Pakkapúkarnir: Special price for you my friend: "I will kill you for nothing"

Stjórnmálabransinn er orðinn að hreinræktuðum snákaolíusölumönnum og loddurum í þeirra stíl. Virðist sem arabíska vorið hafi borist til Íslands gegnum ESB og stjórnmálamenn bæði í ríkisstjórn og stjórnarandstöðu keppast við að bjóða þjóðinni einstaka vöru á tilboðskjörum: "Sérstakt verð vinur, bara fyrir þig. Ég skal kála þér ókeypis."

Óttarlega raunarlegt að sjá heimskuna upphafna til skýjanna á þennan hátt og að sjálfsögðu storkar þetta þjóðinni og allri heilbrigðri skynsemi. 

Eiginlega ætti að kalla stjórnmálamenn nútímans PAKKAPÚKA. Þeir djöflast með nýjum daglegum pakkatilboðum, bjóða pakka í nýjum umbúðum með nýjum slaufum en þjóðin á að borga fyrir jafnvel með lífi sínu. Kannski verður styttan af Jóni Sigurðssyni fjarlægð í framtíðinni og í staðinn sett stytta af stærsta Pakkapúkanum Össuri Skarphéðinssyni.

Ekkert er nýtt undir sólinni en sorglegt að sjá þessa hningnum á lýðræðinu á Íslandi sem sögulega hefur verið hluti af vöggu lýðræðis í okkar heimshluta. 

Núverandi ríkisstjórn gerir allt sem hún getur til að gera kosningafyrirkomulag, stjórnarskrá lýðveldisins, þingræðið og lýðræðið marklaust.

Íslenskir stjórnmálamenn - að Miðflokksmönnum undanskildum - haga sér eins og að Ísland sé þegar orðið hluti af ESB. Utanríkisráðherrann ber í þjóðina yfirlýsingar EES eins og að EES stjórni Íslandi. 

Að sjálfsögðu klappa ESB-sinnar fyrir hverjum skrípaleik sem er til að troða landinu inn í ESB. Popúlistum líður best í návist hvers annars í ormagryfju fáránleikans. 

Þar á þjóðin ekki heima.

 

Kúnstir að baki orkupakka

Athugasemdir

[Aztec, 11.4.2019 kl. 11:15]

Góð færsla hjá þér. Ekkert skafið utan af sannleikanum.

En það er staðreynd að Sjálfstæðisflokkurinn er ekki orðinn svipur hjá sjón síðan laumu-ESB-sinninn Bjarni Ben tók við flokknum. Nú keppast bæði Sjallarnir og Framsókn um að gera Kötu til geðs og það gera þeir með því að lauma orkupakkanum í gegnum þingið með aðstoð landráðaliðsins í stjórnarandstöðunni auk VG.

[Gústaf Adolf Skúlason, 11.4.2019 kl. 12:49]

Takk Aztec fyrir góðu orðin, já ekki lítur þetta vel út með þessu fólki sem er svo lítið umhugað um þjóðina að öllu má fórna fyrir stundarkikk hjá ESB.

[Jón Valur Jensson, 11.4.2019 kl. 18:27]

Takk fyrir hressilega ádrepu, Gústaf, ekki veitir af.

PS. Gott þetta um stærsta Pakkapúkann: Össur! Sá sveik nú aldeilis þjóðina.