Fylkingar myndast - hernaðarátök undirbúin í Evrópu og Asíu

Dökk ský eru á himni þessi áramót. Efnahagsleg, stjórnmálaleg og hernaðarleg. Stjórnmálaóróleiki ríkir um alla Evrópu með vaxandi uppreisn almennings gegn alríkishugmynd ESB-elítunnar.

Vilji almennra borgara hindrar þó ekki uppbyggingu 4.a ríkisins. Glaður Tusk sagði nýlega að draumurinn um eigin her sé orðinn að veruleika. Höfuðkrati Þýzkalands Martin Schulz lætur ekki stærsta kosningaósigur sósíaldemókrata frá stríðslokum seinni heimsstyrjaldar hindra boð um stofnun ofurríkis ESB í síðasta lagi ár 2025. Emmanuel Macron Frakklandsforseti hellir olíu á eldinn - hann vill komast í sögubækurnar sem stærsti ofurríkiskyndarinn. Ný skoðanakönnun YouGov í Svíþjóð, Finnlandi, Danmörku og Noregi ásamt Þýzkalandi, Bretlandi og Frakklandi sýnir gríðarlega andspyrnu íbúa landanna gegn ofurríkjadraumi Schulz.

Juncker forseti framkvæmdarstjórnar ESB getur ekki haldið beinni línu á þriggja metra breiðum teppadregli vegna ofurölvunar um hábjartan dag. Boris Jeltsin er skemmt. Og Adolf Hitler líka, því að tjaldabaki ræða smiðir 4.a ríkisins að halda eigi upp á 100 ára afmæli setningu Olympíuleikjanna í Berlín með því að afmá þjóðarauðkenni af búningum íþróttamanna sem einungis keppa í nafni stórríkisins á Ólympíuleikjunum 2036. Það ár verður ESB (ef það lifir) eins og Spánn 2017 og aðildarþjóðirnar í katalónskum viðjum. Her hins endurreista Varsjárbandalags verður sendur til að kveða niður uppreisnir innan sambandsins. Ungir Pólverjar segja því réttilega í dag að “kommúnismi nútímans er blár”. Framtíðin mun skera úr um, hvort blái stjörnufáni 20. aldarinnar verði hjúpaður sömu tilfinningum og rauði hakakrossfáni 19. aldar.

Efnahagur hins vestræna heims og verðbréfamarkaðir eru tálsýn, borin uppi af falskri bókfærslu um verðmæti sem ekki eru til. Búið er að tæma sjóði fjöldamargra ríkja gegnum bankakerfið.  Seðlabankar hins vestræna heims, sem eiga að gæta jafnvægis efnahagslífsins, hafa dælt inn billjónum innistæðulausra dollara og evra til að halda tálmyndinni á floti. Rætist spá ástralska hagfræðingsins Steve Keen um nýtt fjármálahrun af svipaðri stærð og Lehman Brothers fer hinn vestræni heimur á kaf. Búið er að tæma hirzlurnar og engin mótstaða eftir. Heilu ríkin munu fallera frítt.

Stjórnmálaelíta í höndum olígarka vill eyða fullveldi ríkja fyrir alræði elítunnar. Íslendingar hafa kynnst þessu í Baugi, Samfylkingunni og bankahruninu. Jónar alheims hafa baugsmiðla sem halda uppi fréttafölsunum og árásum á lýðræðislega rétt kjörna fulltrúa fólksins. Almenn skynsemi víkur fyrir bábiljum og gróusögum.

Hergagnaframleiðendur viðra morgunloft. Markaður dauðans í Miðausturlöndum er á leiðinni til Evrópu og Asíu. Nýlega varaði bandaríski hershöfðinginn Robert Neller við komandi stórstríði í Evrópu. Kannski átti hann við hugsanlega gagnsókn Úkraínumanna til að frelsa Austur-Úkraínu en Rússar hafa hótað blóðbaði ef Úkraínumenn nota nýju bandarísku vopnin sín til þess að reyna að endurheimta austurhlutann. Í Eystrarsaltsríkjunum og Póllandi er viðbúnaður við innrás Rússa og einnig í Svíþjóð og Noregi. Svíþjóð hefur endurreist herdeild á Gotlandi en varnarmálayfirvöld lýsa varnargetu Svía gagnslausri nema að varnir verði styrktar mjög fljótlega.

Í Asíu hafa stórveldin myndað fylkingar með eða á móti Kim Jong-un. Þrátt fyrir yfirlýsingar um hið gagnstæða hafa Rússar og Kínverjar tekið hernaðarstöðu með Norður-Kóreu. Rússar hafa flutt eldflaugakerfi að landamærum Norður-Kóreu sem ólíklega verður notað gegn Kim Jong-un. Kína, sem er á leiðinni fram úr Bandaríkjunum sem stærsta efnahagsveldi heims, segist fylgja samþykktum SÞ um viðskiptabönn. Engu að síður sýna gervihnattamyndir hvernig kínversk skip dæla olíu yfir í N-Kóreönsk skip þrátt fyrir samþykktir SÞ. Kína ögrar Suður-Kóreu með skipum sem sigla í lögsögu S-Kóreu og þvinga fram viðvörunarskot áður en þau hverfa á braut. 

