Bloggfærslur mánaðarins, janúar 2017

Þegar hjörð ríður hesti

LaugardagsmorgunnÉg elska laugardagsmorgna. Að fara á fætur, hita kaffið og setja ristað brauð með marmelaði á borðið. Þetta er það sem líkaminn þarf til að komast í gang og njóta helgarinnar. En ekkert jafnast á fyrir andann eins og að byrja laugardagsmorgna á lestri Reykjavíkurbréfs helgarblaðs Morgunblaðsins. Með innblástri þess getur Sleipnir sofið áfram, því fleiri en átta eru hófar þess hests sem bréfritari ríður og fer á kostum í skrifum sínum. Það er svo gott að fá skýra hugsun beint í æð með slíkum húmor, sem þenur hláturstaugarnar og yljar hjarta og hug.

Reykjavíkurbréf Morgunblaðsins eru bókmennta- og fjölmiðlalegur risi í frétta- og umræðuflóru Íslendinga. Hið hversdagslega brús fylgir oft fyrirfram ákveðnum tóni ákveðnum af eigendum eða klíku starfsmanna sem vilja stjórna heiminum frá veri sínu eins og t.d. RÚV - síðasta vígi kratismans á Íslandi. 

Reykjavíkurbréfið gerir kosningasigur Donalds Trumps að umræðuefni og alla þá umræðu sem átt hefur sér stað um meint og ómeint kosningasvindl hið vestra. Sér í lagi spurninguna um alla óskráða sem hálfskráða og skráða innflytjendur í Bandaríkjunum. Óhætt er að taka undir bréfritara með að hæpið sé að þrjár milljónir Bandaríkjamanna hafi kosið Hillary Clinton ólöglega en þar sem ekki er betra eftirlit með kosningunum verður það seint sannað. Hitt skal undir tekið að sú spekingahjörð sem klínir vitund sinni á almenning hefur fengið kratískan rasskell sem sjálfsagt ómar um geiminn til nálægustu stjörnukerfa. Bæði í Bandaríkjunum og Bretlandi, þar áður í Grikklandi og á undan á litla Íslandi, hefur þessi hjörð kratismans flengt hest sinn á spori eigins valdabrölts um allan heim. Arftakar Stalíns og Leníns og Heimssambands sósíalismans geta ekki skilið innblástur athafnafólks eða af hverju einstaklingar geti gert betur en hástígvélaðir tramparar "fræðikenningarinnar".

Einn samanburður á þessu fyrirbæri er 84 kynslóðin í Svíþjóð. Kynslóð sem ólst upp við það að hún þyrfti bara að fella nokkur tár til að fá það sem hana langaði í. Sú hjörð á erfitt með að skilja ef hún fær ekki það sem hún heimtar. Og séu talsmenn hennar ekki kjörnir, þá eru það kjósendur sem misst hafa vitið. Hjörð með sömu afstöðu ræður för ESB og heimsbankaelítunnar og er að sliga síðasta hestinn sem enn stendur uppi: skattgreiðendur.

Núna þegar burðarklár réttrúnaðarfjölmiðla og Kúbu norðursins liggur í valnum, smala þeir sem fallnir er af baki saman liði til að mótmæla þeim sem kusu Trump. Fárið á að dylja raunverulegar ástæður kosningasigurs Bandaríkjaforsetans en ein þeirra eru 45 milljónir Bandaríkjamanna sem háðir eru matarmiðum yfirvalda til komast í gegnum daginn.

Fjármálakreppan hefur leikið stóran hluta Bandaríkjamanna afskaplega hart og loforð Bandaríkjaforseta um að lækka skatta á fyrirtækjum, koma atvinnulífinu í gang aftur og byggja upp millistéttina að nýju dró til sín atkvæði demókrata í ríkum mæli. Demókrataflokkurinn fékk svipaða útreið í forsetakosningunum og flokksbræður þeirra Samfylkingin á Íslandi í síðustu tveimur Alþingiskosningum. 

Og ekki gerir það Donald Trump að Hitler, að Hitler var lýðræðislega kosinn til valda. Það eru ekki sömu forsendur í Bandaríkjunum og Þýzkalandi eða á meginlandi Evrópu.

Trump vill endurreisa gildi athafnafólksins um mátt einstaklingsins.

Jafngott mál og að núverandi bréfritari skrifar Reykjavíkurbréf Morgunblaðsins.

Sem er hið besta mál.

 


mbl.is Trump: „Gengur ljómandi vel“
Tilkynna um óviðeigandi tengingu við frétt

Hvar er frétt RÚV um Donat Ivanovich Trolstoyevski?

Úr innsta búri rússnesku leyniþjónustunnar koma fagnaðarfréttir um vel unnin störf leyniþjónustumanna og þeim frábæra árangri að hafa tryggt sigur Donald Trumps sem forseta Bandaríkjanna. Rússneskir hakkarar hafa viðurkennt, að Pútín hafi sjálfur tekið þátt í að hakka Bandaríkjamenn og hafi tekist að breyta eldflaugasýningu til að fagna kjöri Trumps til að sýna orðið USR í stað USA.

Hefur RÚV ekki birt þessa frétt?

Sjón og heyrn er sögu ríkari

 


mbl.is Sakar fjölmiðla um óheiðarleika
Tilkynna um óviðeigandi tengingu við frétt

Tr(i)ump(h) fyrir Bandaríkjamenn

handonbible

 

 

 

 

 

 

 

 

Full ástæða að halda upp á daginn með Bandaríkjamönnum.

Donald Trump 45. forseti Bandaríkjanna færir völdin aftur í hendur fólksins.

Og hann sagði það líka beint í ræðu sinni, að völdin flyttust frá Washington til fólksins í landinu.

Power to the people.

Til hamingju Bandaríkjamenn!

PS. Hillary Clinton getur opnað tölvubréfasafn í ellinni.... 

Hillarystoneface


mbl.is Trump orðinn forseti Bandaríkjanna
Tilkynna um óviðeigandi tengingu við frétt

Trump stefnir fram á við - Reykjavík tilvalinn staður til samninga við Pútín

bigOriginalMitt í öllu njósnafárinu sem tapsárir Demókratar hafa þyrlað upp berast núna fréttir að leyniþjóusta Bandaríkjanna haldi áfram árásum sínum á lýðræðislega kjörinn forseta Bandaríkjanna Donald Trump. Ísraelska blaðið Haaretz segir frá því, að Ísrael hafi verið varað við því að skiptast ekki á leynilegum upplýsingum við Hvíta húsið, þar sem Trump muni senda slíkar upplýsingar áfram til bæði Rússlands og Íraks. 

Fréttin kom upprunalega frá heimildum ísraelska blaðsins Yediot Ahronot. Rannsókanrblaðamaðurinn Ronen Bergman fékk upplýsingar af fundi bandarísku leyniþjónustunnar með ísrelskum kollegum, þar sem þeir bandarísku tjáðu þeim ísraelsku að Rússland væri búið að ná valdi yfir Trump. Ísraelsmenn hafa löngum skipst á leynilegum upplýsingum við Bandaríkjamenn en eiga núna að undanskilja upplýsingar til Hvíta hússins og stjórn öryggismála NSC sem lýtur undir ríkisstjórn Bandaríkjanna. Eiga Ísraelsmenn að bíða með að afhenda viðkvæmar upplýsingar þar til búið er að rannsaka, "hvort upplýsingarnar um áhrif Rússa á Trump eigi við rök að styðjast."

Tillaga um fund þjóðarleiðtoganna í Reykjavík er afskaplega góð og vonandi engin fantasía eins og Reuters segir. Slíkur fundur gæti minnkað spennuna aðallega í Austur-Evrópu, þar sem menn undirbúa sig hernaðarlega fyrir átök við Rússa í kjölfar hernáms Rússa á Krímskaga. Trump hefur einnig boðað slökun á stefnu Obama um hertar viðskiptaþvinganir og mun mörgum létta ef það yrði að veruleika.


mbl.is Trump vill funda með Pútín í Reykjavík
Tilkynna um óviðeigandi tengingu við frétt

Donald Trump er þá pervers bandarískur gagnnjósnari eftir allt saman

skrattarbastMóðursýkisköstin í kringum kosningasigur Donald Trumps virðast takmarkalaus. Í s.k."gullsturtuskýrslu" kemur fram að verðandi forseti Bandaríkjanna hafi skemmt sér við að láta fólk pissa í rúmi sem Óbama Bandaríkjaforseti svaf eitt sinn í.

Skv. tölvubréfi á vefsíðunni 4Chan er því haldið fram, að meðlimur samfélagsmiðilsins hafi upprunalega birt brandara um Trump í nóvember á s.l. ári og síðan sent "fréttina" til Trumphatarans Rick Wilsons. Wilson hafi síðan sent "fréttina" áfram til CIA og þannig rataði hún í "leyniskýrslu" CIA um forsetakosningarnar. Á tístsíðu sinni kallar Rick Wilson sjálfan sig "óvin ríkisins". Wilson barðist sem hatrammur andstæðingur gegn Donald Trump í kosningabaráttunni. Hann er repúblikani og hefur lýst því yfir, að kjósendur Trumps séu "nýnazistar og fávitar með froskaeinkenni".

pol:acks mailed fanfictionNýtt tölvubréf á 4Chain lýsir tilurð "gullsturtunnar". Núna rignir tölvubréfum og tístum yfir Rick Wilson sem hefur ekki undan við að sverja málið af sér.

Gullsturtuskýrslan sýnir, hvernig hægt er að kaupa lygar og nota síðar sem "staðreyndir" til að ryðja óþægilegum en lýðræðislega kjörnum stjórnmálamönnum úr vegi. Sú aðferð var notuð með góðum árangri á Íslandi í Panamaskjölum RÚV.


mbl.is Tilurð „gullsturtu“-skýrslunnar
Tilkynna um óviðeigandi tengingu við frétt

Réttur maður í starfi utanríkisráðherra

Ný stjórn hefur litið dagsin ljós og ber að þakka Bjarna Benediktssyni fyrir vel unnin störf í þessum málum. Hann hefur nokkuð til síns máls, þegar eins þingmanns meirihluti er ræddur, að dæmi eru um minnihlutastjórnir t.d. í samanburði við önnur Norðurlönd. Það krefst stjórnkænsku af bestu gerð að sæta sjólagi hverju sinni með stuðningi þingmanna stjórnarandstöðuflokka í einstökum málum ef samstarfsaðilar gugna og mun reyna á stjórnkænsku og vilja allra samstarfsaðila við að koma skútunni í höfn. Það sem skiptir mestu máli í núverandi ástandi er að ný ríkisstjórn er komin á laggirnar. Vonandi fær hún starfsfrið til að móta og koma stefnumálum sínum á framfæri. Ég mun kynna mér stjórnarsáttmálann og skrifa síðar.

fjallkonanBjarni Benediktsson hefur sýnt að hann getur leitt málamiðlanir sem er honum gott vegarnesti í frumraun sinni sem forsætisráðherra. Stundum þarf þó að sýna tennurnar, þegar reynt er að brjóta meginreglur og hættur eru vissulega fyrir hendi, þótt ekki sé ástæða nú til að ætla að núverandi Alþingi falli í sömu Icesaveljónagryfju og forðum. Þótt þingið sé sá staður sem málin eru leidd til lykta, þá hefur reynsla undanfarinna ára sýnt, að hlekkur þings og þjóðar verður heill að vera til að málalyktir verði haldbærar. Vonandi bera þingmenn núverandi þings meiri virðingu fyrir stjórnarskrá lýðveldisins en oft áður. 

Val á utanríkisráðherra hefði ekki getað verið betra. Guðlaugur Þór Þórðarson er stjórnmálamaður af hjartans list og gerir allt af heilum hugaa. Hann fylgist vel með málum og hjarta hans slær með sjálfstæðu Íslandi. Ég óska honum sem og öðrum ráðherrum nýju ríkisstjórnarinnar velfarnaðar í starfi. 

Hvað stjórnarandstöðuna varðar (Framsóknarflokkurinn undanskilinn) hefur hún að mestu leyti málað sjálfa sig út í horn og er réttilega mest súr út í sig sjálfa vegna eigin getuleysis. Ef Vinstri grænir og Samfylking vilja ekki bíða enn meira afhroðs verða þingmenn þeirra að fara að skilja að við Íslendingar sitjum öll í sama báti og þeir eru ekki velkomnir sem eyða tímanum frekar í að bora göt á botn skipsins í stað þess að taka þátt í vinnunni uppi á dekki.

