Bloggfærslur mánaðarins, apríl 2016

Panamaskjölin upphaf nýs viðskiptastríðs og nýrrar alþjóðlegrar efnahagskreppu sem stjórnað er frá Wall Street?

Skärmavbild 2016-04-28 kl. 01.00.22Það var fróðlegt að hlusta á samtal Arnþrúðar Karlsdóttur og Péturs Gunnlaugssonar við Jón Steinar Gunnlaugsson fv. hæstaréttadómara um Panamaskjölin í útvarpi Sögu í dag. Réttilega bentu þau á staðreyndir málsins, að fjöldi einstaklinga hafa verið nafn- og skilgreindir sem "sakborningar" án réttarfarslegrar meðferðar mála. Sökin er skattasvindl og "sönnunin" að viðkomandi hafi á einhvern hátt verið viðriðin félög á aflandseyjum fyrir tilstuðlan lögmansstofu Mossack Fonseca. Jón Steinar Gunnlaugsson fv. hæstaréttardómari hitti naglann á höfuðið, þegar hann lýsti þessum árásum sem "galdrabrennufári". Hann benti einnig á það, að með framgöngu fjölmiðla og virkri hlutdrægni væri búið að eyðileggja grundvöll réttvísinnar í framhaldinu.

Sænska Dagblaðið birti frétt á heimasíðu sinni 27.apríl um að bandarísk fjármálayfirvöld rannsaki nú banka í heiminum með hliðsjón af "Panamaskjölunum". Department of Financial Services hefur sent öllum fjórum stórbönkum í Svíþjóð, Nordea, Handelsbanken, SEB og Swedbank fyrirspurnir um tengsl þeirra við lögmannsstofu Mossack Fonseca og hafa bankarnir fengið tíu daga til að svara spurningunum. Í fyrstu atrennu eru 13 alþjóðlegir bankar í athugun hjá DFS í New York og fyrir utan þá sænsku eru það Bank Leumi USA, þýzki Commerzbank, hollenski ABN AMRO Bank, svissneski Credit Suisse, franski Société Générale, austurríski Raiffeisen Centralbank Osterreich, kínverski Mega ICBC og þýzku bankarnir Deutsche Bank Trusat Company og Deutsche Bank. 

DFS gegnir hlutverki fjármálaeftirlits með rétt að refsa bönkum sem fylgja ekki bandarískum lögum og reglum. Getur DFS sektað banka og látið loka starfsemi þeirra í New York. 

Skv. fréttastofu Bloomberg krefst DFS nafna allra starfsmanna bankanna sem starfa á útibúum þeirra í New York sem koma að aflandsviðskiptum. Krefst DFS útskrifta símtala og annarra samskipta. Nordea hefur komið við sögu fyrir að hafa beint viðskiptavinum til Mossak Fonseca til að stofna aflandsfélög og er í rannsókn sænska fjármálaeftirlitsins. Það er Nordea Finland sem hefur útibú í New York. 

Þrír af sænsku bönkunum vildu ekki ræða um kröfur DFS en fulltrúi Handelsbanken, Johan Wallqvist veitti fúslega upplýsingar. 

Það er engum blöðum um það að fletta, að fjármálayfirvöld í Bandaríkjunum geta látið loka útibúum banka í alheimsmiðstöð fjármagnsins í New York. Þau hafa það í hendi sér að velja hverjum skuli slátrað og hverjir fá að lifa. Ef þau loka ekki starfsemi óþægilegra banka geta þau skattað þá svo illilega að þeir eiga einskis annars kost en að leggja upp laupana.

Engu er líkar en að Panamaskjölin séu upphafið að komandi alheimsefnahagskreppu með bankahruni um allan heim, sem stjórnað verður frá Wall Street. Þessir atburðir eru að gerast á sama tíma og gríðarleg efnahagsspenna ríkir milli Bandaríkjanna og BRICS landanna. BRICS undirbýr nýjan alþjóða gjaldmiðil í stað dollars og stofnun nýs alþjóðabanka í samkeppni við Alþjóðabankann. Ef svo fer fram sem lyktar af þessarri "rannsókn" DFS geta hlutirnir farið að gerast á ofurhraða.

