Bloggfærslur mánaðarins, júlí 2018

Fyrrum ráðgjafi Trumps, Steve Bannon, sker upp herör gegn George Soros

Steve_BannonSteve Bannon fyrrum ráðgjafi Donald Trumps Bandaríkjaforseta sker upp herör gegn marxísku ofurveldi fjármálafurstans George Soros og samtökum hans Open Society. Ætlar Bannon að koma á fót svipaðri starfsemi undir nafninu The Movement (Hreyfingin á íslensku) og vonast til að hún nái áhrifum og árangri fyrir næstu þingkosningar ESB 2019. Verður hlutverk Hreyfingarinnar m.a. að standa fyrir könnunum af ýmsu tagi og virka sem hugmyndasmiðja til að skapa þróttmikil tengsl hægrimanna sem leiði til aukinnar umræðu og þróunar hægri stefnunnar um alla Evrópu.

Bannon segir í viðtali, að það hafi vakið undrun hans, hversu lítið hægri menn voru tengdir milli landa eða skiptust á skoðunum um sameiginleg málefni. Sjálfstæðistefnan sem berst fyrir fullvalda þjóðríkjum með eigin landamærum verður sett á odd baráttunnar í Evrópu. 

Bannon hefur m.a. ráðfært sig við Nigel Farage í Bretlandi, Marine Le Pen í Frakklandi, Viktor Orban forsætisráðherra Ungverjalands, Svíþjóðardemókrata og hægri menn í Póllandi.

Markmiðið er að forma sterkan hóp hægri aflanna á ESB-þinginu og ná meiri áhrifum en áður.

Höfuðstöðvar Hreyfingarinnar eiga að vera í Brussel.


Þeir sem ekki valda fálkaorðunni eiga að sjá sóma sinn og fylgja fordæmi Betu

falkaordanOrðuhafar sem þjást af svipuðu pólitísku harðlífi og Elísabet Ronaldsdóttir ættu að taka hana sér til fyrirmyndar og skila fálkaorðunni. Enginn sem vanærir orðuna í eigin hégóma veldur þeirri virðingu sem orðan táknar. 

Pólitísk einangrunarsýki vinstri manna hrekkur oft upp á ýmsan máta og núna virðist plágan keppa í útbreiðslu við skógarelda í Skandinavíu. Hafa bæði píratar og nýtt formannsefni Samfylkingarinnar orðið svo illa fyrir kveisunni að þau hafa ekki getað mætt til vinnu eða þá mætt en stöðugt þurft að fara frá vegna vanlíðunar.

Ef hegðunin væri tekin fyrir skróp væri ekki úr vegi að gefa pírötum frí frá þingstörfum það sem eftir er kjörtímabilsins. Helga Vala hins vegar þyrfti sérstaka aðlögunardagskrá með heimagerðum eyðum fyirir verstu köstin.

Aðrir vinstri menn, kratar, sósíalistar, kommúnistar, soristar, glóbalistar, anarkistar, vinstri femínistar, marxistar, lenínistar, stalínistar að ekki sé nú talað um öfga íslamista, ættu allir að fylgja þessarri frábæru leiðsögn pírata og taka sér leyfi frá þingstörfum.

Þá fyrst skapaðist vinnufriður fyrir hina sem vinna að landsins gagni og nauðsynjum.

 


mbl.is Skilar fálkaorðunni vegna Kjærsgaard
Tilkynna um óviðeigandi tengingu við frétt

Skógareldarnir í Svíþjóð verstu náttúruhamfarir í manna minnum

Sweden-991541Skógareldarnir í Svíþjóð eru þeir verstu í manna minnum. Langvarandi samfelldur hiti oftast yfir 30 gráður og þurrkar hafa breytt gróðri, grasi og skógi í þurrt skrælnað brennsluefni sem fuðrar auðveldlega upp. Gerir það allt slökkvistarf erfitt og illsótt og þegar logar á a.m.k. 60 stöðum, þar af 15 stóreldar sem enginn hefur stjórn á, þá reynir það mjög á allan mannskap sem berst við að hefta og stöðva útbreiðslu eldanna. Skv. neyðarlínu SOS hafa aldrei áður jafn margar viðvaranir verið sendar til fólks á jafn stuttum tíma og síðan brunarnir hófust.

