Bloggfærslur mánaðarins, ágúst 2018

Grasrótin sér vandamálið en hlustar forysta Sjálfstæðisflokksins?

200px-Coat_of_arms_of_Iceland.svgÁnægjuleg frétt af Valhallarfundi Sjálfstæðismanna í gær sem 

"skorar ein­dregið á for­ystu Sjálf­stæðis­flokks­ins að hafna þriðja orkupakka Evr­ópu­sam­bands­ins.." 

Hingað og ekki lengra í framsali ríkisvalds til ESB segir grasrót Sjálfstæðisflokksins og beinir orðum sínum að flokksforystunni. Ítrekar þar með ályktun landsfundar flokksins í málinu.

Núverandi forysta flokksins hefur sýnt hroðvirkningsleg vinnubrögð á Alþingi t.d. í afgreiðslu persónuverndarlaga ESB en þar var skautað fram hjá ummælum umsagnaraðila sem bentu á að afsal lögsögu til ESB stangist á við stjórnarskrá lýðveldisins. 

Forysta flokksins sýnir því miður allt aðra takta en að fylgja stefnu flokksins og er í óða önn að gjaldfella sögu og stefnu flokksins í meira en heila öld.

Í fullveldismálum er ekki pláss fyrir tvö andlit: eitt fyrir stjórnmálaumræðu innanlands og annað fyrir ESB. Menn verða dæmdir af gjörðum sínum og fagurgali breiðir ekki endalaust yfir misgjörðir.

Þá væri betra fyrir forystu flokksins að sýna rétta andlitið, segja lausum störfum sínum fyrir Sjálfstæðisflokkinn og ganga í flokk Viðreisnar sem hefur það á stefnuskrá sinni að koma Íslandi í ESB.

Pínlegt að grasrótin þurfi að minna flokksfoystuna á stefnumál Sjálfstæðisflokksins.


mbl.is Flokkurinn hafni orkupakkanum
Tilkynna um óviðeigandi tengingu við frétt

Grannarnir ætla að vopnast ef glæpamennirnir koma aftur

bilbrandVargöld ríkir í Svíþjóð. Sprengingar á heimilum, sprengjuárásir á stofnanir yfirvalda, árásir á lögreglu, gengjastríð með skotvopnum, bílabrunar, skólabrunar, nauðganir, vopnuð rán, barsmíðar á saklausu fólki - og núna síðast skotárás á þingmann Svíþjóðardemókrata á kosningaferðalagi. Líktollurinn stækkar, yfirvöld eru í afneitun, lögreglan kallar eftir hjálp almennings. Öðrum lögreglustörfum er ýtt til hliðar vegna manneklu og allur krafturinn fer í að mæta hinu vaxandi ofbeldi. 

Sem leiðir til sorglegra mistaka eins og að drepa dreng med Downs syndrom sem hélt á leikfangabyssunni sinni, þegar hann féll fyrir kúlum lögreglunnar. 

Hræðslan við vaxandi ofbeldi breiðir úr sér. Eiturlyfin tæra sundur samfélagsstoðir allar og eiturlyfjamafíur ráða ríkjum í heilum hverfum, þar sem hvorki slökkviliðsmenn né sjúkraflutningamenn fara inn í nema í skjóli lögregluverndar.

Eftir bílaíkveikjurnar í Vestur Svíþjóð 13. ágúst segjast íbúar Vestur Frölunda undirbúa sig að verjast með vopnum, þegar árásarmennirnir koma næst. Ismet Iljazis, einn þeirra sem missti bílinn, segir í viðtali við sjónvarpið að hræðslan hafi gripið um sig eins og skæð pest meðal íbúanna. Glæpamennirnir sem kveiktu í bílunum voru grímuklæddir og fullvissuðu sig um að íbúarnir tækju vel eftir, þegar þeir kveiktu í bílum þeirra. Verkefnið var að skapa hræðslu hjá íbúunum og sýna hverjir ráða yfir hverfinu: 

"Við erum hér - gætið ykkar".

Fáir þora að vitna í þessum hverfum. Þegar hræddir íbúar leita til vopna til að sefa hræðsluna er það aðeins tímaspurning hvenær átök sem líkjast stríðsátökum brjótast út. 

Á meðan halda stjórnmálamenn áfram að dæla brosandi út loforðum til kjósenda og segja að ástandið muni nú bráðum lagast.


mbl.is Unglingur myrti heimilislausan mann
Tilkynna um óviðeigandi tengingu við frétt

Danskur sósíaldemókrati: Svíar eiga að kjósa Svíþjóðardemókrata

kratarDanski sósíaldemókratinn Jarl Feyling skrifar í Berlinske að sænskir sósíaldemókratar taki ekki áskorunum í innflytjenda- og aðlögunarmálum alvarlega og loki augunum fyrir ofbeldi og glæpaverkum innflytjenda. Telur Feyling að forsætisráðherra Svía skorti jarðsamband og allur innflytjendastraumurinn geti eyðilagt sænska velferðarríkið. Hvetur Jarl Feyling Svía til að kjósa Svíþjóðardemókrata í stað Sósíaldemókrata í kosningunum í Svíþjóð 9. september.

Í opnu bréfi til forsætisráðherra Svía, Stefan Löfven, skrifar Feyling:

"Þú og ég erum meðlimir í sama Sósíaldemókratisma en i sitt hvoru landi. Við deilum sögu og humyndafræði en séð hérna megin sundsins, þá deilum við hvorki afstöðu til raunveruleikans né framtíðarinnar. Það hefur nefnilega myndast gjá milli flokka okkar sem grundvallast á mismunandi afstöðu til flóttamanna og innflytjenda. Þann málaflokk sem mun hafa afgerandi áhrif á þróun eða endalok okkar mikilvægu norrænnu velferðaríkja og veltur á því, hvernig stjórnmálamenn bregðast við".

Feyling segir að formaður sænskra sósíaldemókrata eigi ekki skilið að fá atkvæði Svía nema að hann þvervendi í innflytjendamálunum og því sé betra fyrir Svía að kjósa Svíþjóðademókrata. 

 


Á venjulegt fólk ekkert erindi lengur við Ísland?

unnamedMá henda að risafyrirtækjum takist að breyta Íslandi í lúxusdraum ríku, fínu, alþjóða elítunnar, - eina prósentsins sem á meira en hálfan heiminn og ferðast með stuttum fyrirvara, flestir á business class og margir í einkaþotum. Að Ísland verði veruleikaflótti og stundarafþreying þeirra ríkríku sem ekki láta 87% óhreina orku á sig fá. Enn eitt nýja tölvuspilið sem henda má frá sér þegar maður verður leiður. Allur þorri ferðamanna sem fylla aukinn ferðamannastraum koma samt til landsins af öðrum ástæðum. Þær kallaðast náttúra Íslands.

Geðveikin er slík að manni hrýs hugur að koma til landsins jafnvel þótt uppruninn sé íslenskur og ættingjar enn á lífi. Ísland tekur helmingi till fimm sinnum hærra verð fyrir hótelnóttina en gert er víðast annars staðar og dettur þar af leiðandi fyrst út úr ferðaáætlun venjulegs fólks. Hvers vegna á ég að heimsækja þetta land, þegar ég fæ svo miklu meira fyrir peninginn annars staðar? 

Sennilega er hvergi orðið eins erfitt fyrir Íslending að vera ferðamaður en á Íslandi. Íslenska er varla töluð lengur heldur er það enska, pólska, lettneska og guð má vita hvaða mál sem eru töluð. Margir erlendir starfsmenn hótelkeðjanna hafa engan áhuga og geispa ef reynt er að ná sambandi. Allir reyna að svindla á öllum, t.d. bensínstöðvar sem loka fyrir kortagreiðslur aðrar en eigin pakkakort upp á 5 þúsund krónur, 10 þús kr, 15 þús kr osfrv. Ég gleymi aldrei gömlu japönsku hjónunum sem ætluðu að fylla á tankinn á bílaleigubílnum áður en honum var skilað í Keflavík. Þau stóðu í helfrosnu og hreyfingarlausu augnasambandi hvort við annað, þegar þau komust að því, að einu kortin sem gengu í sjálfsalann voru pakkakortin sem voru til sölu á stöðinni. Tanka kannski minna en helmingnum og taka afganginn með sér á einskis nýtu korti til Japans. Það þarf ekki önnur vopn til að ræna saklaust fólk sem ekki fær upplýsingar um næstu bensínstöð sem tekur við venjulegum greiðslukortum. 

Ég á aðrar sögur af þessum nýja, fína, dýra ferðamannaiðnaði á Íslandi m.a. að heitt vatn kom í klósettið á Sögu þegar sturtað var niður og útskýringin sem við fengum var að þetta hefði líka gerst í vikunni á undan. Hótelið gat að auki ekki lánað út tappatogara. 

Enginn þarf að vera hissa á niðurstöðu sænskra vina í veislu, þar sem Ísland bar á góma:

Búið er að eyðileggja möguleika venjulegs fólks að koma til Íslands og njóta náttúrunnar. 

Ef ekki tekst að halda þeim ríkríku við efnið, verður þá ekki hægt að virkja fínu hótelin fyrir heimilslausa Reykvíkinga, ellilífeyrisþega og nýinnflutta?

 


mbl.is Dýrara en þú hélst
Tilkynna um óviðeigandi tengingu við frétt

Ásakanir um rasisma til að fela stefnu sósíaldemókrata um að íslamavæða Svíþjóð

Jerzy Sar­necki prófessor sem rætt var við í Uppdrag Granskning um nauðgunarmál, brást illur við í sjónvarpinu eftir birtingu myndarinnar og sagði sjónvarpið dreifa hægrisinnuðum kenningum um menningarheim nauðgaranna. Bað Sarnecki sjónvarpið um að banna sýningu myndarinnar og jós skömmum yfir framleiðenda þáttarins. 

Skärmavbild 2018-08-23 kl. 16.07.49Sænsk yfirvöld hafa ekki leyft að nöfn og þjóðerni nauðgara í Svíþjóð verði birt á meðan mál eru í meðferð. Hins vegar hafa þau ekki geta stöðvað rétt almennings að skoða dómsúrskurði, þrátt fyrir að ríkisstjórnin reyndi að stöðva leitarvélar á netinu sem náðu í slíkar upplýsingar. Sænska ríkisstjórnin segir, m.a. með aðstoð einstaklinga eins og Sarnecki, að það sé rasismi eða nazismi að blanda afstöðu trúarbragða til kvenna við nauðgunarglæpi. Þetta á fremst við um íslam sem ekki leyfir að sjást megi í húð kvenna og konur algjörlega í ánauð manna sinna sem ráða við hverja þær mega tala eða fara í heimsókn til.

Það sem sósíaldemókratar í Svíþjóð segja ekki opinberlega en er engu að síður að baki rasistaáróðri þeirra er skipulagt samstarf krata við Sveriges Muslimska Råd - SMR, sem hófst fyrir mörgum árum. Sósíaldemókratar setja upp kosningamarkmið fyrir hverjar kosningar í Svíþjóð þar sem ákveðið er, hversu mörgum sætum í sveitarstjórnum, lénsstjórnum og á þingi á að úthluta til SMR. Ásökun um rasisma á að dyla þetta samstarf fyrir Svíum og öðrum.

Í myndinni segir Mustafa Panshiri, að afstaða yfirvalda séu svik við fórnarlömb nauðgara sem fá rasistastimpil á sig fyrir að leita réttlætis. 

Umræðan um þessi mál núna eru aðeins toppurinn á ísbjarginu en av 190 þúsund kynferðisafbrotum er aðeins kært í 6 715 nauðgunarmálum. Af þeim eru aðeins 142 glæpamenn dæmdir. Hundruðir ef ekki þúsundir nauðgara stunda iðju sína óáreittir í Svíþjóð. 

PS. hafði fyrirsögnina fyrst "til að fela múslímavæðingu Svíþóðar" en breytti í "íslamavæðingu" sem mér finnst réttara. GS


mbl.is 58% dæmdra fyrir nauðgun erlendir
Tilkynna um óviðeigandi tengingu við frétt

Ekki eftirsóknavert að apa eftir öllu frá Svíþjóð

bb_2Sé að núna virðist sænska bílaíkveikjusýkin hafa náð til Íslands. Vonandi standa íslenskir slökkviliðs- og lögreglumenn betur að vígi en sænskir kollegar þeirra, sem ráða ekki við neitt í mörgum borgum Svíþjóðar. Vonandi hafa íslensk yfirvöld betri skilning en þau sænsku að útbúa lögreglu, slökkvilið og sjúkraflutningamenn með nauðsynlegum tækjum og mannafla til að takast á við sýkina svo hún nái ekki að breiðast út um landið og skaða líf íbúanna eins og í Svíþjóð.

Það bætir ekki úr skák eftir íkveikju yfir 100 bíla fyrir rúmri viku síðan í mörgum bæjum og borgum á vesturströndinni, að í dag berast fregnir af eyðileggingu yfir 100 bíla í nýjum bílaíkveikjum í Uppsala s.l. nótt. Lögreglan segir að um morðíkveikju sé að ræða en kveikt var í nokkrum bílum í bílaskýli með þeim afleiðingum að allt að 100 bílar eyðilögðust. Í millitíðinni hafa fjölmargir bílar orðið eldinum að bráð í mörgum borgum Svíþjóðar. En það ratar varla lengur í fréttir, því slíkt "tíðkast fyrir skólasetningu á haustin".

Það hjálpar heldur ekki til, að skólaíkveikjur hafa aukist um 47% á tveimur árum og hefur Svíþjóð nú þann vafasama heiður, að sögn Anders Bergqvist hjá Brunaeftirlitinu, að eiga heimsmet í skólaíkveikjum. Talið er að einungis sé tímaspursmál þar til einhver deyji í slíkum íkveikjum.

Þó huggun harmi gegn, að blaðið GöteborgsTidningen hefur kært ákvörðun dómstóls um að hylma yfir nöfnum og þjóðerni þeirra þriggja ungmenna sem eru í varðhaldi vegna brunanna í Gautaborg. Skv. netmiðlinum Samhällsnytt þeirra Dahud Kavak, Mahamed Abdishakur og Mohannad Ali Easar á aldrinum 18-20 ára. Allir áður dæmdir glæpamenn í Svíþjóð fyrir eiturlyfaafbrot, vopnaafbrot, ofbeldi og vopnuð rán. Þessi ákæra er til marks um aukinn þrýsting venjulegra Svía að koma á gegnsæi um hverjir fremja glæpi í Svíþjóð. 

Reiði Svía gegn vanmætti yfirvalda á eftir að magnast um helming, þegar þeir fá að sjá það svart á hvítu, að oftast er um sömu glæpamenn að ræða, sem hljóta litla sem enga dóma og er jafnharðan sleppt út eftir að yfirheyrslum líkur.

Glæpamennirnir fá óáreitt að halda áfram iðju sinni. 

Morðkvótinn í skotbardögum er þegar komin fram úr 2017 árs meti og núna er bara ágúst. 

Kratar eru samir við sig. Hafa komið upp beinni línu ríkisstjórnarinnar til Facebook og Youtube til að láta fjarlægja efni, sem ekki er yfirvöldum að skapi. Apa eftir Hillary Clinton og segja Rússa í samstarfi við innlenda hægriöfgamenn hafa áhrif á stjórnmálaskoðanir Svía svo þeir velji aðra en krata í komandi kosningum. 

Eins gott að Ísland fari ekki forgörðum eins og sænsk yfirvöld nota alla krafta sína til að koma Svíþjóð í.

 


mbl.is Kveikt í bílum við Öskju í nótt
Tilkynna um óviðeigandi tengingu við frétt

Vopnaðir öfgaíslamistar, eiturlyfjaklíkur og skemmdarskríll stjórna svæðum í Svíþjóð

bilbrunarLögreglan gat ekkert gert nema að aðstoða slökkviliðsmenn sem mættu grjótkastandi unglingum í Trollhattan í gær. Af öllu að dæma voru aðgerðirnar skipulagðar á félagsmiðlum. Fjöldi grímuklæddra einstaklinga unnu að því að kveikja í yfir 80 bílum í nokkrum borgum. Það er í lagi að nota félagsmiðla til að skipuleggja árásir í Svíþjóð en bannað að gagnrýna innflytjendastefnu sænskra stjórnvalda. Slíkt er kallað "haturs"umræða af yfirvöldum sem hafa gegnum ESB þvingað Facebook, Google og Youtube til að ráða fólk sérstaklega til að loka síðum skv pöntun sænsku ríkisstjórnarinnar.

Af því að það er kosningabarátta þessa stundina hentar það Stefan Löfven formanni sósíaldemókrataflokksins og forsætisráðherra Svíþjóðar að láta birta mynd af sér í fjölmiðlum með orðunum: "Hvern andskotann eruð þið að gera" Þykjast vera reiður vegna skemmdarstarfsins.

Hann hefur hins vegar ekki orðið opinberlega reiður vegna allra þeirra morða, nauðgana og yfirtöku öfgaíslamista á heilum hverfum í borgum Svíþjóðar sem eyðilgt hafa líf tugþúsunda Svía vegna ofstækisstefnu ríkisstjórnarinnar og ESB í innflytjendamálum. Allt í lagi að flytja inn morðingja, nauðgara og íslamska vígamenn. Ekki fyrir löngu drápu bandarískir hermenn nokkra vígamenn ÍSIS og eftirá sýndi það sig að þeir voru að skipuleggja nýtt hryðjuverk í Svíþjóð. Takk Bandaríkin.

Það er vegna stefnu sósíaldemókrata og ríkisstjórnar Svíþjóðar sem vopnaðar eiturlyfjaklíkur, öfgaíslamistar og skemmdaverkarskríllinn lifa góðu lífi í Svíþjóð á kostnað skattgreiðenda. Sem leyfir skrílnum hvað eftir annað að eyðileggja eigur venjulegra Svía. Sem leyfir morðhundum hvað eftir annað að drepa aðra. Sem leyfir öfgaíslamistum að taka yfir hverfi eftir hverfi í landinu. Stefan Löfven ber hausnum í steininn.

Vonandi gera kjósendur ekki það sama heldur veita sænsku ríkisstjórninni þungan og verðskuldugan skell í komandi kosningum.


mbl.is Kveikt í tugum bíla í Gautaborg
Tilkynna um óviðeigandi tengingu við frétt

Innskráning

Ath. Vinsamlegast kveikið á Javascript til að hefja innskráningu.

Hafðu samband