Nákvæm lýðfræðileg greining kollvarpar fullyrðingum Palestínumanna um Ísrael

 

249881_5_-1

 

Rétttrúnaður vinstri manna er jafn fátæklegur og hann er falskur. Núna beina þeir augun að þjáningum saklausra borgara sem Hamas böðlarnir nota sem skjöld gegn fallandi sprengjum. Það er stríðsglæpur. Lítið sem ekkert er heldur minnst á aðra stríðsglæpi Hamas eins og að byggja herstöðvar undir sjúkrahúsum og skólum. Sögufölsun vinstri manna birtist í fullyrðingum þeirra, að Ísrael sé hernámsríki og arabar saklaus fórnarlömb útþenslustefnu síónismans. Þar er allri sögunni langt aftur fyrir tilkomu Krists varpað fyrir róða. En látið ekki blekkjast. Aðstoðarritstjóri Bandaríska hugsuðarins, Andre Widburg, útskýrir málið í grein, sem hér er þýdd í lauslegu máli. Í þessari grein er ósannindum rétttrúnaðarins um að arabar séu og hafi alltaf verið í Palestínu, kollvarpað. Sést það einkar skýrt á fána Palestínu frá 1939. Hann bar merki Ísraels. Sjá einnig gustafadolf.com


Eftir Andrea Widburg, Bandaríska hugsuðinn

Það eru tvær tegundir fólks sem á ofstækisfullan hátt helga sig Hamas: Íslamistar og staðráðnir vinstrimenn. Þeir ýta undir þá frásögn, að Ísraelar – sem þeir meina að séu „vondu gyðingarnir“ – séu hvítir nýlenduherrar sem hafa tekið land sem þeir eiga ekkert tilkall til. Sem hafa lagt ljóta byrði kynþátta- og trúarlegrar aðskilnaðarstefnu á „Palestínumenn“ sem aldrei meiða neinn. Þessi frásögn virkar vegna þess – því miður, að hægt er að vaða djúpt í hug flestra með Miðausturlönd án þess að blotna á fótunum. Þess vegna er frásögnin samþykkt hugsunarlaust. Hlutirnir breytast samt, þegar frásögn er skilyrt með staðreyndum . 17. aldar skoðun á Ottómönsku Palestínu ætti að breyta mörgum skoðunum.

Samþykkja ekki stuðning við Hamas þegar stefnan er kynnt

Ég byrja á myndbandi, þar sem fólk er beðið um að skrifa undir áskorun til stuðnings Hamas. Fólkið sem sést á myndbandinu er því hjartanlega sammála. Hins vegar breytast málin, þegar þeim er sagt, að þau verði að kynna sér skilmálana, sem fylgja því að skrifa undir. Vitanlega er þetta bara lítið sýnishorn, en það sýnir engu að síður, að fjarri ofsatrú innan háskóla og heilagastríðsæsingu á götum stórborga, þá eru flestir opnir fyrir staðreyndum og munu skipta um skoðun. Myndbandið má sjá hér 

americanthinker2Palestína var og er land gyðinga og kristinna manna

Mig langar að koma á framfæri nokkrum nýfengnum staðreyndum til að breyta frásögninni um að gyðingar séu nýlenduherrar sem hafa notað og misnotað araba með forn tengsl við landið. Reyndar eru þessar staðreyndir nýjar fyrir mér en í rauninni eiga þær sér sögu. Seint á 17. öld ferðaðist hinn fjölhæfi Hadriani Relandi til Ottoman Palestínu. Hann talaði mörg evrópsk tungumál ásamt arabísku, forngrísku og hebresku. Við heimkomuna skrifaði hann tveggja binda magnum ópus sem heitir „Palaestina et Monumentis Veteribus Illustrata” eða Palestína og Fornminjar með myndskreytingum. Bókin er á latínu svo ef þú kannt tungumálið geturðu lesið I. bindi hér og II. bindi hér.

Ef þú vilt ekki lesa bækurnar, þá tekur Facebook-færsla saman það sem Relandi fann þegar hann ferðaðist um Palestínu, sem var fjarlægur útvörður Ottómanveldis á þeim tíma. Ef þú lest færsluna er mikilvægasta atriðið „að Palestína var ekki arabaland; það var (og er) land gyðinga og kristinna manna.” (Færslan er neðar á síðunni.) Þetta er í fullkomnu samræmi við það sem ég hef skrifað um „The Forgotten Ally”eftir Pierre van Paassen, sem lýsir sama landi í aðdraganda seinni heimsstyrjaldarinnar. Van Paassen skrifar að Palestína hafi verið leifar af Ottómanaveldi, að gyðingar hafi alltaf verið þar og að þeir fáu arabar sem voru í landinu eftir 1830, voru hraktir frá öðrum hlutum Ottómanveldis.

Fáni Palestínu ár 1939 var ísraelskur

Margir fullyrða, að það sé tilgangslaust að reyna að andmæla rökum vinstri manna um að arabar séu frumbyggjar og gyðingar nýlenduherrar. Við þá segi ég: „Svei!” Það er aðalröksemdin sem er notuð til að sannfæra áhugalaust fólk, sem hefur verið baðað í eitruðum áróðri um vestræna nýlendustefnu á móti saklausum frumbyggjum. Þess vegna samþykkir þetta fólk, sem kann ekkert um staðreyndirnar, að Hamas sé rödd fórnarlambanna og Ísrael sé sverð kúgarans.

Ef þú lætur þá hafa staðreyndir, þá munu þeir skipta um skoðun. Í eitruðum blekkingarheimi vinstrimanna og íslamskra lyga, þá skipta staðreyndir máli. Það dásamlega við bæði Relandi og van Paassen er, að þegar þeir skráðu staðreyndir sínar, þá áttu þeir engan hund í yfirstandandi slagsmálum. Það var ekkert Ísraelsríki, það voru engir arabar auðkenndir sem Palestínumenn, það voru engir múllar í Íran að fjármagna ýmislegt, það var enginn Vesturbakki og Gaza og hvorki Hamas né Hezbollah voru til.

Ef þú birtir eitthvað enn á Facebook ættirðu að deila þessu og sjá hvað getur gerst, þegar staðreyndum er dreift.

