Stefnulaus súpa úr ESB-nagla

Ekki er það upp á marga fiska að fylgjast með málfærslu eftirlýðveldisflokkanna, sem reyna að finna sér land undir fót í kosningunum. Öllu er hrært saman í hugmyndasnauða naglasúpu og kjósendum aðeins boðið upp á einn ESB-nagla. 

Stjórnarandstöðuflokkarnir keppa við sjálfa sig með nýjum bandalögum í einstökum málaflokkum. Píratar hófu leikinn og eins og hinn góði forseti Alþingis Einar K. Guðfinnsson benti á, þá er það athyglisvert, að Viðreisn telur utanríkisstefnu sinni best borgið í bandalagi með Vinstri grænum og Pírötum.

Undirlægjuhátturinn og sleikjuskapurinn við ESB er svo blindandi að ekkert annað kemst að og þar af leiðandi kemur hið nýja kjörorð: Viðreisn og Vinstri græn - útverðir vestrænnar samvinnu!

Vestræn samvinna stjórnarandstöðunnar hefur ESB og starf þess sem fyrirmynd. Bygging ESB er eins og Titanic í heila hönnuðanna og farþega fyrsta farrýmis: Ósökkvandi.

En eins og Titanic eftir áreksturinn við ísjakann marir ESB vélarlaust hálft í kafi og bíður þess að sökkva.

Gáfuð stjórnarandstaða velur að fara til botns með ESB.

Guð blessi Ísland fyrir að vera án þeirra örlaga.

„Útverðir vestrænnar samvinnu!“

Öryggi íbúannna ábyrgð okkar allra segir bæjarstjóri Sollentuna

Það líður varla sá dagur í Svíþjóð að ekki séu fregnir af vopnuðum ránum, bílaíkveikjum og skotbardögum þar sem menn særast eða láta lífið fyrir byssukúlum. Ástandið virðist sífellt verða verra og miklar umræður í gangi um hvað hægt er að gera til að berjast gegn glæpafaraldinum.

Stjórnarandstaðan krefst þess að hlúð verði að lögreglunni með auknum fjárlögum, hærri launum til lögreglumanna og fjölgun þeirra í þúsundum talið um alla Svíþjóð. Gríðarlega þung gagnrýni er á lögreglustjórann sem ekki kemur úr röðum lögreglunnar heldur er flokksgæðingur sósíaldemókrata.

Ég var í viðtali í Morgunútvarpi útvarps SÖGU í vikunni og varð hissa, þegar Markús Þórhallsson benti á að ekki tryðu allir Íslendingar því, að frásagnir af glæpaöldu í Svíþjóð væru sannar. Vegna þess ákveð ég að birta hér viðtal við bæjarstjórann í Sollentuna kommun með 70 þúsund íbúum í norðurhluta Stokkhólms en Sollentuna hefur tekið upp það nýmæli að hafa lögreglu staðarins með á fundum bæjarstjórnar.

Henrik Tunes er formaður bæjarstjórnar Sollentuna og hann hefur búið í Sollentuna síðan 1998. Hann er virkur meðlimur hjá Móderötum síðan 1999 og varð formaður bæjarstjórnar fyrir einu ári síðan.

Mirihluti bæjarstjórnar skrifaði harða gagnrýni á lögreglustjórann og um ástandið í Aftonblaðið í sumar. Af hverju? 

Það hefur verið órólegt hérna í Sollentuna í sumar, bílaíkveikjur og steinakast en það versta af öllu var, að hér varð skotárás í miðjum bænum, meira að segja hérna fyrir utan sjálft sveitarstjórnarhúsið. Þetta hefur afar neikvæð áhrif og eðlilega skapaði þetta óróa hjá íbúum Sollentuna og margir þeirra höfðu samband við sveitarfélagið. Það er náttúrulega gott að maður hefur samband við sveitarfélagið en það er einnig ágætt að minnast þess, að þegar gróf glæpastarfsemi er stunduð eins og átt hefur sér stað, þá er það fyrst og fremst lögreglumál, annars geta umræðurnar farið út af sporinu. Það er hlutverk lögregluyfirvalda að hindra glæpastarfsemi og vinna fyrirbyggjandi starf, sem sveitarfélagið getur líka gert en okkur fannst lögreglan ekki hafa sinnt sínu hlutverki sem skyldi hérna í sveitarfélaginu, þegar þessir atburðir áttu sér stað. Þess vegna völdu fulltrúar meirihlutans hér að skrifa þessa grein í Aftonbladet. 

