Samstarf og aðlögun að Kommúnistaflokki Kína og kúgandi dagsskipan er ekki lengur valkostur. Hvað gerir ríkisstjórn Íslands?

Í vikunni birti rannsóknarnefnd Bandaríkjaþings skýrslu um Kína, þar sem rekin voru 40 ára samskipti Bandaríkjanna og Kína fram til dagsins í dag. Michael T. McCaul fv. formaður Öryggismálanefndar og núverandi meðlimur í utanríkisnefnd Bandaríkjaþings leiddi rannsóknarnefnd 15 þingmanna úr 11 nefndum þingsins, sem stóðu að skýrslunni. Rannsökuð voru sex svið: Hugmyndafræðileg samkeppni, keðjur birgja, þjóðaröryggi, tæknimál, fjármál og orkumál og samkeppni. Niðurstaðan var svo birt í 141 bls. skýrslu með 82 lykilupp-götvunum og yfir 400 tillögum/ráðleggingum.

Demókratar leiðitamir Kommúnistaflokki Kína

Athygli vakti að Demókratar neituðu að starfa með rannsóknarnefndinni og sögðu skýrsluna „ætlað að slá ryki í augu fólks.” Mættu þeir ekki á fundi sem þeim var boðið á. Segir Michael T. McCaul formaður nefndarinnar það hafa verið óheppilegt og telur að „skýrslan hefði orðið innihaldsríkari með þáttöku Demókrata. Rannsóknarnefndin tekur ekki tillit til mismunandi stjórnmálaskoðana og við erum alltaf sterkari sem sameinuð þjóð.” Segir McCaul skýrsluna skýra „mikilvægustu áskoranir í þjóðaröryggismálum og efnahagsmálum núverandi kynslóðar.” 

Þrátt fyrir mörg og endurtekin boð í marga mánuði, þá neituðu Demókratar deildarinnar að taka þátt í starfinu eða leggja sitt af mörkum til þessa mikilvæga starfs. Repúblíkanski flokkurinn átti enga aðra kosti en að halda sjálfstætt áfram út af neyðarástandinu vegna hættunnar.

Ummæli ráðamanna

Áhrif skýrslunnar munu koma fram í nánustu framtíð hvað varðar sambúð stórveldanna. Hér verður sagt frá úrdrætti á samantekt skýrslunnar í inngangi hennar sem kynnir á einfaldan hátt um hvað skýrslan fjallar. Skýrslan er full tilvitnana í menn og atburði, hér eru þrjár tilvitnanir:

„Bandaríkin vilja opin og jákvæð samskipti við Kína og til þess að uppná slíku sambandi verðum við að verja þjóðarhagsmuni okkar á öflugan hátt. Kínverska ríkisstjórnin hefur stöðugt svikið loforð sín til okkar og einnig til margra annarra þjóða.” Donald Trump Bandaríkjaforseti 29. maí 2020.

„Bandaríkin væntu þess að efnahagslegt frelsi færði Kína í meiri samvinnu við okkur og heiminn. Í staðinn valdi Kína efnahagslegar árásir…” Mike Pence, varaforseti Bandaríkjanna, 4. okt. 2019.

„Við verðum að viðurkenna harðan sannleikann. Við verðum að viðurkenna þann harða sannleika sem mun leiða okkur á næstu árum og áratugum, að ef við viljum eiga frjálsa 21. öld og ekki þá kínversku öld sem Xi Jinping dreymir um, þá mun hin gamla heimssýn með blindri hlýðni við Kína augljóslega ekki ná því markmiði. Við þurfum ekki að halda áfram á þeirri braut og við þurfum ekki að hverfa aftur til hennar.” Micheal R. Pompeo utanríkisráðherra Bandaríkjanna 23. júlí 2020.

Mistök Bandaríkjanna

Bandaríkin hafa á þeim rúmum 40 árum síðan diplómatískum tengslum var komið á, reynt að að fá Kína með í alþjóðlegt samstarf sem ábyrgan hagsmunaaðila. Leiðtogar Bandaríkjanna byggðu afstöðu sína á virku samstarfi á þeirri skoðun að þróun efnahagslegs samstarfs við Kína þjónaði hagsmunum Bandaríkjanna og myndi móta breytta starfshætti Kommúnistaflokks Kína. Þessi afstaða lokaði oft augunum fyrir brotum Kína á mannréttindum, efnahagslegri vanrækslu, árásargjarnri útþenslustefnu og innantómum loforðum, einnig djúprótaðri fjandsamlegri kommúnískri hugmyndafræði sem er grundvöllur þessarar illkynjuðu hegðunar. Þessi stefna hefur – svo það sé sagt á einföldu máli – mistekist.

Almenn ógn Kommúnistaflokks Kína

Bara í ár hefur Kommúnistaflokkur Kína brotið gegn alþjóðlegum samningi og afnumið borgaralegt frelsi íbúanna í Hong Kong; haldið áfram kúgun þjóðlegra minnihlutahópa þar með talið Úígúra og Tíbeta, aukið hernaðaruppbyggingu, færst í aukana með árasásargjarnari hernaðarlist og brotið landhelgi annarra þjóða; tekið þátt í dauðlegum bardaga til að ná landi við landamæri Indlands ásamt nýjum landakröfum á Bhutan. Að auki, með því að þagga niður í læknum og halda læknisfræðilegum upplýsingum leyndum fyrir umheiminum, leyfði Kommúnistaflokkur Kína staðbundnu útbroti veiru að þróast upp í heimsfaraldur, sem hefur valdið dauða næstum milljón manns fram að þessu og eyðilagt alþjóðlegan efnahag. Faraldurinn afhjúpaði mismunandi veikleika í fæðingarkeðjunni, hættuna með allt of miklu ósjálfstæði Bandaríkjanna sem voru háð Kína og þörfina á öruggari lyfja- og tæknilegri framleiðslugetu innanlands.

