Ríkisstjórnin mun breyta Alþingi í andhverfu sína fyrir orkupakka 3

Eftir nýjustu útspil í orkupakkamálinu er ljóst að ríkisstjórn Katrínar Jakobsdóttur að áeggjan og tilstuðlan fjármálaráðherra Bjarna Benediktssonar og utanríkisráðherra Guðlaugs Þórs Þórðarsonar mun leggja fram tillögu um breytingar á fundarsköpum Alþingis til að skerða málfrelsi þingmanna Miðflokksins, þannig að hægt verði að þvinga orkupakka 3 gegnum þingið. Forseti Alþingis Steingrímur J. Sigfússon mun halda í lýðræðisskerðingaröxina og afhöfða lýðræðið svo Miðflokksmenn fái ekki andmælt orkupakka 3.

Öll hafa þau Katrín, Steingrímur og Bjarni Ben. tilkynnt að málfrelsi Miðflokksmanna verði að stöðva á þingi, t.d. sagðist Bjarni Benediktsson formaður Sjálfstæðisflokksins í viðtali við RÚV vera mjög ósáttur við hvernig þingstörfin hafa þróast og að nauðsynlegt sé að endurskoða þingskaparlög eftir málþóf fyrr í sumar.

Nú safnast þau öll saman sem stóðu öndverð gegn þjóðinni í Icesave og taka næsta skref: Afnám lýðræðislegrar umræðu á Alþingi. Er það einmitt í anda Steingríms J. Sigfússonar sem verður harla glaður að fá hlutverk böðulsins og höggva niður lýðræðið.

Bjarni Benediktsson formaður Sjálfstæðisflokksins hefur lokað fyrir leið lýðræðisins innan Sjálfstæðisflokksins, Vinstri grænir og Framsóknarmenn gera allt fyrir valdastólana, þannig að auðvelt verður fyrir þetta þríeyki að eyðileggja Alþingi og breyta því í andhverfu sína og leggja stein í götu lýðræðisins í staðinn fyrir að þjóna því.

Orkupakki 3 er stórslys.
Látum það ekki henda!

Athugasemdir

[Jóhann Elíasson, 11.8.2019 kl. 22:23]

Ennþá trúi ég þeim Styrmi Gunnarssyni. Guðna Ágústsyni og Ragnari Önundarsyni, en þeir sögðu allir á útvarpi Sögu fyrir nokkrum mánuðum, að þeir tryðu því að sumarið yrði notað til að finna ÁSÆTTALEGA LEIÐ FYRIR ALLA ÚT ÚR orkupakka þrjú.  NÚVERANDI STJÓRNARFLOKKAR GÆTU EKKI FARIÐ Í ALÞINGISKOSNINGAR MEÐ ÞETTA MÁL Í FARTESKINU.  OG ALÞINGISKOSNINGAR YRÐU ÁÐUR EN KJÖRTÍMABILINU LÍKUR..........

[Gústaf Adolf Skúlason, 12.8.2019 kl. 01:19]

Vonandi hefur þú á réttu að standa Jóhann en eins gott að vera við öllu búinn af hendi fólks sem lýtur á stjórnmál sem persónuleg hlunnindi fyrir sig. Mig grunar að ákalli um skerðingu málfrelsis Miðflokksmanna verði beitt núna á "þingstubbnum" þegar ræða á orkupakka 3 og kjósa um málið. Ríkisstjórninni er að takast að gera orkupakkann að spurningu um með eða á móti ESB og ríkisstjórnin er öll á bandi ESB.

[Halldór Egill Guðnason, 12.8.2019 kl. 01:40]

 Tímasetning umræðunnar um breytt þingsköp ætti ekki að koma nokkrum hugsandi manni á óvart, en snertir greinilega ekki við einum einasta fjölmiðli. Alræðisstjórnin þolir ekki gagnrýni og því skal öllum mótbárum við málfutning þeirra sem allt vita best, kæfð með öllum tiltækum ráðum.

 Einhver mesti sóðakjaftur og ruddi sem vaðið hefur í ræðustól Alþingis Íslands, allt of lengi, situr nú sem Forseti Alþingis! Laug ekki bara einu sinni, heldur oft, lýgur enn og roðnar ekki eitt einasta sinn.

 Þistilfjarðarkúvendingurinn sjálfur. Munið þið daginn fyrir kosningarnar 2009 þegar hann barði í borðið í beinni útsendingu og sagði að ekki yrði sótt um aðild að esb? Síðan hefur þetta slím lekið meðfram pólitíkinni, fyrst undir hansleiðslu gránu gömlu, sem aldrei skildi efnahagsmál, en kunni aðeins að eyða peningum annara. Gerður fjármálaráðherra í hinni einu, fyrstu og undursamlegustu vinstri ríkisstjórn Íslands. 

 Fyrsta verkefnið var að sækja um aðild að esb og síðan var tekið til við að selja ofan af fólki eigur þess. ´´Skjaldborg heimilanna´´ var ýtt úr vör og markmiðið fyrst og fremst að verja hrægamma og fjármagnseigendur. Sósíalismi og samfélagsábyrgð Þistilfjarðarkúvendingsins hefði ekki getað byrst í tærari mynd. Enda fékk hann dúkkulísu til að taka við af sér fyrir næstu kosningar. Sú lísa hin sama og nú vinnur gegn allri gagnrýni, því það hentar svo djöfull illa, sem sakir standa. Gott ef ekki er beðið beðið einhvers dóms í Noregi um lögmæti þessarar innleiðingar þar.

 Þegar umræðan hentar ekki fyrrum fúkyrðaflaumi Þistilfjarðarkúvendingsins um allan fjandann, leggst hann á árarnar með þeim sem skerða vilja málfrelsi þingmanna, því það hentar svo djöfull vel, akkúrat núna.

 Það gæti jafnvel falið slóð hans sem fjármálaráðherra, gefandi greiða vinstri hægri en aftökur þar sem hentaði. Sjóvá? Sparisjóður Keflavíkur? .............BM Vallá.......

 Þegar leyndarskjöl Alþingis verða afhjúpuð, að einhverjum áratugum liðnum og bæði mér og Þistilfjarðarkúvendingnum dauðum, mun sorinn duga í uppgræðslu hálendisins.

 Góðar stundir, með kveðju að sunnan.

[Gústaf Adolf Skúlason, 12.8.2019 kl. 06:49]

Sæll Helgi gott innlegg hjá þér, þess vegna ætti tafarlaust að opna leyndarskjölin svo við fáum að vita sorann sem verið er að dylja og draga þau seku fyrir dóm. Forseti Alþingis hrökklaðist þá líklega úr stól sínum og gæti þá ekki unnið Alþingi meiri skaða en orðið er og er nóg um samt.

[Jón Valur Jensson, 12.8.2019 kl. 08:24]

HRIKALEGT!

En enga brýna nauðsyn ber að keyra málið strax í atkvæðagreiðslu á Alþingi 3. sept. nk. Það eru einmitt fullar röklegar ástæður til að fresta því a.m.k. fram yfir dómsuppkvaðningu í máli gegn norsku ríkisstjórninni, þar sem vefengd er heimild hennar til að samþykkja þriðja orkupakkann. Ennfremur þarf, áður en lengra er haldið á gönuhlaupi, að komast á hreint, hvort Brussel-bossar taki nokkurt mark á ÁTTA fyrirvörum sem norska Stórþingið setti við orkupakkann!

Frestið því málinu, þingmenn, fremur en að samþykkja þennan þjóðfjandsamlega orkupakka!

[Gústaf Adolf Skúlason, 12.8.2019 kl. 08:45]

Sæll Jón, hversu fjarstætt sem það kann að virðast er samt rétt að hafa vaðið fyrir neðan sig. Þjösnaskapur flokksforystu Sjálfstæðisflokksins í málinu er slíkur að við öllu má búast úr þeirri átt. Bjarni Benediktsson lætur í veðri vaka að þingheimur sé tilneyddur að samþykkja orkupakka 3 vegna forvinnu Sigmundar Davíðs Gunnlaugssonar. En ekkert ætti að vera auðveldara fyrir ríkisstjórnina en að gera það sem þú segir; fresta atkvæðagreiðslu um málið eða það sem flestir vilja: senda málið til baka í EES nefndina og krefjast undanþágu fyrir Ísland á sviði orkumála. 

[Jón Valur Jensson, 12.8.2019 kl. 12:12]

Sammála þér, félagi.

[Helga Kristjánsdóttir, 12.8.2019 kl. 20:48]

Slökkum á rafmagni Reykjavíkur þegar atkvæðagreiðslan fer fram!!!