Bloggfærslur mánaðarins, mars 2013

Carl Bildt fylgir ekki eigin flokki, er hann hvetur Íslendinga að ganga í ESB og taka upp evruna

ska_776_rmavbild_2013-03-24_kl_23_28_28.pngCarl Bildt vill að Ísland gangi með í ESB og taki upp evruna. Hann talar þar fyrir hönd ESB ekki Moderata Samlingspartiet - Hægri flokksins, sem hann er meðlimur í og leiðir ríkisstjórn Svíþjóðar. Flokksbróðir hans Anders Borg, fjármálaráðherra Svíþjóðar, sagði 2011, "að það væri gott fyrir Svíþjóð að vera án evrunnar." Síðan þá hefur flokkurinn sett fram þau skilyrði, að evran verður ekki tekin upp nema "að aðildarríkin fari eftir skilmálum um hámark ríkisskulda og fjárlagahalla." Moderatarnir eru orðnir þreyttir á fallega orðuðum, merkingarlausum samningum. Flest ríki evrunnar brjóta hámark 60% ríkisskulda miðað við þjóðarframleiðslu og fjárlagahalla undir 3%. Íslendingar uppfylla ekki kröfurnar og geta því hvorki orðið meðlimir né tekið upp evruna. 82% Svía höfnuðu evrunni og aðeins 10% vildu hana skv. skoðanakönnun s.l. nóvember. Moderatarnir hafa á tíu árum "farið úr eurofori yfir í eurofobi."

Í væntanlegri stefnuskrá fyrir kosningarnar 2014 hafa Moderatarnir skerpt kröfurnar. Hér eru nokkur dæmi:

Nei við upptöku evru, þar til allir fylgja kröfum myntbandalagsins  

Nei við frekara samstarfi efnahags- og myntbandalagsins

Nei við nýjum sameiginlegum fjárlögum, einum ESB-fjármálaráðherra og evru-skuldabréfum.

Nei við rétti ESB að koma á eigin sköttum t.d. fjármagnstekjuskatti (s.k. Tobínskatts).

Nei við útflutningsbanni á snus munntóbaki.

Nei við hækkun fjárlaga ESB, þau skulu lækkuð og minna fé varið til landbúnaðar og svæðissjóða.

Nei við nýju bankasambandi.

Flokkurinn vill afnema styrki til sjávarútvegs og banna brottkast fisks, opna inri markað fyrir viðskiptum á Internet (í dag þarf 27 leyfi til að setja fyrirtæki á netið með viðskipti við öll lönd ESB), gera viðskiptasamning milli ESB-USA og koma á fót friðarstofnun ESB svo fleiri dæmi séu nefnd.


Viðvörun frá WHO: Kreppustefna ESB kostar mannslíf og breiðir út lífshættulega sjúkdóma.

krisen-1Hópur vísindamanna, sem vinnur á vegum Alþjóðaheilsustofnun Sameinuðu þjóðanna WHO ræðst harkalega á kreppupólitík Evrópusambandsins. Hún kostar mannslíf og orsakar útbreiðslu hættulegra sjúkdóma samtímis sem stjórnmálamenn skifta sér ekki af afleiðingunum.

Fólki líður mikið ver og fleiri taka líf sitt vegna atvinnuleysis í kjölfar kreppunnar ályktar European Observatory on Health Systems and Policies og tekur Grikkland sem dæmi í grein í nýjasta tölublaði læknatímaritsins Lancet.

Vísindamenn undir leiðsögn Martin McKee við London School of Hygiene and Tropical segja, að lífshættulegir sjúkdómar breiðist út í kjölfar stórfellds niðurskurðar á fjárlögum Grikklands. Hópurinn varar við útbreiðslu HIV og malaríu.

Kreppan birtist einnig í umferðarörygginu og er bent á Portúgal og Spán sem hafa skorið fjárlög niður. "Efnahagur þeirra minnkar og þrýstingurinn á heilsukerfið eykst stöðugt." Vísindamennirnir vara við afleiðingum fjármálasamnings Kýpur og benda á að stjórnmálamenn sýni enga miskunn við niðurskurð heilbrigðiskerfis og vinnumarkaðar.

Hópurinn bendir á Ísland sem andstöðu við kreppustefnu ESB: "Fjármálakreppa Íslands virðist hafa haft lítil sem engin áhrif á heilsu almennings."


