No way Mrs. May!

Hræsnin flæðir úr börmum miðborgar Evrópusambandsins Brussel. Úr stútfullum tárakirtlum  búrókratanna beljast krókódílatárin eins og dagurinn í dag sé síðasta dagur mannkyns: "Ekki hægt að skála í kampavíni. Dökkur dagur fyrir Evrópu - ein þjóð að fara úr ESB." Væl Brusselhýenunnar heyrist um allan heim. "Æ, æ, vondu Bretarnir eru að fara, sjáið hvað þeir fara illa með mig." 

Hvílíkt háð! "Samningurinn" er hnífur í hjarta brezku þjóðarsálarinnar og Juncker snýr skaftinu á frönsku. Það sem heiminum er sagt að sé "samningur aldarinnar" er fullkominn ósigur Breta sem eiga að greiða um 40 milljarði punda fyrir áframhaldandi lögsögu ESB yfir Bretlandi. Bretar eru niðurlægðir og áfram dregnir á asnaeyrunum. Bréf Theresu May flytur ósannindi um að Bretar fái að ráða sínum málum sjálfir.

Heyr, heyr segir Macron og hótar frönskum herskipum til verndar ránveiðum franskra skipa á Ermasundi.

Heyr, heyr segir Spánarkonungur, sem fær lögsöguvald yfir Gíbraltar afhent á silfurfati og getur byrjað að stinga leiðtogum Gíbraltar í fangaklefa með leiðtogum Katalóníu.

Ekkert breytist. Bretar verða áfram í ESB 2 ár í viðbót með 2 ára viðbótarframlengingu eftir það. ESB fær áfram peningargreiðslur eins og Bretar séu áfram aðilar að ESB. 

Í ár verður sýning samhliða Nóbelveizlunni - atkvæðagreiðsla brezka þingsins um "samning aldarinnar." Með áhlaupi í nafni 27 aðildarríkja ESB mun Bretum verða sagt að þeir "fari til helvítis" samþykki þeir ekki samninginn. Að endalokin "verði verri en þeirra sem lentu undir öskunni í Pompei" ef þeir dirfast að segja nej. Með öðrum orðum Icesave-áróður í ómælanlegri stærð.

En 27 eru engir alvöru 27 sbr. Pexit, Swexit, Frexit, Ítexit, Nexit, Grexit, Fixit o.s.frv. Og Bretar eru Bretar með góðan grunn að Brexit. WTO kallast hann. Alþjóðaviðskiptasamningur sem var til löngu áður en Þjóðverjar klæddust dulargerfi bláfánans og trixuðu aðra með sér í pulsuferðalagið með því misheppnaða markmiði: Ein reich, ein volk.....

 

May biður þjóðina um stuðning

Athugasemdir

[Aztec, 25.11.2018 kl. 13:58]

Þetta er mikill ógæfudagur fyrir brezku þjóðina. Að hafa haft landráðakvendi sem forsætisráðherra sl. tvö og hálft ár er í meira lagi sorglegt.

Það rétta hefði verið að gera enga samninga við ESB, en gera fríverzlunarsamninga við öll þau ríki utan ESB sem standa í biðröð eftir því.

En ef þetta verður samþykkt af House of Commons í óþökk allra Breta (bæði Leavers og Remoaners eru henni ævareiðir), þá getur May farið að njóta milljarðanna sem gólfmottunni þeirra hefur líklega verið greitt fyrir svikin.

Með þessum samningi erBretland orðin hjálenda Frakka og Þjóðverja. Sigur Breta og Bandaríkjamanna yfir nazistunum hefur verið fyrir bí.

Hér útskýrir Daniel Hannan hvers vegna þessi ömurlegi samningur er sá versti hugsanlegi hvað varðar milliríkjaviðskipti og hvers vegna samningurinn er í svona miklu uppáhaldi hjá ESB: Bretar tapa öllu.

https://www.facebook.com/newsscape/videos/738545333176699/?t=143

[Aztec, 25.11.2018 kl. 14:00]

Leiðrétting: "...þá getur May farið að njóta milljarðanna sem þessari gólfmottu ESB hefur verið greitt fyrir svikin."

[Gústaf Adolf Skúlason, 25.11.2018 kl. 14:31]

Þakkir fyrir innlitið og upplýsingarnar. Afar gott viðtal við Daniel Hannan. Ráðlegg öllum að hlusta á það en hann dregur upp kosti möguleika fyrir Breta utan ESB. 

[Aztec, 25.11.2018 kl. 17:00]

Hér er enn ein villandi fyrirsögn í mbl:

https://www.mbl.is/frettir/erlent/2018/11/25/esb_samthykkir_brexit/

Það sem ESB hefur samþykkt er einmitt EKKI Brexit.

[Merry, 25.11.2018 kl. 23:45]

Fólk í Bretlandi er að verða brjálaður um þetta svokallaða samning May´s með ESB - sumt fólk hefur sagt að hún er að fremja landráð. Það er engin leið að það verði samþykkt af Alþingi.

[Jón Valur Jensson, 26.11.2018 kl. 08:39]

Í öflugasta lagi ertu hér, Gústaf! 

Og nú er að hlusta á Daniel Hannan!

[Gústaf Adolf Skúlason, 26.11.2018 kl. 08:45]

Þakka vinsamleg orð þín Jón.

Stöndum saman í fullveldismálunum.

[Ragnhildur Kolka, 26.11.2018 kl. 09:37]

Með hinu svokallaða írska -backstop- hefur May jafnframt tryggt að Bretar geti sig hvergi hreyft því þá verða þeir endanlega að þrælum ESB. Svona er að treysta fláráðum.

[Gústaf Adolf Skúlason, 26.11.2018 kl. 10:16]

Sæl Kolka, sammála, May var og er "remainer". Hún hefur unnið vel fyrir ESB og stefnir í að verða atvinnulaus 13. desember n.k.