393938862_6951580354880090_343395059922234390_n-1Bókin „Palestina ex Monumentis Veteribus Illustrata” er skrifuð á latínu árið 1695. Rilandy var að lýsa því sem þá hét Palestína. Höfundurinn Adriani Rilandi er landfræðingur, kortagerðarmaður, ferðamaður, heimspekingur, hann kunni mörg evrópsk tungumál, arabísku, forngrísku og hebresku. Hann heimsótti tæplega 2.500 byggðir sem getið er um í Biblíunni.

Hér eru helstu niðurstöður og nokkrar staðreyndir:

  • Fyrst bjó hann til kort af Palestínu. Hann tilgreindi síðan hverja byggð sem nefnd er í Biblíunni eða Talmud með upprunalegu nafni sínu.
  • Síðan gerði hann íbúatalningu eftir byggðum.
  • Landið var aðallega autt, yfirgefið, strjálbýlt, helstu byggðir eru Jerúsalem, Akko, Tsfat, Jaffa, Tveria og Gaza.
  • Flestir íbúanna eru gyðingar, næstum allir aðrir eru kristnir, mjög fáir múslimar, aðallega bedúínar.
  • Eina undantekningin er Nablus (nú Shchem), þar sem um það bil 120 manns úr múslímafjölskyldunni Natsha og um það bil 70 „shomronims” (Samverjar).
  • Í Nasaret, höfuðborg Galíleu, bjuggu um 700 manns – allir kristnir.
  • Í Jerúsalem voru um 5.000 manns, nánast allir gyðingar og nokkrir kristnir.
  • Árið 1695 vissu allir að uppruni landsins var land gyðinga.
  • Ekki ein einasta byggð í Palestínu á arabískar rætur í nafni sínu.
  • Flestar byggðir eru frá upphafi nefndar eftir gyðingum og í sumum tilfellum úr grísku eða rómverskri latínu.
  • Fyrir utan borgina Ramla er engin arabísk byggð sem ber upprunalegt arabískt nafn. Gyðinganöfnum, grískum eða latneskum nöfnum hefur verið breytt í arabísk nöfn sem hafa engin tengsl í arabísku máli. Á arabísku er engin merking í nöfnum eins og: Akko, Haifa, Jaffa, Nablus, Gaza eða Jenin. Nöfn eins og Ramallah, al-Khalil (Hebron), al-Quds (Jerúsalem) hafa hvorki heimspekilegar eða sögulegar arabískar rætur. Til dæmis ár 1696 var Ramallah kallað Betel (Beit El, hús Guðs), Hebron var kölluð Hebron og Mahpel hellirinn var kallaður El-Khalil (gælunafn Abrahams) af Aröbum.
  • Relandi nefnir einungis múslima sem bedúínska hirðingja sem komu til borganna sem árstíðabundnir starfsmenn í landbúnaði eða byggingarvinnu.
  • Um 550 manns bjuggu á Gaza, helmingur þeirra var gyðingar og hinn helmingurinn kristnir. Gyðingum gekk vel í landbúnaði, sérstaklega á vínekrum, ræktun ólífa og hveiti, kristnir stunduðu verslun og flutninga.
  • Gyðingar bjuggu í Tveria og Tsfat, en atvinnu þeirra er ekki getið, nema hefðbundnar veiðar í Kineret.
  • Í þorpinu Um El Fahm bjuggu til dæmis 10 fjölskyldur, allar kristnar (um 50 manns). Þar var lítil marónítakirkja.

Bókin vísar algjörlega á bug kenningum um „Palestínskar hefðir” og „Palestínumenn” og skilur nánast engin tengsl eftir á milli landsins og araba sem stálu jafnvel latneska nafni landsins (Palestína) og eignuðu sér það.


Skömm Íslendinga að Vinstri grænir og stjórnarandstöðuflokkarnir fordæma ekki hryðjuverk Hamas

shani-houkjpg-1

Stjórnarandstaðan fer mikinn og talar um tvær utanríkisstefnur Íslands, af því að Katrín Jakobsdóttir sölukona Alþjóða heilbrigðisstofnunarinnar, forsætisráðherra Íslands, er ósammála utanríkisráðherranum sem mælti með því við SÞ að fordæma bæri hryðjuverk Hamas á saklausum gyðingum.

Forsætisráðherrann hefði eflaust viljað vera í hópi þeirra fulltrúa á allsherjarþingi Sameinuðu þjóðanna sem fögnuðu því með dúndrandi lófataki, að komið var í veg fyrir fordæmingu SÞ á skefjalausu hryllingsódæði vígamanna Hamas, sem myrtu 1.400 óvopnaða, saklausa gyðinga í Ísrael og tóku nokkur hundruð í gíslingu. Að meirihluti fulltrúa SÞ kýs að fegra morð á gyðingum er talandi fyrir það ástand sem sú stofnun er komin í og Katrín Jakobsdóttir er sölukona fyrir. Kínverski kommúnistaflokkurinn heldur Alþjóðaheilbrigðisstofnuninni í gíslingu og er að taka yfir SÞ, sem mun á næsta ári leggja fram drög að einni miðstýrðri stjórn fyrir allan heiminn að hætti gamla Komintern, alþjóðasambands kommúnista.

Styður stjórnarandstaðan þjóðarmorð á gyðingum?

Hamas ætlar að afmá Ísrael af landakortinu og drepa alla gyðinga. Að fegra þá takmarkalausa villimennsku sem birtist í hryðjuverkaódæði á saklausum gyðingum er því ljóst og leynt stuðningur við það markmið að útrýma eigi öllum gyðingum. Gyðingar hafa ekki lent í annarri eins árás síðan í helförinni. Enn í dag eru til raddir sem neita að helförin hafi átt sér stað og segja hana vera lygaróður gyðinga. Viðbrögð íslensku stjórnarandstöðunnar minnir á það núna, þegar hún getur ekki fordæmt hryðjuverk á saklausum borgurum vegna þess að það er ekki pólitískur rétttrúnaður. Pólitíski rétttrúnaður vinstri manna er að treysta hryðjuverkamönnum fyrir sannleikanum og jarða sannleikann með þeim myrtu.

