Bloggfærslur mánaðarins, desember 2018

Varar við 35 milljónum nýjum innflytjendum til Evrópu

Skärmavbild 2018-12-12 kl. 14.20.49Péter Szijjártó utanríkisráðherra Ungverjalands segir, að með samkomulagi SÞ sé verið að gera óglöglegan innflutning til Evrópu löglegan. "Þetta er sameiginlegt markmið ESB og SÞ." Hann varar við að 35 milljónir innflytjendur muni nú reyna að komast til Evrópu í kjölfar samþykktarinnar. 

Deilurnar um hvort stöðva eigi eða skipuleggja innflutninginn hafa staðið í þrjú og hálft ár. Ríkisstjórn Ungverjalands hefur bent á hættur sem fylgja fólksflutningum til Evrópu t.d. hafa tugir þúsunda öfga íslamskra vígamanna hreiðrað um sig í Evrópu og tugir þúsunda bíða færis á að koma til Evrópu. Utanríkisráðherrann telur samkomulag SÞ vera "ekkert minna en svik við íbúa Evrópu."

Annað samkomulag, sem á að samþykkja í New York seinna í desember, er The global compact on refugees. Þar er hugtakið flóttamaður víkkað út til að ná yfir langtum fleiri en þá sem flýja styrjaldir. M.a. á stofna eftirlitsnefnd yfir þjóðum sem skrifa undir samkomulagið og tryggja peningafærslur flóttamanna til heimalanda sinna. Almenningi hvorki á Íslandi né annars staðar hefur verið kynnt þessi áætlun. Íslenska ríkisstjórnin mun að óreyndu skrifa undir þetta samkomulag.

ESB lét gera úttekt á íbúagetu aðildarríkjanna 2010 sem birtar eru í töflu 12 aftast í skýrslunni. Svíþjóð er sagt geta haft 440 milljónir íbúa. Miðað við 10 milljón Svía í dag ætti Svíþjóð því að geta tekið á móti 430 milljónum flóttamönnum til viðbótar. Lágt reiknað ætti Ísland að geta tekið á móti 20-50 milljónum flóttamanna. 

Aðalritari SÞ, António Guterres, segir að innflytjendur til Evrópu muni bæta upp lágar fæðingatölur og hækkandi aldurshópa. Skv. Guterres eigum við bara að loka augunum og njóta þess, að flóttamenn og aðrir innflytjendur vinni fyrir okkur í ellinni.

Framtíðin er því björt að mati ESB og SÞ.


mbl.is Ísland aðili að samþykkt SÞ um farendur
Tilkynna um óviðeigandi tengingu við frétt

Sænska sjónvarpið varar við handsprengjum

Skärmavbild 2018-12-11 kl. 00.36.37Sænska sjónvarpið hefur rannsakað aukningu á notkun handsprengja í Svíþjóð. Frá 2 árið 2011 upp í 39 ár 2016. Samtals 116 handsprengjur sprengdar í Svíþjóð á átta árum. Hersérfræðingurinn Gunnar Appelgren segir Svíþjóð á sérbáti miðað við önnur lönd. Sagt að friður ríki en ástandið minnir meira á stríð.
Í nýrri skýrslu ESB er Svíþjóð sagt sjötta hættulegasta ríki ESB. 

Síðustu sprengjur í Malmö sprungu með klukkutíma millibili. Það ríkir stríðsástand. Sprengt við anddyri íbúðarhúsa og daglegar skotárásir. 7 þúsund lögreglumenn vantar í Malmö til að ráða við glæpaklíkurnar. Ekkert bólar á liðsauka. Stálkúlur hafa meiri áhrif en orð stjórnmálamanna.

Í nýrri upplýsingamynd sænska sjónvarpsins um hvað beri að varast fyrir jólin, er fjölskylda sýnd við eldhúsborðið þegar handsprengja springur. Sýnt er hvernig sprengjuflísar fara í mömmu, pabba og börnin. "Þegar maður kastar handsprengju úti á götu setur maður ekki aðeins sjálfan sig í hættu heldur líka aðra vegfarendur" upplýsir sjónvarpið.

Þá vitum við það.

 


Sigmundur Davíð Gunnlaugsson: Aftaka 2 .... mistókst

SDGMiðað við þann sora sem birst hefur eftir Klausturferðina frægu verður sú ferð og það sem þar var sagt eins og prúðbúin bænastund í samanburði. Sex þingmenn á hljóðri bæn að biðja fyrir velferð landsins - með sérstöku ljósi til kvenna, fatlaðra og samkynhneigðra. 

Það er nefnilega ekki á ábyrgð þingmannanna sex, að ljótum orðum þeirra var mokað yfir þjóðina. Það var gert í leyfisleysi þeirra og án þeirrar vitundar. Þannig voru þeir ekki viljandi að særa einn eða neinn. Þeir sem gerðu það voru hatursmiðlar með bolmagn að spúa þessu yfir alþjóð og virkja erlenda miðla í leiðinni.

Þrátt fyrir fjögurra tíma upptöku fylgt af vikulangri framleiðslu fjölda starfandi blaðamanna Kvennablaðsins, DV og Stundarinnar á STÓRU áfallasprengjunni, þá tókst ekki að brjóta niður Sigmund Davíð Gunnlaugsson. Margir saklausir í áfalli - en ekki Sigmundur Davíð Gunnlaugsson.

SDG aftaka 2 hefur gjörsamlega mistekist. Pilsfaldaflótti úr þingsölum eykur þess í stað á áru meistarans. Þrátt fyrir góðsemis- og grandvaraleysissjálfsmark þingmannanna, þá geigaði ”rothöggið”. Sem eru álíka mistök og að Agli Skallagrímssyni fipaðist sverðlistin og hitti ekki þegar viðkomandi lá sérstaklega vel við höggi.

Panamaárásin aftaka 1 mistókst og jók á styrk Sigmundar Davíðs Gunnlaugssonar. Ekki tókst að binda endi á stjórnmálaferil hans þrátt fyrir áralangan undirbúning með erlendum aðilum.

Þeir sem hata lýðræðiskjörna embættismenn mest af öllu og vilja hertaka Austurvöll og jafna Alþingi við jörðu, hafa í staðinn gert Sigmund Davíð Gunnlaugsson formann Miðflokksins að dýrlingi í íslenskum stjórnmálum. 

Aftökutilraunirnar eru orðnar að framleiðslu atriða í raunveruleikasápu. ”Síðasta máltíðin” með Kristi endurmáluð með Sigmundi Davíð Gunnlaugssyni og Klausturþingmönnum. 

Ekkert er nýtt undir sólinni. Hafa menn ekkert til málanna að leggja má alltaf reyna að græða á þeim frægu.


Þarf Alþingi að ráða öryggisverði til að tryggja líf þingmanna?

dreamstime_xs_119790469Á félagsmiðlum hafa bakþankar Þráins Bertelssonar frá 28. ágúst 2006 um "dónaskap með hjálpartækjum" gengið en þar skrifaði Þráinn um gægjur og hleranir. Segir hann að fyrir utan að vera refsivert athæfi sé slík hegðun af sálfræðingum og geðlæknum talin "ónáttúra afbrigðilegra einstaklinga" sem þurfi á lækningum að halda.

"Að liggja á hleri er hins vegar ekki talið alveg jafn sjúklegt og gægjurnar og flokkast fremur sem dónaskapur og skortur á mannasiðum nema viðkomandi dóni hafi komið sér upp hjálpartækjum og sérstakan hlerunarbúnað til að svala ónáttúru sinni og sé þar með orðinn brotlegur við bæði lög og almennt siðgæði." (Fréttablaðið 28/8 2006)

Í 71. grein stjórnarskrárinnar segir að "Allir skulu njóta friðhelgi einkalífs, heimilis og fjölskyldu. Ekki má gera líkamsrannsókn eða leit á manni, leit í húsakynnum hans eða munum, nema samkvæmt dómsúrskurði eða sérstakri lagaheimild. Það sama á við um rannsókn á skjölum og póstsendingum, símtölum og öðrum fjarskiptum, svo og hvers konar sambærilega skerðingu á einkalífi manns."

Þetta einkalífsákvæði stjórnarskrárinnar gildir jafnt fyrir þingmenn sem aðra og er öryggisventill til að ríkið grípi ekki inn í líf einstaklinga að eigin geðþótta. Hjá óvönduðum miðlum eins og Stundinni, DV og Kvennablaðinu, sem nota hjálpartæki til hlerunar, er engin virðing borin fyrir stjórnarskránni, réttarfarsreglum né mannréttindum um friðhelgi einkalífsins. Í staðinn er "friðhelgi ónáttúrunnar" krafist.

Ofangreindir miðlar kynda bókstaflega undir ólöglegt framferði. T.d. eru ekki tvö ár liðin síðan Robert Spencer var byrlað lyf í drykk á bar í Reykjavík. Sumir miðlar voru svo uppfullir af hatri gegn manninum, sem hefur ákveðnar skoðanir á íslam, að litlu virtist skipta að honum var byrlað eitur. Hvað varðar þingmennina sex mætti kannski setja fram þá spurningu, hvers vegna ein barferð í Klaustrið hafi haft þær afleiðingar eftir nokkra bjóra, að þeir töluðu óráð, muna varla hvað gerðist eða hvernig þeir komust heim eftir ferðina? 

Afleiðingin af þessarri klausturfóbíu gæti hæglega orðið sú, að Alþingi neyddist til að koma upp öryggissveitum fyrir þingmenn til að tryggja öryggi þeirra á stöðum sem þeir heimsækja. 


mbl.is Boðuðu Sigmund ekki á fundinn
Tilkynna um óviðeigandi tengingu við frétt

Verið að breyta okkur öllum í þjóðlausa jarðarbúa

Skärmavbild 2018-12-05 kl. 03.03.24Í viðtali við Laura Ingraham Fox News í gær gagnrýnir Nigel Farage leiðtogi Brexit harðlega samkomulag Sameinuðu þjóðanna um flóttamenn sem fyrirhugað er að undirrita í Marrakesh 10. desember:

"Verið er að refsivæða gagnrýni á fjöldainnflutning og gera ólöglega innflytjendur löglega með því að skilgreina alla sem flytjast milli landa sem "flóttamenn". Verið er að breyta okkur öllum í alþjóða meðborgara.

Margar ríkisstjórnir munu skrifa undir samkomulagið án þess að ræða málin við meðborgara sína."

Í fréttinni er einnig sagt frá því að Evrópuþingmaðurinn Marcel de Graaffs óttist að samningurinn leiði til þess að fjölmiðlar sem gagnrýna hömlulausan fólksinnflutning verði taldir ólöglegir og þeim lokað.

Fjöldi ríkja hefur ákveðið að hunsa "samkomulagið" og mæta ekki til fundarins í Marokkó 10. desember. Sum ríki hafa frestað umræðum um málið og í Belgíu gæti samkomulagið valdið stjórnarkreppu, þar sem Charles Michel forsætisráðherra vill skrifa undir en stjórnarandstaðan er alfarið á móti.

Hægt er að sjá viðtalið hér 


mbl.is Landamærin verði opnuð fyrir nánast öllum
Tilkynna um óviðeigandi tengingu við frétt

Seðlabanki Englands varar við ítalskri bankakreppu

UnknownAð sögn Daily Express hefur Seðlabanki Englands sent frá sér viðvörun um að fjármálakrísa ítalskra banka geti ræst keðjuverkandi óstöðugleika innan alls ESB. Þrátt fyrir að brezkir bankar hafi ekki lánað mikið fé til Ítalíu mun fjármálakreppa evrusvæðisins hafa neikvæð áhrif á fjármálastöðugleika í Bretlandi. Fremstir eru þýzkir og franskir bankar með útlán til ítalska fjármálakerfisins, BNP Paribas um 10 milljarða evra í lok 2017, BPCE 8,5 milljarða evra og Crédit Agricole 7,6 milljarða evra. Um 10% skulda ítalskra banka eru hjá erlendum bönkum.

Skuldir Ítala hafa aukist yfir 2,3 billjónir evra og samsteypuríkisstjórnin stendur í rimmu við framkvæmdastjórn ESB vegna fjárlaga næsta árs þar sem gert er ráð fyrir 2,4% halla. Ítalir skulda næstmest á eftir Grikkjum innan ESB um 2 billjónir evra sem eru 131% af vergri þjóðarframleiðslu.

Ítalska þingið kýs um fjárlögin á næstu dögum og í dag er "samningafundur" framkvæmdastjórnar ESB með leiðtogum Ítalíu en framkvæmdastjórnin hefur haft í hótunum, ef Ítalir fylgi ekki "leiðréttum" fjárlögum búrókratanna í Brussel.

Hrun evrunnar hefði víðtæk áhrif á íslenska hagsmuni svo óhætt er að taka mark á þessarri viðvörun brezka seðlabankans.


Skrifar ríkisstjórnin undir "hömlulausan fólksinnflutning" 10. desember?

Skärmavbild 2018-12-02 kl. 10.41.15Aðeins eru nokkrir dagar í heimsfund þjóðarleiðtoga í Marókkó 10. desember en þar á að skrifa undir nýjan samning Sameinuðu Þjóðanna um fólksinnflutning, flóttamenn og farandfólk. Sífellt fleiri ríki hoppa af lestinni og neita að staðfesta samninginn, nú síðast Ítalía. Bandaríkjamenn neita að skrifa undir og segja samkomulagið skerða fullveldi ríkja. 

Viktor Orbán forsætisráðherra Ungverjalands sagði á blaðamannafundi í Prag s.l. föstudag, að "sérhver ríkisstjórn sem skrifar undir samkomulagið er hættuleg meðborgurum sínum." Þeir sem halda því fram að samkomulagið sé ekki bindandi er bent á að undirskriftir þjóðarleiðtoga þarf til að það öðlist gildi. 

Svíþjóðademókratar vara opinberlega við því að samkomulagið hafi í för með sér opinber höft á fjölmiðlum og skerði tjáningarfrelsið. Samkomulagið setur ríkinu þær skyldur á herðar að afnema styrki til fjölmiðla sem skrifa "rangt" um innflytjendur. Einnig á að víkka út hatursumræðuhugtakið, þannig að hægt verður að refsa þeim einstaklingum og fangelsa sem gagnrýna stefnu yfirvalda í innflytjendamálum. 

Í skýrslu ESB frá 2010 er reiknaður út mögulegur innflutningsfjöldi til aðildarríkjanna miðað við heildaríbúagetu (table12 aftast í skýrslunni). Þar er sagt að Danmörk geti verið 37 milljónir, Svíar 440 milljónir, Finnland 332 milljónir, Þýzkaland 274 milljónir, Frakkar 486 milljónir o.s.frv. ESB með Bretlandi samtals 3 834 milljónir íbúa.

Ísland er ekki með á þessum lista og fróðlegt að vita, hvort ráðamenn hafa reiknað út hversu marga íbúa landið ber skv. þessum reiknismáta ESB. Ljóst er að sú tala skiptir milljónum. 

Af hverju ræða ráðherrar ekki fyrirætlun ríkisstjórnarinnar að skrifa undir þennan samning í Marókkó þann 10. desember n.k.? Hvers vegna þessi leynd?


Til hamingju Íslendingar með aldarafmælið

45999059_2375311675829646_4880850390507061248_oÞað ríkir gleði í hjarta yfir 100 ára afmæli fullveldisins í dag 1. desember 2018. Í Stokkhólmi söfnuðust yfir 150 Íslendingar og Svíar í Menningarhúsi borgarinnar 15. nóv. s.l. til að halda upp á afmælið í boði sendiráðs Íslands, Norræna félagsins og Menningarhússins. Estrid Brekkan sendiherra Íslands ávarpaði samkomuna og lýsti aðdraganda og stofnun fullveldisins. Bjarni Thorsson og Bára Lyngdal lýstu reynslu sinni af aðlögun Íslendings að sænskum siðum sem fékk marga til að brosa og Ari Þorsteinsson gerði samanburð á íslenskum og sænskum kvikmyndum. Að auki sungu Stína Ágústsdóttir og Marína Ósk jazzaðar útfærslur norrænna jólalaga við góðar undirtektir.

Fullveldið er mikilvægasta fjöregg hverrar þjóðar. Grundvöllurinn að sjálfstæði þjóðarinnar. Sjálfstæð þjóð er sem fullgildur fullorðinn og ber ábyrgð á eigin orðum og gjörðum. Ekki í ánauð neins annars og tekur eigin ákvarðanir um framtíð og örlög sín. Frjáls þjóð.

Ófriðsamlegt heimsástand

Það er sérstaklega aðkallandi í vopnaglamrandi heimi, að vopnlaus örþjóð á eyju í Norður-Atlantshafi haldi sér undan, þegar "stóru strákarnir" fara að yggla brýrnar. 

Pútín og Xi Jinping í austri, Juncker í Evrópu, bin Salman, al-Assad og Rouhani í Miðausturlöndum og marga fleiri mætti upp telja í röðum þeirra sem krefjast stærri landssvæða, meira valds og beygja bæði erlend ríki sem eigin þegna undir vilja sinn. Í dag því miður í skjóli hers og sprengjukrafts. 

Germanía hefur náð fyrri styrk og stjórnar á meginlandinu

Þýzkaland hefur endurreist fyrri ægishjálm yfir öðrum þjóðum í Evrópu og aðeins tímaspursmál, þar til einstök ríki ESB ganga í eina sæng með Þjóðverjum og mynda stórríkið. Þá vantar ekkert nema nýjan brjálæðing til að skapa DEJA VU seinni heimsstyrjaldarinnar, því Þjóðverjar munu byggja upp hernaðarmátt sinn að nýju gegnum ESB og sniðganga þannig samningana í kjölfar seinni heimsstyrjaldarinnar. 

Efnahagshrun ýtir undir hernaðarbrölt

Efnahagur heimsins hefur enn ekki náð sér eftir Lehman Bræður og sök AGS, Seðlabanka Bandaríkjanna og Evrópusambandsins er stór. Á nákvæmlega sama hátt og fyrir "kreppuna miklu" en með nýrri tækni hefur innistæðilausum peningum verið fleygt yfir fjármálamarkaði um árabil til að seðja mestu fjárgirndina. En Mammon er óseðjanlegur guð svo nýs fjármálahruns er að vænta. Verða seðlabankarnir krafnir reikningsskila á bókfærðu eigin fé verður hrunið botnlaust.

Hvað gera Íslendingar ef stríðið kemur? 

Á stríðstímum er eldur og stál að baki fullveldi. Ísland hefur sögur og tungumál sem fuðra upp með fullveldinu í stórveldaátökum. Kjörnir alþingismenn ættu frekar að hyggja að stefnu Íslands ef til stórstyrjaldar dregur en ræða útlit hvers annars og nota alþingissali fyrir auglýsingamyndatökur. 

Í valinu milli austurs og vestur hefur ekkert breyst. Ef Íslendingar halla sér að austrinu fer illa. Lýðræði og frelsi fullvalda þjóða er vegur Íslands. Í dag sem fyrr borið uppi af Bretum og Bandaríkjamönnum.

Fyrir titrandi smáblóm sem tilbiður guð sinn er vegferðin vandasöm og verður ekki rötuð með kjörnum embættismönnum sem taka eigin skammtíma hag fram yfir velferð þjóðarinnar.

"Klausturfóbían" getur hjálpað Alþingi og þjóðinni

Eftir einkasamkomu sex þingmanna á Klausturbar standa kröfurnar skýrari til kjörinna embættismanna, að þeir fari ekki yfir mörk almenns velsæmis. Fyrir þá þingmenn sem "staðnir voru að verki" hefur atburðurinn gjörbreytt og rústað lífum einhverra þeirra. Allir sem þekkja til ofneysluvandamála, vita hversu ömurlegt það er fyrir viðkomandi að þurfa að treysta á frásögn annarra daginn eftir þegar minnið svíkur. Að vera drekkt í slíkum frásögnum af óvönduðum miðlum stjórnmálaandstæðinga var að sjálfsögðu ekki það sem þingmennirnir ætluðu sér, þegar þeir ákváðu að hittast á barnum.

Í Reykjavíkurbréfi dagsins skrifar höfundur: "Á Íslandi fórnaði "litli sómamaðurinn" sér í þetta. Hann sagði sjálfur að af þessum sex, sem töluðu svo hátt við borð, hefði hann aðeins þekkt einn í sjón, Sigmund Davíð. Hann ákvað þó að taka upp fjögurra klukkutíma spjall þingmannsins við, þess vegna fimm almenna borgara, sem hann hafði ekki hugmynd um hverjir væru! Er það virkilega? Er það þess vegna sem hann vill ekki láta nafngreina sig?"

Höfundur bréfsins hefur sjálfur þurft að taka við ómældum lygaáróðri og verið ranglega borinn sökum á misgjörðum annarra. T.d. var ráðist að heimili hans og fjölskyldu og sjálfsagt hefur líf hans á einhverju augnabliki verið raunverulega í hættu. Öryggisgæsla lýðræðislega kjörinna embættismanna er ofarlega á blöðum nágrannaríkjanna og full ástæða fyrir íslenska lýðveldið að huga betur að þeim málum. Saklaus sími - í þessu tilviki notaður sem upptökutæki - gæti í öðrum og verri tilgangi verið sprengja. Þessum raunveruleika ættu Íslendingar að gefa gaum vegna eftirlitslausra ferða "sómamanna" til landsins.

Ég fyrirgef þessum þingmönnum, hef sjálfur átt góð samtöl við þrjá þeirra og styð að sjálfsögðu björg til sjálfsbjargar. Þeir þurfa allir að greiða hátt persónulegt verð fyrir Klausturferðina. 

Að lokum

Ég óska sjálfum mér og öðrum Íslendingum til hamingju með fullveldið og er þess fullviss, að þjóðin á í fórum sínum stjórnmálaleiðtoga sem geta staðið í fæturna og stýrt skútunni í þeim ólgusjó heimsmálanna sem er framundan.


mbl.is Hefði átt að stöðva samsætið
Tilkynna um óviðeigandi tengingu við frétt

« Fyrri síða

Innskráning

Ath. Vinsamlegast kveikið á Javascript til að hefja innskráningu.

Hafðu samband