Fyrst Icesave, síðan Panama, nú þetta: ESB-snara um háls lýðveldisins Íslands

Svo virðist sem ríkisstjórnin ætli að taka endanlegt skref og afnema stjórnarskrá Íslands í verki með eftirliti ESB á lagatillögum Alþingis. Fær ESB með nýrri tilkynningaskyldu EES-ríkja möguleika á að stöðva lög og senda tilbaka sem ekki henta lagabálkum sambandsins.

Þetta er snara um háls þjóðarinnar og innlimun undir valdakrumlur ESB. Viljinn skrifar: "Gangi breytingarnar eftir mun framkvæmdastjórn ESB eða Eftirlitsstofnun EFTA hafa vald til að stöðva slíkar ákvarðanir stjórnvalda (Alþingis, ríkisstjórnar, sveitarstjórna) í EFTA-löndunum. Framkvæmdastjórn ESB getur þá einnig stöðvað ákvarðanir þjóðkjörinna fulltrúa ef það telur að ákvörðunin sé ekki réttlætanleg eða nauðsynleg á grundvelli almannahagsmuna." 

Nú ætti framhaldssaga Icesave að fara að renna upp fyrir mönnum, þriðji kaflinn hafinn í baráttunni um að koma völdum á Íslandi í hendur ESB. Þetta áhlaup er undanfari yfirtöku landsins ef til styrjaldar kemur. Með yfirráðum landsins tryggir ESB sér mikilvæga stöðu á Norðurslóðum. Auðlindir Íslands fylgja sjálfkrafa með beinni stjórnsýslu lýðveldisins. 

Samþykki Alþingi lög um þessa málsmeðferð og forseti staðfestir verður það ekki gert nema í trássi við skilmála stjórnarskrárinnar um að breytingar á stjórnarskrá eigi að gera á tveimur kjörtímabilum með alþingiskosningum á milli. Hvernig ríkisstjórnin og forsetinn ætla sér að sniðganga stjórnarskrána á eftir að koma í ljós en varla verður slíkt gert án þess að vekja reiði og jafnvel uppreisn lýðræðiselskandi Íslendinga.

Er ríkisstjórnin að hleypa öllu í bál og brand? 

Hér er linkur á mótmæli samtaka og einstaklinga 14. janúar s.l. "Stöðvum tilkynningarskyldu við ESB - sveitarstjórnir þarfnast lýðræðis til að vernda hagsmuni íbúanna!"

Athugasemdir

[Jóhann Elíasson, 26.2.2019 kl. 14:35]

Nú er bara runnin upp ögurstund hjá okkur Íslendingum VIÐ VERÐUM BARA AÐ SEGJA EES SAMNINGNUM UPP EF EKKI Á ILLA AÐ FARA.....

[Gústaf Adolf Skúlason, 26.2.2019 kl. 15:50]

Þessi ríkisstjórn var ekki kosin til að sinna eftirlitshlutverki fyrir ESB. Ráðherrarnir eru í metorðagrindahlaupi fyrir eigin þægilegra lífi og loka augunum fyrir brennandi áhorfendapöllum....Icesave taka 4....