Bloggfærslur mánaðarins, maí 2018

Hatur gegn Sjálfstæðisflokknum og Miðflokknum mikilvægasta stefnumál nýja meirihlutans

dag2Vinstri menn hlusta ekki á kall kjósenda. Þeir eru ekkert á því að láta vilja kjósenda trufla hatur sitt á Sjálfstæðisflokknum og Miðflokknum og vegur hatrið meira en sjálf Borgarlína Langstokkur.

Mikilvægasta stefnumálið er að koma í veg fyrir að Eyþór Arnalds oddviti sjálfstæðismanna verði lýðræðislega kjörinn borgarstjóri Reykvíkinga. Ekkert er mikilvægara en að koma í veg fyrir að Sjálfstæðisflokkurinn og Miðflokkurinn, sem eru sigurvegarar kosninganna, fái aðgang að þeim embættum sem kjósendur kusu þá til. Öll önnur mál hafa minna vægi.

Vinstri menn traðka á lýðræðinu, eru stefnulausir í stjórnmálum og taka enga ábyrgð á eigin gerlum - hvorki saur né aur. Fyrir slíka pólitík fá Reykvíkingar að gjalda.

Fjögur ár í viðbót með sukki og spillingu í stjórn Reykjavíkur geta þýtt gjaldþrot borgarinnar. Ef ekki borgarinnar sem stofnunar, þá fjölda efnaminni Reykvíkinga sem í nafni jafnaðar verða gerða eignalausir.

Skattaunderlagið mun svíkja og sífellt stærri hluti af tekjum borgarinnar hverfa í vaxta- og afborganir af lánum. Þegar svo fasteignamarkaður hrægammanna hrynur munu skjólstæðingar meirihlutans kalla eftir eignum sínum og hirða það sem enn er einhvers virði í hrunkistu borgarinnar. 

Áframhaldandi völd Dags & Co í Reykjavík mun skapa mikla erfiðleika fyrir ríkisstjórnina, þ.e.a.s. þann hluta hennar sem heldur utan um fjármál ríkisins. Krafan um auknar skattaálögur til að fjármagna brjálæðisverkefni Dags & Co mun koma. Erfitt verður að halda botnlausum skuldum Reykvíkinga fyrir utan landsstjórnina vegna stærðar höfuðborgarinnar. Að lokum mun fjárhagur allra Íslendinga skerðast vegna vanstjórnar Reykjavíkurborgar. Íbúar á landsbyggðinni munu finna fyrir hrægömmum við völd á tvöfaldan hátt.

Ekki bætir úr að apaguðunum fjölgar. Eldur mun finnast í Viðreisn svo lengi sem hatrið á sjálfstæðismönnum endist fyrir það að vilja ekki ganga með í ESB. Það er sterkari samnefnari með Samfylkingunni en vilji kjósenda. 

Reykjavík hefur aldrei áður verðskuldað titilinn Týnda borg apaguðsins meira en í dag.

 


mbl.is Mynda frjálslynda stjórn jafnréttis
Tilkynna um óviðeigandi tengingu við frétt

Ætlar fyrrverandi borgarstjóri Reykvíkinga að láta skafa sig úr borgarstjórastólnum?

Dokument1Úrslit kosninganna í Reykjavík eru ótvírætt ákall Reykvíkinga um breytta stjórn borgarinnar.

Allt frá hruni hafa hatrið og heiftin verið leiðarljós vinstri manna. Hafa þeir reynt að ganga milli bols og höfuðs góðra manna og kvenna sem þjóðin hefur kosið eins og t.d. Davíð Oddssyni, Ólafi Ragnari Grímssyni, Geir Haarde, Vigdísi Hauksdóttur, Hönnu Birnu Kristjánsdóttur og núna síðast Sigmundi Davíð Gunnlaugssyni. 

Þjóðin hefur risið gegn þessarri firru og sýnir í öllum kosningum að hún vill fá tækifæri að kjósa um málefni og menn en ekki hatur og bræði. Stjórnmál eiga að fjalla um skiljanlega hluti til hagsbóta fyrir kjósendur en ekki herferðir gegn stjórnmálaandstæðingum með lygum að vopni.

