Bloggfærslur mánaðarins, maí 2013

Rófuþingi lokið. Alþingi getur hafið störf á ný.

250px-Arnason-front

Tímabili Alþingis í höndum Jóhönnu Sigurðardóttur og annarra landssölukvenna og manna er sem betur fer lokið. Við hæfi er að kalla það tímabil Rófuþing í sögu Alþingis. Í hvert skipti sem erlendir kröfuhafar birtust lagði ríkisstjórnin rófuna á milli lappanna og gerðist erindreki þeirra. Sjálfu Alþingi var breytt í sálarlausa stofnun í höndum spilltra stjórnmálamanna og féflétta, sem selja vildu Ísland fyrir eigin ávinning.

Fyrir 360 árum sleit Oliver Cromwell rófuþingi breska samveldisins og hélt þá ræðu, sem raunar gæti verið útfararræða fráfarandi ríkisstjórnar á Íslandi (í lauslegri þýðingu):

"Það er í hæsta máta kominn tími fyrir mig að binda endi á setu ykkar á þessum stað, sem þið hafið svívirt með fyrirlitningu á allri dyggð og saurgað með syndugu líferni; þið eruð áhöfn sundrungarinnar og óvinur allra góðra ríkisstjórna, þið eruð keyptir þrjótar og líkt Esau viljið þið selja landið fyrir grjónavelling og eins og Júdas svíkja guð ykkar fyrir nokkrar krónur. 

Er einhver heiðarleiki  enn eftir í fórum ykkur?

Er til sá löstur, sem þið hafið ekki þegar með í farangrinum?

Þið hafið ekki meiri trú en hesturinn minn; gull er ykkar guð; hvert ykkar hefur ekki þegar selt samvisku sína fyrir mútugreiðslu?

Er einhver til meðal ykkar, sem lætur sig hag ríkisins hið minnsta varða?

Þið aumu skækjur, hafið þið ekki flekkað þennan heilaga stað og breytt musteri Herrans í þjófahreiður með siðlausum reglum og illum gjörðum?

Þið hafið vaxið í óviðráðanlegt graftarkýli heillar þjóðar; þið sem fólkið treysti fyrir málefnum sínum, þið sjálf eru horfin! Svo! Takið burtu þetta gljáfægða leikfang og opnið dyrnar. Í guðs nafni, farið!"


mbl.is Alþingi komi saman á fimmtudag
Tilkynna um óviðeigandi tengingu við frétt

Boltinn hjá ríkisstjórninni. Nú minnka ég Íslandsbloggið.

f81a76761b27889a

Stærsti árangurinn náðist í sjálfstæðisbaráttunni nýju við að koma hrægammastjórn krata og vinstri grænna frá völdum. Þar með skapast forsendur fyrir ný öfl vinveittari landsmönnum að endurheimta Alþingi og stjórnarstofnanir til endurtrausts hjá þjóðinni og er mikil þörf á slíku eftir botnlausar árásir á lýðveldið innanfrá af hrægammapólitíkusum. 

Baugsfjölskyldan og keyptir stjórnmálamenn vildu sjá Ísland glatað fyrir eigin ávinning. Því miður hefur þetta fólk enga tilfinningu fyrir venjulegum lífsháttum og venjulegu fólki. Pýramídabygging falsaðra verðbréfa, upplognar fjárhæðir hlutbréfa og kjarklitlir einstaklingar, sem voru falir fyrir lægra verð en Júdas forðum, var efniviður stærsta bankasvindls Íslandssögunnar. 

Hátt var reitt til höggs og erlendir heimsvaldasinnar og hrægammar kallaðir til að týna upp afganginn af þjóðinni eftir stórfelldasta seinni tíma bankarán, sem hefur haft afleiðingar víða út fyrir landssteinana. Engin tilfinning sýnd þeirri þjóð, sem í aldanna rás af dugnaði byggði upp landið, sem af mörgum er lýst sem eldfjallahrauni á mörkum hins byggilega heims.

Það er gott að þjóðin er búin að kasta þessu liði út úr stjórnarstofnunum. Það er gott að komið er inn fólk í staðinn með virðingu fyrir lýðræðislegum vinnubrögðum og sögu lands og þjóðar. Fólk sem a.m.k. sýnir einstaklingum virðingu burtséð frá stéttum og störfum.

Þjóðin þarf að vaka yfir fjárhag sínum og hvetja ríkisstjórnina til dáða til að losa þjóðina við hrægammasjóðina út úr landinu.

Þjóðin þarf að vaka yfir heilaþvotti og mútustarfsemi Evrópusambandsins og hvetja ríkisstjórnina til að formlega draga aðildarumsókn Íslands til baka. Þá fyrst getur þjóðin andað léttar varðandi tilraunir heimsvaldasinna að komast yfir Ísland og auðlindir okkar.