Framsókn með lamaða önd við stýrið verður að koma foringja sínum Sigmundi Davíð Gunnlaugssyni aftur í bílstjórasætið svo flokkurinn geti lifað upp til nafnsins.


mbl.is „Krefjandi og mikið verkefni“
Tilkynna um óviðeigandi tengingu við frétt

Stóra Íslandsránið - Hlustum á boðskap Péturs Einarssonar

thiefÞað hefur verið sér í lagi athyglisvert að sjá og heyra viðtal Björns Bjarnasonar fyrrv. dómsmálaráðherra við Pétur Einarsson höfund kvikmyndarinnar Ránsfengur, sem mér skilst að verði sýnd í sjónvarpinu í dag. Pétur Einarsson var starfandi bankamaður fyrir og eftir hrun og nýtir þá starfsreynslu og þekkingu sína við gerð kvikmyndarinnar. Fram kemur í viðtalinu, sem ekki ætti að koma á óvart, að fjármálahrunið á Íslandi sé hið stærsta í heimi hjá einu ríki miðað við stærð landsins. Hann lýsir ástandinu á þann veg, að bankarnir hafi haft veð í öllum húseignum, fyrirtækjum og öllum atvinnutækjum og að vogunarsjóðirnir hafi komist yfir allt þetta:

"Þegar þú eignast bankana, þá áttu landið."

Björn Bjarnason nefnir tölu sem hann hefur heyrt, að vogunarsjóðirnir hafi komist yfir bankana fyrir 6% af virði þeirra. Upphæðin sem þeir höfðu upp úr krafsinu sé allt að 2 500 milljörðum kr. Pétur Einarsson lýsir vogunarsjóðum á þann veg, að þeir séu "svarthol sem veiti engar upplýsingar um hverjir fjárfesti í þeim, hverjir eigi þá og meira að segja hverjir starfi í þeim." Þarf lykilorð til að komast inn á heimasíður þeirra.

Pétur bendir á að um 97% af starfsemi bankanna fer i viðskipti innan fjármálakerfisins í aðra hluti en varðar venjulega borgara og fyrirtækjarekendur: "Fjármálakerfið er fyrst og fremst að starfa fyrir sjálft sig. Þeir sem hagnast á því eru fyrst og fremst starfsmenn og eigendur fjármálafyrirtækja." Bendir hann á USA sem dæmi um aðskilnað fjárfestingahlutans frá daglegum viðskiptum bankanna.

Höfundur Reykjavíkurbréfs Morgunblaðsins skrifar í Reykjavíkurbréfi 8.janúar að í Rannsóknarskýrslu Alþingis kemur fram "að einn innlendur aðili, Seðlabanki Íslands, leitaðist við að gera réttum stjórnvöldum grein fyrir því í hvað stefndi." 

Allir vita, hvaða ofsóknum ríkisstjórn Jóhönnu Sigurðardóttur beitti þáverandi seðlabankastjóra Davíð Oddssyni og hrakti hann úr starfi. Manninum sem þjóðin á einna mest að þakka sigurinn í Icesavebaráttu sinni gegn bankaræningjunum. 

Í Reykjavíkurbréfinu er haft eftir Pétri Einarssyni: "Þannig að það er annað líka í þessu sem ég er svona að benda á, er það að til þess að eiga banka, þá þarftu að vera viðurkenndur af Fjámálaeftirlitinu. Og við gerum strax eftir hrun stærstu undanþágu sem er hægt að gera varðandi fjármálakerfið, það er það að vita ekki almennilega hverjir eiga bankana. Og það er fyrir mér líka gríðarleg mistök og ég er bara alls ekki sáttur við sem Íslendingur og sem fyrrverandi bankamaður. Vegna þess að það eru ákveðnar reglur sem eru hér og alls staðar í heiminum, varðandi eignarhald á bönkum og við eigum auðvitað að fylgja þeim."