Með endurheimtingu Sjálfstæðismanna á forystu í Reykjavík og komu Miðflokksins sýna kjósendur, að þeir hafna blekkingarleik vinstri manna. Mæta skal raunverulegum þörfum Reykvíkinga á sviði húsnæðismála, félagsmála, málefna aldraðra, minnkun umferðaröngþveitis, hreinni borgar, veru flugvallar, spítala o.s.frv. í stað þess að skuldsetja borgarbúa kynslóðir fram í tímann í delluverkefnum Borgarlínu Langstokks. 

Skilaboð kjósenda eru skýr. Meirihluti borgarstjórnar er fallinn og borgarstjóra hefur verið vikið úr sæti. Að Dagur B. vill ekki fara úr borgarstjórnarstólnum er ekkert annað en löðrungur framan í kjósendur og afneitun á lýðræðinu.

Til hvers að vera með kosningar ef valdasjúkum leyfist að hunsa niðurstöðu kosninganna? 

Ætlar fyrrverandi borgarstjóri að enda feril sinn á því að láta skafa sig úr stólnum? 


mbl.is „Hefð að stærsti flokkurinn leiði“
Tilkynna um óviðeigandi tengingu við frétt

Betri er borg týnda apaguðsins en týnda borg apaguðsins

dag1Núverandi meirihluti Reykjavíkur er fallinn. Það eru jákvæðustu tíðindi þessarra sveitastjórnakosninga. Samfylkingarlæsingin hefur verið slík að Reykvíkingar höfðu lítinn möguleika á að hafa áhrif á skipan mála með stöðuga frelsisskerðingu allan tímann.

Sá hroki sem birtist í ummælum Jón Gnarrs gagnvart kjósendum í viðtali sjónvarpsins er fáheyrð en því miður dæmigerð fyrir valdaníðslu Samfylkingarfólks. Sagði hann Reykvíkinga vera vitleysinga sem "vita ekkert um ágæti borgarlínunnar".

Samfó-RÚVIÐ sem lifir í eigin heimi merkikerta misbeitir ríkisfjölmiðlinum gróflega með fókus á neikvæðar tölur fyrir Sjálfstæðisflokkinn. Höfuðfréttirnar voru talningar sem sýndu lægri tölur fyrir Sjálfstæðisflokkinn núna miðað við síðustu kosningar. Rúv neyddist þó til að viðurkenna fall meirihlutans í Reykjavík en andlitsfarði fréttamanna náði vart að dylja vonbrigðin.

Eyþór Arnalds sagði réttilega að Sjálfstæðisflokkurinn hefði endurheimt stöðu sína sem stærsti flokkur Reykvíkinga. Hann bendir einnig á hið sjálfsagða, að stjórnendur borgarinnar eiga að vinna í þjónustu borgarbúa og má að ósekju bera þá stefnu saman við stefnu Samfylkingunar sem tekur borgarbúa í gíslingu. 

Fallhlífarstökkvarinn Vigdís Hauksdóttir er inni og e.t.v. nær Miðflokkurinn öðrum manni inn í Reykjavík. Framsókn fer öfug út úr málefnum Reykvíkinga.

Það er ekki falleg aðkoma fyrir nýja stjórn í Reykjavík en ekkert annað að gera en að bretta upp ermarnar og snúa skútunni frá braut Borgarlínu Langstokks.

Verður Dagur B. Eggertsson áfram borgarstjóri Reykjavíkur verður borgin áfram týnda borg apaguðsins. 

Betra að borgin týni apaguðinum en að borgin týnist endanlega.

 


mbl.is Meirihlutinn fallinn í Reykjavík
Tilkynna um óviðeigandi tengingu við frétt

Nýr dagur í Reykjavík

nyrdagur1Síðustu skoðanakannanir benda til þess að Reykvíkingar séu að vakna upp gegn Samfylkingarspillingunni og bandvitlausum verkefnum meirihlutans.

Dagur & Co eru búin að senda borgarbúa í kolsvart skuldafenið með rangri röðun verkefna, þar sem pólitísk gæluverkefni mest fyrir auðkýfinga og ofþensla báknsins hefur toppað útgjaldalistann. Stokkur og Lína eru snældusjúk delluverkefni svo heyrist langt út fyrir landssteinana. Verður þessi meirihluti áfram við völd verður vesöld í Reykjavík næstu kynslóðirnar. 

Það er því hið besta mál, að nýr meirihluti taki við, sem hefur áhuga að vinna fyrir íbúa borgarinnar. Þetta er svo sjálfsagður hlutur, að veruleikinn er virkilega skakkur, að það þarf að minnast á það.

Vonandi fleygja Reykvíkingar Degi & Co út á hafsauga stjórnmálanna. 

Komi slíkur Dagur aldrei aftur til baka við stjórnvöl Reykvíkinga.

Ný sólarupprás í vændum og góður nýr dagur til nytsamra verka hjá Reykvíkingum.

 


mbl.is Sjö flokkar fengju fulltrúa
Tilkynna um óviðeigandi tengingu við frétt

Davíð meiri stjórnmálamaður en aðrir

893472Davíð Oddsson ásamt eiginkonu sinni Ástríði Thorarensen.

Það var afskaplega skemmtilegt og fróðlegt að hlusta á fyrrverandi forsætisráðherra, núverandi ritstjóra Mbl. Davíð Oddsson í viðtali við Pál Magnússon á Þingvöllum, K100, í dag.

Farið var yfir langan feril og víða komið við og helstu átakamálin í stjórnmálum síðustu áratuga rædd. Páll spurði m.a. hverju það sætti að Sjálfstæðisflokkurinn hefði ekki enn náð fyrra fylgi allt að 40% og benti Davíð Oddsson m.a. á afstöðu flokksins í Icesave-málinu sem eiginlega hefði aldrei verið útskýrð. Þetta var engan veginn eina alhlíta skýringin en veigamikil engu að síður í þeim átökum sem þjóðin átti í gegn ESB-vilhallri ríkisstjórn Jóhönnu Sigurðardóttur og óprúttnum fjármálasvindlurum sem sú ríkisstjórn vann leynt og ljóst fyrir.

Það var einnig eitthvað svo sjálfstæðisstefnulegt, þegar Davíð Odsson benti á að frelsi og grundvöllur einstaklingsins hefði farið halloka í þessum fjármálagjörningum öllum. Þetta er að sjálfsögðu fáni sjálfstæðisstefnunnar alla tíð, að standa uppi fyrir hagsmunum einstaklingsins burtséð frá efnahagslegri stöðu í samfélaginu. STÉTT með STÉTT var kjörorð Sjálfstæðisflokksins og á í ríkara mæli erindi til Íslendinga eftir fjármálahrunið. Davíð bendir réttilega á að borga á hratt niður skuldir í góðæri til að hægt sé að auka rými einstaklinga t.d. með skattalækkunum.

Íslendingar hafa sjaldan átt jafn góðan forsvarsmann og leiðtoga og Davíð Oddsson. Sem sannur stjórnmálaforingi bendir hann á það sem augljóst ætti að vera þáttakendum í stjórnmálum, að stjórnmálaflokkur á að lifa fyrir stefnu sína og leggja allt sitt undir að ná markmiðum sínum að fengnu trausti kjósenda.

Enginn stjórnmálaflokkur hefur haft eins þýðingarmikla aðkomu að þróun íslenska samfélagsins og Sjálfstæðisflokkurinn og ekki við grundvallarstefnu flokksins að sakast að flokkurinn nái ekki fyrra fylgi.

Að biðja fólk að líma upp kosningaloforðin á ísskápinn heima og strika út þau mál sem kláruð eru fyrir næstu kosningar sýnir, hversu mikilvægt það var fyrir Davíð Oddsson að vinna verkin vel og kvitta fyrir traustið. Að lofa og efna, að vera maður að standa fyrir sínu byggir upp traust. Svona einföld atriði ættu að vera sjálfsögð á palli stjórnmálanna en eru það því miður ekki alltaf og þá finnst sumum kjósendum lítill sem enginn munur á flokkunum sem í boði eru eða stefnumálum þeirra og því ekki skipta máli, hver kosinn er. 