Grundvöllur ESB brostinn - Fjórfrelsið fangi á Kýpur

130319091942-cyprus-protests-no-620xaMeð aðgerðum sínum gegn Kýpur hefur ESB í raun inleitt nýjan gjaldmiðið á Kýpur, skrifar Guntram Wolff hjá hugmyndasmiðjunni Bruegel. Með því að koma á gjaldeyrishöftum eru Kýpurbúar hindraðir að flytja fjármagn til og frá Kýpur innan evrusvæðisins. Þetta þýðir að evra á einu svæði er ekki sú sama og evra annars staðar. Í raun og veru er búið að afnema evruna á Kýpur, sem er brot á "stjórnarskrá" ESB grein 63. Takmarkanir á hreyfingu fjármagns milli landa og greiðslu milli aðildarríkja ESB eru bannaðar.

Í snöggkreppuskóla Andreas Cervenka hjá Sænska Dagblaðinu ræðir hann muninn á Jeroen Dijsselbloem og fyrirrennara hans í formannssæti evruhópsins Jean-Claude Juncker, sem þekktur varð fyrir fyrirmæli sín: "Maður verður að ljúga í efnahagslega viðkvæmum málum." Dijsselbloem varð á að brjóta regluna þegar hann sagði, að núverandi kerfi, þar sem skattgreiðendur eru stöðugt látnir borga fyrir mistök bankanna, yrði að ljúka.

"Ef það er áhætta hjá bankanum er fyrsta spurning okkar, hvað ætlið þið í bankanum að gera í því? Hvernig ætlið þið að endurfjármagna bankann? Getur bankinn ekki gert það spyrjum við hluthafa og bréfaeigendur og biðjum þá um aðstoð. Og ótryggða innistæðueigendur ef þörf krefur."

"Ef þú vilt hafa heilbrigðan fjármálageira er það eina rétta að segja "Tekur þú áhættu verður þú að meðhöndla hana og geturðu ekki meðhöndlað hana, þá hefðir þú ekki átt að vera taka hana í byrjun."

Í núverandi ástandi eru slík ummæli byltingarkennd og í algjörri mótsögn við kreppupólitík ESB: Verjum bankana hvað sem það kostar. Ríkið borgar. Sem þýðir að bankarnir spila fjárhættuspil með peningana okkar. Varla höfðu orðin náð á skerminn fyrr en hlutabréf banka féllu í allri Evrópu. Dijesselbloem braut regluna: segðu það sem þú vilt svo lengi, sem það hræðir ekki markaðinn. Skömmu síðar kom yfirlýsing um að þetta hefði nú alls ekki verið það, sem hann hefði sagt og Kýpur væri svo sérstakt og alls ekkert dæmi fyrir aðra.

Evrusvæðið er í gíslingu. Ríki ESB eru í gíslingu. Grundvöllur samstarfsins er brostinn. Fjórfrelsið virkar ekki lengur. Framundan er stríð við markaðsskrýmslið, sem lætur skattgreiðendur taka alla áhættuna. Þótt Dijesslbloem hafi neyðst til að taka tilbaka orðin, þá var hann aðeins að segja það, sem flestir hugsa og er skynsamlegt:

Fjárhættuspilararnir verða að bera sína áhættu sjálfir. 

 


Fæðingarverkir Fjórða ríkisins

noto4threich

Úr öllum áttum koma viðbrögðin við aðgerðum Þríeykisins á Kýpur.

Charles Moore skrivar í The Telegraph að Kýpur sé aðeins fyrsta fórnarlambið í röðinni vegna stefnu Berlínar "ein stærð fyrir alla". Moore telur að Þjóðverjar standi í þeirri trú, að vegna þess að þeir hafi verið svo duglegir eftir seinni heimsstyrjöldina og lagt hart að sér, þá séu þeir eðlileg fyrirmynd annarra, sem eiga að hlýða sömu reglum. Ef fólk í öðrum löndum fylgi Þjóðverjum muni vandamálin lagast og allir fá það jafngott. Ójöfn samkeppnisstaða muni jafnast og evran verða sú sama fyrir alla.

Moore ber saman peningaþvott Rússa á Kýpur við peningaþvott Rússa á Íslandi og segir, að þegar bankarnir hrundu á Íslandi hafi sérhver Íslendingur - alla vega fræðilega séð - skuldað 330 þús dollara. En þar sem Ísland hafi ekki haft evruna eins og Kýpur, þá hafi þjóðin getað tekið fiskiðnaðinn fram yfir bankaiðnaðinn og sé nú á réttu spori með eigin gjaldmiðil. 