Miklar umræður eiga sér stað um viðbúnað slökkviliða, almannavarna og hersins fyrir hamförum sem þessum og þykir mörgum Svíum skömm vera að því, að Svíar verða að biðja um neyðaraðstoð m.a. frá Evrópusambandinu til að slökkva skógarelda. Er mikið rætt um að Svíar ættu sjálfir að eiga slökkviliðsflugvélar eins og þær tvær ítölsku sem notaðar eru í dag. Tekur vélina 12 sekúndur að tanka inn 6 tonnum af vatni á flugi og fer vélin a.m.k. 3 ferðir án þess að þurfa að taka eldsneyti. Ein slík vél kostar 200 milljónir sek og er verðið t.d. borið saman við 1,2 milljarða sek niðurgreiðslu ríkisstjórnarinnar á rafmagnsreiðhjólum með eitruðum rafhlöðum og alls kyns fáranlegum þróunarverkefnum sem eru tekin sem dæmi um sóun ríkisstjórnarinnar á almannafé í eigin pólitísk gæluverkefni.

Dan Elíasson góðhestur sósíaldemókrata sem þurfti að hrökklast úr embætti ríkislögreglustjóra vegna getuleysis fékk í staðinn stöðu sem forstjóri almannavarna í Svíþjóð og ummæli hans um að það sé svo dýrt að eiga slökkviflugvélar hafa kynnt undir umræður um þessi mál. Samtök slökkvliðsmanna benda á niðurskurð fjár til slökkviliða á undanförnum árum en í dag vantar a.m.k. 2 500 slökkviliðsmenn að þeirra mati. Á litlum slökkviliðsstöðum er ekki einu sinni til tankbílar og núna þegar öll tæki og mannskapur er nýttur til hins ítrasta sjá margir skýrar, hvað vantar í viðbúnaðinn til að mæta skógareldum.

70% af yfirborði Svíþjóðar er skóglendi. Gríðarlegt magn trjáa eða yfir tvær milljónir kúbikmetra hafa brunnið og er sjáanlegt tjón núna vel yfir 600 milljónir sek miðað við að trén hefðu verið nýtt í timburvinnslu. Yfir 20 þúsund hektarar landssvæðis loga og vindar gera slökkviliðsstörf nær óviðráðanleg þar sem neistaflugið berst með vindinum og breiðir út eldinn. Noregur hefur sent fólk og tug þyrla til slökkvistarfa og tvær slökkiflugvélar frá Frakklandi komu til landsins í gær. Sjónvarpið hefur ekki við að senda út viðvaranir til fólks og fyrirmæli um að yfirgefa hús sín og flýja í skjól. Vegir lokast og upplýsingar gefnar í sífellu um undankomuleiðir á meðan hægt er. Hafa viðtöl verið tekin við fólk sem bara tók með sér smávegis fatnað og svo það dýrmætasta: myndaalbúmið með fjölskyldumyndunum.

Ástandið er skelfilegt. Enginn veit hversu mikið tjón þessir risastóru eldar valda. Sem betur fer hefur enginn mannsskaði orðið enn en einnig er óttast um afkomu dýralífs á eldsvæðunum. Bændur hafa þurft að slátra búfé vegna þurrka og aðrir þurfa að gefa fóður innandyra um hásumar vegna þess að ekkert finnst utandyra. 

Það er bókstaflega rétt að segja að Svíþjóð logar.


mbl.is Svíar biðja um meiri aðstoð
Tilkynna um óviðeigandi tengingu við frétt

Hvað gerum við þegar lýðræðisosturinn klárast?

fjallkonan"Dagur er upp kominn,
dynja hana fjaðrar,
mál er vilmögum
að vinna erfiði."

Þannig hefst hugvekja Jóns Sigurðssonar til Íslendinga 1848.

Jón Sigurðsson grunaði ekki, að eftir þá sjálfstæðisbaráttu sem færði Íslandi fullveldið fyrir 100 árum, þá væri einfaldlega hægt árið 2018 að setja orðið Evrópusambandið í staðinn fyrir orðið Danmörk í hluta texta hugvekjunnar sem þá upplýsti í einni svipan kjarna sjálfstæðisbaráttunnar árið 2018 :

"Á þessu yrði sami galli og nú er, og hefir lengi verið, að málefnum Íslands er ekki stjórnað svo mjög eptir því sem Íslandi er hagkvæmast, einsog eptir því, hvernig öllu hagar til í Evrópusambandinu. Evrópusambandið teymir Ísland eptir sér í bandi, og skamtar því réttindi, frelsi og mentun eptir því, sem því þykir hagkvæmast og bezt við eiga."

"Á fundum Evrópusambandsins verða fulltrúar vorir sárfáir, eptir tiltölunni, og allt er undir hælinn lagt hvort þeim tekst að sannfæra meira hlutann um það sem réttast væri, þó þeim væri það fullljóst sjálfum."