Eins gott að tryggja sér lítinn reit til að rækta kartöflur og rófur. 


mbl.is Yfir 200 í skattskoðun eftir leka
Tilkynna um óviðeigandi tengingu við frétt

Bretar rísa upp - Óbama í ESB-sneipuför

Ég elska Bretland. Í hvert skipti sem flugvélarhjólin snerta brezkan flugvöll kemur yfir mig svipuð tilfinning og þegar ég lendi í Keflavík á Íslandi, fósturjörðinni góðu. Kannski vegna þess, að þegar ég var á 17. aldursári fór ég í sumarvinnu hjá Butlin´s Holiday Camp i Wales fyrir tilstuðlan Ingólfs Guðbrandssonar. Kannski vegna þess, að þegar ég vann með Evrópska Smáfyrirtækjabandalaginu ESBA kynntist ég og vann lengi með Bretanum Brian Prime, einum af stofnendum The Federation of Small Businesses. 

borjohnÞað er þess vegna afskaplega létt fyrir mig að taka til mín, skilja og virða þær skoðanir sem Boris Johnson borgarstjóri Lundúnaborgar birti í blaðinu The Sun föstudaginn 22.apríl. 

Bretland og Bandaríkin geta orðið betri vinir en nokkru sinni fyrr Hr. Óbama.....ef við GÖNGUM ÚR ESB

Þannig hefst bréf borgarstjórans sem má túlka sem andsvar við grein Bandaríkjaforseta í The Telegraph þar sem Bandaríkjaforseti reynir að telja Bretum trú um, að Evrópusambandið geri þá stórkostlegri. Notfærir Obama sér söguleg tengsl þessarra tveggja vinaþjóða til að telja Bretum trú um að þeir verði að þakka Evrópusambandinu fyrir að rödd þeirra heyrist í heiminum. Í ræðu eftir að greinin birtist hótaði Óbama Bretum því, að þeir yrðu settir neðst á blað í viðskiptasamningum ríkjanna ef þeir veldu að ganga út úr ESB, því Bandaríkin geri viðskiptasamninga við ESB.

Hafa afskipti Bandaríkjaforseta vakið gríðarlega reiði í Bretlandi og vafalaust skapað mörg ný atkvæði fyrir útgöngu Breta. Það bætti ekki úr skák, að Bandaríkjaforseti þóttist vera að koma til Bretlands í eigin persónu til að óska Bretadrottningu til hamingju með níræðisafmælið en valdi að eyða púðrinu að mestu í hefðbundinn ESB-áróður.

Brjóstmyndin af Churchill

Boris Johnson bendir á að eitthvað gerðist, þegar Barack Obama hóf ferillinn í Hvíta Húsinu: "Eitthvað hvarf úr skrifstofunni og enginn gat útskýrt nákvæmlega hvað það var. Það var brjóstmynd af Winston Churchill - mætum leiðtoga Breta á stríðsárunum." Styttan hafði prýtt skrifstofu Bandaríkjaforseta í a.m.k tíu ár áður en Obama varð forseti.

"En á fyrsta degi ríkisstjórnar Obama var henni skilað án athafnar til brezka sendiráðsins í Washington. Enginn vissi, hvort forsetinn sjálfur hefði verið með í ráðum. Sumir sögðu að þetta væri ábending til Breta. Aðrir sögðu að þetta væri tákn meðfæddrar andúðar hins hálf Kenýska forseta á brezka heimsveldinu - sem Churchill hafði varið af svo mikilli ástríðu. Sumir sögðu að kannski væri Churchill ekki lengur talinn jafn mikilvægur og hann hafði einu sinni verið. Kannski væru hugmyndir hans gamaldags og komnar úr tízku. 

Jæja, ef það er ástæðan fyrir því, að Churchill var bannfærður í forsetaskrifstofunni, þá hafa þeir sjaldan haft jafnmikið á röngu að standa.

Hvað barðist hann fyrir í seinni heimsstyrjöldinni? Hvers vegna vann hann svo ötullega að því, að Bandaríkin tækju þátt í stríðinu?

Jú, hann barðist fyrir afkomu Breta, en hann barðist einnig gegn einræði fyrir lýðræði í Evrópu - fyrir rétt fólks til að fá að velja sjálft, hverjir búa til lög og jafnframt að skipta þeim út í kosningum. 

Í stjórnmálahjarta sínu trúði Churchill því, að það væri frumréttur sérhvers kjósanda að velja með litla blýantinum sínum, hver ætti að stjórna landinu.

Tíu miljarðir punda árlega í sjóinn (1 804 milljarðir ísk)

Og í dag er það sorgarleikur Evrópusambandsins - sem stofnað var til fyrir löngu síðan með því háleita og göfuga markmiði að koma í veg fyrir nýja styrjöld, - að það sjálft er að traðka á lýðræðinu í landi okkar og í kringum okkur í Evrópu." 

Boris Johnson víkur að kostnaði Breta af verunni í ESB: "Við borgum 20 milljarði punda árlega eða 350 milljónir punda á viku til Brussel. Búrókratarnir eyða um helming þess fjár í þessu landi og helminginn sjáum við aldrei meir."

