Bloggfærslur mánaðarins, október 2016

Sigurði Inga tókst það sem Panamaskjölunum tókst ekki: að fella ríkisstjórnina

Árásinni á Ísland var ætlað að klína á forráðamenn ríkisstjórnarflokkanna að þeir væru skatta svindlarar og ómerkilegir glæpamenn. Árásinni var aðallega beint gegn löglega kjörnum forsætisráðherra þjóðarinnar Sigmundi Davíð Gunnlaugssyni. Þótt sérkennilegri lygum hafi verið dreift erlendis sem ekki var dreift á Íslandi, að Sigmundur Davíð stundaði peningaþvott í Panama til ólöglegra vopnakaupa fyrir vopnabróður Pútíns í Sýrlandi, Al-Assad, þá dugðu lygarnar á Íslandi til að steypa forsætisráðherranum úr stóli. Sjálfstæðisflokkurinn spjaraði sig og varð að meðgangast frávik frá stjórnarskrá um kjörtímabilið sem kjósendur völdu.

Síðan sveik Sigurður Ingi eins og alþjóð veit loforð sitt til Sigmundar Davíðs um að bjóða sig ekki fram til formanns Framsóknarflokksins. Gekk hann í lið með Pírötum, Samfylkingu, Bjartri framtíð og Vinstri grænum með sömu rökum um afsögn Sigmundar og nýjar kosningar og þau höfðu kynnt.

Útkomuna þekkja allir. Framsókn tapaði svo miklu fylgi, að þrátt fyrir glæsilega útkomu Sjálfstæðisflokksins, þá er ríkisstjórnin fallin. Sigurði Inga tókst því að fullkomna upprunalegt markmið Panamaárásarinnar á Ísland og eyðileggja Framsóknarflokkinn í leiðinni.

Vilji Framsóknarmenn koma í veg fyrir sömu örlög og Samfylkingin verða þeir með vendi að taka eina Oddnýju Harðardóttur á formanni sínum. Og það er ekki eftir neinu að bíða, formaðurinn er ákveðinn í Samfylkingarörlögum flokks síns.

Skärmavbild 2016-06-05 kl. 10.00.36


mbl.is Tilbúnir í samstarf við hvern sem er
Tilkynna um óviðeigandi tengingu við frétt

Ánægjulegt skref á réttri leið

Skärmavbild 2016-10-30 kl. 02.06.58Allar tölur ekki komnar en staðan seint í gærkvöldi.

Með auknu fylgi yfir 30% er Sjálfstæðisflokkurinn að ná fyrri hljómgrunni hjá þjóðinni eftir samskiptaörðuleika eftir bankahrunið 2008. Formaður flokksins Bjarni Benediktsson hefur komið vel út í samtölum og viðræðum við aðra flokksleiðtoga í kosningabaráttunni og ljóst að reynsla hans í stjórnmálastarfi hefur styrkt hann verulega í leiðtogahlutverki sínu. Þetta hefur komið fram í útfærslu í umræðum um ESB og fjármálin, þá sérstaklega í afstöðu til vogunarsjóða sem sýnt hafa óskammfeilni m.a. í auglýsingum til að lokka til sín vinstri stjórn á Íslandi. Það er því full ástæða til að óska formanninum og Sjálfstæðismönnum öllum til hamingju með vel unnin störf með ósk um að flokkurinn útfæri samtöl við kjósendur svo vel á næsta kjörtímabili að gangan haldi áfram alla leið eins og Bjarni Benediktsson sagði í stuttu ávarpi þegar fyrstu kosningatölur lágu fyrir. 

Útkoma Framsóknarflokksins er algjört hrun. Flokkurinn fær verstu útreið í 100 ára sögu sinni og fylgið sem Sigmundur Davíð Gunnlaugsson dró með sér eftir bankahrunið er horfið. Spurningin sem Framsóknarmenn hljóta að spyrja, er hvort hrunið sé Sigmundi eða Sigurði að kenna. Fyrir sjálfan mig er svarið einfalt. Hvernig er hægt að treysta flokksforystu, sem lætur valdarán á síðustu metrum í formannskjöri verða ofaná í flokknum? Allir andstæðingar Sigmundar Davíðs Gunnlaugssonar og annarra Framsóknarmanna og kvenna eins og Vigdísar Hauksdóttur að ónefndum öllum öðrum sem af einurð og heiðarleika stóðu í hárinu á vogunarsjóðum munu segja aðeins eitt orð: PANAMA.