Shani Louk var afhöfðuð

Yitzchak Herzog forseti Ísraels tilkynnti, að fundist hefði flís úr höfuðkúpu ungu þýsku konunnar Shani Louk sem var á friðartónleikum gyðinga í grennd við Gaza, þegar böðlarnir birtust og drápu 260 hátíðargesti. Myndir af líkama hennar á palli pallbíls hafa gengið út um allan heim og upphaflega var sagt að hún hefði verið myrt. Síðan komu upplýsingar um að hún væri á lífi í spítala í Gaza sem kveikti von hjá ættingjum og vinum. En það ljós slokknaði, þegar í ljós kom að um falsfrétt var að ræða. Einnig er talið, að kærastinn hennar, Orión Hernández Radoux, hafi verið brottnumin í ódæðinu. Forseti Ísraels upplýsti að staðfest væri, að beinflísin tilheyrði Shani Louk:

„Þeir fundu höfuðkúpu hennar, sem þýðir að þessi villimannslegu, hrottalegu dýr… hjuggu einfaldlega höfuðið af henni, þegar þeir réðust á, pynduðu og drápu Ísraela. Þetta er gríðarlegur harmleikur og ég sendi fjölskyldu hennar mínar innilegustu samúðarkveðjur."

Hvað er það í viðbjóðslegu morði Hamas á Shani Louk sem ekki þolir fordæmingu?

Shani Louk er aðeins ein af þeim 1.400 hundruð gyðingum sem voru drepnir á villimannslegan hátt og margir afhöfðaðir og lík sundurtætt eftir að fólk var dáið. Augu voru stungin úr líkum. Til og með fóstur var skorið úr móðurkviði og aflífað og afhöfðað. Það er einhver brengluð andleg heilsa að sjá hindrun í vegi fyrir því að fordæma morð og afhöfðun ungabarna.

Stjórnarandstaðan hefur um tvennt að velja:

Styðja fjöldamorð og hryðjuverkasveitir íslamska kalífatsins sem telja gyðinga réttdræpa eins og rottur og að afmá beri Ísrael af landakortinu. Eða fordæma þá villimennsku, það botnlausa hatur og mannvonsku sem eina ferðina enn er að rísa upp gegn gyðingum.

Velur stjórnarandstaðan fyrrnefnda kostinn á þeim þingfundi sem hún fer fram á til að ræða málin, væri ekki úr vegi, að þingmenn hennar útskýrðu fyrir landsmönnum, hvað það er í framferði Hamas sem er svo viðkvæmt að ekki megi fordæma það.


Úr faðmi útrásarvíkinga í faðm glóbalista

articcircle

Áður en Ólafur Ragnar Grímsson tók þá ákvörðun að neita að skrifa undir Icesavelög fyrstu „hreinu vinstri stjórnarinnar á Íslandi var hann staddur í slæmum gír. Sumir muna kannski eftir áramótaskaupi RÚV sem sýndi svallveislu á Bessastöðum þar sem húsráðandi gekk um meðal útrásarvíkinga sem voru í annarlegu ástandi og búið var að negla fjallkonuna fasta á vegginn. Eftir þessa niðurlægingu virtist sem ÓRG hugsaði sitt ráð og vildi bæta mannorðsskaðann með því að vinna fyrir þjóðina í staðinn. Sem og hann gerði ágætlega með vísun til stjórnarskrárinnar við þjóðaratkvæðagreiðslur um Icesave. Núna rúmum áratug síðar stendur ÓRG fyrir Artic Circle og Hringborði Norðursins í Hörpu og að hans sögn verður loftslagskreppan eitt helsta umræðuefnið.

Skiljanlega vill fyrrverandi forseti Íslands kæla niður þá stiknun jarðarbúa sem aðalritari Sameinuðu þjóðanna Guterres boðar. Kannski líta margir loftslagspostular heitari landa með öfundaraugum til norðurs þar sem ísjakar standa enn í vegi fyrir hlið helvítis. Guterres ásakar mannkyn um að hafa „opnað hlið helvítis” og að allir munu stikna á báli hamfarahlýnunar. Áður fyrr var hann varkárari í orðavali og sagði aðeins, að mannkynið væri „á hraðbrautinni til helvítis.” Í viðtali við einkaútvarpsstöð í gær sagði Ólafur, að fulltrúar Sameinuðu þjóðanna kæmu til Íslands núna til að ræða loftslagsmálin við hringborð norðursins. Þar með opnar hann dyrnar fyrir loftslagstrúboð með glæsilegri framtíðarsýn helvítis.

Með því að ganga í lið stærstu loddara mannkynssögunnar sem ljúga því upp á saklaust fólk, að koltvísýringur hafi áhrif á hitastig jarðar, þá má segja að ÓRG hafi endanlega tekið skrefið frá útrásarvíkingunum til glóbalistanna. Það verður áhugavert að fylgjast með áróðri glóbalista á þessari ráðstefnu í ár. Ekki er víst að það helvítishrun sem þeir boða mannkyni gefi ÓRG annað tækifæri til að bæta mannorðið eins og honum tókst eftir Icesafehrun útrásarvíkinganna íslensku. Til þess þyrfti hann vettvang hinnar nýju heimsstjórnar sem Sameinuðu þjóðirnar boða í náinni framtíð.


mbl.is „Farin að hríslast um allt þjóðfélagið“
Tilkynna um óviðeigandi tengingu við frétt

Er Útvarp Saga á barmi gjaldþrots?

utvarp-saga-logo

Þegar ársskýrslur Útvarps Sögu undanfarin 3 ár eru skoðaðar kemur í ljós að félagið er í dúndrandi taprekstri. Tap félagsins fyrir 2022 er 20.729.660 kr og fyrir ár 2021 var tapið 16.244.311 kr eða samtals krónur 36.973.971 kr. Starfsmannakostnaður hefur meira en fimmfaldast á 3 árum og orðinn að öðrum stærsta útgjaldaliði félagsins. Í skýrslu stjórnar segir, að Arnþrúður Karlsdóttir sé eini hluthafi félagsins með 100% eign á hlutabréfum að andvirði 500.000 kr. Einnig segir að Eiginfjárhlutfall félagsins í árslok samkvæmt efnahagsreikningi sé -51,2%.

