Bloggfærslur mánaðarins, febrúar 2013

Saumarnir sprungnir á Samfylkingunni

199193_10150139244177725_8346270_n

Það er þrengt að Samfylkingunni. Þingmenn hennar hækka tóninn, missa stjórnina á sér og ef fram heldur sem horfir verður að setja bílstjórarúðu fyrir framan ræðupúlt Alþingis með vinnukonum, sem þurrka jafnharðan burt alla vírusa og fljótandi vökva úr hálsum jafnaðarmanna, sem ætla bókstaflega að öskra sig út af þinginu. Virðist engu líkara en þeir haldi að leiðin til að viðhalda störfunum sé að kreista ólíklegustu hljóð og vökva út úr munninum í ræðustól Alþingis. Verður fróðlegt að fylgjast með ESB áróðursliðinu nota IPA styrki til að hrópa tilskipunum að landsmönnum að kjósa sig vegna þess hversu allt sé dýrlegt í ESB.

Klárt mál að Össuri og nokkrum fleirum jafnaðarmönnum svíður að sjá möguleikann á að komast á Brusselspenann verða að engu. Fáránlegra verður með hverjum deginum, að jafnaðarmenn ætla með hávaða að lemja á landsmönnum til að játast glansmyndinni af ESB, sem fyrir löngu er orðin ósöluhæf vegna þróunar ESB sjálfs. Sem betur fer eru Íslendingar tengdir upplýsingaveitum ýmsum og því ekki algjörlega háðir réttrúnaðarboði Baugsmiðla, sem fela hörmungarraunveruleika ESB með tugmiljóna atvinnuleysi, fátækt, hungursneyð og heila kynslóð ungmenna sem eru án mannsæmandi framtíðar í Suður-Evrópu.

Samfylkingin á skilið að fara niður með Icesavesögunni. Vinstri Grænir sömuleiðis. Íslendingar hafa svo sannarlega afsannað áróður þessa fólks, sem kallað hefur landið Kúbu Norðursins og vart boðið upp á annað en ofsóknir gegn pólitískum "óréttrúuðum", eignaupptöku og skattpíningu almennings og fyrirtækja, skjaldborg um fjárglæframenn, umsátur um heimilin, handtöku lýðræðisins jafnt á Alþingi sem í ríkisstofnunum, hunsun dómsvalds og réttarfarskerfis, ítrekuð stjórnarskrárbrot og lagabrot og tilraun til valdatöku yfir lýðveldinu með því að kasta út stjórnarskrá þess og innleiða alfarið nýja með framsali á fullveldi Íslands til ESB.

Guði sé lof, að Íslendingar eru að safna liði gegn þessarri dæmalausu uppgjafastefnu, sem er sjálfkrafa uppskrift að grískum harmleik. Takk kæru landsmenn fyrir dugnaðinn! 


mbl.is Ekki kostur fyrir frjálslynt fólk
Tilkynna um óviðeigandi tengingu við frétt

Besta stjórnmálapar landsins

bjarnihannabirna

Bjarni Benediktsson nýkjörinn formaður Sjálfstæðisflokksins og Hanna Birna Kristjánsdóttir nýkjörinn varaformaður Sjálfstæðisflokksins.

Sameinaður styrkur Sjálfstæðismanna að baki leiðtogum sínum gerir Sjálfstæðisflokkinn sterkari í því að takast á við landsmálin. Sá samhugur sem ríkt hefur á Landsfundi Sjálfstæðsimanna mun duga langt fram yfir næstu alþingiskosningar. Sjálfstæðisflokkurinn er að ná fyrri samheldni og stefnufestu, sem einkennt hefur flokkinn alla tíð.

Undir leiðsögn Bjarna Benediktssonar og Hönnu Birnu Kristjánsdóttur mun flokkurinn leiða Ísland farsællega á örlagatímum. Staðfesta flokksins í Evrópumálum, atvinnumálum, peningamálum og hagsmunamálefnum heimilanna er grundvöllur sjálfstæðistefnu nútímans, sem lýsa mun landsmönnum veginn fram á við.