Hvernig voru viðbrögðin? Fenguð þið einhver viðbrögð frá lögreglunni? 

Já, við fengum reyndar svar við greininni frá fulltrúum lögreglunnar og í kjölfarið hittum við tvo fulltrúa lögreglunnar hérna í Sollentuna. Og það var mjög góður fundur, við vorum skýrir með þá óánægju sem fannst um störf lögreglunnar, við lögðum spilin á borðið. Niðurstaða fundarins var að við yrðum að hefja nánara og beint samstarf milli sveitastjórnarinnar og forystu lögreglunnar hérna í Sollentuna. Þetta leiddi til þess skrefs, að lögreglan kemur á mánaðarlega fundi sveitarstjórnarinnar og gefur skýrslu um hvernig ástandið er í Sollentuna varðandi glæpi. Lögreglan getur ekki sagt frá öllu, því þeir eru bundnir þagnarskyldu en þeir geta gefið okkur greinargóðar upplýsingar og svarað spurningum okkar. Allir vita að stjórnmálamenn geta talað mikið en lögreglan fær 10 mínútur á hverjum fundi, þar sem 5 mínútur fara í skýrslu um ástandið og 5 mínútur til að svara spurningum. Allir flokkar eru viðstaddir og fá upplýsingar lögreglunnar og allir geta spurt lögregluna um hvað hún sé að gera. 

Hvaða áætlanir hafið þið með lögreglunni í nánustu framtíð? 

Sveitarfélagið hefur sína ábyrgð og lögreglan sína. Hjá okkur vinnum við stöðugt með öryggisspurningar og margt er í gangi. Fyrir ári síðan samþykkti sveitarstjórnin sérstaka stefnu varðandi öryggi íbúanna, þar sem ákveðið var hvernig unnið er að öryggismálum alls staðar í sveitarfélaginu. Að fyrirbyggja glæpi er langtímaverkefni hjá okkur og einnig sköpum við örugg útivistarsvæði og vinnum að félagslegri haldbærni gegn glæpastarfsemi. Þannig eru öryggismálin með frá byrjun við skipulag íbúðahverfa með upplýsum útisvæðum. Og skólinn hefur afar þýðingarmikið hlutverk hér, börnum er kennt þegar í forskólanum að bera virðingu hvert fyrir öðru. Húmaníski þátturinn er geysilega þýðingarmikill, að börnum sé kennt að þróa með sér skilning og hugsun hvert fyrir öðru og skilja hvert annað. Mér finnst mikilvægt að benda á þennan þátt. Síðan er þáttur foreldranna ekki síðri og við frá sveitarstjórninni segjum gjarnan að þetta séu svo þýðingarmikil mál, að það er ekki bara hægt að leggja það á herðar eins aðila að tryggja öryggið heldur verðum við öll að hjálpast að til að ná sem bestum árangri. Það eru líka í gangi alls konar hlutir á mörgum stöðum með mörgum aðilum t.d. frjáls framtök fólks eins og Næturfararnir, Tryggt og fallegt, Svæðisstarfsmennirnir. Við komum þar inn og samhæfum starfið svo allir þekki til hvers annars og vinnan verði meira samhæfð. Hérna er hægt að betrumbæta starfið og þróa það enn frekar áfram. 

Sollentuna hefur 70 þúsund íbúa og er eitt af 290 sveitarfélögum Svíþjóðar. Hvernig lítur dæmið út ef lögreglan fær ekki aðstoð ríkisstjórnarinnar, getið þið unnið saman með öðrum sveitarfélögum að öryggismálunum? 

Lögreglan og við vinnum með Upplands Vesby og Sigtuna. Lögreglan hefur upplýst okkur um það, að vegna róstra í Upplands Vesby í sumar, þá hafði hún minni möguleika til að sinna skyldu sinni í Sollentuna. Án þess að fara inn á landssviðið, þar sem mitt hlutverk snýr að Sollentuna, þá gerum við þær kröfur til lögreglunnar, að hún sé nægjanlega útbúin til að geta sinnt starfi sínu hérna í Sollentuna, alla daga ársins í öllum hlutum Sollentuna. Ef lögreglan segist ekki vera nægjanlega útbúin til að tryggja öryggi íbúa Sollentuna, þá verður hún að krefjast þess af ríkinu að henni verði gert kleift að sinna starfi sínu. Það er ekki hlutverk mitt að stjórna því en flokkur minn Móderatarnir hefur sett fram þá stefnu að meiri fjárlög verði veitt til lögreglunnar og að verulega verði fjölgað lögreglumönnum einmitt til að lögreglan geti tekist á við hlutverk sitt. Þessar spurningar koma að sjálfsögðu upp á fundum okkar með lögreglunni og við vitum að lögreglan reynir að fá lausa meiri peninga til að geta gegnt starfi sínu hér hjá okkur en þetta er ekki alltaf svo einfalt mál. 

Ég þakka þér kærlega fyrir að koma í þetta viðtal hjá útvarpi Sögu, - það hafa verið svo slæmar fréttir frá Svíþjóð að fólk á Íslandi er farið að spyrja sig, hvað í ósköpunum sé í gangi í Svíþjóð. Þú hefur komið til Íslands? 

Já ég hef þrisvar sinnum komið til Íslands. Pabbi minn er frá Noregi og ég dáist að norskri náttúru og þegar ég kom til Íslands fannst mér margt minna á Noreg, sem mér finnst svo fallegt, brattar fjallshlíðar og villt náttúra. Í fyrstu heimsókn minni til Íslands sá ég Gullfoss og heitu laugarnar og alla þessa ástríðufullu náttúru sem okkur vantar svo mjög hér í Svíþjóð. Það er fínt hér í Svíþjóð en það vantar ástríðuna, mér finnst það meira spennandi þannig. Það var ótrúlega fínt að heimsækja Ísland, ég tók fullt af myndum af Þingvöllum og tók með heim til að sýna fjölskyldunni hversu falleg náttúran væri á Íslandi, því mig langar að koma aftur og hafa alla fjölskylduna með, fara á hestbak, því í útreiðatúr verður maður að fara á Íslandi. 

Viltu segja eitthvað að lokum til hlustenda útvarps SÖGU? 

Mér finnst það mjög gott að þið viljið ræða öryggismálin og að íbúarnir geti verið tryggir. Þetta er grundvöllurinn í lýðræðisþjóðfélaginu og réttarsamfélaginu, að hægt sé að treysta á það að maður sé öruggur þegar maður fer út úr húsinu og að hægt sé að gera það allan sólarhringinn. Ég mun aldrei gefa eftir þessi sjónarmið, sem eru meðal mikilvægustu málefna samfélagsins svo að við getum verið trygg með öðru fólki á opinberum svæðum.

 

Viðreisn tekur yfir einsmálaskikkju Samfylkingarinnar - fer sömu leið og fyrirrennarinn

Línurnar í íslenskum stjórnmálum eru að skýrast. Það er gott. ESB-sinnar Sjálfstæðismanna eins og Þorgerður Katrín Gunnarsdóttir eru komnir út úr skápnum til að axla hjartans mál Samfylkingarinnar, sama málið og íslenska þjóðin hefur hafnað og kostað hefur Samfylkinguna stjórnmálatraustið. Viðreisn mun fara sömu leið.

Viðreisn ESB-gilda á Íslandi mun mistakast. Ekki eingöngu vegna þess að það er Ísland sem á í hlut, heldur vegna Evrópusambandsins sjálfs sem er í upplausn, fjármálakreppu, stjórnmálakreppu, flóttamannakreppu, stofnanakreppu, elítukreppu....kreppulistinn er langur. 

Bjarni Benediktsson formaður Sjálfstæðisflokksins kom fram í prýðilegu viðtali í íslenska sjónvarpinu og útskýrði stefnu Sjálfstæðismanna varðandi Evrópusambandið. Bjarni Benediktsson hefur eflst í starfi formanns og tekist að keyra fram hjá ESB-gryfjunni. Hann benti réttilega á, að þróunin í Evrópu er sú að sífellt stærri þjóðfélagshópar leggjast gegn markmiðum Evrópusambandsins. Formaður Sjálfstæðisflokksins hvikar ekki frá grundvelli lýðræðis og lýðræðislegra vinnubragða og slíkt vekur vonir og eflir traust. 

Viðreisn er fullkomin tímaskekkja og viðkomandi til vansæmdar. Einstaklingar, sem sækjast eftir völdum til að geta selt út þjóðina fyrir eigin hag, sýna afneitunareinkenni á háu stigi og skilja ekki staðreyndir þess lífs sem fjöldinn deilir. Viðreisn er fangi sögulegs ósigurs, sem stofnendurnir geta ekki sætt sig við. Viðreisn mun aldrei ná fylgi til miðjunnar. Viðreisn er sértrúarsöfnuður í sama stíl og Samfylkingin og er um megn að leiða stjórnmálahreyfingu allra stétta eins og Sjálfstæðisflokkurinn er. 

Bjarni Benediktsson hefur hins vegar sýnt góða burði til að gera það.

Boðskapurinn stétt með stétt á ekki minna erindi til okkar í dag en fyrir 70 árum síðan.

 

 

 

Þorgerður og Þorsteinn í Viðreisn

Það á að leggja niður RÚV og segja upp öllu starfsfólki

 

 

 

 

 

 

 

 

 

Það er hneyksli í himinhæðum, að RÚV sem hefur allt frá falli fjármálafyrirtækja á Íslandi 2008 verið einhliða nýtt sem tæki gegn íslensku þjóðinni í öllum mikilvægustu málum hennar, skuli enn vera rekið á kostnað skattgreiðenda. 

Ekki nóg með að miðillinn misnoti aðstöðu sína sem einokunaraðili á auglýsingamarkaði og útrými allri heilbrigðri fjölmiðlasamkeppni, heldur hefur RÚV orðið að útungunarvél glóbalista sem vilja troða þjóðinni inn í Evrópusambandið og eyðileggja þúsund ára lýðræði og sjálfstæði Íslendinga. 

RÚV er virkur aðili gegn lífshagsmunum Íslands og á RÚV hefur hópur fólks hreiðrað um sig sem lifir í eigin hroka án jarðsambands við venjulegt fólk.

Síðast var RÚV notað í beinni árás á lýðveldið í alþjóðlegu verkefni fjárglæpamannsins George Soros sem auglýst var sem Panamaskjölin. Fyrirsátur var gert við einn æðsta löglega kjörinn embættismann þjóðarinnar og hann hrakinn úr embætti með aðstoð skrílsláta á Austurvelli. Fyrrverandi forsætisráðherra var "aflífaður" í beinni útsendingu og meðvitað skautað fram hjá staðreyndum sem lágu á borðinu. 

RÚV er gróðrarstía afla, sem niðurlægja Alþingi, stjórnarkrána og aðrar lýðræðislegar stofnanir okkar og rífur niður eðlilega samstöðu og samstarf fólks í landinu. Varla var það meiningin við stofnun ríkisútvarpsins.

Það á að leggja niður RÚV í núverandi mynd, segja upp öllu starfsfólki og síðan geta  öryggisyfirvöld í landinu eins og t.d.landhelgisgæslan, lögreglan, slökkviliðið og sjúkraflutningamenn opnað útvarp með öryggismálum fyrir landsmenn. 

Enginn á að þurfa að vera neyddur að borga fyrir áróður eða árásir gegn landinu okkar.

Segir ummælin sýna andúð á Framsókn

Sigmund Davíð Gunnlaugsson sem næsta forsætisráðherra Íslands

RÚV átti skilyrðislaust og samstundis að segja upp þeim starfsmönnum sem í slagtogi við Uppdrag granskning hjá sænska sjónvarpinu gerðu fyrrverandi forsætisráðherra Íslands Sigmundi Davíð Gunnlaugssyni fyrirsát og réðust á hann með lygum um undanhald eigna í skattaskjóli í Panama.

Yfirlýstur tilgangur Panamaskjalaherferðarinnar var að "sýna og sanna" hvernig spilltir ríkir einstaklingar notfæra sér skattaskjól m.a. í Panama til að skjóta eignum undan skatti. Þannig var herferðinni gefið lögmætt tilefni á yfirborðinu til að þjóna almennum hagsmunum.  

En á Íslandi var þessi yfirlýsti tilgangur hjómið eitt. Aðaltilgangur "Panamaherferðarinnar" á Íslandi var að skapa stjórnarkreppu og koma löglega kjörinni ríkisstjórn Íslendinga frá völdum. Að því leytinu til náðist það markmið, að forsætisráðherra Íslands vék úr starfi og ríkisstjórnin braut ákvæði stjórnarskrár Íslands um fjögurra ára kjörtímabil. Alþingiskosningarnar í haust eru bein afleiðing erlendrar íhlutunar í íslensk stjórnmál fyrir tilstuðlan RÚV og Reykjavík Media. 

Undir yfirskyni "baráttu gegn skattaundanskotum" settu RÚV, Reykjavík Media og starfsmenn Uppdrag granskning hjá SVT á svið undirbúna hernaðaraðgerð þar sem æft var í marga mánuði, hvernig árásin yrði framkvæmd í smáatriðum og farið eftir fyrirfram gerðu handriti. Slegið var á stóru trommuna með "alþjóðasamtökum rannsóknarblaðamanna" sem almenningur veit engin deili á og í engri stöðu til að kynna sér á stuttum tíma. Einnig var básúnað út hversu gríðarmikið starf hefði farið í "rannsóknina" með tugum og jafnvel hundruðum blaðamanna í fjölmörgum löndum út um allan heim. Í almenning var matreitt að um "stórkostlegar og sögulegar afhjúpanir á skattasvindli" væri að ræða.

En hvað kom í ljós?

Hvorki RÚV, Reykjavík Media né SVT:s Uppdrag granskning hafa lagt fram eina tölu eða einn bókstaf til sönnunar um skattaundanskot fyrrverandi forsætisráðherra eða konu hans. 

1. Fáir sem biðja um "Panamaskjöl" fá nein skjöl afhent sem skipta máli, vegna þess að málið sé svo "umfangsmikið" og "gríðarlega mikil vinna" að fá fram gögnin.
2. Þessi s.k. "alþjóðasamtök rannsóknarblaðamanna" sýndu sig vera verkefni á vegum Open Society í eigu fjármálasvindlarans George Soros* (sjá nánari skýringu í lok greinar). 
3. Það er engin tilviljun, að atlagan var gerð gegn Íslandi á þessum tíma: Brexit var í aðsigi og Sigmundur Davíð Gunnlaugsson talaði munni sjálfstæðra þjóða (sem er eitur í beinum George Soros)
4. Sigmundur Davíð Gunnlaugsson var einn þeirra manna sem leiddu baráttu Íslendinga gegn Icesave m.a. í Indefence og í átökum við fjármálaöflin sem fylgdu í kjölfarið. Það var því mikilvægur áfangasigur hrægamma að koma honum burtu eftir Icesave-ósigurinn gegn Íslandi. 

Staðan núna

"Rannsóknarblaðamennirnir" hegða sér eins og maður sem hefur nauðgað konu og er hissa á því að hún þiggur ekki boð um að koma í bíó viku seinna. Segir umheiminum, að konan sé vond, af því hún vilji ekki koma með sér í bíó.

Eina leiðin til að stöðva þennan sora er að endurkjósa núverandi ríkisstjórnarflokka aftur í meirihluta á næsta kjörtímabili, að færa Sigmund Davíð Gunnlaugsson til forsætis á nýjan leik og t.d. byrja á góðum og hreinum uppskurði á RÚV. Síðan þarf Sigmundur að halda áfram baráttunni við fjármálaglæpamennina og þjóðin að standa þétt að baki leiðtoga sínum. 

* Open Society voru talin lokuðustu samtök í Bandaríkjunum, þegar Non Government Organisations voru rannsökuð. Þau velta einum milljarði dollara árlega og reka 44 skrifstofur í 41 landi.

Vert fyrir Íslandinga að þekkja til: Fjármálasvindlarinn George Soros hefur orðið ríkur á því að taka heilar þjóðir í gíslingu og stela himinháum upphæðum af íbúum þeirra. Dæmi: hann komst yfir einn milljarð dollara í gjaldmiðlastríði við Breta og svipaðri upphæð stal hann af Svíum á tíunda áratug síðustu aldar.

Lykilspurningum aldrei svarað

Breytingu ESB í OFURRÍKI flýtt - Aðildarríkjum settir afarkostir

 

 

 

 

 

 

 

Enska Daily Express greinir frá því á heimasíðu sinni að utanríkisráðherrar Frakklands og Þýzkalands hafi skissað áætlun um hröðun uppbyggingar Ofurríkis ESB.

Verður aðildarríkjum settir þeir afarkostir að þau verði að afhenda stjórnun hermála, sakamála, skattakerfis eða Seðlabanka til Brussel. Einnig fá aðildarríkin ekki lengur að annast eigin landamæri eða málefni flóttamanna. 

Ráðabruggið hefur valdið gríðarlegri reiði í Póllandi eftir að pólski fréttamiðillinn TVP info lak því til almennings. 

Skv. fréttinni munu afarkostirnir verða kynntir af þýzka utanríkisráðherranum Frank-Walter Steinmeier á fundi Visegrad hópsins í dag en hópurinn samanstendur af Póllandi, Tékkalandi, Ungverjalandi og Slóvakíu.

Þjóðverjar munu notfæra sér Brexit til að hrinda áformum sínum um fjórða ríkið í framkvæmd. Trúlega kljúfa þeir sambandið í herðar niður og kenna Bretum um og mynda fjórða ríkið með þeim aðildarríkjum ESB sem reiðubúin eru til að undirkasta sig skilmálum Þýzkalands.

Ein Volk - Ein Reich - Ein.......... 

 

Liggur ekki á að ganga úr ESB

Frelsið vann och spámenn Kúbu norðursins töpuðu

Einn af spámönnum Kúbu norðursins með hita í rúminu

PS. Fávís lýður með ranga hugmynd segir náttúrulega Norður-Kórea svo ég leiðrétti það yfir í Kúbu norðursins sem er bæði réttara og sannara þó munurinn breyti ekki miklu.

Bretar kjósa að ganga úr ESB

Til hamingju Bretar með sjálfstæðisdaginn!

Í dag er dagur Brexit.

Dagur lýðræðisins, þar sem Bretar taka til baka stjórnina á eigin málum úr höndum búrókratanna í Brussel.

Hafi Íslandi verið hótað með Norður Kóreu eins og forsetaframbjóðandinn Guðni Th. Jóhannesson gerði gegn Íslandi í Icesave, þá hefur mest öll framkvæmdastjórn ESB breyst í þúsundfalt stærri Guðna og hrín í einum kór:

Norður-Kórea, efnahagshrun, þjóðfélagshrun og heimsstyrjöld ef þið farið úr ESB.

Eigingirni ESB og hroka eru engin takmörk sett. Þeir vilja umskrifa söguna og setja nýtt tímatal með árið 0 við stofnun ESB.

Það sem óhróðurinn þýðir í raun er:

Ekki taka frá okkur peningana sem við höfum sogið úr ykkur 

Berskjaldaðir verða ESB sinnar, þegar lýðræðisöflin taka yfir í dag og rasskella sjálfselska, hrokafulla elítu sem lífnærir sig á striti vinnandi fólks.

Til hamingju Bretar, til hamingju lýðræðið, til hamingju frelsið.

Fleiri vilja úr Evrópusambandinu

Sóros refsar Bretum fyrir Brexit með árásum á pundið. Föstudagurinn svarti gæti orðið neisti sem kveikir ófriðarbál um allan heim.

George Sóros hefur dælt milljónum dollurum í að skipuleggja flóttamannastrauma til Evrópu frá Miðausturlöndum. Hafa samtök hans Open Society (sem voru metin minnst gegnsæju Non Government Organisations í USA) borgað fólki peninga fyrir að flýja heimalandið og taka á sig hættulegt ferðalag til að fylla upp á flóttamannastrauma til Evrópu. Er um stærsta tilraun nútímans að ræða til að eyðileggja form sjálfstæðra þjóðríkja í skyni að skapa hið nýja stórveldi ESB. Innan ESB hefur Sóros mikil völd vegna peningavalds síns, þótt enginn hafi kosið hann. 

Sóros hóf starfsferil sinn sem uppljóstrari um ungverska Gyðinga á unglingsaldri. Hann sveik eigin landsmenn í hendur Nazista fyrir peninga og hefur í viðtali sagt að hann myndi gera það aftur ef hann þyrfti. Gegnum viðskipti sem ekki þola dagsins ljós hefur honum tekist að verða ein stærsta hrægammahalastjarna heims, sem rændi milljörðum dollurum af Bretum og Svíum í fasteignakreppunni 1992-1994. 

Það er full ástæða til að taka mark á orðum hans, þegar hann hótar nýjum árásum á pundið á föstudaginn, ef Brexit verður útkoma kosninganna. Sóros hefur peningavöðva til að særa fimmta stærsta efnahagsveldi heims svo djúpt, að allir finna fyrir því. Hann vill refsa Bretum fyrir að vera "óstýrilátum" sem eru að trufla fallega drauminn hans um eitt ríki og eina ríkisstjórn í öllum heiminum. Hann æsir ESB og Nato í stríð við Rússland og hann var með puttana í "uppreisninni" í Úkraínu. Hann hefur sterk ítök í Washington og er stuðningsmaður þess, að "Bandaríkin séu og eigi að vera eina stórveldið í heiminum" eftir fall Sovétríkjanna. 

Open Society hefur átján hundruð starfsmenn og 44 skrifstofur í 41 landi. Starfsemin nær til yfir 100 landa með 930,7 milljón dollara fjárlög í ár mótsvarandi 115 milljörðum íslenskra króna. 

The International Consortium of Investigative Journalists, sem framleiddi Panama-pappírana og m.a. kom forsætisráðherra Íslands Sigmundi Davíð Gunnlaugssyni frá völdum, er verkefni í eigu fréttastofunnar Center for Public Integrity sem Sóros á gegnum Open Society.

Bretum verður refsað harkalega fyrir sjálfstæði sitt. Það á að beygja þá í duftið svo þeir verði amt í hinu nýja stórveldi ESB. Það á að sýna, að enginn bjóði ESB byrginn án þess að það kosti. En það er ekki hægt að brjóta jafn frelsiselskandi fólk og Breta niður. 

Búist þess vegna við vaxandi átökum og óróleika á meginlandinu og í heiminum öllum. 

Segir svartan föstudag fylgja úrsögn

Jarðskjálfti BREXIT: Sameiginlegur viðskiptamarkaður Bretlands og Norðurlanda

Búrókratarnir í Brussel eru steinrunnir af skelfingu, þegar þeir sjá BREXIT nálgast. Þeim datt aldrei í hug að það gæti gerst. Eins og Peter Lundgren þingmaður Svíþjóðardemókrata sagði á Evrópuþinginu: "Þeir hlógu þegar Sjálfstæðisflokkur Bretlands og íhaldssamir Evrugagnrýnendur kröfðust þjóðaratkvæðagreiðslu fyrir Bretland. Þeir eru hættir að hlæja núna". 

Peter Lundgren sagði að Danmörk og Svíþjóð væru "á mörkum" þess að hætta í ESB og ef Bretland færi úr sambandinu myndi "viðskiptablokk Norðurlanda leidd af Bretum " sjá dagsins ljós. Í skoðanakönnun SIFO í Svíþjóð í apríl s.l. vildi meirihluti Svía yfirgefa ESB ef Bretar gengu úr sambandinu. Lundgren sagði: "Ég held að Svíþjóð falli. Hollendingar hafa hótað með þjóðaratkvæðagreiðslu verði Brexit að veruleika. Danmörk mun einnig hafa þjóðaratkvæðagreiðslu og líka Tékkaland. Bretar hafa alltaf verið til staðar fyrir Evrópu. Þeir færðu miklar fórnir til að bjarga okkur frá einræði Nazista."

Taugatitringurinn er mikill og margt við að fara úr böndum í höll Brusselelítunnar. Þaðan koma daglega hótanir um "vængstýfingu" brezkra ESB-þingmanna ef BREXIT verður að veruleika núna á fimmtudaginn." 

Byggt á grein í Daily Express

70,9% Norðmanna vilja ekki í ESB