Hvenær ætlar ljósið að renna upp fyrir fólki að hluti eigenda vogunarsjóðanna standa á bak við PANAMASKJÖLIN til að klína "hneykslum" á heiðarlega, lýðræðislega kjörna stjórnmálamen, sem eru að vinna fyrir sitt eigið fólk? Sjáið hvernig Píratar, Björt framtíð, Samfylking og Vinstri grænir standa saman til að reyna að búa til hvert "hneykslið" á fætur öðru um stjórnarandstæðinga sína. Það eina sem þessir flokkar gera er að búa til hneykslismál, því þeir eru uppiskroppa með stjórnmálarök. Það eina sem þessir flokkar hafa gert eftir bankahrun er að reyna að ljúga sögusögnum upp á stjórnmálaandstæðinga sína sbr. Geir Haarde og Landsdómsmálið, Davíð Oddsson seðlabankastjóra og Sigmund Davíð Gunnlaugsson fyrrum forsætisráðherra. Sem betur fer hefur þjóðin séð gegnum þennan lygavef þessarra launaðu óyndismanna, sem láta kaupa sig til svartverka í íslenskum þjóðmálum. Eina leiðin fyrir Framsókn að ná sér upp úr þessarri lægð er að Sigurður Ingi Jóhannsson víki úr formannsstóli og Sigmundur Davíð Gunnlaugsson taki við forystu flokksins aftur. Sigmundur á mun meiri framtíð fyrir sér en Sigurður. 

Þess vegna skilur Birgitta Jónsdóttir ekkert í því, að einungis Framsókn hrynur en ekki Sjálfstæðisflokkurinn og segir það koma skringilega út fyrir umheiminum. Það sem hún meinar en segir ekki er að þetta kemur skringilega út hjá eigendum vogunarsjóða sem veðja á Pírata til að umpóla fólki svo hrægammasjóðir fái að hafa sína íslensku skuldaþræla í friði. Mikill áhugi "erlendra" fjölmiðla á Pírötum fylgir einnig alþjóðlegum "Baugsmiðlum", þar sem eigendur vogunarsjóða á Íslandi hafa fingurna með í spilum líkt og Jón Ásgeir á Íslandi.

Hrun 2 hjá Samfylkingunni er rökrétt og mátulegt á þá að fá vera með en geta ekkert gert sem er verri staða en að vera alls ekki með. Gott að losna við pakkalygarann Skarphéðinsson. 

Vinstri grænir bæta við sig fylgi en ekki nægjanlega miklu til að fjórflokkurinn sem hittist fyrir kosningar geti náð að mynda ríkisstjórn. Og Vinstri grænir hafa útilokað samstarf með Sjálfstæðisflokknum. Útkoma kosninganna ef Vg breytir ekki um skoðun er því þannig að Viðreisn virðist hafa vogarafl í dæminu.

Sjálfstæðisflokkurinn er sigurvegari kosninganna og eðlilegt að Bjarni Benediktsson fái umboð til myndunar nýrrar ríkisstjórnar. Ég óska sjálfstæðismönnum til hamingju með árangurinn, flokkurinn er að ná fyrri hljómgrunni meðal þjóðarinnar. 

PS. Viðbót sunnudagsmorgun en þá er fylgi Sjálfstæðisflokksins komið niður í 28,4% svo hann hlaut nú ekki þessa miklu jákvæðu útkomu yfir 30% eins og talið var fyrst. Bætir við sig 1,7%(í stað 3,4%). Þetta dregur aðeins úr en breytir ekki grundvallarniðurstöðunni.


mbl.is Sjálfstæðisflokkurinn með yfir 30%
Tilkynna um óviðeigandi tengingu við frétt

Davíð sigrar Golíat að lokum

DavidGoliatÞað er ánægjulegt að vitna að réttarkerfið virkar á okkar góða Íslandi. Ríkir sem fátækir eru jafnir fyrir lögunum. Annars staðar hefðu Baugskumpánar ef til vill getað keypt bæði dómara og stjórnmálamenn. En á Íslandi eru dómarar ekki til sölu og ekki a.m.k.tveir stjórnmálamenn svo vitað sé.

Þótt þyngstu refsingu yrði beitt í fjársvikamáli Jóns Ásgeirs Jóhannessonar, Lárusar Welding og Magnúsar Arnar Arngrímssonar, þá væri það engan vegin næg hlutfallsleg refsing miðað við afbrot þeirra. Jón Ásgeir einsamall skildi eftir sig 1000 milljarða krónu gat og þótt hann þyrfti að dúsa á Kvíabryggju í sex ár, yrðu dagslaun hans um 465 milljónir króna sem ekki er það versta á vinnumarkaðinum.

Eftir afplánaðan dóm getur Jón sótt földu milljarðina sína og lifað eins og hann hafi aldrei framið neinn glæp. Samtímis sitja þúsundir Íslendinga uppi með ónýt líf eftir glæpi Jóns & Co.

En hámarks refsing sýnir eingu að síður, að réttarfars- og dómskerfið tekur málið alvarlega og að þessu leyti er Ísland einstakt.

Á meðan Jón Ásgeir situr í steininum á Íslandi ganga kollegar hans lausir og herja um heiminn. Spark þeirra kom gegnum fjölmiðla og steypti fyrrv. forsætisráðherra Sigmundi Davíð Gunnlaugssyni af stóli. Sigmundur Davíð var hættulegasti andstæðingur hrægamma síðan Davíð Oddssyni var vikið úr stóli Seðlabankastjóra. Félagar Jóns Ásgeirs ráða yfir voldugum fjölmiðlum í vesturheimi og stunda s.k."rannsóknarblaðamennsku". Þúsundir píratakjánar og heilaþvegnir vinstrimenn bíta á agnið og halda, að þau séu að berjast fyrir jafnrétti og frelsi. 

Birgitta Jónsdóttir, Óttar Proppé, Oddný Harðardóttir og Katrín Jakobsdóttir berjast öll fyrir hagsmunum hrægammasjóða á Íslandi. Þau hafa fyrir löngu selt sálu sína fyrir bita í askinn. 

Vinnur þetta vændisfólk stjórnmálanna næstu Alþingiskosningar verður fyrsta verk þeirra að eyðileggja stjórnarskrána svo troða megi Íslandi inn í ESB. Síðan verða eigendum hrægammasjóða afhent bein völd með upptöku evrunnar.  

Gríski harmleikurinn verður aðeins forleikurinn að ógæfu Íslands komist þetta fólk til valda.


mbl.is Vill þunga dóma í Aurum-máli
Tilkynna um óviðeigandi tengingu við frétt

Hláturbréfasambandið

Hooker’s-Lips-Psychotria-Elata-17-Flowers-That-Look-Like-Something-ElseEf til væri hláturbréfamarkaður væru bréf Evrópusambandsins hæst skráð allra hlátursbréfa.

Eftir að tilraunin með viðskiptasamninginn við Kanada fór um þúfur vegna þrjóskra Vallóna í Belgíu sem neituðu að samþykkja samninginn, þá tók hlátursbréfamarkaðurinn kipp í vikunni.

Mikil hækkun varð, þegar þróunarsjóður ESB borgaði innréttingu húsnæðis tjékkneskra gleðikvenna nálægt landamærum Þýzkalands. Voru skattgreiðendur látnir borga fyrir endurnýjun þaks og útlits hússins með nýju rauðu ljósaskilti með hjarta og bókstöfunum XXX utan á húsinu. Samtals fengu gleðikonurnar 40 þúsundir evra eða um 5 milljónir ískr greiddar fyrir þessa "svæðaþróun".

svæðaþróað fjárhús að mati ESBGömlu fjárhúsi var breytt í nútíma gleðihús og þegar blaðakona ætlaði að athuga málið var henni bent á að engar rollur væru lengur í húsinu en 15 konur ynnu þar á vöktum og eingöngu karlmenn fengju að fara inn í húsið til að kaupa þá þjónustu sem boðið var upp á. Forstöðukona hússins talaði bjagað mál með rússneskum hreim.

