Vinstri stjórn stefnir Svíþjóð beint í innanríkisstyrjöld

Svíar mega tala hversu hátt og fínt um hversu friðsæl þjóð þeir eru. En þegar hríðskotabyssurnar gelta fyrir utan næstu dyr er enginn friður sjáanlegur. 

Allar dauðatölur stefna upp á við. Klukkan er að verða 12 að miðnætti í Sollentuna þar sem ég bý og ekkert fólk hefur verið á ferð utandyra síðan um sexleytið. Venjulega er mikið af börnum og fólki í garðinum fyrir utan þar sem ég bý en ekki í kvöld. Rúmlega sex heyrði ég endalausa umferð bláljósa bíla og sírenur í næstu götu. Lögregluþyrla kom á vettvang og sveimaði yfir hverfinu. Skotbardagi hafði enn á ný átt sér þar stað. Þrír á sjúkrahús, einn líklega látinn áður en þangað kom. Tveir fallnir í valinn segir Expressen. Lögreglan þurfti að senda liðsauka um níuleytið og loka Karólínska sjúkrahúsinu því óttast var að reynt yrði að ráða þann særða af dögunum. Árásarmenn með hríðskotabyssur komust undan í bíl eftir Malmvägen, þeir föllnu og særðu þekktir glæpamenn hjá yfirvöldum. Vitni sögðust hafa heyrt stanslausa skothvelli í 10-15 sekúndur. Þau voru mörg skothylkin á jörðunni eftir hríðskotabyssurnar.

Sjónvarpið varði heilum 18 sekúndum í að segja frá þessum daglega viðburði sem varla er talinn fréttnæmur lengur. Hverfið Tureberg, þar sem ég bý var á hættulista um að komast á blað sem sérstaklega útsett hverfi sem líklega hefur tekist í kvöld.

Um klukkutíma síðar annar skotbardagi í Järfälla 5 mínútur með bíl vestur frá mér. Einn drepinn fyrir utan pízzustað. Nokkrum tímum síðar um korter í ellefu í kvöld þriðji skotbardaginn í Blackeberg og einn drepinn þar segir lögreglan á heimasíðu sinni. 

Friður í Svíþjóð er jafn líklegur og mæta gangandi fiski á götum Reykjavíkur. Bara í Stokkhólmi yfir 30 skotbardagar í ár og níu drepnir. Í fyrra tók heilt ár að kála ellefu í borginni, þannig að um vissa framför er að ræða. Í maí lok var 22 ára kennaranemi drepinn í misgripum fyrir annan þegar hann kom út af veitingahúsi í Huddinge.

Stefan Löfven hefur útlýst Svíþjóðardemókrata sem stærstu hættu Svíþjóðar. Lögreglan og varnarmálayfirvöld segja Svíum standa mestu ógn af íslömskum hryðjuverkamönnum og Svíþjóð er á skala 3 af 5 mögulegum um yfirvofandi hryðjuverkaárás. 

Vinstri menn láta ekki hæða að sér. Hvað varðar þá sem velta sér upp úr milljörðum í spilltu stjórnmálakerfi hvort fólk þori að fara út á götu? Man einhver eftir þessum skotbardaga þegar sá næsti fær 15 sekúndur í sjónvarpinu annað kvöld?

Og núna um hálf eitt leytið heyrast sírenurnar á ný fyrir utan.

Það ríkir styrjaldarástand í Svíþjóð.

 

Tveir í lífshættu eftir skotárás

Anders Fogh Rasmusen: "Svíþjóð galið og stjórnlaust vegna réttra stjórnmálaskoðana"

Stóra sprengjan í Linköping virðist vera forréttur frekari hryðjuverka í Svíþjóð sem liður í samfélagsupplausn og mögulega innanríkisstríði sbr. ástandið í Malmö:

2. jan. sprengjuárás á tvo leigubíla við Johanneslust
10. jan. sprengt við matvöruverzlun á Scheelegötu
10. jan. sprengjuárás á iðnaðarhúsrými
25. jan sprengjuárás á matvörubúð Scheelegötu
29. jan. sprengt á svölum á Hårds götu
10. feb. sprengjuárás í stigagangi Rósingarðinum
14. feb. sprengjuárás á kaffihús Dag Hammarsjölds torgi
17. mars sprengjuárás á næturklúbbnum Etage við Stórtorgið
17. mars sprengjuárás við inngang fjölbýlishúss í Hyllie
15. príl stór sprenging við bílageymslu á Nobelveginum
23. apríl sprengjuárás á ökuskóla við Nóbeltorgið
27. apríl sprengjuárás við veitingahús við Värnhe
29. apríl sprengja fundin ósprengd í tröppum húss á Docentgötu
10. maí stór sprenging á veitingastaðnum Izakaya Koi á Litla torgi
11. júní sprengjuárás við inngang lokaðs náttklúbbs á Adelgötu
11. júní anddyri fjölbýlishúss á Von Lingens vegi eyðilagt með stórri sprengju
12. júní stigahús sprengt í tætlur á Von Rosens vegi

Sólarhringur í Malmö 10. júní:

kl. 10.30 Lögreglan skýtur mann á járnbrautarstöðinni í Malmö vegna sprengjuhótunar. Stöðinni lokað í fleiri tíma og lestar bruna fram hjá.
13.15: Skotbardagi á Bellevugarðinum. Lögreglan finnur skotinn mann sem er fluttur á sjúkrahús. Hann deyr þar skömmu síðar.
14.00 Járnbrautarstöðin enn lokuð, lögreglan rannsakar málið sem hryðjuverk.
14.20 Þjóðlega sprengjudeildin komin og búin að sprengja grunsamlegan pakka. Lokun járnbrautarstöðvarinnar aflétt.
18.00 Kveikt í bíl á Fosieveginum.
21.05 skotbardagi nálægt sama stað og fyrr um daginn. Enginn tekinn en skotpatrónur á staðnum.
02.05 Stór sprenging við Rósengarðinn.
03.20 Önnur stór sprenging við náttklúbb.

 

Þar að auki fastir liðir eins og venjulega sama sólarhring:

Skotbardagi í íbúðahverfi í Uppsala, einn alvarlega særður eftir skotbardaga í Stokkhólmi, skotbardagi í Tensta o.s.frv.

Enginn þarf að vera hissa á að Rasmusen telur Svíþjóð galið og bendir á að offorsið gegn Svíþjóðardemókrötum sé kolröng leið sem ekki hafi verið farin neins staðar annars staðar á Norðurlöndum.

Kraftmeiri sprengjur nýlunda í Malmö

Myndagátan verri - í þetta sinn dó enginn umsvifalaust - ekki hryðjuverk segir lögreglan

Ekki mikill sjáanlegur munur vegna sprengjuárásar í Beirút 1985 og Linköping 2019. Myndgáta dagsins er að giska á hvaða mynd er frá Beirút og Linköping. Virðist sem Beirút 1985 sé komið til að vera í Svíþjóð miðað við þessa sem og aðrar  sprengingar sem eru orðnar svo "hversdagslegar" að á þær er varla minnst í fréttum. 

25 fóru á sjúkrahús og eru 2 þar enn. 250 íbúðir urðu fyrir skemmdum. Allar svalir húsanna við sprengjustaðinn eru ónýtar. Þakplötur hrundu niður.  Glerbrot og tætir hlutir út um allt, fyrir utan og innandyra. Sprengjan heyrðist í 35 kílómetra fjarlægð. Aðeins guðs mildi að enginn týndi lífinu og sumir hætt komnir sem voru úti á svölum en komnir inn rétt fyrir ódæðisverkið.

Hryðjuverk eða ekki hryðjuverk?

Sögur gera gildandi að glæpahópurinn Banditos með setur í Norrköping næstu borg við Linköping beri ábyrgð á sprengjuódæðinu til að ná sér niðri á foringja glæpahópsins No Surrender sem bjó í húsinu þar sem sprengt var. Lögreglan þekkir til kauða sem er marfaldlega dæmdur fyrir alls konar brot, ofbeldi og fíkniefnasölu. Samt vill lögreglan ekkert segja opinberlega hvert tilefni sprengjunnar var og neitar að kalla hana hryðjuverk. Hver er munurinn á styrjöld glæpagengja sem ógna lífi saklausra meðborgara með vopnuðum átökum og yfirlýstum hryðjuverkum að drepa svo marga saklausa meðborgara sem mögulegt er? Það skiptir alla vega engu máli fyrir þá saklausu sem týna lífinu. 

Þáttur aðfluttra glæpamanna í ofbeldisglæpum

Svíar muna sinn fífil fegri. EFtir að hafa opnað landið í nafni innflytjendastefnu ESB er Svíþjóð orðið nýtt Beirút. Alþjóðasósíalistarnir vilja afnema þjóðríkið og þá er nærtækt að álykta að órói, jafnvel innbyrðisstríð komi að gagni. Hugveitan Nýja Velferðin hefur birt skýrslu um aðkomu innfluttra glæpamanna í ofbeldisglæpum undanfarna áratugi. Hér er ein mynd um hlutfall morða, drápa og drápstilrauna. Hlutur innfæddra minnkar hratt í vaxtarbólu ofbeldisglæpa innanlands (blátt = fæddir innanlands með báða foreldra fædda innanlands, dökkgrænt= fæddir innanlands með eitt foreldri eða báða fædda erlendis, ljósgrænt= fæddir erlendis, ljósljósgrænt= óskráðir): 

 

25 slasast í sprengingu í Linköping

Ríkisstjórnin skák og mát í dauðataflinu við Brussel

Í fallegri kirkju í Täby norður af Stokkhólmi, sem byggð var á 12. öld, eru gömul málverk um fyrri tíma. Eitt þeirra sýnir tafl við dauðann sem oftast en ekki undantekningarlaust endar aðeins á einn veg. Faðir Ingmar Bergmans var vinur prófastsins og heimsótti oft kirkjuna með Bergman ungum að árum sér við hlið. Myndin hafði mikil áhrif á hinn unga Bergman sem síðar þróaði senu í kvikmyndinni Sjöunda innsiglið á grundvelli málverksins.

Ekkert er nýtt undir sólinni. Hégómi þeirra sem láta fagurgala nýlenduherranna blinda sig og taka við glerperlum dauðans að gjöf eru orðnir skák og mát í dauðataflinu við Brussel. Þeir þora ekki að að skáka nýlenduherrunum en kjósa í staðinn að þjóna þeim í þráskáki við íslensku þjóðina í von um að dauðinn í Brussel vinni. En til eru undantekningar á tafli við dauða og djöful eins og þjóðin sýndi og sannaði í Icesave.

Hetjuleg barátta fullveldisþingmanna á Alþingi veitir innblástur eins og viðtalið við þann sérdeilis góða mann Arnar Þór Jónsson, Héraðdsdómara. Í þessu viðtali lýsir kjarni málsins og með hverri sekúndu leggjast fleiri lóð á vogarskál Davíðs í baráttunni við Golíat.

Ríkisstjórnin er skák og mát. Þjóðin teflir áfram.

Verið að samþykkja óheft flæði raforku

Alþingi Monismaníu

Fullveldisþingmönnum eru skammtaðar næturnar til að verja fullveldið. Í dagsbirtu er þjösnast á stjórnarskránni og blekkingarvefur ESB spunninn. 

Ein er sú skáldkona sem hafði hjarta fyrir lýðræði, höfundur Línu langsokks. Hún hefði dáðst að þrautsegju þingmanna Miðflokksins enda fjalla sögur hennar um afrek óhræddra einstaklinga sem láta ekki segja sér fyrir verkum. Sem skapari Pomperipossa pistils gegn 102% skatti á rithöfunda í Svíþjóð myndi hún elska Reykjavíkurbréf Davíðs Oddssonar ritstjóra Morgunblaðsins og greinar Sigmundar Davíðs Gunnlaugssonar eins og þessa um týndu landhelgisbaráttuna.

Leitin að týndu lagalegu fyrirvörunum heldur áfram. Miðflokkurinn hefur pláss fyrir Línu langsokk sem lyftir hesti og situr á gullkistu. 

Ríkisstjórnin hefur pláss fyrir ískalt mat í pólitískri eyðimörk stjórnarskrárleysis og þar er nóg af sandi.

 

Munu áfram ræða orkupakkann

Lengi lifi skeggið

ESB-þingmenn Alþingis segja að hinn aðilinn á EES-samningnum sé rosalega flottur og ekki megi anda á skegg yfirkommisjónerans til að móðga hann ekki. Eiga þeir fá orð til að lýsa hneykslun yfir óhlýðnum Íslendingum sem ekki falla á kné með höfuðið í átt að Brussel og þylja skeggbænina.

Stærsti óvinur EES-samningsins er sá sem:

- Fær engan endurskoðenda til að skrifa upp á bókhaldið í 20 ár
- Leyfir "stóru strákunum" að stíga á strik og svindla en hýðir þá minni sem misstíga sig
- Telur sig vera Guð friðar og telur skegglausa eiga að búa í helvíti
- Hendir út kjörnum fulltrúum fólksins fyrir erindreka skeggsins
- Hatar alla sem hugsa sjálfstætt
- Bannar andskeggjaðar hugmyndir
osfrv. osfrv.

Gegnum skeggið segja ESB-þingmennirnir að lýðveldið Ísland sé úrelt hugmynd. Það hafi virkað 1944 en ekki lengur. Að ríkisstjórnin sé framfarasinnuð og eigi sér bjarta framtíð við að snyrta skeggið í Brussel.

Á kostnað skattgreiðenda.

Valdið hjá Alþingi óháð fyrirvörunum