Seðlabanki Svíþjóðar undirbýr útgáfu rafkrónu

Nýlega birti sænski Seðlabankinn yfirlýsingu um að bankinn athugaði í fullri alvöru upptöku á rafrænni krónu í stað myntar og seðla. Tekur bankinn upp sænska krónu sem rafkrónu verður það í fyrsta skipti í heiminum sem slíkt verður gert af opinberum aðila.

Ekki er verið að ræða svindlpeninga eins og bitcoin heldur alvöru gjaldmiðil gefinn út af sænska ríkinu. Ekki er víst að allir einkabankar séu hrifnir af hugmyndinni, þótt þeir ýti sjálfir undir peningalaust samfélag með sífellt meiri kortanotkun. Seðlabankinn fyrirhugar nefnilega að opna reikninga í rafkrónum fyrir almenning og spyrna þannig á móti sífellt minni tryggingu fjármálafyrirtækja í minnkandi bindiskyldu við Seðlabankann. 

Margir aðilar í ferða- og hótelgeiranum taka einungis við kortagreiðslum í dag í Svíþjóð. Ef þú gleymir kortinu heima en ert með seðla á þér áttu samt á hættu að verða neitað t.d. um hádegismat á veitingastað eða kaffi á kaffihúsum. Svíþjóð er trúlega það land í heiminum sem notar minnst seðla og mynt í dag eða um 1% af efnahaginum. Í Evrópu er notkun myntar um 10%.

Bankarnir skapa peninga við útlán en eru háðir bindiskyldu við Seðlabankann. Sú kjölfesta hefur minnkað stöðugt undanfarin ár og vilja sum fjármálafyrirtæki afnema bindiskyldu með öllu. Það mun þó ekki stöðva banka sem eru í óreiðumálum að leita á náðir Seðlabankans. Seðlabankinn sér tilgang í viðhaldi fullveldi gjaldmiðilsins í höndum ríkisins sem tryggingu í fjármálakrísum og bregst því við með hugmyndinni um rafkrónu.

Í dag hafa bankarnir gert viðskiptavinum sínum erfitt fyrir að taka út peninga í seðlum. Hraðbönkum hefur fækkað og einungis hægt að taka út litlar upphæðir. Flest bankaútibú skylta með að þar sé enga seðla að fá. Rafkróna myndi auðvelda viðskiptavinum bankanna að taka út peninga sem aftur á móti yki þrýsting á bankana að tryggja viðskiptalega kjölfestu. Verður spennandi að fylgjast með framvindu málsins og hvenær rafkrónan verður sett í umferð.

Arftaki Jóhönnustjórnarinnar talsmaður vogunarsjóða – svíkur tugi milljarða af skattgreiðendum

Ræfildómur ríkisstjórnar Katrínar Jakobsdóttur hefur aðeins einn verri ræfildóm sem fyrirmynd í sögu íslenska lýðveldisins: Icesavestjórn Jóhönnu Sigurðardóttur. Sú hörmulega stjórn reyndi í þrígang að koma ólöglegum skuldaklafa á herðar Íslendinga. Undirlægjuhátturinn við menn, sem síðar voru dæmdir fyrir bankarán, átti sér engin takmörk og þurfti forsetinn að ræsa út þjóðina í tvígang til að koma í veg fyrir stórslys og hindra gjaldþrot landsins.

Eftir viðsnúning í varnarbaráttu við efnahagsglæpamenn vogunarsjóða kastar nú ríkisstjórn Katrínar Jakobsdóttur frá sér sameiginlegum árangri landsmanna og hleypir inn vogunarsjóðunum til að hrifsa til sín arðgreiðslur og fé úr banka sem ríkið átti að koma í veg fyrir með stöðuleikasamningum. 

Hafa ber í huga þann skell sem Kaupþing olli íslenska ríkinu með gjaldþroti sínu, að ónefndum öllum öðrum kröfuhöfum innanlands sem utanlands. Þannig fékk Seðlabanki Íslands aldrei meira en rúmlega 50% endurheimtur á neyðarláninu upp á 500 milljónir evra eða 84 milljarða ísl króna þegar Kaupþing fór á hausinn. Þar byrjar ógæfan fyrir skattgreiðendur Íslands með ríflega 40 milljarða útleggi í kistu bankaræningjanna.

