Xi Jinping með áætlun um að taka stjórnina á öllu interneti í heiminum

Samkvæmt gögnum sem hafa lekið og eru í höndum The Epoch Times, þá fyrirskipaði Xi Jinping kommúnistastjórn Kína að einbeita sér að því verkefni að ná stjórn á internetinu á heimsvísu og losa netið við áhrif Bandaríkjanna. Í ræðu í janúar 2017 sagði Xi að „valdið til að stjórna internetinu væri nýi brennidepillinn og keppikefli kínversku þjóðarinnar” og benti á Bandaríkin sem „keppinaut sem hindraði markmið stjórnarinnar.“

Lokatakmarkið er, að kínverski kommúnistaflokkurinn stjórni öllu efni á alheimsnetinu, svo valdið yfir samskiptum og umræðum á alþjóðavettvangi verði í höndum stjórnvalda í Kína. Þetta kallar Xi Jinping „að hafa valdið á orðræðunni“ . Xi Jinping lýsti framtíðarsýn, þar sem „tæknin er notuð til að stjórna internetinu“ til að ná algjörri stjórn á öllum hlutum vistkerfis netsins — forritum, innihaldi, gæðum, fjármagni og mannafla.

Markmið kommúnista að ná stjórn yfir netinu í öllum heiminum

Ummæli hans komu á fjórða leiðtogafundi æðstu neteftirlitsstjórnar ríkisins, Central Cyberspace Affairs Commission, í Peking 4. janúar 2017 og er nánara lýst í innri skjölum sem héraðsstjórn Liaoning gaf út í suðaustur Kína. Yfirlýsingarnar staðfesta tilraunir Peking undanfarin ár að setja internet undir eigin forræðishyggju og kynna sem fyrirmynd fyrir allan heiminn.

Í annarri ræðu sem Xi Jinping hélt í apríl 2016 og lýst er í skjali frá borgarstjórn Anshan í Liaoning héraði, tilkynnti Xi Jinping að kommúnistaflokkurinn hefði breytt „baráttunni til að ná stjórn á internetinu frá óbeinum vörnum í bæði sókn og vörn samtímis.” Eftir að hafa byggt upp víðtækasta og fullkomnasta ritskoðunar- og eftirlitsbúnað í heimi „Stóra eldvegginn” beinir kommúnistaflokkurinn undir stjórn Xi Jinping sér nú út á við og berst fyrir kínversku interneti þvert á opna fyrirmynd Vesturlanda. Í stað þess að vera opið fyrir frjálsu upplýsingaflæði veitir kerfi kommúnistaflokksins ríkinu möguleika til að ritskoða málefni, njósna um fólk og stjórna netgögnum.

Stríð gegn Bandaríkjunum um yfirráðin á netinu

Kínverski leiðtoginn viðurkenndi að Kína væri eftirbátur Bandaríkjanna, sem er ráðandi aðili á þessu sviði og lykilsviðum eins og tækni, fjárfestingum og hæfileikum. Til að koma markmiðum kommúnista í framkvæmd, lagði Xi áherslu á nauðsyn þess að „stjórna netsambandi við Bandaríkin á meðan undirbúningur fer fram til að fara í hart stríð við Bandaríkin um yfirráðin á netinu.“ Kína mun nota bandarísk fyrirtæki til að ná þessu markmiði sínu.

Xi Jinping lýsti einnig auknu samstarfi innan Evrópulanda og þróunarlanda, þeirra sem aðild eiga að „Belti- og Braut“ verkefninu til að skapa „stefnumótandi mótvægi“ gegn Bandaríkjunum. Belti og Braut verkefnið er gríðarleg fjárfesting í uppbyggingu innviða sem Peking hóf til að tengja Evrópu, Asíu, Afríku og Miðausturlönd með tengingu járnbrautar, vega og sjávarleiða. Bandaríkin og mörg vestræn ríki gagnrýna áætlunina sem leið fyrir Kína til að auka pólitíska og viðskiptalega hagsmuni sína í þessum löndum samtímis sem þeir knésetja skuldug þróunarlönd.

Belti og Braut hefur einnig ýtt löndum til að skuldbinda sig „stafrænum silkiveg“ en það er verkefni sem varðar innviði upplýsinga- og samskiptatækni. Að minnsta kosti 16 lönd hafa undirritað viljayfirlýsingar við stjórnina í Peking um starfa saman í „stafræna silkiveginum.”

Þríþætt stefna

Xi skipaði stjórninni að einbeita sér að þremur mikilvægum þáttum til að taka yfir stjórninni á Internet.

Í fyrsta lagi þarf Peking að geta „sett reglur“ sem stjórna alþjóðakerfinu. Í öðru lagi ætti það að setja staðgöngumenn kommúnistaflokksins í mikilvægar stöður í alþjóðlegum internetstofnunum. Í þriðja lagi ætti stjórnin að ná yfirráðum yfir innviðum sem liggja til grundvallar internetinu, svo sem rótarþjónum, sagði Xi.