Olof rannsóknarstjóri ESB ætlar nú rjóðkinnaður að athuga málið, því enginn sagði ESB frá því að fjárhúsið yrði þróað sem svæði tékkneskra gleðikvenna. Kannski borgar Olof álíka upphæð til að setja upp skilti við veginn: "This is not a brothel." Spurning er hvort það hafi við XXX skiltinu.

notbrothelSöluaðilar hlátursbréfa ESB á Íslandi eru Píratar, Samfylking, Viðreisn, Björt framtíð og Vinstri grænir.

 


mbl.is „Boltinn er hjá Evrópu“
Tilkynna um óviðeigandi tengingu við frétt

Stefnulaus súpa úr ESB-nagla

SinkingEUEkki er það upp á marga fiska að fylgjast með málfærslu eftirlýðveldisflokkanna, sem reyna að finna sér land undir fót í kosningunum. Öllu er hrært saman í hugmyndasnauða naglasúpu og kjósendum aðeins boðið upp á einn ESB-nagla. 

Stjórnarandstöðuflokkarnir keppa við sjálfa sig með nýjum bandalögum í einstökum málaflokkum. Píratar hófu leikinn og eins og hinn góði forseti Alþingis Einar K. Guðfinnsson benti á, þá er það athyglisvert, að Viðreisn telur utanríkisstefnu sinni best borgið í bandalagi með Vinstri grænum og Pírötum.

Undirlægjuhátturinn og sleikjuskapurinn við ESB er svo blindandi að ekkert annað kemst að og þar af leiðandi kemur hið nýja kjörorð: Viðreisn og Vinstri græn - útverðir vestrænnar samvinnu!

Vestræn samvinna stjórnarandstöðunnar hefur ESB og starf þess sem fyrirmynd. Bygging ESB er eins og Titanic í heila hönnuðanna og farþega fyrsta farrýmis: Ósökkvandi.

En eins og Titanic eftir áreksturinn við ísjakann marir ESB vélarlaust hálft í kafi og bíður þess að sökkva.

Gáfuð stjórnarandstaða velur að fara til botns með ESB.

Guð blessi Ísland fyrir að vera án þeirra örlaga.


mbl.is „Útverðir vestrænnar samvinnu!“
Tilkynna um óviðeigandi tengingu við frétt

Samratafylkingin vill endalok íslenska lýðveldisins

samratafylkingingPíratar hafa tekið yfir kápu gömlu Allaballana sem vildu sameina alla vinstri menn í einn flokk. Aftur á ný hefst enn einn hringur vitleysunnar með nýju fólki sem reynir að telja öðrum trú um að vitleysan gangi í þetta sinn. Að nýja fólkið breyti málunum einmitt í þetta sinn.

Sagan er gamalreynd og endar alltaf eins í hvert skipti. Stefnuleysi eftirlýðveldisaflanna er slíkt að venjulegur mixari gæti engan veginn framleitt þá hræru anarkisma, sósíalisma og sýrublandaðs marxisma eins vel og rötum vinstri hliðarinnar heppnast að blanda. Nýjasta verkefni Pírata "Nýsamfylkingin" eða Samratafylkingin mun hljóta nákvæmlega sömu örlög og móðirin hlaut. 

Mc Carthy segist vilja koma á siðabótum í stjórnmálum og uppræta spillingu. Hann ætti þá að byrja á sjálfum sér m.a. fyrir að láta nota sig í verkefni borguðum af yfirpíratanum George Sóros og samtökum hans "Open Society".

Birgitta Jónsdóttir ætti að gera slíkt hið sama en í viðtali fyrir skömmu segir hún, að það verði að "kollsteypa kerfinu". Báðir þessir íslensku siðapostular eru heilaþvegnir í heilaþvottastöð Evrópupírata sem vinna að því að skapa upplausn í þjóðríkjum Evrópu. "Panamaárásin" er liður í meðvituðum róstum á Íslandi til að koma á stjórnleysi og eyðileggja íslenska lýðveldið.

Trúlega hafa bæði Birgitta Jónsdóttir og Smári McCarthy unnið að stafrænum lygum um að Þýzkaland væri paradís flóttamanna en yfirpíratinn Sóros vildi fjármagna móttöku ESB á einni milljón flóttamanna árlega með útgáfu nýrra ríkisskuldabréfa ESB til fjármögnunar 15 þús. evru styrk fyrstu tvö árin til sérhvers flóttamanns.

Samratafylkingin mun ekki fá neinn langtíma hljómgrunn hjá þjóðinni.

Íslendingar eru of sjálfstæðir og þrá frelsi sitt meira en svo, að Samratafylkingin geti eyðilagt líf þeirra. 


mbl.is Píratar útiloka stjórnarflokkana
Tilkynna um óviðeigandi tengingu við frétt

Valdaránið í Framsóknarflokknum

14724541_682330091930043_3930628317712036879_nSigmundur Davíð Gunnlaugsson fyrrverandi forsætisráðherra má eiga sér það til framdráttar, að olígarka Wall Street þurfti til svo hægt væri að stöðva lýðræðislega framgöngu hans á Íslandi. "Panamaskjölin" voru uppfærð hernaðarlist eftir að "Trojku" tilraun ESB og Icesavehjúanna Steingríms og Jóhönnu mistókst. 

Baráttan um yfirráð yfir peningastefnu Íslendinga hefur verið hörð á undanförnum árum:

Ísland inn í ESB: þjóðin 1 - Trojkan 0
Icesave: þjóðin 1 - Trojkan 0
Lýðræðislega kjörnir fulltrúar þjóðarinnar sem fá að halda embættum sínum:
Davíð Oddsson/þjóðin 0 - Trojkan 1
Geir Haarde/þjóðin 0 - Trojkan 1
Ólafur Ragnar Grímsson/þjóðin 1 - Trojkan 0
Sigmundur Davíð Gunnlaugsson/þjóðin 0  -Trojkan 1

Staðan í augnablikinu er 3-3 en í raun má segja að óprúttnir óligarkar hafi yfirtökin, því þeir hafa önnur verkfæri en lýðræðiskjörnir embættismenn á Íslandi sbr. árás RUV, SVT og RM á Ísland með Panamaáhlaupinu. Það voru fleiri en forsætisráðherrann sem voru sviptir lýðræðislegum völdum á Íslandi: lýðræðislega kjörin ríkisstjórn var svipt völdum og þingmenn Alþingis sömuleiðis fjórðung kjörtímabilsins. Hreint stjórnarskrárbrot. 

Í kjölfar þessarar lýðræðisnauðgunar á Íslandi bættu svo innanbúðaröfl í Framsóknarflokknum betur um með eigin valdaráni á síðasta landsfundi flokksins, þar sem formanni flokksins var velt af stóli. Óvirkum Framsóknarmönnum var smalað á flokksþingið til að kjósa nýjan formann. Reynt var að fela smölunina en rútufarmar komu og fólki hleypt inn til að kjósa.

Þegar Sigmundur Davíð hafði orð á þessu reyndu valdaránsmenn að gera lítið úr því með því að segja að "rútur með kínverskum ferðamönnum hefðu sést við Háskólabíó", rétt eins og það væri álíka fjarstæðukennt að halda því fram að smölun SIJ hefði átt sér stað eins og að segja að Kínverjar fengju að kjósa í formannskjöri Framsóknarflokksins. 

Valdaránsmenn Framsóknarflokksins gætu engu að síður þurft að leita til Kínverja í von um fylgi í komandi Alþingiskosningunum. Læt fylgja með kínverskan aðdáunarsöng á forystu Framsóknarflokksins.

 


mbl.is Þurfti að nota gögn í tölvunni
Tilkynna um óviðeigandi tengingu við frétt

Öryggi íbúannna ábyrgð okkar allra segir bæjarstjóri Sollentuna

14699971_10154111170502725_1115977740_nÞað líður varla sá dagur í Svíþjóð að ekki séu fregnir af vopnuðum ránum, bílaíkveikjum og skotbardögum þar sem menn særast eða láta lífið fyrir byssukúlum. Ástandið virðist sífellt verða verra og miklar umræður í gangi um hvað hægt er að gera til að berjast gegn glæpafaraldinum.

Stjórnarandstaðan krefst þess að hlúð verði að lögreglunni með auknum fjárlögum, hærri launum til lögreglumanna og fjölgun þeirra í þúsundum talið um alla Svíþjóð. Gríðarlega þung gagnrýni er á lögreglustjórann sem ekki kemur úr röðum lögreglunnar heldur er flokksgæðingur sósíaldemókrata.

Ég var í viðtali í Morgunútvarpi útvarps SÖGU í vikunni og varð hissa, þegar Markús Þórhallsson benti á að ekki tryðu allir Íslendingar því, að frásagnir af glæpaöldu í Svíþjóð væru sannar. Vegna þess ákveð ég að birta hér viðtal við bæjarstjórann í Sollentuna kommun með 70 þúsund íbúum í norðurhluta Stokkhólms en Sollentuna hefur tekið upp það nýmæli að hafa lögreglu staðarins með á fundum bæjarstjórnar.

Henrik Tunes er formaður bæjarstjórnar Sollentuna og hann hefur búið í Sollentuna síðan 1998. Hann er virkur meðlimur hjá Móderötum síðan 1999 og varð formaður bæjarstjórnar fyrir einu ári síðan.

Mirihluti bæjarstjórnar skrifaði harða gagnrýni á lögreglustjórann og um ástandið í Aftonblaðið í sumar. Af hverju? 

Það hefur verið órólegt hérna í Sollentuna í sumar, bílaíkveikjur og steinakast en það versta af öllu var, að hér varð skotárás í miðjum bænum, meira að segja hérna fyrir utan sjálft sveitarstjórnarhúsið. Þetta hefur afar neikvæð áhrif og eðlilega skapaði þetta óróa hjá íbúum Sollentuna og margir þeirra höfðu samband við sveitarfélagið. Það er náttúrulega gott að maður hefur samband við sveitarfélagið en það er einnig ágætt að minnast þess, að þegar gróf glæpastarfsemi er stunduð eins og átt hefur sér stað, þá er það fyrst og fremst lögreglumál, annars geta umræðurnar farið út af sporinu. Það er hlutverk lögregluyfirvalda að hindra glæpastarfsemi og vinna fyrirbyggjandi starf, sem sveitarfélagið getur líka gert en okkur fannst lögreglan ekki hafa sinnt sínu hlutverki sem skyldi hérna í sveitarfélaginu, þegar þessir atburðir áttu sér stað. Þess vegna völdu fulltrúar meirihlutans hér að skrifa þessa grein í Aftonbladet. 

Hvernig voru viðbrögðin? Fenguð þið einhver viðbrögð frá lögreglunni? 

Já, við fengum reyndar svar við greininni frá fulltrúum lögreglunnar og í kjölfarið hittum við tvo fulltrúa lögreglunnar hérna í Sollentuna. Og það var mjög góður fundur, við vorum skýrir með þá óánægju sem fannst um störf lögreglunnar, við lögðum spilin á borðið. Niðurstaða fundarins var að við yrðum að hefja nánara og beint samstarf milli sveitastjórnarinnar og forystu lögreglunnar hérna í Sollentuna. Þetta leiddi til þess skrefs, að lögreglan kemur á mánaðarlega fundi sveitarstjórnarinnar og gefur skýrslu um hvernig ástandið er í Sollentuna varðandi glæpi. Lögreglan getur ekki sagt frá öllu, því þeir eru bundnir þagnarskyldu en þeir geta gefið okkur greinargóðar upplýsingar og svarað spurningum okkar. Allir vita að stjórnmálamenn geta talað mikið en lögreglan fær 10 mínútur á hverjum fundi, þar sem 5 mínútur fara í skýrslu um ástandið og 5 mínútur til að svara spurningum. Allir flokkar eru viðstaddir og fá upplýsingar lögreglunnar og allir geta spurt lögregluna um hvað hún sé að gera. 

Hvaða áætlanir hafið þið með lögreglunni í nánustu framtíð? 