Reykvíkingar sem hafa fylgt þessu metafóri fá mest af öllum að finna fyrir því, hversu slíkt er fráleitt. En engin ástæða er til að örvænta, margt góðra manna er að störfum og með tímanum munu nýjir forystumenn koma fram á völlinn sem af jafn mikilli einlægni, ríkum heiðarleika og baráttuþreki sýna málunum alúð og sá góði drengur Davíð Oddsson.


mbl.is Létu bankana snúast um sjálfa sig
Tilkynna um óviðeigandi tengingu við frétt

Jafnaðarmenn jafna allt niður við jörðu

Skärmavbild 2018-05-19 kl. 07.37.33Reykjavíkurbréfið heldur velli sem bréf bréfanna í orðsnilld, skerpu tærrar hugsunar og ómældrar þekkingar á staðreyndum í nútíð og úr fortíð.

Það jafnast á við þriggja tíma andlega jógaþjálfun að meðhöndla hið víðáttumikla innihald og gleðin þreföld eftir lestur bréfsins. 

Illa er komið fyrir ESB–leiðtogum Dags B. og annarra jafnaðarmanna í Evrópu. Einkenni jafnaðarstefnu nútímans er að jafna alla möguleika venjulegs fólks á sjálfstæðu, stöndugu lífi niður við jörðu. Hvar sem jafnaðarmenn fara og hafa farið með völd er jörðin þakin skuldum sem skrælir líf manngróðursins kynslóðir fram í tímann. 

Í bandalagi við óprúttna auðjöfra eru völdin notuð til að mjólka almenning og hleypa brjálæðisdelluhugmyndum skjólstæðinganna fram í nafni jöfnuðar.

Baráttunni um Ísland er engan veginn lokið. Sjáið hvert Reykjavíkurborg er komin með ómælda skuldabyrði á börn, barnabörn og barnabarnabörn Reykvíkinga. Reykvíkingar geta ekki látið sem þeir viti þetta ekki, gróðursettar malbiksholur, biðraðir við leikskóla og læknisþjónustu segir sína sögu. Húsnæðisskortur, uppsprengt verð hrægamma er að drepa allan þrótt niður eina ferðina enn. Vanhirða borgarinnar er útyfir alla þjófabálka og saurgerlar meirihlutans hafa bókstaflega mengað allt borgarumhverfið.

Stefna Reykjavíkurborgar jafnaðarmannameirihlutans eru möguleikar þeirra ríkustu að hrifsa til sín deiliskipulag og byggja bruðlhallir fyrir fólk sem étur gull í eftirrétt. Jón Ásgeir, George Soros og slíkra kumpána. Fyrir slíkt þotulið eru 400 milljónir ekki neitt fyrir útsýni á Hörpuna frá þakíbúð í Hafnhattan. 

Ef Reykvíkingar kjósa þessa hrægamma enn á ný yfir sig, kjósa Reykvíkingar komandi gjaldþrot borgarinnar með fleiri holum og lélegri þjónustu áratugi fram í tímann. 

Sama má segja um landið í heild. Verðlag ferðamannaþjónustu er uppsprengt og fælir fólk frá Íslandi. Stefnan í ferðamálum er sama jafnaðarstefnan og Jóhanna hafði í Icesave og Dagur B. hefur í borgarmálum: að jafna alla möguleika venjulegs fólks til framfærslu við jörðu niður.

Á sama tíma og ferðamenn afpanta ferðir til Íslands í stórum stíl eru lagðar fram teikningar að nýjum veitingahúsum og hótelum um land allt. Fimm mínútur í tólf fyrir Flugleiðir að selja hótelin áður en allt springur. Ef til vill er það orðið of seint.

Aumingjaskapur ríkisstjórnarinnar við hrægammana er háðuglegur löðrungur framan í landsmenn alla. Katrín Jakobsdóttir glansar í miðlum til flugs borin af sjálfstæðis- og framsóknarmönnum. Engin heilbrigð stefna í krónumálum landsmanna. Brölt Arion er endurtekning á Kaupþingi. Hvaða bankastjóra á að handtaka næst?

Fjármálaspillingin heldur áfram á sömu braut þegar ekkert er gert til að stoppa vitleysisflæðið. Þessi ríkisstjórn mun ekki skrúfa fyrir dellukranann. Hún stendur beinlínis vörð um hrægammakerfið, sem leyfir bönkum að framleiða peninga úr lofti og gerir lög um Seðlabanka Íslands og íslenskan gjaldmiðil að engu.