Sá maður sem leiddi þessar ófarir fyrir hönd ríkisins, Steingrímur J. Sigfússon, notaði allan tímann í embætti fjármálaráðherra til að ræna skattgreiðendur Íslands fyrir hönd vogunarsjóða. Fékk hann að hita upp ráðherrastólinn í stjórn Jóhönnu Sigurðardóttur gegn loforði um að koma Íslandi í Evrópusambandið þvert gegn kosningaloforði við kjósendur. Átti að fara grísku leiðina fyrst allra landa á Íslandi og fegra ESB sem "bjargvætti Íslendinga" með ESB-inngöngu og lánum í einum lygapakka. Innihald pakkans var að hirða allt eigulegt af Íslendingum, fiskimiðin og orkuna og komast yfir ríkisfyrirtæki eins og t.d. Landsvirkjun í leiðinni. Þessi meistari svikulla stjórnmála hitar nú sæti forseta alþingis og smitar af sér fúnu innræti á innviði stofnunarinnar.

Það getur engan veginn verið gleðiganga fyrir Bjarna "Bravó" Benediktsson að axla skikkju fyrirennarans en hann hefur núna sýnt frambærilegan metnað í listinni að hlunnfara skattgreiðendur landsins svo vogunarsjóðsmenn geta allir hrópað Bravó. Útkoman úr dæminu með "breiðu, stöðugu ríkisstjórnina" er - sýnir sig nú, stöðugleiki fyrir bankaræningja og breiðari grundvöllur til að hlunnfara þjóðina, en þrenging vegar fyrir þjóðina að vinna í eigin málum. 

Efnislegt svar við spurningum um raunverulegt verðmæti Arion banka eru ekki orðin "innihaldslaust blaður". Slíkt slær gegn fjármálaráðherranum sjálfum og svikum hans við skattgreiðendur í þessu máli. Hann getur ekki svarað hverjar raunverulegar eignir Arion banka eru og hlunnfer skattgreiðendur með röngu, allt of lágu bókfærðu viðmiði sem ekki tekur tillit til eigna undirfélaga eins og Valitors og Stefnis eins og alþingismaðurinn Birgir Þórarinsson bendir á.

1. Ríkið tapaði yfir 40 milljörðum á láni til Kaupþings: - 40 milljarðar

2. Eftir að ríkið selur sinn hluta byrja Ari Jón á því að gleðja hluthafana með arðgreiðslum mögulega upp á 25 milljarða ísl. kr. Ríkið missir þar af 3 milljörðum: - 3 milljarðar.

3. Eftir að möguleikar ríkisins hafa verið eyðilagðir til að koma í veg fyrir svindl vogunarsjóðanna að selja "gullegg" bankans trúlega á annað hundrað milljarða króna tapa skattgreiðendur milli 15-20 milljörðum vegna sölunnar og sennilega öðru eins i glötuðum skattatekjum. Að viðbættum glötuðum hlut eigin fés bankans um 23 milljarða gerir þetta samtals á milli 50-60 milljarða kr -55 milljarðar.

4. Ef umframverð fæst yfir lægstu viðmiðun 0,8 og afkomusamningur nýtist yfir 150 milljarða sölu, þá gerir það um 21-22 milljarða kr. + 22 milljarðar. 

- 98 milljarðar + 22 milljarðar = -76 milljarðar sem vogunarsjóðir taka í stað þess að þeim sé skilað til ríkissjóðs.

Fjármálaráðherrann er í skóm Vinstri Grænna og notar samning hrunstjórnar Jóhönnu Sigurðardóttur við vogunarsjóðina. 

Líklegast fær Bjarni Benediktsson "Bravó" orðu vogunarsjóðanna sem þökk fyrir vel unnin störf. 

Segir þjónustu við vogunarsjóði í 1. sæti

Ríkið meðsekt við undirbúning á "skeljasölu" Arionbanka

Gagnrýni Miðflokksins og annarra á ríkisstjórnina á fyllilega rétt á sér. Spurningin er hvort sala ríkisins í núverandi mynd standist lög. Salan gerir hrægömmum kleyft að framkvæma þekktan gjörning, þegar þeir fá 100% möguleika á að komast yfir verðmæti bankans til að selja í hagnaðarskyni og skilja tóma skelina eftir.

Á sænsku kallast slík fyrirtæki "skalbolag" og að skapa möguleika á slíkum viðskiptum getur varla verið samkvæmt lögum. Lög gilda í Svíþjóð um viðurværi við að selja félög á undirverði í skyni að komast hjá skattgreiðslum við sölu félagsins. Á seinna stigi er fé eða eignir félagsins selt á hámarksvirði og skelin skilin eftir. 

Það sem gerir sölu ríkisins á Arion banka svo alvarlega, er að það er sjálft ríkið og kjörnir embættismenn sem standa að sölu á fyrsta stigi með því að selja bankann á verði sem engan veginn tekur yfir eignirnar sem í bankanum eru. Það er einnig alvarlegt í málinu að kaupendur verða ónafngreindir erlendir aðilar og ólíklegt að þeir greiði skatta af hagnaði við sölu innanmetis bankans, þegar þeir komast yfir verðmætin í bankanum.

Þess vegna er samningurinn sem fjármálaráðherrann básúnaði út á þingi sem "góðu fréttirnar" skot út í bláinn, því hann tekur ekki yfir sölu vogunarsjóðanna á verðmætum Arion banka eftir að ríkið hefur selt sinn hlut. 

Bjarni Benediktsson ætti nú að vita betur, sjálfur menntaður í verðbréfafræðum. Eða notar hann kannski þekkingu sína til að aðstoða skjólstæðinga sína í vogunarsjóðunum?

„Innihaldslaust blaður“

Miðflokkurinn leiðir peningastefnu Íslands sem sjálfstæðrar þjóðar

Enn á ný er sú staða uppi á teningnum í íslenskum stjórnmálum að ríkisstjórnin er á bandi fjármálaafla sem bera samskonar virðingu fyrir hagsmunum landsmanna og köttur fyrir mús.

Sami flokkur og leiddi Icesave árásir fjármálasvindlara vogunarsjóða og erlendra risabanka í samfylkingu Evrópusambandsins gegn Íslandi vermir sjálfan forsætisráðherrastólinn. Þegar skjólstæðingum var stungið í steininn var stjórnmálaarmurinn verðlaunaður með feitum embættum. 

Sá hluti stjórnmálamanna sem stóð á lýðræðislegum grundvelli og björguðu þjóðinni frá hruni voru ofsóttir og hraktir úr embættum.

Vesældómur forystu Sjálfstæðismanna í peningamálum er forkastanlegur og gerir illmögulegt að aðgreina flokkinn frá vogunarsjóðum og dæmdum fjárglæpamönnum. Engu er líkar en að Sjálfstæðisflokkurinn hafi ályktað að taka upp Samfylkingarstjörnu Jóhönnu Sigurðardóttur, sem glansaði mest í hámarki Icesavestríðsins. Þingmenn sjálfstæðismanna greiddu atkvæði með dragbítnum Icesave III sem flokkurinn þarf að gera upp við til að geta nálgast sjálfstæðan grundvöll peningamála.

Enginn tekur samt neyðarlögin frá Davíð og Geir sem björguðu landinu frá sömu skuldahlekkjum og keðjar Grikkland og önnur nútíma evruríki í dag. 

Miðflokkurinn er í peningamálum Sjálfstæðisflokkur nútímans. Þar standa menn staðfastir á grundvelli lýðræðis og neyðarlaga Íslands sem sjálfstæðrar þjóðar.

Nei - maðurinn Sigurður Ingi Jóhannsson breyttist í já-mann í þríeyki með Katrínu og Bjarna. Virðingin sem þríeykið segist vera að endurheimta fyrir stjórnmálamenn er í raun endurreisn glæpamannanna sem þjóðin barðist við í Icesave.

 

 

„Við erum að ræða almannahagsmuni“

Stærsta fjármálablaðran springur í ár eða á næsta ári

Fjárfestirinn Jim Rogers settist með framkvæmdastjóra Business Insider Henry Blodget í viðtalsþættinum ”The Bottom Line” og ræddu þeir efnahagsástandið. Ég læt fylgja með í lauslegri þýðingu það helsta sem fram kom í máli þeirra. 

Rogers: Ég lærði það snemma á fjárfestingarferli mínum að ég ætti ekki að fjárfesta í því sem mig langaði til. Betra er að fjárfesta í því sem er að gerast í heiminum. Annars væri ég gjaldþrota - algjörlega rúinn. Þetta heldur sem sé áfram. Sum hlutabréf í Bandaríkjunum eru komin í bólu. Blaðran er á leiðinni. Síðan springur hún og allir ættu að hafa miklar áhyggjur af því. En það er gott fyrir þig Henrý vegna þess að einhver verður að segja frá þessu. Þú færð vinnuöryggi. Þú ert heppin sál. 

Hvenær springur blaðran?

Seinna í ár eða næsta ár, skrifaðu það niður. 

Og hvað kemur þessu í gang?

Það er áhugavert að hlutirnir fara alltaf í gang á öðrum stað en við beinum sjónum að. Árið 2007 fór Ísland á hausinn. Fólk sagði ”Ísland”? Er það land? Eru þeir með markað? Síðan fór Írland á hausinn. Og Bear Sterns fór á hausinn. Og Lehman Brothers fóru á hausinn. Keðjan var þannig. Gerist alltaf á þeim stöðum sem við erum ekki með augun á.

Ég veit það ekki. Það gæti orðið lífeyrissjóðsáætlun Ameríku sem fer á hausinn, margir sjóðir eru gjaldþrota eins og þú veist. Það gæti orðið eitthvað land sem við höfum ekki augun á. það gæti orðið stríð - ólíklegt þó en eitthvað verður það…..

Hversu stórum skelli getum við búist við?

Þeim versta á ævinni. Það verður sá stærsti á minni ævi og ég er eldri en þú. Þetta verður grafalvarlegt mál. 

Við höfum haft efnahagsörðugleika í Bandaríkjunum, við getum notað Bandaríkin sem dæmi, á fjögurra til sjö ára millibili frá stofnun lýðveldisins. Jæja, það eru yfir 8 ár síðan síðast. Skuldastaðan þá var ekki neitt miðað við það sem er að gerast í dag.

2008 átti Kína heilmikið af peningum fyrir slæmu dagana. Svo fór að rigna. Þeir byrjuðu að eyða peningum. Núna eru Kínverjar líka skuldugir og er sú skuld miklu stærri. Veltureikningur Seðlabanka Bandaríkjanna hefur aukist allt að fimm sinnum frá 2008.

Þetta verður versti hvellurinn á ævi þinni - líka minni. Höfum því áhyggjur.

Getur einhver bjargað okkur?

Þeir munu reyna það. Það sem gerist er að vextir munu hækka eitthvað. Svo þegar ástandið verður orðið mjög slæmt þá hringir fólk og segir ”Þið verðið að bjarga mér. Vestræni heimurinn, hann er að hrynja”. Og Seðlabankinn sem búinn var til af stjórnmálamönnum og búrókrötum mun sega ”Klárt að við verðum að gera eitthvað”. Og þeir munu reyna en það mun ekki virka. Það mun orsaka einhverjar sveiflur en ekki virka í þetta sinn.

Við erum í þeirri stöðu að svo virðist vera mögulegt að hinn Vestræni heimur geti hrunið, þrátt fyrir að markaðir séu upp á við allan tímann. Oft þegar stórslys gerast í efnahagskerfinu, þá verður umrót í stjórnmálakerfinu. Hvað gerist í pólitíkinni ef þetta gerist?

Það er nú þess vegna sem ég flutti til Asíu. Börnin mín tala mandarísku vegna þess sem í vændum er. 

Ríkisstjórnir munu falla. Lönd munu einnig falla. Ísland féll síðast. Önnur lönd munu falla. Við fáum að sjá meira af slíku.

Stjórnmálaflokkar munu hverfa. Við munum sjá stofnanir sem hafa verið í gangi í langan tíma hverfa - Lehman Brothers voru meira en 150 ára þegar þeir hurfu. Varla til í minningu flestra. Við munum sjá miklu meira af slíku í næsta skipti, hvort svo sem um er ræða söfn, spítala, háskóla eða fjármálafyrirtæki.

 

Góður boðskapur forsætisráðherra Íslands

Orð forsætisráðherra eru öllum þörf. Þau taka saman reynslu Íslendinga af fjármálakreppunni 2008, þegar stærstu bankar landsins lögðust á hliðina. Kjarni málsins er - nákvæmlega eins og Bjarni Benediktsson segir í viðtali við Sky News, að græðgi leiðir til mistaka sem rangt er að skattgreiðendur greiði fyrir. 

Það vekur athygli langt út fyrir landssteinana, að Ísland með sérstakan saksóknara að vopni stakk bankasvindlurum í fangelsi. Ólafur Þór Hauksson lýsti því vel, að lögin gilda fyrir alla, háa sem lága.

Þessi íslenska stefna - að gera bankastjóra ábyrga gerða sinna - er að vinna sér hljóm út um heiminn. Og ekki vanþörf á, þegar litið er til allra þeirra byrða sem skattgreiðendur annars staðar hafa verið látnir taka á sig vegna óreiðuviðskipta fjárglæframanna. 

Ísland er brautryðjandi í mótun heilbrigðrar fjármálastefnu. Sífelldar fjármálakreppur benda til mikilla vankanta á kerfinu. Skýringin er ekki sú sem Sigurður Einarsson segir á hrokafullan hátt "Við brutum engin lög." Sagði Sigurður að lögum hafi verið breytt eftirá til að finna sökudólga til að friðþægja hefndarþrá landsmanna.

Miðað við þessi ummæli finnst manni fimm ár í fangelsi vera fimm sinnum of skammur tími fyrir þennan mann. Það er einmitt hér sem hnífurinn stendur í kúnni. Sigurður skilur eftir fleiri hundruða milljarða króna gat sem - ef hann hefði fengið að ráða - hefði verið velt yfir á herðar skattgreiðenda sem á engan hátt komu nálægt bankabrölti hans. 

Forsætisráðherrann mælir eins og góður víkingur, þegar hann segir að endurtekin mistök muni leiða til nýrrar fjármálakreppu. Vonandi mun landsfundur Sjálfstæðismanna taka einarða afstöðu með íslensku krónunni og móta heilbrigðari peningastefnu á grundvelli þessarar mikilvægu reynslu. 

Það verður önnur bankakreppa

Gríman fellur - ESB þvingar aðildarríkin að taka upp evruna fyrir 2025

Gögn hafa lekið út um áætlun ESB um framtíð evrusvæðisins. Evrópusambandið kastar grímunni og setur fulla ferð á alríkið. Þýzka blaðið FAZ Frankfurter Allgemeine Zeitung skrifar um það í dag að skv. áætluninni eigi öll 27 ríki ESB að hafa tekið upp evruna í síðasta lagi 2025. Þau lönd sem eru fyrir utan evruna eru Svíþjóð, Pólland, Tékkaland, Ungverjaland, Króatía, Rúmenía og Búlgaría. Danmörk er utanvið evruna en danska krónan er tengd evrunni.

Tillögurnar verða gerðar opinberar miðvikudaginn 31. maí. ESB vill koma á sameiginlegum fjárlögum með sköttum beint frá framkvæmdastjórninni á aðildarríkin. Á ESB-þingið að samþykkja fjárlög ESB til að sýna "lýðræðislegri stjórn peningamála" í stað funda fjármálaráðherra bak við luktar dyr.

Skv. FAZ grundvallast þessar upplýsingar á minnisblöðum og skýrslu frá fundi Pierre Moscovici og Dombrovksis frá framkvæmdastjórninni með fulltrúum ESB þingsins.

Svíar felldu evruna í atkvæðagreiðslu 2003 og síðan hafa sænskir stjórnmálamenn sagt að Svíþjóð standi fyrir utan evruna. ESB tekur ekkert mark á því. 

Áætlun ESB um fjárhagslegan samruna ríkja mun kollsteypa álfunni í illdeilur og ófrið.  Magdalena Andersson fjármálaráðherra Svíþjóðar sagði í sjónvarpsfréttum kvöldsins að það væri ekki "mál ESB að ákveða gjaldmiðil fyrir Svía. Það gerðu Svíar sjálfir og ef þeir vildu taka upp evruna yrði það gert í atkvæðagreiðslu". 

Ekki er að búast við að lönd Austur-Evrópu sem hafa langa sögu af kúgun kommúnismans leyfi fjármálakúgun ESB. 

"Friðurinn" er dauður.

4.a ríkið fæðist.

Ekkert samkomulag um afskriftir

Þúsund þorskar á reiðhjólum koma nær

Töluvert hefur verið rætt um mismunandi afstöðu til peningastefnu ríkisstjórnarinnar í ummælum fjármálaráðherrans Benedikts Jóhannesarsonar og forsætisráðherrans Bjarna Benediktssonar. Benedikt segir réttilega skv. stefnu Viðreisnar, stjórnarsáttmálanum og einnig skv. þingsályktun 42. landsfundar Sjálfstæðisflokksins, að verið sé að kanna við hvern gjaldmiðil binda eigi íslensku krónuna og finnst honum evran besti kosturinn. 

Í ákyktun 42. landsfundar Sjálfstæðisflokksins segir varðandi íslensku krónuna: 

"Kanna skal til þrautar upptöku myntar sem gjaldgeng er í alþjóðaviðskiptum í stað íslensku krónunnar og gefa landsmönnum og fyrirtækjum frelsi til að ákveða hvaða gjaldmiðill hentar þeim best." (Efnahags- og viðskiptanefnd/Landsfundarályktun 2015).

Hér er því haldið fram, að nauðsynlegt sé að taka upp annan gjaldmiðil í stað íslensku krónunnar. 

Í stjórnarsáttmála ríkisstjórnarflokkanna segir: 

"Forsendur peninga- og gjaldmiðilsstefnu Íslands verða endurmetnar,...Byggt verður á niðurstöðum skýrslu Seðlabanka Íslands frá árinu 2012 um valkosti Íslands í gjaldmiðils- og gengismálum." (Stjórnarsáttmálinn 2017/Gengis- og peningamál).

Hér er vísað í skýrslu Seðlabankans um upptöku evru og aðild Ísland að ESB en skýrslan var framleidd að ósk ríkisstjórnar Jóhönnu Sigurðardóttur sem liður í "kíkja í pakkann" lygaherferðinni: 

"Fjallað er ítarlega um ólíka valkosti Íslands í gjaldmiðils- og gengismálum svo sem upptöku evru með aðild að Evrópusambandinu og inngöngu í efnahags- og myntbandalag Evrópu, mismunandi möguleika á tengingu krónunnar við annan gjaldmiðil og upptöku á öðrum gjaldmiðli án formlegrar aðildar að myntsvæðinu. Niðurstaða samanburðar á kostum og göllum þessara valkosta er sú að ef á annað borð verði ákveðið að tengja gengi krónunnar öðrum gjaldmiðli eða taka upp annan gjaldmiðil sé tenging við eða upptaka evru augljósasti kosturinn (20. kafli)". (Evrópuvefurinn/Upplýsingaveita um Evrópusambandið og Evrópumál í lýsingu skýrslunnar).

Forsætisráðherra Íslands Bjarni Benediktsson er ómarktækur í yfirlýsingum um að íslenska krónan sé hér "til að vera." Ríkisstjórnin er að undirbúa kosningar um inngöngu Íslands í ESB og upptöku evrunnar í leiðinni.

Jón og Gunna völdu lýðveldi, fullveldi og lýðræði 1944 og höfnuðu alþjóðlegu alræðiskerfi Sósíaldemókrata og Kommúnista, Internationalen. Ætlar Sjálfstæðisflokkurinn að velja grundvöll þeirra síðarnefndu?

Eins og er leiðir Viðreisn stefnu Sjálfstæðisflokksins sem lögð var á 42. landsfundi flokksins. Þessi ríkisstjórn þarf því ekki á Sjálfstæðisflokknum að halda til að koma stefnu Sjálfstæðisflokksin í gegn. 

Íslendingar þurfa heldur ekki á Sjálfstæðisflokknum að halda, haldi flokkurinn áfram á þessarri braut.

 

„Þurfa gengisfestingu eins og þorskur þarf hjól“

Dýr er Sigurður allur - 21 milljarður króna

Special price for you my friend - I will kill you for nothing. 

Þannig hljómar tilboðið. En ekki einu sinni ISIS getur boðið slíkt. Allt kostar. 

Það sem er dýrast fyrir þjóðina eru svik Sigurðar Inga Jóhannessonar og skyndismalaðs rútuliðs hans til að bola Sigmundi Davíð Gunnlaugssyni úr formannsstól Framsóknarflokksins. 

„Sá sem hefði fengið 100 millj­ón evr­ur með því að taka þátt í útboðinu fær nú rúm­lega 138 millj­ón evr­ur. Það er hægt að kaupa marg­ar aug­lýs­ing­ar og ráða marga PR-menn fyr­ir slík­an mun" skrifar Sigmundur Davíð Gunnlaugsson og óhætt að taka undir þau orð hans. Fyrst komu auglýsingar og PR menn. Síðan Panama-stórskotaliðið.

„Þeir sem ákváðu að spila ekki eft­ir regl­un­um bættu í raun stöðu sína. Af út­reikn­ing­um mín­um í fljótu bragði sýn­ist mér þess­ir sjóðir hafa hagn­ast um 21 millj­arð á því að bíða, með því að taka ekki þátt í útboðinu í júní,“ seg­ir Sig­urður Hannesson framkvæmdastjóri Kviku. 

„Veðmál vog­un­ar­sjóðanna gekk upp. Það hefði verið hægt að stíga þetta skref í dag án þess að semja við þá en með því er í raun verið að setja vog­un­ar­sjóðina í fyrsta sæti,“ seg­ir Sig­urður.

Viðreisn verðlaunar fjármálaskúrka með aðstoð Sjálfstæðisflokksins og setur þjóðina aftast á vagninn. Slíkt hefði ekki gerst, ef Sigmundur Davíð Gunnlaugsson hefði setið þau fjögur ár sem þjóðin kaus hann til að gera.

Stóra Íslandsránið - Hlustum á boðskap Péturs Einarssonar

Það hefur verið sér í lagi athyglisvert að sjá og heyra viðtal Björns Bjarnasonar fyrrv. dómsmálaráðherra við Pétur Einarsson höfund kvikmyndarinnar Ránsfengur, sem mér skilst að verði sýnd í sjónvarpinu í dag. Pétur Einarsson var starfandi bankamaður fyrir og eftir hrun og nýtir þá starfsreynslu og þekkingu sína við gerð kvikmyndarinnar. Fram kemur í viðtalinu, sem ekki ætti að koma á óvart, að fjármálahrunið á Íslandi sé hið stærsta í heimi hjá einu ríki miðað við stærð landsins. Hann lýsir ástandinu á þann veg, að bankarnir hafi haft veð í öllum húseignum, fyrirtækjum og öllum atvinnutækjum og að vogunarsjóðirnir hafi komist yfir allt þetta:

"Þegar þú eignast bankana, þá áttu landið."

Björn Bjarnason nefnir tölu sem hann hefur heyrt, að vogunarsjóðirnir hafi komist yfir bankana fyrir 6% af virði þeirra. Upphæðin sem þeir höfðu upp úr krafsinu sé allt að 2 500 milljörðum kr. Pétur Einarsson lýsir vogunarsjóðum á þann veg, að þeir séu "svarthol sem veiti engar upplýsingar um hverjir fjárfesti í þeim, hverjir eigi þá og meira að segja hverjir starfi í þeim." Þarf lykilorð til að komast inn á heimasíður þeirra.

Pétur bendir á að um 97% af starfsemi bankanna fer i viðskipti innan fjármálakerfisins í aðra hluti en varðar venjulega borgara og fyrirtækjarekendur: "Fjármálakerfið er fyrst og fremst að starfa fyrir sjálft sig. Þeir sem hagnast á því eru fyrst og fremst starfsmenn og eigendur fjármálafyrirtækja." Bendir hann á USA sem dæmi um aðskilnað fjárfestingahlutans frá daglegum viðskiptum bankanna.

Höfundur Reykjavíkurbréfs Morgunblaðsins skrifar í Reykjavíkurbréfi 8.janúar að í Rannsóknarskýrslu Alþingis kemur fram "að einn innlendur aðili, Seðlabanki Íslands, leitaðist við að gera réttum stjórnvöldum grein fyrir því í hvað stefndi." 

Allir vita, hvaða ofsóknum ríkisstjórn Jóhönnu Sigurðardóttur beitti þáverandi seðlabankastjóra Davíð Oddssyni og hrakti hann úr starfi. Manninum sem þjóðin á einna mest að þakka sigurinn í Icesavebaráttu sinni gegn bankaræningjunum. 

Í Reykjavíkurbréfinu er haft eftir Pétri Einarssyni: "Þannig að það er annað líka í þessu sem ég er svona að benda á, er það að til þess að eiga banka, þá þarftu að vera viðurkenndur af Fjámálaeftirlitinu. Og við gerum strax eftir hrun stærstu undanþágu sem er hægt að gera varðandi fjármálakerfið, það er það að vita ekki almennilega hverjir eiga bankana. Og það er fyrir mér líka gríðarleg mistök og ég er bara alls ekki sáttur við sem Íslendingur og sem fyrrverandi bankamaður. Vegna þess að það eru ákveðnar reglur sem eru hér og alls staðar í heiminum, varðandi eignarhald á bönkum og við eigum auðvitað að fylgja þeim."

Þetta er kjarni málsins. Það er ömurleg staðreynd stjórnmálanna, að maðurinn sem gerði þetta stærsta Íslandsrán mögulegt með leynisamningi fyrir hönd ríkisins er nú forseti Alþingis.

Ekki verður hjá því komist að rífa allan þennan óþverra upp og draga fram í dagsljósið þá leynisamninga sem Steingrímur J. Sigfússon og ríkisstjórn Jóhönnu Sigurðardóttir gerðu við vogunarsjóðina og sækja þau til ábyrgðar fyrir víðtæk lögbrot. Hið þjóðlega sár getur fyrst endanlega gróið, þegar búið verður að lyfta af leyndinni yfir þessum málum.

Séð í þessu samhengi er það gagnslaust að vera að eyða orðum á að gagnrýna Bjarna Benediktsson fyrir að koma of seint með skýrslu um aflandsfélög. Sannleikurinn er sá að sú skýrsla er margfalt þýðingarmeiri og betri grundvöllur fyrir þjóðina til að vinna að þeim málum en  Panamaskjöl RÚV. Þau voru köld kveðja frá eigendum vogunarsjóðanna til Íslendinga til að sýna hverjir það eru sem ráða ferðinni, þegar lýðræðislega kjörin ríkisstjórn var hrakin frá völdum og heilu ári stolið af kjósendum.

Höfundur Reykjavíkurbréfs lýkur bréfi sínu á spurningunni af hverju ekki sé skilið á milli viðskiptastarfsemi bankanna og fjárfestingarstarfsemi bankanna. Undir þá spurningu er sjálfsagt að taka. 

Jafnframt að framfylgja tafarlaust reglum um fjármálafélög, að engin viðskipti verði gerð við neinn sem heldur starfsemi sinni leyndri eins og vogunarsjóðirnir. Banna á og gera útlæg öll slík viðskipti.

 

„Ég vísa því algjörlega á bug“