Hann víkur einnig að fullyrðingum um að Bretar hafi "meiri áhrif" innan ESB en utan: "Þetta er þvæla. Gengið hefur verið gegn Bretlandi 40 sinnum á síðustu 5 árum og samanlagður kostnaðurinn fyrir þessa ósigra brezku ríkisstjórnarinnar og fyrirtækja er um 2,4 milljarðir punda aukalega á hverju ári.

Hvernig er hægt að hafa "áhrif" í framkvæmdastjórninni í Brussel, þegar einungis 3,6% starfsmenn hennar koma frá landi okkar? Gætuð þið ímyndað ykkur, að Bandaríkjamenn leggðu traust sitt í samningum til stofnunar með aðeins 3,6% Bandaríkjamönnum? Hugmyndin er hlægileg."

Já við getum það

Boris Johnson talar um trúna á Breta í stað uppgjafar: "Uppgjafarsinnarnir segja já, ESB- er andlýðræðislegt en við erum of lítil til að bjarga okkur sjálf.

Ég skil engan veginn, hvaða land þeir eru að tala um. Það Bretland sem ég sé er fimmta stærsta efnahagskerfið í heiminum, leiðandi á alls konar sviðum 21. aldarinnar og með höfuðborg sem á margan hátt er heimshöfuðborg. 

Getum við tekið til baka stjórnun landamæra okkar, peningakerfis okkar og stjórnarfarskerfis? Já við getum það.

Getum við staðið á tveimur fótum? Já við getum það. 

Getum við haft dafnandi samskipti við alla aðra í ESB sem byggjast á frjálsri verzlun og samstarfi ríkisstjórna? Já við getum það.

Getum við aftur orðið sigurvegarar lýðræðisins? Já við getum það. 

Og með því að gera allt þetta munum við blómgast sem aldrei fyrr - og þess vegna orðið jafnvel að betri og verðmætari samstarfsaðila við Bandaríkin."

 

 


mbl.is Bretland færi aftast í röðina
Tilkynna um óviðeigandi tengingu við frétt

Brexit "sprengir ESB innanfrá" því önnur ríki vilja líka "flýja"

Skärmavbild 2016-04-12 kl. 22.40.38Áróður gegn Bretum er í fullum gangi. Martin Schulz forseti Evrópuþingsins vill gera Breta seka um mistök ESB. Hann viðurkennir, að afar margt fólk hafi glatað trausti á ESB og líti núna á Brussel sem dragbít í veginum við að leysa vandamál Evrópu.

Í viðtali við Frankfurter Allgemeine Zeitung varaði hann við að atkvæði fyrir Brexit í sumar myndi leiða til "sprengingar ESB innanfrá" þar sem mörg þeirra 27 ríkja sem yrðu eftir myndu einnig vilja "flýja". 

Martin Schulz telur að gangi Bretar úr ESB munu mörg önnur ríki boða þjóðaratkvæðagreiðslu um veru sína í ESB. 

"Við erum á niðurleið í Evrópu eins og er. Traust margra á stofnunum yfirleitt hvort sem um þjóðlegar eða Evrópustofnanir er að ræða, er glatað."

"Ef Bretar ganga úr ESB munu koma kröfur um fleiri flóttaatkvæðagreiðslur."

Schultz viðurkenndi að það sé útbreidd skooðun núna, að ESB ráði ekki við grundvallar erfiðleika eins og skuldastórslys evrunnar, flóttamannakreppuna og hryðjuverkaógn. 

"ESB var stofnað til að verða verkfæri til að leysa vandamál en mörgum finnst að ESB sé frekar hluti vandans." Martin Schultz telur að þjóðlegir leiðtogar nái ekki til hjarta fólks með stuðning sinn við ESB og vill að þjóðarleiðtogar sendi "skýr skilaboð" gegn anti-Brussel tilfinningum. 

Viðtalið við Martin Schultz kemur um viku eftir að ESB ákvað að hunza alfarið niðurstöðu kosninga í Hollandi, sem sýndu að Hollendingar vildu ekki að ESB gerði útvíkkunarsamning til Úkraínu sem hleypir landinu í Schengen. Áður sýndu skoðanakannanir að Hollendingar vilja fá tækifæri að greiða atkvæði um veru sína í ESB. 

Forseti Tékkalands Bohúslav Sóbotka hefur varað við að Tékkar myndu fylgja Brexit með Czexit. Ný skoðanakönnun sýnir að meira en helmingur Frakka vilja fá að kjósa um veru sína í ESB.