Ég óska myndarlegasta stjórnmálapari landsins til hamingju með kjörið! 


Hanna Birna Kristjánsdóttir - glæsilegur foringi Sjálfstæðisflokksins

hannabirna2Hanna Birna Kristjánsdóttir hreif ekki bara fundarmenn Landsfundar Sjálfstæðisflokksins með sér í framboðsræðu sinni til varaformanns Sjálfstæðisflokksins í gær. Hún geislaði einnig í beinni netútsendingu til allra þeirra, sem fylgjast með Landsfundinum gegnum netið, heima og að heiman.

Sem fyrr er það skýrleiki í stefnumálum og að ganga hreint til verks sem er ofar öllu hjá Hönnu Birnu. Íslendingar þekkja hana mjög vel vegna góðra starfa hennar hjá Reykjavíkurborg og koma hennar á Alþingi mun svo sannarlega skipta sköpum við hreinsun á því vofuhúsi, sem hin spillta ríkisstjórn Jóhönnu Sigurðardóttur skilur eftir sig.

Hanna Birna Kristjánsdóttir hugsar sjálfstætt, er vel máli farin og þorir að segja það sem mörg okkar hugsa. Hún stappar stáli í fólk og hittir beint í mark með þær tilfinningar, sem bærast í hjörtum manna eins og t.d. þegar hún sagði skorinort, að komandi kosningar væru um það að gefa fólki framtíðarsýn og trú á Íslandi. Á fyrra landsfundi komu tárin fram, þegar hún sagði að Ísland ætti að verða það gott samfélag, að fólk myndi snúa til baka og flytjast aftur heim. Hanna Birna Kristjánsdóttir sameinar og laðar fram það besta í okkur.

Sjálfstæðisflokkurinn nær lengra með Hönnu Birnu Kristjánsdóttur við stýrið. Leiðtogahæfileikar hennar skipa henni á fremsta bekk sem foringja Sjálfstæðisflokksins. Ég óska Hönnu Birnu Kristjánsdóttur alls hins besta í komandi vandasömu starfi og hlakka til að heyra í henni í sölum Alþingis okkar góða.  


Landsfundur Sjálfstæðismanna lofar góðu

f81a76761b27889a

 

 

 

 

 

 

 

 

 

 

 

Engir aðrir stjórnmálaflokkar geta státað af sama styrk og Landsfundur Sjálfstæðisflokksins gerir. Kemst Framsóknarflokkurinn næst Sjálfstæðisflokknum í vegsemd og virðingu og enginn flokkur fram að þessu jafn heill í afstöðu sinni til Evrópumála og Framsóknarflokkurinn hefur verið. Það fór því afar vel í upphafi Landsfundar Sjálfstæðisflokksins, að formaður flokksins Bjarni Benediktsson tók af allan vafa um grundvöll flokksins í þeim málum með yfirlýsingu um að Sjálfstæðisflokkurinn telji hagsmunum þjóðarinnar best borgið utan ESB. Þar með eru tveir þýðingarmestu stjórnmálaflokkarnir í íslenskum stjórnmálum samhentir í forsvari kjósenda sinna og landsmanna allra að marka nýja framsókn Íslands á sjálfstæðum grundvelli lýðveldisins, sem stofnað var og grundvöllur lagður að með núverandi stjórnarskrá á Þingvöllum 17. júní 1944.