"....verðum vér að senda fulltrúa að tiltölu á ríkissamkomuna, og þeir eiga að sjá um réttindi landsins eins og hinir..; en þá yrði alþing oss að öllu ónýtt."

"En þessir menn, eða að minnsta kosti nokkrir þeirra, munu hafa meðfram þann skoðunarmáta, sem vér áður gátum um, að Ísland sé partur af Evrópusambandinu og Íslendingar með ríkisfang Evrópusambandsins, eða að minnsta kosti að það ætti svo að vera. Af því þeim þykir ofur vænt um Evrópusambandið þá hugsa þeir að allir aðrir sé eins, og það sé þverhöfðaskapur vor eða einþykkni þegar vér getum ekki fylgt þeim í öllu eða þegar vér verðum að segja að vér elskum Ísland meira en Evrópusambandið...".

Lýðræði tryggir fullveldið, en án fullveldis glatast lýðræðið:

"Þjóðin er ekki til handa embættismönnum sínum, heldur eru þeir handa henni; hún á því með að krefja þá reikningskapar fyrir stjórn þeirra, og þeir eiga að svara; en hér verður þjóðin öldúngis þýðingarlaus, nema ef það gæti verið embættismönnunum til æfingar, að stjórna viljalausum skepnum, og sýna þeim hversu miklir þeir væri. Þar sem þjóðirnar taka sjálfar þátt í stjórn sinni er þessu öðruvísi varið."

Íslenskir ráðherrar sumir kvarta yfir því, að sjálfstæði Íslendinga fari í taugarnar á Evrópusambandinu. Slíkar kvartanir koma þó ekki í veg fyrir á sama tíma að þeir samþykki lög á alþingi sem sífellt sneiða bita af fullveldi Íslands, ein lítil sneið hér, ein lítil sneið þar. Bera ráðherrar því við að Evrópusambandið breyti einhliða tvíhliða EES-samning og að alþingi og ráðherrar hafi sífellt minna að segja um hag Íslands. Til þess að leysa þann vanda á að hefla af vanköntum stjórnarskrár íslenska lýðveldisins svo hún stangist ekki lengur á við valdboð Evrópusambandsins.

Slík vinnubrögð fara engan veginn í taugarnar á Evrópusambandinu sem fyrir langalöngu hefur hannað innlimunarferli Íslands í samstarfi við þá menn sem vilja selja frelsi þjóðar sinnar fyrir vesæla nafnbót og gefa það síðan fyrir minna en ekkert.


mbl.is Blásið til hátíðarfundar á Þingvöllum
Tilkynna um óviðeigandi tengingu við frétt

Jean-Claude Juncker er Drunker með áfengissýki á háu stigi

Burtséð frá því, hvað manni finnst um ESB, þá eru það veikleikamerki fyrir stjórnsýsluna, að virkur áfengissjúklingur leiðir sambandið. Yfirlýsing ESB um að Juncker sé bakveikur mun hvorki stöðva orðróminn né ráða bót á áfengissýki Jean-Claude Juncker, sem í mörg ár hefur sýnt einkenni áfengissjúklings svo eftir hefur verið tekið og talað um.

Embættismenn ESB hafa kvartað undan þessu en ekki verið á þá hlustað. Fjölmiðlar hafa greint frá vandamálinu í meira en tíu ár sbr myndbandskeið að neðan.

Áfengissiðir Jean-Claude Juncker t.d. að drekka mörg kampavínsglös með hádegismatnum eða fá sér koniak með morgunkaffinu hafa vakið neikvæða athygli og gagnrýni sem Juncker hlustar ekki á. 

ESB er í upplausn en samtrygging elítunnar leyfir útúrdrukknum forseta þess að verða sjálfum sér og ESB til skammar og að halda því áfram í hjólastól. Er það táknrænt fyrir samband á sama sýkingarstigi og síversnandi áfengissjúkdómur forsetans.

Kjósendur hafa ekki kosið Jean-Claude Juncker en ESB vill skylda kjósendur að stilla Juncker Drunker upp sem fyrirmynd barna sinna. 

Lægra verður ekki lagst í siðleysi til að verja áfengissjúklinginn.