Í viðtali við Bloomberg News nýlega segir hagfræðingurinn Nouriel Roubini sem stundum hefur verið kallaður Dr Doom vegna spár sinnar um fjármálakreppuna 2008, að útganga Breta úr ESB þýði endalok ESB: Ef Bretar kjósa um að ganga úr sambandinu munu Katalóníuíbúar fylgja á eftir og segja skilið við Spán. Síðan munu Svíar ganga út þar sem ekki sé hægt að vera í ESB án Breta og önnur ríki sem ekki hafa evruna munu einnig vilja ganga út. Þetta verður upphafið að endalokum Evrópusambandsins." 

Brexit, GrexitFrexitDexitSwexitSpexit..... EXIT!


Er Sigmundur Davíð Gunnlaugsson aðalstuðningsmaður Al-Assads í Sýrlandsstríðinu við hlið Pútíns?

SigmputinMiðað við áróður International Consortium of Investigating Journalists mætti halda að fv. forsætisráðherra Íslands pumpaði undanskotnu fé frá Íslandi til sýrlenska flughersins sem kastar tunnusprengjum á saklaust fólk í Sýrlandi. Þótt ekki sé minnst á Sigmund Davíð Gunnlaugsson í þessarri mynd, þá er þar gefið upp að peningar í félögum Mossack Fonseca séu notaðir til að fjármagna stríðið í Sýrlandi fyrir Al-Assad. Bandaríkin og Bretland hafa bannað viðskipti við þessi fyrirtæki. Sigmundur Davíð Gunnlaugsson er dreginn inn í dæmið með áróðursteikningu ICIJ sem dreift hefur verið um allan heim og sýnir Sigmund Davíð, Vladimir Pútín og Al-Assad saman og táknar myndin samstarf þeirra vegna stríðsins í Sýrlandi. Samkvæmt ICIJ er Sigmundur Davíð Gunnlaugsson einn af áhrifamestu og voldugustu mönnum veraldar. 

Er Íslandsdeild ICIJ Miðstöð rannsóknarblaðamennsku á Íslandi dauð eða af hverju kemur hún ekki fram og útskýrir þetta megintilefni "rannsóknarinnar" ?

Miðað við það sem á undan er gengið, megum við þá búast við "nýjum" upplýsingum sem tengja fv forsætisráðherra Íslands við stríðið í Sýrlandi? Og væntanlega einnig forsætisráðherra Bretlands, Mr. David Cameron?

Læt einnig fylgja með kynningarmynd ICIJ en þar segir fulltrúi Suddeutsche Zeitung, að enginn hafi hitt "uppljóstrarann" John Doe, vegna þess að hann vildi ekki segja hver hann var af ótta um líf sitt. Þar er forvinnunni í Washington einnig lýst, þar sem ákveðið var að leggja aðaláherslu á Ísland og Rússland í rannsókninni. Einnig er lýst sérstaklega, hvernig nafn Sigmundur Davíðs Gunnlaugssonar kom fram í rannsókninni.

Hér er linkur á heimasíðu The Center for Public Integrity sem birtir stóra mynd af mótmælunum í Reykjavík og eru harla ánægðir með árangur sinn að hafa "ruggað heiminum" með Panama skjölunum. Á heimasíðu ICIJ kemur fram að ICIJ er verkefni í eigu The International Center for Public Integrity  


mbl.is Krefjast afsagnar Cameron
Tilkynna um óviðeigandi tengingu við frétt

Dýru bílarnir hjá Toyóta

panamaÍ augnablikinu er Sigmundur Davíð Gunnlaugsson frægastur allra Íslendinga. Enginn hefur nokkru sinni áður fengið þvílíkan fréttalúður á heimsmælikvarða eins og hann. Spurning, hvort þúsundir ára án Internets og rannsakandi blaðamanna hafi náð jafn góðum árangri fyrir menn eins og Snorra Sturluson, Egil Skallagrímsson og Halldór Laxness. Að ógleymdri Hallgerði Langbrók.

Á nokkrum klukkutímum fékk heimurinn að vita að fv. forsætisráðherra Íslands er einn af stærstu svindlurum heimsins. Hann lýgur að eigin þjóð og stjórnar gjörspilltu landi skattaþjófa.

