Úr faðmi útrásarvíkinga í faðm glóbalista

Áður en Ólafur Ragnar Grímsson tók þá ákvörðun að neita að skrifa undir Icesavelög fyrstu „hreinu vinstri stjórnarinnar á Íslandi var hann staddur í slæmum gír. Sumir muna kannski eftir áramótaskaupi RÚV sem sýndi svallveislu á Bessastöðum þar sem húsráðandi gekk um meðal útrásarvíkinga sem voru í annarlegu ástandi og búið var að negla fjallkonuna fasta á vegginn. Eftir þessa niðurlægingu virtist sem ÓRG hugsaði sitt ráð og vildi bæta mannorðsskaðann með því að vinna fyrir þjóðina í staðinn. Sem og hann gerði ágætlega með vísun til stjórnarskrárinnar við þjóðaratkvæðagreiðslur um Icesave. Núna rúmum áratug síðar stendur ÓRG fyrir Artic Circle og Hringborði Norðursins í Hörpu og að hans sögn verður loftslagskreppan eitt helsta umræðuefnið.

Skiljanlega vill fyrrverandi forseti Íslands kæla niður þá stiknun jarðarbúa sem aðalritari Sameinuðu þjóðanna Guterres boðar. Kannski líta margir loftslagspostular heitari landa með öfundaraugum til norðurs þar sem ísjakar standa enn í vegi fyrir hlið helvítis. Guterres ásakar mannkyn um að hafa „opnað hlið helvítis” og að allir munu stikna á báli hamfarahlýnunar. Áður fyrr var hann varkárari í orðavali og sagði aðeins, að mannkynið væri „á hraðbrautinni til helvítis.” Í viðtali við einkaútvarpsstöð í gær sagði Ólafur, að fulltrúar Sameinuðu þjóðanna kæmu til Íslands núna til að ræða loftslagsmálin við hringborð norðursins. Þar með opnar hann dyrnar fyrir loftslagstrúboð með glæsilegri framtíðarsýn helvítis.

Með því að ganga í lið stærstu loddara mannkynssögunnar sem ljúga því upp á saklaust fólk, að koltvísýringur hafi áhrif á hitastig jarðar, þá má segja að ÓRG hafi endanlega tekið skrefið frá útrásarvíkingunum til glóbalistanna. Það verður áhugavert að fylgjast með áróðri glóbalista á þessari ráðstefnu í ár. Ekki er víst að það helvítishrun sem þeir boða mannkyni gefi ÓRG annað tækifæri til að bæta mannorðið eins og honum tókst eftir Icesafehrun útrásarvíkinganna íslensku. Til þess þyrfti hann vettvang hinnar nýju heimsstjórnar sem Sameinuðu þjóðirnar boða í náinni framtíð.

„Farin að hríslast um allt þjóðfélagið“

Athugasemdir

[Gísli Ingvarsson, 18.10.2023 kl. 16:05]

Stjórnmálmenn samtíðarinnar eru ábyrgðalausir af orðum sínum og gerðum. Þeir treysta á sérfæðingaálit sem eru fjármögnuð af ríkustu auðmannaklíku veraldar. 

Þeir trúa ekki sjálfir því sem þeir segja, en þetta er besta leiðin til að halda starfinu og vera í sviðsljósinu. 

Ólafur er samt betri en margur Sjálfstæðismaðurinn sem hefur engan sjálfstæða hugsun né málstað. Guðlaugur Þór er gott dæmi um úrkynjun. 

[Loncexter, 18.10.2023 kl. 16:59]

Kona ein að nafni Judith Curry var dugleg að predika loftlagshlýnun, en sá svo að eitthvað var mjög skakkt !

https://www.bing.com/videos/riverview/relatedvideo?q=judith+curry&mid=BDDB03B2CE8CD4BCDFCBBDDB03B2CE8CD4BCDFCB&FORM=VIRE

[Gústaf Adolf Skúlason, 18.10.2023 kl. 18:35]

Þakka athugasemdir og nauðsynlegar upplýsingar. Einmitt Gísli, glóbalistarnir kaupa sérfærðingaálit og nota eigin miðla til að básúna því út um allar jarðir. Gulli græni er afbragðsdæmi um sendisveina græna kommúnismans sem Katrín rauða fer fyrir á Íslandi. Frábært með J Curry, hún er ekki sú eina sem betur fer sbr: https://twitter.com/TalkTV/status/1558753801133346816

https://www.youtube.com/watch?v=Qdg4uQW8Dlg&t=1s m.fl. 

[rhansen, 18.10.2023 kl. 21:57]

Bara ein af betri lygasögum sem eg hef lengi lesið ,en ekki su eina ..Enda spretta þær upp eins og gorkulur á skithaug  En það kjöland fyrir svona   efni !