 

 


mbl.is Bakveikur - ekki fullur
Tilkynna um óviðeigandi tengingu við frétt

15% fleiri vilja BREXIT nú en þegar kosið var

imagesDraumurinn um Brexit er við góða heilsu. Svo góða að 15% fleiri vilja Brexit nú en þegar kosið var í júní fyrir tveimur árum skrifar Daily Express

Boris Johnson fv. utanríkisráðherra Bretlands segir að Bretland hljóti hlutskipti nýlendu skv. tillögum Theresu May, þar sem lögsaga Breta muni vera áfram í höndum ESB. Skiljanlegt að ekki verði við slíkt hlutskipti unað en Brexit er einmitt til að endurheimta fullveldi og sjálfstæði Bretlands.

Ný skoðanakönnun sýnir að 56% eru óánægðir með tillögur May og Nigel Farage hefur gagnrýnt tillögurnar sem hann segir að sé brunaútsala á hagsmunum Bretlands.

ESB berst með klóm og kjafti til að BREXIT misheppnist. Forráðamenn ESB skilja að sigurganga Breta hvetur önnur ríki að fylgja á eftir. Carl Bildt fyrrum forsætisráðherra Svíþjóðar skrifar í grein í Dagens Industri í gær að fylgjendur Brexit séu "talibanar". Það er hámark tilraunar hans til alvarlegrar umræðu um málstað þeirra sem vilja ráða sínum málum sjálfir. Hann hefur áður ásakað Donald Trump Bandaríkjaforseta fyrir að hafa verið undir áhrifum eiturlyfja, þegar Trump hváði við út af öllu ofbeldi í Svíþjóð.

Líkurnar á að Bretar skilji einhliða við ESB aukast með degi hverjum. Það fer ekki vel og minnir á Icesave hjá okkur Íslendingum - að láta ESB sinnað fólk sjá um samningagerð um útgöngu úr ESB. 


mbl.is „Draumurinn um Brexit að deyja“
Tilkynna um óviðeigandi tengingu við frétt

Heilagastríðsmenn og eiturlyfjahringir setja strik í reikning Línu

islamssverigeEkki mun vegabréfagæzla nú stöðva þá íslömsku vígamenn, sem þegar hafa hreiðrað um sig á mörgum stöðum í Svíþjóð og vinna dag og nótt að því að byggja upp cellur kalifatsins sem fylgja sharía lögum og gefa sænskum lögum fingurinn.

Ofbeldið minnkar ekki í Svíþjóð. Það eykst. Árstollur Malmö 2017 með 7 drepnum í skotbardaögum kláraðist þegar í júlí 2018 með 8 drepnum og 9 særðum þar í bæ. Skv. sænska ríkisútvarpinu tekur það sífellt lengri tíma fyrir lögregluna að vinna í morðmálum í Svíþjóð. M.a. vegna þess að skotárásir glæpahópa hafa tíufaldast á tveimur áratugum. 2015 tók það lögregluna um 170 daga að taka við morðmáli og vinna með það þar til saksóknari kærði í málinu. Í dag tekur það mánuð lengri tíma eða 201 daga. 1990 leysti lögreglan milli 80-90% morðmála. Í dag leysir lögreglan einungis fimmtung morða í glæpastríðum. 

Morðtilræði við starfsmenn sjúkrahúsa eru vaxandi vandamál í Svíþjóð. Ástandið er orðið svo alvarlegt að formaður læknafélags Stokkhólms Andreas Fischer segir að innan fimm ára verði að hafa vopnaða verði á slysavarðsstofum sjúkrahúsa, svo að læknar og aðrir starfsmenn geti unnið störf sín í friði. 

Örfá brot úr fjölmiðlum fyrirmyndaríkis öryggis- og velferðarmála síðustu daga:

  • Maður stunginn til bana í Husby í norður Stokkhólmi
  • Einn drepinn og annar særðist í Malmö
  • Skotbardagi í Gautaborg vegna ráns, maður færður særður á sjúkrahús
  • Fjórir menn særðust í skotbardaga í Helsingjaborg
  • Einn drepinn og annar særðist í Örebro
  • Ungur maður skotinn til bana um miðjan dag í Malmö. Starfsmenn dagvistunarheimilis við skotstaðinn smöluðu börnunum inn og létu þau syngja hátt Áfram Svíþjóð! til að hylla fótboltahetjur Svíþjóðar. Söngurinn átti að yfirgnæfa skothljóðin fyrir utan.
  • Svipuð dæmi um að börn hafi verið flutt í skjól undan skotbardögum er að finna á mörgum fleiri stöðum í Svíþjóð eins og Uppsala, Stokkhólmi, Gautaborg m.fl.

mbl.is Allir verða að sýna vegabréf
Tilkynna um óviðeigandi tengingu við frétt

Innskráning

Ath. Vinsamlegast kveikið á Javascript til að hefja innskráningu.

Hafðu samband