Bjarni Benediktsson tók einnig af allan vafa um, að Sjálfstæðisflokkurinn hugsi um annað en íslensku krónuna sem gjaldmiðil okkar í nánustu framtíð. Þetta eru afar mikilvæg skilaboð frá stærsta flokki þjóðarinnar og ættu að lægja áróðursöldur frá aðildarsinnum og yfirborðskenndum og veruleikafirrtum áróðri þeirra um að evran "leysi" efnahagsmál Íslendinga. Það er bæði þökkunarefni og ánægjuefni, að stærstu stjórnmálaöfl landsins stilli saman strengi sína til að takast á við komandi verkefni að rífa landið upp úr volæðiseymd vinstri vofunnar, sem hótað hefur allt að því "heimsendi" á eyju okkar, ef landsmenn krjúpi ekki á hnjánum inn fyrir dyr ESB sem með réttu ætti að heita Eilífa SkuldaBandalagið.

Sjómenn, bændur og annað harðduglegt verðmætaskapandi fólk er kjarni þjóðarinnar og mjög svo treystandi fyrir málefnum okkar eins og ítrekað hefur komið í ljós s.l. fjögur ár. Skessutímabili Samfylkingar gegn Íslandi fer nú að ljúka og þjóðin mun endurheimta sjálfstraust og trú á eigin mátt og framtíð eins og fyrr. Verður gott að fylgjast með Landsfundi Sjálfstæðismanna þessa helgi, stjórnmálaákvörðunum fundarins og kjöri foringja flokksins.

Ég óska Sjálfstæðismönnum alls heilla í þýðingarmiklu starfi fyrir Ísland og betra kjörorð hefði ekki verið hægt að velja í núverandi ástandi en kjörorðið: Í þágu heimilanna. Tek undir ósk ýmissa fundargesta að hafa íslenska fánann á sviðinu svo fallegi fáninn okkar megi minna á hagsmuni þjóðarinnar á örlagatímum. Sjálfstæðisflokkurinn er flokkur allra landsmanna sem vinna saman hlið við hlið úr öllum stéttum samfélagsins og marka sameiginlegum málum okkar brautargengi.

 

 


mbl.is Best borgið utan Evrópusambandsins
Tilkynna um óviðeigandi tengingu við frétt

Endurskoðendur neita að skrifa undir reikningsskil ESB 18 árið í röð!

Unknown

Hversu mörg ár þurfa lögskipaðir endurskoðendur að neita að staðfesta reikninga ESB til þess að menn fara að sjá, að stórfellt svindl er í gangi? Af hverju á venjulegt fólk, smáfyrirtæki og aðrir að skila skattaskýrslum og bera ábyrgð upp á einseyring á gjörðum sínum, þegar stóru strákarnir í ESB komast upp með að svindla í rekningsskilum beint fyrir framan augum okkar? Ekki bara í eitt ár, tvö ár eða þrjú ár heldur í átjánda árið í röð!!

Fjármálaráðherra Svía, Anders Borg segir að ekki sé hægt að samþykkja reikningana á meðan svo stórar villur séu í þeim og að villurnar stækki þar að auki ár frá ári. Í dag ræða fjármálaráðherrar ESB "hvað hægt sé að gera" í málunum.

Á sama tíma hafa endurskoðendur í Hollandi sent frá sér skýrslu með svíðandi gagnrýni á ESB fyrir að hafa ekki meira eftirlit með því í hvað peningarnir fara. Einungis fjögur aðildarríki geta gert nægilega grein fyrir reikningunum vegna endurskoðendaskyldu. Endurskoðendurnir segja, að þar sem meginhluti aðildargjalda og peningastreymi sambandsins sé nýttur af aðildarríkjunum, sé ekki hægt að fullyrða miðað við núverandi stöðu "að peningar skattgreiðenda séu notaðir á þann hátt, sem meiningin er." Það væri ágætt fyrir okkur Íslendinga að minnast þessara orða og bera saman við notkun IPA-styrkja á Íslandi, sem mér skilst að utanríkisráðuneytið í samvinnu við Evrópustofu ESB á Íslandi stjórni.

