Stefna ríkisstjórnarinnar er að sundra þjóðinni

Leiðarahöfundur Morgunblaðsins skrifar á kurteisislegan hátt um samráðsgátt ríkisstjórnarinnar við almenning og embættismannakerfið um hagsýni í ríkisrekstri. 3.762 tillögur hafa komið eða ein á hverja 100 þúsund íbúa landsins sem sýnir að spurningin er mikilvægt mál að mati margra. Bendir höfundur á að allt sé óvíst um efndirnar, því þingmenn og kerfið sýni áhrifaríkari áráttu að bæta við báknið frekar en draga úr. Því sé slíkt tal mest „sýndarmennska um gervihagræðingu."

Undir þau orð skal tekið. Sparnaðarhjal þeirra sem hafa sparnað á stefnuskrá en geta ekki að eigin sögn framkvæmt hann „vegna hinna" eru orðin tóm og eingöngu til að slá ryki í augu kjósenda. Eins og leiðarahöfundur bendir á verður lítill sparnaður í að „láta ríkisstarfsmenn drekka Bragakaffi, loka sendiráðinu í Lilongwe eða hætta fréttaflutningi Ríkisútvarpsins á pólsku."

Stóra málið er að ríkisstjórnin hefur enga stefnu í sparnaðarmálum. Á óskalista hennar eru nefnd atriði eins og sameining ráðuneyta og talað um hagræðingu. Ósk á blaði og falleg orð eru ekki það sama og efndir. Ríkisstjórnin hefur þegar glatað öllum trúverðugleika með því að tilkynna nýjan eða aukinn ofurskatt á sjávarútveg og ferðamannaiðnað. Atlaga verður gerð í nafni grænu blekkingarinnar gegn landbúnaðinum og haldið áfram með brjálæðisstefnu fyrri ríkisstjórna með „grænu umskiptin." Síðan dirfist þetta fólk að stinga rýting í bak þjóðarinnar með því að taka upp ESB málið að nýju og boða kosningar um aðild Íslands að ESB í síðasta lagi 2027. Þrátt fyrir að hafa lofað fyrir kosningar að málið yrði ekki sett á dagskrá. 

Það þarf engan Einstein til að sjá sviksemi þessarar ríkisstjórnar og hvert er hennar aðalmarkmið: Að drösla þjóðinni inn fyrir gullhlið ESB í Brussel og rífa peningavaldið af landsmönnum með upptöku evru.

Samfylkingin er hreinn vinstri flokkur, enginn skal efast um það. Er aðili að sósíalíska Internationalen sem hefur það á stefnuskrá að banna X og koma á ritskoðun undir merkjum hatursorðræðu. Allir sjá fjármálasvindl undanfarinna ára í Reykjavíkurborg en enginn þorir að gera neitt. Sú eina sem hafði munninn fyrir neðan nefið, Vigdís Hauksdóttir, henni var bolað í burtu vegna „óþæginda."

Stjórnmálamenningin á Íslandi er í graut. Sannleikurinn er sá að pólitíski rétttrúnaðurinn - vókið - hefur tekið Ísland í gíslingu. Það er beina brautin til helvítis eins og Guterres er vanur að hræða með. Eða kurteisislegra sagt óútfyllt ávísun á þrælkun landsmanna undir ofurefli erlends valds komandi kynslóðir langt fram í tímann. 

Slíkt fólk sem byrjar sinn ríkisstjórnarferil á enga 100 daga gagnrýnislausan tíma skilið. Tekið skal undir tillögur Jóns Magnússonar hæstaréttarlögmanns vegna afhjúpunar Morgunblaðsins á spillingu Flokks fólksins:

Afsögn Ingu Sælands úr ráðherrastól vegna fjármálasvindls Flokks fólksins. Uppsögn starfsmanna fjármálaráðuneytisins og ríkisendurskoðenda sem unnu ekki sín störf. Eina leiðin til að spara er að byrja að losa kerfið við það fólk sem lýgur, svindlar og stelur og hefur hingað til komist upp með það.

 

„Hefur tekist að virkja fólkið í landinu með okkur“

Enginn hlustar þar til allir deyja

Vek athygli á mjög góðu viðtali Atla Steins Guðmundssonar, Morgunblaðinu, við hinn viðkunnanlega Diamant Salihu sem er tíður gestur í sænska sjónvarpinu til að ræða stríð glæpahópanna í Svíþjóð sem oftar en ekki er stjórnað erlendis frá. Er um harðsvíraða innflutta glæpamenn, eiturlyfjasala og morðingja að ræða sem hafa gjörbreytt sænsku samfélagi á undanförnum tíu árum. Fjölmiðlar greina daglega frá skotárásum og sprengjuódæðum eins og núna SVT til dæmis í morgunsárið, sprengjuódæði við anddyri fjölbýlishúss í Uppsala:

Morgunblaðið er líklega eini fjölmiðillinn á Íslandi sem segir eitthvað frá þessu og skal hafa þakkir fyrir. Ég hef búið í Stokkhólmi síðan 1984 og hef með eigin augum séð þá grundvallarbreytingu sem orðið hefur í kjölfar hömlulauss innflutnings vegna opinna landamæra. Lengi vel mátti ekki tengja innflytjendur við ofbeldisverkin vegna pólitísks rétttrúnaðar en núna hefur það breyst örlítið til batnaðar samtímis sem stutt er í rasista- og hatursorðræðustimpilinn. Því miður, þá hafa Íslendingar elt Svíana í þessari ógæfuferð og ég hef mörgum sinnum bent á takmarkanir fámennrar lögreglu á Íslandi í viðureign við vel vopnaða alþjóða glæpahópa. Það er svo sorglegt að horfa upp á skilningsleysið í viðureigninni við þennan glæpalýð að stundum óskar maður sér þess að þurfa hvorki að vera Svíi eða Íslendingur. Rafbyssur geta gengið gegn byssulausum bófum en glæpahóparnir skilja ekkert nema hrátt ofbeldi og stálkúlur. Það er eina málið sem þeir skilja. 