Og næst kemur ítalska vorið með endurkomu lírunnar og úthýsingu a.m.k. 500 þús manns sem dveljast ólöglega sem innflytjendur í landinu. 

ESB er sökkvandi skip. Enginn stjörnufáni bjargar því frá hafsbotni.


mbl.is Áform um tugi veitingahúsa
Tilkynna um óviðeigandi tengingu við frétt

Innflytjendamálin vega þyngri en hryðjuverk sem stærsta vandamál ESB

Skärmavbild 2018-05-14 kl. 00.51.34
Skv. nýrri könnn YouGov  telja íbúar í 9 af 11 löndum ESB að innflytjendamál séu stærsta vandamálið sem ESB stendur frammi fyrir í dag. 

Fólk í 11 löndum ESB var spurt hvaða einstaka mál væri stærsta vandamálið í dag. Í 9 löndum var svarið innflytjendamálið. Það voru löndin Bretland, Frakkland, Þýzkaland, Ítalía, Danmörk, Svíþjóð, Grikkland, Finnland og Litháen sem svöruðu á þann veg.

Sömu lönd að Ítalíu undanskyldu töldu hryðjuverk vera næst stærsta vandamálið.

Matthew Goodwin hjá brezku hugveitunni Chatham House tísti að "Evrópa færist til hægri. Ef miðjan og vinstrið finna ekkert að segja af viti verður þeim varpað til hliðar, sérstaklega þar sem búast má við að þessar spurningar eigi eftir að verða enn þá mikilvægari fyrir kjósendur". 

 


Tvöfalt fleiri dauðaskot meðal yngri manna í Svíþjóð en í sambærilegum löndum

Í nýrri skýrlsu European Journal on Criminal Policy and Reaserch, þar sem morð með skotvopnum eru athuguð í 12 löndum, kemur m.a. fram að það er tíu sinnum algengara að ungir menn á aldrinum 15 til 29 ára séu skotnir til bana í Svíþjóð en í Þýzkalandi.  

Fyrir 10 árum voru morð á ungum mönnu með skotvopnum álíka algeng í Bretlandi og í Svíþjóð en í dag er það sex sinnum algengara að ungir menn séu drepnir með byssum í Svíþjóð en í Bretlandi. 

Vísindamenn hafa ekki skilgreint þessa aukningu í manndrápum með skotvopnum í Svíþjóð miðað við önnur lönd en benda á að flest slík morð í Svíþjóð séu framin með ólöglegum vopnum og að glæpaklíkur hafi fengið sérstöðu í notkun skotvopna í Svíþjóð miðað við önnur lönd. 

Á fyrsta ársfjórðingi 2018 hefur skotbardögum glæpaklíkna fækkað lítillega í Svíþjóð og færri verið drepnir miðað við sama tímabil 2017.


Foringi jafnaðarmanna í Svíþjóð fær slæma útreið í könnunum eftir umræðuþátt í sjónvarpinu

kristerssonlofven-jpgEftir umræður stjórnmálaleiðtoga í sænska sjónvarpinu í gær voru áhorfendur ánægðastir með frammistöðu formanns Svíþjóðardemókrata Jimmy Åkesson og formann Moderata Ulf Kristersson.

Innflytjendamálin lituðu umræðurnar í nær öllum málaflokkum. Hvort sem rætt var um velferðarmál, skóla -eða húsnæðismál leituðu umræðurnar stöðugt í þann risastóra vanda sem Svíþjóð stendur frammi fyrir vegna allra aðfluttra til landsins. 

Sænskir kratar sem iðulega hafa afneitað vandanum hefa gert þversnúning vegna mikils atkvæðaflótta frá flokknum fremst til Svíþjóðardemókrata og Móderata. Spurningin er hvort viðsnúningur þeirra nái að bjarga þeim frá hruni í kosningunum í haust en sumir búast við að kratar botni allar fyrri kosningar í Svíþjóð. 

Í skoðanakönnunum fékk formaður Svíþjóðardemókrata hæstu einkunn áhorfenda í tveimur mikilvægustu spurningum kosninganna: innflytjendamálum og löggæslumálum. Formaður Móderata þótti standa sig best í atvinnumálum og formaður Umhverfisflokksins í umhverfismálum. 

