Endurflutningur litla sæta íslenska leikritsins

Ofsækið drýpur eins og smjör af hatursblómi Demókrata í  Bandaríkjunum. Flæðir um allt og ristir djúpt sár í sálu Bandaríkjamanna. Þannig hefur það verið allan tímann gagnvart Trump, sem aldrei var viðurkenndur í stjórnsýslu Bandaríkjanna af þeim valdasjúku og stjórnblindu. Allt gert til að særa „bráðina" sem kemur úr öðrum ranni raunveruleikans en þægilegum ramma valdspillingar þeirra sem líta á valdið sem sína einkaeign og valta yfir þjóðina. Allt er þetta kunnuglegt fyrir Íslendinga sem horfðu upp á svipaða framkomu gagnvart Davíð Oddssyni, dugmesta og farsælasta stjórnmálamanns Íslands með hjartað sömu megin og landsmenn. Hljóp hatursfjandinn svo hart í Jóhönnu og Steingrím að böðlast var á landslögum og ráðinn erlendur Seðlabankastjóri bara til að geta hefnt sín á Davíð Oddssyni. Sama upp á teningnumm í samskiptum innan stjórnssýslunnar og að sjálfsögðu ekki hlustað á upplýsingar úr ranni mótherjans, þótt einmitt þær hefðu getað bjargað landsmönnum frá fjárhagshremmingum. 

Við þekkjum þetta, offorsið með stofnun Landsdóms og svo Geir Haarde. Geir Harða gátu þau skötuhjúin ekki beygt frekar en flokksbróður hans Davíð sem ekkert gaf hinum Davíð eftir sem sigraði Golíat. En landsmenn sitja uppi með eftirköstin sem eru að fara með fullveldið í gröfina og þjóðina í ánauð um ókomin ár. Það sama mun verða uppá teningnum í Bandaríkjunum. Hatrið gegn Donald Trump er notað til að réttlæta fasisma; ritskoðun og samþykkt kosningasvindls í ríki sem fram að þessu hefur verið talið fyrirmynd annarra lýðræðisríkja í heiminum. 

Í raun minna allir hermenn sem Biden hjónin þurftu að fá sem skjaldborg utan um sig bæði fyrir, undir og eftir innsetningarathöfnina, á Lúkasjenko og ástandið í Hvíta Rússlandi. Alla vega sáust engin merki vinsælda á Youtube myndbandi um athöfnina því einungis nokkur hundruð þúsund nenntu að horfa á það og þrisvar fleiri gáfu þumalinn niður en upp. Youtube fjarlægði „vitlausu" þumalputtana sem tölvuskít og þannig mun áfram verða haldið þar til alvöruveruleikinn verður orðinn svo gegnumsósaður af sýndarmennsku að venjulegt fólk fer að sjá fasismann og bróðurinn kommúnismann sem Salvadórískt listaverk.

Biden mun færa Bandaríkin áratugi aftur á bak í tímann og leiða landið inn í stærstu efnahagskreppu nútímans samtímis sem hann lyftir upp Kína áratugi fram í tímann. Íslenska ríkisstjórnin undir leiðsögn yfirtæknikratans Björns Bjarnasonar hallar sér í verki að Kommúnistaflokki Kína. Með flokksformanninn í bankaráði kommúnistabankans sem var stofnaður til að ryðja veg fyrir heimsyfirráðastefnu kommúnismans Belti og Braut þá er ljóst að landsmenn eiga sér fáa talsmenn lengur í þeim flokki sem svo lengi ljáði þjóðinni bæði eyrun og notaði heilann og tunguna í þágu þeirra sömu. Krata þekkjum við og sósíalista/vinstri menn í dulargerfi margbreytilegra hópa og nafna. Sjáið bara Reykjavík með borgarlínu kínverska strætóframleiðandans. Hvað hefur Dagur B. Eggertsson fengið margar svartar milljónir frá kínverskum kommúnistum fyrir að troða ónýtu dýru drasli í nafni grænu kínversku byltingarinnar á borgarbúa?

Trump er farinn af senunni en leikritinu er alls ólokið.

Ákæran send öldungadeildinni á mánudaginn

Athugasemdir

[Tómas Ibsen Halldórsson, 22.1.2021 kl. 22:32]

Góður pistill Gústaf eins og svo oft áður.

Ég veit ekki hvort íslenskir fjölmiðlar hafi fjallað um þjóðvarðliðið um 25000 manns sem þurftu að gæta Biden á meðan innsetningarathöfnin fór fram á öldum ljósvakans og í gegnum internetið, þeir áttu víst að passa hvern annan að enginn úr þeirra hóp tæki upp vopn til að beina því að Biden. Þessir þjóðvarðliðar fengu, áður en að innsetningunni kom, afdrep inni í þinghúsinu og máttu leggja sig þar á marmaragólfið ef þeir þyrftu á smá hvíld að halda. Eftir innsetninguna var þeim síðan gert að yfirgefa þinghúsið og færðir niður í bílakjallara þar sem þeir gátu hallað sér á bert gólfið ef með þyrfti.

Svona var farið með fólkið sem átti að gæta forsetans nýja. Þetta hefur valdið mikilli hneykslan vestra og meira að segja nokkrir demókratar létu í ljós óánægju sína með hvernig farið var með varðsveitina.

En málið er að kratar vildu ekki hleypa almenningi að athöfninni vegna þess að svo fáir hefðu mætt og liti Biden þá svo illa út í samanburði við innsetningu Trumps fyrir fjórum árum, þegar gríðarlegur fjöldi fólks var saman kominn. Það er mjög lítill áhugi fyrir Biden hjá Bandarísku þjóðinni, fólkið veit fyrir hvað hann stóð síðustu fimmtíu ár og á ekki von á góðu næstu fjögur árin af hans hendi.

[Gústaf Adolf Skúlason, 23.1.2021 kl. 01:32]

Sæll Tómas og þakka góð orð þín. Fréttist að Trump hefði boðið hermönnum að sofa á hóteli sínu svo þeir slyppu við bílskúrssteypuna.....Biden er „heppinn" að geta nota Kínaveiruna til að afsaka áhugaleysi landsmanna.....