Stærsti fjármálaskúrkur nútímans Sigmundur Davíð Gunnlaugsson er ásamt Pútín og Al-Assad útmálaður sem stærsta ógn mannkyns enda tveir þeir síðastnefndu í stríðsrekstri í Mið-Austurlöndum. Kannski er Sigmundur að þvo fé vegna vopnasölu eða fé samtaka alheimseiturlyfjasala í Wintris en sagt er að hryðjuverk, vopna- og eiturlyfjasmygl teljist til venjulegra viðskipta á Panama. Sigmundur Davíð Gunnlaugsson var alla vega forsætisráðherra spilltustu þjóðar heims ef miðað er við höfðatölu. Upplýst er að 600 Íslendingar séu í glæpasafni lögmannsstofunnar á Panama.

Ef Sigmundur Davíð er hvorki vopna- né eiturlyfjasali, þá hljóta þeir að vera kátir í Japan, heimalandi Toyota. Önnur eins peningamaskína og sala Toyota á Íslandi hefur aldrei áður sést í heiminum, hvorki fyrr né síðar. Moldríkir Íslendingar hafa greitt þvílíkt yfirverð fyrir Toyota bíla að það hefur dugað til að verða Tzar yfir heimsbyggðinni allri. Nja kannski ekki allri en alla vega keisari í Pútín-klassa. Business Insider telur Pútín góðan fyrir litla 40 - 70 milljarða dollara - mótsvarandi sísvona 5 - 9 þúsund milljörðum ískr.  Hentu þér í vegginn Jón Ásgeir.

Í skýrlsu sem birtist í New York Times var Pútín að auki sagður eiga 20 hús og hallir, 15 þyrlur, 4 skemmtisnekkjur, 43 flugvélar og 11 úr að virði 687 þúsund dollara sem mótsvarar 6 árslaunum Bandaríkjaforseta. 

Miðað við árlega sölu Toyotabíla á Íslandi og að Japanir hafi verið góðir við Pál og gefið honum alla bílana hefði hann þurft 6 - 9 þúsund ár til að komast í Pútínklassann.

Engir Bandaríkjamenn ku vera á Panamalistanum. Enda er árangur 2300 fjármálasaksóknara í USA með eftirliti 1300 svæða eitt annað heimsmet. Svona álíka og að hafa einn lögreglumann á vakt í margmilljónaborg sem stjórnað er af mafíunni. 

Hvar Sigmundur hefur sínar hallir, skemmtisnekkjur, þyrlur, flugvélar og dýru klukkur er mér hulin ráðgáta.


mbl.is Stjórnin stæði saman eða félli
Tilkynna um óviðeigandi tengingu við frétt

Panamasamsærið

Skärmavbild 2016-04-08 kl. 03.34.04

Ég vel að kalla þá sálfræðilegu stríðsaðgerð sem kölluð er "Panamaskjölin" eða "Panamalekinn" fyrir Panamasamsærið. Orðið samsæri finnst mér ná betur að skýra þessa stríðsaðgerð þungra vogunarsjóða með afgerandi áhrif um gjörvallan heim. Við munum aldrei fá að sjá "skjölin" eða komast til botns í "lekanum" vegna þess að tilgangur samsærisins er ekki að upplýsa um eða berjast gegn fjármálaspillingu almennt. Tilgangurinn er fyrst og fremst að gegnum upplýsingastríð beina reiði almennings gegn útvöldum andstæðingum stærstu vogunarsjóðanna og ryðja þeim úr vegi til að tryggja yfirráð vogunarsjóðanna yfir fjármálamörkuðum og þjóðfélögum. Slagurinn stendur einnig við BRICS löndin og áætlanir Kína, Rússlands, Indlands og Brasilíu um mögulegan eigin gjaldmiðil sem gæti kollsteypt herraveldi dollarsins sem alþjóðagjaldmiðli.

Varðandi litla Ísland, þá er verið að senda stjórnvöldum Íslands skilaboðin, að þau skuli í framtíðinni ekki standa í vegi vogunarsjóða sem mergsjúga almenning með verðtryggðum lánum og okurvöxtum. Einnig er verið - eins og í Icesave t.d. með hryðjuverkalögum Gordon Browns - að senda landinu viðvörun vegna afstöðunnar til ESB. Það er alls engin tilviljun, að fréttamenn hvaðanæva úr ESB ríkjum flykkjast til Íslands til að senda "kreppufréttir" í beinni frá Íslandi. Hvílíkt góðgæti fyrir leiðtoga ESB sem hafa enga framtíðarsýn aðra en uppgjöf, efnahagskreppu, hryðjuverk og almennt öngþveiti, þegar hvergi verður lengur hægt að finna neinn griðarstað fyrir utan ESB. "Sjáið þið bara ESB er best" geta þeir sagt. Eða a.m.k. ekki verst heldur næstverst sem er miklu betra. Íslenskar stjórnarkreppufréttir eru til að slá á athygli íbúa meginlandsins um að hægt sé að lifa betra lífi fyrir utan ESB, að það sé til ríki, þar sem íbúar landsins geti sjálfir ráðið eigin málum. 