Eftir sigur Bandamanna árið 1944 sagði Churchill, að Þýzkaland "liggur sigrað að fótum okkur". Í dag liggja flest ríki Suður-Evrópu sigruð að fótum Þýzkalands. Það er eðli heimsvelda að finna seint eða aldrei fyrir þjáningum íbúa nýlenda sinna.

Þjóðverjar hafa grætt óhemju vel á lágu gengi evrunnar samtímis sem of hátt gengi evrunnar hefur verið hengingaról fyrir löndin í Suður-Evrópu. Þjóðverjar hafa stóraukið markaðshluta landsins á erlendum mörkuðum á kostnað annarra ESB-ríkja.

Það sem er að gerast eru fæðingarverkir 4. ríkisins, sem brátt munu bera ávöxt. En áður en af fæðingu verður, mun evrusvæðið skipta sér og þá kemur í ljós, hvaða ríki sverja Þýzkalandi eið sinn: "Að starfa saman sem eitt ríki - Fjórða ríkið." 


"Takið út peningana úr öllum vestrænum bönkum strax!"

mpc1_1195042.jpgRússneska utanríkisráðuneytið hefur sent frá sér "áríðandi skilaboð" til sendiráða Rússlands í heiminum, þar sem Rússum og rússneskum fyrirtækjum er lagt fyrir að taka út peninga sína frá vestrænum bönkum og fjármálafyrirtækjum "strax". Rússnesk yfirvöld óttast að ESB og USA undirbúi stærsta þjófnað nútímans á einkaauði. Frá þessu greinir EU TIMES í gær.

Medvedev forsætisráðherra sagði í gær varðandi eignaupptöku Þríeykisins á sparifé Kýpverja (laus þýðing): "Þau hafa gert öll möguleg mistök, sem hægt er að gera, þau lögðu til eignaupptöku ....Ég get ekki borið það saman við neitt nema ákvarðanir yfirvalda Sovét... þegar þau spáðu ekki mikið í sparnað almennings. En við lifum á 21. öldinni við efnahagslega markaðsskilmála. Allir halda því fram að virða beri einkaeignarréttinn."

Samkvæmt heimildum í Kreml er skyndileg Ísraelsferð Obama Bandaríkjaforseta til Ísrael farin til að vara leiðtoga landsins við, að Bandaríkjastjórn hafi uppi "áætlun" um eignaupptöku á sparifé eigin landsmanna. Í skýrslu Boston Consulting Group "Sameiginlegt tjón: Til baka til Mesópótamíu? Ógn skuldaaðlögunar", sem kom út í september 2011 er varað við, að Bandaríkjastjórn áformi allt að 30% eignaupptöku almennings bæði af sparifé og öðrum eigum. 

Hvatning Nigel Farage í sjónvarpsviðtali til íbúa ESB: "Takið út peningana ykkar á meðan það er hægt."

Nigel Farage formaður brezka Sjálfstæðisflokksins segir, að honum hafi "aldrei komið til hugar, að þeir (leiðtogar ESB/gs) myndu grípa til þess ráðs að stela peningum af sparifé almennings." Viðtalið má sjá hér.


Stelsjúkt Þríeykið afhjúpar blekkingu evrunnar

Financial-Crisis_J_1018198cKýpverjar höfnuðu tilraun hins stelsjúka Þríeykis að komast yfir hluta innistæðueigenda í bönkum Kýpur með 39 NEI á meðan 19 þingmenn sátu hjá. Mikill fögnuður braust út meðal Kýpurbúa, þegar niðurstaðan var kynnt.

Það er ekki laust við, að kunnur Icesave-fiðringur fari um magann við þessi góðu tíðindi. Kýpverjar hafa slegið á langa fingur Þríeykisins, sem ýmsir fjárfestar og bankamenn í Evrópu þ.á. m. Svíþjóð hafa gagnrýnt harkalega. Meðal annars fyrir stórfurðulega framkomu sem hleypir öllu fjármálatrausti innan ESB upp í loftið.

Sænski fjármálamaðurinn Sven Hagströmer kallar ránstilraun Þríeykisins hneyksli og stórhættulega "stelsýki": "Þetta skapar siðferðilega hættu, sem ég gat ekki einu sinni ímyndað mér að væri til."

