Bloggfærslur mánaðarins, ágúst 2019

Nazistar, upphaf og saga ESB

SagaESBJóhann Elíasson, viðskiptafræðingur er með áhugaverða samantekt um aðkomu nazista að stofnun Evrópusambandsins í nýrri samantekt "Upphaf og saga ESB".  Jóhannes skrifar:

  • "Ég var mikill ESB sinni allt þar til ég tók mig til og kynnti mér almennilega sambandið en þá snérist hugur minn til ESB um 180 gráður"
  • "Alla tíð hefur það verið afskaplega mikið feimnismál hjá Evrópusinnum að þátttaka nasista í stofnun og rekstri ESB sé nefnd og aðkoma Nasista að ESB virðist vera eitthvað mikið feimnimál og ekki má skoða söguna eins og hún kemur fyrir".
  • "Okkur hefur löngum verið talin trú um það að Kola- og Stálbandalagið (forveri ESB), hafi  verið stofnað af þeirri hugsjón einni að í Evrópu verði ALDREI aftur stríð og lönd Evrópu myndu lifa í sátt og samlyndi til eilífðarnóns. En þetta er blekking og langt frá sannleikanum"
  • "Í augum Nazista...sáu LÝÐRÆÐIÐ sem ÓÞÆGILEGT VANDAMÁL og algjöran óþarfa. Því ætti það ekki að koma neinum á óvart þótt ESB vinni þannig í dag að lýðræðið sé algjörlega hunsað"
  • "Allar ákvarðanir ESB eru teknar af „skriffinnum“ ESB sem enginn hefur kosið til starfans og þessir sömu ókosnu „skrifinnar“ senda frá sér lög og reglugerðir, sem ÖLL aðildarríki ESB VERÐA að beygja sig undir og fara eftir í einu og öllu"

Lýsir Jóhann markmiði Hitlers að sameina Evrópu í eitt ríki "United States of Europe" og hvernig fjármálaráðherra nazista Walter Funk og síðarmeir Seðlabankastjóri Þýzkalands ásamt Walter Hallstein unnu áætlun fyrir Hitler um sameiginlegan gjaldmiðil fyrir Evrópuríkin. 

Eflaust á mörgum, sem ekki hafa sett sig inn í sögu Evrópu, eftir að bregða í brún að nazistar höfðu áætlun um að vinna friðinn ef þeir töpuðu stríðinu og að ESB eins og við þekkjum virðist vera afritaðar hugmyndir nazismans um yfirráð yfir Evrópu. 

Það er gott mál að forseti Íslands Guðni Th. Jóhannesson heimsæki Pólland sem varð illilega fyrir barðinu á útþenslustefnu nazismans. Vonandi gerir forsetinn sér grein fyrir samhengi sögunnar og fjölþjóðlegri yfirráðastefnu nazismans og hryllilegum afleiðingum slíkrar stefnu. Alþjóðaremban er því miður með tökin á heiminum í dag og þess vegna á lýðræðið svo erfitt uppdráttar sbr. undirlægjuhátt íslenskra yfirvalda við ESB í orkupakkamálinu og öðrum málum. 


mbl.is Mikilvægt að varast þjóðrembu
Tilkynna um óviðeigandi tengingu við frétt

Einungis Miðflokkurinn og Flokkur fólksins vinna gegn þjóðarsvikum ESB-flokkanna

UnknownRíkisstjórnarflokkarnir svíkja þjóðina í orkumálum. Sjálfstæðisflokkurinn lofaði að halda Íslandi fyrir utan Evrópusambandið en er nú orðinn að framkvæmdavaldi ESB á Íslandi. Keyrt er yfir samþykkta stefnu flokksins á landsfundum. Lýðræðið fótum troðið af einræðisstjórn flokkseigendafélagsins.

Kjósendur flokksins treystu flokknum fyrir fjöreggi þjóðarinnar sem Sjálfstæðisflokkurinn leggur nú í hendur stórrveldis ESB. Sjálfstæðisflokkurinn er ásamt Samfylkingunni og Viðreisn talsmenn Evrópusambandsins og höggva stórt skarð í fullveldið til að gera Ísland að nýlendu ESB.

Framsóknarflokkurinn lofaði að standa vörð um hagsmuni bænda og halda uppi fæðuöryggi þjóðarinnar. Í staðinn sendir flokkurinn íslenska bændur í örbirgð þegar þeim er gert að keppa við ríkisstyrktan landbúnað Evrópusambandsins. Það er ójafn leikur og útrýming bændastéttarinnar þegar hafin með innleiðingu landbúnaðarreglna ESB.

VinstriGrænir eru á mála stórfyrirtækja og alþjóðasósíalismans hjá ESB og Sameinuðu Þjóðunum. Vinna beint að nýlenduvæðingu Íslands með ESB-flokkunum.

Einungis Miðflokkurinn og Flokkur fólksins hafa andmælt afnámi stjórnarskrárinnar fyrir flutning yfrráðavalds á orku Íslands til Brussel. Einungis þessir tveir flokkar standa á grundvelli þess eiðs sem þingmenn þeirra hafa svarið að standa vörð um stjórnarskrána og ber að þakka fyrir það.

Miðflokksmönnum skulu sérstakar þakkir færðar fyrir drengilega frammistöðu. Orkupakki 3 í útfærslu ESB er ómögulegt að ræða á grundvelli útfærslunnar, þar sem heildarmyndin er útilokuð frá umræðunni. Þar hefur ríkisstjórninni tekist vel að svindla orkuna úr höndum landsmanna með útilokun á umræðu og gagnrýni á ESB. 

Næsti leikur er þjóðarinnar. Þingkosningar koma. Fyrsta raunverulega ESB-ríkisstjórnin á Íslandi og flokkar hennar Sjálfstæðisflokkurinn, Framsóknarflokkurinn og Vinstri Grænir munu þá hljóta makleg málagjöld.


mbl.is Umræðum um þriðja orkupakkann lokið
Tilkynna um óviðeigandi tengingu við frétt

Ríkisstjórnin velur miðstýrt Orkusamband ESB að hætti kommúnismans

sovieteuÓtrúlegt er að vitna afneitun þingmanna orkupakkans á tilvist Orkusambands ESB sem Island verður aðili að með orkupakka 3. Það er aðeins eitt ESB sem stjórnar Orkusambandi ESB - The Energy Union með áætlun allt fram til 2050! Vindhanar orkupakkans bíða slefandi með umsóknir um græna styrki og lán ESB um leið og orkupakki 3 verður samþykktur á Íslandi. Feta þeir í fótspor ítölsku mafíunnar sem átt hefur bæði Vindadrottna og verkefni með nöfnum eins og "Burtu með vindinum"

Hinn s.k. "frjálsi markaður" ESB er ekkert annað en miðstýring orkuauðlinda, sölu og dreifingu orkunnar. Þýzkaland sem verður stöðugt háðari raforku úr kolum vegna lokunar kjarnorkuvera græðir mest á Orkusambandi ESB. Ódýr hrein orka Norðurlanda er stórhækkuð til neytenda og gróðinn að hluta til notaður til að greiða niður dýra skítuga orku landa eins og Þýzkalands. Þetta fyrirkomulag hefur hleypt Þjóðverjum inn á markaðinn með einokunarfyrirtæki eins og EON sem stendur í vegi fyrir stækkun innlendra fyrirtækja t.d. í Svíþjóð. Með Orkusambandinu stýrir ESB allri "samkeppni" t.d. hergagnaframleiðslu sem auðvelt verður að beina til Þýzkalands.

Með orkupakka 3 fær þjóðin hærra rafmagnsverð, ónýta samkeppnisstöðu, flótta orkufreks iðnaðar, atvinnumöguleika og fólks frá landinu.

Kæra ESB á hendur Belgíu fyrir að setja sig gegn afhendingu orkufyrirtækja og auðlinda til ESB tekur af öll tvímæli um Orkusamband ESB. Enginn grundvöllur er lengur fyrir samkomulagi Miðflokksmanna um lok umræðu um orkupakka 3.

Miðflokksmenn verða að halda áfram andófi til að koma í veg fyrir stórslysið!


mbl.is Orkupakkinn ræddur fram og til baka
Tilkynna um óviðeigandi tengingu við frétt

Með Sigmund Davíð á heilanum

sigmÉg tek undir orð hins vinsæla bloggara og blaðamanns Páls Vilhjálmssonar sem lýsir þinglegum rétti Miðflokksins að tala þar til "annað hvort að orkupakkanum verði frestað eða boðað verði til þingkosninga." 

Hart er sótt að þingliði Miðflokksmanna af ótrúlega taugaveikluðum Sjálfstæðismönnum og Viðreisn sem virðast hafa málað sig útí horn. Taugaveiklun ríkisstjórnarinnar sýnir fram á málefnaskort enda "ályktunin" ekkert annað en pöntun frá Evrópusambandinu sem flestir nema ríkisstjórnin hafa séð í gegn. Er það til marks um örvæntingu að kenna Sigmundi Davíð um að innleiða orkupakka 3. Hver bannar ríkisstjórninni að leggja málið niður? Fresta eða vísa aftur til EES nefndarinnar? Heilaþveginn utanríkisráðherra getur ekki svarað því enda dáleiddur af ESB til að þjösnast á litlu varnarlausu ríki. 

Ríkisstjórnin er komin með Sigmund Davíð á heilann og myndi það kýli snarlega lagast ef ráðherrar byrjuðu að hlusta á málefnaleg rök í stað þess að böðlast áfram með orkupakka 3. Kvöl ríkisstjórnarinnar eykst stöðugt með meiri umræðu um orkupakkann.

Vonandi láta Miðflokksmenn ekki deigan síga og hvet ég þá til að nota allar lýðræðislegar leiðir til að halda áfram málþófi til að tefja málið fram yfir útgöngu Breta úr ESB. Þrýstingurinn á Ísland og tímasetning núna fyrir OP3 er m.a. tilkominn svo ESB þurfi ekki að eiga á áhættu að ná ekki orkunni af Íslendingum áður en ESB fer á fullt að takast á við æsingu og upplausn sambandsins eftir útgöngu Breta úr ESB.


mbl.is Sagði Guðlaug Þór haldinn þráhyggju
Tilkynna um óviðeigandi tengingu við frétt

Viðskiptastríð ESB við Ísland hvorki "fake news" né "popúlistaáróður"

eeeeFrétt Morgunblaðsins um umræður ESB um hugsanlegar viðskiptaþvinganir gagnvart EES-aðilanum Íslandi er hvorki fake news né popúlistaáróður. Hérna talar nakið vald sem ræðst á grundvallarhagsmuni Íslands. 

Undanlátssemi og sleikjuháttur utanríkisráðherra og ríkisstjórnarinnar við ESB er kolröng stefna sem ber engan árangur. Þvert á móti er útkoman sú að kverkatak ESB á Íslandi herðist því meir sem ríkisstjórnin lofsyngur ESB. Ekkert bólar t.d. enn á niðurfellingu tolla ESB á ýmsum fiskitegundum frá Íslandi.

ESB er engin venjuleg "alþjóðastofnun". ESB er grundvöllur 4. ríkisins í Evrópu og ættu Íslendingar að koma sér út úr krumlum þess hið bráðasta.

Það eru hagsmunir þjóðarinnar.

Við erum herlaus en ESB að byggja upp eigin her.

Eins gott að Bandaríkjamenn koma til okkar aftur.


mbl.is Ræða viðskiptaþvinganir
Tilkynna um óviðeigandi tengingu við frétt

"Einkafundir" fóðra mótmæli forsætisráðherrans gegn komu Mike Pence til Íslands

Í frétt AP segir að Katrín Jakobsdóttir forsætisráðherra Íslands geti ekki tekið á móti varaforseta Bandaríkjanna Mike Pence vegna "einkafunda" 4. september. Katrín Jakobsdóttir flytur ræðu sína hjá Sambandi norænna verkalýðsfélaga NFS í Malmö á opnunardegi ráðstefnunnar 3. september og getur því hæglega flogið heim til að taka á móti Mike Pence næsta dag:

"Prime Minister Katrin Jakobsdottir said that she´s planned for months to give the keynote speech for the Council of Nordic Trade Unions annual meeting in Malmo, Sweden, on Sept. 3 - the day before Pence´s arrival. She will only return the afternoon of Sept. 4 after private meetings with Nordic union leaders, her office said" (leturbreyting mín/GS)

Skv. skrifstofu forsætisráðherrans flýgur forsætisráðherrann fyrst heim eftir "einkafundi" með norrænum verkalýðsforkólfum 4. sept. Það er því ekki ræða Katrínar Jakobsdóttur, sem veldur því eins og ASÍ segir, að hún getur ekki tekið á móti Mike Pence, heldur "einkafundir" sem eiga sér stað sama dag og Mike Pence kemur til Íslands.katrin1 
Er það kannski svo að varaforseti Bandaríkjanna hefur hnikað komu sinni til Íslands frá 3. til 4. september til að þóknast forsætisráðherra Íslands til að vera á verkalýðsráðstefnunni í Malmö 3. september?

Að Katrín Jakobsdóttur kýs "einkafundi" í stað þess að gegna skyldum forsætisráðherra er augljós misbeiting á embættinu og lítilsvirðing við Íslendinga og Bandaríkjamenn. Katrínu Jakobsdóttur er í lófa lagið að sleppa "einkafundunum" til að mæta á opinbera fundinn með Pence sem forsætisráðherra Íslands.

En það gerir hún ekki, því sem formaður Vinstri Grænna er hún að mótmæla einum valdamesta manni heims sem Vinstri Grænum er í nöp við.

 


Vanhæfur forsætisráðherra í umboði Sjálfstæðis- og Framsóknarmanna

MikePenceusÞað er venja kommúnista að fylgja eigin flokkslínu í stað þess að gegna þjóðfélagslegum skyldum. Þess vegna kemur það ekki á óvart, að forsætisráðherra Íslands Katrín Jakobsdóttir, vinni skemmdarstarf á góðum tengslum Íslands við Bandaríkin. Kommúnistar og aðrir vinstri menn telja eigin málstað ætíð ganga framar öllu öðru. Það er því misbeiting valds að nota forsætisráðherraembættið til að mótmæla komu aðstoðarforseta Bandaríkjanna Mike Pence til Íslands. Ekki síst með tilliti til þess áframhaldandi varnarsamstarfs sem Bandaríkjamenn hafa svo farsællega unnið með okkur í tímans rás.

Það eru ýmis dökk ský á sjóndeildarhringnum sem undirstrika mikilvægi þess fyrir vopnlausa þjóð að veðja á réttan hest. Miðað við fyrri sögu og samstarf við Bandaríkin ætti það vera auðvelt fyrir Íslendinga að velja á milli Bandaríkjanna og Bretlands annars vegar og ESB hins vegar.

Katrín Jakobsdóttir forsætisráðherra lítilsvirðir landann með hegðun sinni. Því fyrr sem þjóðin losnar við VG úr forsætisráðherrastól þeim mun betra.


mbl.is Fjarveran gagnrýnd
Tilkynna um óviðeigandi tengingu við frétt

Niðurrifsreisn formanns Sjálfstæðisflokksins

BBenEnn á ný er Bjarni Benediktsson í andstöðu við þjóð sína en segist gera það sem er þjóðinni fyrir bestu. Þegar hann var inntur eftir Icesavepakkanum sem hann lagði til og þjóðin felldi sagði hann: "Þetta er besta lausnin fyrir þjóðina". Við vitum öll að svo var ekki enda átti þá að flytja lögsögu Íslands erlendis sem þjóðin gat sem betur fer stöðvað.

Enn á ný ætlar Bjarni Benediktsson að flytja löggjafarvald erlendis og enn á ný segir hann að það sé það besta fyrir þjóðina. Líkt innbrotsþjófi sem staðinn er að verki og segir "Nei ég er ekki að stela neinu" endurtekur Bjarni Benediktsson og ráðherrar Sjálfstæðisflokksins í sífellu sama nálsporið á plötunni: "Nei, við erum ekki að afsala neinu fullveldi núna". Allir skilja að ef það væri satt, þá væri hægt að henda ályktuninni um "afnám stjórnskrárbundinna fyrirvara" í ruslatunnuna þar sem hún á heima.

Orkupakkasinnar eru mótsagnakenndir í málflutningi sínum:

"Mjög mikilvægt að ræða málin" - "Málið er fullrætt"
"Málið skiptir engu máli" - "Ef við segjum nei er EES-samningurinn í uppnámi"
"Okkur liggur ekkert á" - "Málið verður afgreitt 2. september"
"Mikilvægt að framfylgja ályktunum Landsfundar" - "Sjálfstæðisflokkurinn hafnar frekari framsali á yfirráðum yfir íslenskum orkumarkaði til stofnana Evrópusambandsins"

Þingflokkur xD er eina bakland formannsins eins og hann margræddi í Kastljósi gærdagsins. Þjóðin skiptir ekki máli núna frekar en í Icesave. Bjarni Benediktsson fer með haldlaust fleipur þegar hann segir að ákveðið hafi verið fyrir 25 árum síðan að setja orkumálin í EES samninginn. Þá fannst ekkert Orkubandalag ESB sem síðar var komið á fót til að steypa allri orkuöflun og orkusölu undir eina miðstjórn að hætti gömlu ráðstjórnarríkjanna. Ísland undirgengst þá miðstjórn með orkupakka 3.

Ganga orkupakkasinnar með banana í eyrum og bindil fyrir augum?
Hafa þeir frétt af því að Bretar eru að yfirgefa ESB?

Það besta fyrir Sjálfstæðisflokkinn er að Bjarni & Co gangi í mömmu Viðreisn þar sem þeir eiga heima, því þar má ekki anda á ESB. Það besta fyrir þjóðina er að BBen og liðsmönnum hans verði framvegis meinaður aðgangur að Alþingi. Þeir eru búnir að sýna hversu mikið þeim er annt um eigin hag og hversu lítið þeir unna þjóðinni. Þá fá heiðarlegir Sjálfstæðismenn að vinna í friði að landsmálum Íslands.


mbl.is Málið „fullskoðað og fullrætt“
Tilkynna um óviðeigandi tengingu við frétt

Fy fan Löfven - hversu margir eiga að deyja þar til þú rumskar?

stefanlStefan Löfven fékk enga spurningu á "blaðamannafundi þeirra stóru" eftir fund Norðurlandaráðherra með Þýzkalandskanslara Angelu Merkel í Viðey í dag. Og ekki þorði hann að taka upp þráðinn, þegar ofbeldismál á Norðurlöndum bar á góma og slapp því þegjandi frá málinu enda víst að hann hefði afhjúpað fáránleika stefnu sænsku ríkisstjórnarinnar sem kallar lýðræðisflokka nazistaflokka bæði í Noregi og Svíþjóð. Erna Solberg forsætisráðherra Noregs má vera ráðrík og fara út fyrir valdsvið sitt með skipun til Íslendinga að samþykkkja orkupakka 3 og selja Dönum rafmagn en varðandi afstöðu til ofbeldisins er hún ljósárum á undan Stefáni Löfven með hárréttri skilgreiningu að íslamskir vígamenn eru stærsta hættan fyrir almenning á Norðurlöndum. Löfven skilgreinir hins vegar Svíþjóðademókrata sem stærstu hættu almennings og gleymir því að flestir kjósendur þess flokks hafa gefist upp á því að kjósa sósíaldemókrata.

Töluverð umræða hefur verið í Svíþjóð um að sænskir ráðherrar hafi gefið Solberg kinnhest þegar hún spurði um samstarf gegn nýnazistum en borið hefur á sænskum þrammandi slíkum á götum í Noregi. Skilaboðin voru að Svíar hefðu enga nazista en það hefðu Norðmenn bæði í ríkisstjórn og á götum úti. Er það í sama stíl og skilgreining sænska forsætisráðherrans sem telur glæpaklíkur, sprengingar, skotbardaga og hnífamorð stafa af eiturlyfjaneyslu ríkra Svía búsettum í hverfunum Djursholm og Danderyd í Stokkhólmi. Sænska leyniþjónustan, herinn og varnamálaráðuneytið eru hins vegar sammála Solberg.

Ekki sagði danski forsætisráðherrann neitt um málið en hún hefur nýverið sagt að Danir þurfi að auka landamæraeftirlit við Svíþjóð til að koma í veg fyrir að vígamenn með sænskt ríkisfang komi til Danmerkur til að drepa og sprengja.