Rótarnetþjónar Domain Name System (DNS) eru lykillinn að netsamskiptum um allan heim. Það beinir notendum að vefsíðum sem þeir ætla að skoða. Það eru meira en 1.300 rótarnetþjónar í heiminum, þar af eru um 20 í Kína en Bandaríkin hafa um það bil 10 sinnum það, samkvæmt vefsíðunni root-servers.org. Ef kínverska stjórnin myndi ná yfirráðum yfir fleiri rótarnetþjónum gætu þeir síðan beint umferð þangað sem þeir vildu, sagði Gary Miliefsky, sérfræðingur í netöryggismálum og útgefandi tímaritsins Cyber ​​Defense, í viðtali við The Epoch Times. Til dæmis, ef notandi vildi sækja frétt sem Peking telur vera viðkvæma, þá gæti DNS-miðlari stjórnarinnar vísað notandanum á falsaða síðu og sagt að greinin sé ekki lengur á netinu.

Um leið og þú ræður yfir rótinni geturðu skopstælt eða falsað hvað sem er. Þú getur stjórnað því sem fólk sér og hvað fólk sér ekki.

Nýtt IP-kerfi kommúnismans á að kollvarpa gamla frjálsa kerfinu

Árið 2019 lagði kínverski fjarskiptarisinn Huawei fyrst fram hugmynd að algjörlega nýju interneti, sem kallast New IP (internet protocol), til að leysa af hólmi hálfrar aldar gamla innviði sem liggja til grundvallar veraldarvefnum. Ný IP er sögð vera hraðvirkari, skilvirkari, sveigjanlegri og öruggari en núverandi internet og verður byggð af Kínverjum.

Þó að nýtt IP hafi örugglega í för með sér endurbætt alþjóðanet, þá kostar það frelsið. Það verður ekkert málfrelsi. Og það verður hlustað á alla, allan tímann, í rauntíma. Allir sem eru með á netinu verða hleraðir af einni ríkisstjórn.

Tillagan var sett fram á fundi í september 2019 sem haldinn var í Alþjóðafjarskiptasambandinu (ITU), stofnun Sameinuðu þjóðanna sem sér um að setja staðla fyrir tölvu- og fjarskiptamál og er nú stýrt af Kínverjanum Zhao Houlin. Til stendur að ræða nýja IP formlega á Alþjóðaviðskiptastofnun ITU sem haldin verður í mars 2022.

Miliefsky segir ólíklegt að áætlunin njóti víðtæks stuðnings meðal ríkja heims, en hún gæti verið samþykkt af ríkjum með svipað hugarfar eins og Norður-Kóreu og síðar af löndum sem skrifuðu undir Belti- og Braut samninga og eru í erfiðleikum með að greiða lán sín til Kína. Þetta myndi flýta fyrir tvískiptingu internetsins, það sem sérfræðingar eins og fyrrverandi forstjóri Google, Eric Schmidt, hafa kallað „splinternet“ sagði Miliefsky. „Kommúnistanetið og restin af heiminum.“

Internet á að verða að einu „rauðu svæði”

Samkvæmt skjölunum skipaði Xi Jinping stjórn kommúnistaflokksins að setja upp „þrjú vistkerfi“ – tækni, iðnað og stefnu – til að þróa altæka internettækni.

Lykillinn til að hrinda áætluninni í framkvæmd er að hafa faglærða og Xi Jinping fyrirkipaði að ráða ætti hæfileikafólk hvaðanæva úr heiminum gegnum kínversk fyrirtæki. Var kínverskum fyrirtækjum skipað að setja upp rannsóknarmiðstöðvar erlendis og bjóða erlendum sérfræðingum í samstarf með kínverskum sérfræðingum.

Einnig var embættismönnum ríkisins gert að leiðbeina kínverskum fyrirtækjum við að þróa viðskiptaáætlanir sínar til samræmis við stefnu yfirvalda og hvetja dugmikil fyrirtæki að leiða tækniþróunina.

Fyrirtæki eiga að mennta sig í „þjóðernisvitund og að standa vörð um þjóðarhagsmuni“ sagði Xi Jinping. Þá mun stjórnin styðja og hvetja til stækkunar þeirra. Einnig skipaði leiðtogi kommúnistaflokksins yfirvöldum að styðja við þróun hóps alþjóðlegra internetfyrirtækja með alþjóðleg áhrif.

Xi Jinping lýsti öllu efni á netinu í ræðu sinni 2016 sem „rauðu svæði, svörtu svæði og gráu svæði.“ Á „rauða svæðinu“ eru kommúnistar og bandamenn þeirra en á „svarta svæðinu“ eru þeir sem eru andvígir reglum kommúnismans. „Gráa svæðið“ liggur í miðjunni.

„Við verðum að þétta og stækka rauða svæðið og auka áhrif þess í samfélaginu“ sagði Xi í lekinni ræðu þegar í ágúst 2013. „Við verðum fara fílelfldir inn á svarta svæðið og berjast til að það breyti smám saman um lit. Við verðum að ráðast í umfangsmiklar aðgerðir sem beinast að gráa svæðinu til að flýta fyrir breytingu þess í rauða svæðið og koma í veg fyrir að það breytist í svarta svæðið.“

2 milljónir launaðra álitsgjafa og 20 milljónir sjálfboðaliðar í hlutastörfum til að gera netið rautt

Innanlands í Kína hefur kommúnistaflokkurinn allt efni og umræður á netinu í helgreipum sínum með Stóra eldveggnum, sem er altækt ritskoðunartæki á internetinu til að hindra erlendar vefsíður og ritskoða allt efni sem talið er óviðunandi fyrir flokkinn. Flokkurinn hefur einnig stórfelldan tröllaher á netinu sem kallaður er „50 senta herinn“, til að brengla umræður á netinu. Nýleg skýrsla sýnir, að kommúnistaflokkurinn hefur 2 milljónir launaðra álitsgjafa á internetinu og 20 milljóna sjálfboðaliða í hlutastarfi við netárásir.