Það er því eðlilegt miðað við fjárhagsstöðuna, að Útvarp Saga hafi tjáð Morgunblaðinu fyrir tæpu ári, að félagið ætlaði að selja 20% í stöðinni til að spyrna við taprekstri og hóf félagið að auglýsa útboð hlutafjár í lok árs 2022. Enn er of snemmt að segja um hvernig sú sala hefur gengið en undirritaður keypti bréf fyrir sömu skráðu upphæð og 100% núverandi hlutabréfa í lok 2022. Skemmst er frá því að segja að engin kvittun hefur enn borist, hvað þá neitt hlutabréf, sem verður að telja ámælisvert og varla í anda laga um einkahlutafélög. Upphaflega tilkynnti stjórnin, að sala hlutabréfa færi fram í tengslum við stórt endurskoðendafyrirtæki og meiningin var að kaupendur hlutabréfa gætu gengið frá kaupum á heimasíðu Útvarps Sögu. Sama sagan þar, engar efndir. Það verður því fróðlegt að fylgjast með næstu ársskýrslu félagsins sem væntanleg er á næsta ári ef félaginu tekst að lifa svo lengi.

42 milljóna gjaldþrot Útvarps Sögu 2014

Útvarp Saga hefur áður verið til gjaldþrotaskipta samanber frétt Morgunblaðsins. Segir í fréttinni að ekkert hafi fengist greitt upp í 42,5 milljóna kröfur í þrotabú félagsins. Haldi tapreksturinn áfram með sama taprekstri og efnahagsskýrslur félagsins sýna og félaginu tekst ekki að fá hlutafjáraukningu til að mæta tapinu, þá má búast við endurteknu gjaldþroti félagsins á næstu misserum. Miðað við það verða keypt hlutabréf ónýt. Enginn veit hvert markaðsverð hlutabréfa Útvarps Sögu eru, þar sem enn hafa ekki borist upplýsingar um sölu og verð bréfanna.

Saga Survivors Club

Undirritaður sem verið hefur viðloðandi stöðina í um 15 ár og síðustu ár með titilinn „fréttamaður í Svíþjóð" gerði smá úttekt á innlendum fréttum um sögu félagsins Útvarp Saga. Kom þá í ljós fjöldinn allur af einstaklingum sem hafa á einn eða annan hátt verið hraktir frá stöðinni eða hreinlega bolað út. Sum þeirra mála hafa endað í dómstólum og ekki alltaf í hag eigenda stöðvarinnar. Undirritaður heyrði væl útvarpsstjórans nýlega sem hikar greinilega ekki við að nota rásina til að básúna út lygum um þá sem henni er illa við. Lýsti hún því yfir að hún væri kona og eigandi Útvarp Sögu. Það voru þá nýjar fréttir. Hún lýsti undirrituðum sem „vælandi karlmanni á facebooksíðum sem þyldi ekki að kvenmaður væri yfirmaður sinn" og lýsti því yfir að „viðkomandi leyfði sér ýmislegt gagnvart konum sem ekki viðgengist gagnvart körlum." Er um endurtekningu á sama handriti og hún flutti árið 2004 þegar Jón Magnússon lögfræðingur kom henni til hjálpar og bjargaði stöðinni í höndum hennar. Í frétt Morgunblaðsins þá sagði:

„Arnþrúður seg­ir að svo virðist sem hinir hlut­haf­arn­ir tveir hafi ekki getað starfað með sig sem yf­ir­mann. – Ég sé ekki fram á að þeir myndu koma svona fram við karl­mann."

Síðar var sama handrit enn flutt, þegar Jóni Magnússyni, þeim ágætis lögmanni, sem hafði hjálpað stöðinni í lengri tíma var bolað burtu. Eftir þessi mörgu nöfn sem segja sömu sögu, þá er undirrituðum ljóst að hann er nýjasti meðlimur í klúbbi eftirlifanda í Saga Survivors Club. Aðrir klúbbmeðlimir, sumir landsþekktir eins og t.d. Ólafur Ísleifsson og Ólafur Arnarsson voru með þátt á Sögu og var úthýst allt í einu. Höskuldur Höskuldsson var með þátt á Sögu og var allt í einu úthýst og síðan ausið yfir hann dylgjum og rógburði samtímis og eiginkona hans var með banvænt krabbamein. Sigurður G. og Guðmundur Ólafsson prófessor voru með þátt á Sögu og var úthýst allt í einu. Gústaf Níelsson og Hildur Helga Sigurðardóttir voru látin hætta allt í einu og þurftu að sækja launin sín í málaferlum, sem þau unnu og það sama gerði Sigurður G. Edith Alvarsdóttir þurfti að hætta allt í einu enda var hún eins og svo margir aðrir farin að skyggja á prímadonnuna.

Þeim var ég verst er ég unni mest

Útvarpsstjórinn virðist sjálfri sér verst. Bandar þeim frá sem best reyna að aðstoða og hjálpa stöðinni. Sú brók er orðin lengri en Hallgerðar og ekki hægt að trúa lengur að allir auglýsendur séu vondir og öll vandamál stöðvarinnar séu vondu fólki að kenna. Eiginlega er hugmynd stöðvarinnar að lífnæra sig á þeim sem vorkenna stjórninni og borga henni peninga: „Vorkennið mér og borgið fyrir það!" eru hin eiginlegu kjörorð stöðvarinnar. Með skorti á tillitssemi gæti einhver haldið því fram, að viðskiptahugmynd stöðvarinnar væri að selja út neyð annarra. Alla vega er stöðin ekki sú trygging fyrir málfrelsi sem heyrist í kjörorðinu: „Tölum á meðan aðrir þegja." Ekki mátti skrifa greinar um Covid um mánaðarmótin, vegna þess „hversu margir af stuðningsmönnum stöðvarinnar eru bólusettir og fá útborgað þá." Fleiri dæmi finnast og bíða síðari tíma.

Sjá einnig: gustafadolf.com/

Hér að neðan má sjá brot úr efnahagsreikningum félagsins 2021 og 2022:22

13

 

 

 

 

 

 

 

 

 

 

 

 

 

 

 

 

 

 

 

 

 

 

 


SOS Guðlaugs Þórs til Sigmundar Davíðs Gunnlaugssonar

gudlaugur-sigmundur

Loksins hefur Guðlaugur Þór Þórðarson „Gulli Græni" tekið sér stöðu sem stjórnarandstæðingur í Miðflokknum með bréfi í Mbl þann 26. ágúst s.l. Það hlaut að koma að því, jafn heillaður og Guðlaugur Þór er af stjörnu flokksins, Sigmundi Davíð Gunnlaugssyni. Kærleikshatursdrápa Gulla Græna til Sigmundar, þegar sá síðarnefndi beit í hlekki Evrópusambandsins sem sá fyrrnefndi var að reyra um orkuauðlindir Íslands í þriðja orkupakkanum, sendi bæði Beethoven og Strauss í skammarkrókinn.

