Ekkifrétt: 2 drepnir, 5 særðir í 4 skotárásum í 4 borgum í Svíþjóð á 12 tímum 18. ágúst 2017

Vörumerki öfgaíslamista hækkar stöðugt í verði á hryðjuverkamarkaðinum. Blóðbað í boði Evrópusambandsins. Veizlumatur á borði glóbalista á kostnað almennings í Evrópu.

Afrakstur fimmtudags: 14 lík og 130 manns særðir í ÍSIS-blóðbaði í Barcelóna.
Afrakstur föstudags: 2 lík og 8 særðir í "Alla-er stærstur" árás í Finnlandi. Ekkifréttin sem trúlega fáir vita um á Íslandi en gerðist samdægurs: 2 lík og 5 særðir í 4 skotárásum í 4 borgum í Svíþjóð.

Ég hafði varla lokið við síðasta stríðsfréttabloggið frá Svíþjóð fyrr en skotárás var gerð í Vallentuna norðaustur af Stokkhólmi. S.l. þriðjudag voru 5 skotárásir sama sólarhringinn í Svíþjóð. Einn drepinn í skotárás í Östberga suður af Stokkhólmi og annar særður og er á sjúkrahúsi. Lögreglan kölluð út til að verja starfsfólk sjúkrahússins vegna árásar 40 manna hóps á sjúkrahúsið. Skotárásir í Linköping, Eskilstuna og Skarpnäck suður af Stokkhólmi. Lögreglan kölluð til að stöðva barsmíðar og slagsmál við félagsmálastofnun í Hultsfred. 

Svo kom miðvikudagur með réttarhöldum yfir 50 ára gömlum manni sem drap annan mann með skærum sem hann stakk mörgum sinnum í háls hins myrta. Hinn myrti elskaði dætur sínar tvær og neitaði að myrða þær vegna lauslætis þeirra að taka í hendur stráka á sama aldri. Skotárás í Helsingborg, einn særður á sjúkrahús. Skotárás í Stokkhólmi í íbúðarhverfi. Lögreglan kölluð til að stöðvar bardaga tveggja hópa í Ängelholm. 

Fimmtudagur: mannskæð ÍSIS árás í Barcelóna.
Föstudagur: "Allah er stærstur" árás í Turku Finnlandi.
Að neðan: Ekkifrétt föstudagsins frá Svíþjóð. Líkveizlan heldur áfram. Over and out.

 

 

 

 

 

Undirbúa fleiri árásir í Evrópu

"Góðu" fréttirnar frá Svíþjóð

Ég sagði við Markús Þórhallsson á Morgunvaktinni Útvarpi Sögu, að ég væri að gugna á því að segja fréttir frá daglegu vaxandi ofbeldi í Svíþjóð. Þótt ég segði aðeins frá því helsta sem kæmi upp á yfirborðið (sem er langt í frá tæmandi), þá leið mér eins og í sakamálaþætti skotárása, sprengjuárása, nauðgana, hnífabardaga, uppþota, barsmíða og alls kyns ofbeldis. 

Við Markús gerðum þá með okkur samkomulag um að ég tæki smá frí frá sænskum sakamálafrásögnum en samtímis skráði ég slíkt á blað og hér er afraksturinn:

3. ágúst

• Vöruhús IKEA í Kalmar útrýmt eftir slagsmál. Einn mannanna vara með þvílík læti að starfsmenn ákváðu að láta útrýma vöruhúsið. Lögreglan handtók manninn.
• A.m.k þrír sænskir hryðjuverkamenn hjá ISIS handteknir í Sýrlandi.
• Maður á tvítugsaldri skotinn með fleiri skotum í vestra Stokkhólmi á Helsingforsgatan i Husby Akalla. Ekki lífshættulega særður. (Daginn áður maður skotinn með fleiri skotum sem geiguðu í Husby. Hann hafði áður orðið fyrir barsmíðum og tennur eyðilagðar). 
• Sjónvarpið sýnir myndir af marókkönskum ungum strákum sem drífa heimilslausir um götur Stokkhólmsborgar. Þeir ræna og rupla, nota hnífa við rán, eru niður í 9 ára gamlir og sniffa thinner. Þeir eru handteknir og afhendir félagsyfirvöldum sem sleppa þeim lausum jafnóðum aftur. Fara þá inn í miðbæ Stokkhólms og ræna enn fleiri. 
• Grein i Fria Tider um að notkun handsprengja við glæpi hafi sjöfaldast í Svíþjóð.
• Kristur sýndur sem kynskiptingur á Gleðivikunni í Stokkhólmi. Elisabeth Ohlson Wallin listakonan á bak við kynskiptan Jesús segist aldrei munu sýna Múhammed á sama hátt. 
• Gróft rán í S-Stokkhólmi Huddinge matvörubúð rænd af grímuklæddum manni vopnuðum byssu. Tók með sér peninga og hvarf í stolnum bíl.
• Fyrir helgina hefur lögreglan í Stokkhólmi sent út bréf til starfsmanna í sumarleyfum og sagt að lögreglan geti ekki gegnt skyldum sínu og það bráðvanti menn í þjónustu. Vilja yfirmenn að starfsmenn hætti í sumarfríum og komi til starfa svo lögreglan þurfi ekki að beita þvingandi skylduákvæði sem neyðir menn til að koma á vaktina.
• Götubörn frá Marókkó hafi farið frá Gautaborg og herja núna í Stokkhólmi.
• Kveikt í iðnaðarbyggingu í Mölndal sem m.a. inniheldur lager fyrir lögregluna. 
• Þrír bílar brunnu í Landskrona.
• Bíll sprengdur í Söderkulla Malmö.
• 18 ára drengur hnífstunginn í slagsmálum milli tveggja unglingahópa. 
• Konu nauðgað á götu úti í Malmö. Henni var misþyrmt og rænt og síðan nauðgað.  