Tíminn fyrir atlögu Panamasamsærisins einungis tveimur mánuðum áður en gengið verður til kosninga í ríki fjármálahjarta Evrópu Bretlands um útgöngu þess út úr ESB, endurspeglar einnig valdabaráttunna milli hinnar germönsku fjármálaelítu og þeirrar bresku. Enn og aftur á að nota ESB til að tryggja völd Germaníu yfir þjóðum með meiri lýðræðishefðir. Þess vegna er spjótum einnig beint gegn forsætisráðherra Bretlands David Cameron sem leiðir sjálfstæða meirihlutastjórn íhaldsmanna í Bretlandi og leyfir þjóðinni að segja sitt í trássi við ESB sem notar allt annan stíl og vegna tilraunar Camerons um að "breyta" ESB. Cameron hefur einnig gerst "sekur" um að vilja gagnsæi vogunarsjóða.

"Ekkert gerist í Panama án græns ljóss frá stjórnvöldum Bandaríkjanna. Eða eins og alþjóðlegur skattalögfræðingur sagði: "Þú ert bjáni ef þú staðsetur fé á Panama. Það er ekki einu sinni hægt að sturta niður í klósettinu þar án þess að Bandaríkjamenn viti af því." (Pepe Escobar). Panama er aðeins ein af skattaparadísum heims. Hvenær fáum við Cayman skjölin? Eða Jómfrúeyjarlekann? 

Liðsforingi samsærisins gegn Íslandi, hinn keypti "rannsóknar"blaðamaður Jóhannes Kr. Kristjánsson segir í viðtali við Mbl. „Menn eru stans­laust að hringja í mig og biðja mig um nafna­list­ann. Það er ekk­ert svo­leiðis til." Það mun því hvorki koma fram nafnalisti í dag né á næstu mánuðum. Ekkert nýtt hefur komið fram eða mun koma fram í þessum "leka" sem við vissum ekki um áður eins og sannaðist í dæmi Sigmundar Davíðs Gunnlaugssonar.

Panamaskjölin er stríðsaðgerð hins rosalega rosabaugs í heiminum. Stríðsaðgerð "Jóns Ásgeirs" heimsins gegn óþægilega "Davíð" heimsins sem lætur ekki múta sér. Stríðsaðgerð bankaglæpamanna gegn lýðræðislega kjörnum valdhöfum sem vinna á grundvelli þjóðarréttar og lýðræðis. Bæði Ísland og Bretland eru sjálfstæðar þjóðir og slíkt hentar ekki bankaglæpamönnum sem hafa þá brjálæðislegu hugmynd að steypa heiminum í eitt ríki með einum gjaldmiðili. 

Center for Public Integrity í Wahington sem fjármagnað er af auðkýfingnum George Soros skipulagði Panamasamsærið. Hún lagði upp netverk "rannsóknarblaðamanna" víða um heim fyrir "afhjúpanirnar". Einhverjir s.k. "rannsóknar" blaðamenn eiga eftir að koma fram seinna og tala vonsviknir um hvernig þeir hafa verið plataðir inn í verkefni gegn betri vitund. Uppljóstrarar Panamasamsærisins munu stíga fram. Aðrir munu eins og fréttamenn RÚV og Baugsmiðla á Íslandi þegja og vinna áfram moldvörpuverkin gegn peningagreiðslu.

Heimurinn er orðinn allur eins og Ísland fimm mínútur í bankahrun. Eins gott að fara að birgja sig upp af nauðsynjum fyrir komandi sálfræðistríð og jafnvel alvörustríð.

 

 

 


mbl.is „Dómgreind okkar var rétt“
Tilkynna um óviðeigandi tengingu við frétt

"Hann mun hata mig á meðan hann lifir"

Þannig svaraði Jóhannes Kr. Kristjánsson hlæjandi þáttargerðarmanni sjónvarpsþáttarins Uppdrag granskning hjá sænska sjónvarpinu, Sven Bergman, við æfingu á uppsetningu gildru forsætisráðherra Íslands sem koma átti Sigmundi Davíð Gunnlaugssyni frá völdum. Jóhannes Kr. Kristjánsson er að tala um forsætisráðherrann og að Sigmundur Davíð Gunnlaugsson muni hata hann á meðan Sigmundur lifir. Í kynningu þáttarins í Svíþjóð 6.apríl sagði stoltur kynnirinn að þetta viðtal þáttarins hefði þegar skilað þeim góða árangri, að Sigmundur Davíð Gunnlaugsson hafði sagt af sér embætti. Það bæri að þakka þáttargerðarmönnum fyrir.

