Orkupakkasinnar harðsvíruðustu verjendur hins glataða ríkjasambands

Það hefur ekki verið falleg ásjón að sjá yfirgang kjörinna sem ókjörinna embættismanna við að troða orkupakka 3 ofaní landsmenn. Skv. utanríkissráðherra og fyrrverandi dómsmálaráðherra er um norska innrás á Ísland að ræða. T.o.m innrás í Sjálfstæðisflokkinn, þannig að samþykkt Landsfundar Sjálfstæðisflokksins er norsk en ekki íslensk. Segja þeir og trúa að meirihluti Íslendinga sem vilja ráða málum sínum sjálfir og halda ákvörðunarvaldi í orkumálum í höndum Íslands í stað ESB hafa þá afstöðu að vilja eyðileggja EES-samninginn vegna haturs á ESB. Skiptir engu máli hvort um fyrrverandi utanríkisráðherra Jón Baldvin eða flokksbróðir hans Sighvat Björgvinsson er að ræða, sem báðir eru eitulharðir forsvarsmenn EES-samningsins, - öllum er fleygt í pytt ESB-hatara. Mætti halda að orkupakkamönnum hafi verið byrlað eitur af Norðmönnum og þeim sé mál að tala eins og þetta gætu orðið þeirra síðustu orð. Þannig hljómar það líka þegar afleiðingarnar af því að fylgja reglum EES-samningsins og segja nei og fá undanþágu frá inngöngu í Orkusamband ESB eru ræddar. Aðeins umræður um heimsendi eru sambærilegar sbr. helvítiskenningar Donald Tusks.

Allir vita - líka orkupakkasinnar - að það eru helber ósannindi að halda því fram að ESB sé venjuleg "alþjóðastofnun" og bara sé að gera business as usual. Sambandið logar eins og Notre Dame og vatnsslöngur hvergi sjáanlegar til að slökkva eldinn. Fáir geta útskýrt þetta jafn trúverðuglega og Mervyn King sem skilur hvernig fjármálamarkaðir og peningaöflin virka. Íslenska ríkisstjórnin fer að sjálfsögðu ekki að hrófla við þeim rökum heldur mun segja eins og farþegarnir á lúxusfarrými Titanics: "hvaða eftirrétt eigum við að snæða á meðan skipið sekkur?"

Það er mikið veikleikamerki á málflutningi orkupakkasinna að ekki megi blanda viðsemjandanum - ESB í málið. Að gera það er heilbrigð skynsemi og hefur ekkert með hatur að gera.

Er einhver kominn í rökþrot?

Vissu að evrusvæðið myndi leiða til efnahagserfiðleika

Rétta leiðin fyrir ríkisstjórnina: Segja af sér og efna til nýrra alþingiskosninga

Utanríkisráðherra má líkt lærisveini Leníns skamma landsmenn fyrir að hafa ekki lesið eitthvað af öllum trilljónum orðum í lagaræputexta ESB sem hann síbyljar um hversu gæfulegur sé fyrir landsmenn. Sjálfur getur hann ekki tileinkað sér fáeinar línur í stjórnarskrá lýðveldisins Íslands. Heimildarmennirnir sem Guðlaugur Þór Þórðarson hefur borið fyrir sér til að réttlæta fordæmalausa afhendingu fullveldisins til erlends ríkjasambands segja samt aðra sögu en ráðherrann reynir að troða ofaní landsmenn:

"Stefán benti á að hin lög­fræðilega leið væri að vísa mál­inu aft­ur til EES-nefnd­ar­inn­ar og sé sú leið sem EES-samn­ing­ur­inn geri ráð fyr­ir að sé far­in" (mbl. 6.maí 2019).

Utanríkisráðherrann gerði best í því að segja af sér eftir öll ósannindin sem hann hefur matreitt ofaní þjóðina að undanförnu. Þjóðin á að senda hann og pakkamenn í ævarandi skammarkrók en gefa þeim samtímis möguleika á fræðinámi í átthagaást.

Byrja má á sögunni um Sigríði í Brattholti sem hótaði að henda sér í Gullfoss þegar fyrsta skóflustungan vegna virkjunarframkvæmda útlendinga yrði tekin. Orkupakkamenn gætu þá reynt að að skilja, þótt ekki væri nema örlítið brot af því, hvers vegna Sigríður naut svo mikillar aðdáunar almennings fyrir að vilja verja fullveldi fossins með lífi sínu.

 

Lögfræðilega rétt að hafna innleiðingu

"Ég borða hatur – mata mig á hatri"

Þetta er ekki frétt um íslenska Hatara í Ísrael heldur hatara í Svíþjóð í samstarfsverkefni lögreglu, rannsóknarstofnun hersins FOI, Uppsala háskóla og Vinnova. Markmið verkefnisins er að þróa fram eftirlitsvél á netinu sem fangar upp "hatursumræðu" svo hægt sé að auðgreina og elta uppi hatara, loka síðum þeirra og jafnvel kæra og handtaka og færa fyrir dómstól. Eru Svíar hvattir til að mata inn hatur í texta til að aðstoða við verkefnið. Á heimasíðunni hatomaten.com segir:

"Hatomaten er stafrænt vélmenni sem vill láta mata sig á hatri til þess að þróa algóritmer (reiknilíkön/gs) sem seinna meir hjálpar okkur að uppgötva hatur í skrifuðu máli. Nethatur, þ.e.a.s. hótanir, uppátroðslur og misboðun gagnvart hópum eða einstaklingum í stafrænu umhverfi hefur áhrif á okkur öll og ógnar málfrelsinu. Hatomaten er vísindaverkefni sem rannsakar möguleikana á tækni til að auðkenna hatursfull skrif á sænsku. Hjálpið okkur gjarnan til að stuðla að betra og opnara Internet!"

Hmm. Já, einmitt....

Vélmenni til að stöðva "röng" orðaskifti í skrifuðum texta á netinu. Sem sagt stafræn netlögregla og njósnari um skoðanir fólks.

Góða fólkið er orðið svo gott að það minnir á tímann áður en Hitler þrammaði inn á sviðið.

Að rugla saman lýðræði við nazisma er ein leið til að rugla unga kynslóð dagsins sem upplifði ekki sjálf hrylling nazismans og kommúnismans og siga æskufólkinu á þá sem verja lýðræði og frelsi. 

Góða fólkið leggur veginn fyrir endurkomu Hitlers.

Heyr, Heyr Tómas Ingi – sækjum fram í stað þess að hörfa!

Tómas Ingi Olrich skrifar stefnumótandi grein í Mbl. í dag um orkupakkann. Fer hann þar vandlega yfir rök með og á móti innleiðingu þriðja orkupakkans og kemst að þeirri niðurstöðu að stökkbreyting hafi orðið á þingflokki Sjálfstæðisflokksins í kjölfar skýrslu Stefáns Más Stefánssonar og Friðriks Árna Friðrikssonar Hist. Leiðin sem þingflokkur Sjálfstæðsiflokksins hafi valið sé undahald sem ekki sé lengur hægt að segja að sé skipulagt. Bendir Tómas á þá einföldu staðreynd að samningsaðili Íslands, ESB, sé pólitísk stofnun en ekki einhver venjuleg alþjóðastofnun:

"ESB er póli­tísk stofn­un, tolla­banda­lag, sem hef­ur lengi velkst í vafa um hvort það eigi að stefna í átt til einn­ar rík­is­heild­ar eða ekki. Sú umræða er enn óút­kljáð. Í nokkr­um rykkj­um hef­ur þó ESB þró­ast í átt til auk­ins miðstjórn­ar­valds. Orku­til­skip­an­ir ESB eru hluti af þess­ari þróun." 

Segir hann mun á að gera samning við ríki og alþjóðastofnun og hafnar ruglingi á þessu tvennu. Þetta er einmitt kjarni þeirrar áhyggju sem flestir þeir sem eru andsnúnir innleiðingu þriðja orkupakkans hafa, að menn vilja ekki láta erlent vald taka ákvarðinir fyrir okkur Íslendinga. Þar eigum við sjálf að ráða eigin málum og örlögum okkar. Þingmenn Sjálfstæðisflokksins þegja meðvitað um þennan þátt mála og neita að ræða hann, þótt það sé sjálfur kjarni gagnrýninnar.

Tómas skrifar: "Þegar fræðimenn hug­leiða stöðu Íslands gagn­vart um­heim­in­um, sjálf­stæði þjóðar­inn­ar og það svig­rúm sem stjórn­ar­skrá lýðveld­is­ins veit­ir eða veit­ir ekki til að færa vald­heim­ild­ir und­an stjórn­völd­um, þá hlýt­ur að skipta máli, hvort slíkt af­sal valds er til viður­kenndr­ar alþjóðlegr­ar stofn­un­ar, ell­egar til ann­ars rík­is, eða póli­tísks bræðings á borð við ESB. Evr­ópu­sam­bandið vík­ur til hliðar flest­um viðmiðum sem til­tek­in eru sem grund­völl­ur lýðræðis­ríkja. Það hlýt­ur því að vera sér­stök ástæða til að vanda til at­hug­un­ar á því hvort ís­lenska stjórn­ar­skrá­in veit­ir yf­ir­leitt nokkuð svig­rúm til valda­afsals til ann­ars rík­is eða fjölþjóðlegs tolla­banda­lags, sem hag­ar sér að flestu leyti sem ígildi rík­is."

Um umræðuna skrifar Tómas: "Þess er með ýms­um hætti freistað að gera lítið úr mál­flutn­ingi þeirra sjálf­stæðismanna, sem vara við því að samþykkja þriðja orkupakk­ann. Það vek­ur hins veg­ar at­hygli hve mik­il þögn rík­ir af hálfu for­ystu flokks­ins um fögnuð þeirra, sem klufu Sjálf­stæðis­flokk­inn vegna and­stöðu hans við inn­göngu í ESB. Þó ganga þess­ir síðast­nefndu lengst í að bera lof á Sjálf­stæðis­flokk­inn fyr­ir fram­göngu hans í mál­inu og lofa full­um stuðningi við af­greiðslu orkupakk­ans."

Lokaorð Tómasar: "Það er sann­ar­lega kom­inn tími til að Íslend­ing­ar sæki fram í stað þess að hörfa. Það er mik­ill mis­skiln­ing­ur að það skapi okk­ur skjól og auki virðingu viðsemj­enda okk­ar að hörfa sí­fellt og fara með veggj­um, hlýðnir og auðmjúk­ir. Það hlut­verk var okk­ur ætlað í Ices­a­ve-mál­inu. Það vannst vegna þess að ein­arður mál­flutn­ing­ur fór fram gegn upp­gjöf rík­is­stjórn­ar Jó­hönnu Sig­urðardótt­ur og for­set­inn vísaði mál­inu til þjóðar­inn­ar."

Heyr, Heyr! Við þetta er engu að bæta. Nú er bara fyrir þingmenn Sjálfstæðisflokksins að velja hvort þeir vilji ganga til sögunnar sem aflinu sem tókst að þræla flokknum niður í 12% atkvæðamörk eða hvort þeir vilja vera menn með meiru og viðurkenna þann einfalda hlut sem Tómas bendir á að ESB er stjórnmálastofnun með ríkismarkmið en ekki venjuleg alþjóðastofnun. Þetta sjá allir nema þingmenn Sjálfstæðisflokksins sem virðast vera ómeðvitaðir um að fram fara ESB-þingkosningar 26. maí n.k.

Annars er örugglega til pláss fyrir ráðherra og orkupakkaþingmenn Sjálfstæðisflokksins í ESB-flokkum og ættu þeir þá að sækja um inngöngu í Viðreisn eða Samfylkingu.

Leikur utanríkisráðherra "hausabolta" við Sádí?

Mannréttindastefna innan SÞ: "Þegar þú berð hana máttu ekki kalla hana illum nöfnum".

Viðbjóður heilagastríðsmanna sem gerðu dauðastríðið að merki íslamska kalífatsins átti sér engin takmörk. M.a. sýndu þeir myndir frá því þegar þeir léku "hausabolta", þ.e.a.s. ekki knattspyrnu með fótbolta heldur með mannshöfuð.

Bandaríkjamenn hafa fyrir löngu áttað sig á því að vera ekki að hefja einræðisríki, fjöldamorðingja og kvennakúgara upp til skýjanna með samstarfi byggðu á hræsni og sögðu sig því úr "Mannréttinda"nefnd Sameinuðu þjóðanna. Þar eru Sádar, Írakar og Kínverjar helstu vinirnir, einræðisríki sem fótumtroða mannréttindi hvern einasta dag.

Guðlaugur Þór Þórðarson utanríkisráðherra segir að "boltinn sé nú hjá Sádí Arabíu" eftir máttlaust mjálm sem hann í einfeldni sinni gerir sér von um að Sádar beygi sig undir. Hanna Birna Kristjánsdóttir matar kvenréttindakrókinn með þessum sérstöku vinum sínum.

Fáránlegt, hræsni upp til skýjanna og skömm Íslands langt út fyrir landssteinana.

Hið raunverulega er að Sádar spila hausabolta með heimskum stjórnmálamönnum Vestrænna ríkja sem láta múta sér til að fara í flugferðir og fá myndir af sér með þeim "stóru" á vettvangi S.Þ. og halda að þeir séu eitthvað merkilegri en annað fólk fyrir vikið.

Ísland á að draga sig tafarlaust úr þessu siðspillta bæli sem er að taka völdin á Íslandi ásamt ESB. Þar er utanríkisráðherrann í hlutverki ESB-umboðsmanns á Íslandi.

Afhausanir Sádi-Araba gagnrýndar

Úkraínumenn gera forsetaleikarann að alvöru forseta - enginn veit hvað gerist næst

Hinn ótrúlegi og afgerandi yfirburðasigur grínleikarans Volodimír Zelenskí með 73% atkkvæða sýnir hversu þreytt Úkraínska þjóðin er orðin á spillingu og stríði. Zelenski leikur kennara sem óvænt verður forseti í einum vinsælasta sjónvarpsþætti Úkraínu og berst í þáttunum gegn spilltri stjórnmálaelítu. Hætt er við að draumurinn um slíkan forseta geti breyst í andstæðu sína þegar forsetaleikarinn þarf að vera alvöruforseti. 

Sjálfur segir Zelenskí að hann hafi hvorki vit á stjórnmálum, efnahagsmálum, alþjóðasamböndum né stríðsrekstri. Minna kosningarnar í Úkraínu á borgarstjórnarkosningarnar í Reykjavík, þegar Jón Gnarr gerði Reykvíkinga að statistum í kvikmyndinni um grínleikarann sem varð borgarstjóri. Eftir það er borgin kominn á hausinn og sér ekki út úr spillingunni á kostnað bæjarbúa.

Öllu meira er í húfi fyrir Úkraínumenn sem eiga í varnarstríði við Rússa með friðarsamning sem enginn fylgir. Zelenskí lofar að hefja friðarumræður við Rússa á ný. Hann liggur undir ásökunum vegna tengsla við ólígarkinn Ihor Kolomojskí sem er grunaður um glæpi og á sjónvarpsstöðina sem rak meginkosningabaráttu Zeleneskí. Sama munstur og hjá Baugshjónunum Jóni og Gnarr.

Draumurinn um forsetann í sjónvarpsþáttunum er mikið áhættuskref með jafn óþekktu korti og Zelenskí. Á hinn bóginn er grínistinn einnig lærður lögfræðingur og vonandi kemur fljótlega í ljós hvort honum tekst að gera forseta skáldsögunnar að forseta raunveruleikans eða hvort áhættuskref Úkraínu verði tekið fullt út með ófyrirsjáanlegum afleiðingum.

Guð blessi Úkraínu.

Grínistinn sigraði í Úkraínu

Fýll Pípunefur heldur upp á páskana á fjórðu hæð

Fýll Pípunefur sér eftir því að hafa ekki fengið sér íbúð á fimmtu hæðinni, því brimið í ham hafði næstum skolað honum út af svölum fjórðu hæðar að sögn Morgunblaðsins. Það er alltaf hægt að vera gáfaður eftirá en ef brimið æsir sig svo mikið gæti vinur okkar Pípunefur þurft að fara enn þá hærra og óvíst hvort til dygði ef Klettahlíðin væri ekki jafnhá. Og sögur eru um kletta sem hverfa í sæ og þá verður Fýll Pípunefur að leita sér að nýjum.

Alltaf er hollt að rísa upp frá vanvizku og slíkt ættu systkyni okkar í Sjálfstæðisflokknum að gera sem þykjast vita betur hvað aðrir segja en sögumenn sjálfir, hvort heldur þeir eru sérfræðinger á frjálsu flugi eða sérfræðingar horfnir í djúpan sæ ESB.

Batnandi manni er best að lifa og með þeim orðum óska ég öllum Gleðilegra Páska og góðrar upprisuhátíðar þennan Páskadag sem allra annarra.

Þjóðin þarf aðra stjórnmálamenn en þá sem "fæðast til að verja EES-samninginn"

Í umræðunum um orkuna botna pakkamenn á áróðri ESB um að ekkert hafi gengið né geti gengið án ESB. Þannig er því þrálátlega haldið að landsmönnum að "velferð Íslendinga sé EES-samningnum að þakka."

Þetta er alröng staðhæfing. Sú rétta er að velferð Íslendinga er fyrst og fremst þjóðinni sjálfri að þakka eins og sýndi sig, þegar þjóðin tók af skarið í Icesave deilunni. Þá þurfti þjóðin að grípa fram í fyrir þingmönnum "sem vissu betur" og ætluðu að klyfja þjóðina með skuldum bankaræningja margar kynslóðir fram í tímann. Sem betur fór voru nokkrir góðir leiðtogar þess tíma sem störfuðu með og fyrir þjóð sína eins og Davíð Oddsson þáv. Seðlabankastjóri, Geir Haarde þáv. forsætisráðherra og forseti Íslands Ólafur Ragnar Grímsson. 

Þeir þingmenn sem töluðu fyrir leið bankaræningjanna hótuðu öllu illu ef þjóðin fengi sjálf að tjá sig í málinu. "Kúba norðursins" og þess háttar. Allt það "ískalda mat" sem lá til grundvallar stefnu til að bjarga óreiðumönnum var hrakið út í hafsauga af dómi íslensku þjóðinni í vil. Þessi bragur Íslendinga sker sig úr öðrum þjóðum meira ánetjuðum ESB en Íslendingar eru. 

Það er þjóðarskömm að einn aðal svikahrappurinn skuli vera forseti Alþingis í dag. Það er einnig úrbóta lélegt að þeir þingmenn sem í Icesave sögðust hafa "vit" fyrir þjóðinni skulu enn í dag leggja sig þvera gegn hagsmunum þjóðarinnar og reyna að koma í veg fyrir að hún njóti lýðræðisréttinda og fái að tjá sig um málið.

Hroki ísköldu stjórnmálamannanna er með eindæmum, þeir vilja núna stöðva allar frekari umræður um þriðja orkupakkann, því enginn hafi vit á staðreyndum sem þeir hafi einkarétt á að skilgreina og aðrir tali bara af tilfinningu.

Betra með venjulegt fólk en stjórnmálamenn sem "fæðast til að verja EES-samninginn". 

Hefur gervigreindin þegar tekið völdin?

Viljandi verið að afvegaleiða umræðuna

Pakkapúkarnir: Special price for you my friend: "I will kill you for nothing"

Stjórnmálabransinn er orðinn að hreinræktuðum snákaolíusölumönnum og loddurum í þeirra stíl. Virðist sem arabíska vorið hafi borist til Íslands gegnum ESB og stjórnmálamenn bæði í ríkisstjórn og stjórnarandstöðu keppast við að bjóða þjóðinni einstaka vöru á tilboðskjörum: "Sérstakt verð vinur, bara fyrir þig. Ég skal kála þér ókeypis."

Óttarlega raunarlegt að sjá heimskuna upphafna til skýjanna á þennan hátt og að sjálfsögðu storkar þetta þjóðinni og allri heilbrigðri skynsemi. 

Eiginlega ætti að kalla stjórnmálamenn nútímans PAKKAPÚKA. Þeir djöflast með nýjum daglegum pakkatilboðum, bjóða pakka í nýjum umbúðum með nýjum slaufum en þjóðin á að borga fyrir jafnvel með lífi sínu. Kannski verður styttan af Jóni Sigurðssyni fjarlægð í framtíðinni og í staðinn sett stytta af stærsta Pakkapúkanum Össuri Skarphéðinssyni.

Ekkert er nýtt undir sólinni en sorglegt að sjá þessa hningnum á lýðræðinu á Íslandi sem sögulega hefur verið hluti af vöggu lýðræðis í okkar heimshluta. 

Núverandi ríkisstjórn gerir allt sem hún getur til að gera kosningafyrirkomulag, stjórnarskrá lýðveldisins, þingræðið og lýðræðið marklaust.

Íslenskir stjórnmálamenn - að Miðflokksmönnum undanskildum - haga sér eins og að Ísland sé þegar orðið hluti af ESB. Utanríkisráðherrann ber í þjóðina yfirlýsingar EES eins og að EES stjórni Íslandi. 

Að sjálfsögðu klappa ESB-sinnar fyrir hverjum skrípaleik sem er til að troða landinu inn í ESB. Popúlistum líður best í návist hvers annars í ormagryfju fáránleikans. 

Þar á þjóðin ekki heima.

 

Kúnstir að baki orkupakka

Draumur Evrópu er brostinn

Endurbirti hér grein um stefnu Ungverja gagnvart ESB og fólksflutningum sem birt var á utvarpsaga.is 

Viktor Orbán forsætisráðherra Ungverjalands kynnti stefnu flokks síns um innflytjendur nýlega. Markmiðið er að stöðva fólksflutningana til Evrópu. Fyrsti hluti tillögunnar fjallar um að taka stjórn á málefnum innflytjenda úr höndum búrókratanna í Brussel og skila aftur til aðildarríkja ESB. Ekki á að vera hægt að þvinga nokkurt land að taka á móti innflytjendum gegn vilja sínum og enginn á að geta sest að í Evrópu án gildra skilríkja. ESB á að hætta að gefa út kort með peningum og “innflytjendavegabréf”. ESB á einnig að hætta að greiða meiri peninga til samtaka sem eru tengd auðkýfingnum George Soros. Í staðinn á að nota féð til að efla landamæravörslu aðildarríkjanna. Ekki á að mismuna kristnu fólki:
“Kristin menning okkar er lögð undir í komandi ESB þingkosningum. Þá verður kosið um hvort ESB hefur leiðtoga sem eru með eða á móti fólksflutningunum og hvort Evrópa eigi áfram að tilheyra Evrópubúum eða tilheyra fólksfjölda annarrar menningar; hvort við getum bjargað kristinni evrópskri menningu okkar eða hvort við gefumst upp fyrir fjölmenningunni” sagði Orbán. Hann gagnrýndi Brussel fyrir að hverfa frá fjölskyldustefnu og að ESB væri í raun og veru að skipta út íbúum Evrópu fyrir innflytjendur: “Við Ungverjar höfum átt heima hérna í þúsund ár og við viljum halda því áfram og munum verja landamæri okkar í önnur þúsund ár. Við viljum að næsta kynslóð, börnin okkar og barnabörn, geti verið jafn frjáls að ákveða um líf sín eins og við erum.”

Juncker ber ábyrgð á vaxandi spennu milli aðildarríkjanna

Viktor Orbán kallaði Jean-Claude Juncker “ekta sósíalista sem ber mikla ábyrgð á Brexit, innrás innflytjenda og vaxandi spennu í samskiptum ríkja mið- og Vestur-Evrópu.” Hann vék síðan að deilum Brussel við Ungverja sem stöfuðu af því “að yfirvöld Ungverjalands neituðu að fylgja einræðisskipunum Brussel sem færu gegn hagsmunum Ungverja.” 

Orbán vitnaði til nýlegrar skýrslu sem sýndi að íbúar ESB trúa því ekki að komandi kynslóðir fái það betra en sú núverandi. Meirihluti íbúa Evrópu vill einnig verja kristin gildi og hefðir og 80% Ungverja styðji það. Orbán skorar á kjósendur “að sýna Brussel í kosningunum, að það séu íbúar Evrópu en ekki samtök tengd Gerorge Soros né búrókratarnir í Brussel sem eiga lokaorðið í málefnum ESB.”

Utanríkisráðherra Ungverja Szijjártó sagði að Ungverjar væru stoltir af því að hafa hafnað innflytjendasamningi Sameinuðu þjóðanna en baráttunni væri engan veginn lokið. Sagði Szijjártó að það væri nú algjörlega skýrt að allur fólksinnflutningurinn 2015 væri hluti vel úthugsaðrar áætlunar um íbúaskiptingu í heiminum. Sameinuðu þjóðirnar eiga ríkan þátt í áætluninni með lögleiðingu ólöglegs fólksinnflutnings í samningnum. “Brussel mun gera allt sem stendur í þeirra valdi til að innleiða innflytjendasamning SÞ í lög aðildaríkja ESB og þar með ákveða fyrir okkur hverjum við viljum hleypa inn til okkar og hverjum við viljum búa með. Við munum aldrei leyfa þetta og kjósendur þurfa að sýna á skýran hátt afstöðu sína í ESB-þingkosningunum.”