Franklín er maður þjóðarinnar – of mörg göt í söguminningum prófessorsins

Norður-Kóreanskar flennistórarar skoðanakannanir sem RÚV birti í „umræðuþætti" forsetaframbjóðdenda í gærkvöldi málaði myndina af einokunarmiðli ríkisins sem miskunnsama samverjanum sem af hreinni hjartagæsku leyfði þeim hlekkjaða að fá að vera með síðustu mínúturnar fyrir aftökudaginn. Slík sena fáranleikans leyfir engar umræður um stóru málin sem Guðmundur Franklín tók með sér, – fjölmiðill fimmtu herdeildarinnar þjónar öflum sem vilja gera Íslendinga að fátæktarhjúum í eigin landi. 

Söguprófessorinn hefur enga sýn fyrir þjóðina í nánustu framtíð og kemst ekki með tærnar þar sem Guðmundur Franklín er með hælana til bjargar Íslandi frá ljónagryfju ESB, efnahagskreppu, auðlindasölu, atvinnuleysi og annarri óáran. Guðmundur Franklín leiðir þjóðina gegn fjársterkum öflum hnattvæðingarsinna sem eru að stela auðlindum þjóðarinnar og gera Íslendinga að fátæktarhjúum í eigin landi. 

Það er óhuggulegt að heyra prófessorinn á Bessastöðum stöðugt hæðast að stjórnarskrá íslenska lýðveldisins, vegna þess að hún komi frá tíma konungsvelda. Forsetinn hefur sjálfur heimsótt þrjú slík konungsveldi nútímans sem enn eru í fullu gildi. Þótt sagnfræðingurinn geti ekki hamið andúð sína á konungsdæmum, þá er það með öllu óboðlegt forseta Íslands að tala niður þjóðfélagsgerð konungsvelda til að vega að sáttmála þjóðarinnar frá Þingvöllum 1944.

Franklín nefndi orðið stríð og sú saga er verð endurtekningar að hefði stjórnarskrá Noregs ekki haft ákvæðið um sameiginlegt stjórnarfar konungs og þings, þá hefði útlagastjórn Noregskonungs í London, þegar nasistar hertóku Noreg, verið ólögleg. Það eru mörg stór göt í sögulegum endurminningum Guðna Th. Jóhannessonar prófessors sem gerir hann óhæfan í embætti forseta.

Í þessum kosningum er valið einfalt – a.m.k. fyrir alla þá sem unna hagsmunum þjóðarinnar:

Guðmundur Franklín Jónsson er verðugur þess að ná kjöri sem sjöundi forseti lýðveldisins Íslands.

Kosið til forseta í níunda sinn

Athugasemdir

[Sigurður Kristján Hjaltested, 27.6.2020 kl. 12:54]

Því miður Gústaf held ég að Guðni komi til með að sitja áfram.

Þrælsslundinn, hundseðlið og hjarðhegðun Íslendinaga er slík

að þeir leitast við það með öllum ráðum að halda í ömurlegheitin.

Þegar samfylkingin mælist næst stærstur flokka í skoðanakönnunum er

nokkuð ljóst að Íslendingumer ekki við bjargandi.

Skiptir engvu máli þó öskrandi dæmin sýni hvað þetta vinstra lið

er stórhættulegt þjóðinni, þá skal samt haldið áfram eins og klárinn

sem sækir þangað sem hann er kvaldastur.

[Gústaf Adolf Skúlason, 27.6.2020 kl. 13:33]

Sæll Sigurður, þakka athugasemd þína.

Hver sem niðurstaða kosninganna verður, þá var það gott framtak hjá Guðmundi Franklín að gefa kosti á sér til embættisins og benda á þær hættur sem steðja að þjóðinni um þessar mundir. Hvert misstigið skref verður þjóðinni sífellt dýrkeyptara og verði fullveldið endanlega tekið í gíslingu fimmtu herdeildar ESB munu aldir líða áður en þjóðin fær frelsi á ný.