Smáfyrirtækin - ein mikilvægasta undirstaða velferðar landsmanna

Upplýsingar Hagstofu Íslands sýna skýrt, hvernig uppistaða atvinnulífsins er á Íslandi sem er grundvöllur landsins alls í verslun, viðskiptum og velferð. Þetta er bakgrunnurinn fyrir samfélagið allt: af 26.801 virkum fyrirtækjum eru einungis 146 fyrirtæki með fleiri en 100 starfsmenn.

Skilgreining ESB, sem tekin var upp eftir samaráð og skilgreiningu smáfyritækjasamtaka í aðildarríkjunum, þar sem Federation of Small Businesses í Bretlandi hefur verið leiðandi í mörg ár og barist fyrir þessu sjónarmiði, er eftirfarandi:

 

 

Míkrófyrirtæki 1 - 9 starfsmenn
Smáfyrirtæki 10 - 49 starfsmenn
Meðalstór fyrirtæki 50 - 249 starfsmenn
Stór fyrirtæki 250 og fleiri starfsmenn

Allt að 99,8 % fyrirtækja eru lítil og meðalstór fyrirtæki. Eins og sést á skýrslu Hagstofunnar er langstærsti hópurinn eða 23.718 fyrirtæki með 4 eða færri starfsmenn. Gróskan í endurnýjun viðskiptalífsins með sífellt nýjum fyrirtækjum og athafnamönnum sem freista gæfunnar er trygging samfélagsins fyrir þróun og betri árangri sem kemur öllum Íslendingum til góða. 

Athafnafólk tekur persónulega áhættu og einungis hluti allra fyrirtækja sem stofnað er til ná að þróast og dafna og stækka. Þessi lífskraftur og endurnýjunarferli er fjöregg þjóðarinnar. Athafnamenn læra flestir af mistökum sínum og verða betri í starfinu. Kenna á athafnamennsku sem valkost við önnur störf í skólum landsins. 

Með þennan bakgrunn að leiðarljósi má sjá, hversu víðáttubrjálaðar hugmyndir s.k. útrásarvíkinga var, þeirra kumpána Jóns Ásgeirs Jóhannessonar og Sigurðar Einarssonar, að ætla að keppa við fjármálamiðstöðvar London og New York. Enda voru þeir félagar prúttnir svindlarar og annar situr í fangelsi.

Íslenska þjóðin ætti einnig að jarða þá hugmynd, að lítið þjóð eigi að reyna að vera stórveldi á alþjóðavettvangi en slíkar hugmyndir fylgja brengluðum peningamönnum sem kaupa stjórnmálamenn til að breyta lögum sér í vil. 

Aðeins 296 fyrirtæki með 50 starfsmenn

Ísland - ljós í skugga alþjóðlegrar fjárglæpastarfsemi

Það hefur verið einkar ánægjulegt að fylgjast með því, hvernig núverandi ríkisstjórn tekur á fjármálum ríkisins og ber þar hæst skuldaleiðréttingu heimila svo og olnbogaskot á fjármálafyrirtæki um að komið sé að tímamörkum ákvarðanatöku varðandi gjaldeyrishöftin. Samtímis greinir fjármálaráðherra frá áætlun um frekari skattalækkanir sem munu auka á ráðstöfunartekjur almennings og verða góður dragbítur fyrir þróun alls efnahagslífsins. 

Það er full ástæða að taka undir með hinum unga og staðfasta forsætisráðherra Íslands, Sigmundi Davíð Gunnlaugssyni, þegar hann lýsir aðgerðarleysi erlendis til að læra af fjármálakreppunni. Sama gildir innanlands til að koma í veg fyrir að alls kyns töframeistarar endurtaki leik Jóns Ásgeirs Jóhannessonar með þriðju stærstu fjármálakollsteypu veraldar. Það er til marks um eyðileggingarmátt þessa manns og glæpaklíku hans, hversu óheyrilega miklu tjóni honum tókst að valda landsmönnum öllum og sparifjáreigendum innan ESB. Tókst honum einum að draga til sín helming allra útlána íslenska bankakerfisins áður en það sprakk. Allir hafa nú séð, hvernig Kaupþing hélt uppi blekkingar- og svikastarfsemi með kaupum á eigin hlutabréfum til að rugla frjálst markaðsverð á meðan verið var að tæla fé af sparifjáreigendum og bönkum. Sjálfstæður gjaldmiðill smáþjóðar í norðri lýsir sem skær stjarna á myrkum Evrópuhimni og leiðir efnahagsbatann eftir fjármálakrísuna. Þessi raunveruleiki er allt annar en páfagaukakvak ESB-sinna um ágæti evrunnar. ESB-sinnar hafa ekkert annað að koma með en græna grasaglansmynd  handan hafsins. Fáir eða engir þeirra hafa upplifað víti Grikkja, Portúgala, Spánverja, Ítala og bráðum Frakka með himinháu atvinnuleysi, kjaraskerðingum, matar- og lyfjaskorti og félagslegri martröð sökkvandi líkkistu.

Nýjustu reglur "stóru alþjóðlegu" bankanna eru, að bankastjórn má taka fé af reikningum lífeyrissjóða og annarra fjármagnsinnistæðueigenda til bjargar eigin gjaldþroti. Koma þessar reglur í kjölfar reglunnar um að stóru bankarnir séu of stórir til að mega fara á hausinn. Núna þegar sú leið er á enda vegna tæknilegs gjaldþrots ríkja eins og Grikklands og himinhárra skulda annarra ríkja, þá verður leyfilegt að ræna innistæðueigendur beint.

Enginn gengur lengur óhultur nema bankaræningjarnir sjálfir, þ.e.a.s. ef þeir starfa ekki á Íslandi.