Möguleikar Donald Trumps á eðlilegum samskiptum Rússlands og Bandaríkjanna á grunni Regans og Gorbatjovs í Reykjavík eru að engu orðnir. Búið er að brytja niður diplómatakerfi ríkjanna hvort hjá öðru. Eina ástæðan fyrir því að olígarkí Wall Street, alþjóðastórfyrirtækja og hermangara í Washington hefur ekki þegar flæmt Trump frá völdum er sú, að hann er nothæfur sem stríðsforseti í komandi átökum.

Brennið þið vitar, - farvel 2017.

Velkomið sértu 2018.

Ég þakka samfylgdina 2017 og óska öllum gæfu og gengis á nýja árinu.

 

Athugasemdir

[Haukur Árnason, 30.12.2017 kl. 23:56]

Þakka þér Gústaf og gleðilegt ár 2018.

[Halldór Egill Guðnason, 31.12.2017 kl. 04:59]

 Þakka svartan, en því miður raunsannan pistil.

 Góðar stundir, með áramótakveðjum að sunnan.

[Helga Kristjánsdóttir, 31.12.2017 kl. 09:22]

Ég trúi á kraftaverk; (það verður ekkert Pearl Harbor dæmi ans 1941) 

[Gústaf Adolf Skúlason, 31.12.2017 kl. 10:16]

Þakka ykkur fyrir innlit og góðar kveðjur. 

Það hefði kannski átt að vera viðvörun við lestur pistilsins. Himininn verður svo svartur þegar dökku molunum er raðað saman á þennan hátt.

En við lifum og von nærist í brjósti, við vitum að á eftir svartnætti tekur nýr dagur við.

Kraftaverkin gerast enn ég trúi því líka :)

Farsælt komandi ár til ykkar!

[Jónatan Karlsson, 31.12.2017 kl. 10:58]

Réttilega varð nýverið uppi mikið fjaðrafok, þegar það fréttist að kínverskt skip hefði verið staðið að verki við að dæla olíu yfir í þrjú Norður Kóresk skip á alþjóðlegu hafsvæði, en umræðan þagnaði snögglega, þegar ljóst varð að skipið var í raun frá Taívan, en skráð í Hong Kong.

[Hrólfur Þ Hraundal, 31.12.2017 kl. 14:35]

Það hefur verið upplýsandi að fylgjast með máli þínu. 

Gott væri að hún Helga reyndist sannspá, enda blasir ekki við að Bandaríkja menn nenni að bjarga Evrópu frá sjálfri sér einu sinni enn, sérlega þar sem hún að meðtöldu Íslandi hefur urrað á þá og sagt sveiattan.  

Hafðu ánægjuleg áramót og gæfuríkt nýt ár Gústaf Adolf  og sem og gestir þínir allir. 

[Gústaf Adolf Skúlason, 31.12.2017 kl. 14:36]

Loftið er eldfimt og fleiri skip í sjónaukanum sbr. xhttps://www.express.co.uk/news/world/898465/north-korea-kim-jong-un-un-security-council-trade-sanctions Bann við afhendingu á olíu til N-Kóreanskra skipa hófst í september en talið að í oktober hafi m.a. rússneskt skip afhent olíu til N-Kóreu. Einnig hafa yfirvöld í S-Kóreu stöðvað skip skráð í Panama grunað um olíuflutning til N-Kóreu fyrir utan skipið sem skráð er í Hong Kong og tilkynnt var um s.l. föstudag að væri til athugunar. 

[Gústaf Adolf Skúlason, 31.12.2017 kl. 14:39]

Kærar þakkir Hrólfur fyrir kveðjuna og sömuleiðis farsælt komandi ár til þín og þinna.

[Theódór Norðkvist, 31.12.2017 kl. 19:46]

Takk fyrir athygliverðan pistil, sannarlega blikur á lofti. Þér munuð spyrja hernað og hernaðartíðindi, sagði Kristur, um undanfara endurkomu sinnar.

Trúboðinn David Hathaway sýnir hér fram á með ótvíræðum hætti, að ESB á sér satanískar rætur.

https://www.youtube.com/watch?v=66uCnNwLJtM

Mæli með þessu myndbandi, það er rúmlega klukkutíma langt, en vel þess virði að horfa á það. Inniheldur merkilegar upplýsingar, sem varpar ljósi á það sem er að gerast í heiminum í dag.

Annars gleðilegt ár til þín og þinna.