Þetta er kjarni málsins. Það er ömurleg staðreynd stjórnmálanna, að maðurinn sem gerði þetta stærsta Íslandsrán mögulegt með leynisamningi fyrir hönd ríkisins er nú forseti Alþingis.

Ekki verður hjá því komist að rífa allan þennan óþverra upp og draga fram í dagsljósið þá leynisamninga sem Steingrímur J. Sigfússon og ríkisstjórn Jóhönnu Sigurðardóttir gerðu við vogunarsjóðina og sækja þau til ábyrgðar fyrir víðtæk lögbrot. Hið þjóðlega sár getur fyrst endanlega gróið, þegar búið verður að lyfta af leyndinni yfir þessum málum.

Séð í þessu samhengi er það gagnslaust að vera að eyða orðum á að gagnrýna Bjarna Benediktsson fyrir að koma of seint með skýrslu um aflandsfélög. Sannleikurinn er sá að sú skýrsla er margfalt þýðingarmeiri og betri grundvöllur fyrir þjóðina til að vinna að þeim málum en  Panamaskjöl RÚV. Þau voru köld kveðja frá eigendum vogunarsjóðanna til Íslendinga til að sýna hverjir það eru sem ráða ferðinni, þegar lýðræðislega kjörin ríkisstjórn var hrakin frá völdum og heilu ári stolið af kjósendum.

Höfundur Reykjavíkurbréfs lýkur bréfi sínu á spurningunni af hverju ekki sé skilið á milli viðskiptastarfsemi bankanna og fjárfestingarstarfsemi bankanna. Undir þá spurningu er sjálfsagt að taka. 

Jafnframt að framfylgja tafarlaust reglum um fjármálafélög, að engin viðskipti verði gerð við neinn sem heldur starfsemi sinni leyndri eins og vogunarsjóðirnir. Banna á og gera útlæg öll slík viðskipti.

 


mbl.is „Ég vísa því algjörlega á bug“
Tilkynna um óviðeigandi tengingu við frétt

Nei við ÍS-INN: 93% kjósenda Daily Express sammála stefnu Sjálfstæðisflokksins

Skärmavbild 2017-01-03 kl. 11.34.26Brezka Daily Express birtir grein í dag, þar sem sagt er í fyrirsögn að vegna ríkisstjórnarmyndunar munu Íslendingar greiða atkvæði um hvort þeir vilji ganga með í ESB sem er að liðast sundur. Vitnar blaðið í Óttar Proppe sem segir að samsteypustjórnin vilji halda þjóðaratkvæði um hvort endurlífga eigi umsóknarferli Íslands að ESB sem gefið var upp á bátinn 2015. Segir Express að 64% Íslendinga sé á móti inngöngu í ESB en 36% styðji inngöngu.

Er lesendum blaðsins gefinn kostur á að velja um ÍS-INN eða að Ísland fari að fordæmi Brexit. Rétt í þessu voru 93% með því að Íslandi væri fyrir bestu að vera fyrir utan ESB. Einungis 7% studdu ÍS-INN.

Ótrúlegt að þessi saga gangi að Sjálfstæðisflokkurinn, sem hefur þá stefnu að Íslandi vegni betur utan fyrir ESB, hafi gefið eftir þá stefnu vegna Viðreisnar og Bjartrar Framtíðar.

Björn Bjarnason hefur skrifað um skrípaleik formanna V og BF og skrif Fréttablaðsins í málinu og ekki veitir það á gott, þegar svo grunnt er á heilindum mannanna.

Að setja rifrildismálið ESB á dagskrá með þjóðaratkvæðagreiðslu er að gefa eftir fyrir lúxushagsmunum nokkurra einstaklinga sem reiðubúnir eru að selja þjóð sína fyrir "30 silfurpeninga" svo vitnað sé til kunnugs svikaráðs. Það er jafnframt stríðsyfirlýsing við þjóðina, sem sagt hefur verið að umsóknin hafi verið felld úr gildi með bréfi fyrri utanríkisráðherra til Brussel.

Varla fer Sjálfstæðisflokkurinn að storka þjóðinni með slíku athæfi eina ferðina enn? 


Innskráning

Ath. Vinsamlegast kveikið á Javascript til að hefja innskráningu.

Hafðu samband