Vinstri stjórn stefnir Svíþjóð beint í innanríkisstyrjöld

Svíar mega tala hversu hátt og fínt um hversu friðsæl þjóð þeir eru. En þegar hríðskotabyssurnar gelta fyrir utan næstu dyr er enginn friður sjáanlegur. 

Allar dauðatölur stefna upp á við. Klukkan er að verða 12 að miðnætti í Sollentuna þar sem ég bý og ekkert fólk hefur verið á ferð utandyra síðan um sexleytið. Venjulega er mikið af börnum og fólki í garðinum fyrir utan þar sem ég bý en ekki í kvöld. Rúmlega sex heyrði ég endalausa umferð bláljósa bíla og sírenur í næstu götu. Lögregluþyrla kom á vettvang og sveimaði yfir hverfinu. Skotbardagi hafði enn á ný átt sér þar stað. Þrír á sjúkrahús, einn líklega látinn áður en þangað kom. Tveir fallnir í valinn segir Expressen. Lögreglan þurfti að senda liðsauka um níuleytið og loka Karólínska sjúkrahúsinu því óttast var að reynt yrði að ráða þann særða af dögunum. Árásarmenn með hríðskotabyssur komust undan í bíl eftir Malmvägen, þeir föllnu og særðu þekktir glæpamenn hjá yfirvöldum. Vitni sögðust hafa heyrt stanslausa skothvelli í 10-15 sekúndur. Þau voru mörg skothylkin á jörðunni eftir hríðskotabyssurnar.

Sjónvarpið varði heilum 18 sekúndum í að segja frá þessum daglega viðburði sem varla er talinn fréttnæmur lengur. Hverfið Tureberg, þar sem ég bý var á hættulista um að komast á blað sem sérstaklega útsett hverfi sem líklega hefur tekist í kvöld.

Um klukkutíma síðar annar skotbardagi í Järfälla 5 mínútur með bíl vestur frá mér. Einn drepinn fyrir utan pízzustað. Nokkrum tímum síðar um korter í ellefu í kvöld þriðji skotbardaginn í Blackeberg og einn drepinn þar segir lögreglan á heimasíðu sinni. 

Friður í Svíþjóð er jafn líklegur og mæta gangandi fiski á götum Reykjavíkur. Bara í Stokkhólmi yfir 30 skotbardagar í ár og níu drepnir. Í fyrra tók heilt ár að kála ellefu í borginni, þannig að um vissa framför er að ræða. Í maí lok var 22 ára kennaranemi drepinn í misgripum fyrir annan þegar hann kom út af veitingahúsi í Huddinge.

Stefan Löfven hefur útlýst Svíþjóðardemókrata sem stærstu hættu Svíþjóðar. Lögreglan og varnarmálayfirvöld segja Svíum standa mestu ógn af íslömskum hryðjuverkamönnum og Svíþjóð er á skala 3 af 5 mögulegum um yfirvofandi hryðjuverkaárás. 

Vinstri menn láta ekki hæða að sér. Hvað varðar þá sem velta sér upp úr milljörðum í spilltu stjórnmálakerfi hvort fólk þori að fara út á götu? Man einhver eftir þessum skotbardaga þegar sá næsti fær 15 sekúndur í sjónvarpinu annað kvöld?

Og núna um hálf eitt leytið heyrast sírenurnar á ný fyrir utan.

Það ríkir styrjaldarástand í Svíþjóð.

 

Tveir í lífshættu eftir skotárás

Athugasemdir

[Sigurður Kristján Hjaltested, 30.6.2019 kl. 23:24]

Sæll Gústaf og samúðarkveðjur til þín og Svía.

Þetta er því miður draumur allra sossa og vinstri manna

og þeir bíða tilhlökkunar eftir því hér á Íslandi að fá að

upplifa svona fögnuð. Enda af hverju ættu þeir, hér heima,

að læra af öðrum þegar þeir eru ennþá í dag að finna upp hjólið..?

Meðan svo er, geta Íslendinga hlakkað til að fá svona

óværu yfir sig, enda mest í mun að herma eftir öllu sem

slæmt kemur frá Svíþjóð.

M.b.kv. og samúð.

[Gústaf Adolf Skúlason, 1.7.2019 kl. 00:03]

Sæll Sigurður, samúðurkveðjur mótteknar og kærar þakkir fyrir það. Ekki veitir af á þessum síðustu og verstu tímum.

Ekki trúi ég öðru en að vinstri stjórn Katrínar Jakobsdóttur uni vel við framgang skoðanasystkina sinna hér, þannig að samúðarkveðjurnar eru endurgoldnar tilbaka til þín og þinna. Það verður engin stöðvun á þessarri útafkeyrslu nema að stjórnir landanna beggja segi af sér eða hrökklist frá völdum. kkv frá sænska vígvellinum

[Júlíus Valsson, 1.7.2019 kl. 15:23]

Är dessa inte bara skadedjur som dödar andra av samma art och från samma dåre hus?

[Gústaf Adolf Skúlason, 1.7.2019 kl. 19:14]

Hej Júlíus, það er erfiðara fyrir venjulegt að vera á götumm úti ef ekki er þverfótað fyrir hvínandi kúlum og sprengjum. Saklausir fara með og þetta eykst allan tímann.