ESB ópera Gulla Græna var slík að tónarnir heyrðust til Brussel, Genf og New York, þar sem vefarar glóbalista sitja ekki auðum höndum og spinna fjötra fyrir jarðarbúa alla daga.

Tóku þeir íslenska söngfuglinn í þjónustu sína og fjöðruðu þannig, að einungis fjaðrir loftslagskeisarans sjálfs, John Kerry, skína betur. Orkumálaráðherra Íslands er kominn á bólakaf í sölu á ónýtu rándýru grænu drasli ríkisfyrirtækja kínverska kommúnistaflokksins: Vindmyllur sem endast þegar best lætur í 25 ár og eru svo eitraðar að urða verður þær á eftir. Bókhald orkumálaráðherrans byggir ekki á raunveruleikanum og sýnir á rafmagnsreikningum, að keypt er kjarnorkuframleitt rafmagn á Íslandi. Sérhvert mannsbarn veit samt, að það er ekki satt. Bókhaldssvik nútímans eru réttlætt með sjálfri lyginni. Stöðugar árásir, sem gerðar eru á stjórnarskrá lýðveldisins með orkupökkum, EES hótunum og svo núna síðast með bókun 35, hafa það að markmiði að afnema stjórnarskrá lýðveldisins sem samþykkt var á Þingvöllum 17. júní 1944. Gulli Græni fer til sögunnar með þeirri kaldhæðni, að síðustu flokkarnir að forminu til frá lýðveldisstofnun, Sjálfstæðisflokkurinn og Framsóknarflokkurinn, verða þess valdandi meðal annars með þátttöku hans, að lýðveldinu endist ekki líf í 100 ár.

Orkumálaráðherrann er búinn að mála sig út í horn í ógöngum eigin ákvarðana. Eina ráðið sem hann hefur er að kenna einum stjórnmálaandstæðingi um allt saman. Fyrir utan að opinbera þyngd þess stjórnmálamanns, þá er grein Guðlaugs Þórs Þórðarsonar SOS kall til Sigmundar um að bjarga sér. Allir skilja að fólk þróast og aðstæður breytast. En Gulli Græni situr fastur í fortíðinni búinn að týna öllum áttum. 

Vonandi hleypir Miðflokkurinn manninum inn, þó ekki væri nema til að róa hann og hugga, búa vel að honum svo hann geti náð jarðtengingu á ný.

Ísland farsælda frón með gullaflón skapar þjóðinni tjón sögðu vitur hjón.

 


Sjálfsmark Björns Bjarnasonar

sigmsunnaBjörn Bjarnason fer „mikinn" í Lindarhvolsmálinu og segir Sigmund Davíð Gunnlaugsson formann Miðflokksins trompa Þórhilidi Sunnu Ævarsdóttur, pírata fyrir að hafa birt Lindarhvolsskýrsluna þar sem málið hafi gerst á vakt Sigmundar. Björn þegir yfir því, að það er nafn Bjarna Benediktssonar, formanns Sjálfstæðisflokksins, fjármálaráðherra, en ekki Sigmundar Davíðs Gunnlaugssonar, sem er á skjölum um stofnun Lindarhvols. Þessi kúnst að flytja ábyrgð fjármálaráðherra og fjármálaráðuneytisins samkvæmt lögum Alþingis um stofnun Lindarhvols til stjórnmálaandstæðings er lágkúrlegt merki í stíl falsfréttar en þannig er blekið orðið sem kemur úr penna þessa kverúlants. Líklegast vildi hann banna þá fjölmiðla sem leyfa stjórnmálaandstæðingum að koma til tals.

Björn Bjarnason hefur gjörbreyst, flæktur orðinn í eigin ójarðbundinni fræðimennsku sem hefur gert hann að talsmanni afnáms fullveldis Íslands og stuðningsmanns þess að lög ESB verði æðri íslenskri stjórnarskrá samanber skýrslu um EES-samninginn og tillögu Sjálfstæðismanna um að lögbeygja landsmenn undir ESB samkvæmt bókun 35.

Eitt sinn lét Björn Bjarnason sig þjóðina varða, þegar hann nýtti fjölmiðla til að berjast gegn svikráðum ríkisstjórnar Jóhönnu Sigurðardóttur, sem reyndi að véla íslenska lýðveldið undir hæla Evrópusambandsins. Þjóðin er horfin Sjálfstæðisflokknum sem án þjóðar rambar um stefnulaus, stækkandi ríkiskerfið og treystir í ríkari mæli á atkvæði „möppudýra“ eins og Vilmundur heitinn Gylfason orðaði það. Það er skýringin á þverrandi fylgi Sjálfstæðisflokksins, sem er hættur að láta sig hag landsmanna skipta máli, með formann sem stundar hagsmunagæslu fyrirtækjahóps í stað þess að vera stjórnmálamaður.

Bjarni Benediktsson tók ákvörðun að berjast fyrir eigin frama sem formaður flokksins, sem var metnaðarfull ákvörðun, en stjórnlag hans að byggja varnarmúr af JÁ-fólki í kringum sig hefur einangrað hann frá þjóðinni. Hann er því andstæða þeirra fyrrum foringja flokksins sem hlustuðu á fólk og unnu stétt með stétt.

Tilraun Guðlaugar Þórðarsonar til að komast í formannssætið var ekki gerð af föðurlandsást, heldur í valdabaráttu sem grundvallaðist á eigin viðskiptahagsmunum. Sjálfstæðisflokkurinn sem þjóðin fylgdi er horfinn. Flokkurinn hafði frábæra stjórnmálaleiðtoga eins og Ólaf Thors, Geir Hallgrímsson og Davíð Oddsson að öðrum ólöstuðum. Margir muna eftir Davíð heilkennum sem Baugs-klíkan í samvinnu við fyrstu hreinu vinstristjórnina stóð fyrir og var um tíma líkt með orðunum Davíð og Trump að hvorugt var hægt að segja upphátt í fjölmenni án þess að einhver byrjaði ekki að ranghvolfa augum og froðan valt af vörum.

