Sænskir kratar fórna Svíum, lýðræði og þingræði fyrir völdin

Fyrrum ráðherra krata í Svíþjóð Thomas Bodström sagði nýlega í sjónvarpi að kratar ættu að hætta að kalla sig verkamannaflokk en þess í stað kalla sig flokk "góða innflytjandans". Taldi hann samfélagsþróunina vera góða fyrir verkafólk sem hefði allt til alls og þyrfti því ekki lengur að kenna sig við vinnandi fólk. Hins vegar væru hlutskipti innflytjenda svo slök að réttast væri að flokkurinn kenndi sig við innflytjendur. Hann bætti við orðinu góðu til öryggis.

Kratarnir afneita vandamálunum og jánka aðeins því versta sem þeir komast ekki hjá t.d. hryðjuverkinu á Drottninggatan. Sósíaldemókratar skilja ekki, að þeir "eiga" ekki Svíþjóð. Þeir halda öllu í járngreipum með lygum og ofstækisfullum áróðri gegn Svíþjóðardemókrötum, Moderötum og Kristdemókrötum. Þeim er fyrirmunað að skilja að fólk kjósi eitthvað annað en þeir vilja. Þá má þingræðið og lýðræðið fara veg allrar veraldar bara að kratar fái sinn forsætisráðherra.

Á meðan ekkert gengur né rekur að tjasla saman ríkisstjórn halda skotárásir, sprengjuárásir, vopnuð búðarrán, hnífaárásir, heimilisrán, nauðganir á torgum og götum áfram eins og enginn sé morgundagurinn. Lögreglan segir, að fyrir hvern glæpamann sem þeir handtaki standi 10-15 aðrir í röð til að fara í spor hins handtekna. Þessi röð ungra manna til metorða í glæpagengjunum lengist stöðugt ár frá ári vegna slappleika stjórnmálamanna. Líkir lögreglan ástandinu í Svíþjóð við stríð.

Nokkrar sænskar staðreyndir:

• annar hver 15 ára unglingur í Svíþjóð er fórnarlamb afbrota í einhverri mynd
• 28% ungra stúlkna verða fyrir kynferðisárásum
• Svíþjóð er orðið eitt hættulegasta landið í ESB skv Eurostat
• 116 handsprengjuárásir á átta árum setur Svíþjóð á skala með stríðshrjáðum löndum
• Ítalía og Kína vara landsmenn við að ferðast til Svíþjóðar 
• 7000 lögreglumenn vantar bara í Malmö til að stefja glæpaklíkurnar þar 
• öll fangelsi í Svíþjóð eru yfirfull með allt að 100% nýtingu og sífellt stækkandi biðröðum
• Þeir sem eru dæmdir til fangelsisvistar en komast ekki inn halda áfram glæpaverkum
• um 360 óleyst morð eru á borði lögreglunnar
• lögreglan leysir um 25% morða/skotárásamála, 75% verða s.k."köld" óleyst verkefni
• nýtt dauðamet í skotárásum í ár, næstum einn drepinn í hverri viku
• lögreglan tekur ekki lengur á móti kærum um afbrot undir 65 þús ísl kr
• lögreglunni tókst að koma í veg fyrir tvær stórar hryðjuverkaárásir í ár
• handteknir hryðjuverkamenn litu á lestarstöðina í Stokkhólmi, Mall of Scandinavia og gatnamótin Kungsgatan/Sveavägen sem hugsanleg mörk hryðjuverkaárásar
• margir sænskir hryðjuverkamenn fá húsnæði, félagsbætur og nýtt nafn við endurkomuna heim til Svíþjóðar frá ÍSIS í Sýrlandi. Yfirvöld vita ekki um alla sem snúa heim
• lögreglan varar við aukinni hættu á hryðjuverkum vegna heimkominna ÍSIS heilagastríðsmanna 
• 1500 dæmdum hryðjuverkamönnum verður sleppt úr fangelsum á næsta ári í Evrópu
• innflytjendakostnaður tvöfaldast til 2025, mörg sveitarfélög ná ekki í dag endum saman
• skuldir sveitarfélaga og léna er uppi í 7.816 milljörðum ísk.
• skuldir ríkisins eru uppi í 15.515 milljörðum ísk. um 40% af VÞF 

Á heimasíðu sænsku kratastjórnarinnar eru hreinar lygar um ástandið í Svíþjóð þar sem haldið er fram á ensku þvert gegn tölum opinberra aðila, að ofbeldið bæði morð með byssum og nauðganir hafi minnkað. Stefan Löfven sagði í ár: Við höfum engin svo kölluð no-go svæði. Við höfum tekið á vandanum. Við sjáum hvernig skotárásum fækkar í þremur stóru borgunum." Núna undirbúa kratar sig fyrir nýjar kosningar með yfirlýsingum um að kratar tryggi öryggi Svía.

Sænskir kratar eru í stríði við sitt eigið fólk. Þeir hafa farið í stríð við almenna skynsemi. Þeir telja Svíþjóð vera flokkinn sinn og skilja ekki að neinir geti gert neitt annað en það sem þeir vilja, þ.e.a.s. að knékrjúpa fyrir framan þá og lofsyngja.

Aldrei fleiri skotnir til bana í Svíþjóð

Athugasemdir

[Halldór Egill Guðnason, 29.12.2018 kl. 01:49]

 Engin þjóð hefur apað meira eftir Svíþjóð en Ísland. Flest af því hefur misheppnast. Undirritaður eitt fórnarlambanna, þar sem þessi andakotans eftiröpun hófst, meðan á skólagöngu minni stóð. Endalaus sænsk"módel".

 Setur að manni hroll. Ung stúlka hélt nýlega ræðu eða kom skilaboðum á loftslagsráðstefnu Sameinuðu Þjóðanna í Póllandi og sakaði stjórnmálamenn um að ræna hana framtíðinni vegna stöðunnar í loftsslagsmálum. Hvernig ætli sú unga stúlka sjái sig fyrir sér í búrku?

 Það er hægt að kæfa sjálfstæði með ýmsu móti. Mengun er ekki stærsta hættan í dag, svo mikið er víst.

 Góðar stundir, með áramótakveðju að sunnan.

[Gústaf Adolf Skúlason, 29.12.2018 kl. 08:16]

Sæll Halldór,

Ég hef oft hugsað einmitt um það sem þú segir, hversu dýrkeypt hugsunarlaus eftiröpun getur orðið. 

Læt fylgja með tilvitnun í viðtal sem sænska Expressen tók við íslamska Imanen Gholam Mohammed Shaeq í Afghanistan:

"Konan verður alltaf að hafa leyfi manns síns til að fara út af heimilinu"

"Frelsi konunnar er að giftast og fæða börn"

"Allah hefur gefið karlmönnum réttinn að ráða yfir konunum"

"Konur fá ekki að vinna á sömu vinnustöðum og karlmenn"

"Ef kona er ekki hrein mey við giftingu má píska hana hundrað sinnum en ef hún lifir eftir það má ekki gera neitt meira eins og að kveikja í henni eða svoleiðis"

"Skv. islam á að lífláta samkynhneigða"

Það eru ekki loftslagsbreytingar sem eru stærsta hætta mannkyns.

Gott nýtt ár til þín og þinna

PS fyrir þá sem lesa sænsku https://www.expressen.se/nyheter/qs/del-8-imamen/