Freedom House segir í árlegri frelsisskýrslu sinni ár 2020, að Kína sé verst í heiminum með að misnota frelsi á netinu sjötta árið í röð. Kínverskir ríkisborgarar hafa verið handteknir fyrir að nota hugbúnað til að sniðganga Stóra eldvegginn og þeim refsað fyrir að setja athugasemdir á netið sem eru stjórnvöldum óhagstæðar. Í atburði sem nú er alræmdur á fyrstu stigum heimsfaraldursins var uppljóstrarinn og læknirinn Li Wenliang áminntur af lögreglu fyrir „hafa dreift orðrómi“ eftir að hafa varað starfsbræður í spjallhópi samfélagsmiðla við veiru sem líktist SARS í Wuhanborg.

Ár 2017 skipaði Xi Jinping stjórninni að stækka hópa „rauðra“ áhrifavalda á netinu til að móta hug notenda til kommúnistaflokksins. Hann kallar einnig eftir stækkun 50 senta hersins til að starfa á netinu bæði innan og utan Kína. Eftir heimsfaraldurinn hefur kommúnistaflokkurinn aukið verulega viðleitni sína að hafa áhrif á skoðanir á netinu erlendis. Með því að nota stórt tröllanet á Twitter og Facebook hefur stjórninni tekist að breiða út og magna áróður og falsupplýsingar um efni heimsfaraldursins, kynþáttaóeirðir í Bandaríkjunum og kúgun stjórnarinnar á Úígúrum í Xinjiang.

Guðlaugur brúar vaxandi gjá Kína og Bandaríkjanna með borgarlínu Dags og Katrín keyrir strætó

Þeir sem heyrðu viðtal Arnþrúðar Karlsdóttur á Útvarpi Sögu við Guðlaug Þór Þórðarson utanríkisráðherra heyrðu mörg orð af vörum ráðherrans. Ef það að vera stjórmnmálamaður reiknast í magni orða og tónfalli kemst utanríkisráðherrann eflaust að sem nemandi í leiklistarskóla Borgarleikhússins í næstu inntöku.

Að svara einföldum spurningum á einfaldan hátt gat hann ekki.

Til dæmis: Vinnur Ísland að verkefni Kína Belti og Braut? Já og nei eru of flókin svör fyrir ráðherrann en svarið vaðall um viðskiptahagsmuni við Kína samfara yfirlýsingu um að fylgja nágrannalöndunum varðandi fjarskiptamál kínverska risans Huawei.

Belti og Braut ganga engan veginn upp við stefnu Bandaríkjanna sbr. yfirlýsingu varaforseta Bandaríkjanna sem fagnaði því, að Íslendingar ætluðu ekki að vera með í Belti og Braut.

Guðlaugur var svo vinsamlegur að "leiðrétta" Pence eftir að Pence fór frá Íslandi þannig að túlka má þá afstöðu sem að Pence sé maður ósanninda um fundinn í Höfða. Varla telst það haldbær utanríkisstefna gagnvart besta vini þjóðarinnar frá lýðveldisstofnun. Kínverski kommúnistaflokkurinn hjó svo á vandræðahnút utanríkisráðherrans með yfirlýsingu sendiherra Kína um að utanríkisstefna kommúnistaflokksins, Belti og Braut, gildir á Íslandi. Guðlaugur mótmælir ekki.

Sama gildir um afstöðuna til kínverska tæknirisans Huawei. Bann eða ekki. Utanríkisráðherrann átti engin svör. Ræddi í staðinn um mikilvægi norræna samstarfsins. Verður það aðeins túlkað á þann hátt að Ísland muni leyfa kínversk njósnatækni í 5-G fjarskiptanetinu á Íslandi. Því þótt Noregur, Svíþjóð og Danmörk hafa öll hafnað Huawei og Finnar að ræða málið, þá þegir utanríkisráðherrann um bann við kínverskum njósnaútbúnaði á Íslandi.

Utanríkisstefna Sjálfstæðisflokksins var skýr þegar Ísland gerðist eitt af stofnríkjum Nato. Í dag eltir stefnulaus ríkisstjórnin kínverska kommúnistaflokkinn og veifar mynd af ímynduðum gróða í Kína.

Á meðan heimurinn er að vakna eftir rothogg kínversku veirunnar, fela Sjálfstæðismenn sig á bak við pilsfald Katrínar sem felur sig í buxnaskálm Xi Jinping. Stefnuleysi Íslands í utanríkismálum á heima í fáránleikanum þar sem utanríkisráðherrann brúar gjá milli Kína og Bandaríkjanna með borgarlínu Dags og Katrín keyrir Yutong strætó með 5G tækni frá Huawei.

Nú á að opna beint flug frá Kína til Íslands og líklega verða tóm hús flóttaverslunar við Laugarveg breytt í China Town. Það verður himnaríki íslenskra kommúnista og Sjálfstæðisvingla í slagtogi með lattelepjandi akademíu Yutong og kínverska verður staðbundið tungumál. Munu Íslendingar fá þar bæði óperu kínverskrar stéttabaráttu og aðrar banvænar veirur beint í æð.

Þjóðin þarfa að hafna kjúklingastjórnmálunum: þar sem hátt er gaggað,  glærusýningar tíðar en engar lappir til að standa á.

 

Samstarf og aðlögun að Kommúnistaflokki Kína og kúgandi dagsskipan er ekki lengur valkostur. Hvað gerir ríkisstjórn Íslands?

Í vikunni birti rannsóknarnefnd Bandaríkjaþings skýrslu um Kína, þar sem rekin voru 40 ára samskipti Bandaríkjanna og Kína fram til dagsins í dag. Michael T. McCaul fv. formaður Öryggismálanefndar og núverandi meðlimur í utanríkisnefnd Bandaríkjaþings leiddi rannsóknarnefnd 15 þingmanna úr 11 nefndum þingsins, sem stóðu að skýrslunni. Rannsökuð voru sex svið: Hugmyndafræðileg samkeppni, keðjur birgja, þjóðaröryggi, tæknimál, fjármál og orkumál og samkeppni. Niðurstaðan var svo birt í 141 bls. skýrslu með 82 lykilupp-götvunum og yfir 400 tillögum/ráðleggingum.

Demókratar leiðitamir Kommúnistaflokki Kína

Athygli vakti að Demókratar neituðu að starfa með rannsóknarnefndinni og sögðu skýrsluna „ætlað að slá ryki í augu fólks.” Mættu þeir ekki á fundi sem þeim var boðið á. Segir Michael T. McCaul formaður nefndarinnar það hafa verið óheppilegt og telur að „skýrslan hefði orðið innihaldsríkari með þáttöku Demókrata. Rannsóknarnefndin tekur ekki tillit til mismunandi stjórnmálaskoðana og við erum alltaf sterkari sem sameinuð þjóð.” Segir McCaul skýrsluna skýra „mikilvægustu áskoranir í þjóðaröryggismálum og efnahagsmálum núverandi kynslóðar.” 

Þrátt fyrir mörg og endurtekin boð í marga mánuði, þá neituðu Demókratar deildarinnar að taka þátt í starfinu eða leggja sitt af mörkum til þessa mikilvæga starfs. Repúblíkanski flokkurinn átti enga aðra kosti en að halda sjálfstætt áfram út af neyðarástandinu vegna hættunnar.

Ummæli ráðamanna

Áhrif skýrslunnar munu koma fram í nánustu framtíð hvað varðar sambúð stórveldanna. Hér verður sagt frá úrdrætti á samantekt skýrslunnar í inngangi hennar sem kynnir á einfaldan hátt um hvað skýrslan fjallar. Skýrslan er full tilvitnana í menn og atburði, hér eru þrjár tilvitnanir:

„Bandaríkin vilja opin og jákvæð samskipti við Kína og til þess að uppná slíku sambandi verðum við að verja þjóðarhagsmuni okkar á öflugan hátt. Kínverska ríkisstjórnin hefur stöðugt svikið loforð sín til okkar og einnig til margra annarra þjóða.” Donald Trump Bandaríkjaforseti 29. maí 2020.

„Bandaríkin væntu þess að efnahagslegt frelsi færði Kína í meiri samvinnu við okkur og heiminn. Í staðinn valdi Kína efnahagslegar árásir…” Mike Pence, varaforseti Bandaríkjanna, 4. okt. 2019.

„Við verðum að viðurkenna harðan sannleikann. Við verðum að viðurkenna þann harða sannleika sem mun leiða okkur á næstu árum og áratugum, að ef við viljum eiga frjálsa 21. öld og ekki þá kínversku öld sem Xi Jinping dreymir um, þá mun hin gamla heimssýn með blindri hlýðni við Kína augljóslega ekki ná því markmiði. Við þurfum ekki að halda áfram á þeirri braut og við þurfum ekki að hverfa aftur til hennar.” Micheal R. Pompeo utanríkisráðherra Bandaríkjanna 23. júlí 2020.

Mistök Bandaríkjanna

Bandaríkin hafa á þeim rúmum 40 árum síðan diplómatískum tengslum var komið á, reynt að að fá Kína með í alþjóðlegt samstarf sem ábyrgan hagsmunaaðila. Leiðtogar Bandaríkjanna byggðu afstöðu sína á virku samstarfi á þeirri skoðun að þróun efnahagslegs samstarfs við Kína þjónaði hagsmunum Bandaríkjanna og myndi móta breytta starfshætti Kommúnistaflokks Kína. Þessi afstaða lokaði oft augunum fyrir brotum Kína á mannréttindum, efnahagslegri vanrækslu, árásargjarnri útþenslustefnu og innantómum loforðum, einnig djúprótaðri fjandsamlegri kommúnískri hugmyndafræði sem er grundvöllur þessarar illkynjuðu hegðunar. Þessi stefna hefur – svo það sé sagt á einföldu máli – mistekist.

