258 milljónir manns búa ekki í heimalöndum sínum - útflutningur vinnuafls vandamál

Árið 1990 bjuggu 153 milljónir manns í öðrum löndum en þeir fæddust í. Ár 2017 var talan komin upp í 258 milljónir manns og fer vaxandi. Í nýlegri könnun Pew Research Center er púlsinn tekinn í 27 löndum um afstöðu fólks til bæði innflytjenda og útflytjenda. Í þessum 27 ríkjum býr yfir helmingur alþjóðlegra innflytjenda. Af tíu löndum í ESB er meirihluti íbúa að meðaltali á móti fleiri innflytjendum til landanna. Mest er andstaðan í Grikklandi 82%, Ungverjalandi 72%, Ítalíu 71%, Þýzkalandi 58%, Svíþjóð 52% en minnst á Spáni 30% en þar vilja 28% fá fleiri innflytjendur. Að meðaltali í 27 löndum sem athuguð voru vildu 45% taka á móti færri innflytjendum og 14% vildu fá fleiri innflytjendur.

Athyglisvert er að spurt var um á sama tíma hvort útflutningur fólks til vinnu í öðrum löndum væri vandamál. Töldu að meðaltali 58% íbúa tíu landa ESB að svo væri: 89% í Grikklandi, 88% á Spáni, 80% í Ungverjalandi og á Ítalíu, 68% í Póllandi en fæstir í Svíþjóð eða 18%. 

Að meðaltali upplifa 64% það sem vandamál að eigið fólk flytji úr landi brott og sæki atvinnu til annarra landa. Í Þýzkalandi og Kanada hefur þeim fækkað verulega sem áhyggjur hafa af útflytjendum eða frá 64% í 33% í Þýzkalandi (milli 2002 og 2018) og í Kanada frá 55% til 37% á sama tíma.

Samið um útópíu sósíalismans

Morgunblaðið birtir grein eftir mig í dag undir fyrirsögninni "Samið um útópíu sósíalismans". Í greininni gagnrýni ég fáskiptar upplýsingar ríkisstjórnarinnar um samkomulag Sameinuðu þjóðanna kennt við Marakesch 10. des 2018 um réttindi farandfólks.

Það sem vakti athygli mína var að í þessu samkomulagi eru tvö önnur samkomulög einnig samþykkt í leiðinni en um það hefur ríkisstjórnin ekki upplýst. Þetta er því mun víðtækari samþykkt en gefið er opinberlega í skyn án nokkurra sýnilegra athuguna á afleiðingum fyrir Ísland. 

Fullyrt er að samkomulagið sé "ekki löglega bindandi" og að margir fyrirvarar hafi verið gerðir sem ekki er upplýst um. Í samkomulaginu er tvisar minnst á "ekki löglega bindandi". Hins vegar er ekki minna en 84 sinnum talað um skuldbindingar af ýmsu tagi.

Í grein 15 segir að "ekkert ríki geti sjálft tekið á málefnum innflytjenda". Hvernig ríkisstjórnin ætlar að matreiða ofan í landsmenn að ekkert mark sé takandi á því að skrifa nafn sitt undir slíka yfirlýsingu er mér hulin ráðgáta.

Mér urðu á þau mistök að rangnefna Áslaugu Sigurbjörnsdóttur formann utanríkismálanefndar í greininni og hef sent leiðréttingu til Mbl. og biðst velvirðingar á því. 

Ég vonast til að meiri umræður verði um þessi mál. Agenda 2030 talar um að flytja fjármagn frá Vesturlöndum til annarra ríkja en varla nefnt hvernig afla á fjársins nema með sköttum. Agenda 2030 er draumsýn Sósíaliska Internationalens og Progressive Alliance en í þessum samtökum safnast Samfylkingarflokkar heims saman þ.á.m. demókratar USA. António Guterres, aðalritari SÞ, var leiðtogi Sósíalíska Internationalen 1995-2005.

Bandaríkjamenn snúa skútunni eftir forsetatíð Obama Bandaríkjaforseta en hann studdi við alþjóða sósíalismann m.a.með alþjóðasamningum og yfir tveggja billjón dollara greiðslu til Íran. 

Bandaríkjamenn hafa gefist upp á að reyna að ná árangri í Mannréttindaráði SÞ. Af hverju ætti Íslendingum að takast það sem Bandaríkjamönnum tókst ekki? Hvaða undraverðu og hingað til óþekktu verkfæri hefur Ísland yfir að ráða?

Taugveiklun glóbalista

Viðkvæmni alþjóðlegra sósíalista s.k. glóbalista fyrir gagnrýni er orðin þvílík, að þekkt blöð eins og Le Monde geta ekki lengur birt myndir af forseta Frakklands í grafískri útfærslu án þess að stuðningsmenn glóbalismans ásaka blaðið um að vera að gera samlíkingu við Adolf Hitler. 

Þetta er einkennandi fyrir vaxandi tilraunir "góða fólksins" að koma á ritskoðun og hefta tjáningarfrelsið en merki þess er að finna á mörgum stöðum um þessar mundir ekki minnst í Svíþjóð og í öðrum ESB-ríkjum. Er farið að þrengja mjög að glóbalistum í stjórnmálaumræðunni um kosti risaríkisins á kostnað fullveldi þjóða. Sérstaklega í Evrópu þar sem ESB hefur lofað góðæri og velferð en skilar sviðinni jörð fjöldaatvinnuleysis, fátæktar og stjórnmálaupplausnar. Kjör Donald Trump Bandaríkjaforseta er einnig stór hindrun í vegi glóbalista og vilja þeir koma honum fyrir kattarnef hvað svo sem tautar og raular.

Margir efnaðir skjólstæðingar glóbalismans t.d. George Soros veita miklu fé í fyrirtæki og samtök sem fela sig á bak við ólík nöfn og látast vera sjálfstæð eða stunda góðgerðarmál út um allan heim. Margir fjölmiðlar heims eru í höndum glóbalista og breiða út áróður um markmið glóbalismans og sverta lýðræðislega kjörna embættismenn sem eru þeim ósammála. Völd glóbalista innan Sameinuðu þjóðanna hefur breytt þeim samtökum í verkfæri fyrir umfangmestu mannflutninga heims í aldaraðir. Stefnuskrá SÞ Agenda 2030 leggur upp markmið glóbalismans sem framkvæma á bókstaflega með valda- og peningaráni Vesturlanda.

Hræðsla glóbalista við að vera bornir saman við þjóðlega sósíalista eða nazista er skiljanleg. Á íslensku skilja aðeins bókstafirnir al á milli.

 

Biðjast afsökunar á forsíðunni

Gleðilegt nýtt ár 2019

Nýárskveðjur frá Stokkhólmi með ósk um farsælt komandi ár 2019

Farið varlega með sprengjurnar - síðasta ár rakettunnar í Svíþjóð

Vilji menn skjóta upp rakettum í Svíþjóð 2019 verður það öllum bannað nema þeim sem fara á rándýr rakettunámskeið og borga rakettuskírteini til yfirvalda. Gamlárskvöld 2018 er síðasta tækifærið í Svíþjóð fyrir þá sem elska að sjá rakettu fljúga upp í loftið og sprengja burtu gamla árið.

En örvæntið eigi. Annars konar sprengjum fjölgar stöðugt sbr. frétt sænska ríkisútvarpsins fyrir skömmu:

"Árið hefur verið annasamt hjá sprengjudeild lögreglunnar. Aukin notkun glæpamanna á sprengjuefnum og eftirgjöf sprengjuvara hafa stóraukið álag á þjóðlega sprengjudeild lögreglunnar sem er meira nú en nokkrum sinnum fyrr".