Það er full ástæða fyrir íslensku þjóðina að þjappa sér að baki núverandi foringjum ríkisstjórnarflokkanna og veita þeim alla aðstoð á þeirri vegferð að endurheimta peningakerfið úr höndum glæpamanna, sem reiðubúnir eru að leggja líf þjóðarinnar í rúst fyrir fáeinar krónur.  

Vill breyta alþjóðlega fjármálakerfinu

Efnahagur heimsins eins og Títanik án björgunarbáta

Það er afskaplega gott að vita af núverandi réttarhöldum yfir bankasvindlurum Kaupþings, sem trixuðu með eigin verðbréf til að blekkja markaðinn. Aftur og aftur sýnir það sig, að eigendur banka með eigin hlutabréf í kauphöllum blekkja viðskiptavini og taka áhættu með fé viðskiptavinarins fyrir eigin vinning.

Engin önnur atvinnugrein í heiminum nema í einræðisríkjum býr við ríkisábyrgð og ríkisstyrki á sama hátt og bankar. Ísland er einsdæmi á heimsvísu með neyðarlögunum og Icesave, sem stöðvuðu rán bankasvindlara á fjármunum skattgreiðenda. Nóg er samt um skaðann og núverandi réttarhöld yfir svindlurum Kaupþings hafa þýðingu, sem ekki verður mæld í krónum.

Sem dæmi um ímynd bankanna er hér myndband frá fjármálasamtökum Belgíu, þar sem börn eru spurð um, hvað þau vilja verða þegar þau verða stór. Enginn velur bankastarfið en hafa sitt hvað að segja um bankana.

 

Hvorki seðlabankar né ríki eiga neitt eftir til að verjast næsta efnahagsáfalli

Í nýrri skýrslu risabankans HSBC lýsir Stephen King hagfræðingur bankans yfir, að efnahagur  heimsins er eins og Títanik án björgunarbáta áður en skipið sigldi á ísbergið. Allir bátarnir eru farnir, sem venjulega eru notaðir við kreppur. Háar ríkisskuldir skilja lítið svigrúm eftir fyrir aðgerðir ríkja og seðlabankar eru ráðalausir, þegar vextirnir eru komnir í mínus. King telur upp fjögur atriði sem fær heiminn að tapa andanum:

1. Launahækkanir í Evrópu og Bandaríkjunum leiða til hruns verðbréfamarkaða.

2. Lífeyrissjóðir geta ekki mætt útgjöldunum næstu tíu árin og neyðast til að selja eignir á lágu verði til að ná sér í peninga.

3. Efnahagur Kína snarstoppar, verð á hráefnum hrynur og alþjóðlegur efnahagur brotnar til grunna.

4. Seðlabankar eins og Federal Reserve í Bandaríkjunum byrja að hækka vexti of snemma.

Stephen King líkir ástandinu við Títanik: "Við munum halda áfram siglingunni yfir hafið á skipi sem þyrmilega vantar björgunarbáta. Margir, þeirra á meðal eigendur Títanik héldu, að skipið geti ekki sokkið. Hönnuður bátsins var samt fljótur að benda á, að "Skipið er gert úr járni, herra. Ég ábyrgist, að það geti sokkið!"

 

„Það er einfaldlega refsivert“

Vændi, smygl og eiturlyfjasala tekin með í þjóðarframleiðslu ESB

Sænska Dagblaðið greinir frá því, að vændi, eiturlyf, sígarettu- og áfengissmygl geri kraftaverk fyrir efnahagstölur Evrópusambandsins. Sérstaklega í löndum með umfangsmikla mafíustarfsemi eins og Ítalíu sem fékk jákvæðar tölur eftir að hafa tekið slíka starfsemi með í útreikning á þjóðarframleiðslu Ítalíu.

Ástæðan fyrir þessu efnahagsbata er að tekin hefur verið í notkun ný aðferð til að reikna út verga þjóðarframleiðslu. Samkvæmt nýjum reglum þjóðar- og svæðareiknikerfis (ESA) er vændi, eiturlyfjasala, smygl, vopnasala m.m. nú tekið með við útreikning vergrar þjóðarframleiðslu fyrir einstök ríki. Fyrir Ítalíu gerðu nýju aðferðirnar gæfumuninn og þjóðarframleiðslan jókst á öðrum ársfjórðungi með 0,1% skv. ítölsku hagstofunni ISTAT. Tölurnar þýða, að Ítalía hefur nú unnið bug á kreppunni frá því í ágúst. 

Hvorki vændi né eiturlyf eru bönnuð í öllum ESB-ríkjum og til að "sanngirni" sé gætt milli landa sem leyfa slíkt og hinna sem banna vændi og eiturlyf er nú leyft að taka með þessa þætti í tölurnar til að fá "samanaburð". 

Í frjálsri þýðingu þýðir þetta, að heimilt er að reikna með "ólöglegum athöfnum", svörtum mörkuðum og gráum til að bæta ofan á hina löglegu. Ítalía tilkynnti fljótt, að landið myndi taka tölur frá áfengis- og sígarettusmygli með í reikning vergrar þjóðarframleiðslu. Í löndum sem Hollandi og Ungverjalandi, þar sem eiturlyf og vændi eru lögleg er hægt að bæta þjóðarframleiðsluna með tölum um áfengis- og tóbakssmygl ásamt ólöglegri vopnasölu svo einhver dæmi séu nefnd. 

Jafnvel í Bretlandi veltir breska hagstofan ONS því fyrir sér að taka með svarta og gráa markaði við útreikning þjóðarframleiðslunnar, sem myndi auka hana um 0,7%.