Ég mun nú draga niður á bloggskrifum en ekki hætta alveg, þar sem við unnum fullnaðarsigur í Icesave og hlutasigur er unninn í sjálfstæðisbaráttunni. Boltinn varðandi ESB er hjá ríkisstjórninni og þjóðin vill ekki ganga með í ESB, sem logar í deilum stafna milli eftir misheppnuðustu peningatilraun nútímans: evruna. Tugum miljónum manns hefur verið hrundið í líf fátæktar, atvinnuleysis og eymdar með evrunni. Þjóðverjar munu ófúsir skila neinu af hagnaði síðustu ára til baka og spurnig, hvort orð framkvæmdastjórnar ESB vegi ekki þyngra á vogarskál mannkyns en orð drottins því miður.

Ég þakka öllum í sjálfstæðisbaráttunni fyrir góð störf og óska landsmönnum og ríkisstjórn árnaðar og heilla í komandi framtíð. 

 


mbl.is Hlé á viðræðum við ESB
Tilkynna um óviðeigandi tengingu við frétt

Tikkandi bankasprengja Evrópusambandsins

Einfaldast að taka þá peninga sem til eru, þ.e.a.s peninga viðskiptavinarins.

eu2011bAð halda því fram að efnahagurinn sé bágborinn innan ESB er að taka vægt á málunum. Sjöunda ársfjórðunginn í röð minnkar efnahagurinn og það sem óróar mest er áframhaldandi hningnun Frakklands samanber graf frá Bank of America (1), sem sýnir stærð bankakerfisins miðað við þjóðarframleiðslu.global_bank_assets_of_gdp_0.jpg

Efnahagsstærð banka í ESB-löndunum er tröllvaxinn miðað við þjóðarframleiðslu og önnur lönd í heiminum. Frakkland er einna verst úti og minnkandi efnahagur með vaxandi atvinnuleysi (3) þýðir meira útlánatap. Samtals eru slæm lán um 720 miljarði evra og þar af um 500 miljarði evra í verst stöddu löndunum. Slæm lán bankanna í löndum eins og Grikklandi, Spáni og Ítalíu hafa stóraukist og um 25% allra lána Grikklands eru slæm og 13% lána á Ítalíu. (2).20130517_npl1_0.jpg 20130517_npl2_0.jpg

Graf 2 (t.v.) Graf 3 (neðan t.v.) Engum þarf að koma á óvart, að þverstopp er á útlánum til fyrirtækja í kreppulöndunum, bankarnir eru uppteknir af bókfærslukúnstum og þjóna ekki lengur atvinnulífinu. Sjóðir evrulandanna í suðri eru tómir og hættan er – eins og portúgalskir bankamenn vara við, að Kýpursjúkdómurinn breiðist út, þ.e.a.s. að einu peningarnir sem eftir eru – peningar viðskiptavinanna – verði ”skattaðir”. Standard&Poor bendir á að skattgreiðendur verði sífellt mótfallnari að greiða skuldir banka annarra ríkja og sérstaklega hefur Þýzkaland lagst gegn bankabandalagi, sem dregið hefur úr krafti hugmyndarinnar og gerir banka háðari heimalöndunum.

Kýpuraðferðin er fordæmi komandi efnahagslausna og ekki skrýtið, að Portúgalir m.fl. treysti svefndýnunni í ríkari mæli en bönkum fyrir peningum sínum.

Bankagjaldþrot evruríkjanna verða umfangsmikil, þegar stíflan brestur.


mbl.is Evruríki geti farið í greiðsluþrot
Tilkynna um óviðeigandi tengingu við frétt

"Eins og venjuleg launahelgi". Grillveisla og gott skap í Husby.

Ástandið hefur lagast í Stokkhólmi, Albin Näverberg blaðafulltrúi Stokkhólmslögreglunnar, segir að aðfaranótt sunnudagsins hafi það ekki verið mikið verra en um venjulega launahelgi. Lögreglan hafði undirbúið sig enn eitt kvöldið fyrir áframhaldandi ólæti en þau voru með minna móti þrátt fyrir nokkrar bílaíkveikjur í suðurhluta borgarinnar.

Versti atburður næturinnar var að lögreglan handtók 12 fótboltaóeirðamenn í slagsmálum við veitingahús í Stokkhólmi, nokkrir þeirra höfðu ferðast til Stokkhólms frá Gautaborg og í bílum þeirra fundust hnúajárn, kylfur og fleiri vopn til götubardaga. Ferð þeirra er talin í tengslum við fótboltaleiki fremur en ólætin. 4 aðrir einstaklingar í bíl með grímum og vopnum til götubardaga voru handteknir í Fittja og nokkrir til viðbótar við Telefonplan í Suður-Stokkhólmi. Óljóst er með samhengi þessara ungmenna við ólætin.

clhusby

Í Husby, þar sem ólætin byrjuðu, grillaði fólk pulsur og ræddi málin. "Við viljum sýna, að Husby er ekki bara upplausn, Husby er ekki brenndir bílar og steinkast, Husby er kærleikur," sagði Awen Redar einn af veislugestunum.

"Við hugsuðum að við verðum að gera eitthvað til að binda endi á þetta allt saman", sagði Zakaria einn af hvatningsmönnum grillveislunnar. 

Myndin af hverjir stóðu fyrir ólátunum er stöðugt að verða skýrari skv. Dagens Nyheter. Opinberlega eru 19 ungir menn grunaðir um morðíkveikjur, ofbeldi og ólæti. Yfirheyrslur halda áfram um helgina og saksóknari tekur síðan ákvörðun um áframhald fangelsisvistar. Flestir mannanna hafa áður komið við sögu lögreglu og hafa á sér dóma m.a. fyrir eiturlyfjabrot. Þeir eru á aldrinum 15-28 ára og flestir koma frá Stokkhólmi, aðrir utan af landi. Einn maður 25 ára gamall hefur á sér 65 dóma og fleiri á leiðinni í nýlegum afbrotum. Nokkrir eru þó í fyrsta skipti í kasti við lögin en sumir þeirra yngstu hafa átt erfiðar heimilisaðstæður og eru þekktir af félagsmálayfirvöldum.

Móðir einna yngstu drengjanna er mjög reið yfir atburðunum og skilur ekki af hverju sonur hennar dróst með í lætin eða af hverju þau byrjuðu: "Ég held, að allir foreldrar séu öskureiðir, líka við með börn, sem eru grunuð um ólætin. Það er alls ekki þannig að okkur sé sama um unglingana okkar, þvert á móti", segir hún í viðtali við Dagens Nyheter. 

Fyrir utan Bandaríkin og Bretland hefur Holland einnig varað landsmenn sína og hvetur þá til "að vera á varðbergi" í úthverfum Stokkhólms. Nýja Sjáland hefur einnig sent út svipaða viðvörun.

Þegar ólæti brutust út í Rosengården í Malmö árið 2008 ákváðu foreldrar og aðrir íbúar að binda endi á ólætin og sendu textaboð símleiðis til grannanna og fóru út á nóttunni. Það varð til að ólætin hættu en þegar verst var voru 18 unglingar handteknir eina nóttina. Enginn þeirra var frá svæðinu og margir þeirra tilheyrðu vinstriöfgahópum, sem vilja taka völdin í samfélaginu með ofbeldi. Íbúarnir halda sjálfir uppi öflugu starfi frá skrifstofu sem heitr Varda. Nafnið er blanda arabíska orðsins "warda" sem þýðir blóm og sænska orðsins "vardag" sem þýðir venjulegur dagur.

Ráð Varda til fjölmiðla:

"Sjáið til þess að margar raddir heyrist. Skrifið ekki bara, þegar eldar loga." 


mbl.is Óeirðirnar í Stokkhólmi breiðast út
Tilkynna um óviðeigandi tengingu við frétt

Skrílslæti í Örebro og Linköping s.l. nótt. Rólegra í Stokkhólmi, þrátt fyrir íkveikju bíla.

ten

 

 

 

 

 

Þrátt fyrir að ólætin haldi áfram er alla vega hætt að kasta steinum á lögreglu og slökkviliðsmenn. Lögreglan í Stokkhólmi telur því, að aðfaranótt laugardagsins hafi verið rólegri en áður, þrátt fyrir áframhaldandi bílaíkveikjur. T.d. var kveikt í 21 bílum í Åkersberga norður af Stokkhólmi snemma í morgun og lögreglan sendi út þyrlu til að elta brennuvargana en þyrlan lenti aftur um áttaaleytið í morgun án árangurs. Lögreglan er samt vongóð vegna vitna að atburðunum. Enginn órói var í hverfinu eða læti svo ýmsir telja, að brennuvargarnir séu hluti af skipulagðum skemmdarstarfshóp, sem vill auka á lætin.

Sænska dagbladet segir í dag, að 60 hægriöfgasinnar (nýnazistar/gs)  keyrðu um á 30 bílum í úthverfum Stockhólms en lögreglan fylgdi þeim eftir og dreifði hópnum m.a. í Tumba, þar sem grímuklæddur hópurinn elti fólk á götum. Lögreglan handtók 18 en gefur ekki upp, hvort um nýnazista sé að ræða.

Í Örebro réðust 30 grímuklæddir menn með steinkasti á lögreglu og slökkviliðsmenn, kveiktu í bílum og réðust á lögreglustöðina. I Linköping var kveikt í skóla, barnaheimili og átta bílum.

Dómsmálaráðherra Svíþjóðar Beatrice Ask hélt fund í gær með fulltrúum lögreglu og leynilögreglunni SÄPO. Eftir fundinn kom fram, að lögreglan greinir þrjá hópa að baki skrílslátunum: staðbundnir unglingar, þekktir glæpamenn og "lítil klíka atvinnuaktívista". Í síðasta hópnum eru einstaklingar, sem lögreglan þekkir og tilheyra vinstri öfgahópum, sem vilja breyta samfélaginu með ofbeldi og skemmdarverkum. Flestir þeirra eru áður dæmdir lögbrjótar. Lögreglan þekkir fólkið m.a. af vinnubrögðum hópsins, sem fer á undan og brýtur upp götusteina fyrir aðra til að kasta. Einnig hefur komið fram, að í vissum úthverfum hafa utankomandi aðilar komið til að skapa skrílslætin, t.d. í Älvsjö var enginn þeirra, sem lögreglan handtók frá staðnum en einhver frá Linköping og t.o.m. frá Danmörku.

941741_530621980334030_1789906849_n

 

 

 

 

 

 

 

 

 

Fleiri hundruð Stokkhólmsbúar hafa verið á "náttgöngu" í nótt í úthverfum í norðurhluta Stokkhólms og þakkar lögreglan því, að hætt er að kasta steinum á lögregluna. Í Husby hafði einhver hengt upp plakat með textanum: Skildu steininn eftir og taktu pulsu. Þar var grillað í nótt og fólk ræddi málin.

Samtökin "Snertið ekki hverfið mitt" skipulagði náttgönguna. Fleiri önnur samtök eins og Mömmur og pabbar í bænum virkjuðu meðlimi sína fyrir náttgöngu. Almenningur vinnur saman með yfirvöldum að koma á ró aftur og allir staðráðnir í því að láta ekki glæpalýðinn taka yfir stjórnina í samfélaginu. Þótt atvinnuleysi sé mikið meðal ungs fólks í Svíþjóð, þá er það ekki eina skýringin á uppþotunum. Almenningur er friðsamur og allir sjá og skilja, að þeir sem þykjast vera að tala í nafni innflytjenda eru 100% umboðslausir, því skemmdarstörfin bitna fremst á innflytjendum. Hér er um að ræða ofbeldisglæpalýð, sem notar hvert tækifæri til að æsa til óláta eins og áður hefur komið upp t.d. í sambandi við knattspyrnuleiki hér með leiðinlegum afleiðingum fyrir íþróttina. 

 

 


Versta hrinan vonandi yfirstaðin

tmp394462893216628738_1202659.jpgUmfangsmiklar skemmdir hafa orðið í ólátum síðustu fimm nætur í úthverfum Stokkhólmsborgar. Sænska dagbladet birtir í dag kort með helstu atburðum og eru þeir nýjustu merktir rauðu en eldri með gulu. Dreifing atburða sýnir að ástæðan sem sögð var í upphafi látanna, þegar lögreglan skaut á vopnaðan mann, sem hafði ógnað íbúum Husby og lokaði sig inni í íbúð með konu með þeim afleiðingum að maðurinn dó, hefur ekkert með skrílslætin að gera. Konunni var bjargað. Einn ungmennanna í óeirðunum sagði í viðtali við fjölmiðla að enginn þáttakandi í skrílslátunum væri neitt að hugsa um manninn sem dó. Sá atburður hefði einungis verið notaður til að æsa til ólátanna.

Hátt atvinnuleysi ungmenna er heldur ekki einhlít skýring, því þá ættu svipaðar óeirðir að hafa brotist út í ýmsum bæjum í Norður-Svíþjóð, sem hafa nær lagst í eyði og íbúarnir fluttir til stórborganna. Aftonbladet tók í vikunni viðtal við tvo unga menn í Husby, sem vissu hverjir áttu upphafið að ólátunum þar og lýstu þeim sem ungum mönnum, sem kenna samfélaginu um allt, neita að taka vinnu þegar hún býðst og velja líf á félagsbótum og í einangrun.

"Þeir spyrja aldrei sjálfan sig, þegar þeir líta í spegilinn, hvað get ég gert til að betrumbæta líf mitt," sagði annar þeirra. Annar ungur maður sagði í viðtali, að hann sæji mikið eftir því að hafa tekið þátt í ólátunum:

"Ég og vinir mínir fórum til að sjá, hvað væri að gerast. Svo fóru vinir mínir heim en ég varð eftir og byrjaði að kasta grjóti. Ég var tekinn af lögreglunni og verð líklega dæmdur fyrir ofbeldi gegn lögreglumönnum og morðíkveikju. Mig dreymdi um að verða slökkviliðsmaður, það get ég ekki orðið núna."

Lögregla breytti um aðferð, þegar hún komst að því, að hún var plötuð með bílaíkveikjum og setið fyrir henni í launsátri af hópi unglinga, sem kastaði steinum í hana. Lögreglan leggur höfuðáherslu að finna upphafsmenn ólátanna, sem dregið hafa með sér unglinga allt niður í 12 ára aldur.

Alexandra Pascalidou skrifaði í grein í Dagens Nyheter í vikunni, að ungir drengir utan við samfélagið "sem ekki sæju möguleika á því að keppa um að vera bestir í góðum málum kepptu í staðinn um að verða bestir í slæmum málum." Margt ungmenna réttlætir aðgerðirnar með þeirri geysimiklu fjölmiðlaeftirtekt, sem þau hafa fengið fyrir ólætin: "Áður þegar við beittum friðsamlegum aðgerðum sá okkur enginn en lítið bara á núna, meira að segja heimspressan kemur hingað til litla Husby."

Mikið af bakgrunninum er sem sagt athyglisþörf ungra drengja, sem margir eru ráðvilltir en ljóst er engu að síður, að öfgaöfl reyna að spila á neikvæðar tilfinningar og æsa upp til óeirða gegn "ríkinu."

Forsætisráðherra Svíþjóðar Fredrik Reinfeldt sagði skýrt og skorinort, þegar hann svaraði gagnrýni Sverigedemókratanna og Sósíaldemókratanna, sem reyndu að slá pólitískar keilur í málinu og gera það að sérstöku innflytjendavandamáli, að hann myndi ekki gera flokkspólitík úr ástandinu. "Við hliðina á ofbeldissinnunum er fólk með nákvæmlega sama bakgrunn í sömu stöðu, sem hvorki kastar steinum né brennir bíla."

Í Dagens Nyheter sagði blaðakonan Jessica Ritzén: "Af 12 þúsund íbúum Husby kasta ekki 11975 steinum í lögreglu eða slökkviliðsmenn."

Skaðinn beinist fremst að íbúum svæðanna sjálfra, sem missa bíla, skóla fyrir börnin og kaupmiðstöðvar/neðanjarðarlestarstöðvar með brotnum rúðum. Tryggingafélögin hafa varað við hækkandi iðgjöldum í kjölfar óeirðanna. Lögreglan í Stokkhólmi hefur beðið um varalið frá lögreglu landsins: "Við ætlum ekki að taka okkur frí, þótt það sé komin helgi." Lögreglan hefur fengið mikið af blómum, þakkarbréfum og jafnvel tertum frá íbúum Stokkhólms og margir innflytjendur hafa lýst reiði sinni yfir skemmdunum.

Bæði bandaríska og breska sendiráðið hafa sent út viðvörun til ríkisborgara sinna og varað við að vistast í úthverfum Stokkhólms að kvöldi til og halda sér frá mannfylkingum. 

Slökkviliðsmaðurinn Mattias Lassén er orðin þjóðfrægur eftir að hann fékk stein í hjálminn, sem brotnaði, þegar 20 til 30 unglingar köstuðu grjóti á slökkviliðsmenn. Þegar hann kom heim skrifaði hann eftirfarandi bréf sem farið hefur sem eldur í sinu á fésbókinni:

"Af hverju gerið þið þetta á móti mér?
Ég er hér ef pabbi þinn þarfnast hjálpar, ef hann lendir í árekstri á bílnum sínum, ég hjálpa systur þinni ef það byrjar að loga í eldhúsinu hennar. Ég syndi í ísköldu vatni til að hjálpa litla bróður þínum ef hann dettur úr báti út í vatnið, jafnvel þótt það sé ískallt. Ég hjálpa ömmu þinni ef hún fær hjartaáfall og ég mun einnig hjálpa ÞÉR ef ísinn brestur einn sólardag í mars. Af hverju ert þú að gera mér þetta? Ég á líka fjölskyldu, sem vill fá mig heim aftur, alveg eins og þú."

Þessi sjón mætti mér á fimmtudagsmorgni á bílastæðinu. Minn bíll kláraði sig óskemmdur. Ég bý í Sollentuna, næsta granna við Kista og Husby.

575683_10151476128947725_352900869_n.jpg969731_10151476129102725_897929653_n.jpg


mbl.is Enn loga úthverfi Stokkhólms
Tilkynna um óviðeigandi tengingu við frétt

70% mjólkurbænda Svíþjóðar hafa neyðst til að hætta búskap eftir aðild Svía að ESB

svenskamjolkbonder.png

 

 

 

 

 

Á síðustu 10 árum hafa yfir 5 þúsund mjólkurbændur hætt búskap í Svíþjóð. Árið 2003 voru um 10 þúsund starfandi mjólkurbændur í Svíþjóð. Þegar litið er á tímabilið frá inngöngu Svía í ESB 1994, þá voru mjólkurbændur Svía um 17 þúsund en eru í dag einungis 5 þúsund eða tæplega 30% þess fjölda sem framfleytti sér við mjólkurbúskap, þegar Svíar gengu með ESB.

Þróunin hefur verið sú, að kostnaður við tækniþróun samfara lækkandi mjólkurverði hefur slegið út lítil og meðalstór bú og býlin, sem lifað hafa af, hafa stækkað og gengið saman. Í sjónvarpsviðtali fyrir nokkru sagði einn kúabóndi, sem hafði lánað og fjárfest í nýjustu tækni þar sem mannshöndin kemur varla nálægt mjólkun, að það skipti engu máli, hversu mikla tækni hann keypti eða hversu mikil afköstin yrðu, því hann næði samt ekki að framleiða mjólk án tapreksturs.

Lækkandi mjólkurverð, aukinn innflutningur landbúnaðarafurða frá m.a. Danmörku, Frakklandi og Finnlandi, hefur leitt til þess að verslanir ICA í vissum landshlutum Svíþjóðar hafa hækkað mjólkurlíterinn um eina sænska krónu, sem gengur beint til mjólkurbóndans. Svíar vilja ekki að landbúnaðurinn leggist niður og vilja því borga dýrari mjólk, til að halda lífi í sænska bóndanum.

Í viðtali við sænska sjónvarpið 22. maí sagði landbúnaðarráðherra Svíþjóðar Eskil Erlandsson, að hann ætli að styrkja stöðu kýrinnar með því að ríkið greiði 1.500 sænskar krónur árlega fyrir hverja mjólkurkú til bænda.


Áskorun um formleg aðlögunarslit við ESB

39 einstaklingar (ég er einn af þeim) haf sent áskorun til væntanlegrar ríkisstjórnar að binda endi á aðlögunarferli Íslands að ESB með formlegum hætti:


Reykjavík, 22. maí 2013

Við undirrituð skorum á ríkisstjórn Framsóknarflokks og Sjálfstæðisflokks að binda enda á frekari aðlögun Íslands að Evrópusambandinu með formlegum hætti og standa þannig við síðustu landsfundarályktanir um stefnu flokkanna í utanríkismálum.


Greinargerð:

Eitt þeirra atriða sem má lesa út úr niðurstöðu nýafstaðinna alþingiskosninga, þar sem 51,1% kjósenda greiddu núverandi ríkisstjórnarflokkum atkvæði sitt, eru skýr skilaboð um aðrar málefnaáherslur en fyrrverandi ríkisstjórnar; m.a. varðandi Evrópusambandsaðild.


Evrópusambandið glímir sjálft við gjaldmiðils- og skuldaskreppu sem ekki er séð fyrir endann á. Í þessu sambandi er vert að draga það fram að fyrrverandi fjármálaráðherrar bæði Bretlands og Þýskalands, sem mæltu með og stuðluðu að aðild landa sinna að Evrópusambandinu á sínum tíma, hafa lýst yfir þungum áhyggjum af stefnu ESB og þeirri áherslu sem sambandið leggur á viðhald evrunnar.


Nigel Lawson, fyrrverandi fjármálaráðherra Breta, staðhæfir að efnahag Bretlands sé betur komið utan ESB auk þess sem útganga úr sambandinu muni hafa jákvæðar afleiðingar innanlands í lýðræðisátt. Oskar Lafontaine, fyrrverandi fjármálaráðhera Þýskalands, gengur sínu lengra þar sem hann hefur hvatt til þess að evrusamstarfið verði leyst upp til að forða frekari efnahags- og samfélagshörmungum ýmissa ríkja Suður Evrópu (sjá hér).


Afstaða fyrrverandi fjármálaráðherra er í fullu samræmi við viðvörun Yves Daccord, framkvæmdastjóra Alþjóðaráðs Rauða krossins,  frá upphafi ársins. Í viðtali við danska blaðiðPolitiken varaði hann við vaxandi fátækt í löndum Suður- og Austur-Evrópu vegna efnahags-kreppunnar (sjá hér). Með orðum sínum staðfestir Oskar Lafontaine ekki aðeins það sem kemur fram hjá framkvæmdastjóra Alþjóðaráðs Rauða krossins heldur dregur hann myntbandalagið fram sem orsakavald.


Aðlögunarferli Íslands að Evrópusambandinu hefur dregið dýrmætan tíma, fjármuni og orku fráfarandi stjórnvalda frá brýnni verkefnum. Nú er tækifæri til að snúa þessu við með því að binda endi á aðlögunina og byggja upp samstöðu um uppbyggingu fullvalda ríkis sem tekur sjálfstæðar ákvarðanir um grundvallarmálefni eins og efnahagsmál og milliríkjaviðskipti.


Undirskriftir:

Anna Ólafsdóttir Björnsson, frambjóðandi Regnbogans í nýliðnum kosningum
Atli Gíslason, frambjóðandi Regnbogans í nýliðnum kosningum
Árdís Magnúsdóttir, tækniteiknari
Ásgeir Geirsson, formaður Herjans, félags stúdenta gegn ESB-aðild
Baldvin H. Sigurðsson, frambjóðandi Regnbogans í nýliðnum kosningum
Bjarni Bergmann, leigubílstjóri
Bjarni Harðarson, bóksali á Selfossi og stjónarmaður í Heimssýn
Björg Sigurðardóttir, frambjóðandi Regnbogans í nýliðnum kosningum
Björgvin Rúnar Leifsson, framhaldsskólakennari
Eiríkur Ingi Garðarsson, í stjórn SAMSTÖÐU
Elinborg K. Kristjánsdóttir, frambjóðandi Regnbogans í nýliðnum kosningum
Friðrik Atlason, oddviti Regnbogans í Reykjavíkurkjördæmi suður í nýliðnum kosningum
Guðjón Halldór Höskuldsson, iðnaðarmaður
Guðni Karl Harðarson, félagi í SAMSTÖÐU
Guðmundur Brynjólfsson, rithöfundur og djákni
Guðrún Skúladóttir, sjúkraliði
Gunnar Skúli Ármannsson, læknir
Gunnar Guttormsson, vélfræðingur
Gunnar Waage, stjórnarmaður í Heimssýn
Gunnlaugur Ingvarsson ráðgjafi og stjórnarmaður í Heimssýn
Gústaf Skúlason, meðlimur í Heimssýn
Halldóra Hjaltadóttir, formaður Ísafoldar, félags ungs fólks gegn ESB
Hallgeir Jónsson, í stjórn SAMSTÖÐU
Haraldur Ólafsson, prófessor í veðurfræði
Helga Garðarsdóttir, félagi í SAMSTÖÐU
Hjörleifur Guttormsson, fyrrverandi þingmaður og ráðherra
Hörður Guðbrandsson, stjórnarmaður í Heimssýn
Jón Reginbald Ívarsson, nemi við tölvunarfræðideild Háskólans í Reykjavík
Jónas Pétur Hreinsson, iðnrekstrarfræðingur og félagi í SAMSTÖÐU
Karólína Einarsdóttir, frambjóðandi Regnbogans í nýliðnum kosningum
Kristján Jóhann Matthíasson, fyrrverandi sjómaður
Rakel Sigurgeirsdóttir, varaformaður stjórnar SAMSTÖÐU
Rannveig Sigurðardóttir, skrifstofumaður
Sif Cortes, viðskiptafræðingur
Sædís Ósk Harðardóttir, frambjóðandi Regnbogans í nýliðnum kosningum
Valdís Steinarsdóttir, oddviti Regnbogans í Suðvesturkjördæmi í nýliðnum kosningum
Þollý Rósmundsdóttir, stjórnarmaður í Heimssýn
Þórarinn Baldursson, vélamaður
Þórarinn Einarsson, aktívistiReykjavík, 22. maí 2013 

Svíar sömdu um undanþágu frá evrunni

saga

Ég átti áhugavert viðtal við sænska þingmanninn Karl Sigfrid fyrir útvarp Sögu í fyrri viku. Tilefnið voru ummæli José Manuel Barrósó um, að öll aðildarríki ESB að Bretlandi og Danmörku undanskildu yrðu að taka upp evruna. Kallaði sænski þingmaðurinn yfirlýsingu Barrósós “ögrandi fyrir Svía”, þar sem Svíar hefðu samið um undanþágu frá evrunni, er þeir gengu með í ESB 1994. Karl Sigrid er þingmaður Moderata Samlingspartiet síðan 2006 og á sæti í ESB-nefnd sænska þingsins.

karlsigfridÍ viðtalinu sagði Karl Sigfrid orðrétt:

“Það er opinber stefna Svíþjóðar, að Svíar ákveði sjálfir, hvort við tökum upp evruna eða ekki. Við kusum um evruna 2003, sem meirihluti Svía hafnaði á mjög skýran hátt og í dag vilja 9% Svía taka upp evruna. Í Evrópusáttmálanum segir, að öll lönd skulu ganga með í Myntbandalagið og taka upp evru með undanþágu fyrir Bretland og Danmörku.