Svíar eru orðnir gíslar daglegs ofbeldis, skotárása og sprengjuódæða. Lögreglan gengur út með leiðbeiningar til foreldra og barna, skóla og vinnustaða ekki síst verslana. Fyrirvaralaus hnífadráp í venjulegum matvöruverslunum hafa aukist, þegar morðingi birtist allt í einu og velur sér einhvern búðargest til drepa. Núna verða allir að ræða málin stöðugt og vera viðbúnir því versta með tilbúnar áætlanir um flóttaleiðir og aðrar öryggisráðstafanir gegn öllu ofbeldinu. Lögreglan viðurkennir opið að hún ráði ekkert við ástandið og segir við almenning: „Ekki vera hrædd en verið viðbúin."

Í öðrum ríkjum taka menn alvöru stríð gegn morðingjum og hryðjuverkamönnum glæpahópanna með því að skilgreina þá réttilega sem hryðjuverkahópa. Þá er hægt að sameina afl hers og lögreglu og ganga skilvirkara fram.

Í fyrra voru 44 manns drepnir og 57 særðir í 270 opinberlega skráðum skotárásum í Svíþjóð. 129 heppnuð sprengjuódæði, 60 misheppnuð og undirbúningur að 317 sprengjuódæðum að auki sem fóru út um þúfur eða lögreglan kom í veg fyrir. Þá er eftir að telja með hnífamorð og önnur dráp, líkamsárásir og pyndingar að ekki sé minnst á allar nauðganirnar.

Svíþjóð er ekki frjálst land lengur. Ég ræði einungis núna um sprengjuódæðin og skotárásirnar sem hryðjuverk. Lái mér það hver sem vill.

Svikarar fólksins

Flokkur fólksins er burðugt nafn. Gefur til kynna að fyrirmenni flokksins þjóni fólkinu í stað kerfisins. En eitthvað stemmir ekki eins og komið hefur fram í fréttum að undanförnu: Flokkurinn hefur fengið 240 milljónir án þess að uppfylla skilyrði stjórnmálaflokks til úthlutunar ríkisins. Vita þeir ekki hvað þeir eru að gera hjá fjármálaráðuneytinu?

Seint um síðir tókst að skrúfa fyrir kranann og núna fær flokkurinn ekki styrkinn og vonandi verður fjármálaráðuneytið næmari á lögin og fylgir þeim með því að senda endurgreiðslukröfu á flokkinn. Skattgreiðendur verða að geta treyst því að opinberir aðilar, sér í lagi fjármálaráðuneytið og stjórnmálaflokkarnir fari að lögum. 

Á svo að treysta Ingu Sæland fyrir lagasetningu á Alþingi, þegar hún fylgir eigin óskum í stað íslenskra laga? Það er engin furða að fjármálin séu í Borgarfirði í Flokki fólksins, þegar gjaldkerinn hefur ekki einu sinni umboð til að fara með fjármálin. Að vera gjaldkeri í flokki fólksins er því einungis sýndarmennska, formaðurinn tekur bæði fjármálaákvarðanir, tekur við peningum og sér um greiðslur reikninga. Engan landsfund þarf að halda, flokkurinn er hvort eð er í einni skúffu heima í eldhúsi flokksformannsins. Það er sama fyrirkomulag og gildir hjá Alþýðulýðveldinu Kína sem er annað burðugt nafn sem gefur til kynna að kommúnistaflokkurinn þjóni fólkinu.

Svo er það hann Eyjólfur Ármannsson. Orðið svikari er stórt orð en hvað er hann og flokkur fólksins annað, þegar andstöðunni gegn ESB er fleygt í ruslakörfuna fyrir ráðherrastólana? Það var ódýrt verð fyrir Brusselvaldið Viðreisn og Samfylkinguna að kaupa þá andstöðu. Í staðinn verður gatan að gullhliði ESB-himnaríkisins sópuð með þeim Eyjólfi og Ingu sem núna verða að kyngja öllu því sem Flokkur fólksins hefur sagt gegn bókun 35 og ESB.

Flokkur fólksins fer sömu leið og Vinstri Grænir í síðustu kosningum. Þjóðin þarf ekki á svona augljósum svikurum að halda.

Flokkur fólksins fær ekki styrk í ár

Ísland þarf leiðtoga eins og Donald Trump

 

Donald Trump er sestur við forsetaskrifborðið í Hvíta húsinu og leyfði blaðamönnum að vera með sér dágóðan tíma samtímis og hann skrifaði undir forsetatilskipanir eins og að segja Bandaríkin frá Parísarsamkomulaginu og losa Bandaríkin úr klóm Alþjóða heilbrigðismálastofnunarinnar WHO. Einn blaðamannanna spurði hann hvort Biden hefði skilið eftir bréf í skúffunni til hans og viti menn, þar fannst bréf. Trump sagðist lesa það fyrst sjálfur og ákveða hvort hann gerði innihaldið opinbert. Biden hélt aldrei neina blaðamannafundi af þessu tagi í sinni forsetatíð.