Almenn ógn Kommúnistaflokks Kína

Bara í ár hefur Kommúnistaflokkur Kína brotið gegn alþjóðlegum samningi og afnumið borgaralegt frelsi íbúanna í Hong Kong; haldið áfram kúgun þjóðlegra minnihlutahópa þar með talið Úígúra og Tíbeta, aukið hernaðaruppbyggingu, færst í aukana með árasásargjarnari hernaðarlist og brotið landhelgi annarra þjóða; tekið þátt í dauðlegum bardaga til að ná landi við landamæri Indlands ásamt nýjum landakröfum á Bhutan. Að auki, með því að þagga niður í læknum og halda læknisfræðilegum upplýsingum leyndum fyrir umheiminum, leyfði Kommúnistaflokkur Kína staðbundnu útbroti veiru að þróast upp í heimsfaraldur, sem hefur valdið dauða næstum milljón manns fram að þessu og eyðilagt alþjóðlegan efnahag. Faraldurinn afhjúpaði mismunandi veikleika í fæðingarkeðjunni, hættuna með allt of miklu ósjálfstæði Bandaríkjanna sem voru háð Kína og þörfina á öruggari lyfja- og tæknilegri framleiðslugetu innanlands.

Þessi röð viðvarana hafa afhjúpað á hvern hátt hugmyndafræði Kommúnistaflokks Kína grefur undan kjarnagildum alþjóða kerfisins og setur öryggi og velferð Bandaríkjamanna í hættu. Samstarf og aðlögun að Kommúnistaflokki Kína og kúgandi dagsskipan er ekki lengur valkostur. Til þess að vernda lýðræði og frelsi í heiminum verða Bandaríkin að vinna á ákveðinn hátt með bandamönnum okkar og taka aftur frumkvæðið. Að fást við slíka illkynjaða hegðun getur ekki lengur verið eitt af mörgum málum fyrir ríkisstjórnir viðkomandi ríkja heldur frekar samræmd grundvallarstefna hins frjálsa heims.

Mikilvægar tillögur rannsóknarnefndarinnar á sex sviðum

– Hugmyndafræðileg samkeppni

• Meta hvort glæpir Kommúnistaflokks Kína (KFK) gegn Úrígúrum mótsvari þjóðarmorði, innleiða að fullu þvingandi löggjöf vegna kúgun KFK í Hong Kong ásamt frekari sérstökum aðgerðum til að mæta mannréttindabrotum KFK í heild, frá skerðingu trúarfrelsis til þvingandi líffæratöku. 
• Samræma víðtæka upplýsingaherferð alls stjórnkerfisins til mótvægis við áróðursvél KFK með því að segja sannleikann og gildismat okkar til að grafa undan lygum og illkynjaðri hugmyndafræði KFK.
• Tryggja að meðborgarnir verði meðvitaðir um hvenær þeir eru að horfa eða hlusta á ritskoðað fjölmiðlaefni og skemmtiefni sem KFK hefur greitt fyrir.
• Vinna gegn illum heimsáhrifum KFK með því að krefjast gegnsæi og ábyrgðarskyldu í kerfi Sameinuðu þjóðanna að meðtaldri Heilbrigðisstofnun SÞ, WHO. 
• Fjármagna tækni og dreifingu tækja sem aðstoða baráttufólk lýðræðisins að viðhalda stafrænu öryggi, tryggja aðgengi að bílasímaneti og endurreisa vefsíður eftir tölvuárásir.
• Vekja athygli á stækkandi umhverfiseyðileggingu KFK, meðtalið stöðu sem stærsti kolefnissporavaldur í heiminum. 

Öryggi lyfja- og aðfangakeðjunnar

Tryggja á betri hátt þjóðlegt öryggi í keðju lyfjaframleiðslu og keðju aðfanga til þjóðarinnar

• Beita framsýnum, hagkvæmum og miðuðum skattaaðgerðum til að hraða rannsókn, þróun og framleiðslu mikilvægra lyfja, læknisfræðilegra nauðsynja, birgða, prófana og bóluefna
• Skapa stuðningskerfi sem er nauðsynlegt til að hvetja framleiðslu mikilvægrar innlendrar framleiðslu og forma skattaaðgerðir sem tryggja bandaríska framleiðslu á hálfleiðurum.
• Yfirsýn leyfisveitinga ríkisins til námugrefturs og forgangsröðun þróunar málmiðnaðarins svo hvorki grundvöllur iðnaðar né varnarmálaiðnaðar sé háður KFK. 

Þjóðaröryggi

• Vinna með Varnarmálaráðuneytinu til að nútímavæða skipulag hersins, staðfestu, stjórnunartækni og aðföng til að draga úr árásargirni KFK í Indo – Kyrrhafssvæðinu og annars staðar í heiminum. 
• Tryggja nútímavæðingu allra þriggja hluta kjarnorkunnar sem og þróun hefðbundins herafla sem nauðsynlegt er að hafa til að hafa í tré við Frelsisher Alþýðunnar í Indo-Kyrrahafssvæðinu, innifalið markbundin skeyti og langdrægar eldflaugar. 
• Undirstrikum þörfina á a.m.k. 3-5% árlegri aukningu varnarmálafjárlaga til að hræða og sigra Frelsisher Alþýðunnar og aðra mikilvæga andstæðinga.
• Meiri fókus á hvernig Bandaríkjaher verndar tæki í geimnum og nær markmiðum geimrannsókna með því að nýta fjárfestingar einkageirans.
• Hætta að nota efni frá herfyrirtækjum KFK samt segja upp fyrirtækjum með tengsl við her KFK. 
• Vernda kosningaferlið í Bandaríkjunum og persónuleynd í kosningum okkar með ólíkum aðgerðum, innifalið að finna erlenda andstæða erindreka og sjá til þess að einstaklingum sem taka þátt í truflunum verði bannað að koma inn í Bandaríkin eða verði vísað úr landi ef þeir eru þegar í Bandaríkjunum. 
• Setja meiri styrk í málarannsóknir, afbrotaákærur og aðgerðir gegn tölvunúmeraþjófnaði studdum af KFK og að auki loka fyrir öryggisgöt í vegabréfakerfi okkar sem KFK hefur notfært sér. 
• Bæta gagnnjósastörf ríkisins og auka notkun í Mandarínmálinu. 