Það er mikil ógæfa fyrir Ísland að hafa ekki kosið Davíð Oddsson til forseta, því fyrir utan að það hefði sparað þjóðinni góðan skilding, þar sem Davíð hefði ekki þegið forsetalaunin, þá hefði valist til embættis einn heiðarlegasti og farsælasti stjórnmálamaður í allri sögu íslenska lýðveldisins. Fjallkonan í handjárnum vinstristjórnarinnar neyddist til, líkt þekktri víkingakonu, að vera þeim verst er hún unni mest.

Ekki er samt útilokað að verði sviptingar í íslenskum stjórnmálum sem fyrr eða síðar koma, þegar þjóðin rumskar, að Davíð Oddsson fáist til ráðgjafar um stefnu í mikilvægustu málum landsmanna.


Fuglarnir koma!

fuglarnirkomaÍ dag ganga Bandaríkjamenn til kosninga og má segja að sjaldan hafi jafn mikið verið í húfi venjulegra Bandaríkjamanna. 

Spilltir, valdagráðugir demókratar eiga á hættu að missa völdin í báðum deildum þingsins. Við slík valdaskipti mun mörgum valdþóttaákvörðunum þeirra verða snúið við í hraði en óvíst hvort dugi til að snúa ógæfu Bandaríkjanna og heimsins að fullu við eftir rústun Bidens á efnahagslífi Bandaríkjanna og friði í heiminum. 

Einhvern vegin hafa bláu fuglarnir, sem vilja tísta sitt frjálsir óháðir öðrum sem eina af dásemdum lífsins, orðið tákn kosninganna eftir að Musk keypti Twitter. Byrjaði hann á að staðreyndakanna fullyrðingar Hvíta hússins um hækkun ellilífeyris, sem gaf Biden heiðurinn af hækkuninni. Það reyndist hins vegar fals þannig að Twitter hengdi viðvörun á lygar Hvíta hússins, sem dró tístið tilbaka og hótar með fasískum ritskoðunarlögum í staðinn. 

Slíkt hið sama gerðu einnig Sameinuðu þjóðirnar í sérstöku bréfi til Musk, þar sem þess er krafist að hann haldi ritskoðun fyrri eigenda Twitter áfram. Að gagnrýna bóluefni lyfjarisanna gegn covid er tekið sem dæmi um hatursumræðu og Sameinuðu þjóðirnar komnar í stöðu heimsstjórnar með skerðingu lýðræðis hins vestræna heims.

Megi smáfuglarnir - hvort sem þeir koma frá Twitter eða sem atkvæði venjulegs fólks fella þessa alræðistilburði sem margar ríkisstjórnir Vesturlanda eru svo ginkeyptar fyrir þessa dagana. 

Kosningarnar í dag gætu orðið sannkölluð Hitchcock hrollvekja fyrir núverandi Bandaríkjastjórn og vonandi fá demókratar rassskellingu sögunnar fyrir vestan.


Mennt er útskúfunarmáttur

skjaldarmerkið

Það er með öllu algjörlega óásættanlegt fyrir lýðveldið Ísland að horfa upp á glötun menntunar hjá menningarstofnunum eins og Háskóla Íslands sem hefur ekki vit á því, að gæta hófsemi og virðingar í nálgun utanríkismála á Íslandi. Verður skömm núverandi rektors háskólans engu minni en sú vanæra sem forseti Íslands hefur dregið yfir þjóðina með því að útskúfa Jón Baldvin Hannibalsson frá þáttöku í hátíðahöldum í samskiptum þjóðanna í Reykjavík. Mun þessi skömm þeirra menningarbræðra, rektorsins og forsetans, kasta skugga á þann velvilja sem Eystrarsaltsríkin sýna Íslandi, vegna stuðnings Íslands við sjálfstæðisbaráttu ríkjanna undan oki sovétveldisins. 

Kannski eru málin svo illa stödd, að bæði rektor háskólans og forseti Íslands þola með engu, að fá ekki sjálfir að vera miðsvæðis þeirrar athygli og aðdáunar, sem heimsókn forseta Eystrarsaltsríkjanna vekur. Þá er það fremur hallærisleg tilraun til að stela árangri fv. utanríkisráðherra Íslands í samskiptum við Eystrasaltsríkin og breyta sögunni og blekkja núverandi kynslóð Íslendinga um hvaða Íslendingi er mest að þakka í sjálfstæðisbaráttu Eystrasaltsríkjanna.

Spældir forráðamenn í toppstöðum eru ömurleg ásýnd. Beygja þeir sig og hneigja fyrir útskúfunarmenningu rétttrúnaðarins og misnota embættin í þágu eigin hégóma. Að sögn hefur Háskóli Ísland meðvitað útilokað Jón Baldvin Hannibalsson frá þáttöku í störfum og mun Jón vera enn eitt fórnarlamb þeirrar útskúfunarmenningar sem tröllríður í stjórnunarkerfinu. Sumir kerfiskrabbar kunna hvorki að skammast sín né bera virðingu fyrir náunganum. Sagt var að mennt væri máttur en í höndum slíkra andlýðræðissinna verður mennt að útskúfunarmætti til að bola þeim burtu, sem vinna þjóð sinni mest gagn. Eftir sitja hirðingjasleikjurnar og sjálfsupphafningarnir og éta sig feita á kostnað skattgreiðenda.

Útvarp Saga birti í dag hlekk á bréf Jóns Baldvins Hannibalssonar til forseta Eystrarsaltsríkjanna, þar sem hann varpar ljósi á tilkynningu forseta Íslands, sem heldur því fram að Jóni hafi verið sendur boðsmiði sem öllum öðrum. Skiljanlega verður Jón Baldvin að skrifa bréfið til að taka burtu allar getgátur um fjarveru sína. Sumir steingerðir kerfisþrælar reyna að verja klúður forseta Íslands en ferst illa í hendi enda eru þeir hluti sama rétttrúnaðarkerfisins.

Það verður forsetaembættinu og Háskóla Íslands til ævarandi skammar, að frelsisunnandinn Jón Baldvin Hannibalsson hafi séð sig tilneyddan að leiðrétta útskúfunarstjóra Íslands. Ef rétt ætti að vera bæri að víkja þeim úr störfum.

Megi þjóðin aldrei gleyma því.

 

Bréf Jóns Baldvins er hér að neðan:

Bréf á ensku til forseta Eystrasaltslandanna                                                         26.08.22                                              

I write this letter to prevent any possibly harmful misunderstanding caused by your hosts´ public statement, trying to explain my absence from events during your official visit to Iceland.

Your hosts publicly claimed that I did not accept their invitation. This is wrong and cannot be allowed to stand. Because this implies that I am – for whatever reason – displeased by you visit, or even that I was protesting against it.

I assure you that nothing could be further from the truth. Like all my compatriots I welcome your visit and applaude our friendly relation.

The explanation for my absence during your visit is a simple one. I did not know of your visit beforehand andwas not invited to attend. Nowhere in the program was my presence required. Not even at Höfdi-House, where we – 31 years ago – reasserted our recognition of your reclaimed independence and established diplomatic, relations in the presence of your foreign ministers at the time: Meri, Jurkans and Saudargas.

As for attending our president´s lecture at the University Auditorium, the invitation to attend simply came too late, since I was abroad.

I hope that that I have- by this letter – prevented any  potencial harmful misunderstanding between us.

Sincerely yours,

Jón Baldvin Hannibalsson

 


Forseti Íslands dregur vanæru yfir Ísland með útilokun Jóns Baldvins Hannibalssonar

bessaguð

Ég hlustaði á viðtal Útvarps Sögu við fyrrverandi utanríkisráðherra Íslands Jón Baldvin Hannibalsson. Jón Baldvin er skeleggur maður og var sómi Íslands og skjöldur í vegferð og stuðningi þjóðarinnar við Eystrasaltsríkin, þegar þau leituðu og fengu sjálfstæði undan fjötrum Sovétríkjanna. Hann Hefur hlotið heiðursmerki Eystrasaltsríkjanna Eistlands, Lettlands og Litháens, er heiðursborgari í einhverjum höfuðborgum þeirra og greypti nafn lítils norræns eyríkis í götur og torg austan Eystrasalts. 

Þökk og virðing Eystrarsaltsríkjanna er meiri við Ísland og Jón Baldvin Hannibalsson en núverandi prófessúr á Bessastöðum

Þökk og virðing sjálfstæðisunnenda Eystrasaltsríkjanna er mikil eins og sjá má og leggja þau allan sinn metnað í að vernda og viðhalda og efla þau góðu tengsl sem mynduðust við Ísland sem kom til hjálpar á erfiðri stundu. Þar er um einn Íslending frama öllum öðrum að ræða, Jón Baldvin Hannibalsson.

Núna þegar þjóðirnar heimsækja Ísland með æðstu þjóðhöfðingjum landanna, forsetum þeirra og utanríkisráðherrum og fylgdarliði, þá er eðlilegt að efnt sé til hátíðarfundar í hátíðarsal Háskóla Íslands og verðug gestrisni sýnd að öðru leyti eins og matarboð á Bessastöðum.

Það sem kastar kaldri, hrárri og grárri dulu á samhátíð þjóðanna er hins vegar sú meðvitaða útilokun, sem forsetinn og rektor Háskóla Íslands beita hinum góða dreng Jóni Baldvin Hannibalssyni. Var Jóni ekki boðin þátttaka í panelumræðum sem hefði verið lágmarkið, hvað þá flytja ræðu eða yfirleitt að taka þátt í hátíðarhöldunum.

Jón Baldvin frétti af málinu gegnum eistneskan vin sinn s.l. mánudag. Eftir að fyrrum flokksbróðir Jóns Baldvins, Sighvatur Björgvinsson hafði samband við forsetaembættið, þar sem honum var ekki vinsamlega mætt að sögn, þá var boð sent í tölvupósti til Jóns Baldvins á heimili hans í Andalúsíu á Spáni. 

Að koma með þriggja daga fyrirvara sem áheyrnargestur er ógjörningur fyrir Jón Baldvin Hannibalsson. Og alls engin ástæða eingöngu til að þóknast búrókrötum háskólans og Bessastaða. 

Sighvatur skal hafa þökk fyrir að hafa tekið samband við forsetaembættið til að kanna málið. Forsetinn sendi frá sér yfirlýsingu í dag og segir með öllu ósatt að Jóni hafi ekki verið sent boðskort á réttum tíma eins og öðrum í tæka tíð:

"Fyrrverandi utanríkisráðherra fékk boð sama dag og aðrir boðsgestir eins og ætíð stóð til, með svipuðum fyrirvara og gengur og gerist um viðburði af þessu tagi". 

Forsetinn er sjálfum sér, embættinu og þjóðinni til skammar

Guðni Th. Jóhannesson hefur með þessum orðum dregið vanæru yfir bæði Jón Baldvin Hannibalsson, sem og alla boðna tigna gesti frá Eystrasaltslöndunum, þjóðríkjunum þremur Eistlandi, Lettlandi og Litháen sem og fólkinu í þessum löndum ásamt Íslendingum og sjálfu Íslandi sem sjálfstæðri þjóð. Forsetinn heldur því fram, að Jón Baldvin Hannibalsson ljúgi til um að hafa ekki fengið boðsmiðann. 

Önnur eins lágkúra og klúðurmennska hefur trúlega aldrei áður sést á Bessastöðum og er þjóðinni okkar til ævarandi skammar. Stingur þetta á stúf við digurbarkalega yfirlýsingu forsetans um velvilja í garðs Jóns Baldvins í dag sem og í grein t.d. í Kjarnanum Ísbrjótur á alþjóðavettvangi.

Kannski er forsetinn drulluspældur yfir því, að aðrir Íslendingar standa honum fremri í augum annarra þjóða og hefur því ákveðið að meina Jóni þátttöku við hátíðahöldin. Alla vega verður Guðni Th. núna að koma með enn frekari eftirálygar til að bjarga andlitinu með því að finna sökudólginn sem sendi ekki boðsmiðann til Jóns. Annars mun það fylgja forseta vorum í gröfina að liggja undir þeim grun að hann sé með aðskilnaðarstefnu og útilokun á sér fremri landsmönnum. 

Sum þekking háskólamenntaðra manna, prófessora og rektora og hvers slags annarra ora-sora, heldur ekki vatni.