Sveitarfélagið hefur sína ábyrgð og lögreglan sína. Hjá okkur vinnum við stöðugt með öryggisspurningar og margt er í gangi. Fyrir ári síðan samþykkti sveitarstjórnin sérstaka stefnu varðandi öryggi íbúanna, þar sem ákveðið var hvernig unnið er að öryggismálum alls staðar í sveitarfélaginu. Að fyrirbyggja glæpi er langtímaverkefni hjá okkur og einnig sköpum við örugg útivistarsvæði og vinnum að félagslegri haldbærni gegn glæpastarfsemi. Þannig eru öryggismálin með frá byrjun við skipulag íbúðahverfa með upplýsum útisvæðum. Og skólinn hefur afar þýðingarmikið hlutverk hér, börnum er kennt þegar í forskólanum að bera virðingu hvert fyrir öðru. Húmaníski þátturinn er geysilega þýðingarmikill, að börnum sé kennt að þróa með sér skilning og hugsun hvert fyrir öðru og skilja hvert annað. Mér finnst mikilvægt að benda á þennan þátt. Síðan er þáttur foreldranna ekki síðri og við frá sveitarstjórninni segjum gjarnan að þetta séu svo þýðingarmikil mál, að það er ekki bara hægt að leggja það á herðar eins aðila að tryggja öryggið heldur verðum við öll að hjálpast að til að ná sem bestum árangri. Það eru líka í gangi alls konar hlutir á mörgum stöðum með mörgum aðilum t.d. frjáls framtök fólks eins og Næturfararnir, Tryggt og fallegt, Svæðisstarfsmennirnir. Við komum þar inn og samhæfum starfið svo allir þekki til hvers annars og vinnan verði meira samhæfð. Hérna er hægt að betrumbæta starfið og þróa það enn frekar áfram. 

Sollentuna hefur 70 þúsund íbúa og er eitt af 290 sveitarfélögum Svíþjóðar. Hvernig lítur dæmið út ef lögreglan fær ekki aðstoð ríkisstjórnarinnar, getið þið unnið saman með öðrum sveitarfélögum að öryggismálunum? 

Lögreglan og við vinnum með Upplands Vesby og Sigtuna. Lögreglan hefur upplýst okkur um það, að vegna róstra í Upplands Vesby í sumar, þá hafði hún minni möguleika til að sinna skyldu sinni í Sollentuna. Án þess að fara inn á landssviðið, þar sem mitt hlutverk snýr að Sollentuna, þá gerum við þær kröfur til lögreglunnar, að hún sé nægjanlega útbúin til að geta sinnt starfi sínu hérna í Sollentuna, alla daga ársins í öllum hlutum Sollentuna. Ef lögreglan segist ekki vera nægjanlega útbúin til að tryggja öryggi íbúa Sollentuna, þá verður hún að krefjast þess af ríkinu að henni verði gert kleift að sinna starfi sínu. Það er ekki hlutverk mitt að stjórna því en flokkur minn Móderatarnir hefur sett fram þá stefnu að meiri fjárlög verði veitt til lögreglunnar og að verulega verði fjölgað lögreglumönnum einmitt til að lögreglan geti tekist á við hlutverk sitt. Þessar spurningar koma að sjálfsögðu upp á fundum okkar með lögreglunni og við vitum að lögreglan reynir að fá lausa meiri peninga til að geta gegnt starfi sínu hér hjá okkur en þetta er ekki alltaf svo einfalt mál. 

Ég þakka þér kærlega fyrir að koma í þetta viðtal hjá útvarpi Sögu, - það hafa verið svo slæmar fréttir frá Svíþjóð að fólk á Íslandi er farið að spyrja sig, hvað í ósköpunum sé í gangi í Svíþjóð. Þú hefur komið til Íslands? 

Já ég hef þrisvar sinnum komið til Íslands. Pabbi minn er frá Noregi og ég dáist að norskri náttúru og þegar ég kom til Íslands fannst mér margt minna á Noreg, sem mér finnst svo fallegt, brattar fjallshlíðar og villt náttúra. Í fyrstu heimsókn minni til Íslands sá ég Gullfoss og heitu laugarnar og alla þessa ástríðufullu náttúru sem okkur vantar svo mjög hér í Svíþjóð. Það er fínt hér í Svíþjóð en það vantar ástríðuna, mér finnst það meira spennandi þannig. Það var ótrúlega fínt að heimsækja Ísland, ég tók fullt af myndum af Þingvöllum og tók með heim til að sýna fjölskyldunni hversu falleg náttúran væri á Íslandi, því mig langar að koma aftur og hafa alla fjölskylduna með, fara á hestbak, því í útreiðatúr verður maður að fara á Íslandi. 

Viltu segja eitthvað að lokum til hlustenda útvarps SÖGU? 

