"Takið út peningana úr öllum vestrænum bönkum strax!"

Rússneska utanríkisráðuneytið hefur sent frá sér "áríðandi skilaboð" til sendiráða Rússlands í heiminum, þar sem Rússum og rússneskum fyrirtækjum er lagt fyrir að taka út peninga sína frá vestrænum bönkum og fjármálafyrirtækjum "strax". Rússnesk yfirvöld óttast að ESB og USA undirbúi stærsta þjófnað nútímans á einkaauði. Frá þessu greinir EU TIMES í gær.

Medvedev forsætisráðherra sagði í gær varðandi eignaupptöku Þríeykisins á sparifé Kýpverja (laus þýðing): "Þau hafa gert öll möguleg mistök, sem hægt er að gera, þau lögðu til eignaupptöku ....Ég get ekki borið það saman við neitt nema ákvarðanir yfirvalda Sovét... þegar þau spáðu ekki mikið í sparnað almennings. En við lifum á 21. öldinni við efnahagslega markaðsskilmála. Allir halda því fram að virða beri einkaeignarréttinn."

Samkvæmt heimildum í Kreml er skyndileg Ísraelsferð Obama Bandaríkjaforseta til Ísrael farin til að vara leiðtoga landsins við, að Bandaríkjastjórn hafi uppi "áætlun" um eignaupptöku á sparifé eigin landsmanna. Í skýrslu Boston Consulting Group "Sameiginlegt tjón: Til baka til Mesópótamíu? Ógn skuldaaðlögunar", sem kom út í september 2011 er varað við, að Bandaríkjastjórn áformi allt að 30% eignaupptöku almennings bæði af sparifé og öðrum eigum. 

Hvatning Nigel Farage í sjónvarpsviðtali til íbúa ESB: "Takið út peningana ykkar á meðan það er hægt."

Nigel Farage formaður brezka Sjálfstæðisflokksins segir, að honum hafi "aldrei komið til hugar, að þeir (leiðtogar ESB/gs) myndu grípa til þess ráðs að stela peningum af sparifé almennings." Viðtalið má sjá hér.

Athugasemdir

[Kristján B Kristinsson (IP-tala skráð) 22.3.2013 kl. 18:05]

Sæll Gústaf Adolf, hvað ætli bankainnistæður Rússa á vesturlöndum séu miklar? eru þær nægjanlega miklar til að valda vandræðum ef þær eru teknar út á nánast einu bretti?

[Kristján B Kristinsson (IP-tala skráð) 22.3.2013 kl. 18:08]

Smá viðbót, þessi hugmynd að setja skatt á úttektir úr bönkum á Kýpur er algjör stríðsyfirlýsing við sparifjáreigendur og hætta að óttinn smitist út til annara  ESB landa sem standa höllum fæti efnahagslega.

[Gústaf Adolf Skúlason, 22.3.2013 kl. 18:19]

Sæll Kristján, já skaðinn á trausti innistæðutryggingakerfis ESB er þegar veruleiki. Enginn getur lengur treyst bönkum evrusvæðisins allra síst í löndum suður Evrópu. Við fáum að sjá á næstu vikum hvort eða í hversu miklum mæli "bank run" verður. Kerfið er brothætt og þegar spilaborgin byrjar að hrynja getur atburðarásin orðið mjög hröð.

Ég hef ekki gögn um innistæður Rússa í bönkum á vesturlöndum í heild en á Kýpur hef ég séð 20 - 30 miljarða evra í eigu Rússa en Kýpurverjar og aðrir með um 70 miljarða evra. Þetta gæti líka verið ráð hjá ráðamönnum í Kreml til að "hræða" útistandandi peninga til baka til Rússlands og styrkja þar með fjárhagslega stöðu Rússa.

[Kolbrún Hilmars, 22.3.2013 kl. 19:02]

Ég giska á að Sviss hafi í nægu að snúast á næstunni.

[Sigurður Haraldsson, 22.3.2013 kl. 21:02]

Góða kvöldið, ég hef verað við öðru bankahruni hér hjá okkur nú í nokkur ár eða nær samfellt frá hruninu 2008, nú er það orðið borðliggjandi að af því verður innann skamms!

[Árni Gunnarsson, 22.3.2013 kl. 22:05]

Og hér á Íslandi er fólk að ryðja framboðslistum á kjósendamarkaðinn og margir bjóða fólki bara að koma með gjafalista eða þiggja gjafabréf í húsnæðiskringluna.

[Gústaf Adolf Skúlason, 22.3.2013 kl. 23:31]

Núverandi ríkisstjórn hefur leikið þjóðina illa með Icesave 1-3 og eftirleik banka og sparisjóða. Seðlabankinn aðstoðar og almenningi blæðir. Fyrstu spor sérstaks eru farin að bera árangur og þá hamast ríkisstjórnin við að afvegaleiða þjóðina með stjórnarskrármálinu. Mörg nýrra flokksbrota eru til komin vegna sundrungarstarfs ríkisstjórnar sem vinnur fyrir skjólstæðinga sem orsökuðu bankahrun og skildu eftir sviðna jörð og skuldafen.

Peningakerfi heimsins er komið á enda, jörðin þótt hnöttótt sé er ekki endalaus. Í núverandi kerfi er einungis hægt að "borga" skuldir með stærri skuldum. Heimspíramídinn molnar sundur og við nálgumst heljarbrún, þar sem fyrri kreppur eru sólskinsdagar. Taka verður völdin af bönkunum að teikna peninga sem skuldir á herðum almennings. Ísland gæti orðið fyrst með betra peningakerfi sem varpaði skæru ljósi yfir heimsbyggðina.

[Sigurður Haraldsson, 22.3.2013 kl. 23:49]

Vonandi Gústaf en ekki með núverandi flokkakerfi því það er byggt upp til að viðhalda arðráninu af þóðinni yfir á fárra hendur!

[Rafn Guðmundsson, 23.3.2013 kl. 00:31]

en Gústaf - ertu viss um að jörðin sé hringlag?

[Rafn Guðmundsson, 23.3.2013 kl. 00:33]

þið Nei sinnar hafið sagt okkur að jörðin sé flöt ....

[Gunnlaugur I., 23.3.2013 kl. 02:50]

Rafn guðmundsson -

Það með að við höfum einhverntímann í djóki reynt að segja ykkur ESB sinnum þær sögur að jörðin væri flöt......og jú það tókst víst, var bara svona til þess að athuga hvort að það gætu ekki einhvrjir aðrir líka sem gætu logið í ykkur svona grundvallar vitleysum og stórkostlegum lygasögum !

[Jón Steinar Ragnarsson, 23.3.2013 kl. 04:57]

Þqð má sjjá af flestum athugasemdum hér að fólk botnar ekkert í hvað er í gangi. Menn hafa nú horfið frá því að ræna innistæðum kýpverja,meingöngu vegna þess að það myndi ekki koma í veg fyrir hrun bankanna. Kýpverjar myndu hreinsa út af Reikningum sínum um leið og þeir opnuðu bankana, svo það þýddi meltdown.

Hvað er þá til ráða til að beila út óábygt bankakerfi? Jú ESB deyr ekki ráðalaust. Þeir ákváðu bara að gera upptæka lífeyrisjóði landsins. Framtíð fólksins. Hvernig lýst mönnum á það fordæmi?

Og enn vill Samfylkingin þarna inn. Enn er barist við að loða í sundur stjórnarskránna með valdi til að greiða götu þess. Enn er ekki buið að aðskilja starfsemi þjónustubanka og fjárfestingarbanka eins og lofað var og hrópað á. Enn birtir vinstri pressan ekki orð um þennan harmleik.

Skilaboðin eru. Þú átt ekki peningana þína. Þú átt ekki lfeyrinn þinn sem þú ert búinn að margborga.

Ef við göngum í ESB, þá takið út peningana ykkar og hættið að greiða í lífeyrissjóði.

Evrópusambandið er buið ar rústa þeim grundvelli sem nútímasamfelag byggir á.

Þetta er sósialismi Banksteranna.

[Gústaf Adolf Skúlason, 23.3.2013 kl. 09:50]

Max Keiser kallar þetta fjármálalegan fasisma. Mér finnst orðið sósíalismi líka vera rétt vegna þess að aðför er gerð að venjulegu fólki, sem ekkert hefur með ákvarðanir bankanna að gera. Við þurfum að taka tilbaka völdin yfir peningakerfinu og breyta því, þannig að það verði bæði sjálfbært og ábyrgt. ESB er á hraðferð í sambandsríkið með Þýzkaland í stafni, sem rakað hefur saman viðskiptum annarra landa yfir á eigin hendi með evrunni. Verið er að undirbúa upptöku vegabréfs "ríkisborgara Evrópu", sameiginlegan tekjuskatt, eigin her og t.o.m. að senda íþróttalið "Evrópuríkisins" á Ólympíuleikana.

[Jón Steinar Ragnarsson, 23.3.2013 kl. 10:14]

Þeir hafa í tvígang sótt um status þjóðar hjá SÞ og fengið synjun. Ætti það ekki að taka af öll tvímæli um fyrirætlanir þeirra.

Ég held að fólk átti sig ekki á alvarleika þessara aðgerða. Sparifé og lífeyri má taka af fólki með lagasetningu!

All bets are off, segi ég. Þetta fordæmi snertir ekki bara Kýpverja heldur alla borgara þessa heims. Ef einhverntíman var tilefní til að safnast á torg með heykvíslar og kyndla, þá er það nú. Glæpagengi er búíð að taka yfir ríkistjórnir landa og eignarétturinn er þeirra einhliða. It's the end of the world as we know it, eins og segir í dægurlaginu.

[Theódór Norðkvist, 24.3.2013 kl. 04:52]

Halló, þið hérna. Hvernig væri að kveikja á heilabúunum? Haldið þið að rússneska ríkið gefi út þessa yfirlýsingu af umhyggju fyrir sparifjáreigendum? Stjórnvöld sem éta mannréttindi í morgunmat og senda tvítugar stelpur í fangabúðir fyrir fíflalæti í kirkjum?

Dettur ykkur ekki til hugar að Pútin og félagar líti á þetta sem gott tækifæri til að skipuleggja "bank run" á Vesturlönd og stúta efnahag þeirra?