Formaður sænskra krata komst hæst sem nr 3 í aðeins einum málaflokki. Örvænting hefur gripið um sig í kratahreiðrinu, m.a. hafa sænsku Verkalýðssamtökin LO kostað rándýra auglýsingamynd með grófum lygum um að hægri flokkarnir vilji almenna launalækkun en hægri flokkarnir vilja innleiða lærlingskerfi að nýju sem kratar lögðu niður. 

Kosningar fara fram 9. september n.k.

 


mbl.is Bannaðir í Svíþjóð fari þeir ekki sjálfir
Tilkynna um óviðeigandi tengingu við frétt

Forseti ESB og Kommúnistaflokkur Kína hylla Karl Marx á 200 ára afmælinu

Skärmavbild 2018-05-05 kl. 17.55.09Jean-Claude Juncker hélt ástríðuþrungna ræðu um Karl Marx í þýzka bænum Trier í dag en verið var að halda upp á 200 ára afmæli Marx. M.a. var 4,4 m há stytta af höfundi kommúnistávarpsins afhjúpuð en hún var gjöf frá Kína. Hinum megin á hnettinum minntust kínverskir kommúnistar Karl Marx og mikilvægi marxismans-lenínismans til að koma á kommúnisma um gjörvalla veröld. 

Í hyllingarræðu sinni um Karl Marx sagði forseti ESB að "Allir gerðu betur í að varðveita minninguna um Marx vegna þess að minningar og skilningur eru hluti þess að tryggja framtíðina. Ekki á að dæma Marx fyrir þau afbrot sem áhangendur hans frömdu áratugum eftir andlát hans. Það verður að skilja Karl Marx út frá þeim tíðaranda sem ríkti og ekki falla í gryfju fordóma."

Marx-1332094Seinna ræddi forseti ESB áhrif Karl Marx á Evrópusambandið og sagði að heimspeki Marx hefði kennt Evrópubúum að það væri verkefni þeirra að betrumbæta félagsleg réttindi. 

Margir mótmæltu fyrirhugaðri hyllingarræðu forseta ESB til mannsins sem skapaði hugmyndafræði sem leitt hefur um 100 milljónir manna beint í fang dauðans. Meðlimar Bandaríkjaþings og þingmenn fyrri kommúnistaríkja Austur-Evrópu skrifuðu forseta ESB bréf og hvöttu hann til að hætta við ferðina til Trier.

Þingmenn Fidesz flokksins í Ungverjalandi skrifuðu bréf og mótmæltu þáttöku forseta ESB í afmælishátíð Karl Marx: "Hugmyndafræði marxismans leiddi milljónir manna í dauðann og hundruðir milljónir annarra í örbirgð. Að halda upp á afmæli Marx þýðir að að verið er að gera gys að þeim sem misstu lífið".

Fjölmiðlar víða í heiminum fordæma þáttöku Forseta ESB í 200 ára hátíðarhöldunum um Karl Marx: https://www.independent.co.uk/news/uk/politics/karl-marx-jean-claude-juncker-defends-legacy-a8337176.html
https://news.err.ee/828968/institute-juncker-s-participation-in-karl-marx-anniversary-is-a-disgrace
https://www.express.co.uk/news/world/952181/EU-news-Jean-Claude-Juncker-Karl-Marx-anniversary-Trier-Germany-European-Union
https://www.thesun.co.uk/news/6216414/jean-claude-juncker-blasted-marx/
http://www.ukip.org/juncker_s_decision_to_commemorate_marx_speaks_volumes
http://www.atlanticbb.net/news/read/category/business/article/the_associated_press-eu_chief_dont_judge_karl_marx_for_his_followers_cr-ap
https://dailynewshungary.com/fidesz-meps-call-on-juncker-to-cancel-speech-on-marx-anniversary/
https://fee.org/articles/why-is-the-eu-celebrating-karl-marxs-birthday/
https://euwatch.org/jean-claude-juncker-slammed-for-celebrating-karl-marxs-birthday/
https://www.youtube.com/watch?v=hyPx0K6yms0

 


Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband