Sambandssósíalistar telja félagsmiðla ógn við lýðræðið

Fyrrverandi flokksformaður Radikale Venstre í Danmörku, Magrethe Vestager, segir í viðtali við sænska dagbladet, að einkasamtöl fólks á félagsmiðlun ógni grundvelli lýðræðisríksins: "Hvernig á að vera hægt að mæta pólitískum boðskap sem bara er sendur til einnar persónu? Ef það ert aðeins þú sem færð boðskapinn getur enginn stjórnmálamaður mætt boðskapnum og enginn blaðamaður mun geta rannsakað hann. Það sem virðist vera saklaus markaðsfærsla verður að stóru vandamáli í stjórnmálunum.

Ef stjórnmálaumræðan hverfur af opinbera sviðinu þá er það í sjálfu sér ógn við grundvöll lýðræðisins. Sjálf lýðræðishugmyndin þegar lýðræðið kviknaði er að umræðan fari fram opinberlega. Allir geta sagt það sem þeim finnst og ég get haft aðra skoðun."

Vestager segir að reynt verði að ná friðsamlegum lausnum við miðla eins og Google og Facebook. Náist ekki árangur með þeirri leið verði gripið til lagaákvæða.

Í nafni lýðræðis verður fólki bannað að tala hvert við annað. Opinbera sviðið er fáni ESB og opinberar hyllingar til ESB. 

ESB þarf að heyra og sjá allt, geta haft 100% stjórn á öllum hugsunum og aðgerðum einstaklingsins. Enginn, ENGINN á að geta um frjálst höfuð sér strokið. Stóri bróðir ákveður hvað þér er fyrir bestu.

Lagaleið sambandssósíalistanna er gamla lumma þjóðernissósíalistanna. Með henni á að losna við andstæðingana.

ESB, Evrópa....allur heimurinn er á þessarri slæmu vegferð undir stjórn sambandssósíalistanna.

Union er komið í stað national.

Bráðum kemur Sambandsleiðtogi með sömu takta og þjóðernisleiðtoginn heimsfrægi með ferkantaða yfirvaraskeggið. 

Gerður að blóraböggli af Facebook

Sambandssósíalisminn arftaki þjóðernissósíalismans

Úr þjóðernissósíalismanum hefur nýji sambandssósíalisminn sprottið. Sambandssósíalisminn traðkar niður lýðræðið, enginn er lýðræðislega kjörinn í miðstjórn sambandsins, þingið er valdalaust og setur engin lög heldur fær lagatillögur til umsagnar. Útrýma á þjóðum og steypa saman í "sambandið", grái massinn er aftur kominn í stað einstaklingsins. Lýðræðisleg öfl eru öll undir daglegum árásum og lítilsvirðingu, áróðursmaskínan talar um "öfga" hægri og popúlisma. Byggt hefur verið undir miðstjórnina (framkvæmdastjórn sambandsins) á sama grundvelli og gert var í ráðstjórnarríkjunum og enn sést í löndum eins og Kína, Norður-Kóreu og afdönkuðum einræðisríkjum í Afríku og miðausturlöndum.

Sambandssósíalistarnir Merkel og Makrón með stuðningi Schultz og fleiri láta slag standa og mynda enn eitt "sambandið" í sambandinu - skattasambandið. Bætist það við runu sambanda gjaldmiðils, orku, varnamála o.s.frv. öll með sameiginlegan sambandsfána, sambandssöng og sambandsdag.

Þótt allir viti að sambandssósíalistarnir séu að byggja upp alríki í stíl við gamla USSR, mátti ekki segja það hreint út fyrr en núna.

Makrón og Merkel vilja stórveldi. Tony Blair vill stórveldi. Ekkert er heilagt - síst friðurinn. Völdum skal náð með heimsstyrjöld ef ekki annað.

Lýðræðiselskandi fólk hefur verið dregið á asnaeyrum í áratugi. EES og EFTA eru notuð sem bakdyr til að leiða afgangslömbin til slátrunar.

Á Íslandi trónir sambandssósíalistinn Steingrímur J. Sigfússon á forsetastóli alþingis. Annar sambandssósíalistinn sem titlar sig borgarstjóra hefur dregið íbúa höfuðborgarinnar niður í holótt fátæktarsvaðið. Forsætisráðherra vinstri grænu framsóknarsjálfstæðismannastjórnarinnar styður þá báða.

EUSSR og Brusselher koma í stað USSR og Varsjárbandalags og "ný og betri" kjarnorkuvopn eru kynnt svo allir geta sagst vera klárir í úrslitaslaginn um völdin.

Ofurhetja sambandssósíalismans - kapten EURO - stjórnar.

Friður ekki málið í dag heldur völd

"Faðir alþjóðavæðingarinnar" látinn

Breitbart skrifar að "Faðir alþjóðavæðingarinnar" Peter Sutherland sé látinn 71 árs að aldri.

Sutherland barðist fyrir að "grafa undan" þjóðum Evrópu með aðstoð fjöldainnflutnings frá þriðja heiminum. Peter Sutherland var í forystuhlutverki m.a. hjá Goldman Sachs, BP og Bilderberg hópnum og stjórnaði innflytjendamálum hjá Sameinuðu þjóðunum og ESB.

Í viðtali við BBC árið 2012 lýsti hann því yfir sem sérstakur fulltrúi Sameinuðu þjóðanna í innflytjendamálum að "Evrópusambandið ætti að gera allt til að grafa undan ´eingerðum´ þjóðfélögum aðildarríkjanna og opna veg fjölþjóðasamfélagsins".

Hann sagði að fjöldainnflutningur væri "lífsnauðsynlegur fyrir hagvöxtinn" og að aðildarríki Evrópusambandsins yrðu að gera allt til að "brjóta niður það sem eftir væri af þjóðarsamkennd".

"Við finnum enn til þessarar samkenndar og aðskiljum okkur hvert frá öðru. Það er einmitt verkefni Evrópusambandsins - eins og ég sé það - að gera allt sem hægt er að gera til að eyða þessari samkennd."

Þetta er stefna Evrópusambandsins, sem ætlar að beita valdi til að þvinga aðildarríki sambandsins til að taka við flóttamönnum, sem þau vilja ekki taka á móti. Reuters segir, að ákvörðun valdbeitingarferlis ESB gegn Póllandi sé vegna yfirlýsingar Póllands um að að taka ekki við múslímskum innflytjendum. 

Myndin verður sífellt skýrari. Markmiðið með gegndarlausum innflutningi fólks til Evrópu er að afnema sjálfstæðar þjóðir og steypa allri álfunni undir eina alríkisstjórn. 

Í dag er höfuðborgin Brussel.

Á morgun Berlín.

 

 

Trompaðir taparar neita að sjá hverju Trump hefur áorkað

Það jók á Þrettándagsfagnaðinn að lesa Reykjavíkurbréf Morgunblaðsins. Höfundur raðaði upp meginrökum gegn þeirri nýtilkomnu stefnu Íslands að ákveða fyrir Bandaríkjamenn, hvar sendiráð þeirra eiga að vera. Undirlægjuháttur Íslands að taka þátt í mótmælum Sameinuðu Þjóðanna gegn Bandaríkjunum er með öllu óskiljanlegur í ljósi samskipta Íslands og Bandaríkjanna í gegnum tíðina. Full ástæða er því til að taka undir spurningar bréfahöfundar um hvers vegna íslenska utanríkisráðuneytið telji það þýðingarmikið að fylkja sér í félagsskap þjóða sem líklegri eru til að óska árásarherjum á Ísrael velgengni og vilja fremur þóknast hryðjuverkasamtökunum Hamas en Ísraelsmönnum. Ég hvet alla eindregið til að lesa Reykjavíkurbréfið 6. jan. 18.