Þessi röð viðvarana hafa afhjúpað á hvern hátt hugmyndafræði Kommúnistaflokks Kína grefur undan kjarnagildum alþjóða kerfisins og setur öryggi og velferð Bandaríkjamanna í hættu. Samstarf og aðlögun að Kommúnistaflokki Kína og kúgandi dagsskipan er ekki lengur valkostur. Til þess að vernda lýðræði og frelsi í heiminum verða Bandaríkin að vinna á ákveðinn hátt með bandamönnum okkar og taka aftur frumkvæðið. Að fást við slíka illkynjaða hegðun getur ekki lengur verið eitt af mörgum málum fyrir ríkisstjórnir viðkomandi ríkja heldur frekar samræmd grundvallarstefna hins frjálsa heims.

Mikilvægar tillögur rannsóknarnefndarinnar á sex sviðum

– Hugmyndafræðileg samkeppni

• Meta hvort glæpir Kommúnistaflokks Kína (KFK) gegn Úrígúrum mótsvari þjóðarmorði, innleiða að fullu þvingandi löggjöf vegna kúgun KFK í Hong Kong ásamt frekari sérstökum aðgerðum til að mæta mannréttindabrotum KFK í heild, frá skerðingu trúarfrelsis til þvingandi líffæratöku. 
• Samræma víðtæka upplýsingaherferð alls stjórnkerfisins til mótvægis við áróðursvél KFK með því að segja sannleikann og gildismat okkar til að grafa undan lygum og illkynjaðri hugmyndafræði KFK.
• Tryggja að meðborgarnir verði meðvitaðir um hvenær þeir eru að horfa eða hlusta á ritskoðað fjölmiðlaefni og skemmtiefni sem KFK hefur greitt fyrir.
• Vinna gegn illum heimsáhrifum KFK með því að krefjast gegnsæi og ábyrgðarskyldu í kerfi Sameinuðu þjóðanna að meðtaldri Heilbrigðisstofnun SÞ, WHO. 
• Fjármagna tækni og dreifingu tækja sem aðstoða baráttufólk lýðræðisins að viðhalda stafrænu öryggi, tryggja aðgengi að bílasímaneti og endurreisa vefsíður eftir tölvuárásir.
• Vekja athygli á stækkandi umhverfiseyðileggingu KFK, meðtalið stöðu sem stærsti kolefnissporavaldur í heiminum. 

Öryggi lyfja- og aðfangakeðjunnar

Tryggja á betri hátt þjóðlegt öryggi í keðju lyfjaframleiðslu og keðju aðfanga til þjóðarinnar

• Beita framsýnum, hagkvæmum og miðuðum skattaaðgerðum til að hraða rannsókn, þróun og framleiðslu mikilvægra lyfja, læknisfræðilegra nauðsynja, birgða, prófana og bóluefna
• Skapa stuðningskerfi sem er nauðsynlegt til að hvetja framleiðslu mikilvægrar innlendrar framleiðslu og forma skattaaðgerðir sem tryggja bandaríska framleiðslu á hálfleiðurum.
• Yfirsýn leyfisveitinga ríkisins til námugrefturs og forgangsröðun þróunar málmiðnaðarins svo hvorki grundvöllur iðnaðar né varnarmálaiðnaðar sé háður KFK. 

Þjóðaröryggi

• Vinna með Varnarmálaráðuneytinu til að nútímavæða skipulag hersins, staðfestu, stjórnunartækni og aðföng til að draga úr árásargirni KFK í Indo – Kyrrhafssvæðinu og annars staðar í heiminum. 
• Tryggja nútímavæðingu allra þriggja hluta kjarnorkunnar sem og þróun hefðbundins herafla sem nauðsynlegt er að hafa til að hafa í tré við Frelsisher Alþýðunnar í Indo-Kyrrahafssvæðinu, innifalið markbundin skeyti og langdrægar eldflaugar. 
• Undirstrikum þörfina á a.m.k. 3-5% árlegri aukningu varnarmálafjárlaga til að hræða og sigra Frelsisher Alþýðunnar og aðra mikilvæga andstæðinga.
• Meiri fókus á hvernig Bandaríkjaher verndar tæki í geimnum og nær markmiðum geimrannsókna með því að nýta fjárfestingar einkageirans.
• Hætta að nota efni frá herfyrirtækjum KFK samt segja upp fyrirtækjum með tengsl við her KFK. 
• Vernda kosningaferlið í Bandaríkjunum og persónuleynd í kosningum okkar með ólíkum aðgerðum, innifalið að finna erlenda andstæða erindreka og sjá til þess að einstaklingum sem taka þátt í truflunum verði bannað að koma inn í Bandaríkin eða verði vísað úr landi ef þeir eru þegar í Bandaríkjunum. 
• Setja meiri styrk í málarannsóknir, afbrotaákærur og aðgerðir gegn tölvunúmeraþjófnaði studdum af KFK og að auki loka fyrir öryggisgöt í vegabréfakerfi okkar sem KFK hefur notfært sér. 
• Bæta gagnnjósastörf ríkisins og auka notkun í Mandarínmálinu. 

Tækni

• Skapa heildarsýn til að meta þær öryggishættur sem stafa af Kína í 5G-netum og auka samvinnu milli Bandaríkjanna og bandamanna þeirra og samstarfsaðila til finnar slíkar hættur og vinna saman gegn þeim.
• Styðja myndun nýs D-10 hóps leiðandi lýðræðisríkja til að þróa og dreifa 5G og þess kerfis sem kemur í kjölfarið og koma á fót endurgreiðslukerfi fyrir fyrirtæki til að fjarlægja tækni hættulega öryggi úr netum sínum. 
• Tryggja alþjóðlega forystu í tækni morgundagsins, að meðtalinni gervigreind, quantum, 5G og sjálfstýrðum bifreiðum. 
• Refsa kínverskum samskiptafyrirtækjum sem stunda efnahagslegar eða iðnaðarlegar njósnir og alla kínverska aðila sem gera tölvuárásir á rannsóknaraðila sem vinna að bóluefni gegn COVID-19.

Efnahags- og orkumál 

• Tryggja að engir bandarískir skattapeningar styðji við fyrirtæki í ríkiseign Kína
• Samræming í eftirliti og útflutningsstefnu með samstarfsaðilum og bandamönnum til að halda viðkvæmri tækni, innifalið framleiðslu hálfleiðara og rannsóknum og þróun tækni frá andstæðingum okkar.
•  Beita auknu efitrliti við fjárfestingum í bandarískum fyrirtækjum eða aðgerðum frá Kína.
• Styrkja viðskiptasambönd við bandamenn okkar og til að staðfesta bandarískar reglur og standa gegn áhrifum Kína. 
• Reka viðskiptastefnu sem hræðir og verndar gegn tölvunúmeraþjófnaði Kína. 
• Þvinga lagalega meðferð fjárfestinga Kína í Bandaríkjunum til að endurskapa samræmi í fjárfestingarreglum. 
• Tryggja að kínversk fyrirtæki fylgi sömu fjármálareglum eins og bandarísk fyrirtæki þegar þau komast inn á verðbréfamarkaði í Bandaríkjunum. 
• Vinna að frekari viðskiptasamböndum við Taiwan og leysa sérsakar útistandandi viðskiptaspurningar þannig að ríkisstjórnin geti tekið þau skref að koma á viðræðum um viðskiptasamning þegar þær spurningarnar vakna. 
• Styrkja og þróa fjármálasamstarf, útflutnings og innflutnings banka og önnur störf ríkisstjórnarinnar til þess að standa betur gegn Belti og Braut verkefni Kína og skuldagildru aðferðum þeirra. 
• Halda áfram að þróa orkuöryggismál Bandaríkjanna til að geta orðið þáttakandi á heimsvísu gegn Kína sérstaklega á sviði kjarnorku. 

Samkeppni

• Tvöfalda fjárlög grundvallarrannsókna í vísindum og tækni á næstu 10 árum.
• Auka samræmingu og fjárlög á menntun í tæknivísindum til að skapa betra og hæfileikameira vinnuafl.
• Auka öryggi viðkvæmra rannsókna við menntaskóla og háskóla Bandaríkjanna og leiðandi rannsóknarstofnanir, sem innifelur takmörkun á þáttöku allra ríkisstarfsmanna og verktaka í erlendum hæfnisverkefnum. 
• Krafa um að menntaskólar og háskólar sendi skýrslur um allar peningagjafir frá Kína. 

Davíð Oddsson – Dyggur þjónn þjóðarinnar

Ég reyni alltaf að missa ekki lestur Reykjavíkurbréfa Morgunblaðsins sem yfirleitt eru fróðleg, snarplega skrifuð með heildstæða hugsun. Slíkt kemur ekki á óvart með einn reynslumesta og farsælasta núlifandi stjórnmálaleiðtoga Íslands í ritstjórastöðu Morgunblaðsins. 

Fáir Íslendingar hafa staðið við skjöld fjallkonunnar á jafn hreinskilinn og heiðarlegan hátt og sífellt unnið með þjóðinni og fyrir hana og Davíð Oddsson. Er hann einn af þeim þingmönnum og ráðherrum sem mark hafa tekið á eið sínum að starfa á grundvelli stjórnarskrárinnar, virða hana og vernda.

Reykjavíkurbréf dagsins er ljós í því ættjarðarmyrkri sem nú leggst á okkar fámennu góðu þjóð. Áframhaldandi ruglugangur sjálfskipaðra fræðinga með það helsta að vopni að stjórnarskráin hafi verið saumuð upp úr stjórnarskrá fyrir konungsveldi Danmerkur er ótrúleg afvegaleiðing frá sjálfu markmiðinu með aðförinni að stjórnarskránni. Á tíma Jóhönnustjórnarinnar eins og bent er á í Reykjavíkurbréfinu, var stjórnarskránni kennt um fjármálarányrkju útrásarvíkinganna sem notfærðu sér lagaveilu í regluverki Evrópusambandsins til að hefja „útrás" með stofnun fjármálafyrirtækja í löndum ESB. Allir vita hvernig það endaði enda í upphafi lagt út með að safna sem stærstum skuldum til að stela fyrir fyrirsjáanlegt gjaldþrot. Hvað hurfu margir millarðar í gjaldþroti Baugs? Yfir þúsund ef ég man rétt. 

Allir vita líka að í mörg ár var togast á um að þvinga íslenska alþýðu og börn hennar til að axla afleiðingarnar af glæpaverkum stórþjófanna. Það var m.a. fyrir snerpu þess manns sem á pennanum heldur í Reykjavíkurbréfum Morgunblaðsins sem Íslendingar tóku sig saman og létu Evrópusambandið hanga með á dómi sem ESB fór halloka fyrir en Íslendingar unnu. Þau málalok stöppuðu stálinu í þjóðina - réttilega - og sýndu og sönnuðu að leiðsögn Davíðs Oddssonar, þrautseig barátta einstaklinga eins og Sigmundar Davíðs Gunnlaugssonar í InDefence ásamt kjarki Ólafs Ragnars Grímssonar forseta vörðu sjálfstæðið, fullveldið, sjálfsákvörðunarréttinn, lýðræðið og í áframhaldinu sjálft lýðveldið.

En seigt er í sýkli sósíalismans, þegar aðalóvinur þjóðarinnar innanlands var gerður að þingforseta Alþingis, Davíð Oddsson flæmdur með lögbroti úr Seðlabankanum og Sigmundur Davíð Gunnlaugsson flæmdur úr embætti forsætisráðherra með árás skipulagðri erlendis frá. Áframhaldið er á þeim nótum að fyrir utan að vinstri menn á Íslandi biðu hroðalegustu kosningaútreið í allri Evrópu á þeim tíma, þá eru þeir staðsettir í fleiri flokkum í dag og hefur tekist á rúmum áratug að kljúfa Sjálfstæðisflokkinn í helming þess mesta fylgis, þegar Davíð Oddsson var formaður flokksins. Og í dag telja margir kjósendur ríkisstjórnina vera vinstri stjórn og kalla hana sem slíka, þannig að ekki kemur á óvart að sjá einnig það orð notað í Reykjavíkurbréfinu.

Í víðara samhengi er málið grafalvarlegt og fjallar um fullveldi og sjálfsákvörðunarrétt Íslendinga nú og í framtíðinni. Vinstristjórnin vinnur ötullega að því að koma Íslandi endanlega undir völd ESB-skrímslins og leikur fyrir akademíkera að froða furðulegum, óskiljanlegum orðum sem ekkert venjulegt fólk skilur. Litið er niður á kjósendur og þeim sagt að þeir skilji ekki málin en samt er veðjað til þeirra um atkvæði á kjördegi. Lýðræðið á Íslandi er á mörkum þess að verða embættisræði og ótrúlegt að horfa á hræsni þeirra, sem þykjast anna sjálfstæði þjóðarinnar, nota hverja stundu til að eyðileggja stjórnarskrána, sjálfan grundvöll lýðveldisins.

Fyrirlitningin á lögum, formlegum stofnunum lýðveldisins sem eru lýðræðisstofnanir á grundvelli stjórnarskrárinnar, er orðin svo útbreidd að „vandaðir" einstaklingar taka þátt í ljótri aðför að sjálfu lýðveldi Íslendinga. Það skiptir engu máli hvaða orð menn nota, þegar Alþingi er vikið til hliðar fyrir „ályktanir" í stað laga, sem flytja lýðræðisleg völd úr höndum þjóðarinnar til útlanda og er þá vegið beint að hjarta lýðveldisins – stjórnarskránni. Það voru mér vonbrigði að sjá Björn Bjarnason, sem var vakandi í Icesave, kolfalla svo á prófsteini orkupakkans og koma í kjölfarið með tillögur um að breyta stjórnarskránni til samræmis við aðildarríki ESB með sérstökum kafla ESB um yfirráð málaflokka viðkomandi þjóðar. Enn önnur vonbrigði voru að sjá Guðlaug Þór Þórðarson utanríkisráðherra umturnast í upphafningu sósíalista m.a.innan Sameinuðu þjóðanna. Hugmyndir utanríkisráðherrans í dag um setu við hlið glæpamanna í Mannréttindaráði SÞ eru samhljóma tillögum sósíalista. Ráðherrann hefur notað embættið sem kennarastöðu til að leiðrétta utanríkisstefnu Bandaríkjamanna rétt eins og þeir væru nemandi Íslands í utanríkismálum. Vinstristjórninn er vilhöll kínverska kommúnistaflokknum og ekki talið ámælisvert að fjármálaráðherrann og formaður Sjálfstæðisflokksins taki stöðu í bankaráði þess banka Kommúnistaflokks Kína, sem fjármagnar heimsútþenslu kommúnismans aðallega í verkefninu Belti og braut.

Ef nokkru sinni er ástæða til að verja stjórnarskrá íslenska lýðveldisins, þá er það núna. Skal höfundur Reykjavíkurbréfs hafa þakkir fyrir að halda uppi frelsiskyndlinum á þann hátt sem honum er treystandi fyrir og hefur ætíð reynst þjóðinni hið haldbesta vegarnesti.

 

Sigurður Ingi upplýsir að Bandaríkjamenn stjórna Bandaríkjunum

Betra seint en aldrei. 

Samgönguráðherrann hefur eftir nær þriggja ára starfstímabil komist að þeirri stórkostlegu niðurstöðu að „Bandaríkjamenn stjórna Bandaríkjunum."

Ástæðan fyrir þessarri heljarmiklu heilavörpu var fyrirspurn Arnþrúðar Karlsdóttur á útvarpi Sögu sem spurði Sigurð Inga Jóhannesson persónulega hvort hann væri ekki búinn að gera upp hug sinn varðandi kommúníska njósnafyrirtækið Huawei. Benti Arnþrúður í sakleysi fyrirspyrjandans á að Pompeo utanríkisráðherra Bandaríkjanna hefði haft orð á því í Íslandsferð að ekki ætti að kaupa vörur eða þjónustu af kínverska risafyrirtækinu Huawei þar sem slíkt væri notað til njósna fyrir kínverska herinn. Það væri því öryggismál viðkomandi þjóðar að ganga ekki um með kínverskan kommúnista á bakinu sem gægðist yfir öxlina og fylgdist með öllu sem gert er.

Eftir hina stórmerkilegu uppgötvun bætti ráðherrann því við, að Bandaríkjamenn stjórnuðu ekki Íslandi.

Það er vel. 

En hverjir stjórna Íslandi?

Kínverjar?

 

Mannréttindadómstóll Evrópu kominn langt út fyrir upprunaleg markmið

Ég hef gert hlé á bloggskrifum hér síðan í júlí, fremst vegna fréttaskrifa á útvarpi SÖGU. 

Ætla að reyna að tengja fréttaskrifin við eigin hugleiðingar hér að nýju og byrja á frétt sem birtist á útvarpi SÖGU í morgun um fyrirhugaða löggjöf Breta sem færir þeim ákvörðunarréttinn tilbaka á því hverjir fá að vera í Bretlandi. 

Mannréttindadómstóll Evrópu er kominn langt „framúr" því verkefni sem upprunalega var ákveðið eftir seinni heimsstyrjöldina enda hefur verið spunnið við lögin síðan. Bretar gerðust aðili að Mannréttindasáttmála Evrópu 1989 sem Theresa May sagði að „bundið hefði hendur breska þingsins." Evrópusambandið er eins og hundur á roðskinni og hremmir Breta með öllum tiltækum ráðum t.d. hótun um bann á N-Írland að kaupa matvæli af Bretum! Búast má því við að skæluvælurnar bæði hjá Mannréttindadómstólnum og í Brussel kveini hástöfum, þegar ríkisstjórn Boris Johnsson tekur tilbaka ákvörðunarrétt Breta um hverjir mega dvelja í landinu.

Hér er greinin:

Unnið er að nýrri löggjöf í Bretlandi sem gerir Bretum kleift að ákveða sjálfir hverjir fá að vera í landinu og hverjum þeir geta vísað burtu. Tillagan verður birt eftir nokkrar vikur að sögn Sunday Telegraph en verið er að undirbúa lagasetningu í dómsmála-, innanríkismála- og forsætisráðuneytinu sem gerir Bretum kleift að sniðganga núverandi Mannréttindasáttmála Evrópu.

Stóra Bretland hefur stöðugt hafnað því að setja tryggingu fyrir að framfylgja evrópska mannréttindasáttmálanum í samningaviðræðunum við Evrópusambandið. Boris Johnson hefur þvert á móti varað ESB við því að Bretar munu sjálfir taka málin í eigin hendur. Ein af ótal kröfum ESB í Brexit samningnum var að Bretar gæfu skilyrðislaust loforð um að hlíta Mannréttindasáttmálanum eftir útgöngu úr ESB.

Búast má við að ESB noti markmið Breta að ákveða sjálfir hverjir dvelji í landi sínu til enn frekari sleggjukasta fyrir eigin hagsmuni í Brexit-viðræðunum. Ástandið í Brexit-umræðunum er eldheitt og stefnir í að Bretar yfirgefi ESB samningslausir ef talsmenn ESB taki sig ekki í kragann fyrir 15. október og semji en ESB hótar m.a. viðskiptabanni á Norður-Íra til matvælakaupa sem lið í kúgunarspilinu gegn Bretum.

Stóra Bretland hefur í mörg ár átt í erfiðleikum með að vísa hættulegum útlendingum úr landi vegna ákvæða Mannréttindasáttmálans og hefur það valdið gremju og reiði yfirvalda og almennt í Bretlandi. Theresa May sagði 2016 að Bretar ættu að segja sig frá sáttmálanum „vegna þess að hann bindur hendur þingsins.” Núna endurskrifa Bretar lögin svo þeir þurfi ekki að framfylgja ákvæðum sáttmálans sem tryggir hættulegu fólki vistarveru í Bretlandi.

Dominic Cummings ráðgjafi Boris Johnson hefur ásakað Mannréttindadómstólinn í Strassburg fyrir dóma sem hindra brottvísun hættulegra erlendra glæpamanna. Cummings hefur einnig varað við því að Bretar munu fara eigin leiðir eftir aðskilnaðinn við ESB.

Stóra Bretland gerðist aðili að Mannréttindasáttmálanum 1989 og hefur Íhaldsflokkurinn verið mjög gagnrýninn á þá tilhögun.

Sjá nánar hér

Slæmt fyrir Ísland ef sendiherrar þurfa að hafa vopnaða verði

Ísland hefur til alls að vinna og viðhalda sem bestum samskiptum við vini okkar Bandaríkjamenn og samkvæmt eðli málsins fara samskipti ríkjanna mjög fram í sendiráðunum. Það er til marks um hversu afvegaleiddir sumir eru að vera að velta sér upp úr ekkifréttinni að sendiherra Bandaríkjanna sé annt um öryggi sitt og starfsmanna Bandaríska sendiráðsins. Slík öryggismál eru hluti af skipulagi allra sendiráða hins vestræna heims og varla sérstakt fréttaefni.

Það sem er fréttaefni hins vegar er að margt fjölmiðlafólk (hefur einhver minnst á Rúv?)telur starf sitt vera fólgið í að dreifa eigin móðursýki í stað frétta. Frá Bandaríkjunum berast nú daglega fréttir um baráttuna gegn innlendum skemmdarsamtökum eins og Antifa og BLM sem ruglaðir demókratar telja vopn í komandi forsetakosningum. Einnig berast daglega fréttir um hvernig kínverskir kommúnistar sýna nú sitt rétta andlit og eru komnir í stríðsham sem ekki sér fyrir endann á. Ísland á að taka kalli Pompeo utanríkisráðherra USA og ganga með í bandalag lýðræðisþjóða gegn kommúnismanum sem Kína er að draga heiminn í. 

Íslensk utanríkisstefna þarf að hætta sleikjuhætti við kínverska kommúnista og Evrópusambandið og snúa sér aftur að vináttu við bestu vini okkar. Að sjálfsögðu á að veita öllum sendiherrum lágmarks vernd og setja aukið fé til löggæslu í landinu. 

„Mikill heiður“ að leiða bandaríska teymið á Íslandi

Sigmundur Davíð Gunnlaugsson – einn af frelsishetjum nútímans og arftaki Jóns Sigurðssonar

Daily Express birti nýlega grein um hvernig Íslandi tókst að lifa af Hræðslusprengjuna og lifa góðu lífi fyrir utan Evrópusambandið. Segir blaðið Íslendingum hafa tekist svo vel vegna þess að þeir voru með eigin gjaldmiðil og ekki í fjötrum evrunnar. Eftir hrun fjármálafyrirtækja 2008 var þeirri hræðslusprengju varpað á Ísland að landið ætti enga afkomumöguleika nema með því að ganga í ESB og taka upp evru. Vitnað er í skýrslu The Telegraph frá 2016 og samtals við þáverandi forsætisráðherra Íslands Sigmund Davíð Gunnlaugsson en hann tjáði blaðinu að aðildarviðræður Íslands hefðu verið undir álagi hræðslu um afkomu landsins og tónninn hefði verið sá að

 „án aðildar væri Ísland glatað. Það voru aldrei neinar umræður um markmið eða eðli Evrópusambandsins eða hvort það hentaði Íslendingum eða þeir vildu verða hluti af því. Aðildarumsóknin var einfaldlega kynnt sem efnahagsleg nauðsyn og sagt að um leið og við hefðum sótt um aðild fengjum við alþjóðlegt lánstraust til baka og evran leysti síðan öll okkar vandamál.” 

Sigmundur Davíð Gunnlaugsson bætti við: „Að vera ekki með evruna var ómetanlegur þáttur í hinum skjóta efnahagsbata. Það leikur enginn vafi á því, að ef við hefðum verið meðlimur Evrópusambandsins og með evruna á þeim tíma. þá hefði landið orðið gjaldþrota og sett í efnahagslega stöðu sem meira minnir á Grikkland en þá sem Ísland er í dag."

Hræðslusprengjan á Íslandi mistókst og einnig mistókst að stöðva Brexit í Bretlandi.

ITALYEXIT

Í dag er stofnaður Italexit flokkur á Ítalíu sem fullveldissinnar gleðjast yfir á Ítalíu og öðrum löndum. Það er Gianluigi Paragone, fv. þingmaður Fimm stjörnu hreyfingarinnar, sem verið hefur flokkslaus á þingi síðan í janúar sem stofnar nýja flokkinn (sjá frétt á Útvarpi Sögu).

Við sem viljum frelsi fögnum tilkomu nýja flokksins og óskum honum alls gengis í baráttunni fyrir að losa ítölsku þjóðina úr klóm Evrópusambandsins.

Franklín er maður þjóðarinnar – of mörg göt í söguminningum prófessorsins

Norður-Kóreanskar flennistórarar skoðanakannanir sem RÚV birti í „umræðuþætti" forsetaframbjóðdenda í gærkvöldi málaði myndina af einokunarmiðli ríkisins sem miskunnsama samverjanum sem af hreinni hjartagæsku leyfði þeim hlekkjaða að fá að vera með síðustu mínúturnar fyrir aftökudaginn. Slík sena fáranleikans leyfir engar umræður um stóru málin sem Guðmundur Franklín tók með sér, – fjölmiðill fimmtu herdeildarinnar þjónar öflum sem vilja gera Íslendinga að fátæktarhjúum í eigin landi. 

Söguprófessorinn hefur enga sýn fyrir þjóðina í nánustu framtíð og kemst ekki með tærnar þar sem Guðmundur Franklín er með hælana til bjargar Íslandi frá ljónagryfju ESB, efnahagskreppu, auðlindasölu, atvinnuleysi og annarri óáran. Guðmundur Franklín leiðir þjóðina gegn fjársterkum öflum hnattvæðingarsinna sem eru að stela auðlindum þjóðarinnar og gera Íslendinga að fátæktarhjúum í eigin landi. 

Það er óhuggulegt að heyra prófessorinn á Bessastöðum stöðugt hæðast að stjórnarskrá íslenska lýðveldisins, vegna þess að hún komi frá tíma konungsvelda. Forsetinn hefur sjálfur heimsótt þrjú slík konungsveldi nútímans sem enn eru í fullu gildi. Þótt sagnfræðingurinn geti ekki hamið andúð sína á konungsdæmum, þá er það með öllu óboðlegt forseta Íslands að tala niður þjóðfélagsgerð konungsvelda til að vega að sáttmála þjóðarinnar frá Þingvöllum 1944.

Franklín nefndi orðið stríð og sú saga er verð endurtekningar að hefði stjórnarskrá Noregs ekki haft ákvæðið um sameiginlegt stjórnarfar konungs og þings, þá hefði útlagastjórn Noregskonungs í London, þegar nasistar hertóku Noreg, verið ólögleg. Það eru mörg stór göt í sögulegum endurminningum Guðna Th. Jóhannessonar prófessors sem gerir hann óhæfan í embætti forseta.

Í þessum kosningum er valið einfalt – a.m.k. fyrir alla þá sem unna hagsmunum þjóðarinnar:

Guðmundur Franklín Jónsson er verðugur þess að ná kjöri sem sjöundi forseti lýðveldisins Íslands.

Kosið til forseta í níunda sinn

Forseti "fávísa lýðsins" og áskorandinn í lélegri útgáfu af Jeopardy

Hagsmunaaðilar að baki Heimi Má Péturssyni með Heiðari Guðjónssyni tengdasyni Björns Bjarnasonar í fararbroddi, byrjuðu kosningaþátt tveggja forsetaframbjóðenda með fallexi á annan þeirra, áskorandann Guðmund Franklín Jónsson. Birt var skoðanakönnun í Norður-Kóreönskum stíl sem sýndi að sitjandi forseti Guðni Th Jóhannesson var með allt að 98% stuðning í vissum landshlutum og vel yfir 90% á landsvísu en áskorandanum tókst hvergi að ná í tveggja stafa tölu. Eftir þá kynningu var eiginlega þátturinn óþarfur, hálshögginn kjúklingur getur flogið smá stund en afar skamma meðan aðrir lifa áfram óáreittir.

Hvort þessu markmiði þáttarins verður náð á eftir að koma í ljós. 

Ég kýs Guðmund Franklín Jónsson vegna þess að núverandi forseti - rétt eins og Franklín benti á í þættinum - hefur rakkað niður þjóð sína í landhelgisbaráttu fyrri tíma í stað þess að standa með henni og hvetja til dáða. Ég get heldur ekki lagt mitt atkvæði á mann sem ekki getur staðið við orð sín í beinni eins og þegar Guðni Th. sagði það lygi í framboðsþætti með Davíð Odssyni, að hann hefði nokkru sinni notað orðin "fávísi lýðurinn" um landsmenn sína. Það er aumlegt yfirklór af sitjandi forseta að eftirá útskýra að hann hefði meint eitthvað allt annað með orðunum, að þetta væri grín, sem það var engan veginn þegar hann sagði þau í fyrirlestrinum.

Það sem veldur verulegum áhyggjum með Guðna Th. Jóhannesson er áhugi hans á að breyta stjórnarskrá um embætti forseta án þess þó að hann útskýrði á hvern hátt þær breytingar eigi að vera. Hér er náttúrulega verið að ræða að afnema málskotsrétt forseta í þeim tilgangi að eyðileggja öryggisventilinn sem stjórnarskráin veitir þjóðinni. Það er einlægur vilji ESB-sinna að þetta verði gert svo þjóðin sé varnarlaus ef meirihluti Alþingis ákveður að ganga á bak þjóðarsáttmálanum á Þingvöllum 1944 eins og gerðist í Icesave og orkupakka 3. 

Það er ámælisvert að sá sem sagnfræðingur þykist vera og hámenntaður í greininni skuli hæðast að stjórnarskránni með því að telja hana sniðna að danska konungsveldinu. Einmitt það atriði sem forseti Íslands hæðist að gerði Norðmönnum kleift í seinni heimsstyrjöldinni að mynda löglega útlagastjórn með aðsetri í London þegar Hitler gerði Quisling að forsætisráðherra Noregs. Forsetinn segist læra af sögunni gagnvart fyrirrennurum sínum á Bessastöðum en hæðist að sögunni gagnvart stjórnarskrá íslenska lýðveldisins. Þessi afstaða kemur í veg fyrir að Guðni Th. Jóhannesson verði nokkru sinni sá fulltrúi Íslendinga sem hann svo heitt óskar að þjóðin tilbiðji sig fyrir að vera.

Þátturinn var ein lélegasta útgáfa af Jeopardy sem ég hef séð á ævinni og þeim sem þykjast vera alvöru sjónvarpsstöð til háborinnar skammar. ESB eru trúarbrögð margra en sunnudagaskóli Hvítasunnusafnaðarins er líklegast mun málefnalegri en þetta þykjustusjónvarp Stöðvar 2.

 

 

Sakaði Guðna um ódrengilega kosningabaráttu

Forsetinn þakkar kosningastjóranum fyrir stuðning í beinni útsendingu

Það var hressilegt að heyra og sjá Guðmund Franklín Jónsson forsetaframbjóðanda á RÚV í dag. Ljóst er að Guðmundur hefur mikið til mála að leggja og fremst þann að virkja embætti forseta Íslands sem öryggisloka lýðræðis og lýðveldis á Íslandi og ekki veitir af miðað við tímaskekkju Alþingis þar sem meirihluti þingmanna telja sig starfa fyrir ESB í stað lýðveldisins.

Fyrstu forsetarnir í embættinu voru stjórnmálamenn svo það er einskær EKKI spurning að velta því fram hvort embættið eigi að vera pólitískt eða ekki – eins og spyrla kosningaskrifstofu sitjandi forseta gerði. Afhjúpar það eindæmis virðingarleysi RÚV fyrir embættinu og sögu þess og reyndi spyrlan einnig að fipa Guðmund með annarri EKKI spurningu um gagnrýni á þingmann pírata fyrir mörgum árum! RÚV mun gera allt til að mála upp sýndarmynd af Guðna Jóhannessyni sem „mannlegum" forseta sem gerir mistök eins og að veita barnaníðingum uppreist æru. Eins gott fyrir kjósendur að hleypa ekki slíkum manni aftur að Bessastöðum. 

Hér skal ósannur áróður RÚV um ópólitískt forsetaembætti hrakinn: Af sex forsetum lýðveldisins hafa þrír verið sóttir úr röðum stjórnmálamanna. Sveinn Björnsson var þingmaður Sjálfstæðisflokksins (eldri) á Alþingi og var einnig í bæjarstjórn Reykvíkinga í mörg ár. Ásgeir Ásgeirsson var bæði fjármálaráðherra og forsætisráðherra fyrir Framsóknarflokkinn en fór síðar yfir í Alþýðuflokkinn. Ólafur Ragnar Grímsson var þingmaður Alþýðubandalagsins og fjármálaráðherra, var áður hjá Framsóknarflokki. Kristján Eldjárn var fornleifafræðingur og virtur sem slíkur, Vigdís Finnbogadóttir var vinsæll leikhússtjóri og Guðni Jóhannesson er umdeildur sagnfræðingur sem ekki getur haldið réttu máli í landhelgissögu Íslands vegna tilvísunar til „fávís lýðs" sem hann telur landsmenn vera.

Guðmundur Franklín Jónsson er viðskiptafræðingur og hagfræðingur og hefur ekki á þingi setið fyrir neinn stjórnmálaflokk. Kosningaskrifstofa sitjandi forseta RÚV reynir samt að gera mál úr því að keppinautur sitjandi vilji nýta öryggisventilinn á markvissari hátt en sagnfræðingurinn.

Það er ekki aðeins spurning að þörf sé á slíkum manni í forsetastól vegna umpólunar Alþingis sem í dag hegðar sér eins og Ísland sé meðlimur ESB - það er bókstaflega brýn nauðsyn til að hafa hemil á landssölufólkinu sem ætlar sér að græða á því að selja út auðlindir Íslands.

Guðmundur Franklín Jóhannesson er maður fullveldis - sagnfræðingurinn á Bessastöðum sem veitir barnaníðingum uppreist æru skilur ekki einu sinni fyrsta bókstafinn í orðinu fullveldi. Það og meira til skildu þó bæði fornleifafræðingurinn og leikhússtjórinn sem er vísbending um þjóðarhylli þeirra. Bókarinn á Bessastöðum þarf því á kosningaskrifstofu RÚV að halda, sem óvíst er að dugi til –  enda þakkaði hann Agli Helgasyni fyrir hjálpina með sérstakri kveðju í beinni eftir að spyrlan hafði lokið þættinum.

„Þarna brást kerfið og þarna brást ég“

Guðmundur Franklín verðugari embætti forseta Íslands en sá sitjandi

Það er miklvægur munur á framkvæmdamanninum og bókaranum. Í músíkheiminum lýsir það sér í því að margir af bestu tónskáldum heims kunnu ekki að skrifa nótur og fengu nótnaskrifara til að skrá lagið eftirá. Þannig er það einnig í lífinu að til að ná árangri þarf bæði trú á eigin mátt, markmið og eljusemi til að ná áfangastað. Afskaplega lítið af þessu birtist hjá bókaranum á Bessastöðum. 

Hann má reyna að fanga bros með mislitum sokkum en hímir eins og álfur sem skammast sín fyrir feilslagið með fávísa lýðinn sem mun elta hann aldur og ævi, hvursu mikið svo sem hann reynir að pússa burtu þau orðin. Sá sem sér landsmenn sem fávísan lýð stjórnar samkvæmt sannfæringunni. 

Bókarinn er ekki einu sinni hálfdrættingur í greininni því sögulegar eiginskoðunarskýringar taka yfir sögulegar staðreyndir t.d. í landhelgisdeilunni. Eina ástæðan fyrir því að bókaranum var att í framboð var vegna þess að hann var tilnefndur af embættissýklum Samfylkingarinnar á RÚV sem í þetta sinn tókst bragðið sem Þóru mistókst. Bíómyndin um Jón Gnarr er leiðarljós í kosningataktík vinstri manna og tekst stundum að blekkja fólk með fimmaurabröndurum eina helgi. Bókarinn á Bessastöðum hefur aðeins eitt hlutverk og það er að vaka yfir og bóka vængklippingu embættisins fyrir hönd ESB. Eilífa skælubandalagið þolir ekki sjálfstætt fólk, engan einstakling sem hugsar sjálfur, aðeins vændisfólk sem er falt fyrir nokkra aura.

Andúð almennings á stjórnmálamönnum á hinu háa Alþingi er að miklu leyti komin vegna hegðunar þingmanna gagnvart ESB, þar sem vélað er um fjöregg einstakra þjóða og auðlindir Íslands undir. Forhertir þingmenn vinstri ríkisstjórnar Katrínu Jakobsdóttur hafa innleitt páfagaukastjórn þar sem þeir eru mestir sem herma bestir eftir ESB. Ráðherrarnir eru hverjum öðrum framari í eftirhermum og hafa lofað erlendum einstaklingum, sem eru ekki einu sinni í framboði á Íslandi og enginn þekkir eða hefur áhuga á að vita nein deili á, að aldrei vera á móti tillögum hirðinnar í Brussel.

Við slíkt ástand er það því miður veik tilraun en heilbrigð og góð engu að síður að koma manni að á Bessastöðum sem getur orðið mótvægi við tímaskekkju Alþingis. 

Guðmundur Franklín heitir maðurinn, honum má treysta til að vinna með þjóðinni - ekki gegn, tala fyrir þjóðinni - ekki lítillækka og verða þannig á sinn hátt til að endurheimta virðingu fyrir stofnunum Íslendinga. Athafnamaðurinn er því langtum verðugari valkostur í embætti forseta Íslands en bókarinn sitjandi á Bessastöðum sem skráir hjarðhegðun ESBa daðrara á Íslandi.

 

Skiluðu listum í þremur kjördæmum