4 ágúst

• Malmö  tveir starfsmenn særðir eftir hádegið er ráðist var á líbanska matvöruverslun í Malmö. Voru mennirnir skotnir við vopnað rán og er annar mannanna alvarlega særður. 
• Lík tveggja manna fundust í íbúð í Alby s-Stokkhólmi í morgun. Lögreglan verst allra frétta á meðan verið er að rannsaka málið en segir að um morð sé að ræða. 
• Kona á sextugsaldri rænd í húsi sínu í Norrköping. Tveir grímuklæddir menn á ferð.
• Lögreglan handtók mann vegna skotárásar á 16 ára pilt á unglingaheimili Tyresjö (suður fyrir Stokkhólm) s.l. laugardag. Var pilturinn skotinn fleiri skotum og gert að sárum hans um nóttina og hann lifði af árásina. Lögreglan telur að hún hafi náð í skotmanninn. 
• ”Ég hef sprengju í pokanum. Í dag munum við öll deyja”. Þessa hótun hrópaði karlmaður um borð í lestinni milli Borlänge og Gävle. Hótaði að sprengja lestina og farþegana í loft upp. Lenal-Mie Bernkert ein farþeganna tókst að senda sms til dótturinnar sem hringdi á lögregluna sem kom um borð í Sandviken. Lögreglan fann enga sprengju á manninum og sögðu honum að vera rólegur. Síðan fór lögreglan af lestinni á næstu stöð. Núna hefur lögreglan verið kærð fyrir að hafa ekki handtekið manninn. 
• Skógarbirni tókst að komast út fyrir girðingu á Rándýragarðinum í Orsa. Réðst á 18 ára starfsmann Róbert og beit hann til bana. Fjölskylda með börn urðu vitni að atburðinum og voru í áfalli. Björninn var drepinn samdægurs. Talið er að Róbert hafi komið í veg fyrir að björninn réðst á fjölskylduna en galt fyrir það með lífi sínu. Björninn hafði grafið holu undir sterka girðingu og þannig komist inn á svæði áhorfenda. 

5. ágúst

• Blóðugur hnífstunginn maður fannst i Hegersten í suður Stokkhólmi
• Dæmt í grófu nauðgunarmáli tveggja drengja sem hótuðu að rota 16 stúlku með járnröri á meðan þeir nauðguðu henni. Hótuðu að drepa hana ef hún segði lögreglunni frá athæfinu. Voru dæmdir í 8 og 10 mánaða lokaða gæslu á unglingahæli og 165 þúsund sek sekt. 
• Búist við að 32 þúsund flóttamönnum sem neitað hefur verið um landvistarleyfi í Svíþjóð kæri ákvörðunina.
• Þegar lögreglan reyndi að stöðva hnífabardaga 4-5 manns í Skarpneck i S-Stokkhólmi mynduðu 20 manns hring í kringum lögregluna. Lögreglan kallaði þá eftir liðsauka og kom deild með sérþjálfaða hunda gegn uppþotum á staðinn. Einhverjir handteknir. 
• 8 af 10 stúlkum á menntaskólaaldri - 80% - finnst þær vera ótryggar utandyra í Uppsala skv nýrri rannsókn. Uppsala Nya Tidning greinir frá þessu. Daniel Larsson hjá lögreglunni í Uppsala  segist hafa bannað táningadætrum sínum að vera úti á kvöldin og segir að dætur hans hafi lent í hópum innflytjendastráka. ”Þeir eru mjög ágengir í samskiptum við stúlkur, glápa á þær, flauta á þær og dætur mínar hafa hringt og spurt hvað þær geti gert þegar þær hafa verið eltar.” Sten Wikmark á þrjár dætur og hann segir að dætur hans séu eltar af strákahópum og ”í eitt sinn elti einn hópurinn eina dóttir mína og strákarnir reyndu að halda henni fastri en henni tókst að flýja inn á veitingahús á staðnum”. Árið 2013 sögðust 45% stúlkna á menntaskólaaldri í Uppsala að þeim fyndist þær vera tryggar í Uppsala en fimm árum síðar eru aðeins 19% tryggar. 
• Æskulýðsdeild nazista Nordisk Ungdom réðust á gleðigöngu hinsegins fólks í Stokkhólmi laugardaginn 5. ágúst. Kom til átaka við lögreglu sem beitti ofbeldi til að verja gleðigönguna. Nazistarnir héldu borða með textanum ”björgum börnunum” og hrópuðu ”Verndum börnin frá úrkynjunarhátíðinni”. Lögreglan handtók nokkra þeirra.
• Maður rændur á strætóstöð í Staffanstorp. Þrír menn réðust á hann og stálu af honum bílasíma og misþyrmdu honum. Lögreglan hefur ekki handtekið neinn. Eina lýsing ræningjanna er að þeir eru svarthærðir.
• Kona fannst myrt á bóndabýli fyrir utan Enköping. Lögreglan hefur handtekið mann grunaðan um morðið. Morðið hefur vakið óhug og hræðslu á svæðinu.
• Maður á tvítugsaldri skotinn í Jordbro fyrir sunnan Stokkhólm. Alvarlega særður og er á sjúkrahúsi. Skotárásin utandyra í íbúðarhverfi. Vitni segir manninn hafa verið skotinn mörgum skotum í maga, hendur og fætur. Enginn handtekinn. Lögreglan segist ekkert geta gert.

6. ágúst

• 83 lögreglustöðvar í Svíþjóð eru lokaðar í sumar. Lögreglan svarar varla lengur köllum vegna búðarþjófnaðis, jafnvel þótt búðareigandinn haldi þjófnum. Magnus Jansson eigandi íþróttavöruverslunar í Seffle hefur gefist upp á því að tilkynna þjófnaði til lögreglunnar. Hann gafst upp þegar að einn þjófurinn skallaði hann í andlitið og braut á honum nefið og enga lögregluvernd var að fá. 
• Maður fannst myrtur í íbúð í Hudiksvall.
• Þriðja hver kona sem myrt er í Svíþjóð er heiðursmorð skv. opinberum upplýsingum. En vandamálið er stórt og ekki kemst upp um öll heiðursmorð. Talið er að nokkur hundruð þúsund manns í Svíþjóð lifi í s.k. heiðursmenningu. Yfirvöld eru gagnrýnd fyrir að rannsaka ekki og halda upplýsingum til haga um morð tengd innflytjendum. Í fyrra voru 18 konur myrtar í Svíþjóð og a.m.k. sex morðanna tengjast heiðursmorðum. 
• Konu nauðgað á opinni götu kl 03.00  í Helsingjaborg. Lögreglan veðjar til vegfarenda að gefa sig fram ef þeir hafa séð eitthvað. 
• Nokkur hundruð s.k. ”fylgdarlausra barna” fóru í setumótmæli í Stokkhólmi sunnudag og kröfðust að engum yrði vísað úr landi til Afghanistan en mörgum þeirra hefur verið neitað um landvistarleyfi. Mikið grín á félagsmiðlum um aldur ”barnanna” - m.a. birti sænska útvarpið mynd á heimasíðu sinni og segir að hún sýni börn á aldrinum 13-17 ára. Flestum sýnist þó um fullorðið fólk að ræða á bilinu 25-40 ára, margir skeggjaðir karlmenn og hrukkótt andlit á myndinni. Heilbrigðisyfirvöld  Svíþjóðar hafa lýst því yfir að a.m.k. 80 % s.k. fylgdaralausra "barna" eru í reynd fullorðnir eftir að lífrænn aldur þeirra var rannsakaður. 
• Innanríkisráðherra Svíþjóðar Morgan Johansson segir í viðtali við Sænska dagblaðið að ríkisstjórnin vilji ekki gera menn ríkislausa. Er þetta svar hans við tillögu lögreglustjórans Erik Nord í Gautaborg, um að afturkalla sænskt ríkisfang hryðjuverkamanna sem snúa aftur heim frá Sýrlandi. Sænska leynilögreglan veit um 3000 hryðjuverkamenn í Svíþjóð og telur 2000 þeirra vera sérlega hættulega.

7. ágúst

• 15 ára drengur rændur af þremur vopnuðum mönnum
• Auðkennum (nafnnúmer m.fl.) allt að 200 þúsund Svía stolið skv. nýrri SIFO könnun. af 4300 sem spurðir voru sögðu 2,8% að auðkennum þeirra hafi verið stolið sem er aukning frá 2,3% ár 2016.  
• Jonas Serneholt pólitískur ritari Umhverfisflokksins í Järfälla hættir störfum eftir að hafa kallað Sómali ”krabbamein” eftir hópnauðgun Sómala í Järfälla á konu á fertugsaldri í júlí sl. Hann hafur beðist velvirðingar á ummælunum og hætt öllum stjórnmálastörfum. 

8. ágúst

• Manni misþyrmt í Partille. Fluttur alvarlega særður á sjúkrahús.
• Lögreglan handtekur hnífamann í Gautaborg.
• Maður á níræðisaldri rændur við strætóstöð í Gautaborg um miðjan dag.
• Kona rænd við Liseberg.
• Maður hnífstunginn og færður á sjúkrahús ásamt árásarmanni í Bagarmossen, Stokkhólmi.

9. ágúst

• 50 bílar skemmdir af reyk eftir íkveikju í bílahúsi í Gautaborg. 
• Réttarhöld hefjast yfir fjórum fjölskyldumeðlimum í Vestur Svíþjóð sem reyndu að ræna og gifta burtu 17 ára dóttir í Söderhamn í byrjun júlí. Stúlkan hélt að hún væri að fara að hitta vin, þegar setið ver fyrir henni og henni rænt. 
• Kona rænd í Sofielund Malmö. Ráðist var að henni bakífrá og hún tekin hálstaki. 
• Ráðist á hóp sitjandi fylgdarlausra barna í setuverkfalli í Stokkhólmi í gær. 
• 18 ára drengur handtekinn fyrir morðtilræði og rán i Malmö fyrir fimm dögum síðan.
• Tveir menn handteknir Malmö fyrir að bera byssur á veitingastað.
• Slagsmál unglingahópa við neðanjarðarlestarstöð í S-Stokkhólmi
• Fimm grímuklæddir menn rændu heimili í Kristinehamn

10. ágúst

• Ráðist á stúlku á táningaaldri og henni nauðgað eftir að hún fór af strætó í Linköping um hálf tíuleytið um kvöldið.
• Særður maður fluttur á spítala í Stokkhólmi.
• Kveikt í bíl í bílahúsi í Malmö. Einn bíll gjörónýtur, 15 bílar reykskemmdir.
• Ráðist á mann og hann rændur í Luleå
• Manni misþyrmt í Kristinehamn

11. ágúst

• Hnífstunginn maður kemur særður í búð í Kalmar og biður um hjálp. Fluttur á sjúkrahús. 
• Tvö 11 ára börn rænd hjólum, úrum og veski í Haninge S-Stokkhólmi.
• Manni sem reyndi að stöðva tvo menn sem krotuðu á bíla misþyrmt.
• Rán á vörum flutningabíls, ræninginn hélt bílstjóranum á meðan þrír aðrir tæmdu bílinn.
• Fjórar konur ráðast á þá fimmtu, misþyrma með spörkum og barsmíðum, þar sem hún liggur á jörðinni. Konunni tókst að komast sjálf á nærliggjandi veitingastað. 

12. ágúst

• 15 ára stúlku nauðgað í Norrköping. Er í áfalli.
• 40 fótboltabullur handteknar vegna uppþots í Norrköping.
• Hnífaárás i Kiruna og einn særður.
• Margir menn reyndu að ræna mann á hjóli í Lund. 
• Mönnum misþyrmt Ystad og Gautaborg.
• Kona særð í hnífaárás Stokkhólmi. Er á sjúkrahúsi.
• Maður í eiturlyfjaástandi sveiflaði sverði við neðanjarðarlestarstöð í Fittja (S-Stokkhólmi)

13. ágúst

• Maður særður í hnífaárás í íbúð í Stokkhólmi.
• Tveir menn í lífshættu á sjúkrahúsi í Malmö eftir skotárás á samkomusal í Malmö. A.m.k. einn til særður. Vinti segja að öngþveiti hafi brotist út þegar fólk flúði úr salnum og út á götu. 70-100 manns á staðnum.
• Maður alvarlega særður á sjúkrahúsi í Uppsala eftir hnífaárás.
• Setumótmæli gegn útvísun flóttamanna til Afghanistan dreifast til annarra borga í Svíþjóð, Malmö.
• Skotinn maður fluttur særður á sjúkrahúsi í Halland, S-Svíþjóð
• Manni misþyrmt í Kalmar, er á sjúkrahúsi.
• Vopnað rán í Stokkhólmi. Sími og veski tekið af manni undir hnífshótun. 

Eftir þennan lestur má gleðjast yfir því, að Svíþjóð er enn Svíþjóð þótt myndin hafi breyst. Og þar sem enn er eftir af helginni, þá er sem sagt enn sá möguleiki að listinn geti jafnvel orðið lengri og þá er hægt að gleðjast yfir því að hann varð nú samt ekki lengri en raun ber vitni.

Þeir sem telja runann ofan vera ímyndaðan skáldskap er bent á heimasíðu sænsku lögreglunnar.

Svakamálavakt lokið að sinni. Over and out.

 

 

 

 

Lífshættulega særðir í Malmö

Ég elska Moggann - um ár og síð

"Veit ég þó varla, hvað veldur því" söng Shady Owens svo fallega hér um árið. Síðan púkkaði Stjórnin upp á lagið í trompaðri beat-útgáfu á stjórnlagaplötunni og kyrjað var að baki: "Má ég - á ég - þá kem ég". 

Hvað er það besta í heimi hér? 
Í dag er mitt svar: Reykjavíkurbréf Morgunblaðsins 11. ágúst 2017

Höfundur Reykjavíkurbréfsins gefur æðislegu bíti færustu rokkstjarna ekkert eftir nema síður sé. Bréfskerpa Morgunblaðsins skín eins og skær stjarna á nátthimni kolsvartrar stjórnmálalegrar ládeyðu víða um þessar mundir. Bendir höfundur á stjórnmáladeyðu stórs hóps stéttarinnar t.d. í USA sem sameinast í hatri á Donald Trump. Tekur bréfið á styrjaldarglamri nútímans samfara lýðræðishnignun Vesturlanda, sér í lagi Evrópusambandsríkja og fylgifiska þeirra. 

"Almenningur í Evrópu er að átta sig á að stjórnmálamennirnir þar eru að breytast í sýndarvaldhafa. Andlitsausir og ábyrgðarlausir búrókratar í Brussel og tengiliðir þeirra í leppráðuneytunum fara með öll völd.....Íslenska stjórnarráðið, rétt eins og það norska, er fyrir löngu gengið í Evrópusambandið..."

Lýðræðishnignun er í gangi: "Varla hefst nokkur maður lengur til að mæta á „pólitíska fundi“ enda sjást hinir raunverulegu valdhafar ekki þar og enginn á aðgang að þeim annars staðar. Og þá má ætla að það styttist hratt í að menn hætti að láta hafa sig í það að drattast á kjörstað, þar sem aðeins lágt settir upplýsingafulltrúar hinna raunverulegu valdhafa eru í framboði. Sumir reyndar með ráðherratitil, sem er kirsuberið á brandarakökunni." 

Óhætt er að taka undir þessi varnaðarorð bréfritara. Hið þúsund ára Alþingi okkar hefur af núverandi ríkisstjórn verið breytt í Cat Walk kirsuberjanna á brandarakökunni, þegar Björt Ólafsdóttir umhverfis- og auðlindaráðherra hélt þar tízkusýningu og varði sig með "læki" Dóms-Dags ráðsstjórnarstjóra Reykvíkinga. Með sama áframhaldi má búast við að heilbrigðisráðherrann nýti þingsali fyrir Red light kjólasýningu, fjármálaráðherrann komi í evrusundbol með myntfætur og forsætisráðherrann í skó af merkinu Silly Walks. 

Í nágrannaríkinu Svíþjóð hafa kirsuberin tekið málið skrefi lengra. Anders Borg fyrrum fjármálaráðherra og ein helsta leiðarstjarna hægri manna kynnti nýjan samkvæmisleik að viðstöddum 80 manns, fjölskyldum með börnum. Leikurinn, - ekki með öllu ókunnur en þá oftast í öðrum árgöngum, er að bera saman stærð ákveðins líkamshluta karlmanna til að sjá hver stærstur er. Anders var þó ekkert að spyrja viðstadda karlmenn hvort þeir vildu vera með og byrjaði á því að sýna sinn og "aðstoðaði" aðra við að sýna sína. Hann varði hegðunina með "lækum" heldri kirsuberja. Kannski munu íslensku berin sem allt apa eftir þeim sænsku flytja inn leikinn til Íslands. 

Bréfritari gerir stefnuleysi stjórnmálanna að umtalsefni á svipuðum nótum og annar góður pistlahöfundur og fyrrum ritsjóri Morgunblaðsins Styrmir Gunnarsson sem spyr: "Hvar hafa málsvarar einkaframtaksins verið undanfarin ár?" Talar Styrmir um "Hvunndagshetjur atvinnulífsins sem starfa utan sviðsljóss samtímans og oftar en ekki hefja atvinnurekstur með tvær hendur tómar". 

Sigmundur Davíð Gunnlaugsson skrifar á vefsíðu sinni um "hina undarlegu stefnufestu" þar sem hann lýsir þáttöku þeirra sem vilja færa fórnir og vinna fyrir fólkið í landinu í dag vera kallaðar öfgar. Allt er öfugsnúið og hnignun stjórnmálanna blasir við.

Samanteknar lýsingar þriggja góðra manna á stuldi á fjöreggjum þjóða og lýðræðis úr höndum fólksins. 

Fjöregg verða ekki endurheimt baráttulaust. Þar reynir á dug og karlmennsku. "Ef karlmaður ertu - kjarkleysi vil ég ekki!" sungu Hljómar. 

Það vantar karlmennsku í stjórnmálin.
Ef ekki munu vörumerkin helför og dauðinn taka völd. 

 

 

Trump íhugar hernað í Venesúela

Bandaríkjaþing vill stöðva sölu á rússnesku gasi til Evrópu. Nord Stream 2 í hættu.

Það er full ástæða að taka undir áhyggjur Bandaríkjaforseta Donald Trump um hættulega versnandi samskipti Bandaríkjamanna og Rússlands. Þetta eru tvö stærstu kjarnorkuveldi heims og ekkert grín ef snurða hleypur á þráðinn. 

Viðskiptaþvinganir Bandaríkjanna taka nú yfir orkugeirann og þýðir að mörg þýzk, frönsk og m.a. sænsk fyrirtæki munu missa af viðskiptum vegna Nord Stream 2 gasleiðslunnar sem Rússar ætla að leggja í Eystrarsalt frá St. Pétursborg til Þýzkalands. ESB segist "kanna" hvort viðskiptahagsmunir þess séu í húfi en stærst er andstaðan fyrir utan Rússland í Þýzkalandi og Frakklandi. Þýzkaland verður með Nord Stream 2 naf gasdreifingar fyrir Rússa í Evrópu. 

Á heimasíðu Nord Stream 2 segir að leiðslan muni geta séð 26 milljónum heimila í Evrópu fyrir nauðsynlegri gasorku. Í fyrra sumar kom Joe Biden þáverandi varaforseti Bandaríkjanna í heimsókn til Svíþjóðar og reyndi að fá sænsk stjórnvöld til að hindra lögn Nord Stream 2 með því að banna Rússum aðstöðu í sænskum höfnum. Samtímis bauð hann bandarískt gas til allra sem þyrftu. Sænsk stjórnvöld gátu ekki orðið við beiðni varaforsetans, þau vildu ekki brjóta alþjóðleg lög og þegar gerða viðskiptasamninga. Sveitarfélög í Svíþjóð vildu heldur ekki verða af leigutekjum húsnæðis og hafnaraðstöðu. Núna skrifar Helsingin Sanomat að fyrsta gassending Bandaríkjanna til Póllands hafi komið í sumar og að gas muni verða afhent Litauen seinna í ágúst. Ljóst er að um gríðarlega viðskiptahagsmuni fyrir Bandaríkjamenn er að ræða sem stefna á að verða þriðji stærsti söluaðili fljótandi náttúrugas LNG við hlið Rússlands og Noregs í síðasta lagi ár 2020.

Bandaríkjamenn hafa með nýju lögunum sett viðskiptabann á allar fjárfestingar sem skapa möguleika á útflutningi rússneskrar orku. Sagt er að það sé vegna hertöku Rússa á Krímskaga en eftir tap Hillary Clinton í forsetakosningunum trúir stór hópur aðallega demókrata en einnig hluti repúblikana að ósigur Clinton sé árangur af árás Rússa á kosningatölvur Bandaríkjamanna. Getur þetta fólk með engu móti sætt sig við, að þeirra eigin landsmenn höfnuðu Clinton í kosningunum. Engar sannanir hafa komið fram um meinta innrás Rússa í kosningatölvur í Bandaríkjunum.

John McCain þingmaður sem hefur verið drífandi fyrir nýjar refsiaðgerðir Bandaríkjanna gegn Rússlandi skrifaði á Facebook, að aðgerðirnar séu "svar Bandaríkjamanna vegna tölvuárásar og  íhlutunar Rússa í forsetakosningum Bandaríkjanna 2016"

Hér er því um pólitískt-efnahagslegt valdatafl að ræða sem byggist á samstarfi keyptra stjórnmálamanna, fjármálajöfra og hermangara í Washington. Keyrt er yfir Bandaríkjaforseta og lýðræðisleg völd forsetans skert í Bandaríkjunum. 

Þetta er skelfileg þróun þar sem kjarnorkustríð milli stórveldanna er uppi á borðinu. Kínverjar og Rússar hafa þegar hafið sameiginlegar heræfingar og Nato hefur stóraukið nærveru við landamæri Rússa í Póllandi og fleirum stöðum. Í sjálfheldri stöðu skiptir litlu máli hvort verður á undan, að brjálæðingnum í Norður Kóreu takist að skjóta kjarnorkusprengjum á Bandaríkin eða að upp úr sjóði í öllum herlátum Nató og Rússa í austur Evrópu. 

Eins og svo oft áður skiptir líf fólks engu máli í baráttu ólígarka beggja vegna Atlantshafs um aukna markaðshlutdeild, tilgangurinn helgar meðalið. Geðbilunin er að taka áhættuna að lifa af kjarnorkustyrjöld.

Samband landanna „hættulega slæmt“

Ár 2020 verða 100 milljónir fátæklingar í ESB skv. velferðaráætlun sambandsins

Verðbólgumarkmiðin undir áætlun skrifar Seðlabanki ESB. Full ástæða til að fagna:

Húrra!

• 100 milljónir fátæklinga verða í ESB 2020!
• 27% barna í ESB búa á fátækum heimilum!
• ESB ætlar að koma með neyðarpakka til barna ESB til verndar gegn barnafátækt ESB!
• Meira en þriðjungur íbúanna í Búlgaríu, Rómeníu og Grikklandi lifa í fátækt og félagslegri einangrun!
• Fátækt jókst um 2,3 -2,5% í Ungverjalandi, Svíþjóð og á Spáni!
• 40% af íbúum Andalúsíu eru fátæklingar!
• Þriðji hver Spánverji er fátækur!
• Fjölgun ókeypis matarpakka á Spáni er 40% í sumar!
• 7% þeirra sem hafa fulla atvinnu innan ESB eru fátækir!
• 40% innflytjenda eru fátæklingar og þjóðfélagslega útlægir!

"Framkvæmdastjórn Evrópusambandsins vekur athygli á því að engar skjótar breytingar á ástandinu eru í sjónmáli og býst við að fjöldi fátækra í sambandinu verði um 100 milljón manns árið 2020."  

Þykk skýrsla: Lesi hver sem nennir
Eurostat
Daily Express
Redd Barna
Youtube

Lægsta atvinnuleysi í Evrópu í átta ár

Bandaríkin velja átakalínu við Rússland. Kenna um íhlutun Rússa í forsetakosningunum 2016.

Trump Bandaríkjaforseti á við ramman reip að draga á Bandaríkjaþingi. Það var tilgangslaust fyrir hann að hafna nýjum lögum um víðtækar viðskiptaþvinganir við Rússa, þar sem langtum fleiri en tveir þriðjuhlutar þingmanna beggja deilda samþykktu þvinganirnar.

John McCain þingmaður sem hefur verið drífandi fyrir nýjar refsiaðgerðir Bandaríkjanna gegn Rússlandi skrifaði á Facebook, að aðgerðirnar séu "svar Bandaríkjamanna vegna tölvuárásar og  íhlutunar Rússa í forsetakosningum Bandaríkjanna 2016". Segir McCain að með samþykkt þingsins fylgi einnig "útskýringar hernefndar þingsins, utanríkisþjónustu og bankanefndar, sem vilja koma á nýjum, stórauknum, þvingandi refsiaðgerðum gegn Rússlandi vegna tilrauna Rússa til að grafa undan lýðræði Bandaríkjanna og vegna íhlutun í forsetakosningunum 2016".  

Nýju lögin gera "Rússland ábyrgt fyrir grófa íhlutun í forsetakosningunum og þingið sendir þau mikilvægu skilaboð, að Bandaríkin muni ekki þola neinar árásir á lýðræðið eða þjóðlega öryggishagsmuni og muni mæta öllum slíkum árásum af krafti, festu, heilbrigðri skynsemi og aðgerðum".

Góðvinirnir George Soros og John McCain. Soros er einn af stærstu fjárveitingaraðilum McCain. Soros beitir öllum brögðum til að flæma Trump frá völdum og hefur um árabil att Evrópuríkjum í stríð við Rússa.

Fyrrum aðastoðarfjármálaráðherra í ríkisstjórn Regans, Paul Craig Roberts segir á heimasíðu sinni að engar sannanir hafi enn komið fram um íhlutun Rússa í forsetakosningunum. Málið sé aðför að lýðræðislega kjörnum forseta Bandaríkjanna af hálfu Demókrata, aðilum leyniþjónustunnar ásamt meðlimum ríkisstjórnar Trumps og Repúblikana og mörgum fjölmiðlum með það markmið að bola Trump frá völdum. Segir hann engan mun á þessum lygum og lygum Hitlers 1939 um að "pólski herinn fór yfir landamæri okkar í nótt" sem var ástæða Hitlers til að ráðast á Pólland.  

"Búist við meiri fölskum ásökunum, meiri grýluvæðingu og fleiri ógnunum. Stríð er í spilunum". (Paul Craig Roberts)

Trump gefur eftir

Skipbrot sænsku stjórnmálaelítunnar og desembersamkomulagsins

Uppstokkun Stefans Löfvens á embættum í minnihlutaríkisstjórninni er gerð undir gálga vantraustsatkvæðagreiðslu sænska þingsins. Stjórnarandstaðan að Svíþjóðardemókrötum meðtöldum voru búin að tilkynna komandi vantraustsyfirlýsingu á þrjá ráðherra ríkisstjórnarinnar vegna hins svo kallaða lekamáls. Þingmeirihluti ríkir fyrir fellingu ráðherranna og því ekkert annað fyrir forsætisráðherrann að gera til að halda eigin stól en að "samþykkja afsögn" tveggja ráðherranna, innanríkisráðherrans Anders Ygemans og samgönguráðherrans Önnu Johansson. Nýr innanríkisráðherra verður Morgan Johansson, nýr samgönguráðherra Thomas Eneroth. Einnig varð uppstökkun á ráðuneytum og tveir nýir ráðherrar teknir inn. Varðandi þriðja ráðherrann, varnarmálaráðherrann Peter Hultqvist, getur hann setið áfram þar sem hvorki Transportstyrelsen eða Öryggislögreglan Säpo falla undir varnarmálaráðuneytið.

Með þessarri uppstokkun og með því að láta Peter Hultqvist vera áfram sendir forsætisráðherrann boltann aftur til stjórnarandstöðunnar sem trúlega verður að fylgja eftir fyrri yfirlýsingum með vantraustatkvæðagreiðslu gegn varnarmálaráðherranum. Óvíst er hvort til þess kemur og þá hver útkoman verður en ef marka má yfirlýsingar forsætisráðherrans Stefan Löfvens í dag, þá er hann ekki á þeim buxunum að ríkisstjórnin fari frá völdum.

Minnihlutastjórn Stefan Löfvens hefur getað setið við völd vegna sérstaks desembersamkomulags við stjórnarandstöðuna (án Svíþjóðardemókrata). Skv. samkomulaginu ver stjórnarandstaðan ríkisstjórn sósíaldemókrata og umhverfisflokksins falli ef vantraust verður borið undir atkvæðagreiðslu í þinginu. Mun þá stjórnarandstaðan (án Svíþjóðardemókrata) leggja niður sín atkvæði. Desembersamkomulagið er bandalag allra annarra flokka en Svíþjóðardemókrata um að einangra Svíþjóðardemókrata frá lýðræðislegri þáttöku í þingstörfum.

Þessi stefna hefur beðið skipbrot, því fylgi Svíþjóðardemókrata eykst jafnt og þétt og mælast þeir nú langstærsti stjórnmálaflokkur landsins í mörgum skoðanakönnunum. Má segja að Desembersamkomulagið hafi lagt grunn að fylgisaukningu Svíþjóðardemókrata á kostnað Sósíaldemókrata og Móderata. Veruleiki vinstri manna og hefðbundinna hægri manna (án Svíþjóðardemókrata) er minnihlutastjórn háð samþykki stjórnmálaandstæðinga. Finnst mörgum Svíum þetta vera hið merkilegasta þingræði og stjórnarfar og kílómetra langar blaðagreinar skrifaðar um málið.

Kosningar eru skv. áætlun næsta haust (2018) í Svíþjóð ef ekkert óvænt kemur fyrir og má búast við átökum um líf einstakra flokka að lifa þær af og hvort pólitíska landslagið verði verulega umskrifað af kjósendum.

Uppstokkun í sænsku ríkisstjórninni

"Látum ekki Soros hlæja síðast"! - Opinber herferð gegn George Soros í Ungverjalandi.

Yfirvöld Ungverjalands eru núna með upplýsingaherferð gegn fjármálajöfrinum George Soros. Á stórum veggspjöldum er mynd af Soros með boðskapnum "Látum ekki Soros hlæja síðast"! Kemur þar fram að 99% Ungverja eru andsnúnir ólöglegum innflytjendum. Er Soros ásakaður um að reyna að yfirfylla landið með flóttamönnum frá þriðja heiminum. 

George Soros slær núna gegn herferðinni og segir skv. Jewis Telegraphic Agency að áróðurinn gegn honum sé nazískur, antisemítískur og minni á myrkustu stundir Evrópu: 

"Ég hef áhyggjur af notkun núverandi ríkisstjórnar Ungverjalands á antisemitísku myndmáli sem notað er í meðvitaðri falskfréttaherferð". 

Ísrael hefur gefið út yfirlýsingu vegna málsins en forsætisráðherra Ísraels Netanyahu mætir á fund í Búdapest 18. júlí n.k. og verður það fyrsta heimsókn forsætisráðherra Ísraels til Ungverjalands í 30 ár. 

Í yfirlýsingu Ísraelsmanna segir að "George Soros grafi stöðugt undan lýðræðislegum kjörnum ríkisstjórnum Ísraels í eigin fjármögnuðum samtökum sem lítillækki ríki Gyðinga og leitast við að neita því um réttinn til að verjast". 

„Gera skelfilegar aðstæður enn verri“

Sósíaldemókratar vilja festa ritskoðun í stjórnarskrá til verndar glæpamönnum af erlendum uppruna.

Miklar umræður eiga sér stað í Svíþjóð vegna fyrirhugaðrar breytingar á stjórnarskránni sem ríkisstjórn sósíaldemókrata vill koma í gegn. Hafa tillögurnar orðið vægast sagt umdeildar. T.d. telur Katarina Rikte héraðsdómari í Skáni og Blekinge að nýju ritskoðunarlögin munu "verða risastórt svarthol í stjórnarskrárvörðum réttindum". 

Skv. Rikte tryggir sænska stjórnarskráin tjáningarfrelsi þannig að ekki er hægt að lögsækja menn fyrir sagt eða skrifað orð fyrr en eftir að það er birt. Tjáningarfrelsi er tryggt og öllum heimilt að tjá hug sinn. Með nýju lögunum getur ríkisstjórnin bannað fjölmiðlum fyrirfram að birta upplýsingar. Rikte telur að tillögurnar séu um að lögleiða ritskoðun sem gangi gegn lögvörðu tjáningarfrelsi skv. gildandi stjórnarskrá Svíþjóðar í dag.  

Sósíaldemókratar vilja að heimilt verði að banna að veita upplýsingar um þjóðerni einstaklinga, húðlit, stjórnmálaskoðun, hvort viðkomandi er meðlimur í verkalýðsfélagi, hverrar trúar einstaklingurinn er og um kynhegðun. Einnig hvort viðkomandi hefur gerst brotlegur við lögin, kemur fyrir í dómsmálum, hefur hlotið dóm og tekið út refsingu. 

Katarina Rikte segir að hún og aðrir dómarar bregðist harkalega við því síðastnefnda. Segir hún að ákvæðið um vernd fyrir afbrotamenn lendi á öllum í samfélaginu, - sér í lagi fjölmiðlum og rannsóknarblaðamennsku. Mikil umræða er í Svíþjóð um tengsl innflytjenda við glæpavæðingu Svíþjóðar, t.d. hefur Expressen birt margar blaðagreinar um vaxandi fjölda glæpahópa í Svíþjóð og fjölmargir umræðuþættir eru í ríkismiðlum.

Verði tillögur sósíaldemókrata að lögum mun ríkisstjórnin geta bannað fjölmiðlum slíka umfjöllun vegna þess að hún skerði rétt glæpamanna. Netmiðlar sem veita upplýsingaþjónustu um lög og dómsmál gegn greiðslu eins og t.d. Lexbase, Ratsit og Merinfo eiga á hættu að verða lokað. Félagsmiðlar yrðu að ritskoða síður sínar og taka burtu innlegg og umræður að viðlögðum háum sektum. Fjölmiðlar eins og Fria Tider og Nyheter i dag yrðu að gjörbreyta stefnu og trúlega að hætta. 

Mótmæli hafa komið frá háskólum og blaðamannafélögum en Lögmannafélag Svíþjóðar tekur afstöðu með tillögunum að sögn Nyheter i dag.

 

 

Svíþjóð svíkur innflytjendurna

Bianca Muratagic kom til Svíþjóðar 14 ára gömul sem flóttamaður frá stríðinu í Bosníu. Hún skrifaði grein um upplifun svika, sorgar og reiði vegna þess að Svíþjóðin sem hún hefur allan tímann elskað snýr núna baki við henni. Greinin birtist í Katerina Magasin. Ég hef snúið hluta greinarinnar á íslensku til að miðla tilfinningum Muratagic sem ég held að margir deili með henni og lýsi því sem er að gerast í Svía ríki þessa dagana:
Einn af vinum mínum hefur ákveðið að flytja burt frá Svíþjóð. ´Ég vil ekki lengur láta yfirvöld nota mig og hæðast að mér´ segir vinur minn með sorg í röddinni. ´Ég er búin að fá upp í kok af allri spillingu, valdníðslu og lygum sem þeir eru að drekkja okkur í.´

Allt í einu verður mér flökurt. Verð öskuill. Ég kemst að því, að Svíþjóðin mín er alveg sama um vin minn. Og um mig líka. Svíþjóðin mín kemur duglegum, framúrskarandi, sjálfsbjarga innflytjendum burt úr landi á sama tíma og þeir veita félagslegan, efnahagslegan og sálfræðilegan stuðning, íbúðarhúsnæði og einstaklingsvernd til hryðjuverkamanna og glæpamanna sem fremja gróf afbrot.

Svíþjóðin mín skeytir engu um fjölskyldur sem búa í sundruðum úthverfum. Stjórnmálamennirnir í minni Svíþjóð sofa vel á nóttinni á meðan eigur innflytjenda brenna og eru eyðilagðar. Hlutverk lögreglunnar er að leika félagsráðgjafa og semja við glæpaklíkurnar sem ráða lögum í úthverfunum. Og ég fæ að heyra að engin no-go svæði séu til. Að það séu bara rasistar sem svartmála og fara offörum. Að ráðist er á og grjóti grýtt á sjúkrabíla, slökkvliðs- og lögreglubíla í eftursettu svæðunum, þar sem handsprengjuársum fjölgar vegna fátæktar, lífs á hliðarlínu og skorti á tómstundaheimilum.

Það er auðvelt að gera fjöldann blindan og heyrnarlausan fyrir sannleikanum, sérstaklega þar sem yfirvöld lifa í öðrum raunveruleika en heiðarlegir innflytjendur sem ganga til vinnu á hverjum morgni og berjast fyrir börnin sín.

Í Svíþjóðinni minni er ráðist á þá veikustu: aldraða, konur, börn og fátæka. Sænskir ellilífeyrisþegar eru fátækastir í Evrópu, fæðingardeildum er lokað, sífellt fleiri verða vitni að öldrunarþjónustu og heilsugæslu í djúpri kreppu. Fimmtíu af sextíu sveitarfélögum og félagsmálaþjónustan neita að aðstoða barðar konur og börn, róttækir íslamistar verða nýir grannar, hjónabönd með börnum verða eðlileg, nauðganir að meðtöldum hópnauðgunum á hreyfihamlaða og börn ásamt kynferðislegum árásum aukast í gríðarlega miklum mæli á sama tíma og fjöldi afbrotamanna stóreykst sem sleppt er lausum eða fá lítla refsingu verðlaunaða með skaðabótum.

– Svíarnir opnuðu hjörtu sín. Núna er tími til kominn að opna augun líka og sjá raunveruleikann. Við erum í brattri brekku. Að innflytjendavinir mínir eru farnir að flýja Svíþjóð er alvarleg viðvörun." 

Þrír særðust í skotárás í Malmö