Þátturinn fjallaði að mestu leyti um umsátrið fyrir forsætisráðherra Íslands og á blygðunarlausan hátt var sagt frá og sýnt, hvernig sænsku þáttargerðarmennirnir undir leiðsögn Sven Bergströms lögðu gildru fyrir Sigmund Davíð Gunnlaugsson. M.a. var æft hvernig ætti að bregðast við ef forsætisráðherrann gengi út og hvernig kvikmyndatökuvélar skyldu staðsettar svo hægt væri að gefa sem hallærislegasta mynd af Sigmundi Davíð Gunnlaugssyni.

Skärmavbild 2016-04-07 kl. 00.54.09

Sven Bergman þáttargerðarmaður sænska sjónvarpsþáttarins Uppdrag granskning leggur á ráðin við undirbúning og skipulagningu gildrunnar fyrir íslenska forsætisráðherrann. Í þættinum er á blygðunarlausan hátt sagt frá því að Uppdrag granskning er notað sem agn sem forsætisráðherra Íslands á að bíta á. 

"Það er umdeilanlegt af okkur að koma til Íslands og láta sem málið fjalli um eitthvað annað og plata hann en þetta er eina leiðin til að fá hann til að mæta," segir Sven Bergman. Jóhann Kr. Kristjánsson er sammála og segir: "Mér finnst að við setjum allt upp og æfum samtalið. Og verðum þannig vel undirbúnir fyrir allt saman." 

Komið er við á "leynistað" Jóhannesar, sumarbústað í Borgarfirði þar sem hann getur starfað í "ró og næði" við undirbúning afhjúpunar á skattasvindli forsætisráðherra Íslands. Heima í íbúð Jóhannesar talar eiginkonan um hræðsluna hvað verður um þau, þegar upp kemst um svindlið. Leyndardómurinn er svo mikill að svart plast er í gluggum til að hindra innsýn og eiginkonan á í vandræðum með að útskýra fyrir vinkonunum að hún sé ekki "deprímeruð". 

Á einum stað les Sven: "Á Íslandi ætlum við ásamt Jóhanni að framkvæma kúpp til þess að heppnast með stærstu afhjúpunina í öllum heiminum. Forsætisráðherrann hefur sagt já við að koma í viðtal sem við þykjumst að eigi að vera saklaust viðtal við hann um hvernig Ísland hefur reist sig við eftir fjármálakrísuna."

Á öðrum stað les Sven: "Forsætisráðherrann Sigmundur Davíð Gunnlaugsson er heimstjórnmálamaður, þekktur fyrir sjálfsöryggi sitt og viðræðuhæfileika. Hvernig mun hann bregðast við, þegar við spyrjum hann óvænt spurningar um aflandsfélag og sýnum undirrituð gögn um afhendingu helmings félagsins til eiginkonu sinnar á 1 dollar?" 

Síðan segir Sven Bergman: "Það skiptir þannig engu máli hvort hann segir "já" eða "nei". Það verður merkið fyrir þig að taka yfir." Jóhannes svarar: "Ef hann spyr Hvað gengur á hér? þá getur þú sagt: Samstarfsmaður minn Jóhannes hefur tekið yfir viðtalið."

Sven hlær og segir: "Þú munt hata mig alla ævi ef mér mistekst þetta."

Jóhannes: "Nei, en hann mun hata mig á meðan hann lifir."

 

 


mbl.is „Stjórnarandstaðan er í rusli líka“
Tilkynna um óviðeigandi tengingu við frétt

Klofningsatlaga að Íslandi. Undirbúningur nýrrar heimskreppu.

mossackDrifið sem í gangi er gagnvart Sigmundi Davíð Gunnlaugssyni forsætisráðherra Íslands er þaulundirbúið og skipulagt. Á morgun mánudag verður enn einu sinni reynt að egna einum hluta íslensku þjóðarinnar gegn hinum. Verður ný "búsáhaldarbylting" reynd með járnabanki og hrópum um afsögn forsætisráðherrans og ríkisstjórnarinnar á Austurvelli. Markmið landsölufólks -ESB sinna og Baugsveldissinna - er sem fyrr aðför að þeim landsmönnum sem vilja standa á grundvelli stjórnarskrár lýðveldisins og verja sjálfstæði landsins og frjálsan sjálfsákvörðunarrétt. Bola á burtu einum af helstu leiðtogum þjóðarinnar gegn fjármálaspillingu útrásarvíkinga, einum helsta baráttumanni Íslendinga gegn hrægammasjóðum. 

Sjálf atlagan að forsætisráðherranum er afskaplega pínleg. Honum boðið í viðtal sænska sjónvarpsins sem síðan breytist í dómstól RÚV og forsætisráðherrann hrakinn út úr herberginu með sjónvarpsvélarnar í gangi. Síðan er allt klippt fínt saman til að passa inn í upplýsingar um Panama skjölin og dreift út um allan heim. Einungis tveir Framsóknarmenn og þrír Sjálfstæðismenn nefndir svona rétt eins og þessir einstaklingar væru einir ábyrgir fyrir glæpum útrásarvíkinga og hruni bankanna. Hinir 595 skipta engu máli og verður ekki getið. 

Í sjónvarpsþætti sænska sjónvarpsins AGENDA sunnudagskvöld 3. apríl var Sven Bergman sænskum starfsmanni Uppdrag Granskning sem tók viðtalið við Sigmund Davíð Gunnlaugsson spurður "Vitið þið, hvort Sigmundur Davíð Gunnlaugsson forsætisráðherra hafi svikið peninga undan skatti?" Svar Bergmans var: "Nei. En við getum orðað þetta þannig, - hann hefur ekki enn lagt fram nein gögn t.d. frá skattayfirvöldum til sönnunar máli sínu." 

Meira þarf ekki að segja, stóru fjölmiðlarnir dreifa rógburði um forsætisráðherrann okkar sem er af þeim dæmdur sem stórsvindlari sem komið hefur hundruðum miljónum krónum undan í skattaskjóli. Nafn hans er lesið upp í sömu andrá og verið er að tala um eiturlyfjamafíu, peningaþvott, hryðjuverkastarfsemi og ríkt fólk sem deilir reitum í paradís í hliðstæðum heimi við okkur hin. 

Nákvæmlega eins og gert var með Davíð Oddsson og Geir Haarde er búið að dæma forsætisráðherra okkar litlu þjóðar sekan án dóms og laga og honum gefinn kosturinn að "sanna sakleysi sitt" í fjölmiðlum andstæðum sjálfsákvörðunarrétti þjóðríkja og öfundsjúkra vegna árangurs Íslands í baráttunni við alheimsbankasvindlara sem vilja breyta heiminum í eitt ríki með einn gjaldmiðil til að ná fullkomri stjórn á öllu fólki sem dregur andann á jörðinni. Stjórnmálaandstaðan á Íslandi mun leiða enn eina klofningsatlöguna að þjóðinni og reyna að koma á glundroða og óöruggu stjórnmálaástandi til að hrifsa völdin. Sem fyrr verður reynt að koma Íslandi undir alríki meginlandsins, ESB.

Panamauppljóstrunaratlagan að Íslandi er lítið atriði í "upplýsingar"herferð að heimsbyggðinni í formála yfirvofandi heimskreppu. Þegar upplýsingar um hluti sem allir í viðskiptum hafa lengi vitað um er dengt yfir heimsbyggðina á skipulagðan hátt eins og núna, þá býr eitthvað annað að baki en að fullnægja réttlætinu yfir peningasvindlurum. Annars hefði aðferðin ekki verið í stórbrotnum Hollywood stíl eins og við frumsýningu nýjustu stórmyndarinnar.

Aðförin að Sigmundi Davíð Gunnlaugssyni er fyrst og fremst gerð í tvennum tilgangi:

1. Koma helsta baráttumanninum gegn hrægammasjóðunum burt af vettvangi.

2. Koma góðum baráttumanni lítillar þjóðar sem sannar ágæti þess að vera ekki í Evrópusambandinu út úr kastljósi fréttamiðla.

Forsætisráðherra Íslands hefur verið nýttur af Nei hlið Brexit í Bretlandi og ekkert svíður forystumönnum ESB meir en að einhver getur státað af fjárhagslegum ávinningi þess að vera utan við ESB. ESB er sjálft í upplausn og framundan örlagatími með sundurliðun sambandsins og allsherjar öngþveiti velji Bretar að ganga út úr ESB.

"Góða fólkið" er sem fyrr notað til að vinna skítverkin enda er leiðin til heljar malbikuð fallegum ásetningi þess.

Ég hvet alla landsmenn til að fylkja sér kringum forsætisráðherrann okkar og stöðva niðurrifsöflin sem vilja skapa glundroða í samfélaginu.

 


mbl.is Sigmundur í fjölmiðlum um allan heim
Tilkynna um óviðeigandi tengingu við frétt

Innskráning

Ath. Vinsamlegast kveikið á Javascript til að hefja innskráningu.

Hafðu samband