Verkin tala og meðal forsetatilskipana mátti finna yfirlýsingu um neyðarástand á suður landamærunum og neyðarástand í orkumálum. Trump ætlar að gera Bandaríkin rík aftur og hefja olíuboranir á fullu. Bandaríkin munu ekki aðeins fylla eigin birgðir og varabirgðir heldur líka hefja útflutning og sölu á olíu og gasi til annarra landa. Trump segir fólk eiga að ráða því sjálft hvaða bíla það kaupir og gefur þar með vitleysingunum í Brussel á kjaftinn sem hafa bannað í besta kommúnistastíl sölu jarðeldsneytisknúinna farartækja frá 2035. Trump sagði í ræðu sinni að verkamenn bílaiðnaðarins þyrftu á vinnu að halda og láir það honum enginn á sama tíma og ókjörin framkvæmdastjórn ESB fremur harakiri á bílaiðnaði Evrópu. 

Hann náðaði um 1 500 pólitíska fanga Biden stjórnarinnar og sagði það ótrúlegt að Biden hefði náðað meðlimi J6 nefndarinnar og fyrir fram gegn málaferlum og mögulegri sekt þeirra. J6 nefndin hefur eyðilagt flest öll gögn í máli atburðanna 6. janúar 2021, þegar múgur fór inn í þinghúsið í Washington. Þar á meðal voru gögn um hegðun Nancy Pelosi sem neitaði að taka á móti aðstoð þjóðvarðliðsins til að verja þingið. Trump telur að náðun Bidens á J6 nefndinni sýni að þau voru sek. 

Trump er einnig annt um kvenkynið, því hann skrifaði undir yfirlýsingu um að kynin eru einungis tvö og að konum verði gert öruggt að stunda kvennaíþróttir án innrása karla í keppni, búnings- og sturtuklefa. Hér er upplagt tækifæri fyrir Jóhannes Skúlason, Samtökum 78, að kæra Trump á sama grundvelli og Eld Smára Kristinsson og gyðinga í Ísrael. 

Starf 20 manna nefndar undir forystu Elon Musk til að auka afköst kerfisins var einnig gangsett ásamt algjöru stoppi á ráðningu neinna til kerfisins. Jafnframt lýsti Trump því yfir að málfrelsið yrði endurheimt. Verður spennandi að fylgjast með niðurskurði á því spillta bákni sem náð hefur að skjóta rótum í Bandaríkjunum og íslenskir grænjaxlar herma eftir.

Trump er reyndur maður í viðskiptum og fordæmi fyrir marga. Það sem kratískir stjórnmáladraugar, „kerfiskrabbar" og keyptir blaðamenn skilja ekki er hvernig hann nýtir þá reynslu í embætti forseta sem er mikill fengur fyrir Bandaríkin og allan hinn svo kallaða frjálsa heim um þessar mundir. 

Ísland sárvantar leiðtoga af slíkri gerð. Sá sem kemst næstur í afstöðu til frelsis og málfrelsis er Arnar Þór Jónsson. Sjálfstæðismenn glötuðu tækifærinu sem þeim bauðst þegar Arnar Þór var innanborðs en var ekki hleypt lengra en í varamannsþingsæti. Verður fróðlegt að fylgjast með hvað Arnar Þór og Lýðræðisflokkurinn hafa fyrir stafni á næstunni en sá flokkur er líklega eini alvöru valkosturinn sem þjóðin hefur til að reka spillinguna úr ríkisbákninu og embættismannakerfinu og endurheimta ríkið til eigenda þess, landsmanna sjálfra.

Sjálfstæðisflokkurinn hefur mikið verk að vinna ef að hann á ekki að eyðileggjast eftir grænar heimsendakenningar, skemmdarverk á íslenskum orkuiðnaði, galopin landamæri, flatneskju við vinstri pólitík og ESB. Skipta verður út allri flokksforystunni sem var með Bjarna Benediktssyni og þá verður hægt að segja Ísland frá Parísarsamkomulaginu, WHO og gera Ísland að Íslandi aftur eins og forfeður okkar lögðu grunninn að.

 

 

 

Trump náðar stuðningsmenn sína

Það eykur ekki lýðræðið að flytja spillingu Reykjavíkurborgar til Alþingis

Í nýju viðtali við Vigdísi Hauksdóttir, umboðsmann Miðflokksins, lýsir hún hvernig nýju kosningalögin eiga rætur að rekja til Steingríms J. Sigfússonar á árunum 2009-2013. Útkoman er komin í ljós eftir að hafa dembt lögum um kosningar til sveitarstjórna, alþingis, embættis forseta og þjóðaratkvæðagreiðslur í einn hrærigraut. Vankantarnir eru miklir. Núverandi skipulag er algjör afturför miðað við fyrra kosningakerfi, þar sem sýslumenn sáu um öryggið ásamt lögreglunni sem flutti kjörkassa með atkvæðum til talningar. 

Óreiðan í ráðhúsi Reykjavíkurborgar er talandi dæmi þess að núna er verið að flytja skipulagsleysið í stjórnarháttum Reykjavíkurborgar yfir til Alþingis. Núna á þingmaðurinn Dagur B. Eggertsson að rannsaka handvömm starfsmanna borgarstjórans Dags B. Eggertssonar. Eftir allt klúður Reykjavíkurborgar sem getur ekki lengur séð um byggingar í borginni, þá er engin furða að kjósendur hafi strikað nafn hins spillta borgarstjóra Dags B. Eggertssonar út af kjörseðlinum. En það dugði ekki til til að koma í veg fyrir að hann næði inn á þing.

Innganga Íslands í ESB og upptaka evru eru forgangsverkefni ríkisstjórnarinnar

 

Eftir yfirlýsingu ríkisstjórnarflokkanna um inngöngu í ESB og upptöku evru er ljóst að þjarma á að landsmönnum til að knýja fram vilja Brussel-hirðarinnar. Íslandi á að þræla - með góðu eða illu - inn í ESB. Það hafa valkyrjurnar ákveðið hvaða orð svo sem koma út af vörum þeirra. Hvers vegna annars er byrjað á því að fara til Brussel og „koma á sambandi" við stækkunarstjóra ESB? Af gjörðum verður fólk dæmt og innganga Íslands í ESB er greinilegt forgangsmál þessarar ríkisstjórnar.

Til að fjötra landsmenn undir yfirráð erlends valds á Íslandi, þarf að styðjast við keypta stjórnmálamenn sem plægja jörðina fyrir svikulli valdatöku. Kosningaklúðrið í síðustu alþingiskosningum er bara byrjunin á þeirri ósvinnu sem landsmenn eiga eftir að fá yfir sig frá valkyrjunum. Svik Flokks fólksins við kjósendur sýnir hver heldur um tauminn sem liggur alla leið til höfuðstöðva ESB í Brussel. Valkyrjurnar fá að sýna hæfileika sína með því að hleypa öllu í bál og brand á Íslandi. Á meðan landsmenn eru sundraðir mun ESB nota tækifærið og læsa klónum um auðlindir landsins. ESB kosningunum sem logið er að þjóðinni að sé bara spurning til að „athuga" hvað þjóðin vilji, verða í reynd kosningar um inngöngu í ESB. Farin verður írska leiðin og kosið aftur segi þjóðin nei. Allt þar til já verður á endanum kreist út.

Þjóðin hefur verk að vinna

 

Fyrri ríkisstjórn Katrínu Jakobsdóttur hefur lagt grunninn og blekkt þjóðin kaus loftslagsheimsendaforseta á Bessastaði. Nýja ríkisstjórnin kemur því að beinni snyrtilegri braut til að „klára verkið" sem vinstristjórn Jóhönnu Sigurðardóttir hóf með prettum og svikum um inngöngu landsmanna í ESB.

Í síðustu kosningum hafnaði þjóðin vinstri mönnum á eftirminnilegan hátt. En vegna aumingjaháttar Sjálfstæðismanna er akurinn plægður fyrir verstu óvini Íslands. Sjálfstæði Íslands er í hættu.

Hér þarf verk að vinna.

Dagur B. á að rannsaka starfsmenn Dags B. sem bera ábyrgð á talningu atkvæða fyrir Dag B

Hversu sjúkt er ekki þetta: Borgarstjórinn fer í þingframboð og fram kemur gagnrýni á meðhöndlun starfsmanna borgarinnar á utankjörfundaratkvæðum sem varða framboð borgarstjórans í Reykjavík til þings. Þá er borgarstjórinn sem kjörinn þingmaður settur yfir nefnd sem á að rannsaka starfsmenn borgarstjórans sem mögulega gerðu vitleysu í talningu atkvæða sem getur haft áhrifa á úrslit kosninganna. Er það trúverðugt að sjálfstætt hlutleysi fái notið sín í samskiptun borgarstjórans og undirmanna hans?

Þetta hljómar eins og í reyfara um eitthvað bananaríki. Sjálfsagt vill bæði Dagur B. og allar kjörstjórnir og yfirkjörstjórnir landsmanna meina að kosningafyrirkomulagið á Íslandi sé hið besta í heimi. En af hverju eru starfsmenn sveitarfélaga látnir bera ábyrgð á atkvæðum sem snerta þeirra eigin yfirmenn?

Spillingarhneyksli Reykjavíkurborgar eykur ekki traust á talningu atkvæða

 

Ekki er það til að auka trúnað á lýðræðinu hjá þeirri „bananaborg“ sem Reykjavík er orðin eftir meðhöndlun borgarstjórans á fjármálum borgarinnar sem, já, minna einna helst á fjármál gjörspillts þriðja heims ríkis. Dagur B. skilur eftir sig slóð hneykslismála hverju öðru verra og gjaldþrota borg með skuldaklafa á herðum komandi kynslóða Reykvíkinga. Ekki eykur það trúverðugleikann við talningu atkvæða í ráðhúsi Reykjavíkur eða rannsókn Dags B. á sömu talningu. Gagnrýni Vigdísar Hauksdóttur á því fullan rétt á sér og óþarfi hjá Landskjörstjórn að skylmast við hana með rugli um „póstatkvæði“ eða „sendingar.“

Fengu umboðsmenn flokkanna að sjá lista yfir utankjörfundaatkvæði?

 

Landskjörstjórnin svarar spurningu Vigdísar um hvaðan 2500 atkvæði hafi allt í einu komið inn í talningu kjörstjórnar Reykjavíkur að samkvæmt nýju kosningalögunum séu atkvæði sem Reykjavíkurborg berist, aðallega erlendis frá, sett í kassa og megi rjúfa innsigli ytra umslags fyrir kjördag, þegar búið er að kanna löggildi sendingar og síðan sé sjálft kosningaumslagið látið óopnað með öðrum utankjörfundaatkvæðum og opnað eftir að kjörfundi lýkur. Aðalrök kjörstjórna Reykjavíkur eru að sérstök skrá sé höfð um þessi atkvæði. Fengu umboðsmenn flokkanna að sjá þessar skrár, þegar Eva Bryndís tilkynnti þeim um þessi 2.500 atkvæði? Hafa umboðsmenn flokkanna nokkru sinni fengið að sjá þessar skrár?

Afhenda kjósendur erlendis atkvæði sín persónulega til starfsmanna Reykjavíkurborgar?

 

Greinilega ætlar þingmaðurinn Dagur B. sem er að rannsaka hvort starfsmenn borgarstjórans Dags B. hafi staðið sig að segja að allt sé í stakasta lagi til að hrófla ekki við útkomu kosninganna. Niðurstaðan á að líklegast að verða sú, að það eina sem hefur farið úrskeiðis við kosningarnar í Reykjavík er, eins og Landskjörstjórn fullyrðir, að Vigdís Hauksdóttir hafi misskilið orðið „póstatkvæði.“ En ekki tekst það neitt sérstaklega vel samanber tilvísun Landskjörstjórnar:

„Yfirkjörstjórnirnar vísa til athugasemda sinna við 5. lið og að misskilnings gæti þar sem ekki sé um „póstatkvæði“ að ræða heldur sendingar sem séu að öllu leyti sambærilegar þeim sem berist frá Sýslumanninum á höfuðborgarsvæðinu ….“

Á móti má spyrja, hvort kjósendur erlendis fljúgi sjálfir með atkvæði sín og afhendi þau persónulega til starfsmanna í móttöku Reykjavíkurborgar? Hvernig er þetta nú aftur með póstinn, hmm, sendiráðin gefa kjósendum tvo valkosti (fyrir utan að afhenda bréfin í eigin persónu): annað hvort sendir viðkomandi atkvæðið með pósti eða að sendiráðið sendir atkvæðið með sendiráðspósti.

Lágkúra í hámarki að kenna umboðsmanni Miðflokksins um misbresti í atkvæðatalningu Reykjavíkur

 

Meðhöndlun kjörstjórna Reykjavíkurkjördæma á utankjörfundaatkvæðunum er algjört klúður. „Póstur eða sending og misskilningur“ er aumkunarvert yfirklór Landkjörstjórnar sem ber alfarið að hafna og senda til baka til heimahúsanna. Taka ber undir kröfu Vigdísar Hauksdóttur, að

„Landkjörstjórn fari yfir, beri saman og rannsaki öll utankjörfundaratkvæði í Reykjavíkurkjördæmunum í nýafstöðnum alþingiskosningum sem fram fóru 30. nóvember sl.….“

Þá byrjar ballið með darraðadansi amtkvenna Evrópusambandsins

 

 

 

 

 

 

Það er orðið langt liðið síðan ég skrifaði hér en núna kem ég til baka. Ástæðan er hinn nýi darraðardans í boði innlendra amtkvenna Evrópusambandsins. Nýja ríkisstjórnin blæs til stríðs við þjóðina í Evrópusambandsmálinu og lætur kjósa um aðild Íslands að ESB og upptöku evru. 

Enginn skal láta sér detta eitt augnablik annað í hug en að það sem sett er í skúffu í Brussel er geymt en ekki gleymt. Því verður atkvæðagreiðslan ekkert annað en atkvæðagreiðsla um inngöngu Íslands í ESB. Hefur fólk gleymt klækjabrögðum Samfylkingarinnar þegar send var aðildarumsókn í nafni alþingis til Brussel?

Markmið þessarrar ríkisstjórnar er að kaffæra undirstöðuatvinnugreinar þjóðarinnar, sjávarútveg og ferðamannaiðnaðinn með hóflausum auknum og nýjum sköttum og þegar allt er komið í kaf ætla dömurnar þrjár að birtast í líki óskadísa „sem bjarga" þjóðinni með inngöngu í ESB og upptöku evru.

Stjórnmálin á Íslandi eru komin úr höndum landsmanna og nú þarf að bretta upp ermarnar til að lýðveldið renni ekki úr greipum þjóðarinnar og landsmenn breytist í þræla erlends valds. 

Íslandingar hafa áður verið í slíkri stöðu og það er engin ástæða að endurupplífga hana, þótt valkyrjurnar þrjá ásamt þeirri fjórðu á Bessastöðum og þeirri fimmtu í Brussel reyni allt af fremsta megni til að drösla okkur þangað.

Komandi tímabil er spurning upp á líf eða dauða lýðveldisins sem foreldrar okkar, afar og ömmur og eldri kynslóðin stofnuðu á Alþingi 17. júní 1944.

Meira kemur

 

 

Nákvæm lýðfræðileg greining kollvarpar fullyrðingum Palestínumanna um Ísrael

 

 

Rétttrúnaður vinstri manna er jafn fátæklegur og hann er falskur. Núna beina þeir augun að þjáningum saklausra borgara sem Hamas böðlarnir nota sem skjöld gegn fallandi sprengjum. Það er stríðsglæpur. Lítið sem ekkert er heldur minnst á aðra stríðsglæpi Hamas eins og að byggja herstöðvar undir sjúkrahúsum og skólum. Sögufölsun vinstri manna birtist í fullyrðingum þeirra, að Ísrael sé hernámsríki og arabar saklaus fórnarlömb útþenslustefnu síónismans. Þar er allri sögunni langt aftur fyrir tilkomu Krists varpað fyrir róða. En látið ekki blekkjast. Aðstoðarritstjóri Bandaríska hugsuðarins, Andre Widburg, útskýrir málið í grein, sem hér er þýdd í lauslegu máli. Í þessari grein er ósannindum rétttrúnaðarins um að arabar séu og hafi alltaf verið í Palestínu, kollvarpað. Sést það einkar skýrt á fána Palestínu frá 1939. Hann bar merki Ísraels. Sjá einnig gustafadolf.com

Eftir Andrea Widburg, Bandaríska hugsuðinn

Það eru tvær tegundir fólks sem á ofstækisfullan hátt helga sig Hamas: Íslamistar og staðráðnir vinstrimenn. Þeir ýta undir þá frásögn, að Ísraelar – sem þeir meina að séu „vondu gyðingarnir“ – séu hvítir nýlenduherrar sem hafa tekið land sem þeir eiga ekkert tilkall til. Sem hafa lagt ljóta byrði kynþátta- og trúarlegrar aðskilnaðarstefnu á „Palestínumenn“ sem aldrei meiða neinn. Þessi frásögn virkar vegna þess – því miður, að hægt er að vaða djúpt í hug flestra með Miðausturlönd án þess að blotna á fótunum. Þess vegna er frásögnin samþykkt hugsunarlaust. Hlutirnir breytast samt, þegar frásögn er skilyrt með staðreyndum . 17. aldar skoðun á Ottómönsku Palestínu ætti að breyta mörgum skoðunum.

Samþykkja ekki stuðning við Hamas þegar stefnan er kynnt

Ég byrja á myndbandi, þar sem fólk er beðið um að skrifa undir áskorun til stuðnings Hamas. Fólkið sem sést á myndbandinu er því hjartanlega sammála. Hins vegar breytast málin, þegar þeim er sagt, að þau verði að kynna sér skilmálana, sem fylgja því að skrifa undir. Vitanlega er þetta bara lítið sýnishorn, en það sýnir engu að síður, að fjarri ofsatrú innan háskóla og heilagastríðsæsingu á götum stórborga, þá eru flestir opnir fyrir staðreyndum og munu skipta um skoðun. Myndbandið má sjá hér 

Palestína var og er land gyðinga og kristinna manna

Mig langar að koma á framfæri nokkrum nýfengnum staðreyndum til að breyta frásögninni um að gyðingar séu nýlenduherrar sem hafa notað og misnotað araba með forn tengsl við landið. Reyndar eru þessar staðreyndir nýjar fyrir mér en í rauninni eiga þær sér sögu. Seint á 17. öld ferðaðist hinn fjölhæfi Hadriani Relandi til Ottoman Palestínu. Hann talaði mörg evrópsk tungumál ásamt arabísku, forngrísku og hebresku. Við heimkomuna skrifaði hann tveggja binda magnum ópus sem heitir „Palaestina et Monumentis Veteribus Illustrata” eða Palestína og Fornminjar með myndskreytingum. Bókin er á latínu svo ef þú kannt tungumálið geturðu lesið I. bindi hér og II. bindi hér.

Ef þú vilt ekki lesa bækurnar, þá tekur Facebook-færsla saman það sem Relandi fann þegar hann ferðaðist um Palestínu, sem var fjarlægur útvörður Ottómanveldis á þeim tíma. Ef þú lest færsluna er mikilvægasta atriðið „að Palestína var ekki arabaland; það var (og er) land gyðinga og kristinna manna.” (Færslan er neðar á síðunni.) Þetta er í fullkomnu samræmi við það sem ég hef skrifað um „The Forgotten Ally”eftir Pierre van Paassen, sem lýsir sama landi í aðdraganda seinni heimsstyrjaldarinnar. Van Paassen skrifar að Palestína hafi verið leifar af Ottómanaveldi, að gyðingar hafi alltaf verið þar og að þeir fáu arabar sem voru í landinu eftir 1830, voru hraktir frá öðrum hlutum Ottómanveldis.

Fáni Palestínu ár 1939 var ísraelskur

Margir fullyrða, að það sé tilgangslaust að reyna að andmæla rökum vinstri manna um að arabar séu frumbyggjar og gyðingar nýlenduherrar. Við þá segi ég: „Svei!” Það er aðalröksemdin sem er notuð til að sannfæra áhugalaust fólk, sem hefur verið baðað í eitruðum áróðri um vestræna nýlendustefnu á móti saklausum frumbyggjum. Þess vegna samþykkir þetta fólk, sem kann ekkert um staðreyndirnar, að Hamas sé rödd fórnarlambanna og Ísrael sé sverð kúgarans.

Ef þú lætur þá hafa staðreyndir, þá munu þeir skipta um skoðun. Í eitruðum blekkingarheimi vinstrimanna og íslamskra lyga, þá skipta staðreyndir máli. Það dásamlega við bæði Relandi og van Paassen er, að þegar þeir skráðu staðreyndir sínar, þá áttu þeir engan hund í yfirstandandi slagsmálum. Það var ekkert Ísraelsríki, það voru engir arabar auðkenndir sem Palestínumenn, það voru engir múllar í Íran að fjármagna ýmislegt, það var enginn Vesturbakki og Gaza og hvorki Hamas né Hezbollah voru til.

Ef þú birtir eitthvað enn á Facebook ættirðu að deila þessu og sjá hvað getur gerst, þegar staðreyndum er dreift.

Bókin „Palestina ex Monumentis Veteribus Illustrata” er skrifuð á latínu árið 1695. Rilandy var að lýsa því sem þá hét Palestína. Höfundurinn Adriani Rilandi er landfræðingur, kortagerðarmaður, ferðamaður, heimspekingur, hann kunni mörg evrópsk tungumál, arabísku, forngrísku og hebresku. Hann heimsótti tæplega 2.500 byggðir sem getið er um í Biblíunni.

Hér eru helstu niðurstöður og nokkrar staðreyndir:

• Fyrst bjó hann til kort af Palestínu. Hann tilgreindi síðan hverja byggð sem nefnd er í Biblíunni eða Talmud með upprunalegu nafni sínu.
• Síðan gerði hann íbúatalningu eftir byggðum.
• Landið var aðallega autt, yfirgefið, strjálbýlt, helstu byggðir eru Jerúsalem, Akko, Tsfat, Jaffa, Tveria og Gaza.
• Flestir íbúanna eru gyðingar, næstum allir aðrir eru kristnir, mjög fáir múslimar, aðallega bedúínar.
• Eina undantekningin er Nablus (nú Shchem), þar sem um það bil 120 manns úr múslímafjölskyldunni Natsha og um það bil 70 „shomronims” (Samverjar).
• Í Nasaret, höfuðborg Galíleu, bjuggu um 700 manns – allir kristnir.
• Í Jerúsalem voru um 5.000 manns, nánast allir gyðingar og nokkrir kristnir.
• Árið 1695 vissu allir að uppruni landsins var land gyðinga.
• Ekki ein einasta byggð í Palestínu á arabískar rætur í nafni sínu.
• Flestar byggðir eru frá upphafi nefndar eftir gyðingum og í sumum tilfellum úr grísku eða rómverskri latínu.
• Fyrir utan borgina Ramla er engin arabísk byggð sem ber upprunalegt arabískt nafn. Gyðinganöfnum, grískum eða latneskum nöfnum hefur verið breytt í arabísk nöfn sem hafa engin tengsl í arabísku máli. Á arabísku er engin merking í nöfnum eins og: Akko, Haifa, Jaffa, Nablus, Gaza eða Jenin. Nöfn eins og Ramallah, al-Khalil (Hebron), al-Quds (Jerúsalem) hafa hvorki heimspekilegar eða sögulegar arabískar rætur. Til dæmis ár 1696 var Ramallah kallað Betel (Beit El, hús Guðs), Hebron var kölluð Hebron og Mahpel hellirinn var kallaður El-Khalil (gælunafn Abrahams) af Aröbum.
• Relandi nefnir einungis múslima sem bedúínska hirðingja sem komu til borganna sem árstíðabundnir starfsmenn í landbúnaði eða byggingarvinnu.
• Um 550 manns bjuggu á Gaza, helmingur þeirra var gyðingar og hinn helmingurinn kristnir. Gyðingum gekk vel í landbúnaði, sérstaklega á vínekrum, ræktun ólífa og hveiti, kristnir stunduðu verslun og flutninga.
• Gyðingar bjuggu í Tveria og Tsfat, en atvinnu þeirra er ekki getið, nema hefðbundnar veiðar í Kineret.
• Í þorpinu Um El Fahm bjuggu til dæmis 10 fjölskyldur, allar kristnar (um 50 manns). Þar var lítil marónítakirkja.

Bókin vísar algjörlega á bug kenningum um „Palestínskar hefðir” og „Palestínumenn” og skilur nánast engin tengsl eftir á milli landsins og araba sem stálu jafnvel latneska nafni landsins (Palestína) og eignuðu sér það.

Skömm Íslendinga að Vinstri grænir og stjórnarandstöðuflokkarnir fordæma ekki hryðjuverk Hamas

Stjórnarandstaðan fer mikinn og talar um tvær utanríkisstefnur Íslands, af því að Katrín Jakobsdóttir sölukona Alþjóða heilbrigðisstofnunarinnar, forsætisráðherra Íslands, er ósammála utanríkisráðherranum sem mælti með því við SÞ að fordæma bæri hryðjuverk Hamas á saklausum gyðingum.

Forsætisráðherrann hefði eflaust viljað vera í hópi þeirra fulltrúa á allsherjarþingi Sameinuðu þjóðanna sem fögnuðu því með dúndrandi lófataki, að komið var í veg fyrir fordæmingu SÞ á skefjalausu hryllingsódæði vígamanna Hamas, sem myrtu 1.400 óvopnaða, saklausa gyðinga í Ísrael og tóku nokkur hundruð í gíslingu. Að meirihluti fulltrúa SÞ kýs að fegra morð á gyðingum er talandi fyrir það ástand sem sú stofnun er komin í og Katrín Jakobsdóttir er sölukona fyrir. Kínverski kommúnistaflokkurinn heldur Alþjóðaheilbrigðisstofnuninni í gíslingu og er að taka yfir SÞ, sem mun á næsta ári leggja fram drög að einni miðstýrðri stjórn fyrir allan heiminn að hætti gamla Komintern, alþjóðasambands kommúnista.

Styður stjórnarandstaðan þjóðarmorð á gyðingum?

Hamas ætlar að afmá Ísrael af landakortinu og drepa alla gyðinga. Að fegra þá takmarkalausa villimennsku sem birtist í hryðjuverkaódæði á saklausum gyðingum er því ljóst og leynt stuðningur við það markmið að útrýma eigi öllum gyðingum. Gyðingar hafa ekki lent í annarri eins árás síðan í helförinni. Enn í dag eru til raddir sem neita að helförin hafi átt sér stað og segja hana vera lygaróður gyðinga. Viðbrögð íslensku stjórnarandstöðunnar minnir á það núna, þegar hún getur ekki fordæmt hryðjuverk á saklausum borgurum vegna þess að það er ekki pólitískur rétttrúnaður. Pólitíski rétttrúnaður vinstri manna er að treysta hryðjuverkamönnum fyrir sannleikanum og jarða sannleikann með þeim myrtu.

Shani Louk var afhöfðuð

Yitzchak Herzog forseti Ísraels tilkynnti, að fundist hefði flís úr höfuðkúpu ungu þýsku konunnar Shani Louk sem var á friðartónleikum gyðinga í grennd við Gaza, þegar böðlarnir birtust og drápu 260 hátíðargesti. Myndir af líkama hennar á palli pallbíls hafa gengið út um allan heim og upphaflega var sagt að hún hefði verið myrt. Síðan komu upplýsingar um að hún væri á lífi í spítala í Gaza sem kveikti von hjá ættingjum og vinum. En það ljós slokknaði, þegar í ljós kom að um falsfrétt var að ræða. Einnig er talið, að kærastinn hennar, Orión Hernández Radoux, hafi verið brottnumin í ódæðinu. Forseti Ísraels upplýsti að staðfest væri, að beinflísin tilheyrði Shani Louk:

„Þeir fundu höfuðkúpu hennar, sem þýðir að þessi villimannslegu, hrottalegu dýr… hjuggu einfaldlega höfuðið af henni, þegar þeir réðust á, pynduðu og drápu Ísraela. Þetta er gríðarlegur harmleikur og ég sendi fjölskyldu hennar mínar innilegustu samúðarkveðjur."

Hvað er það í viðbjóðslegu morði Hamas á Shani Louk sem ekki þolir fordæmingu?

Shani Louk er aðeins ein af þeim 1.400 hundruð gyðingum sem voru drepnir á villimannslegan hátt og margir afhöfðaðir og lík sundurtætt eftir að fólk var dáið. Augu voru stungin úr líkum. Til og með fóstur var skorið úr móðurkviði og aflífað og afhöfðað. Það er einhver brengluð andleg heilsa að sjá hindrun í vegi fyrir því að fordæma morð og afhöfðun ungabarna.

Stjórnarandstaðan hefur um tvennt að velja:

Styðja fjöldamorð og hryðjuverkasveitir íslamska kalífatsins sem telja gyðinga réttdræpa eins og rottur og að afmá beri Ísrael af landakortinu. Eða fordæma þá villimennsku, það botnlausa hatur og mannvonsku sem eina ferðina enn er að rísa upp gegn gyðingum.

Velur stjórnarandstaðan fyrrnefnda kostinn á þeim þingfundi sem hún fer fram á til að ræða málin, væri ekki úr vegi, að þingmenn hennar útskýrðu fyrir landsmönnum, hvað það er í framferði Hamas sem er svo viðkvæmt að ekki megi fordæma það.

Úr faðmi útrásarvíkinga í faðm glóbalista

Áður en Ólafur Ragnar Grímsson tók þá ákvörðun að neita að skrifa undir Icesavelög fyrstu „hreinu vinstri stjórnarinnar á Íslandi var hann staddur í slæmum gír. Sumir muna kannski eftir áramótaskaupi RÚV sem sýndi svallveislu á Bessastöðum þar sem húsráðandi gekk um meðal útrásarvíkinga sem voru í annarlegu ástandi og búið var að negla fjallkonuna fasta á vegginn. Eftir þessa niðurlægingu virtist sem ÓRG hugsaði sitt ráð og vildi bæta mannorðsskaðann með því að vinna fyrir þjóðina í staðinn. Sem og hann gerði ágætlega með vísun til stjórnarskrárinnar við þjóðaratkvæðagreiðslur um Icesave. Núna rúmum áratug síðar stendur ÓRG fyrir Artic Circle og Hringborði Norðursins í Hörpu og að hans sögn verður loftslagskreppan eitt helsta umræðuefnið.

Skiljanlega vill fyrrverandi forseti Íslands kæla niður þá stiknun jarðarbúa sem aðalritari Sameinuðu þjóðanna Guterres boðar. Kannski líta margir loftslagspostular heitari landa með öfundaraugum til norðurs þar sem ísjakar standa enn í vegi fyrir hlið helvítis. Guterres ásakar mannkyn um að hafa „opnað hlið helvítis” og að allir munu stikna á báli hamfarahlýnunar. Áður fyrr var hann varkárari í orðavali og sagði aðeins, að mannkynið væri „á hraðbrautinni til helvítis.” Í viðtali við einkaútvarpsstöð í gær sagði Ólafur, að fulltrúar Sameinuðu þjóðanna kæmu til Íslands núna til að ræða loftslagsmálin við hringborð norðursins. Þar með opnar hann dyrnar fyrir loftslagstrúboð með glæsilegri framtíðarsýn helvítis.

Með því að ganga í lið stærstu loddara mannkynssögunnar sem ljúga því upp á saklaust fólk, að koltvísýringur hafi áhrif á hitastig jarðar, þá má segja að ÓRG hafi endanlega tekið skrefið frá útrásarvíkingunum til glóbalistanna. Það verður áhugavert að fylgjast með áróðri glóbalista á þessari ráðstefnu í ár. Ekki er víst að það helvítishrun sem þeir boða mannkyni gefi ÓRG annað tækifæri til að bæta mannorðið eins og honum tókst eftir Icesafehrun útrásarvíkinganna íslensku. Til þess þyrfti hann vettvang hinnar nýju heimsstjórnar sem Sameinuðu þjóðirnar boða í náinni framtíð.

„Farin að hríslast um allt þjóðfélagið“