Spurningin er hvernig græn orka kemur í veg fyrir hið hrikalega ástand sem skapast hefur í kjölfar alls fólkinnflutnings síðustu árin til Norðurlanda, þar sem Svíþjóð er verst allra með daglegum skotbardögum, bílaíkveikjum, sprengingum og morðum. 

Engar fallegar undirskriftir um loftslagsmál munu koma í veg fyrir fleiri morð og sundurfallandi samfélög Norðurlanda og færi betur á því að ráðamenn Norðurlanda kæmu sér saman um að nota skattapeninga til að bjarga íbúum landa sinna frá brjáluðum íslömskum fjöldamorðingjum og hryðjuverkamönnum sem enn sem komið er hafa vinningin fram yfir skandínavíska nýnazista í stað þess að fleygja fénu í gæluverkefni fyrir stórtækjavini sína.


mbl.is Íslamskir öfgamenn enn mesta hættan
Tilkynna um óviðeigandi tengingu við frétt

Utanríkismálanefnd rasskellt með skýrslu sérfræðinga Orkunnar okkar

orkanokkarSkýrsla sérfræðinefndar Orkunnar okkar er án efa viðamesta og vandaðasta heimild um orkumál sem komið hefur út á Íslandi. Ætti ríkissjóður að borga sérfræðingunum níu góð laun fyrir þá alvöru vinnu sem hér hefur verið innt af hendi í samanburði við t.d. þá hrákasmíði og fjársóun utanríkisráðherra sem fengið hefur fólk með ESB-titla til að fara með staðlausa stafi og blaður framan í Íslendinga vegna orkupakka 3. Ber þar einna hæst áróður um að EES starfinu yrði hleypt í uppnám ef Ísland vísaði málinu aftur til EES nefndarinnar með kröfu um undanþágu Íslands frá pakkanum.

Davíð Oddsson fv. forsætisráðherra og núverandi ritstjóri Morgunblaðsins gerir þá hlið mála að umtalsefni í Reykjavíkurbréfi dagsins og lýsir reynslu sinni af Gróu á Esbuleiti, þegar íslenskir embættismenn með hræðsluáróður gátu ekki nafngreint heimildir sínar. Að venju slær hjarta ritstjórans með þjóðinni og mættu orkupakkasinnar skammast sín fyrir að útmála þennan fyrrum farsælasta leiðtoga þjóðarinnar og Sjálfstæðisflokksins sem "pópúlista og falsfréttasmið" í tilraun til að sverta málstað þeirra sem unna fullveldi Íslands. 

Skýrslan er umfangsmikil enda málið viðamikið og með henni er kominn grundvöllur að sjálfstæðri orkustefnu Íslendinga. Bent er á augljósan hlut sem hverju mannsbarni ætti að vera augljós að Ísland þarf fyrst að móta eigin orkustefnu áður en hlaupið er eftir valdboðum frá Brussel og selja út auðlindir landsmanna. Ætti að skikka utanríkisnefnd á 2-3 daga námskeið með sérfræðingunum níu til að fá svolítið af staðreyndum málsins inn fyrir ennisbeinið fyrir þingstubbinn. 

Ræfildómur ESB-sinnaðra orkupakkatalsmanna á þingi birtist í mikilli vanþekkingu á utanríkismálum og fer formaður utanríkismálanefndar Áslaug Arna Sigurbjörnsdóttur þar fremst fyrir í kunnáttuleysi um Evrópusambandið og ástandið í Evrópu. Alþingi virðist hafa það sem inngöngupróf fyrir þáttöku í þingstörfum að menn eru látnir bregða sér í hlutverk páfagauksins og fá þeir störf sem geta kvalið landsmenn mest með endalausu sarghljóði reglugerðafargansins frá Brussel.

Ég fagna skýrslu níumenninganna og megi alþingismenn nota tímann vel til að fara þar yfir helstu staðreyndir málsins áður en umræður um málið halda áfram á þingi.

(uppfært 18/8 kl 9.25)


mbl.is Stærsta ákvörðun „íslensks lýðveldis“
Tilkynna um óviðeigandi tengingu við frétt

Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband