Draugur Sovétheimsveldisins endurvakinn av lúðrablæstri Pútíns

Hárrétt ákvörðun ríkisstjórnar Íslands að styðja þvingunaraðgerðir til stuðnings Úkraínu. Þær eru þó því miður alltof takmarkaðar til að geta stöðvað fyrirætlanir Pútíns um aukin landssvæði til handa Rússum. Eða eins og segir í Staksteinum Morgunblaðsins: "Þessi aðgerð er því tilfinnanleg, eins og við var að búast. Hún er sambærileg við að 3,5 kílóum af íslenskum embættismanni yrði bannað að fara til meginlands Evrópu á næstunni."

Nú berast fréttir af fyrstu byssukúlu dauðans, sem margir biðu eftir. Ekki af því að þeim langaði til þess, heldur vegna þess að kúlan var óhjákvæmileg. Hvort blóðbað á saklausum úkraínubúum fylgir í kjölfarið skal ósagt í skrifandi stund en útlitið er allt annað en glæsilegt. 

Vinur minn Anthony Miller, sagði við mig í símtali í síðustu viku: "Það nákvæmlega sama gerist núna og 1938, þegar Hitler fór inn í Tékkóslóvakíu. Heimurinn horfir á og gerir ekkert. Sagan endurtekur sig."

Pútín er búinn að draga niður járntjaldið að nýju. Hann er með nútíma her með nútíma vopnum. Og vesturveldin halda áfram að framleiða og afhenda honum hergögn, fyrsta af fjórum risaherskipum frá Frakklandi til Rússlands verður afhent eins og ekkert hafi gerst. Nýjar herflugvélar, sem borið geta kjarnaodda æfðu fyrir ári síðan árásir á skotmörk í Svíþjóð. Ný herstöð opnar nokkra kílómetra frá finnsku landamærunum. Og í Kalíngrad eru færanlegir vagnar með eldflaugum sem geta borið marga kjarnaodda og geta slegið út Norðurlönd og hálfa Evrópu á nokkrum tímum.

Eins gott að umheimurinn vakni. Fyrir úkraínsku hermennina, sem lokast hafa inni á Krím tifar klukkan síðustu mínúturnar. Þeim hefur verið sagt að þeir megi nota vopn sín í sjálfsvörn. Friðurinn er fallinn á tíma og Pútín fer til sögunnar sem einn af stærstu böðlum heims.

Biðjum fyrir vinum vorum í Úkraínu. 

 

Ísland styður þvingunaraðgerðir

Athugasemdir

[Jón Steinar Ragnarsson, 18.3.2014 kl. 23:21]

Þetta eru aldeilis makalaus skrif. Ég sem hef fram að þessu talið þig málenalegan og hugsandi mann. Hér kemur óþynnt áróðursholskeflan beint af Fox og Cnn "fair and balanced."

Ögrunin kom að vestan. Reyndu nú að setja þig inn í forsögu málsins. Skoðaðu landakort allavega, for crying out loud. Hvað átti Pútin að gera? Átti hann bara að snúa sér á hina með ESB og USA inni á gafli hjá sér?

Þú ert þó ekki hrifinn af fasistum og gyðingahöturum, sem hafa rænt þarna völdum í umboði og með hjálp Bandamanna.

Hann er aldeilis að brillera friðarverðlaunahafinn í hvíta húsinu. Nú vantar þá kalt stríð, endalaust strið. Terroristagrílan er hætt að virka. Þeir fengu ekki að fara inn í Sýrland. Nú skal finna önnur ráð fyrir hergagnaiðnaðinn.

Það var ekki Pútin sem ögraði hér. Ég hélt að þú værir búinn að sjá nóg af stríðum á fölskum og upplognum forsendum frá usa. Þau skipta orðið mörgum tugum undanfarna 6 áratugi. Það hefur kostað milljónir saklausra lífið. Bandaríkin eru Jóð sem er orðin fjárhagslega háð hernaði. Það er þeirra kjördóp. Það er þeirra vítahringur. Það verður þeirra fall að lokum.

[Gústaf Adolf Skúlason, 19.3.2014 kl. 05:43]

Jón, ég hef ekki fylgst með Fox og einungis lítillega með CNN. Upplýsingar og mat mitt byggi ég á upplýsingum sænskra fjölmiðla sem flest allir hafa eigin fréttamenn og ljósmyndara á staðnum. Sænska ríkissjónvarpið, TV4, Dagens Nyheter, Aftonbladet, Expressen, Sænska Dagblaðið m.fl. senda daglega fréttir og viðtöl frá Krím og Úkraínu, þar sem þau lýsa báðum hliðum.

Það er rangt, að fullyrða að ”ögrunin kom að vestan.”

Það er ekki Nato, USA eða ESB, sem hafa:

- hátt á annað hundrað þúsund manna herlið við landamæri Úkraínu, sem bíður eftir skipun um að ráðast inn í landið

- sent grímuklædda menn inn í Úkraínu til að hertaka opinberar byggingar og stofnanir

- sent borgaralega klædda rússneskt talandi menn til Úkraínu til að stofna til uppþota

- sent Rússa til að skrá sig á kjörskrá og greiða atvkæði í kolólöglegum kosningum

o.s.frv.

Það er áróður að halda því fram að ”fasistar og gyðingahatarar” hafi rænt völdum í Úkraínu ”í umboði og með hjálp Bandaríkjamanna”. Venjulegt fólk gerði uppreisn gegn stjórnmálaspillingu og vildi koma á lýðræði. Margir stjórnmálamenn flúðu þá landið og þeir sem voru eftir í þinginu leystu málin með bráðabirgðastjórn og dagsetningu komandi þing- og forsetakosninga á löglegan hátt. Kosningarnar á Krím brjóta í bága við 75.gr stjórnarskrár Úkraínu, þar sem segir að einungis kosningar í allri Úkraínu geti ákveðið (exclusiv) breytingar á landamærum ríkisins.

Ég er ekki að verja ásækni þríeykisins í eigin markaðshlutdeilds, fasista, nýnazista o.s.frv. heldur er ég að verja sjálfsákvörðunarrétt Úkraínuríkis sem fullvalda ríki til að ráða sínum málum sjálft. Það að vitna til sögunnar til að réttlæta árás Rússa og yfirtöku Krím er ómarktækt, því Krím er hluti Úkraínu og lögleg landamæri Úkraínu eru strendur Krímskagans, sem Rússar hafa hertekið núna. Rússar hafa með háttalagi sínu rofið frið í okkar heimshluta, sem byggist á þjóðarréttinum.

[Gústaf Adolf Skúlason, 19.3.2014 kl. 05:55]

Dæmi úr sænskum fjölmiðlum:

http://www.svt.se/nyheter/varlden/mord-pa-krimtatar-skylls-pa-putin

http://www.svt.se/nyheter/varlden/chatt-finns-det-risk-for-militar-upptrappning

http://www.dn.se/nyheter/varlden/expert-ett-krig-gar-inte-att-utesluta/

http://www.dn.se/nyheter/varlden/kritik-i-usa-obama-for-vek-mot-putin/

http://www.svd.se/nyheter/utrikes/svep-ukraina_3368854.svd?sidan=19

http://www.aftonbladet.se/nyheter/kolumnister/wolfganghansson/article18565819.ab

http://www.aftonbladet.se/ledare/ledarkronika/anderslindberg/article18567321.ab

http://www.aftonbladet.se/ledare/ledarkronika/karinpettersson/article18560499.ab

http://www.expressen.se/nyheter/en-ukrainsk-soldat-dodad-pa-krim/

http://www.expressen.se/kronikorer/mats-larsson/ett-forebud-om-vad-som-komma-skall/

http://www.tv4.se/nyhetsmorgon/klipp/därför-vägrar-putin-backa-om-krim-2579469

http://www.tv4.se/utvalda-nyhetsklipp/klipp/krimhalvöns-ryssifiering-har-redan-påbörjats-2579107

http://www.tv4.se/utvalda-nyhetsklipp/klipp/se-de-svulstiga-hyllningarna-till-president-putin-som-hämtade-ur-en-annan-tid-2579897

O.s.frv., o.s.frv., o.s.frv. Varla eru allir þessir sænsku miðlar útibú frá Fox?

[Jónatan Karlsson, 19.3.2014 kl. 17:25]

Ég tek heilshugar undir með athugasemd Jóns Steinars, þar sem hann lætur í ljósi vonbrigði sín yfir "staðfastri" einhliða afstöðu síðuhafa til þessarar augljósu sviðsetningar ESB og friðarverðlaunahafa sjálfs Nóbels.

Ég læt hér fylgja með myndbrot, sem Gústaf Adolf gæti bæði haft gagn og gaman af að sjá og er líklega ekki í boði hjá þeim Svíum - heyrist mér.

https://www.youtube.com/watch?feature=player_embedded&v=-HLpEbA0cf4