Samkvæmt Lissabonákvörðuninni átti ESB að verða samkeppnishæfasta svæði heims þegar árið 2010. Tveimur árum seinna er það lélegur brandari, þegar lönd evrusvæðisins hrynja hvert á fætur öðru.

Þríeykið á einn leik, sem utanríkisráðherra Svíþjóðar Carl Bildt gæti upplýst þá um: Bæta einkavininum Össuri Skarphéðinssyni sem fjórða hjólinu undir vagninn. Árni Páll Árnason gæti borið ferðatöskurnar. Þríeykið yrði þar með Fjóreykið, sem gæti hraðað heljarför evrunnar. Og "stóru" karlarnir frá Íslandi fengju sekúndubrot til að komast í ljósadýrðina. Hugsið ykkur, – þeir gætu jafnvel komist á ljósmynd með Madam Merkel og Lagarde. Það má fórna Kýpur og Íslandi fyrir minna.


mbl.is Kýpur hafnar skatti á innistæður
Tilkynna um óviðeigandi tengingu við frétt

Sömu lögmál gilda um traust og þungun - enginn verður hálfhafandi.

cyprusbankAndreas Cervenka hjá Sænska Dagblaðinu skrifar um þá miklu áhættu, sem ESB-leiðtogarnir tóku með ákvörðun sinni um helgina að taka af sparifé innistæðueigenda á Kýpur upp í skuldir bankanna.

Hann telur, að ákvörðunin dragi dilk á eftir sér.

Í sama streng tekur Robert Bergqvist yfirhagfræðingur Sænska Enskilda Bankans, sem sagði í sænska sjónvarpinu í kvöld, að ESB hefði opnað Pandóruöskju með ákvörðuninni. Hann varar við, að almenningur í öðrum ESB-ríkjum taki út peninga sína úr bönkunum, sem jafnvel í litlum mæli gæti skapað öngþveiti og bankahrun.

Málið er TRAUST. Annað hvort finnst það eða ekki. Ef innistæðueigendur hætta að treysta bönkunum, þá hrynur kerfið.

Örlög banka og ríkja evrusvæðisins eru orðin svo hættulega samtvinnuð, að þau eru í lekandi skútu á ólgandi skuldasjó. Til að halda kreppuríkjunum fljótandi lánar Þríeykið út peninga gegn loforði um stálbað. En vandamálin leysast ekki, – skuldirnar eru of stórar.

Þá finna leiðtogar ESB nýja aðferð til að komast yfir peninga: taka sparifé almennings. 

Traust á kerfinu grundvallast á tryggingu sparifjár. En þá verður að vera til fé fyrir tryggingunni. Sá sem tekur fram vasatölvuna og leggur saman eigur banka, innistæður sparifjáreigenda og eignir ríkissjóða hjá löndum eins og Grikklandi, Spáni, Portúgal og Ítalíu kemst fljótt að þeirri óhugnanlegu niðurstöðu að peningarnir eru ekki til. 

Það er engin tilviljun, að áætlun um evrópska bankasambandið felur í sér áætlun um sameiginlega innistæðutryggingu. Þess vegna er það heldur engin tilviljun, að lönd eins og Þýzkaland segja nei.

Um það bil 15 000 miljarðir evra eru á bankareikningum evrulandanna. Stærð ólíkra björgunarsjóða ESB verður eins og skiptimynt í samanburði. Fjármagnsflótti í stórum mæli mundi fljótlega leiða til efnahagslegrar úrbræðslu.

Viðskiptavinir banka í skuldsettum ríkjum Evrópusambandsins vakna í dag við nýjan raunveruleika. Hundrað evru seðill er ekki lengur andvirði hundrað evra. Kreppuherforingjar ESB ákveða hversu mikils virði seðillinn er. 

Í Berlín og Brussel taka stjórnmálamenn sénsinn, að Kýpur gleymist fljótlega. "Þetta er einstök aðgerð" segja þeir. En hvað gerist, ef miljónir Evrópubúa hætta að treysta pólitíska heitloftinu frá toppfundum og byrja að reikna sjálfir? Ekki er hægt að sjá þær afleiðingar fyrir.

Eitt er ljóst: Evrukreppan er komin á nýtt stig.

Þetta getur endað, hvernig sem er.

