Næst síðasti blóðdropinn

Ástarsambandi Þríeykisins við íbúa Evrópusambandsins má líkja við blóðsugu sem verður að sjúga ástkonu sína reglulega án þess að murrka úr henni líftóruna. Ef hún deyr hverfur mikilvægur lífsbrunnur. Halda verður í henni lífinu en ekkert umfram það.

Þannig má líta á það, þegar fasistar Evrópusambandsins í bandi alþjóðlegu bankamafíunnar rúlla Grikkjum aftur og aftur  milli handa sér á meðan næst síðasti blóðdropinn er soginn á sem lengstum tíma svo hægt sé að njóta bragðsins að fullu. 

Á meðan gríska lýðræðið er lamað af eitri evrunnar verður þetta eina hlutskipti Grikkja. Gríska þjóðin getur sig hvergi hreyft með kjörnum embættismönnum sem hafa breyzt í blóðsuguþjóna með það eina verkefni að finna nýtt blóð til að reyna að svala endalausum blóðþorsta Brusselblóðsuganna.

Hér má sjá afrit af málamiðlatillögum grísku ríkisstjórnarinnar með góðum skammti af kosningasvikum yfirstrikuðum og "leiðréttum" með rauðum penna lánardrottnanna sem vilja enn meiri kosningasvik. Þessi skrípaleikur er og verður viðhafður svo lengi sem einhverjir eru eftir innan ESB, sem trúa því að glansmyndin tákni lýðræði. 

Þróunin er fyrir löngu komin fram hjá point of no return. 

Grikkir munu reisa sig. Spurningin er bara hversu mikið þeim þarf að blæða. Spurningin er líka, hvar Brusselblóðsugurnar slá niður næst, enginn er óhultur, hvorki Ítalía né Frakkland sprengfull af gómsætu blóði.

Á sama tíma og nýfasisminn sterkir krumlurnar er kraftur ESB-ríkjanna tæmdur á annann hátt þ.e.a.s. með stríðum straumi flóttamanna frá miðausturlöndum. Greinilega verður fólk að fara að átta sig á heimsstjórnmálunum, því sá ásetningur að knésetja alla Evrópu vex skýrar og skýrar fram með hverjum deginum sem líður. Munu engar rakvélablaðagirðingar halda flóttafólki frá Evrópu og þeir, sem vilja sjá vesturveldin líða undir lok hafa beinan hag af auknu stríði miðausturlanda. 

Pútín og Soros leika sér með fjöregg heimsins. Einungis germanskar Brusselblóðsugur standa slíkum drakúlum jafnfætis.

Á almennur söngur í upphafi alþingisfunda á Íslandi að stöðva þessa þróun?

AGS: Grikkir munu borga

Athugasemdir

[Jón Þórhallsson, 26.6.2015 kl. 15:24]

Er eitthvað skárra að hengja sig utan í og styrkja gula drekann með auknum viðskipta-samningum og njósna-bækistöð á Kárhóli? 

http://www.ruv.is/frett/kinverjar-auka-hernadarutgjold

[Gústaf Adolf Skúlason, 26.6.2015 kl. 17:01]

Sæll Jón, nei mér finnst ekki að Íslendingar eigi að "hengja sig í" stórveldi og sér í lagi ekki einræðisríki. Sem sjálfstætt ríki gerir landið þá viðskipta- og varnarsamstarfssamninga sem henta okkur litlu herlausu og friðelskandi þjóð. Kínverjar hafa breytt um hernaðarstefnu og byggja gerfirif með herstöðum í Kínahafi sem er almennur váboði á þessu svæði.