 

 


Ráðstefnan í Davos er gjallarhorn kommúnismans

schwabkina Davos ráðstefnan er orðin að verkfæri kínverska kommúnistaflokksins til að breiða út kommúnismann og leggja ríkisstjórnum hins vestræna heims upp línurnar. Klaus Schwab stofnandi World Economic Forum er sérstakur erindreki Xi Jinping og verðlaunaður af miðstjórn kínverska kommúnistaflokksins fyrir að vinna að „sósíalismanum sem sameiginlegri framtíð mannkyns.“ Xi Jinping aðalritari kínverska kommúnistaflokksins opnaði ráðstefnuna og kynnti dagskrá heimsins framundan.

Mikilvægast að bólusetja alla jarðarbúa

Aðalritari kínverska kommúnistaflokksins Xi Jinping setti ráðstefnuna og sagði í opnunarræðu sinni, að „heimurinn gangi í gegnum mestu breytingar sem nokkru sinni hafa sést“ og mannkyn yrði að vinna saman að „sameiginlegum örlögum sínum“ og berjast gegn covid-19.

„Það er sérstaklega mikilvægt að nýta bóluefnin að fullu sem áhrifarík vopn og tryggja jafna dreifingu, hraðari bólusetningu og að loka alþjóðlega bilinu í bólusetningum.“

Leiðtogi kínverska kommúnistaflokksins sagði, að Kína hefði þegar sent meira en tvo milljarða bóluefnaskammta til fleiri en 120 mismunandi landa og alþjóðlegra stofnana – og muni senda aukalega yfir einn milljarð bóluefnisskammta til annarra landa.

Ofurglóbalistinn Klaus Schwab lýsti því yfir, að leiðtogar heimsins þurfi að „skilgreina stöðu heimsins“ og „takast á við helstu áskoranir fyrir hið þétttengda, alþjóðlega mannkyn.“

„Við verðum að halda áfram að berjast gegn heimsfaraldrinum. Við þurfum að blása nýju lífi í hagkerfi heimsins og flýta fyrir umskiptum yfir í losunarhlutleysi. Við verðum að vernda líffræðilegan fjölbreytileika með því að innleiða lausnir sem byggja á náttúrunni og við verðum að minnka bilið milli ríkra og fátækra og skapa möguleika fyrir enn frekari sjálfbærri heimsþróun“ sagði Schwab.

Offjölgunarvandamál, loftslagsváin og fjórða iðnbyltingin á dagskrá

Á mælendaskrá ráðstefnunnar eru forsætisráðherrar og leiðtogar ríkisstjórna frá fjölmörgum löndum – þar á meðal Ísrael, Ástralíu og Indlandi og einnig António Guterres, framkvæmdastjóri Sameinuðu þjóðanna, Ursula von der Leyen, forseti framkvæmdastjórnar ESB, og Tedros Adhanom Ghebreyesus, yfirmaður WHO.

Athygli vekur að hinn umdeildi Anthony Fauci yfirmaður smitvarna í Bandaríkjunum heldur erindi á ráðstefnunni líkt og Christine Lagarde bankastjóri Seðlabanki Evrópu. Tveir sænskir ræðumenn eru einnig með; Björns Rosengren, forstjóri ABB og Anna Borg, forstjóri Vattenfall, og munu þau ræða um orkuumskipti yfir í græna orku og uppfinningar til að flýta fyrir vörnum við loftslagsvánni.

Málaflokkar sem fá mikla áherslu eru netöryggi, alþjóðlegur tekjumunur, „fjórða iðnbyltingin“, alþjóðlegt yfirþjóðlegt samstarf, losun og loftslagsbreytingar, meint vandamál offjölgunar á heimsvísu, hagkerfi heimsins, framtíð heimsfaraldursins og hvaða ráðstafanir á að grípa til gegn faröldrum í framtíðinni.

Áhyggjur af efasemdum varðandi bóluefnin

Á heimasíðu sinni eru skipuleggjendur valdaráðstefnunnar algjörlega opnir fyrir því að litið sé á viðburðinn sem vettvang fyrir leiðtoga heimsins til að „safna og deila framtíðarsýn sinni fyrir komandi ár“ um hvernig heimurinn á að mótast og hvernig mismunandi „áskoranir“ verði.

„Við verðum að endurnýja skuldbindingar okkar til alþjóðlegrar samvinnu og sameiginlegrar velferðar“ er boðskapurinn í ár.

Margir telja að heimsfaraldurinn svokallaði sé mjög ýktur og að mikil áhætta fylgi bóluefnunum og er það glóbalistunum sérstakt áhyggjuefni. Segja talsmenn kommúinismans, að slíkar efasemdir leiði til aukinnar andstöðu við áframhaldandi fjöldabólusetningarherferðir og traust fólks á stjórnvöldum minnki. Er verið að samræma áframhaldandi og víðtækari skoðanakúgun gegn slíkri stjórnarandstöðu í heiminum.

Fauci vill kveða niður „ranghugmyndir“ um bóluefnin

„Eitt af því sem allur heimurinn stendur frammi fyrir og við í Bandaríkjunum stöndum frammi fyrir og höfum miklar áhyggjur af, er mikið magn rangra upplýsinga.“

Grípa verður til róttækra aðgerða til að „bjarga jörðinni“

Skömmu fyrir ráðstefnuna birti WEF einnig 10 „lærdóma“ af heimsfaraldrinum, þar sem kemur fram að fólk hafi „aðlagað sig“ að kórónustefnunni með afnámi réttinda og umfangsmiklum lokunum í miklu meira mæli en búist hafði verið við.

Einnig má sjá, að sú stefna sem fylgt hefur verið og margir þátttakendur ráðstefnunnar hafa tekið þátt í og beitt sér fyrir, hefur haft neikvæð áhrif á fæðingartíðni og að margir hafa valið að fresta fjölskyldumyndun vegna ýmissa takmarkana í samfélaginu og í daglegu lífi sínu. Þetta gerir það líklegt, að íbúum jarðar fækki hraðar en áður var talið.

WEF telur einnig að lærdómurinn af covid-19 sé, að sjálfbær framtíð krefst stjórnmálaforystu sem „hefur umboð til að bregðast við“ og að grípa verði til „róttækra aðgerða“ til að „bjarga jörðinni“. Einnig er kvartað undan sljóum almenningi, sem gerir sér ekki grein fyrir því, hversu róttækar breytingar þarf að gera á lífinu í þessu skyni.

 


mbl.is Verða að afhenda bóluefnið
Tilkynna um óviðeigandi tengingu við frétt

Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband