Baugselítan Össuratast í þjóðinni

 

 

 

 

 

 

Þegar Össur Skaphéðinsson fyrrv. utanríkisráðherra útlistaði fyrir embættismönnum ESB ágæti heilabús þeirra og trú hans á að þeir gætu skapað "varanlegar undanþágur" fyrir Ísland, var honum vinsamlegast bent á af Stefáni Fúle, að ekkert slíkt væri í boði. Hvað Fúle og aðrir embættismenn ESB hugsuðu raunverulega um kröfu íslenska utanríkisráðherrans að fara á svig við lagaverk ESB nefndu þeir ekki kurteisinnar vegna og er þess vegna ágiskunarefni. 

Það var og er meðvituð stefna útrásarvíkinga eins og Jóns Ásgeirs Jóhannessonar, að tryggja sér yfirráð yfir fjölmiðlum og kaupa fólk til að framfylgja skuldabólu sinni. Eini maðurinn, sem Baugs-elítunni tókst ekki að múta var hinn sívinsæli Davíð Oddson, núverandi ritstjóri Morgunblaðsins og stærsti þyrnir í augum aðlögunarsinna. Davíð Oddson varði fjallkonuna með sjálfan sig að vopni og hefur flest allt gengið eftir, sem þessi auðmjúki valinkunni Íslendingur, hefur áður sagt t.d. að fara ætti dómsstólaleiðina í Icesave. Hún var farin og Íslendingar fengu dómsniðurstöðu sér í vil á öllum púnktum en ESB og wannabí hirðin íslenska gjörtapaði málinu. Þess vegna var ekkert merkilegt við það, að ESB wannabí ríkisstjórnin tapaði meira en helming fylgisins í síðustu alþingiskosningum.

Núna reyna eftirlifendur Baugsklíkunnar að ESBa til nýrrar "Búsáhaldarbyltingar" til að ógilda niðurstöðu alþingiskosninganna. Fáránleiki sveigjanleikans til að fara á bak við lög og stjórnarskrá hefur af Össuri Skarphéðinssyni verið notað sem tákn um "einstæða sköpunargáfu mannsheilans". Hann hefur nokkuð til síns máls eins og sjá má t.d. hjá öðrum sköpunarglöðum skoðanabróðir hans, sem er að teikna ný landamæri Evrópu í Austri með sömu aðferðafræðinni en notar alvöru skotvopn í staðinn fyrir pönnur, götusteina og egg. Þjóðin er minnug þess, hvernig krataklíkan byggði skjaldborg um sjálfa sig og ESB en skildi hagsmuni almennings eftir á klakanum. Núna össuratast fyrrverandi Baugselítan í þjóðinni til að hindra ríkisstjórn hennar að vinna að hagsmunamálum heimilanna með því að skemma fyrir eðlilegum störfum Alþingis. Sem betur fer lætur íslenska þjóðin ekki blekkja sig aftur af umboðsmönnum Icesave.

 

Boðað til mótmæla á morgun

Sofí Oksanen verðlaunarithöfundur: Sama munstur og við innlimun baltísku landanna

 

 

 

 

 

 

Finnski rithöfundurinn Sofí Oksanen sagði í sjónvarpsviðtali í Svíþjóð sunnudagskvöld, að Rússar fylgdu alltaf svipuðu munstri við innlimun annarra ríkja. Sofí hefur m.a. gefið út bækurnar Kýr Stalíns, Baby Jane, Hreinsunin og Þegar dúfurnar hurfu. Hún fékk rithöfundaverðlaun Norðurlandaráðs 2010 fyrir bókina Hreinsunin sem varð metsölubók í Svíþjóð, Noregi og Danmörku og var einnig vinsæl í Bandaríkjunum.

"Hegðunin er nákvæmlega eins. Fyrst koma hermenn undir einhverju fáranlegu yfirskyni. Síðan verða kröfugöngur, þar sem þáttakendur eru að sjálfsögðu keyptir af Moskvu. Þar á eftir er stofnuð ríkisstjórn undir vopnahótun. Síðan er haldin svokölluð þjóðaratkvæðagreiðsla um sameiningu við Rússland. Þetta er mjög þekkt." segir Sofi Oksanen.

 

Hún ræddi um, hvernig Rússarnir líta á Evrópu: "Þeir kalla Evrópu Gayrópu."

 

Herför gegn evrópskum gildum

 

"Herferð Pútíns gegn mannréttindum samkynhneigðra er einnig herferð gegn Evrópu og evrópskum gildum. Samkvæmt rússneska áróðrinum er Evrópa veikburða og morkin - við vinnum að réttindamálum samkynhneigðra."

 

"Pútín veðjaði á Janúkóvýtj og ríkisstjórn hans. Hann þurfti á Janúkóvýtj að halda við völdin. En stundum gera menn mistök. Og ég held að það hafi verið mistök. Ofbeldi er aldrei vinsælt. En ég veit ekki, hvort Pútín hefur nokkrar áhyggjur af því núna. Hann hefur svo mikið annað að hugsa um", segir Sofi Oksanen.

 

Draumur um EvrópuAsíu bandalagið

 

"Pútín dreymir örugglega um EvrópuAsíu bandalagið, sem er miklu sterkara en ESB eða Bandaríkin. Hið nýja Rússland virðir engin landamæri, allar borgir og landamærasvæði nálægt Rússlandi teljast sögulega hluti Rússlands." sagði Sofi Oksanen.

"Rússland hefur alltaf verið heimsveldi með útþenslustefnu. Pútín vill gera Rússland að heiðursríki. Og hann vill leiða það ríki. Það þýðir að hann verður líka að hafa vald á öðrum löndum. Ódýrasta aðferðin að ná valdi yfir öðrum ríkjum er að nota Finnlandsaðferðina: "Hræddu þá, svo þeir geri það sem þú vilt. Gerðu þá óttaslegna, mútaðu þeim, spilltu þeim og þeir munu gera það, sem þú vilt."

 

  

Merkel ræddi við Pútín

Fyrirhugaðar kosningar á Krím ólöglegar

 

 

 

 

 

Fyrirhugaðar kosningar meðal íbúa Krímskaga til að velja um aðskilnað frá Úkraínu og sameiningu við Rússland brjóta í bága við stjórnarskrá Úkraínu skv. sænska Úkraínusérfræðingnum Niklas Bernsand: "Samkvæmt úkraínsku stjórnarskránni krefst þjóðaratkvæði í allri Úkraínu."

Þingið á Krímskaga hefur ekki vald til að taka einhliða ákvarðanir í málefnum, sem varða ríkisheild Úkraínu. Nýr forsætisráðherra Krímskagans var settur í embætti 27. febrúar, eftir að grímuklæddir rússneskir sérsveitarhermenn tóku þingið í sína vörslu. Eftir hertökuna var Sergej Aksionov tilnefndur forsætisráðherra Krímskagans, þrátt fyrir að flokkur hans hefði einungis fengið 4% atkvæða í síðustu kosningum til þingsins.

Ákvörðun hertekins þings um aðskilnað við Úkraínu er ólögleg í fyrsta lagi, vegna þess að þingið hefur ekki lagaheimild fyrir slíkri ákvörðun, sem verður að fara fyrir þing ríkisheildarinnar í Kíev og í öðru lagi vegna þess að draga má í efa vilja þings í gæslu vopnaðra manna.

Stjórnarskrá Úkraínu kveður á um, að Úkraínubúar verða í heild sinni að samþykkja ákvörðun um aðskilnað Krímskagans frá ríkinu og þá öðlast ekki útkoma kosninganna 16. mars lagalegt gildi.

Stríðsreyndar hersveitir Rússa voru sendar til Úkraínu

Að Pútín talar gegn betri vitund þarf engum að koma á óvart. Dagblaðið Expressen í Svíþjóð sýnir í dag myndir, sem starfsmenn þeirra tóku af brynvörðum bíl Gaz-2975 Tigr, sem er rússneska útgáfan af amerískum Humwee, á leiðinni frá Simferopol suður að Sevastopol. Smellið tvisvar á myndina til að sjá hana stærri, þá sést númeraplatan vel: 2429 AB - RUS. RUS stendur fyrir Rússland og svona skilti er ekki hægt að kaupa í neinni verzlun.

Sænska sjónvarpið hefur sýnt myndir af bílum með rússnesk skylti og marga fleiri bíla sem keyra um skyltalausir. Elín Jönsson hjá sjónvarpinu spurði hermenn, hvaðan þeir væru og sænskir sjónvarpsáhorfendur heyrðu og sáu hermennina sjálfa viðurkenna að þeir kæmu frá Rússlandi. Sumir sögðu í gríni að þeir kæmu frá Mars en aðrir upplýstu, að þeir hefður barist í Tjejeníu og Afghanistan og verið sendir til Krímskagans sem sérsveit rússneska hersins með mikla stríðsreynslu. Engin auðkenni eru á hermannabúningum þeirra en Pútín staðhæfir að hermennirnir séu "sjálfsvarnarlið Úkraínu" og hafi keypt hermannabúninga, sem fást í búðum (nákvæmlega eins og rússneski herinn notar). Pútín heldur því fram, að Rússar hafi ekki sent inn her í Úkraínu. 

Rússar hafa avvopnað Úkraínumenn á Krím en á sumum herstöðum hafa menn neitað að ganga Rússum á hönd. Rússar reyna að svelta þá sem eru innilokaðir til uppgjafar með því að stöðva mat og vatn. Pútin viðheldur rétti Rússa að nota "öll þau vopn sem við höfum tiltæk"  Pútín telur að Vesturveldin kyndi undir valdarán í Úkraínu og að Bandaríkin noti Úkraínufólk eins og "rottur á tilraunastofu." Sænski herinn hefur sett hluta af flughernum í viðbragðsstöðu vegna ástandsins og Svíar hafa rætt að auka fjárframlög til hersins. Viktoría krónprinsessa hefur líkt og prins Edward í Bretlandi ákveðið að aflýsa ferð á Ólympíuleiki fatlaðra í Sotsjí. Íþróttaráðherra Svíþjóðar hefur ákveðið að fara ekki. Ríkisstjórnir landanna hafa ekki bannað fötluðum að taka þátt í Olympíuleikjunum. 

Taka ekki við skipunum Rússa

Uppreisn æru Alþingis, stjórnmálanna og þjóðarinnar allrar

Góðar fréttir að lesa um ákvarðanir þingflokka ríkisstjórnarflokkanna um að afturkalla aðildarumsókn Íslands að Evrópusambandinu. Umsóknarferlið allt hefur verið svo ófagmannlega unnið, landsmenn blekktir með loforðum um varanlegar undanþágur, sem enginn fótur var fyrir, að halda mætti að stjórnmálamenn síðustu ríkisstjórnar hafi verið sóttir í hóp einstaklinga sem aldrei komast fram úr einföldu barnaskólaprófi. Þvílík dæmalaus sýning á lágbotnuðum stjórnmálamönnum, sem runnu inn í sali Alþingis á æsingarhýði búsáhalda"byltingarinnar". Vel inni í þingsölum var tíminn notaður til að traðka niður allt sögulegt, siðferðilegt og stjórnarskrárbundið. Lýðræði Íslendinga sem gilt hafði fram að þeim tíma var fleygt í ruslakörfuna.

Að afturkalla aðildarumsögnina er hið eina rétta; blekkingargrundvöllur hennar kastaði rýrð á Alþingi, alþingismenn alla og aðra embættismenn og gerði staðreyndum um ESB ókleyft að ná gegnum reykjarmökkinn sem lagði um þinghúsið frá Austurvelli. ESB hefur ekkert reynt að dylja innihald umsóknarinnar sem aðlögunarferlis og þurftu embættismenn sambandsins að setja ofaní fyrri utanríkisráðherra Íslendinga á opinberum blaðamannafundum í Brussel.

Fyrri ríkisstjórn varð sjálfri sér og þjóðinni til skammar og þjóðin þurfti a.m.k. tvívegis að bregða fæti fyrir glapræðisáætlun hennar um að klyfja skattgreiðendur skuldum einkabanka, sem landsmenn höfðu enga ábyrgð á stofna til. Icesave hefði orðið þjóðinni banabiti og gert afkomendur okkar að skuldaþrælum kynslóðir fram í tímann. Þess vegna var það vægast sagt verðug útreið fyrir fyrri ríkisstjórnarflokka, þegar þjóðin nýtti sér atkvæðisréttinn og sendi Samfylkinguna og Vinstri græna út á hafsauga.

Með afturköllun umsóknarinnar skapast vinnufriður og hægt að sinna þarfari verkum en að karpa við ESBara um að hvíta dúfan þeirra sé bæði vænglaus, svört með hrægammagogg og endasendist um alla jörð í leit að brenndu kjöti.

Átökin á Íslandi s.l. ár hafa sýnt, að þjóðin hefur völdin í landinu. Lýðræðið er sigurvegarinn, þótt hurð hafi skollið nærri hælum. Það fínasta af öllu er, að Alþingi hefur endurheimt sóma sinn og vamm og skal fyrir það verðugrar virðingar njóta.

Þökk sé öllum þeim, sem lagt hafa fram krafta sína til að varðveita hjarta Íslands: Frelsi okkar til að ráða málum málum okkar sjálf.

 

Umsóknin verði dregin til baka

Sorglegt ástand versnar - Úkraína á barmi borgarastyrjaldar

 

 

 

 

Á heimasíðu sænska sjónvarpsins er bein útsending frá Sjálfstæðistorginu í Kíev ásamt stöðugum fréttauppfærslum. Birti hér nýjustu myndir frá síðunni eftir ofbeldi í dag, þar sem skörpum skotum hefur verið hleypt af á báða bóga að því er virðist. Morðin gerast á sama tíma og utanríkisráðherrar Frakklands, Þýzkalands og Póllands funda með Janukovytjs forseta Úkraínu. Sjúkrabílar eru á þönum að flytja særða og látna.

Borgarstjóri Kíev Volodymyr Makejenko hefur sagt sig úr stjórnarflokknum og mótmælt blóðbaðinu: "Atburðir dagsins eru sorgleikur allra Úkraínubúa. Líf fólks verður að vera æðsta markmiðið og ekkert á að líða sem víkur af þeirri reglu."

 Mótmælendur sýna skothylsur, sem þeir segja að séu eftir vopn öryggissveita lögreglunnar. Talað er um leyniskyttur á húsþökum, sem skjóti á fólk en fréttamaður sænska sjónvarpsins Bert Sundström segir að hann dragi í efa að leynniskyttur hafi verið á húsþaki hótelsins Ukraína, þar sem hann hafi ekki heyrt nein skot þaðan en hins vegar þá hafi verið skotið á hótelið frá þeirri hlið sem snýr frá torginu.

Frétt er um að 60 lögreglumenn hafi verið teknir til fanga av mótmælendum og séu læstir inni á opinberu orkufyrirtæki í grennd við ráðhús Kíev. Innaríkisráðuneytið biður alla um að vera innandyra "eftir vopnað reiðiástand fólks." Fr-ettir hafa borist frá vestur Úkraínu sem segja að á fleiri stöðum hafi lögreglumenn gengið í lið með mótmælendum og á sumum stöðum hafi mótmælendur tekið lögreglumenn til fanga og afvopnað þá.

ESB fundar og ræðir refsiaðgerðir gegn sitjandi forseta og valdaaðilum í kringum hann. Hann var besti vinur ESB þar til í nóvember s.l. þegar hann valdi frekar fjárhagssamning við Pútín í stað þess að skrifa á viðskiptasamning við ESB. Þegar Viktor Janúkóvýtjs varð forseti Úkraínu stóðu leiðtogar vesturlanda í biðröð til að óska honum til hamingju með kosningasigurinn og vingast við hann. Ein af kröfum ESB er að yfirvöld Úkraínu leysi fyrrum forsætisráðherra landsins Julia Tymosjenko úr haldi "vegna tæknigalla í réttarfari landsins." Sú krafa heyrist ekki frá mótmælendum. Júlía Týmósjenkó var áður forsætisráðherra landsins og inndregin í mútuhneyksli gasfyrirtækis Úkraínu. Hún var m.a. eftirlýst af Rússlandi fyrir að hafa mútað Rússum og að lokum dæmd í 7 ára fangelsi fyrir fjármálaspillingu. Hún vill að Úkraína þróist í átt til ESB. 

Það er sorglegt að sjá, hvernig úkráínskur almenningur dregst enn á ný í valdatafl stórvelda í austri og vestri. Núna með ESB sem er á ýmsan hátt á leiðinni lengra austur en Sovét Pútíns er staðsett í dag.

Fréttamaður sænska sjónvarpsins telur að nú geti allt gerst, því búið sé að fara yfir strikið í valdbeitingu, báðar hliðar kenna hvorum öðrum um og vopnin eru látin tala. 

Hótelum breytt í líkhús

Sigur hugmyndafræði og þýzkra stjórnmála yfir hagfræðinni, segir William Black

William Black er Íslendingum að góðu kunnur eftir heimsóknir, fyrirlestra og viðtöl í fjölmiðlum. Eftir að bankakerfið fór á hliðina vegna glæpastarfsemi útrásarvíkinga kom William Black til Íslands og miðlaði reynslu sinni af baráttu gegn fjársvikurum í USA. Það var William Black, sem mælti þau fleygu orð, að "besta leiðin til að ræna bankann er að eiga hann."

William Black taldi útrásarvíkingana vera skólabókardæmi um fjármálasvindlara, sem blása upp bólu til að komast sjálfir yfir sem mest fé á skemmstum tíma.

Í nýlegri grein tekur William Black fyrir vitleysu Þríeykisins svonefnda (Evrópusambandsins, Seðlabanka Evrópu og Alþjóðagjaldeyrissjóðsins) varðandi efnahag evruríkjanna. Vitnar hann í ummæli Mario Draghi seðlabankastjóra SE sem segir, að engin verðhjöðnun ríki í Evrópu. Black bendir á, að Þríeykið gerði Spán að fyrirmyndarríki síðla árs 2013 til að sýna árangur niðurskurðaraðgerða Þríeykisins. Snemma árs 2014 var tilkynnt á Spáni, að atvinnuleysi hefði aukist og væri komið upp í 26%. Eini aðilinn sem fékkst til að tala opinberlega um þá staðreynd var Ollie Rehn, aðaláróðursmaður niðurskurðaraðgerða Þríeykisins. Hann sagði í blaðaviðtali á Spáni að "Það tekur Spánverja 10 ár að vinna bug á kreppunni."

William Black gengur síðan gegnum hvert atriði á fætur öðru og bendir m.a. á að atvinnuleysi Spánar, Ítalíu og Grikklands sé komið fram úr atvinnuleysistölum Kreppunnar Miklu. Black telur, að mörg lönd Evrópusambandsins þjáist af verðhjöðnun og önnur séu örfáum skrefum frá sömu örlögum. Ekkert sé sagt um það, hvað það taki Spánverja mörg ár eftir "batann" ár 2024 að ná aftur fullri atvinnu. Það sé algjörlegt óraunsæi að halda því fram, að efnahagurinn mæti engri mótbáru næsta áratuginn.

William Black hefur áður í annarri grein gert grein fyrir afstöðu sinni til efnahagsaðgerða Þríeykisins og líkt þeim við að setja mann með innvortis blæðingar í herbergi til að jafna sig í stað þess að finna og stöðva blæðingarnar. Læknum yrði gert viðvart að finnast til handar með tæki til að reyna að endurlífga manninn ef hjartað hætti að slá. Tæki þeirra væri af nýrri tilraunagerð sem aldrei áður hafi verið notað með árangri við endurlífgun sjúklinga með hjartastöðvun og í ofanálag teldu flestir læknar að notuð væri aðferð sem gæti engin veginn endurlífgað sjúkling með hjartastöðvun.

Black segir, að sá sem þannig starfar endi fljótt starfsferillinn eftir andlát sjúklingsins. Hins vegar sé þetta módelið sem nútíma yfirmenn fjármála hjá AGS, OECD og SE vinni eftir. Fjármálaheimurinn elskar að greiða nýkomnum "nytsömum fábjánum" AGS, OECD og SE vel fyrir að hafa hætt því sem kallað er "opinber þjónusta" (í staðinn fyrir "þjónusta við bankaglæpamenn".) 

"Það sem við sjáum frá Þríeykinu er sigur hugmyndafræði og þýzkra stjórnmála yfir hagfræðinni og í framhaldinu eyðilegging á mörgum jaðarríkjum Evrópu."

Nýr dagur plastrusls í Evrópu - ESB kaupir plastrusl af almenningi

Evrópuþingið virðist hafa fundið vistvæna mótstöðu gegn evrukreppunni. Þingið ákvað nýlega að ESB kaupi plastrusl af íbúum sambandsins. Í því tilefni verður sérstakur Evrópudagur plastruslsins innleiddur í Evrópu og ESB lætur koma fyrir sérstökum plastruslstöðum, þar sem fólk getur komið og selt plastruslið sitt gegn opinberri greiðslu. Samkvæmt Evrópuþinginu á dagur plastruslsins að auka umhverfisvitund almennings og stuðla að því, að fólk velji vistvænt plast. Áhrifin gætu þó orðið þveröfug og fólk byrjaði að hamstra skítugt plast til að næla sér í aukatekjur á plastrusladeginum.

Í reglunum er bent á að fólk geti í sjálfboðavinnu tekið til á táknrænan hátt og hreinsað opinbera staði t.d. baðstrendur og þannig aukið umhverfisvarnir gegn plastrusli.

Meira hér um þessa tillögu 

Þá er bara að byrja að safna plastrusli og selja á Evrópudegi plastruslins. Kannski er þetta leynivinningur viðræðusinna eftir margra ára þóf, sem slegið getur út bæði Víkingalottó og Euro jackpot. 

PS. Myndin hefur ekkert að gera með samþykkt Evrópuþingsins. 

Svört framtíð að taka ekki afstöðu til aðildarskilmála ESB

 

 

 

 

 

 

 

Guðmundur Steingrímsson, formaður Bjartrar framtíðar hefur einkennilega þrákelkningslegan óaðlögunarhæfileika að regluverki og lögum Evrópusambandsins. Hann vill fyrst ganga í Evrópusambandið og síðan taka afstöðu til laga þess og reglna.

Þetta er öfugt við flesta aðra, sem kynna sér aðstæður þess, hvað í boði er. Fyrst fær maður upplýsingar hjá viðkomandi og kynnir sér málin og síðan tekur maður afstöðu um áframhaldið á grundvelli þeirra upplýsinga. Málið er samkvæmt Evrópusambandinu sjálfu eins og margt gott fólk hefur bent á, að innganga í ESB er aðlögunarferli umsóknarríkisins og tíminn eins langur og það tekur að breyta löggjöf þess, svo það falli undir stjórnarhætti ESB. En formaður Bjartrar framtíðar segir það óskynsamlegt fyrir Íslendinga að kynna sér, hvað aðlögunarferlið felur í sér og fyrst eigi að breyta Íslandi í aðildarríki og síðan að taka afstöðu til þess, hvort Ísland eigi að gerast aðili eða ekki.

Ef Guðmundur Steingrímsson væri rútubílstjóri á Íslandsrútunni biði þjóðarinnar svört framtíð með mann við stýrið, sem keyrir að fjallinu og festir bílinn út í móum vegna þess að þá fyrst mætti ákveða hvort leggja ætti veginn. Úr slíku feni verður að sjálfsögðu ekki aftur snúið og þannig er ástandið reyndar orðið í Evrópu, að rúturnar eru margar komnar á kaf, sitja fastar og komast ekki til baka og í öðrum rútum eru farþegarnir farnir að kasta sér út á ferð til að komast hjá því að lenda í feninu.

 

ESB er og verður deilumál

Spurninguna um áframhald aðildarviðræðna á að taka fyrir á Alþingi

Til að svala aðildarsinnum er mjög vel hægt að bera spurninguna um áframhaldandi viðræður við ESB undir atkvæðagreiðslu á Alþingi, þannig að það fáist skýrt fram, hvort ákvörðun ríkisstjórnarinnar um að fresta viðræðum hefur þingmeirihluta að baki sér.

Stjórnarandstaðan neitaði að spyrja þjóðina, hvort hún vildi sækja um aðild að ESB eða ekki áður en hún í ríkisstjórnarstöðu með þingmeirihluta ákvað að sækja um aðild Íslands að Evrópusambandinu fyrir hönd Alþingis. Þar af leiðandi er spurningin um áframhaldandi viðræður mál Alþingis.

Ef meirihluti Alþingis fellir áframhaldandi umræður við ESB ber Alþingi að ógilda eða afturkalla aðildarumsóknina og Ísland þá ekki lengur með stöðu umsóknarríkis.

Stjórnarandstæðan getur borið upp frumvarp til laga um þjóðaratkvæðagreiðslu um áframhald aðildarumræðna til að láta reyna á þetta. 

Ef stjórnarandstaðan þorir því ekki ætti einhver góðhjartaður alþingismaður úr stjórnarflokkunum að koma til aðstoðar.