Kína í alþjóðlegri áróðursherferð fyrir "réttarríkið Kína"

Alþýðulýðveldið Kína kaupir nú heilsíðuauglýsingar í blöðum víða um heim með áróðri um að "réttarríkið Kína" muni leysa málin í Hong Kong í "friði." Í auglýsingunni segir: "Það sem þú lest, sérð eða heyrir - eða dreifir á félagsmiðlum - er aðeins einn hluti í flóknu, félagslegu, efnahagslegu og stjórnmálalegu púsluspili. Púsluspili sem við munum ljúka við af eigin rammleik. Og það getur tekið tíma. En við erum ákveðin í því að ná friðsamlegri, skynsamlegri og sanngjarnri lausn." Þá segir: "Við treystum á reglur réttarfarsríkisins sem hafa reynst svo vel í marga áratugi."

Greinilegt er að Kínverjar óttast slæma ímynd vegna átakanna við íbúa Hong Kong sem ekki halda með Kína um efndir á loforðinu "eitt land - tvö kerfi". Það eru í fyrsta lagi fjárfestar sem Kína snýr sér að svo þeir verði áfram í Hong Kong. Hins vegar gæti þessi áróðursherferð allt eins verið undirbúningur fyrir hertöku á Hong Kong þvert á boðskapinn eins og svo oft tíðkast hjá einræðisríkjum. 

Töluverðar umræður hafa átt sér stað í Svíþjóð og sýnist sitt hverjum að Dagens Nyheter birti auglýsinguna. DN kallar sig frjálslynt og ritstjóri blaðsins segir eðlilegt að pláss blaðsins sé notað fyrir áróður stærsta kommúnistaríkis heims. Allir vita, að Kínverjar hafa komið fyrir njósnabúnaði í tækni sem seld er erlendis án vitundar kaupendans. Það er helst að utanríkisráðherra Íslands sé utangátta eins og sýndi sig í loðnum svörum til Mike Pense vegna loforða íslensku ríkisstjórnarinnar um að styðja Kínverja á Norðurslóðum í Belti og braut.

Segja mótmælendur í Hong Kong hafa sætt pyntingum

Athugasemdir

[Jónatan Karlsson, 21.9.2019 kl. 15:04]

Það veldur mér satt best að segja vonbrigðum, hve ginkeyptur þú virðist vera fyrir áróðri þeim sem rekinn er hér í vestrinu gegn Kína og það helst í nákvæmlega sömu fjölmiðlunum sem þú virðist sjá svo ágætlega í gegnum, þegar kemur að loftlags og flóttamanna áróðri.

Þér er alveg óhætt að trúa því að meirihluti íbúa Hong Kong eru andvígir þessum mótmælum, sem líkt og loftlagsmótmælin hjá okkur eru blásin út úr öllu samhengi.

[Gústaf Adolf Skúlason, 21.9.2019 kl. 19:38]

Sæll Jónatan, þakka þér innlit og athugasemd. Kína er eitt stærsta kommúnistaríki heims og því ekki hægt að tala um "réttarríki" í skilningi okkar sem njótum lýðræðis. Að Kína gengur út núna með dýrar auglýsingar í Bandaríkjunum og Evrópu er greinilega til að friðþægja fjárfesta svo þeir flýji ekki HongKong. Mótmælendur segja að Kína haldi ekki sinn hluta af samkomulaginu "Eitt land - tvö kerfi" og unni ekki frelsi íbúa HongKong og vilji koma HongKong undir kínverska kerfið. Yfir 70% íbúa HongKong líta ekki á sig sem Kínverja heldur sem HongKong búa. Eflaust líta margir Kínverjar öfundaraugum á HongKong en þar hafa Kínverjar ekki komið á fullkomnu stjórnunarkerfi sínu með hegðunarstigum þar sem m.a. 80 ára ellilífeyrisþegum er skipað að þrífa götur bæjarins launalaust til að missa ekki velvildarpúnkta kommúnistaríkisins.