Þá gagnrýna hollensku endurskoðendurnir harðlega, að ekkert eftirlit sé með um 240 miljarða evru neyðarlánum úr stöðuleikasjóði ESB EFSF. 240 miljarðir evru eru um 41 biljónir 348 miljarðir íslenskra króna ef reiknivélin mín reiknar rétt. Að mati endurskoðendanna er spurningin, hvort um löglega notkun fjármunanna sé að ræða, að það sé haft eftirlit með þeim. Annars getur hvort eð er enginn gert grein fyrir í hvað peningarnir fara.

Ofan á þetta bætist svo önnur ný skýrsla um útlán banka á evrusvæðinu sem eru í vanskilum og þau eru fjallhá og engin merki um sýnilegan bata í nákominni framtíð. Talið er að allt að þúsund miljarðir evra að minnsta kosti séu í ónýtum lánum. Búið er að skrúfa verulega fyrir lán til fyrirtækja og almennings, sem eykur enn frekar á hið neikvæða ferli í nánustu framtíð.


Mundir þú borga Herði Torfasyni 107 þús.kr. fyrir að fá að sitja til borðs með honum á veitingahúsi, sem hann velur sjálfur?

550230_242663275868418_1986221328_n

 

 

 

 

 

 

 

 

Ekki verður Hörður Torfason sakaður um neinn trúarskort á sjálfum sér. Mér barst fyrirspurn erlendis frá um hver þessi Hörður Torfason frá Íslandi væri, sem ætlaði að boða lýðræðisfagnaðarerindi á Nýja Sjálandi. Í kynningu um manninn á ensku var sagt (í lausri þýðingu):

"Hordur Torfason er íslenskur lýðræðisaktívisti sem endurskapaði stjórnmála- og efnahagskerfi landsins FRIÐSAMLEGA með eftirfarandi árangri: 1. Ríkisstjórnin sagði öll af sér. 2. Bankar voru þjóðnýttir. 3. Fólk gat tekið efnahagslegar ákvarðanir í þjóðaratkvæðagreiðslum. 4. Þeir seku voru settir í fangelsi. 5. Þjóðin endurnýjaði stjórnarskrána í gegnum Twitter, Facebook o.s.frv." 

Skv. þessarri lýsingu er engu líkar en aðrir þáttakendur búsáhaldabyltingarinnar hafi verið heilalausar skepnur, sem hinn friðsami Che Guevara gat notað til að bylta Kúbu Norðursins. Samanber meðfylgjandi póstkort sem Torfason býður til sölu á 2.136 kr. á sérstakri Nýsjálenskri facebooksíðu sinni: https://www.facebook.com/HordurTorfasonNzTour

Á sömu síðu kostar um 8 þús. kr. að fá að bera fram fyrstu spurninguna í umræðum og fyrir 10.680 kr er hægt að fá Hörð til að vera með á ljósmynd. En vilji maður sem sagt komast í dýrðina og snæða málsverð með Herði Torfasyni þarf maður að punga út tæplega 107 þús krónum - líklegast ofan á matarkostnaðinn - á veitingahúsi sem hann hefur valið.

Mikil hlýtur gleði þjóðarinnar að vera, að fá að njóta hans núna við að koma hinni endurnýjuðu, tvístruðu, facebookstjórnarskrá í gegn, sem tryggir Evrópusambandinu yfirráð yfir auðlindum og fullveldi Íslands. Ef það tekst ekki missir Hörður niður sjálfstitilinn Hinn friðsami Che Guevara Kúbu Norðursins??? 


Er hægt að treysta svefnlausum leiðtogum?

Skärmavbild 2013-02-08 kl. 19.33.25

"Samningaviðræður, evrukreppusirkus, amerískt fjárlagarifrildi. Enn eitt ár af örlagaríkum ákvörðunum liggur frammi fyrir fótum okkar. Eitt eiga þær sameiginlegt. Líklegast verða þær teknar af fólki, sem ekki er algjörlega í sambandi."

Þannig hefst pistill skríbents Svenska Dagbladets Andreas Cervenka fyrir nokkrum dögum sem hefur fengið mjög góðar viðtökur t.d. hafa tæplega 800 mans mælt með greininni á Facebook. Ef við snúum ímynduðu dæmi yfir á Ísland sem aðildarríki: 

"Varir íslenska fjármálaráðherrans hreyfðust en enginn blaðamaður skildi það sem hann sagði. Í staðinn voru augu þeirra föst á flöskunni, sem fjármálaráðherrann veifaði og fékk sér slurk af á milli þess, sem hann lagði út textann um, hvað Ísland hafði grætt á næturfundinum. Óþægilegt andrúmsloftið var nógu þykkt til að vera skorið með hníf. Fréttamennirnir litu vandræðalega hver á annan. Þorðu þeir einu sinni að skrifa heim um það, sem hálffullur ráðherra hefði samið um fyrir hönd Íslands?

Því er strax hægt að slá föstu, að strætisvagnabílstjóri, flugmaður eða hjartaskurðlæknir sem fer beint í vinnuna eftir næturdrykkjuna er þegar í stað sendur heim með pokann sinn. Þar ríkir engin miskunn, því heilinn verður að virka 100% í störfum þeirra. Í öðru samhengi, þar sem tugir, hundraða þúsundir miljarða króna liggja í vogarskálinni ásamt framtíð fleiri miljón manns, þá eru kröfurnar miklu lægri.

Málið er einfaldlega svefn. Of lítill svefn hefur fljótt mikil áhrif á heilabúið eins og fjöldi vísindaathugana sýnir. Manneskja sem gengið hefur tuttugu og fjóra tíma án svefns er með álíka dómgreind og sá sem mælist með 1 prómille alkóhól í blóðinu. Það mótsvarar sex vínglösum sem fullorðinn karlmaður sturtar ofan í sig á einum klukkutíma. Að taka mikilvægar ákvarðanir í svefnleysi er því algjörlega óhæft. Þegar tvelr breskir vísindamenn létu fólk í tilraunaskyni spila fjármálaspil og skapa lausnir undir álagi sem kröfðust aðlögunarhæfni og meðtöku nýrra upplýsinga, þá voru niðurstöðurnar sláandi. Eftir svefnlausa nótt stirðnaði hugsunin og fólk hélt fast í gamlar hugmyndir, þrátt fyrir að þær virkuðu ekki og áttu í afgerandi erfiðleikum með að finna nýjar. Eftir 36 stunda vöku höfðu allir farið í gjaldþrot. Samkvæmt prófessor och svefnrannsakanda Torbjörn Akerstedt hjá Karolinska Institutet er það ótrúlega erfitt fyrir manneskju sem ekki hefur sofið á nóttunni að muna eftir og meta það, sem aðrir segja t.d. í samningalotu. Og það hljómar ekki vel, þegar verið er ganga frá nýjum fjármálareglum hjá ESB. Nýjar athuganir sýna einnig, að þreyttar manneskjur eru tilfinningalega valtari og bregðast við af illsku eða ruglingi út af smáatriðum.

Þrátt fyrir þessa þekkingu virðist það vera óskrifuð regla í heimi stjórnmála og efnahagslífs að allar mikilvægar ákvarðanir eru teknar í morgunsárinu. Alþjóðlegir toppfundir, múltimiljarðaviðskipti eða björgunaraðgerðir til að hjálpa fyrirtækjum í vanda: samningur án 12 hektolítra af slæmu kaffi og nábleikum yfirmönnum sem ganga um með sand í augum í sjálfsmorðshugleiðingu virðist vera einskis virði. Einungis viðvaningar láta sér detta í hug að taka stórar framtíðaákvarðanir fyrir hádegi eftir tíu tíma í lúxusrúmi og góðan ávaxtagraut í morgunverð. 

Sígild mynd frá misheppnuðum umhverfissamningum í Kaupmannahöfn 2009 sýnir Barack Obama síðla kvölds umvafinn af leiðtogum heimsins, sem voru allt annað en hressir að sjá, þar á meðal Angela Merkel, Friðrik Reinfeldt og Nicolas Sarkozy. Uppgefin ásýnd franska forsetans virtist senda frá sér þögulan boðskap: "Ég gef frat í þótt jörðin verði hundrað gráðum heitari í næstu viku bara ef ég fæ að sofna."

Á öllum tíma fjármálakreppunnar hefur næturstarfið verið löggilt. Fyrrum fjármálaráðherra USA, Hank Paulsson, skrifar í minningum sínum hversu krónísku svefnleysi hann þjáðist af ekki síst í kringum fall Lehman Brothers. Í eitt skipti var hann svo ruglaður, að hann hélt að smiður gamallar móður hans að nafni Warren Hansen hefði hringt í sig, sem urðu snögg umskipti í öllu saman. Það sýndi sig að hér var á ferðinni allt annar Warren nokkur Buffett, sem hringdi til að láta vita um aðferð sem gæti bjargað fjármálakerfinu frá algjöru hruni. Í Evrópu hafa allir kreppufundirnir verið haldnir langt inn á morguntímana. Og árangurinn þekkja allir. Það eru meira að segja til athuganir sem benda á að svefnleysi hafi að hluta til orsakað kreppuna. Á ameríska Duke háskólanum sýndi tilraun að persónur sem missa af einnar nætur svefni hafa tilhneigingu að taka stærri áhættur þegar peningar eru með í dæminu. Varkár endurskoðandategund getur skyndilega breyst í áhættuspilara eftir kalda sturtu heila nótt. Borið saman við Wall Street, þar sem ekki beinlínis ræður ríkjum sú menning að það sé jákvætt að fara heim um fimmleytið, þá er ekki ósennilegt að samband sé á milli þessarra hluta.

Svo ef við tökum saman niðurstöðuna. Fjármálakreppan var búin til af hópi manna, sem meira og minna var ruglaður allan tímann. Fólkið, sem á að finna lausnirnar, velur að tímasetja mikilvægustu vinnuna, þegar öruggt er að öll hnífapörin finnast ekki í skúffunni.

Þegar Friðrik Reinfeldt fær orðið um fjárlög ESB á toppfundi vikunnar, þá getur hann kanski hoppað yfir enn eina útlegginguna á mikilvægi meiri greiðslumórals í ólívbeltinu og kostina með bókfærslu a la suedoise. Í staðinn gæti hann sett fram skoðun sem enn frekar þjónar hagsmunum Svíþjóðar: "Halló, hæ, hvað finnst ykkur um að við getum sofið á þessu?"

 


mbl.is Útgjöld ESB lækka milli ára
Tilkynna um óviðeigandi tengingu við frétt

Óhjákvæmilegt að evran leysi upp Evrópusambandið

george_soros

 

 

 

 

 

Í samtali hjá fréttaþætti hollenska sjónvarpsins Nieuwsuur lýsti múltimiljarðamæringurinn George Soros áhyggjum sínum af evrukreppunni á eftirfarandi hátt: 

"Ég hef verulegar áhyggjur af því, að evran sé bókstaflega að eyðileggja ESB. Það er raunveruleg hætta til staðar, að lausnir efnahagsvandans skapi mjög djúpstæðan stjórnmálaágreining."

Spurður um hvaða breytingar þyrftu að koma til svaraði hann:

"Þýzkaland verður að skilja, að sú stefna að leggja fram áætlun um niðurskurð á evrusvæðinu vinnur gegn framleiðslustörfunum. Hún getur alls ekki heppnast. Í augnablikinu er þeim (suðurríkjum Evrópu) ýtt áfram - ekki af illum huga - en afleiðingin er að þeim er ýtt áfram inn í langvarandi efnahagslægð eins og er að gerast núna í Evrópu. Þetta getur enst í meira en áratug, gæti í raun og veru orðið til frambúðar eða þar til sársaukinn er orðinn það mikill að hugsanlega kæmi til uppreisnar og afneitunar á ESB. Slíkt þýddi eyðileggingu ESB, sem er hræðilega hátt verð fyrir að viðhalda evrunni sem einungis var ætlað að þjóna ESB."

Hvort evran lifir?

"Hún gæti enst mjög lengi á sama hátt og Sovétríkin sem entust í 70 ár með sínu hryllilega fyrirkomulagi. Samt held ég að hún sundri óhjákvæmilega Evrópusambandinu. Þeim lengri tíma sem það tekur og það getur tekið kynslóðir, sem þá verða án stjórnmálfrelsis og efnahagslegrar velferðar. Þessi lausn virðist mér vera hræðilegur sorgarleikur fyrir ESB. Og þetta er að gerast hjá þróuðustu, opnum samfélögum heimsins. Mér finnst þetta vera hryllilegur sorgarleikur án bófa, vegna þess að ég held ekki, að Þjóðverjar geri þetta af vondum huga en þetta er að gerast vegna skilningsleysis á mjög svo flóknum vandamálum."

Svo mörg voru þau orð. Sífellt fleiri líkja ESB við Sovétríkin sálugu og vara við komandi hörmungum ef ekki verður gripið í taumana. Fyrir fjölda manns í jaðarríkjum Evrópusambandsins er því miður skaðinn þegar skeður.


mbl.is Vilja ekki gengisstefnu fyrir evruna
Tilkynna um óviðeigandi tengingu við frétt

"Ömurleg kjör" starfsmanna ESB

4233

Vesalings 55.000 starfsmenn ESB, sem verið er að "þjarma" svo að, að þeir "neyðast" til að fara í "alvöru" kjarabaráttu gegn niðurskurðinum með tveggja daga verkfalli á meðan verið er að ræða fjárlögin.

ESB hefur birt greinargerð með lista yfir "ömurleg kjör" starfsmanna sinna, sem eru að kikna undir 37,5 stunda vinnuviku og fara einungis á 70% ellilaun orðnir 65 ára gamlir.

Ekki er langt síðan Jóhanna Sigurðardóttir sló hnefanum í borðið með forsætisráðherrum Norðurlanda á fundi í Stokkhólmi og sagði: "Þegar mamma mín var 100 ára gömul vann hún fullt stjórnmálastarf." Efni fundarins: "Hvernig fáum við fólk að vinna lengur en til 65 ára aldurs." Það á greinilega ekki við um starfsmenn ESB. 

Á meðan ESB skipar harkalegan niðurskurð í löndum Suður-Evrópu þar sem atvinnuleysi, fátækt og eymd er farin að líkjast því sem var á tíma Kreppunnar Miklu fyrir seinni heimsstyrjöld eru ekki margir sammála mati starfsmanna ESB á eigin mikilvægi en þeir vilja meina, að Evrópa stöðvist, ef þeir mæti ekki til vinnu.  

Þegar svo margir starfsmenn eru á hærri launum en þjóðarleiðtogar, þegar reiknað er með öllum fríðindum eins og skattleysi, greiddum ferðakostnaði, skólagjöldum barna, m.fl. þá er það ekkert annað en himinhrópandi frekja að fara í verkfall, þótt auka þurfi vinnutímann um eina og hálfa klukkustund svo fullum vinnutíma sé skilað eins og flestir aðrir gera.

Í Grikklandi var enn verið að skerða laun um 25% hjá starfsmönnum lesta og strætisvagna. Þar rak vopnuð lögregla liðið aftur í vinnu. Kannski eitthvað fyrir elítuna í Brussel að taka eftir svo þeir fái að bragða eigið lyf sjálfir? 


mbl.is Með lægri laun en embættismenn ESB
Tilkynna um óviðeigandi tengingu við frétt

Innskráning

Ath. Vinsamlegast kveikið á Javascript til að hefja innskráningu.

Hafðu samband