 


mbl.is Bönkum lokað fram á fimmtudag
Tilkynna um óviðeigandi tengingu við frétt

EUROSAVE: land nr. 5 fallið. Sparifjáreigendur rændir á Kýpur.

cyper

Enn eitt "neyðar" lánið frá Trojkunni. Í þetta sinn til Kýpur, þar sem lögkjörnum fulltrúum landsins voru settir þeir úrslitakostir, að landið yrði gert gjaldþrota með tilheyrandi eignaupptöku á brunaútsölu til að fylla upp í skuldaholur bankanna. Að öðrum kosti fjárnám allt að 10 % sparifjár ásamt skattahækkunum á almenning og fyrirtæki, niðurskurði velferðamála og útsölu ríkisfyrirtækja. Með öðrum orðum operation EUROSAVE, þar sem almenningur er látinn taka á sig ábyrgð og borga fyrir glæpsamlega bankastarfsemi.

Þetta er ódýrasta lausnin fyrir bankaeigendur og ESB, sem þar með sleppa við útborgun tryggingu innistæðueigenda upp að 100 þús evrum. Þar með er enn einni þjóðinni fórnað til greiðslu á tapi vegna áhættusamrar starfsemi banka- og fjárglæframanna = SKULDUM ÓREIÐUMANNA. Og fórnað er sparnaði ellilífeyrisþega og núverandi kynslóðar og næstu og þarnæstu líka. Eins og reynt var að gera við Íslendinga með ICESAVE. Og ríkisstjórn Íslands er að takast með austri skattfjár í fjármálafyrirtækin, afhendingu banka til hrægammasjóða, skattaklyfjum á landsmenn og niðurskurði ríkisútgjalda.

Þessi aðgerð Trojkunnar mun hræða marga innistæðueigendur í öðrum evrulöndum frá því að treysta bönkunum fyrir sparifé sínu. Fróðlegt verður að sjá á næstu vikum, hver áhrifin verða og ýmsir spá reiði á þriðjudag, þegar bankarnir á Kýpur opna aftur. Fólk almennt innan ESB er orðið mjög mótfallið bönkunum og aðgerðum ESB í nafni evrunnar. Árásum á fyrirtæki, héruð og heilu löndin er í dag stjórnað með evru og banka að vopni. Þessar aðfarir eru að leggja evrulöndin í rúst og logarnir komnir undir allt ESB, vegna fallandi eftirspurnar, framleiðslu og almenns samdráttar. Og áfram er ferðinni haldið ofan í hyldýpið. 

Í gær fór fólk út á götu í Madríd til að sýna samstöðu með íbúum Kýpur. Allan föstudaginn mótmæltu tugir þúsunda í Brussel framferði ESB og bankanna gegn íbúum evrusvæðisins og heljarstefnu ESB: EUROSAVE.

Stjörnurnar eru orðnar að hengingaról almennings á evrusvæðinu.

Það verður slegið til baka.



mbl.is Í áfalli yfir harkalegum skilmálum
Tilkynna um óviðeigandi tengingu við frétt

Nýju fjármálahruni spáð ásamt uppreisn í Evrópu

LB_Albert_Edwards__254201c

Sífellt verður styttra milli alls konar viðvarana úr öllum áttum. Dagens Næringsliv í Noregi átti í vikunni viðtal við Albert Edwards i London City sem er yfirmaður greiningadeildar Société Générale bankans. Hann hefur stundum verið kallaður "Ofursvartsýnismaðurinn" en hann spáði rétt fyrir um fjármála- og skuldakrepppu heimsins. Albert Edwards segir að ástand fjármálamarkaða líkist mjög stöðunni 2007 og varar við nýju hruni og ísöld hlutabréfa og skuldabréfa í kjölfarið. 

Hann hefur áður gagnrýnt Ben Bernanke, Seðlabankastjóra USA, sem Edwards meinar að "stefni á hættu að gera USA gjaldþrota" með fjármálapökkum sínum. "FED mun eyðileggja heiminn" eru skilaboð Edwards, sem segir það vera heimsku að halda, að Bandaríkin geti komist hjá samdrætti.