Mér finnst það mjög gott að þið viljið ræða öryggismálin og að íbúarnir geti verið tryggir. Þetta er grundvöllurinn í lýðræðisþjóðfélaginu og réttarsamfélaginu, að hægt sé að treysta á það að maður sé öruggur þegar maður fer út úr húsinu og að hægt sé að gera það allan sólarhringinn. Ég mun aldrei gefa eftir þessi sjónarmið, sem eru meðal mikilvægustu málefna samfélagsins svo að við getum verið trygg með öðru fólki á opinberum svæðum.

 


Sigmundi Davíð fórnað fyrir "friðinn"

fjallkonanLaun heimsins eru vanþakklæti eins og kunnugt er og Framsókn er greinilega ekki að breyta þeirri reglu. Þar með er sögu baráttunar gegn harðsvíruðum fjármálaöflum töpuð, - a.m.k. í augnablikinu.

Baráttumanninum, sem InDefence færði þjóðinni og hefur unnið kraftaverk í fjármálaendurreisn þjóðarinnar, er fórnað fyrir "friðinn". 

Frið bankasvindlara til að blása nýjar bólur og féflétta venjulegt fólk.

Frið s.k. "rannasóknarblaðamanna" til að þjóna hagsmunum Sóros að eyðileggja sjálfstæðar þjóðir fyrir heimsmarkmið hans.

Frið fyrir múgæsingamenn sem egna almenningi gegn löglega kjörnum fulltrúum sínum og öllum þeim gildum sem binda okkur saman sem þjóð.

Það merkilega við Ísland er, að skörungar eins og Sigmundur Davíð Gunnlaugsson, Davíð Oddsson, Ólafur Ragnar Grímsson og Geir Haarde - að öllum öðrum ónefndum skörungum ólöstuðum, eru allir lagðir í einelti og flestir hraktir frá opinberum stjórnmálum.

Markmiðið er sjálfsagt að uppræta lýðveldisflokkanna tvo, þá einu sem eftir eru, Sjálfstæðisflokkinn og Framsóknarflokkinn og fá þingmenn þeirra til að láta af þingstörfum. Svo gnarristar, píratar, anarkistar, sósíalistar, græningjar og hvað þeir heita nú allir saman, fái endanlega frið til að jarða lýðveldið Ísland. Þá fáum við Íslendingar þingmenn sem enga hugmynd hafa um hvenær, hvar eða hvers vegna sjálfstæði Íslands var lýst yfir á Þingvöllum 1944.


mbl.is Sigurður Ingi kjörinn formaður
Tilkynna um óviðeigandi tengingu við frétt

Ungverjar og Framsóknarmenn kjósa í dag

screen-shot-2012-10-01-at-7-07-59-pm"Vilt þú að það verði í höndum Evrópusambandsins að ákveða hvort íbúum annarra ríkja verði leyft að setjast að í Ungverjalandi án samþykki þingsins?" (lausl. þýtt) er spurt í þjóðaratkvæðagreiðslu dagsins í Ungverjalandi. 

Búist er við yfirburðasigri NEI svarsins, sem verður þungt högg á forráðamenn ESB og endalok þvingandi flóttamannaúrræða Evrópusambandsins. Þar með setja Ungverjar Ungverjaland í vonanna birtu.

"Vilt þú að það verði í höndum hrópandi lýðs á Austurvelli og hrægammastjóra að ákveða hver verður næsti formaður Framsóknarflokksins án samþykki flokksmanna?" gæti spurning dagsins í formannskjöri Framsóknarflokksins verið.  

Með yfirburðasigri NEI svarsins verður þungu höggi komið á popúlisma göturæðisins og fjármálasvindlara, sem fela sig á bak við keypta "rannsóknar"blaðamenn og tölvuþrjóta.

Með Sigmund Davíð Gunnlaugsson áfram við stýrið kveikja Framsóknarmenn vonanna birtu næsta kjörtímabil á Íslandi.

Í vonanna birtu 2. október 2016

 


mbl.is „Menn hafa haldið fram ósannindum“
Tilkynna um óviðeigandi tengingu við frétt

Innskráning

Ath. Vinsamlegast kveikið á Javascript til að hefja innskráningu.

Hafðu samband