistar telja sig vera "góða fólkið" með vit fyrir alla jarðarbúa sem skilja ekki að heimsendir nálgast óðfluga. Fyrir utan lofslagsvá er stærsta hætta heimsins "hægri öfl sem heimskir kjósendur velja" eins og t.d. Trump í Bandaríkjunum og Svíþjóðardemókratar í Svíþjóð sem eru orðnir stærri en sósíaldemókratar. Margar staðreyndir lagðar fram af íhaldsöflum reyna vinstriöfl að meðhöndla og afgreiða sem "falsfréttir" en eins og í Svíþjóð eru sprengjuódæði og frítaka ríkisstjórnarinnar á leiðtogum hryðjuverkamanna úr fangelsi of stór biti fyrir þá "heimsku" sem ekki verður lengur haldið frá raunveruleikanum með "falsfréttum".

Sannleikurinn nær alltaf fram á endanum.

Ábyrgð stjórnmálamanna er mikil

Miðflokkurinn stendur vörð um menningu okkar og sögu

Það var ánægjulegt að lesa um tillögu Miðflokksþingmannsins Birgis Þórarinssonar að kristnifræðikennsla verði aftur skyldunámsgrein í grunnskólum landsins. Það er atlaga gegn sögu og menningu Íslendinga að afnema kristnifræði í grunnskólunum. Er það í samræmi við aðrar blindar aðgerðir ríkisstjórnarinnar sem fylgir alþjóðasósíalismanum að málum á öllum sviðum. 

Miðflokkurinn er eini stjórnmálaflokkurinn sem varðveitir sjálfstæða hugsun og sjálfsákvörðunarrétt einstaklingsins og þjóðfélagsins. Stefna ríkisstjórnarinnar er að fylgja heiðnum, blindum, sjálfselskum sósíalistum sem styðja við bakið á öfgaíslam, vannæra lögreglu og réttarfarskerfi og alla þá sem vinna fyrir hagsmunum venjulegs fólks.

Katrín Jakobsdóttur forsætisráðherra hefur boðað umbyltingu efnahagskerfisins með nýjum grænum sköttum og kaup ríkissjóðs og lífeyrissjóða á grænum skuldabréfum sem mun gera íslenskan almenning að öreigum líkt og útrásarvíkingum tókst 2008.

Það var aumkunarvert að hlýða á "svar" forsætisráðherrans við fyrirspurn Sigmundar Davíðs Gunnlaugssonar formanns Miðflokksins um grænu skattana, hún gat ekki komið með neinar tölur og taldi að þess gerðist varla þörf "þar sem allir þingmenn væru sammála ríkisstjórninni í loftslagsmálum"!!!

Ríkisstjórnin er pólitískt steindauð og farin að lykta illa undir fjarstýringu ESB og sænskra krata.

Ég hvet þingmenn Miðflokksins til dáða og þakka fyrir drengilega, málefnalega baráttu fyrir hagsmunum Íslands.

 

Kristinfræði verði kennd á nýjan leik

Svíþjóð griðarstaður heilagastríðsmanna

Sænskir sósíaldemókratar styðja heilagastríðsmenn í verki. Sex leiðtogar heilagastríðsmanna sem voru úrskurðaðir sem sérstök ógn við Svíþjóð af leynilögreglunni var sleppt úr haldi í vikunni eftir að ríkisstjórnin ákvað að vísa þeim úr landi. Innflytjendadómstóllinn ákvað að það væri of hættulegt fyrir þá að vísa þeim til heimalanda sinna Írak, Rússlands og Egyptalands. Í staðinn var þeim sleppt úr haldi og ekki lengur hafðir í fangelsi, þrátt fyrir að vera taldir ógn við öryggi Svíþjóðar.

Trúlega hafa kratar fullvissað sig um að öfgaíslamistarnir fengju að ganga lausir áður en ríkisstjórnin ákvað að vísa þeim burtu úr landi, þannig geta kratar þótst berjast gegn heilagastríðsmönnum fullvissir um að ekkert geti komið í veg fyrir áframhaldandi hryðjuverkastörf þessarra æðstupresta. Ríkisstjórn Stefan Löfvens hefur nýlega komið í veg  fyrir á þingi að hægt verði að taka sænskan ríkisborgararétt af hryðjuverkamönnum eins og gert er á öðrum Norðurlöndum. 

Umræðan geysar hjá Svíum um trygginguna sem leiðtogum hryðjuverka er veitt með griðarstað í Svíþjóð. Venjulegir Svíar vita ekki lengur sitt vamm í því upplausnarástandi sem ríkir í innanríkisstyrjöld glæpahópa sem sífellt grípa til grófara ofbeldis.

Sósíaldemókratar í Svíþjóð verða sífellt örvæntingarfullri yfir straumi atkvæða til Svíþjóðardemókrata og berjast líkt og Sjálfstæðisflokkurinn íslenski við fylgi undir 20%.