Á sama tíma segir svissneski fjárfestirinn Marc Faber í viðtali við CNBC, að sterk þróun bandaríska verðbréfamarkaðarins muni stöðvast af 20% bakslagi eða enn allvarlegri söluöldu. "Mér finnst, að fjárfestar sem nú þyrpast inn á verðbréfamarkaðinn ættu að minnast þess, að við höfum haft mikla hækkun."

eu_demonstration_f_1017140c.jpg

Frá Evrópusambandinu sem nú heldur leiðtogafund í Brussel, þar sem tugir þúsunda mótmælenda hafa safnast saman til að mótmæla niðurskurðar-, skattahækkana- og atvinnuleysisstefnu sambandsins berast tölur úr öllum áttum, sem skrifa niður fyrri eftirvæntinganir um hagvöxt og ný störf. Þannig þurfti t.d. Þýzkaland að skrifa niður fyrri spár eftir að pantanir á iðnaðarvörum féllu óvænt um 4,1 % frá löndum evrusvæðisins í janúar. Innanlands féll eftirspurn 0,6% og 3 % frá útlöndum. Gerði þetta tæplega 2% samdrátt á meðan spáð hafði verið hagvexti upp á hálft prósent.

"Enginn stjórnmálaleiðtogi innan Evrópusambandsins getur verið ánægður með 26 miljón manna án atvinnu innan ESB," segir Enda Kenny forsætisráðherra Írlands, sem nú fer með formennsku ESB.

Bernadette Segol aðalritari verkalýðssamtaka Evrópu ETUC er mjög áhyggjufullur: "Við efumst um að hagvöxturinn komi nægilega fljótt til að almenningur róist en ekki markaðirnir. Atvinnuleysið eykst og eykst og eykst."

Hópur ungmenna héldu á borða þar sem á stóð skrifað á mörgum tungumálum:"Ef æskan væri banki væri búið að bjarga henni fyrir löngu síðan."

Þegar forsætistráðherra Lúxumborgar kom til fundarins í Brussel sagði hann: "Ég fullyrði ekki að við séum án áhættu á þjóðfélagsbyltingu, félagslegri uppreisn."


mbl.is ESB eitt brýnasta kosningamálið
Tilkynna um óviðeigandi tengingu við frétt

Vonandi tæmast þuru gervitárin í "sorginni stóru."

f81a76761b27889a

Megi sorg þeirra, sem vilja kasta út stjórnarskrá lýðveldisins fyrir nýja Samfylkingar-VinstriGræna-ESB-stjórnarskrá, yfir því að ótækt frumvarp þeirra nái ekki fram að ganga, verða nægilega mikil til að birgðir þuru gervitáranna klárist og a.m.k. eitt pínulítuð, - svona agga, agga, aggalítið krókódílstár - nái að kíkja fram.

Það er ekki hátt risið á þingmönnum ríkisstjórnarinnar og leppum þeirra, sem hver á fætur öðrum koma upp í pontu Alþingis og reyna að telja fólki trú um, "að formannsklíka þingflokkanna" hafi gert "hallarbyltingu" til að tryggja að frumvarpið nái ekki fram að ganga.

Frumvarpið nær ekki fram að ganga, einfaldlega vegna þess að það er enginn þingmeirihluti fyrir frumvarpinu. Og er það vel eftir alla þá ömurlegu vegferð, sem þetta mál allt hefur fengið og alla þá gagnrýni frá fjölda fólks úr öllum stéttum samfélagsins, bæði lærðra og lögfróðra sem venjulegs fólks. Jafnvel forsetinn sjálfur hefur þurft að leggja sig í málin til að benda á grundvallargalla hugmynda Stjórnlagaráðs. Bara sú staðreynd að helmingur þjóðarinnar sat heima þegar skoðanakönnunin var gerð sýnir, að þetta er ekki mál, sem þjóðin vill forgangsraða eins og ríkisstjórnin gerir. 

Ef mig misminnir ekki voru minna en 2% þjóðarinnar því fylgjandi eftir hrun að breyting stjórnarskrárinnar væri mikilvægasta verkefnið.

Tillaga ríkisstjórnarinnar og leppa þeirra er þeirra eigin stjórnarskrá til að mæta kröfum ESB um afsal fullveldis Íslands. Til að ESB komist yfir stjórn Íslands, auðlindir okkar og fjármálakerfi.

Það er vel að málið falli. Það er vel að ríkisstjórnin falli. Megi þjóðin komast sem fyrst frá þessu leiðindamáli, sem kostað hefur ógrynni fjárs, sem betur hefði verið nýtt til þarfari mála t.d. innan heilbrigðisgeirans. 


mbl.is Sorg í hjarta yfir stjórnarskránni
Tilkynna um óviðeigandi tengingu við frétt

Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband