Framagjarnir stjórnmálamenn hafa aðeins eina eðlisávísun á krepputímum: að hrifsa til sín völd

Það er mun einfaldara að lesa tilkynningar Bandarísku ríkisstjórnarinnar um aðgerðir gegn veirufaraldrinum en þeirrar íslensku. Fyrirsögnin ofan segir sitt og er fengin úr tilkynningu Hvíta hússins um aðgerðir gegn veirufaraldrinum í Bandaríkjunum (útvarp Saga greindi frá).

Bandaríkjastjórn með rétt fólk á réttum stöðum missir nefnilega ekki sjón á hlutverki sínu að þjóna fólkinu. Stjórnmálamenn Repúblikana undir leiðsögn Donalds Trumps skilja að reglugerðafargan og samþjöppun valds leiðir til spillingar og erfiðari stöðu þeirra sem stjórnskipun landsins og ríkisstofnanir eiga að þjóna. Hvíta húsið segir að:

”framagjarnir stjórnmálamenn bæði í Washington og annars staðar í heiminum hafa aðeins eina eðlisávísun á krepputímum: að hrifsa til sín völd. Sem sjaldan gerist tímabundið og oftast ekki í neinum tengslum við ríkjandi ástand. Í staðinn stækka stjórnmálamenn báknið og auka á reglugerðafargan og halda því fram að stærri ríkisstjórn muni koma í veg fyrir næstu hættu. Hið gagnstæða gerist. 

Seig þunglamaleg viðbrögð á alþjóðavettvangi gerðu kórónufaraldurinn verri. Alþjóða heilsustofnunin WHO með 2,4 milljarða dollara árleg fjárlög undirbjó ekki heiminn fyrir kórónuveiruna – hún gerði lítið úr hættunni og hermdi eins og páfagaukur eftir útskýringum kínverska Kommúnistaflokksins um að veiran smitaðist ekki milli fólks.”

Það er rétt ályktað hjá fjármálaráðherra að halli ríkissjóðs verður meiri vegna óvæntra kommúnistaveiruútgjalda og tekjufalls af sömu ástæðum. En fjármálaráðherrann skortir bein í nefið til að minnka reglugerðarfarganið og fá báknið burt enda erfitt um vik undir pilsfaldi vinstri grænna sem vinna með utanríkisráðherranum fyrir kínverska kommúnista á Íslandi.

Íslendingar þurfa að fá rétt fólk á þing sem þorir að takast á við báknið og þar fer Sigmundur Davíð Gunnlaugsson í fararbroddi. Miðflokkurinn talar ekki bara, hann framkvæmir líka.  

Aðgerðapakki upp á 60 milljarða

Athugasemdir

[Helga Kristjánsdóttir, 22.4.2020 kl. 01:12]

Ólafur Ragnar forseti vissi hvað hann var að gera þegar hann fól Sigmundi Davíð að mynda ríkisstjórn eftir að vinstri stjórn Jóhönnu hélt í sér alveg í spreng þar til hún hafði slegið metið; Fyrsta vinstri-ríkisstjórn til að halda út heilt kjörtímabil.- - 

En Sigmundur fékk ekki frið til að ljúka leiðréttingaáformum sínum til handa íslenska ríkinu og þar með íslenskum almenningi.
Hann gasprar ekki "minn tími kemur" hann hefur miklu meiri áhuga á að rétta hlut okkar kristnu fjölhæfu þjóðar. Efla þess dáð og styrkja þess hag.Áfram Ísland!   

[Gústaf Adolf Skúlason, 22.4.2020 kl. 05:47]

Heyr, heyr.