Rannsóknir Koopmans: "Engu vestrænu ríki hefur heppnast að aðlaga múslími í samfélagið"

Skv. norska Document sýna rannsóknir hollenska prófessorsins Ruud Koopmans við Félagsvísindastofnun Humboldt Háskólans í Berlín að engu vestrænu ríki hefur tekist að aðlaga múslími að samfélaginu. Koopman hefur starfað við rannsóknir á aðlögun og innlimun múslíma í Evrópu og hefur komist að þessarri niðurstöðu. Íslam samrýmist ekki lýðræði og vestrænum samfélögum að mati Koopmans.

Danska Berlingske spyr prófessorinn hvort hann geti ekki samt sagt einhverja "sólskinssögu" en svarið er nei. Niðurstaða Koopmans er skýr, það er skilyrðislaust erfiðara að aðlaga múslími en aðra hópa innflytjenda á Vesturlöndum.

Þegar ár 2013 birti Koopman skýrslu sem sýnir að tveir þriðjuhlutar múslíma sem svöruðu spurningum sögðu að trúarlög væru æðri lögum þess ríkis sem þeir ættu heima í. Rannsóknin sýnir einnig að næstum 60% þáttakenda vilja ekki vera vinir samkynhneigðra og 45% hafa sömu afstöðu til Gyðinga. Þetta sýnir segir Koopman að afstaðan byggist á íslamískum fundamentalisma og mælir gegn fullyrðingum um að róttækur íslamismi sé einungis lítið vandamál í Evrópu.

Íslam er vandamálið

Með því að rannsaka öll 47 múslímsk ríki veraldar á grunni mannréttinda, félagsþróunar, efnahags og stjórnmála sá Koopman skýrt mynstur. Þetta eru ríki sem einangra sig frá umheiminum og eigi lítil samskipti við aðra utan við eigin trú. Niðurstaðan verður sú sama ef tekið er tillit til félagslegra þátta, t.d. er staða konunnar takmörkuð í samfélaginu og í mörgum dæmum tekur hún ekki þátt í atvinnulífinu. Há fæðingartíðni barna og lág menntun eru önnur einkenni. 

Trúin fylgir innflytjendunum og hverfur ekki með því að skipt sé um jörð undir fótum. Koopman sér þróun í Evrópu sem líkist sífellt meira því sem gildir um múslímsk ríki.

Koopman segir að bókstafstrú Kóransins hindri aðlögun múslíma í vestrænum ríkjum. Hann teygir sig svo langt að segja að bókstafstrúin ógni heimsfriðinum. Koopman telur að um 40-45% múslíma í Evrópu séu trúarlegir fundamentalistar. 

Athugasemdir

[Gunnar Rögnvaldsson, 6.3.2019 kl. 00:09]

Þakka þér kærlega fyrir þetta Gústaf.

Það mætti kannski umorða þetta með því að segja:

1. Engu þjóðfélagi hefur tekist að innlima annað þjóðfélag í sjálft sig án þess að drekkja sjálfu sér í leiðinni.

2. Ef til dæmis björgunarsveit ætlar vísvitandi að hefja björgunarleiðangur með því að drekkja sjálfri sér til þess að bjarga öðrum, sem vilja helst ekki láta bjarga sér, þá hættir hún samstundis að vera björgunarsveit og breytist í sjálfsmorðssveit.

3. "Samfélag" er ekki það sama og þjóðfélag. Umrædd "samfélög" innlimast einungis í samskonar "samfélög" í umræddum þjóðfélögum. Það þjóðfélag mun svo springa í loft upp eins og Sýrland, þar sem fjölbreytni verður banabiti þess þjóðfélags (á latínu þýðir orðið fjölbreytileki (e. diversity) veikleiki eða veiklun, sbr: steinsteypa sem molnar ef alls konar efnum er bætt út í hana, og hættir þar með að vera steinsteypa).

4. Það er þjóðin sem er og verður ávallt hin grunn-pólitíska-stofn-eining heimsins. Samfélög verða það aldrei. Aðeins þjóðfélög geta orðið pólitísk eining í veraldarhafinu (political unit). Það geta ættbálkar eða "samfélög" aldrei orðið. Þau breytast allaf í annað hvort ættbálka-stjórnleysi (tribal anarchism) eða heimsveldi (imperial-state).

Í þessum efnum (ríkismyndun eða state construction) er nóg að muna þrjú grísk orð:

1. DEMOS

2. TELOS

3. ETHOS

Kveðja

[Gústaf Adolf Skúlason, 6.3.2019 kl. 00:27]

Þakka þér sömuleiðis fyrir skilgreiningu á samfélagi og þjóðfélagi. Athyglisvert og engin mótrök gegn dæmi björgunarsveitarinnar sem breytist í sjálfsmorðssveit og er reyndar lýsing sem margir nota um afstöðu sænskra yfirvalda sem vernda "mannréttindi" íslamskra vígamanna og hleypa þeim eftir skarpa þjálfun í fjöldamorðum í Írak og Sýrlandi aftur inn í Svíþjóð...Þá er bara að sjá þegar þeir fara að praktísera þekkingu sína hér....