Þjóðhagfræðingurinn Tino Sanandaji birti dæmi um sprengjur í desember:

3. des: Sprenging í stigahúsi í Malmö, þjóðlega sprengjudeildin kölluð til
4. des: Búð sprengd í tætlur í Malmö
6. des: Sprenging á þekktri barstofu í miðbæ Gautaborgar
7. des: Sprenging við húsnæði kirkjunnar í Spånga
9. des: Tvær sprengingar í Malmö - maður særist illa
16. des: Sprenging í Rósagarðinum í Malmö talin morðtilræðii
17. des. Ný sprenging í Malmö - önnur á fáum klukkutímum
20. des: Sprenging í skóla í Hässleholm
22. des: Sprenging í Malmö - heill húsveggur ónýtur
27. des: Sprenging í einbýlishúsi í Lund
28. des: Sprenging í Landskrona
28. des: Sprenging á svölum í Malmö

Enginn þarf þó að örvænta, þar sem 2018 er ekki komið í gröfina og því enn von á nýjum sprengjum. Svíar geta glaðst yfir því að "spengjurnar sem beinast að vissum einstaklingum eru þekktar fyrir það að særa eða drepa aðeins þá sem þeim er ætlað." Svo ef þú býrð í fjölbýlishúsi, þá er bara að skrúfa upp tónlistina eða setja fingurna í eyrun og halla sér, - allt er í stakasta lagi.

Grafreitasýningar fyrir ferðamenn munu því aukast í framtíðinni, bæði í Svíþjóð og á Íslandi.

PS. Búið er að loka Kaknästornet/turninum í Stokkhólmi fyrir ferðamönnum í óákveðinn tíma vegna hættu á hryðjuverkaárás. Ég bendi ferðamönnum á Græna Lund tívolí...svo lengi sem það gengur.

 

 

„Það er ekki allt til sölu“

Sænskir kratar fórna Svíum, lýðræði og þingræði fyrir völdin

Fyrrum ráðherra krata í Svíþjóð Thomas Bodström sagði nýlega í sjónvarpi að kratar ættu að hætta að kalla sig verkamannaflokk en þess í stað kalla sig flokk "góða innflytjandans". Taldi hann samfélagsþróunina vera góða fyrir verkafólk sem hefði allt til alls og þyrfti því ekki lengur að kenna sig við vinnandi fólk. Hins vegar væru hlutskipti innflytjenda svo slök að réttast væri að flokkurinn kenndi sig við innflytjendur. Hann bætti við orðinu góðu til öryggis.

Kratarnir afneita vandamálunum og jánka aðeins því versta sem þeir komast ekki hjá t.d. hryðjuverkinu á Drottninggatan. Sósíaldemókratar skilja ekki, að þeir "eiga" ekki Svíþjóð. Þeir halda öllu í járngreipum með lygum og ofstækisfullum áróðri gegn Svíþjóðardemókrötum, Moderötum og Kristdemókrötum. Þeim er fyrirmunað að skilja að fólk kjósi eitthvað annað en þeir vilja. Þá má þingræðið og lýðræðið fara veg allrar veraldar bara að kratar fái sinn forsætisráðherra.

Á meðan ekkert gengur né rekur að tjasla saman ríkisstjórn halda skotárásir, sprengjuárásir, vopnuð búðarrán, hnífaárásir, heimilisrán, nauðganir á torgum og götum áfram eins og enginn sé morgundagurinn. Lögreglan segir, að fyrir hvern glæpamann sem þeir handtaki standi 10-15 aðrir í röð til að fara í spor hins handtekna. Þessi röð ungra manna til metorða í glæpagengjunum lengist stöðugt ár frá ári vegna slappleika stjórnmálamanna. Líkir lögreglan ástandinu í Svíþjóð við stríð.

Nokkrar sænskar staðreyndir:

• annar hver 15 ára unglingur í Svíþjóð er fórnarlamb afbrota í einhverri mynd
• 28% ungra stúlkna verða fyrir kynferðisárásum
• Svíþjóð er orðið eitt hættulegasta landið í ESB skv Eurostat
• 116 handsprengjuárásir á átta árum setur Svíþjóð á skala með stríðshrjáðum löndum
• Ítalía og Kína vara landsmenn við að ferðast til Svíþjóðar 
• 7000 lögreglumenn vantar bara í Malmö til að stefja glæpaklíkurnar þar 
• öll fangelsi í Svíþjóð eru yfirfull með allt að 100% nýtingu og sífellt stækkandi biðröðum
• Þeir sem eru dæmdir til fangelsisvistar en komast ekki inn halda áfram glæpaverkum
• um 360 óleyst morð eru á borði lögreglunnar
• lögreglan leysir um 25% morða/skotárásamála, 75% verða s.k."köld" óleyst verkefni
• nýtt dauðamet í skotárásum í ár, næstum einn drepinn í hverri viku
• lögreglan tekur ekki lengur á móti kærum um afbrot undir 65 þús ísl kr
• lögreglunni tókst að koma í veg fyrir tvær stórar hryðjuverkaárásir í ár
• handteknir hryðjuverkamenn litu á lestarstöðina í Stokkhólmi, Mall of Scandinavia og gatnamótin Kungsgatan/Sveavägen sem hugsanleg mörk hryðjuverkaárásar
• margir sænskir hryðjuverkamenn fá húsnæði, félagsbætur og nýtt nafn við endurkomuna heim til Svíþjóðar frá ÍSIS í Sýrlandi. Yfirvöld vita ekki um alla sem snúa heim
• lögreglan varar við aukinni hættu á hryðjuverkum vegna heimkominna ÍSIS heilagastríðsmanna 
• 1500 dæmdum hryðjuverkamönnum verður sleppt úr fangelsum á næsta ári í Evrópu
• innflytjendakostnaður tvöfaldast til 2025, mörg sveitarfélög ná ekki í dag endum saman
• skuldir sveitarfélaga og léna er uppi í 7.816 milljörðum ísk.
• skuldir ríkisins eru uppi í 15.515 milljörðum ísk. um 40% af VÞF 

Á heimasíðu sænsku kratastjórnarinnar eru hreinar lygar um ástandið í Svíþjóð þar sem haldið er fram á ensku þvert gegn tölum opinberra aðila, að ofbeldið bæði morð með byssum og nauðganir hafi minnkað. Stefan Löfven sagði í ár: Við höfum engin svo kölluð no-go svæði. Við höfum tekið á vandanum. Við sjáum hvernig skotárásum fækkar í þremur stóru borgunum." Núna undirbúa kratar sig fyrir nýjar kosningar með yfirlýsingum um að kratar tryggi öryggi Svía.

Sænskir kratar eru í stríði við sitt eigið fólk. Þeir hafa farið í stríð við almenna skynsemi. Þeir telja Svíþjóð vera flokkinn sinn og skilja ekki að neinir geti gert neitt annað en það sem þeir vilja, þ.e.a.s. að knékrjúpa fyrir framan þá og lofsyngja.

Aldrei fleiri skotnir til bana í Svíþjóð

Versti aðfangadagur fjármálasögunnar

S&P 500 vísitalan hefur aldrei nokkru sinni verið lægri en - 1% á aðfangadag. Þar til nú. Við lokun aðfangadags 2018 lá S&P 500 á - 2,69%. 

Steven Mnuchin, fjármálaráðherra Bandaríkjanna, gaf út opinbera tilkynningu um að hann hefði hringt í og talað við bankastjóra sex stærstu banka í Bandaríkjunum og þeir með orðum tryggt að allt væri í stakasta lagi. Nægilegt lausafjármagn væri til að lána fyrirtækjum og einstaklingum. Minnir óneitanlega á vikuna fyrir fall íslensku útrásarvíkinganna og banka þeirra, þegar bankastjórar töluðu í munn hvers annars um hvað ástandið væri gott. 

Uppgangur fjármálamarkaða hefur að miklu leyti verið borinn uppi af gengdarlausri peningaprentun Seðlabanka Bandaríkjanna og Evrópu eftir fall Lehman Brothers 2008. Lítið af fénu hefur farið í framleiðni og verðmætasköpun. Þeim mun meira í verðbréfakaup braskara og flutning á ónýtum bankaskuldum yfir í enn ónýtari ríkisskuldabréf. Það er því mikið loft í upptrissuðum tölum S&P í dag. 

Leiðrétting og jarðsamband kemur fyrr eða síðar. Við fall Lehman Brothers féll S&P 56,4% á 17 mánuðum. Í kreppunni miklu féll S&P 86% á minna en þremur árum og náði sér ekki aftur á strik fyrr en 1954. 

Enn er því langt í land að um svipaða dýfu sé að ræða.
Verði hins vegar áframhaldandi verðfall og taugatitringur sem dregst á langinn, þá verður ekki við góðu að búast.

 

Rauð jól á hlutabréfamörkuðum

Jólahugvekja frá Svíþjóð

Frásögn af leigubílaferð í Stokkhólmi sem farþeginn setti á netið er mér tilefni til jólahugvekju 2018. Leigubílstjórinn var trúaður múslími en yfirgaf trúna. Hann þorir ekki að gefa upp nafnið af ótta við ofsóknir og jafnvel líflát. Orðin flæða av vörum hans. Hann segir að íslam hafi stolið 40 árum af ævinni. Ekkert snérist um annað en Múhammed, Allah og bænir. Immanen og ættingjarnir sögðu að ekkert annað skipti máli.

Af hverju ætlar þú að læra? Þú munt hvort er deyja bráðum og ferðast til paradísar.

Múslímar eru hvattir til að læra hvorki sænsku né neitt annað. Múslímar eiga að vera heima og stunda hvorki atvinnu eða nám til að geta einbeitt sér að íslam. Rétt að lifa á ríkinu, það eru peningar kristinna manna. Að vinna eða fara í skóla leiðir fólk burtu frá Allah.

Átta mánuðir eru síðan bílstjórinn talaði síðast við foreldra sína. Síðustu orð móðurinnar voru að hann væri "kafír" og myndi enda í helvíti. "Ég hef aldrei getað talað um þetta við nokkurn mann, allt þetta hef ég borið í hjartanu" segir bílstjórinn.

Ég hlusta á áhyggjur hans af sonum sínum. Um einmanaleikann að búa í hverfi sem hann vill flýja frá en getur ekki vegna peningaleysis. Um áhættuna að snúa baki við íslam þar sem lögmál íslams ríkja.

Þið Svíar skiljið ekki um hvað er að ræða. Íslam er eins og krabbamein og breiðist út eins og sjúkdómur. Ef ég gæti, þá myndi ég loka hverri einustu mosku í landinu.

Ég hvet hann til að ræða við fleiri, safna saman múslímum sem vilja skipta um trú svo þeir geti sótt styrk hverjir hjá öðrum. En bílstjórinn segir að hann geti aldrei gert það undir nafni eða með mynd af sér.

Þeir geta kveikt í bílnum mínum, sært mig og jafnvel drepið mig. Þú skilur - það stendur í Kóraninum.

Ég veit það en get ekki melt það. Hann er að tala um Svíþjóð ár 2018. Þeir sem kjósa flokka sem hæst láta um kynjamisrétti og segjast verja minnimáttar en samþykkja íslam á grundvelli trúabragðarfrelsis eru tvenns konar: Þeir sem tilheyra íslam og lifa eftir reglum Allah í stað lýðræðis og svo þeir sem óháðir íslam geta valið hvar þeir búa og hvernig þeir lifa. Það er veruleikablindur barnaskapur að fórna þeim sem skortir möguleika til að velja. Leigubílsstjórinn og ég gerumst fésbókarvinir. Ég fer heim í húsið mitt og hann í íbúðina sína í hverfi, þar sem lýðræðið er smám saman brotið niður með íslam að vopni og samþykki yfirvalda.

Á morgun verður áfram leyfilegt að hylja barnið þitt í sjali miðað við kyn í þeim eina tilgangi að það veki ekki kynferðislegan losta hjá fullorðnu fólki af gagnstæðu kyni.
Á morgun verða áfram bænaköll í Svíþjóð.
Á morgun munu börn mæta í skóla sem skipa Allah ofar lýðræðinu.
Á morgun verða áfram kynjaskiptir baðtímar í sundhöllinni og burkini til sölu í anddyrinu.
Á morgun mun sænska ríkið áfram veita fé til samtaka sem vinna gegn frelsi og jafnrétti.

Ég óska lesendum Gleðilegra jóla og farsæls komandi árs með þökk fyrir hið liðna.

Betri er perla í hlíð en braggi í níð

Ef einhver kennileyti Reykjavíkur standa uppúr sem merki ólíkra stjórnarhátta, þá er það Perlan annars vegar og bragginn hins vegar. Á tímum Davíðs Oddssonar og Sjálfstæðismanna blómstraði borgin og borgarbúar gátu verið öryggir um að ná sambandi bæði við sjálfan borgarstjórann og fulltrúa borgarinnar. Á þeim tímum var litið svo á, að embættismenn borgarinnar væru þar til að þjóna borgarbúum. Í dag er öldin önnur, Samfylkingin hefur sannað eðli sitt og notar líf borgarbúa og eignir til að fita flokksgæðinga sósíalismans. 

Gunnar Ragnarsson sýnir tilþrif í skilgreiningu á ástandinu sem standa mun óhögguð komandi ár:

"Ég vona að Vegagerðin komist brátt í gegnum það þarfa verk að búa svo um hnútana að enginn þurfi að koma til né hafa viðkomu í Reykjavík Austur-Berlínarklíku vinstrimanna, nema í neyðartilvikum. - Að vegur verði lagður fram hjá þessu svartholi svo að enginn þurfi að koma í þessa viðurstyggð sósíalismans að óþörfu. - Borgin liggur eins og rotnandi DDR-hvalur á Íslandi."

Gunnar telur að fólk flýji Reykjavík: "Í stað þeirra sem fóru verður svo kominn erlendur lýður á úlföldum, túrbanhausaðar karrýslettur upp um turnspíruveggi og gargandi gjallarhorn jihadista hamast á framfærslu skattgreiðenda. Harpan mun þá hafa umturnast í hæli fyrir sanna öreiga. - Drekkingarhylur verður kominn í Tjörnina við Ránshúsið, og endur horfnar henni af sökum viðbjóðs. - Það eina sem verður óbreytt er heiðnikirkjuhöll hásólans, sem kennir meiri mosavaxinn sósíalisma."

Reykvíkingar ættu að geta tekið þennan boðskap til sín án aðkeyptrar þjónustu varalesara og mokað sósíalismanum út í næstu sveitarstjórnarkosningum.

Krefst þess að Dagur segi af sér

Deutsche Bank varar ESB við djúpri komandi efnahagslægð - hræðsla um að evran hrynji

Í viðtali við Wirtschafts Woche segja fulltrúar Deutsche Bank að skelfilegir atburðir í aðildarríkjum ESB ásamt mótmælum í Frakklandi og kjöri nýrrar Framkvæmdarstjórnar ESB muni hafa ófyrirsjáanleg áhrif á efnahagssvæði ESB á næstu tveimur árum. Blaðið kennir Brexit um að geta valdið efnahagsúrbræðslu 27 ríkja ESB og gagnrýnir Emmanuel Macron Frakklandsforseta fyrir að brjóta fjárlagaramma ESB með eftirgjöfum við kröfur mótmælenda gulu vestanna. Efnahagsaðgerðum Donald Trump Bandaríkjaforseta er einnig kennt um að bæta olíu á eldinn.

Æðsti hagfræðingur Deutsche Bank, David Folkerts-Landau er myrkur í máli og segir að verulega muni draga úr hagvexti í ríkjum ESB á næstunni.

Seðlabanki Evrópu hefur eins og Seðlabanki USA dælt milljörðum evra út í fjármálakerfið sem m.a. hafa farið í kaup á ónýtum útlánum aðallega þýzkra og franskra stórbanka. Bókfærð eign SE er veðsett í verðlausum ríkisskuldabréfum og skuldir bankans faldar á bak við peningaprentun og ímyndað nafnverð bréfanna. 

Versta ár frá fjármálakreppunni