Þegar Svíþjóð gekk með í ESB, þá sögðu sænsku samningamennirnir við Framkvæmdastjórnina að Svíar áskildu sér réttinn að vera fyrir utan evrusamstarfið nema ef þjóðin sjálf myndi velja að ganga með. Framkvæmdastjórnin tók á móti þessum upplýsingum - einnig skriflega og hefur engar athugasemdir gert við þetta, þannig að það er innifalið í samningi Svíþjóðar og Evrópusambandsins, að við ákveðum sjálfir, hvort og hvenær við tökum upp evruna eins og ég túlka það.”

Ef Framkvæmdastjórn ESB vildi þvinga Svía að taka upp evru yrðu hún fyrst að fá dómstólsúrskurð Evrópudómstólsins og síðan þarf að binda gengi sænsku krónunnar um tíma áður en hægt er að innleiða evruna. Svíþjóð hefur ekki gert það og að mati Karls Sigfrid væri það upp til Svía að ákveða, hvort þeir teldu sig “hæfa til að taka upp evruna.” Sigfrid trúir ekki að málin gangi það langt enda yrðu viðbrögð Svía mjög sterk ef ESB veldi þá leið.

“Það er furðulegt, að Barrósó skuli gefa út þessar yfirlýsingar, því þær slá tilbaka á þá sjálfa, það hljóta þeir að skilja líka vegna þess í hversu djúpri kreppu evran er. Mér finnst, að hann ætti að taka þessa yfirlýsingu til baka og viðurkenna, að þetta var nú ekki alveg rétt með málið farið, alla vega ekki gagnvart Svíum.”

Um þróun ESB í átt til sambandsríkis sagði Karl Sigfrid:

“Þetta er markmið alla vega Frakklands og Þýzkalands. Í Svíþjóð höfum við ekki þessa afstöðu, við lítum fyrst og fremst á samstarfið um opin landamæri fyrir frjálsa verslun milli ESB landanna. Við lítum alls ekki á, að við eigum að byggja nýtt ríki með sameiginlegri fjármálastjórn, sköttum o.þ.h. eins og ýmis lönd ESB vilja. Þetta leiðir til óheyrilegs stjórnmálatitrings núna á næstunni, t.d. hafa Bretar loksins brugðist við og ætla að halda þjóðaratkvæðagreiðslu um hvort þeir haldi áfram sem meðlimur. Þá mun stjórnin reyna að komast að samkomulagi við ESB um lausari bönd við ESB og Bretar taka afstöðu til þess eða hvort þeir segi sig alfarið úr sambandinu.

Miklar skuldbindingar fylgja því að ganga með í ESB, sem fá yfirgripsmiklar afleiðingar, sem engan veginn má taka létt á. Það höfum við séð í Svíþjóð, að Evrópusambandið hefur breyst mjög mikið frá því við gengum með 1994, það er geysilegur munur á ESB í dag og ESB eins og það var þá. Öll þróunin er í átt að sameiginlegri ákvarðatöku.”

 


Ekki orð um Icesave, ekki orð um ESB

steingrimur_j_sigfusson_island.jpgSteingrímur auglýsir í Financial Times að hann sé orðinn atvinnulaus vegna vitlausra kjósenda á Íslandi, sem misskilji langtíma uppbyggingu sjálfbærs fjármálabúskapar.

Hann fetar í þekkt kratafótspor og vekur athygli á sjálfum sér, ef til vill í þeirri von að fá vinnutilboð frá Tony Blair og öðrum ESB sértrúarsinnum, sem halda hverjir öðrum heitum í bandalagi féflétta. 

Í grein sinni í FT minnist hann ekki einu orði á Icesave og ekki einu orði á ESB. Tvö af stærstu málum kvalara íslensku þjóðarinnar s.l. kjörtímabil.

Ætlast hann til þess að lesendur FT trúi skýringarleysi hans á útkomu kosninganna?

Ekki eru nú Bretar á þeim brókunum að vera mikið lengur innan ESB. En Steingrímur vill fá verðlaun fyrir að hafa svikið þjóðina og logið að henni, að aldrei hafi verið sótt um aðild að ESB heldur hafi þetta bara viðræður um að "kíkja í pakkann".

Steingrímur Evrópusambandsins hafa stolið framtíð heillar kynslóðar á evrusvæðinu, eyðilagt líf miljóna manns og vilja fá kauphækkun fyrir. Steingrímur Íslands vill ekki vera minni maður.


mbl.is Væntingar kjósenda óraunhæfar
Tilkynna um óviðeigandi tengingu við frétt

Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband