Unga fólkið og alþjóðasósíalismi ESB

Alþjóðasósíalistar ESB gengu út með það í kosningabaráttunni til ESB-þingsins að "stærsta hætta ESB og heimsins" væri hægriöfgastefna og popúlismi. Gengu þeir svo langt að bera saman hefðbundna lýðræðisflokka við nazistaflokk Adolf Hitlers í Þýzkalandi sem framið hefur mannskæðustu hryðjuverk gegn mannkyninu.

Á sama tíma skilgreina varnarmálayfirvöld fleiri ríkja ESB, að löndunum steðji mest hætta af hryðjuverkaógn fyrst og fremst íslamskra vígamanna. T.d. er ástandið í Svíþjóð enn á stigi 3 á 5-stiga skala um yfirstandandi hryðjuverkaárás.

Þessi mismunur í hættumati stafar vegna stjórnmálalegrar ákvörðunar sósíalista að plata unga fólkið til að kjósa fulltrúa sósíalismans í stað lýðræðisafla sem telja sjálfstæðar þjóðir betur tryggja framgang mála fyrir landsmenn en alþjóða miðstýringu ókjörinna kommissjónera í Brussel.

Fulltrúar Sjálfstæðisflokksins Guðlaugur Þór Þórðarson og Áslaug Arna Sigurbjörnsdóttir leggja áherslu á að "unga fólkið þekki aðeins líf í EES og vilji því einungis EES". Eiga þetta að vera "rök" fyrir samþykkt orkupakka 3 því Sjálfstæðisflokkurinn á ekki að standa vörð um "úreltar hugmyndir sem þóttu einu sinni góðar". Síðan afgreiða þau gagnrýni á orkupakka 3 með sömu rökum og alþjóðasósíalistar afgreiða gagnrýni á ESB.

Staðreyndir um unga fólkið (16-26 ára) ár 2017 í Frakklandi, Þýzkalandi, Grikklandi, Ítalíu, Póllandi, Spáni og Bretlandi sem hefur reynslu af verunni í ESB:

• 60% ungra Grikkja vilja fá völdin tilbaka frá ESB til Grikklands
• Helmingur ungs fólks telur ESB vera á rangri leið
• 42% ungra Breta vildi fara út úr ESB
• 40% unga fólksins vill að ESB skili til baka völdunum til aðildarríkjanna
• 21% alls ungs fólks vill að landið sitt gangi úr ESB

Saga íslenskrar þjóðar frá ánauð nýlenduveldis til sjálfstæðrar þjóðar þótti góð hugmynd sem nær öll þjóðin studdi 1944. Að standa á þeim grundvelli veitir farsælustu leið þjóðarinnar inn í framtíðina.

Alþjóðasósíalistar treysta á vankunnáttu ungu kynslóðarinnar um nazismann. Ofangreindir fulltrúar Sjálfstæðisflokksins treysta á vankunnáttu ungu kynslóðarinnar um alþjóðasósíalismann.

ESB-blinda á Alþingi hættuleg hagsmunum Íslands

Á meðan lýðræðið leitar sér útgöngu úr hlekkjum Evrópusambandsins hylla ESB-þingmenn á Íslandi sambandið í hástertu lýðskrumi í sölum Alþingis. Ekki er einungis um uppgjöf gagnvart erlendu stórveldi að ræða heldur barnalega hyllingu draumsins um stórveldi Evrópu. Slíkir söngvar hafa áður verið sungnir - stundum á sólríkum morgni sama dags og endaði í blóðugri styrjöld að kveldi. 

ESB-þingmenn á Alþingi segja það eðlilega "skuldbindingu" í alþjóðaviðskiptum að leggja niður fullveldið. Annað sé popúlismi og einangrunarstefna óttans. Kolfallnir fyrir gömlum keisara- og hitlerískum draumi um stórveldi Evrópu sjá þeir ekki lengur muninn á frjálsum viðskiptum og kröfu eins aðilans um yfirtöku sjálfsákvörðunarréttar hins.

Engir stjórnmálaflokkar á Íslandi hafa skapað vandamál ESB. Sósíalisminn sem skautar fram hjá frelsi einstaklingsins er fullfær til slíkra verka. Nýlega kom viðvörun frá Seðlabankastjóra Spánar um hrun evrunnar næsta vetur nema að sameiginleg ríkisfjárlög verði sett fyrir evruríkin. 

Vinstri stjórn Katrínar Jakobsdóttur dansar valsinn við Brussel. Forseti Alþingis mundar sverðið að hálsi 1000-ára lýðræðis þjóðarinnar.

Á sjálfstæði Íslands að enda þannig?

 

Minni spámenn breyti efasemdum í ótta

ESB-þingmenn halda Alþingi í gíslingu og kenna fullveldissinnum um

ESB-þingmenn og ráðherrar ríkisstjórnarinnar láta líta svo út að Miðflokkurinn "stöðvi" framgang mála á Alþingi. Ekkert er fjarstæðukenndara. Forseta þingsins er hægleikið að taka önnur mál fyrir og láta orkupakka 3 mæta afgangi og fresta fram á haust. Þannig gæti Alþingi farið í sumarfrí skv. áætlun og enginn þyrfti að vinna á nóttunni.

En það er ekki vilji ESB-þingmanna né forseta þingsins sem fer með dagskrármálin. Forseti þingsins – leiðtogi svikababaráttu Icesave gegn þjóðinni, talar um að "leiða í ljós þingviljann". ESB-þingmenn vilja ekkert frekar en að afhenda yfirráð orkunnar á Íslandi til Brussel. Þeir halda áfram með fundarpíningu á fullveldisþingmönnum og starfsmönnum Alþingis, sem eiga fáa möguleika aðra en að fylgja þeim fundartíma sem forseti Alþingis setur.

Er látið líta svo út að fullveldissinnar á þingi séu að "eyðileggja störf Alþingis" með því að ræða málin næturlangt. Síðan kemur "dómur" meirihluta Alþingismanna: Lokað á umræðu með atkvæðagreiðslu til að "Alþingi geti starfað áfram".

ESB-þingmenn vilja engar umræður um orkupakka 3, heldur ætla að keyra þingsáætlunina ofan í kok þjóðarinnar með þjósti án þess að hún fái að koma að málinu. Sjaldan hafa mál verið jafn hroðvirknislega unnin og þingsályktunartillaga utanríkisráðherrans. Guðlaugur Þór Þórðarson hefur týnt allri rökrænni hugsun í skopparakringluleik við "þá stóru". Hann er orðinn heilaþveginn trúboði ESB-kirkjunnar og boðar trú sem Íslendingar hafna.

Ekki horft til 4. orkupakka

Til hamingju með aldarafmælið Árvakur

Fálkinn í þjónustu EES/ESB. Smáfuglarnir tísta og rjúpan segir sitt. Handhafi Rauða hanskans ákveður hvenær fálkinn slær til og það verður ekki fallegt. 

Skáldsaga? Nei, teiknimyndatíst í Morgunblaðinu. Málgagni landsmanna sem haldið hefur úti og uppi sjálfstæðisstefnunni í 106 ár. Af útgáfufyrirtækinu Árvakri í eina öld eða tíu árum lengur en Sjálfstæðisflokkurinn hefur verið til.

Blaðið hefur á meðan ég man fylgt stefnu allra landsmanna fyrir sjálfstæða þjóð í sjálfstæðu landi. Allar stéttir hafa í Morgunblaðinu átt sinn málsvara og blaðið ætíð lyft fram frelsi einstaklingsins bæði þeirra sem eru betur efnaðri og hinna sem minna mega sín. Blaðið talar jafnt við litlu Gunnu og litla Jón sem forráðamenn stórfyrirtækja og samtaka. Morgunblaðið hefur ætíð virt einstaklinginn og fyrir það eitt er létt að virða Morgunblaðið.

Stétt með stétt var löngum kjörorð Sjálfstæðisflokksins og lýsir markmiði flokksins að leysa mál í samvinnu. Stefna Sjálfstæðisflokksins hefur alltaf byggt á frelsi einkaframtaksins sem er lífsnauðsynlegt endurnýjunarafl hverrar þjóðar til sóknar og framfara. Á grundvelli þessarra viðhorfa er ekki svo erfitt að skilja gagnrýni blaðsins á ofurskrifræði, alræðis- og öfgastefnum og valdahroka. Morgunblaðið er jafn mikill vettvangur hagsýnu húsmóðurinnar, hins líkamlega stritandi verkamanns sem frumkvöðlanna sem þurfa að taka á sig áhættur til að komast áfram. 

Ég óska Árvakri til hamingju með aldarafmælið. Ég óska Sjálfstæðisflokknum til hamingju með 90 ára afmælið. 

Það vekur athygli að Bjarni Benediktsson formaður Sjálfstæðisflokksins velur annan vettvang en Morgunblaðið til að birta afmælisgrein sína um flokkinn. Sá vettvangur hefur löngum verið kenndur við stærsta fjárglæpamann Íslandssögunnar, sem olli stærsta fjármálahruni sem Ísland hefur upplifað og lagði fjölda heimila og fyrirtækja í rúst. 

Vonandi situr formaðurinn ekki fastur í sama neti en víst bendir það til flótta frá Sjálfstæðisstefnunni að hætta að skrifa í Morgunblaðið.

Fyrrum ritstjóri Morgunblaðsins Styrmir Gunnarsson lýsir eins og svo margir aðrir landsmenn miklum áhyggjum af afstöðu stjórnar Sjálfstæðisflokksins til orkupakka 3. Afstaða hans sem og núverandi ritstjóra Morgunblaðsins byggist á mikilli þekkingu á því sem er að gerast í heiminum - sérstaklega hjá handahafa Rauða hanskans - ESB.

Vonandi tekst að vekja fálkann úr ESB-dáleiðslunni áður en honum verður sigað á varnarlausa landsmenn sem óska sér einskis annars en að fá að lifa í friði í sínu sjálfstæðu landi. 

Þingmenn að „bregðast þjóð sinni“

Langa nefið er rautt - fáir vilja sósíalismann aftur í Evrópu

Persónulega má vorkenna Theresu May að geta ekki hamið grátinn við aðskilnaðinn við embættið. Hún hefur eflaust staðið í þeirri trú að hún væri að vinna þjóð sinni gagn svipað og Jóhanna Sigurðardóttir og steingríman þegar þau gengu erinda bankaræningja í Icesave. En lýðræði þýðir að stjórnendur verða að hlýða á kjósendur og framkvæma vilja kjósenda.

Höfundur Reykjavíkurbréfs dagsins skrifar: "Langt nef var helsta stjórntæki Theresu May. Skrítið að íslenskir stjórnmálamenn telji snjallt að sækja um einkaleyfi fyrir sig á því tæki". 

Í yfirstandandi ESB-þingkosningum er langa nefið eldrautt. Vinstri menn vinna að einræðisríki ESB yfir allri Evrópu. Rætt er um að ESB breyti atkvæðareglum, þannig að neitunarvald verði afnumið og einfaldur meirihluti ráði. Þar með hafa minni lönd engin áhrif lengur. Einnig er rætt um að framkvæmdastjórnin leggi á og innheimti skatta á lönd sambandsins. Her ESB er í uppbyggingu. Ekkert bólar á að minnka veizlukostnað ESB-aðalsins á kostnað aðildarríkja þótt Bretar yfirgefi sambandið. Svona mætti lengi telja.

Í kosningabréfi til Aftonbladet hvetja forystumenn Móderata í Svíþjóð kjósendur að velja Nei við sósíalisma vinstri manna í Evrópu. Uppreisn fólks í Bretlandi og víða um Evrópu er enginn hægri öfgastefna heldur uppreisn geng samþjöppun valds á einum stað sem síðan valtar yfir lýðræðið og lýðræðislega kjörna fulltrúa fólks í aðildarríkjunum. 

Íslendingar eru seinheppnir að vera með ríkisstjórn sem dásamar þessa þróun og leggur sig flata fyrir kommissjónerunum í Brussel. Langa nef ESB virkar ekki betur á Íslandi en í Evrópu.

Vonandi vaknar fólk hressilega við og styður við bakið á þingmönnum fullveldisins sem halda uppi fána lýðveldisins og berjast á grundvelli stjórnarskrárinnar gegn löngu og illa þefjandi nefi ESB-þingmanna.  Langa nefið sem er að snýta sér á Alþingi verður vonandi hrakið burtu svo Íslendingar geti áfram lifað sem sjálfstætt fólk í sjálfstæðu landi.

May lætur af embætti 7. júní

Steingrímur sveiflar ESB-sverði yfir fulltrúum fullveldisins – hvenær fellur höggið?

Svikari landsmanna í Icesave, maðurinn sem vildi láta þjóðina borga skuldir óreiðumanna, maðurinn sem reyndi að hlekkja landsmenn og komandi kynslóðir Íslendinga í örbirgð og fátækt, tilkynnti Miðflokksmönnum í morgun að ef þeir hættu ekki umræðu um orkupakka 3, myndi hann beita valdi sínu sem forseti Alþingis og "leiða í ljós þingviljann". 

Í beinum orðum þýðir það að meirihluti Alþingis mun nota forseta þingsins til að stöðva umræður um orkupakka 3 og samþykkja þingsályktunartillögu utanríkisráðherra um afléttingu fyrirvara um stjórnarskrá lýðveldisins Íslands. Slík stöðvun umræðna er trúlega einstök í sögu Alþingis en samtímis létt verk fyrir forseta Alþingis að íklæðast hlutverki böðulsins sem heggur niður lýðræðið.

Allt ferlið með pakkann er ógeðfellt baktjaldamakk, þar sem þvinga á fram gróðasjónarmiðum fárra á kostnað heildarinnar. Landsmenn verða látnir greiða niður skítuga orku Þýzkalands með hærra raforkuverði á Íslandi. Meirihluti þingmanna hótar að eyðileggja viðskiptamöguleika Íslands við aðildarríki ESB nema að orka landsins verði afhent í sameiginlegt orkubú ESB. 

Gríman fellur – einnig á Íslandi. Þingmenn fullveldisins börðust hetjulega en Alþingi er glatað.

Far í friði vort sómakæra lýðræði.

Met slegið í orkupakkaumræðunni

Allt gert til að þóknast ESB-guðinum

Í nýlegu viðtali við CNN sagði Jean-Claude Juncker að fólk teldi ESB vera Guð friðarins þar sem engar styrjaldir væru í álfunni burtséð frá Úkraínu. (Úkraína reiknast ekki með þar sem landið er ekki í ESB). Segir Juncker það mistök að ESB hafi ekki gripið inn í Brexit umræðurnar í Bretlandi, því Bretar á leið út úr sambandinu munu nú senda þingmenn á ESB-þingið og gagnrýna ESB á þeim vettvangi. Harmar Juncker að farið sé að lögum, þegar menn vilja ekki lengur krjúpa fyrir ESB-guðinum. Kallar Junckers gagnrýnendur ESB "hálfvita þjóðernissinna" því þeir elska löndin sín.

Á litla Íslandi berjast þingmenn þjóðarinnar hetjulegri baráttu gegn hræsni og valdboði meirihluta þingmanna sem ekki sjá sólina fyrir ESB-guðinum og keisara Juncker. Færustu ESB-trúboðar Alþingis ásaka þingmenn fullveldisins fyrir að vera í slagtogi með Hitler sem er mestur allra hálfvita þjóðernissinna.

Ekki virðist lengur hægt að ræða um EES/ESB á málefnalegum grundvelli – ESB-trúin helríður öllu. Trúboðar ESB-guðsins þurfa engin lög, þingsályktun dugir. Með eða á móti ESB/EES kemur í stað samningsbundinna lagalegra leiða. Lagalegir fyrirvarar orkupakkans finnast ekki.

Vonum bara að þúsund ára lýðræðishefð á Íslandi og fullveldi standist þessar nýju trúarárásir. 

Stöndum þétt að baki þingmönnum fullveldisins.

Enginn bilbugur á Ólafi og félögum

Myrkrarverkin fá dagsljósið - lýðræðið fær myrkrið

ESB-þingmenn Alþingis ýta lýðræðinu útí nóttina, þegar flestir sofa og vonast með því að röksemdir andstæðinga orkupakka 3 nái ekki eyrum landsmanna. Fáir Íslendingur vilja afhenda yfirráðin yfir orku landsins til Brussel þar sem kommissjónerar stjórna lögstýrðum markaði að hætti Þjóðverja.

Blaðran um fjór"frelsið" er sprungin framan í andlit íbúa aðildarríkja ESB, þar sem frjáls för íslamskra vígamanna og alþjóðlegra glæpasamtaka taka daglega líf og eigur meðborgaranna. Í Svíþjóð má tollurinn ekki einu sinni stöðva glæpamenn við flutning á þýfi úr landi, því ekki má hindra frjálsa för glæpamannanna. Því miður er ástandið ekkert betra í mörgum öðrum löndum ESB.

Margir sem segjast vilja frjálsa verzlun hylla "frjálsan" orkumarkað ESB. Orkumarkaður The Energy Union eða Orkusambands ESB er dæmigerður, sósíalískur útjöfnunarmarkaður. Þýzkaland græðir mest. Hinn s.k. "frjálsi" en niðurnjörfaði reglugerðarmarkaður orkunnar hækkar verð hreinnar, ódýrrar orku og lækkar verð dýrrar óhreinnar orku. Með því að eyðileggja samkeppnisstöðu annarra ríkja t.d. Norðurlanda tekst Þjóðverjum að selja skítugt rafmagn á samkeppnisbæru verði á lögstýrðum markaði. Eiga þeir eitt af þremur einokunarfyrirtækjum á sænska orkumarkaðinum.

Þingmönnum lýðræðisins á Alþingi skulu færðar þakkir fyrir að standa næturvaktina og vernda kyndil lýðræðisins. ESB-þingmenn geta hins vegar talið mínúturnar að næstu kosningum, þegar kjósendur henda þeim út af þingi.

Hafa rætt orkupakkann í um 50 tíma

Icesave fölnar í samanburði við afhendingu orkunnar til ESB

Enn standa sannir þingmenn lýðveldisins næturvaktina fyrir hönd allrar þjóðarinnar gegn þeim fáheyrða glæp að afhenda yfirráð orkuauðlinda Íslands á fati til Brussel.

Vinstri stjórn Katrínar Jakobsdóttir er ekki hótinu skárri en vinstri stjórn Jóhönnu Sigurðardóttur. Virðist það vera markmið núverandi ríkisstjórnar að slá öll met hinnar einu sönnu vinstri ríkisstjórnar með ósannindum, baktjaldamakki, bellibrögðum og alls kyns sjónhverfingum til að villa um fyrir þjóðinni að verið sé að afhenda stórríki meginlandsins yfirráðin yfir orkuauðlindum Íslands. Innganga Íslands á orkumarkað Evrópu er skýrt brot á stjórnarskránni, þar sem löggjafarvald og dómsvald yfir orkumálum Íslendinga verða afhent ESB. 

Það er sorglegt að sjá svo eindreginn vilja til svika við þjóðina hjá þessarri ríkisstjórn sem ekki er hægt annað en að kalla vinstri þar sem forystumenn Sjálfstæðis- og Framsóknarflokks hafa selt sálu sína fyrir ráðherrastóla og vinna nú með ESB-umsækjendum að véla þjóðina endanlega undir völd ESB.

Þakkir og heiður til þingmanna Miðflokksins og Flokks fólksins fyrir að standa vaktina.

Áfram skal haldið þar til þessi tilraun til yfirtöku á auðlindum landsmanna verður stöðvuð.

„Bersýnilega málþóf“

Þingmenn stjórnarskrárinnar standa næturvaktina

Þjóðinni ber að þakka þeim þingmönnum sem standa næturvaktina gegn átroðslu ríkisstjórnarinnar sem gerir tilraun til að svína orkupakka 3 gegnum þingið. Refsar ríkisstjórnin öllum þingmönnum sem vilja ræða málið með því að þvinga næturfundi á Alþingi. Þetta er þreytunartaktík sem á að lama okkar fólk á þingi til uppgjafar.

En ríkisstjórnin og ESB-leppar annarra stjórnmálaflokka misreikna sig. Þingmenn Miðflokksins og Flokks fólksins standa á grundvelli harðgerðrar íslenskrar náttúru sem gefur sig ekkert frekar en eldjöllin Hekla og Katla. Með stjórnarskrá lýðveldisins að bakhjarli eru þeim allir vegir færir nema að ríkisstjórn sósílismans komi á neyðarlögum og banni lýðræði á Alþingi. Slíkt ætti að vera langsótt (en er ekki óhugsandi), því þjóðin yrði þá líkleg til að yggla sig og hrekja ESB-fulltrúana út af þingi.

Ríkisstjórn Katrínar Jakobsdóttur gerir allt til að verða arftaki hinnar einu sönnu vinstri stjórnar Jóhönnu Sigurðardóttur. Ímynd Sjálfstæðis- og Framsóknarflokks sem tákn stöðuleika frá tíma fyrir stofnun lýðveldisins 1944 hefur verið fargað og enginn veit hvort þeim tveimur takist nokkru sinni framar að ná traustinu til baka.

Á meðan berjast þingmenn Flokks fólksins og Miðflokksmenn fyrir hagsmunum lýðveldisins. Heill sé þeim, þjóðin styðji slíka menn og konur til baráttu fyrir landið okkar og fullveldi Íslands. 

 

Þingfundi slitið á sjötta tímanum