Tækni

• Skapa heildarsýn til að meta þær öryggishættur sem stafa af Kína í 5G-netum og auka samvinnu milli Bandaríkjanna og bandamanna þeirra og samstarfsaðila til finnar slíkar hættur og vinna saman gegn þeim.
• Styðja myndun nýs D-10 hóps leiðandi lýðræðisríkja til að þróa og dreifa 5G og þess kerfis sem kemur í kjölfarið og koma á fót endurgreiðslukerfi fyrir fyrirtæki til að fjarlægja tækni hættulega öryggi úr netum sínum. 
• Tryggja alþjóðlega forystu í tækni morgundagsins, að meðtalinni gervigreind, quantum, 5G og sjálfstýrðum bifreiðum. 
• Refsa kínverskum samskiptafyrirtækjum sem stunda efnahagslegar eða iðnaðarlegar njósnir og alla kínverska aðila sem gera tölvuárásir á rannsóknaraðila sem vinna að bóluefni gegn COVID-19.

Efnahags- og orkumál 

• Tryggja að engir bandarískir skattapeningar styðji við fyrirtæki í ríkiseign Kína
• Samræming í eftirliti og útflutningsstefnu með samstarfsaðilum og bandamönnum til að halda viðkvæmri tækni, innifalið framleiðslu hálfleiðara og rannsóknum og þróun tækni frá andstæðingum okkar.
•  Beita auknu efitrliti við fjárfestingum í bandarískum fyrirtækjum eða aðgerðum frá Kína.
• Styrkja viðskiptasambönd við bandamenn okkar og til að staðfesta bandarískar reglur og standa gegn áhrifum Kína. 
• Reka viðskiptastefnu sem hræðir og verndar gegn tölvunúmeraþjófnaði Kína. 
• Þvinga lagalega meðferð fjárfestinga Kína í Bandaríkjunum til að endurskapa samræmi í fjárfestingarreglum. 
• Tryggja að kínversk fyrirtæki fylgi sömu fjármálareglum eins og bandarísk fyrirtæki þegar þau komast inn á verðbréfamarkaði í Bandaríkjunum. 
• Vinna að frekari viðskiptasamböndum við Taiwan og leysa sérsakar útistandandi viðskiptaspurningar þannig að ríkisstjórnin geti tekið þau skref að koma á viðræðum um viðskiptasamning þegar þær spurningarnar vakna. 
• Styrkja og þróa fjármálasamstarf, útflutnings og innflutnings banka og önnur störf ríkisstjórnarinnar til þess að standa betur gegn Belti og Braut verkefni Kína og skuldagildru aðferðum þeirra. 
• Halda áfram að þróa orkuöryggismál Bandaríkjanna til að geta orðið þáttakandi á heimsvísu gegn Kína sérstaklega á sviði kjarnorku. 

Samkeppni

• Tvöfalda fjárlög grundvallarrannsókna í vísindum og tækni á næstu 10 árum.
• Auka samræmingu og fjárlög á menntun í tæknivísindum til að skapa betra og hæfileikameira vinnuafl.
• Auka öryggi viðkvæmra rannsókna við menntaskóla og háskóla Bandaríkjanna og leiðandi rannsóknarstofnanir, sem innifelur takmörkun á þáttöku allra ríkisstarfsmanna og verktaka í erlendum hæfnisverkefnum. 
• Krafa um að menntaskólar og háskólar sendi skýrslur um allar peningagjafir frá Kína. 

George Soros leggur milljarð dollara í heilaþvott gegn sjálfstæðum þjóðum

Fjármálajöfurinn George Soros lýsti „mikilvægasta verkefni lífs míns“ á fundi fjármálafursta í Davos nýlega. Sagðist hann legga einn milljarð dollara í baráttu gegn þjóðhyggju í heiminum að sögn Forbes. Fyrir mótsvarandi 125 milljarða íslenskra króna á nýtt samstarf háskóla að stöðva útbreiðslu sjálfstæðra ríkja undir nafninu „Háskólanet Opins Samfélags.“

„Það er langt í frá að búið sé að stöðva þjóðhyggjuna“ sagði Soros og ásakaði m.a. þjóðstjórn Indlands fyrir að ógna lífi milljóna múslíma. Leiðtogar Bandaríkjanna og Kína fengu einnig slettur úr sleif Soros:

„Þegar draumur hans (Donald Trumps) um að verða forseti varð að raunveruleika, fékk sjálfselska hans sjúklegar víddir. Hann hefur farið yfir lagaleg mörk forsetaembættisins og hefur þess vegna verið dreginn fyrir ríksrétt.“

Soros lýsti forseta Kína Xi Jinping sem „hættulegasta óvini heimsins“:

„Þar sem Xi er hættulegasti óvinur opins samfélags, þá verðum við að binda vonir okkar við kínverska fólkið og þá sérstaklega þá viðskiptaaðila og stjórnmálaelítu sem vilja viðhalda hefðum Confucius. Það þýðir ekki að við sem trúum á opið samfélag eigum að halda höndum að okkur. Raunveruleikinn er sá, að við eigum í köldu stríð sem hætta er á að verði heitt.“

Síðan sagði Soros: „Ef Xi og Trump væru ekki við völd væri möguleiki til að þróa dýpra samstarf á milli risaþjóðanna beggja.“

Graham Dockery blaðamaður hjá RT skrifar, að Soros sem er 89 ára gamall, geri hinstu tilraun til að útrýma þjóðhyggju og innleiða glóbalismann í heiminum áður en hann deyr en síðan muni stríð hans halda áfram „handan grafarinnar“:

„Sjálfsagt verða andstæðingar hans vonsviknir sem vonast til að hjartans mál hans fari með honum í gröfina. En burtséð frá þeirri læknismeðhöndlun sem George Soros fær og við hin dauðlegu getum bara ímyndað okkur, þá mun hann sennilega ná að deyja áður en þjóðríkið leysist upp í landamæralausri blöndu hans.“

Sjá nánar hér og hér

 

Konungsfjölskylda Svíþjóðar slegin óhug vegna glæpafaraldursins í Svíþjóð

Í árlegri jólaræðu sinni á jóladag tók Carl XVI Gustaf Svíakonungur upp ofbeldisöldu glæpagengja í Svíþjóð: „Við sjáum hvernig glæpir af ýmsu tagi skapa öryggisleysi í samfélagi voru. Sprengjur og skotárásir vekja óhug meðal almennings - óhug einnig hjá mér og fjölskyldu minni.”

Síðar í ræðunni sagði konungur: „Ég vil einnig tala um börn og unglinga Svíþjóðar og alla þá sem starfa með þeim. Ég er fullviss um að sérhver manneskja þarf að sjást. Verður ekki af því, þá bregst viðkomandi ef til vill við því með því að gera allt sem hægt er til að sjást í staðinn. Það er eins og Hjalmar Söderberg kemst að orði í Doktor Glas: ´Maðurinn vill vera elskaður, í skorti á ást fá aðdáun, í skorti á aðdáun geta vakið hræðslu, í skorti á hræðslu geta vera hataður og fyrirlitinn. Maðurinn vill gefa manneskunni einhvers konar tilfinningar. Sálinni hryllir við tómarúminu.´

Einmitt þess vegna er það svo þýðingarmikið að þeir séu til sem vinna að því að byggja yfir ´tómarúmið´. Ég hugsa til allra ykkar kennara og æskulýðsleiðtoga sem hjálpið börnum og unglingum að finna sér stað í tilverunni - að trúa á sjálfan sig og hæfileika sína. Störf ykkar eru afgerandi fyrir framtíð Svíþjóðar.”

Konungur þakkaði lögreglunni, tollinum, embættismönnum réttarfarskerfisins og hermönnum fyrir störf þeirra ásamt öllum þeim sem vinna yfir jólin: „Þetta fólk vinnur hart til að tryggja líf og öryggi annarra. Skyldurækni þeirra er ómetanlegur sjóður fyrir vort land.”

Bretar sýna veg lýðræðisins nú sem fyrr

Ég óska Bretum innilega til hamingju með stórsigur Íhaldsflokksins sem fær góðan meirihluta í þingkosningunum. Bretar staðfestu eina ferðina enn að þeir meina alvöru með ákvörðun sinni að yfirgefa Evrópusambandið sem reynt hefur allt til að halda þeim föstum í viðjum sínum. 

Fyrir Íslendinga og aðrar lýðræðiselskandi þjóðir eru úrslitin fagnaðarefni. Eina ferðina enn vísa Bretar veg lýðræðisins, þegar syrtir í álinn í Evrópu. Hið andlýðræðislega Evrópusamband og hugmynd þess um eitt stórveldi í Evrópu undir hatti Germaníu og Frakklands hefur beðið skipbrot. Búast má við að nú hrikti í stoðum sambandsins enda eru fréttir eins og t.d. um komandi refsilöggjöf gagnvart gagnrýnendum haldlausrar innflytjendastefnu ESB merki um þéttsetningu og skipulag ríkis sem mætti kalla það fjórða.

Enginn veit enn sem komið er þótt Bretar séu staðráðnir að verja og hefja sjálfsákvörðunarrétt sinn til vegs á nýjan leik, hvernig úrsögninni muni reyna af en t.d. Macrón Frakklandsforseti hefur hótað að senda frönsk herskip á fiskimið Bretlands til aðstoðar ránfiski franskra togara. ESB hefur ár til að ganga frá lausum endum við Breta og verður afar fróðlegt að fylgjast með þeim samningum. Ef fyrri taktar sögunnar koma fram á ný munu Bretar verða kallaðir öllum illum nöfnum og hundeltir fyrir að vilja ekki knékrjúpa fyrir hinu nýja herraveldi meginlandsins.

Corbyn ekki sætt ef útgönguspár rætast

Vegna fjármálakreppu evrusvæðisins....

Utanríkisstefna í öfuga átt

Það er til marks um seinheppna utanríkisstefnu, að Ísland skuli mála hosur sínar grænar fyrir valdhöfum stórríkis meginlandsins og hlaupa á eftir blekslettum búrókrata ESB á sama tíma og Bandaríkjaforseti segir að hann geti ekki lengur treyst á ESB sem bandamann í heiminum í dag. Eitthvað virðist hafa dottið á milli stólanna hjá utanríkisráðuneytinu og ekki skrýtið í öllum hamaganginum við að troða orkupakka 3 uppá þjóðina.

Það ber að þakka bandalagi bandamanna US-European transatlantic alliance að friður hefur ríkt í 70 ár. ESB reynir að heilaþvo fólk með því að strika Bandaríkin burtu og segir að það sé ESB að þakka að friður hafi haldist þennan tíma. Skv. brezka Daily Express snýr Trump sér að því að þróa beint samband við einstaka lýðræðissinnaða þjóðarleiðtoga í staðinn fyrir að treysta á stórríkið EU. Telur forsetinn lítið hald vera í samkomum til að taka fallegar ljósmyndir hver af öðrum í stað þess að sinna sameiginlegum varnarmálum. Nicholas Burns fyrrum sendiherra Bandaríkjanna hjá Nató segir að:

"Trump forseti trúir því ekki að ESB sé marktækur bandamaður. Hann trúir því að ESB sé keppinautur."

Spilling ESB, slepjugangur búrókrata á eilífum fundum sem skila litlu öðru en tilgangslausum útgjöldum úr vasa skattgreiðenda virðist hafa kokgleypt stuðningsmenn orkupakka 3 á Íslandi. Gerir orkupakkaklíkan í brækurnar ef einu neikvæðu orði er sleppt um ESB og hleypur undir pilsfald sendiherra ESB á Íslandi og erlends dómara á eftirlaunum.

Fullveldi Íslands er varið af stjórnarskrá Ísland. Það hleypur ekki neitt. 

Drög að áliti um orkupakkann í dag

Orka Íslands í óskabrunni Drakúla

ESB-elítan ákvað að leggja upp framtíðarstefnu fyrir ríki ESB við óskabrunn Drakúla í Transylvaníu á svo kölluðum "degi Evrópu" sem klíkan hefur tilnefnt sjálfri sér. Í brunninum glittir í auðæfi litla Íslands sem framleiðir ódýrasta græna rafmagn sem til er í álfunni.

Í grein í Morgunblaðinu í dag bendir Sturla Böðvarsson á kjarna málsins og vert að taka undir kröfu hans: 

"Það hef­ur eitt og sér eng­an til­gang að við ráðum því hvort sæ­streng­ur verði lagður ef orku­markaðsmá­l­in verða um leið tek­in úr okk­ar hönd­um þegar sala hefst um sæ­streng. Þess­ari spurn­ingu verða ráðherr­ar að svara áður en lengra verður haldið."

Fyrirsögn Reykjavíkurbréfs dagsins er:

"Það er ekki ókeypis að ulla á fólk."  

Guðlaugur Þór og aðrir orkupakkasinnar gera allt til að komast með í Drakúlaklúbb ESB og ætla að borga fyrir aðgöngumiðann með orkuauðlindum Íslands. Það hentar þeim sem vilja vera skuggamegin í lífinu.

Allir vita að þegar blóðsuga bítur heilbrigða manneskju verður sú einnig að blóðsugu og ekki verður ullið fallegra eftir það.

Hleypum ekki vígtönnum ESB í Gullfoss.

Gullfoss fer ekkert úr landi frekar en fullveldið.

 

 

Óforsvaranlegt að samþykkja orkupakkann

Uppgötvun ríkisstjórnarinnar: enginn sæstrengur milli Íslands og Evrópu

Utanríkisráðherra kynnti í dag sameiginlega yfirlýsingu EES nefndarinnar sem eftir langar og strangar samningaviðræður komst að þeirri niðurstöðu að enginn sæstrengur er milli Íslands og Evrópu.

Verður þetta að teljast með merkilegri uppgötvun í seinni tíð og geta því allir farið í rúmið í kvöld sáttir við dagsverkið. 

Önnur uppgötvun til gagns fyrir þjóðina og tilkynnt var í leiðinni er að á meðan enginn er sæstrengurinn, þá gildi ekki raforkumarkaður ESB fyrir Ísland. EES samningurinn hefur

"ekki gildi eða neina raunhæfa þýðingu fyrir Ísland á meðan enginn raforkusæstrengur er til staðar." 

Þetta er að sjálfsögðu uppgötvunin sem þjóðin beið eftir. Þess vegna á Ísland ekki að ganga í Orkusamband ESB, enda hvorki sæstrengur til staðar né samningur í gildi.

Guðlaugur Þór Þórðarsson utanríkisráðherra hefði engu að síður getað sparað þjóðinni mikið fé ef hann hefði spurt börn á götum borgarinnar um sæstrenginn. Enginn af þeim myndu kannast við neinn sæstreng aðra en þá sem lagðir eru í fiskabúrum.  

Eftir þessa stórmerkilega uppgötvun sem trúlega verður tilnefnd til Nóbelsverðlaunanna getur þjóðin í sátt og samlyndi og af öryggi farið lagaleiðina í EES samningnum eins og í Icesave.

Afléttum ekki stjórnskipulegum fyrirvara og vísum málinu tilbaka til EES nefndarinnar. Ísland á ekki að ganga í Orkusamband ESB hvorki með eða án sæstrengs.

Fullveldið á heima á Íslandi alveg eins og Gullfoss.

Ákvæðin sögð þýðingarlaus án sæstrengs