Áróðursdrifið gegn Trump nær nýjum hæðum með bókinni "Fire & Fury". Í grein í Mbl. s.l. föstudag sagði ég frá árásum fv. forsætisráðherra Svíþjóðar, Carl Bildt og Fredrik Reinfeldts á Trump en Bildt segir að vegna þess "að valdatímabili þjóðríkja sé lokið í Evrópu" þá þýði lítið fyrir "Trump að dreyma um fullvalda ríki". Reinfeldt ásakar Trump fyrir "testósterón" hegðun gagnvart einræðisherranum Kim Jong-un, þannig að hugsanleg kjarnorkuárás Norður-Kóreu á Bandaríkin verði örugglega Trump að kenna. 

Fyrir utan að styðja andstæðinga lýðræðis og sjálfsákvörðunarréttar þjóða, sem Donald Trump vill varðveita, þá er þessu moldviðri m.a. ætlað að fela góðan árangur af starfi Trumps í embætti forseta sbr. þessa samantekt Fox News m.m.  

Nokkur dæmi:

• 250 þúsund ný atvinnutækifæri urðu til í desember 2017 (það mesta á 9 mán. tímabili)
• Uppsagnir með minnsta móti síðan 1990
• Atvinnuleysi það lægsta í 17 ár
• 2,1 milljón ný störf sköpuð í valdatíð Trumps 
• Framleiðsla í Bandaríkjunum er nú sú mesta síðan 2004
• Matarmiðar með minnsta móti í 7 ár, hefur fækkað um 2 milljónir manns síðan Trump tók við
• Opnað fyrir olíuborun á hafssvæðum sem lið í að Bandaríkin verði óháð öðrum með orku
• Einfaldara regluverk, fyrir hverja nýja lagagrein eru 16 gamlar skornar niður.
• Yfir 3% hagvöxtur tvo ársfjórðunga í röð

Árangurinn ofan kom í ljós ÁÐUR en skattaniðurskurður ríkisstjórnar Donald Trumps upp á 1,5 billjónir dollara var ákveðinn.

Til samanburðar má bera árangur Trumps við afrekaskrá Obama:

• Lægsta vinnuframboð síðan 1970
• Um 95 milljónir manns misstu atvinnuna
• Versti hagvöxtur síðan 1940
• Minnsta eignarhald á húsnæði í 51 ár
• Um 13 milljónir fleiri Bandaríkjamenn á matarmiðum
• Um 43 milljónir Bandaríkjamanna í fátækt

Kannski koma þessar upplýsingar að notum til að skilja ástæðuna fyrir kjöri Donald Trumps sem forseta Bandaríkjanna. 

 

Falskar fréttir og nú „fölsk bók“

Fylkingar myndast - hernaðarátök undirbúin í Evrópu og Asíu

Dökk ský eru á himni þessi áramót. Efnahagsleg, stjórnmálaleg og hernaðarleg. Stjórnmálaóróleiki ríkir um alla Evrópu með vaxandi uppreisn almennings gegn alríkishugmynd ESB-elítunnar.

Vilji almennra borgara hindrar þó ekki uppbyggingu 4.a ríkisins. Glaður Tusk sagði nýlega að draumurinn um eigin her sé orðinn að veruleika. Höfuðkrati Þýzkalands Martin Schulz lætur ekki stærsta kosningaósigur sósíaldemókrata frá stríðslokum seinni heimsstyrjaldar hindra boð um stofnun ofurríkis ESB í síðasta lagi ár 2025. Emmanuel Macron Frakklandsforseti hellir olíu á eldinn - hann vill komast í sögubækurnar sem stærsti ofurríkiskyndarinn. Ný skoðanakönnun YouGov í Svíþjóð, Finnlandi, Danmörku og Noregi ásamt Þýzkalandi, Bretlandi og Frakklandi sýnir gríðarlega andspyrnu íbúa landanna gegn ofurríkjadraumi Schulz.

Juncker forseti framkvæmdarstjórnar ESB getur ekki haldið beinni línu á þriggja metra breiðum teppadregli vegna ofurölvunar um hábjartan dag. Boris Jeltsin er skemmt. Og Adolf Hitler líka, því að tjaldabaki ræða smiðir 4.a ríkisins að halda eigi upp á 100 ára afmæli setningu Olympíuleikjanna í Berlín með því að afmá þjóðarauðkenni af búningum íþróttamanna sem einungis keppa í nafni stórríkisins á Ólympíuleikjunum 2036. Það ár verður ESB (ef það lifir) eins og Spánn 2017 og aðildarþjóðirnar í katalónskum viðjum. Her hins endurreista Varsjárbandalags verður sendur til að kveða niður uppreisnir innan sambandsins. Ungir Pólverjar segja því réttilega í dag að “kommúnismi nútímans er blár”. Framtíðin mun skera úr um, hvort blái stjörnufáni 20. aldarinnar verði hjúpaður sömu tilfinningum og rauði hakakrossfáni 19. aldar.

Efnahagur hins vestræna heims og verðbréfamarkaðir eru tálsýn, borin uppi af falskri bókfærslu um verðmæti sem ekki eru til. Búið er að tæma sjóði fjöldamargra ríkja gegnum bankakerfið.  Seðlabankar hins vestræna heims, sem eiga að gæta jafnvægis efnahagslífsins, hafa dælt inn billjónum innistæðulausra dollara og evra til að halda tálmyndinni á floti. Rætist spá ástralska hagfræðingsins Steve Keen um nýtt fjármálahrun af svipaðri stærð og Lehman Brothers fer hinn vestræni heimur á kaf. Búið er að tæma hirzlurnar og engin mótstaða eftir. Heilu ríkin munu fallera frítt.

Stjórnmálaelíta í höndum olígarka vill eyða fullveldi ríkja fyrir alræði elítunnar. Íslendingar hafa kynnst þessu í Baugi, Samfylkingunni og bankahruninu. Jónar alheims hafa baugsmiðla sem halda uppi fréttafölsunum og árásum á lýðræðislega rétt kjörna fulltrúa fólksins. Almenn skynsemi víkur fyrir bábiljum og gróusögum.

Hergagnaframleiðendur viðra morgunloft. Markaður dauðans í Miðausturlöndum er á leiðinni til Evrópu og Asíu. Nýlega varaði bandaríski hershöfðinginn Robert Neller við komandi stórstríði í Evrópu. Kannski átti hann við hugsanlega gagnsókn Úkraínumanna til að frelsa Austur-Úkraínu en Rússar hafa hótað blóðbaði ef Úkraínumenn nota nýju bandarísku vopnin sín til þess að reyna að endurheimta austurhlutann. Í Eystrarsaltsríkjunum og Póllandi er viðbúnaður við innrás Rússa og einnig í Svíþjóð og Noregi. Svíþjóð hefur endurreist herdeild á Gotlandi en varnarmálayfirvöld lýsa varnargetu Svía gagnslausri nema að varnir verði styrktar mjög fljótlega.

Í Asíu hafa stórveldin myndað fylkingar með eða á móti Kim Jong-un. Þrátt fyrir yfirlýsingar um hið gagnstæða hafa Rússar og Kínverjar tekið hernaðarstöðu með Norður-Kóreu. Rússar hafa flutt eldflaugakerfi að landamærum Norður-Kóreu sem ólíklega verður notað gegn Kim Jong-un. Kína, sem er á leiðinni fram úr Bandaríkjunum sem stærsta efnahagsveldi heims, segist fylgja samþykktum SÞ um viðskiptabönn. Engu að síður sýna gervihnattamyndir hvernig kínversk skip dæla olíu yfir í N-Kóreönsk skip þrátt fyrir samþykktir SÞ. Kína ögrar Suður-Kóreu með skipum sem sigla í lögsögu S-Kóreu og þvinga fram viðvörunarskot áður en þau hverfa á braut. 

Möguleikar Donald Trumps á eðlilegum samskiptum Rússlands og Bandaríkjanna á grunni Regans og Gorbatjovs í Reykjavík eru að engu orðnir. Búið er að brytja niður diplómatakerfi ríkjanna hvort hjá öðru. Eina ástæðan fyrir því að olígarkí Wall Street, alþjóðastórfyrirtækja og hermangara í Washington hefur ekki þegar flæmt Trump frá völdum er sú, að hann er nothæfur sem stríðsforseti í komandi átökum.

Brennið þið vitar, - farvel 2017.

Velkomið sértu 2018.

Ég þakka samfylgdina 2017 og óska öllum gæfu og gengis á nýja árinu.

 

Velkomin í "skítkastaraklúbbinn" - tízka staðreyndaleysis í hámarki 2017

Það er ógæfulegt fyrir Ísland að hafa greitt atkvæði með stjórnmálayfirlýsingu gegn sjálfsákvörðun Bandaríkjastjórnar að flytja sendiráð sitt til Jerúsalem, höfuðborgar Ísraels. Eins og að SÞ hafi eitthvað með það að gera, hvar USA staðsetur diplómata eða hvaða ríki USA velur að vinna með.

Ríkisstjórn Bandaríkjanna er heil. Hún gerir það sem hún segir. Hún segir það sem hún gerir. En bara af því að það er Trump sem er forseti er öllu tjaldað til að leggja Bandaríkjmenn í einelti. 

Bæði Fredrik Reinfeldt og Carl Bildt fyrrum forsætisráðherrar Svíþjóðar eru meðlimir í "skítkastaraklúbbi" heimsins gegn réttkjörnum forseta Bandaríkjanna, Donald Trump. Fyrst Bildt sem sagði að Trump hefði "reykt", þegar Trump benti réttilega á ofbeldið í Svíþjóð. Núna Reinfeldt sem sagði í viðtali við Aftonbladet, að Trump svaraði Kim Jong-un alltaf með "testesteróni". Sem sagt ef brjálæðingnum í Norður Kóreu tekst að myrða fjölda manns, þá er það Trump Bandaríkjaforseta að kenna. 

Paul Craig Roberts fv aðstoðarfjármálaráðherra Bandaríkjanna skrifar í pistli: 

"Ráðandi ólígarki gerir núna upp dæmið með Trump til að tryggja að engir forsetaframbjóðendur í framtíðinni geti beint máli sínu beint til fólksins. Þegar Trump sagði, að hann myndi stjórna í þágu fólksins og flytja aftur inn útflutt störf, þá réðst hann á gróða alþjóða fyrirtækjanna og þegar hann sagðist ætla að koma samskiptum við Rússland í eðlilegt horf, þá réðst hann á völd og gróða hernaðar- og öryggismálasamsteypunnar. Hann þarf núna að gjalda fljótfærninnar. Stóra spurningin er: Hvaða verð þurfa Bandaríkjamenn og allur heimurinn að borga fyrir þær takmarkanir sem hernaðar/öryggismálasamsteypan hefur lagt á getu Trumps til að gera samskiptin eðlileg við Rússland?"

Kosningin hjá SÞ þar sem Ísrael er gert að bitbeini sýnir hvoru megin í skítkastinu og falsfréttaflóðinu fólk velur að standa. Ísland hefur tekið niður fyrir sig og vikið af braut sjálfsagðrar virðingar fyrir sjálfsákvörðunarrétti þjóða. Ísland er komið í "skítkastaraklúbbinn" þar sem málefnin víkja fyrir persónulegum árásum og einelti. 

Gott mál hjá Bandaríkjastjórn að skera niður fé til fólks sem ekkert hefur annað við tímann að gera.

Skerða framlög til Sþ um 258 milljónir

Svíþjóð varnarlaust ríki - 40 myrtir, 135 særðir í 306 skotárásum í ár

Í hvítbókinni "Nýjar allsherjarvarnir" sem konunglega stríðsakademían í Svíþjóð birti nýlega, segir að varnir Svíþjóðar gegn hugsanlegri vopnaðri árás eða tölvuárásum séu svo hörmulegar að hægt sé að fullyrða að Svíþjóð sé varnarlaust land. Segir að með tölvuárásum sé hægt að "slá út rafmagn í öllu landinu og við það muni mest allt stöðvast - símakerfi, þráðlaus net, greiðslukerfi o.s.frv. Fólk byrjar að svelta eftir eina viku þegar matvörur klárast. Notkun árásaraðila á félagsmiðlum skapar ofsahræðslu, vantraust og uppgjafaranda. Við hernaðarárásir munu herdeildir í Svíþjóð, bæði landher og sjóher að öllum líkindum slást út eða hætta að virka. " (Úr formála hvítbókarinnar). Niðurstaða hvítbókarinnar er að Svíþjóð þurfi að byggja upp varnir frá grunni og stórefla hergetuna til að geta staðist hugsanlega fjandsamlega árás. 

Eftir útkomu hvítbókarinnar tilkynnti ríkisstjórn Svíþjóðar að tíminn sem fólk á að geta séð sjálfu sér fyrir mat áður en það leitar til ríkisins í styrjaldarástandi muni verða framlengdur frá 72 tímum upp í eina viku. 

Innanlands ríkir gengjastyrjöld. Sænska sjónvarpið gerði samantekt og lýsir ísköldum aftökum í gengjastríðum og hefndaraðgerðum. Það sem af er árs hafa 40 verið myrtir og 135 særðir í 306 skotárásum í Svíþjóð. Það er tvöfalt meira en fyrir fimm árum síðan. 1, 21 skotárás að meðaltali daglega. Meirihluti ódæðismanna og fórnarlamba þeirra eru ungir menn á tvítugsaldri. Flestar skotárásir gerast á almennum svæðum í þéttbýlum. Fram að þessu eru einungis 6 af 40 morðum leyst. 26 morðanna eða 65% voru framin í Stokkhólmi. Sænska sjónvarpið lýsti aftökusveit 4 ungmenna á aldrinum 20 og 21 árs frá Rinkeby í Stokkhólmi sem myrða gegn greiðslu og ráða lögum í Stokkhólmi. Morðið kostar á milli 3,7 -6,2 milljónir íslenskar.

Yfirvöld lofa hertari lögum en hversu margir munu falla fyrir byssukúlum á nýju ári í Svíþjóð? 

 

 

 

4.a ríkið fæðist

Eins og krata er dæmigerður siður, þá aðstoða þeir fjármálabraskara út á ystu nafir mannlífs í nafni velferðar "fjöldans". Þannig heldur Martin Shulz jafnaðarforingi Þjóðverja, að almenningur láti blekkjast til að halda, að Evrópusambandið muni hætta að starfa í þágu stórfyrirtækja ef að 4.a ríkið komist á laggirnar sem verið hefur ætlun ESB allan tímann.

Monnetpulsan er samansett af bandalagssneiðum hverri á fætur annarri þar til að pulsan verður allt í einu sýnileg. 

Íslendingar kannast við kratapakka - bæði lygar um inngönguskilmála ESB og vegna afhendingu banka til stórsvindlara. Þjóðin sá í gegnum Icesave en enn hefur enginn opnað geymdu skjölin um afhendingu bankanna. 

Fyrir vinstri menn eru völdin einungis til að efla eigin hag á kostnað fjöldans.

Þýzkir jafnaðarmenn þrá "Deutschland uber alles" á nákvæmlega sama hátt og einræðisherrann sem um tíma átti stærstu tortímingarmaskínu Evrópu.  Ekkert mun stöðva Evrópusambandið í áformum sínum um heruppbyggingu á nýjan leik. 

Kapteinn EURO kemur og "bjargar málunum".

 

 

Vill Bandaríki Evrópu fyrir 2025

Framundan er aftaka lýðræðis fyrir íbúa Katalóníu með fulltingi ESB

Á Íslandi eru alþingiskosningar á morgun. Með tilliti til þeirra flokka sem vilja varðveita fullveldi okkar og sjálfstæði er auðvelt að krossa yfir hina. 

Verra er ástandið á Spáni, þar sem vofa fasismans bíður eftir skipun um að kæfa sjálfstæði Katalóníu. ESB mun þar veifa samstöðu með ofbeldismönnum sem troða á lýðræðinu með blóðugum stígvélum. Spánn átti í borgarastyrjöld 1936. Þá dóu yfir hálf milljón manns. 

Hversu margir þurfa að deyja núna?

Íslendingar ættu að hugsa sig tvisvar, þrisvar og jafnvel fjórum og fimm sinnum um áður en þeir gefa einhverjum þeim flokkum atkvæði, sem vilja koma þjóðinni undir járnhæl ESB. 

Grískur og katalónskur harmleikur getur hæglega orðið íslenskur.

Sjálfstæðisyfirlýsing samþykkt

Handbók ESB um hvernig fjölmiðlamenn eiga að fjalla um málefni innflytjenda

ESB hefur fjármagnað nýja handbók, Reporting on Migration and Minorities: Approach and Guidelines, fyrir blaðamenn svo þeir geti tjáð sig á réttan hátt um innflytjendamál og innflytjendur. Journalisten í Svíþjóð segir frá þessu.

Meðal leiðbeininga er m.a. ráðlagt að taka ekki viðtöl við "öfgasinna" sem "dreifa hatursáróðri" eða greina frá uppruna glæpamanna. Aðilar að bókinni eru Alþjóðlega blaðastofnunin í Wien ásamt sjö evrópskum útvarpsstöðvum í Þýzkalandi, Írlandi, Ungverjalandi, Grikklandi, Ítalíu og Spáni. Markmiðið er að leiðbeina blaðamönnum að skrifa "siðferðilega" um málefni innflytjenda. 

Blaðamenn eru hvattir til að komast hjá "óskýrum alhæfingum" og eiga að segja að uppruni afbrotamanna hafi engin tengsl við afbrot þeirra, þegar innflytjendur eiga í hlut. Einungis má nefna uppruna og trú, "þegar það er nauðsynlegt til að almenningur skilji fréttina". Margar leiðbeiningar eru hvernig eigi að segja fréttir af múslímum t.d. eiga blaðamenn að gæta sín á að gera ekki múslímskar konur að fórnarlömbum jafnvel þó þær íklæðist búrkum, - slíkt sé alhæfing um vonda eiginmenn.

"Taktu ekki með öfgasjónarmið til að ´sýna hina hliðina´og vertu á varðbergi gegn pólitískum og félagslegum öflum sem dreifa hatri til að ná eigin markmiðum".

Ég hef ekki lesið bókina, aðeins umsagnir um hana en linkur er á bókina á ensku hér að ofan.

Trúlega hafa allir fjölmiðlar á Íslandi fallið "röngu megin" við "rétta blaðamennsku ESB" í málefnum innflytjenda - alla vega þeir sem sagt hafa frá skoðunum "öfgamannsins" Ásmundar Friðrikssonar.

En Íslendingar eru sem betur fer ekki upp til hópa ginnkeyptir að tala fyrir peninga, þótt enn megi finna ýmsa sem gegn greiðslu viðhalda "rétthugsunarhætti" í þjónkun sinni við ESB.

 

 

„Eigum að senda út skýr skilaboð“