Þar sem efnahagur Evrópusambandsríkjanna er jafn slæmur og raun er, skiptir að sjálfsögðu sérhver þúsundasti hluti hvers prósentustigs máli í baráttunni fyrir því að sannfæra sjálfan sig og umheiminn um að ástandið sé miklu betra en af er látið. Stjórnmálaleiðtogarnir geta þá alla vega hampað jákvæðum tölum og hitt skiptir minna máli, hvernig þær eru fengnar.

Detti allar lýs dauðar, ESB ætlar að banna orkumiklar hárþurrkur....

 

 

 

 

 

 

Undir fyrirsögninni "Detti allar lýs dauðar, ESB ætlar að  banna orkumiklar hárþurrkur, að ekki sé nú minnst á hraðsuðukatla, straujárn og brauðristar...hérna er sönnunin að þetta er brjálæði" segir Daily Mail frá niðurstöðum athugunar þriggja barna móðir á orkunotkun tækjanna. Sem kunnugt er áætlar ESB orkusparnað með því að þvinga framleiðslu daglegra rafmagnsvara í "sparneytnari" afurðir. En Helen Carell kemst að hinu gagnstæða: Orkuminni tæki þurfa lengri tíma en orkumeiri til að ná sama árangri og draga oft meiri straum en þau sem eru orkumeiri. Þegar lengri tími er reiknaður og lagður saman við "orkusparnaðinn" verður útkoman tap fyrir neytandann.

Daily Mail skrivar: "Eftir að hafa bannað sölu á sterkustu ryksugunum snúa búrókratarnir í Brussel sér að öðrum heimilstækjum. Allt að 30 tegundir af tækjum í notkun á svæðinu eru nú í hættu þ.á.m. brauðristar, hárþurrkur, garðsláttuvélar og skrifarar. Ef tillögurnar verða að veruleika segja sérfræðingar að hægt verði að minnka orkunotkun um þriðjung. Mundum við taka eftir mismuninum? Þriggja barna móðirin Helen Carroll prófaði tækin sem eru í hættu og bar saman þau orkumestu við samskonar tæki með þriðjungi minni kraft. Hún notaði öll tækin á hámarksafli og reiknaði út tímann og orkuna (wött) sem voru notuð."

Niðurstöður Helenar eru sláandi:

Háþurrkur: Remington Professional Silk 2,400 wött í samanburði við Wahl MaxPro 1,600 wött. Hún notaði báðar til að þurrka sitt eigið hár, sem hún segir að sé mjög þykkt. Með orkumeiri hárþurrkunni tók það 9 mínútur og 50 sekúndur að þurrka hárið og orkan var 0,4 kWh. Með þeirri orkuminni liðu 13 mínútur og 6 sekúndur þar til hárið var þurrt og orkunotkunin var 0,34 kWh.

Straujárn: Philips PerfectCare Xpress 2,400 wött og Swan S130100N 1,800 wött. Helen straujaði þrjár skyrtur eiginmannsins og með orkumeira straujárninu tók það 8 mín. 2 sek. en 12 mín. og 16 sek. með orkuminna straujárninu. Orkuminna straujárnið notaði 0,05 kWh meiri straum vegna lengri tíma. Þegar tekið er tillit til mikils þvotts hjá t.d. barnafjölskyldum margfaldast orkunotkunin og verður bæði tímafrekara og dýrara með þvingandi "orkusparnaði" ESB.

Brauðristar: Russell Hobbs Buckingham 1,300 wött og Russell Hobbs Ebony 1,000 wött. Það tók 2 mín og 48 sek lengri tíma að rista brauðið í orkuminni brauðristinni sem notaði 0,023 fleiri kWh en sú orkumeiri til að rista tvær brauðsneiðar. Helen lýsir því, að það sé mikill munur á 4 og hálfri mínútu og 7 mínútum og 16 sek á morgnana með krakkana við morgunverðarborðið og allir að flýta sér í skóla og vinnu.

Skrifarar: HP Photosmart 6520e 18 wött og HP Photosmart 5520 15 wött. Sá fyrri prentaði 20 síður á 3 mín og 51 sekúndu og sá síðari 20 síður á 8 mín og 54 sek sem gera 5 mín 3 sek lengri tíma. Orkunotkun orkuminni skrifarans var 50% meiri en þess orkufrekari vegna lengri tíma eða 0,002kWh á móti 0,001kWh.

Hraðsuðukatlar: Russell Hobbs Buckingham 3,000 wött og Russel Hobbs Chester 2,000 wött. Tók 41 sek lengri tíma að sjóða vatn í þeim orkuminni sem notaði aðeins 0,007 kWh minni orku en sá fljótari. 

Helen bar einnig saman ávaxta- og grænmetispressu og garðsláttuvélar með svipuðum niðurstöðum. 

Búrókratarnir mala kvarnir sínar áfram og bráðum verðum við að bíða eftir því að vatnið sjóði á katlinum, brauðið verði ristað og hárið þurrt, skrifarinn skrifi út blöðin o.s.frv. Búrókrötum er náttúrulega fyrirmunað að taka tímann með í reikninginn, þeir eru þeir síðustu á jörðinni sem þurfa að hafa áhyggjur af tímanum, því ef tíminn verður vandamál er bara nýjum búrókrötum bætt í hópinn.

 

 

 

Austurríkismenn vilja út úr sælu ESB

Í nýrri skoðanakönnun í Austurríki vill í fyrsta sinn stærri hluti aðspurðra að Austurríki gangi úr ESB en þeir sem vilja vera þar áfram. 46% aðspurðra vildu fara úr ESB en 44% vera áfram. Andstaðan við ESB vex stöðugt, þrátt fyrir að framkvæmdarstjórnin vísi gagnrýni á bug sem öfgaskoðunum. Leiðtogum ESB tekst ekki að galdra kreppuna burt, sem dýpkar með degi hverjum.

Til marks um efnahagsstöðnun evrulands, þá þurfa bankar að borga fyrir innistæður hjá Seðlabanka Evrópu. Styttist óðum í stuðningskaup SE á ríkisskuldabréfum til styrktar evrunni til að sanna í eitt skipti fyrir öll, að evran sé eini rétti gjaldmiðillinn. 

ESB hefur valið aðra leið en Íslendingar og heldur fjölmörgum bönkum á lífi í öndunarvél. Í Þýzkalandi telja margir að ekki sé hægt að þvinga Þjóðverja að greiða skuldir banka, sem ekki heyra beint undir fjármálaeftirlit Þýzkalands. Málaferli eru í gangi og falli dómur Þjóðverjum í vil er óvíst með áframhaldandi greiðslur þeirra til fallinna banka í öðrum evrulöndum.

Allur heimurinn rambar á barmi skuldahengiflugs. Seðlabanki Bandaríkjanna hefur dælt þúsundum miljörðum dollara inn í hagkerfið undir merkjum QE. Lítið sem ekkert af peningunum fer til venjulega efnahagskerfisins heldur til að halda uppi tölum verðbréfamarkaða. Á meðan hagvöxtur stendur í stað eða minnkar, þá hækka hlutabréf upp úr öllu valdi. Flestallir skilja, að þessi þróun getur ekki endað öðruvísi en alltaf áður: með stórum hvelli.

Fyrir utan Argentínu, sem er í höndum hrægammasjóða standa tíu lönd á barmi greiðsluþrots: Ekvador, Egyptaland, Pakistan, Venúsúela, Grikkland, Belize, Kúba, Kýpur, Jamaíka og Úkraína. 

Með auknum stríðsrekstri á víð og dreif um heiminn, auknum samfélagsóróleika þjóða, sem eru að kyrkjast í hengingaról ríkisskulda, má lítið út af bera til að málin fari ekki úr böndunum. Heilagt stríð í Sýrlandi, Írak og Ísrael, svæðabundin óöld í Afríku, yfirtaka Pútíns á Krímskaga og stríð í Úkraínu, hótanir N-Kóreu að beita kjarnorkuflaugum, deilur Kína og Tæwan, - allt þetta sýnir vaxandi viðkvæmni og þverrrandi getu til að leysa vandamálin á friðsamlegan hátt.

Óveðursskýin hrannast upp á mannkynshimninum.

Stýrivextir óbreyttir á evrusvæðinu

Alþjóðabankinn í höndum risaauðhrings - Karen Hudes varar við hruni pappírsgjaldmiðla

Neðan fylgir samantekt á viðtali mínu við Karen Hudes fyrir Sögu, en hljóðbrot er á heimsíðu útvarpsins. Karen Hudes hefur hlotið verðskulduga eftirtekt vegna einstaks persónuþreks í baráttunni gegn spillingu innan alþjóðlega bankakerfisins. Hún var starfsmaður Alþjóðabankans í rúm 20 ár en var rekin, þegar hún mætti mikilli andstöðu hjá stjórnendum bankans, fyrir að hafa bent á fjármálahneyksli bankans á Filipseyjum, þar sem yfirmenn bankans ætluðu að veita lán í svindl, sem Karen Hudes stöðvaði.

Seinna  keypti hún hlutabréf í bankanum til að geta farið í mál við Alþjóðabankann sem hluthafi og mér skilst, að hún hafi verið endurráðin starfsmaður bankans á hluthafafundi í óþökk núverandi stjórnar bankans. Þess ber einnig merki, að á heimasíðu Alþjóðabankans varar bankinn viðskiptavini við Karen Hudes “fyrrverandi starfsmanni sem skrifar og talar í nafni bankans.” Ef Karen Hudes væri sek fundin um skjalafals væri einfalt fyrir bankastjórnina að fá hana dæmda og setta í fangelsi. En málið er ekki svo einfalt. Alþjóðabankinn, sem upprunalega var stofnaður af 44 ríkjum, er í dag banki 188 aðildarríkja. Það gerir það ekki auðveldara fyrir stjórn bankans, að Karen Hudes hefur borið vitni um spillingu bankans hjá Bandaríkjaþingi, breska þinginu og Evrópuþinginu. Þjóðir heims eru að vakna upp við að ekki sé allt með felldu í starfsemi bankans. Alþjóðabankinn er fjármálastofnun Sameinuðu þjóðanna með yfirlýstri stefnu að “vinna að heimi án fátæktar.” Höfuðstöðvar bankans eru í Washington, USA, forseti bankans í dag er Jim Yong Kim. Starfsemi bankans er skipt í fimm svið alþjóðlegra samtaka, sem sjá um lán og þróunaraðstoð í heiminum. Ár 2013 miðlaði bankinn um 30 miljarða dollara til ýmissa verkefna skv. heimasíðu bankans. 

Karen Hudes er í Tókýó þar sem hún starfar núna. Hún hefur haft í miklu að snúast sérstaklega í seinni tíð, þar sem hún er að koma á framfæri hugmynd, sem hún telur að geti hindrað hrun gjaldmiðla heimsins. Hún segir að tími pappírsgjaldmiðla sé kominn á leiðarenda og ef ekkert verði að gert standi heimurinn fyrir efnahagslegu hruni af stærðargráðu sem aldrei áður hefur sést. Karen Hudes lærði lögfræði við Yale háskólann og hagfræði við háskólann í Amsterdam. Ég bað Karen Hudes að greina frá bakgrunni sínum.

”Kærar þakkir fyrir að geta talað beint til Íslendinga.Tíminn núna er réttur fyrir almenning að fá að vita, hvað er raunverulega að gerast í fjármálaheiminum allt í kringum okkur. Ég er bandarískur lögfræðingur og hagfræðingur og vann í tuttugu ár hjá Alþjóðabankanum þar til ég var rekin úr starfi árið 2007. Þú getur kallað mig uppljóstrara en ég er reyndar bara menntaður lögfræðingur sem hef starfað hjá stóru fyrirtæki og einungis reynt að vinna störf mín á faglegan hátt. Einfaldasta leiðin til að skilja þetta er, ef fólk minnist ENRON-hneykslisins, þar sem skjaldborg var byggð utan um stjórnina. Varnargarður hefur einnig verið reistur um stjórn Alþjóðabankans. Annað atriði sem gæti auðveldað skilning fólks er ef fólk hefur séð myndina Galdrakarlinn í OZ, – ég er bara ein í hópi margra uppljóstrara. Fyrsti hópur uppljóstrara sem ég vann með innan veggja Alþjóðabankans var 15 manna hópur, ein kona var frá Suður-Kóreu, hún kynnti mig fyrir tíu öðrum sem hún þekkti. Einn uppljóstrari var frá Indlandi, nokkrir frá Bandaríkjunum, einn frá Mexícó o.s.frv. Við aðstoðuðum hvert annað við að skilja, hvað væri að gerast. Ein kona frá Englandi var sérstök og hún hjálpaði mér að bera vitni á breska þinginu. Ég er ánægð með að geta sagt öllum frá því, að það er engin ástæða til fjármálahruns í heiminum, það eina sem við þurfum að gera er að fara þá leið sem við erum að benda á að verði farin.”

Í nýlegu viðtali við Venúsúelska blaðamanninn Carlos Floreses lýsir Karen Hudes tveimur megin verkefnum Alþjóðabankans: að binda endi á yfirgengilega fátækt og miðla sameiginlegri velmegun.

”Allt breyttist hjá mér, þegar ég komst að því hvert raunverulegt og dulið markmið Alþjóðabankans er, sem stjórnar sjóðum sem bókstaflega innihalda auð alheims. Alþjóðabankinn er banki í höndum þess hóps, sem reynir að skapa og auka skuldir allra ríkja eins mikið og mögulegt er.”

Raunverulegt gull að baki gjaldmiðlum í stað pappírsyfirlýsinga

Sjóðreikningur sem einn af stofnendum Alþjóðabankans myndaði er í dag í höndum þýzka lögfræðingsins Wolfgang Struck, sem hefur umboð um ráðstöfun fjár úr sjóðnum. Wolfgang tók samband við Karen Hudes fyrir rúmu ári síðan, þegar hann uppgötvaði baráttu hennar gegn spillingunni innan Alþjóðabankans.

”Wolfgang Struck sagði að við ættum að starfa saman og það er einmitt það sem við gerum í dag. Tilboð okkar er að opna gullforða sjóðsins fyrir löndum heims til að bræða gullið til notkunar í eigin gjaldmiðil. T.d. til myntsláttu eða með nýrri tækni sem gerir kleyft að blanda gulli við plast í mjög þunna seðla sem hægt er að nota sem pappírsseðla. Þannig er hægt að tengja peningana aftur við gullfót sem veitir gjaldmiðlinum tryggingu.

Ég hef skrifað til allra sendiráðanna hér í Tókýó og boðið samning um nýtt peningakerfi. Margir eru að heyra þetta í fyrsta skipti núna.”

Karen Hudes segir áfram: ”Ár 2007 var ég rekin á ólöglegum forsendum. Ég starfaði sem faglegur lögfræðingur sem þýðir að þú ferð upp valdastiga fyrirtækisins ef eitthvað er að. Ég fór til endurskoðendanefndar Alþjóðabankans, þar sem ég tilkynnti að tölur bankans stæðust ekki. Þegar ekkert kom út úr því fór ég til fjármáladeildarinnar og reyndi að hafa áhrif þar í 2-3 ár. Öll gögn og bréf sem ég skrifaði innan Alþjóðabankans um þessi mál eru aðgengileg á heimasíðu minni http://kahudes.net. Þegar ekkert gekk né rak þar, þa fór ég til Bandaríkjaþings og talaði við alþjóðanefndina sem var undir forystu Jon Biden með starfsmönnunum Hillary Clinton og Barack Obama. Þingmaðurinn Lucor sendi Alþjóðabankanum þrjú bréf með ósk um að ég yrði ekki rekin, sem þeir gerðu engu að síður. Þar sem ég hafði starfað þar í svo mörg ár, þá hef ég lífeyri en ég hélt ekki að það tæki allan þennan tíma þar til þeir tækju mig til baka.”

Hugbúnaður sem sýnir samspil stjórnmála, valds og fjármálaafla

Karen Hudes greinir frá því hvernig hún komst í kynni við verkefni, þar sem hönnunarbúnaður var tengdur stjórnmálavísindum og notaður í einu verkefni bankans. Hún notaði hugbúnaðinn til að fara yfir starfsemi Alþjóðabankans ár 2004 með tilliti til hluthafa, styrk þeirra og stöðu innan bankans. T.d. ef forseti Bandaríkjanna er hluthafi í bankanum, þá mun sú staða keppa við önnur mál á borði hans sem Bandaríkjaforseta.

”Ég var barnaleg, sem var ágætt að vissu leyti, því ef ég hefði skilið frá byrjun hvað væri í húfi, þá hefði ég aldrei byrjað á þessu. Spurningin var hvort fjölmiðlar væru hluthafar í Alþjóðabankanum og auðvitað sýndi það sig að svo var. Ég hélt – og ekki hlæja að mér - að fjölmiðlarnir mundu verða að gagni ha, ha og ég eyddi fjórum árum eftir að ég var rekin 2007 í að ganga milli ólíkra fjölmiðla og verða vonsvikin. Á sama tíma skrásetti ég gögn um Alþjóðabankann og eftir að ég var rekin hef ég starfað með uppljóstrurum innan og utan bankans til að fá fram mynd af spillingunni. Það hefur verið dásamlegt ævintýri að vinna með þessu fólki, stundum áttaði ég mig ekki á því, þegar fólk kynnti sig sem uppljóstrara, að það stóð ekki við sitt, þannig að ég hef þurft að hafna sumum en að endingu fengið mjög góðan samstarfshóp.”

Aftur til gullsins. Seðlabanki Bandaríkjanna dælir miljörðum dollara í fjármálakerfið og þegar Þýzkaland og Ítalía vilja flytja hluta af gulli sínu í vörslu Seðlabanka Bandaríkjanna heim, þá er þeim neitað um það. Og allt í einu kemur Karen Hudes fram á sjónarsviðið og segir að nóg sé til af gulli? Hvaðan kemur allt þetta gull? Hvernig getur fólk jarðarinnar krafist þess að fá aðgang að þessu gulli? 

”Já ég get útskýrt það. Upplýsingar eru völd og þessu hefur verið haldið leyndu. Bara að nefna, að Austurríki bað líka um að fá heim hluta af gullforða sínum. Þegar Seðlabanki Bandaríkjanna neitaði að afhenda Þýzkalandi gullið, þá jafngildir það stríðsyfirlýsingu.

Tölum aðeins um Seðlabanka Bandaríkjanna. Eins og í myndinni Galdrakarlinum í Oz, þegar tjaldinu var lyft upp, hafa þrír stærðfræðingar í Sviss lyft hulunni af eignahlutum bankakerfisins og fólk sér hringamyndunina. Þeir rannsökuðu eignasambönd í alþjóðlegu netverki fjármálafyrirtækja og komust að þeirri niðurstöðu að um risahringamyndun er að ræða þar sem mjög fáir eiga og stjórna mjög miklu. LIBOR–skandallinn var engin tilviljun og fjármálamörkuðum er algjörlega stjórnað í dag. Bankar sem eru ”of stórir” til að fara í gjaldþrot eru í raun hluti þessa alheimsrisabaugs. Það sem hefur gerst er að búin hefur verið til eigin seðlabankastofnun, þar sem forstjórum bankanna er safnað saman í eina stjórn (interlocking directors).

Þegar ég var rekin keypti ég hlutabréf í Alþjóðabankanum til að kæra Alþjóðabankann og endurskoðendur bankans. Ég fór til endurskoðenda bankans og bað þá um að endurskoða hvernig fjármálaskýrslur bankans væru gerðar og þegar KPMG stöðvaði ferlið varð mælirinn fullur. Niðurstaða okkar er að endurskoðendafyrirtæki eru hluti af spillingunni, hluti af risahringnum. Þau eru í vasa risahringsins og hafa orðið feit á öllum greiðslum sem þau þéna fyrir að vera óheiðarleg og segja við alla að allt sé í lagi.

Þetta á líka við um lögfræðinga. Þeir bera faglega ábyrgð, sumir lögfræðingar leiðbeina öðrum og þeir neita að koma málunum í rétt horf. Ég hef tekið lögfræðinga inn á teppið og endurskoðendur líka og ég hef sagt þeim, að vilji þeir vera með í framtíðinni sé þeim fyrir bestu að taka þátt í breytingarferlinu. Ég get með vissu sagt að ferlið mun ganga 90 – 95% árekstrarlaust fyrir sig og þá þurfa m.a. hlustendur þáttarins að taka samband við sendherrann ykkar í Tókyó. Ég hef sent öllum sendiherrum í Tókyó bréf með afriti af samningsdrögum, sem getur veitt þeim aðgang að nauðsynlegu gullmagni til grundvallar traustum gjaldmiðli. Ísland hefur unnið mjög þarft starf sem flest önnur ríki hafa ekki gert. 

Það er til meira gull en nokkurn grunar og gull á sér sögulegar rætur langt aftur í tímann. Gullgröftur hefur verið stundaður afar lengi og hluti gullsins nær aftur til Inkaindíana, Salómons konungs og annarra fornra ríkja.

Seðlabanki Bandaríkjanna og seðlabankar heims tilheyra sama hringnum og þeir skulda íbúum jarðar meira en við skuldum þeim. Þeir eru komnir í greiðsluþrot. Ég hef beðið ríkisstjórnir heims að lýsa yfir gjaldþroti þessarra banka. Ég vill fá sársaukalaust ferli, ég vil ekki að bönkunum verði lokað heldur að ríkisstjórnirnar taki yfir og reki bankana.”

Líklega hafa fáir á Íslandi heyrt þetta. Eftir bankahrun hafa umræður komist í gang um fjármálakerfið m.a. vegna samtaka eins og Betra Peningakerfis. Svipuð samtök eru í öðrum löndum t.d. Positve money í Bretlandi og American Monetary Institute í USA. Í Evrópu höfum við evruna og ESB.

”Ég haf sagt við löndin innan ESB, að þau þurfa ekki að taka tafarlausa ákvörðun. Evrulöndin geta byrjað á því að prenta gullið inn í evruna og seinna meir breytt í þjóðlega gjaldmiðla ef þeir vilja. En ég vil ekki eyða of löngum tíma í þetta, – við erum núna á þröskuldi myrkrartíma, þar sem fólk mun ekki selja gull sama hvaða verð er í boði, af því að pappírspeningar eru að verða verðlausir. Ég vil koma gullfæti í gjaldmiðlana eins fljótt og mögulegt er. Sumir vilja annað en gull, þeir vilja tryggja gjaldmiðillinn með öðru en gulli og ég er þeim sammála um að það sé mögulegt. Ég er ekki að segja að gull eigi að vera eini staðallinn en núna er þörf á gulli fyrir breytingarferlið. Ríki geta tryggt gjaldmiðil t.d. með olíu, banönum eða hverju sem er, það er upp til fólksins að samþykkja gjaldmiðil sinn. Einn sérstakur gjaldmiðill liggur mér um hjartaræturnar og það er hinn staðbundni gjaldmiðill. Gjaldmiðillinn verður að vera staðbundinn svo hann geti stutt við staðbundna atvinnumyndun. Hagfræðingurinn Sylvio Gesell hefur mörg góð ráð um slíkt og hvernig hægt er að ávaxta peningana.

Ísland fordæmi fyrir Bandaríkin

Ég vil að sérhvert ríki viti um þennan möguleika og gefi sendiherrum sínum umboð að skrifa undir samning. Það besta við Ísland er að Ísland hefur farið gegnum stjórnarskrárbundið ferli og það er dásamlegt fordæmi fyrir Bandaríkin, sem þarf að gera sama hlut. Flestir Bandaríkjamenn átta sig ekki á því að búið er að koma að falskri stjórnarskrá í skiptum fyrir þá upprunalegu. Það er stór munur á hvernig hlutirnir eru í raunveruleikanum og hvernig fólk heldur að hlutirnir séu. Það er engin tilviljun þar sem bankahringurinn hefur keypt upp fjölmiðla sem gera venjulegu fólki mjög erfitt að fá fram raunverulegar upplýsingar.

Margir segja að ég hafi bara verið í stuttan tíma á sjónarsviðinu og það er rétt. Ég fæ meiri umjföllun núna en fjöldamörg ár á undan og það er bara nýverið sem ég hef skilið hvernig ég get komið upplýsingum á framfæri ekki síst vegna tilkomu Internets. Samt er það þannig, að ýmsir valkostir sýna sig ekki vera valkostir vegna þess að siglt er undir fölsku flaggi og vegna hagsmunatengsla.” 

Sem dæmi nefnir Karin Hudes Red it group sem birti níð um hana án þess að hún fengi að svara. ”Þetta er enginn valkostur við hagsmunavörslu bankakerfisins.  Það sem er mikilvægast fyrir fólk að skilja er að það þarf að leggja sig fram um að ná í upplýsingar, – það dugar ekki að setjast í sófann og horfa á kvöldfréttirnar í sjónvarpinu. Mikið af því sem við sjáum er áróður.”

Tíminn er að renna út. Hvað á Ísland að gera, á ríkisstjórnin að hafa samband?

”Ég hef sent bréf með upplýsingum og samningsdrögum til allra sendiráða í Tókyó og við þurfum bara að fá samþykki með eða án breytinga á samningnsdrögunum og þá mun Wolfgang Struck skrifa undir og hægt er að byrja að framleiða nýjan gulltryggðan gjaldmiðil. Ég vil að samningar verði undirritaðir á svipuðum tíma, þetta er eins og að reisa tjald og það yrði ánægjulegt ef hægt væri að gera það strax í þessum mánuði! Wolfgang fékk tilboð um gullkaup frá einu ríki og ég hef sent bréf til stjórnar Alþjóðabankans sem hefur yfirumsjón með alþjóðlegum eignum og bað þá að hafna tilboðinu. Í staðinn bað ég stjórnina um 10 miljónir dollara svo ég geti ráðið hóp lögfræðinga til að sjá um samningagerðina.”

Karen víkur síðan að endurráðningu sinni sem ekki er án vandamála, m.a. var henni meinaður aðgangur nýlega á eina af ráðstefnum bankans. Baráttan gegn spillingunni er greinilega mjög hörð: 

”Ég hef fengið aftur stöðu mína hjá bankanum og er að vinna út frá henni í þessum málum. Þróunarnefnd bankans lét mig fá öryggispassann minn og ég fór á vorfund bankans en seinni daginn vildu öryggisverðirnir ekki hleypa mér inn.”

Hún víkur að viðvörunum sínum til Bandaríska hersins um að leyfa ekki dollarnum að hrynja, þar sem það muni veikja mjög hernaðarmátt Bandaríkjanna og varnarmöguleika þeirra. Karen Hudes telur að innan Bandaríkjahers séu einstaklingar sem vilji svíkja Bandaríkin og stefni meðvitað að dollarahruni til að veikja hernaðarmátt Bandaríkjanna. Gott fólk hefur verið rekið en svikarar hreiðra um sig.

Hvað gerist ef ríkin taki ekki upp gullvæddan eigin gjaldmiðil? 

Þá fáum við gjaldeyrisstríð og þriðju heimsstyrjöldina. Bankarnir hafa þegar reynt að koma þriðju heimsstyrjöldinni af stað, m.a. í Sýrlandi. Sumir stjórnmálamenn eru varðhundar bankahringsins.”

Við Karen kvöddumst með virktum og hún þakkaði kærlega fyrir sig og skilaði góðri kveðju til Íslands. 

Ýmsir hlekkir:

https://s3.amazonaws.com/khudes/ltokyoembassies1.pdf   Bréf til íslenska sendiherrans Hannesar Heimissonar er nr. 65

https://s3.amazonaws.com/khudes/Monetary+Agreement1.pdf  Samningsdrög við Japan

http://arxiv.org/pdf/1107.5728.pdf  Skýrsla stærðfræðinga í Sviss, sem sýnir hringamyndun í fjármálakerfi heims

https://www.youtube.com/watch?v=gt4VV9602FM  nýlegt myndband en fjölda viðtala og myndbanda ásamt greinum má finna á Internetinu og heimasíðu Karen Hudes: 

http://kahudes.net

Mjög þarft að D.Phil. Hannes Hólmsteinn Gissurarson rannsaki erlendar efnahagsárásir á Ísland

 

 

 

 

 

 

 

 

Ég hlakka mjög till að fá að lesa og heyra Hannes Hólmstein Gissurarson, þegar hann kemur með niðurstöðu rannsókna sinna um orsakir efnahagsárása Breta og ESB á Íslendinga. Þvinga átti Ísland á hnjánum til að undirkasta sig í efnahagslegan þrældóm sem hefði eyðilagt frelsi landsmanna kynslóðir fram í tímann. Á öðrum vettvangi í dag, Bloomberg, sagði Bjarni Benediktsson, fjármálaráðherra, að kröfur lánardrottna hefðu verið óraunhæfar og engin ástæða fyrir Íslendinga að borga einkaskuldir bankamanna. Umfang skuldabergsins spannaði 10-13 árs þjóðarframleiðslu allra landsmanna!

Ég hlýddi á fyrirlestur Hannesar Hólmsteins í Stokkhólmi, þegar hann ásamt Urban Bäckström fyrrum seðlabankastjóra Svíþjóðar ræddu orsakir alþjóðlegu bankakreppunnar sem var afar áhugavert með mörgum þörfum ábendingum og ég vænti nauðsynlegrar umfjöllunar um þær svívirðulegu árásir á íslensku þjóðina, fremst frá Bretum sem beittu í fyrsta sinn hryðjuverkalögum sínum gegn saklausri þjóð í norðri. Breskir vinir mínir sögðu mér að miklar umræður fóru fram ekki bara á breska þinginu heldur meðal Breta almennt um, hvernig hægt væri að tryggja að lögunum væri ekki misbeitt, þegar þau voru sett í Bretlandi. Það sýndi sig að gagnrýnendur á galla hryðjuverkalaga Breta höfðu á réttu á standa og skulu bresk stjórnvöld Verkamannaflokksins ævarandi skömm hafa fyrir. Vonandi tekst Hannesi Hólmsteini að fanga tölur eða stærðargráðu þess tjóns sem Bretar ollu Íslendingum.

Það virðist fara fyrir brjóst sumra, að Hannes Hólmsteinn Gissurarson er Sjálfstæðismaður og vinur fyrrverandi farsæla forsætisráðherra Íslands, fyrrum foringja Sjálfstæðisflokksins og fyrrum seðlabankastjóra Davíðs Oddssonar. Leit margra að skýringum bankahrunsins byrjar og endar á orðinu Davíð, sem var seðlabankastjóri, þegar íslensku bankarnir féllu og sýnir það málefnafátækt að komast ekki út fyrir manninn. Gleymt er, að Davíð varaði við hruninu og allir þekkja til baráttu Davíðs og Jóns Ásgeirs, sem sendi út leiguliða til að reyna að múta æðsta lýðræðislega kjörnum embættismanni okkar. Jón Ásgeir sæti betur í fangelsi núna vegna slóðar 1000 miljarða skuldabólu, sem hann vildi að landsmenn borguðu. Davíð Oddsson er eini stjórnmálamaðurinn sem opinberlega hefur greint frá mútutilraunum Baugsmanna við sig. Þögn annarra talar sínu máli. Og það var Davíð sem lagði línuna um að landsmenn ættu ekki að borga skuldir óreiðumanna og það var hann sem vildi fara lagaleiðina í ICESAVE til að fá úr því skorið, hverjar væru lögbundnar kröfur á landsmenn. Allir vita hvernig það mál fór. Efta-dómstóllinn fríaði Íslendinga í öllum liðum!

Ég velkomna þessa þörfu rannsókn Hannesar Hólmsteins Gissurarsonar sem ólíkt núverandi Seðlabankastjóra krefst ekki launa vegna starfsins.

10 milljónir fyrir skýrslu Hannesar

Komið að leiðarlokum Evrópusambandsins

Þýski félagsfræðingurinn Wolfgang Streeck vill afturkalla völdin til þjóðanna til að bjarga Evrópu. Hann telur engan möguleika á, að ríki Evrópusambandsins geti borgað lán sín stöðugt með nýjum lánum, sem krefjast hagvaxtar sem ekki hefur sést síðan á sjötta og sjöunda áratugnum. Í bókinni "Keyptur tími" segir Wolfgang Streeck að auknar skuldir séu forsenda efnahagslegrar hagvaxtar í nánast öllum löndum Vesturlanda, einnig þeim efnamestu. Wolfgang Streeck telur að dregið hafi úr hagvexti þegar á 8. og 9. áratugnum og rými fyrir launahækkanir og aukna velferð hafi minnkað að sama skapi. Þá hafi lýðræðisform skattaríkisins náð hámarki og síðan hafi "hagvöxturinn" verið fjármagnaður með nýjum lánum.

Þegar evrukreppan var í hámarki og ríki eftir ríki voru á leið í gjaldþrot, þar sem þau gátu ekki borgað vextina af lánunum, hvað þá að taka ný lán á miklu hærri vöxtum til að greiða niður gamlar skuldir, þá komu lánadrottnararnir fram og tóku völdin af lýðræðislega kjörnum fulltrúum fólkisns. Þeir ákváðu þá og gera enn, hvort kaupa á ríkisskuldabréf evruríkjanna og á hvaða vöxtum. Um tíma gátu skuldugustu ríkin ekki selt ríkisskuldabréf á vöxtum, sem hægt var að borga. Einungis með því að gangast að kröfum lánardrottna um samfelldan niðurskurð opinberra útgjalda, sölu ríkiseigna o.s.frv. gátu ríkin fengið vaxtasamning, sem á pappírnum leit út fyrir að vera yfirstíganlegur næstu áratugina. Stjórnmálamenn kreppuríkjanna völdu að gefa eftir fyrir lánardrottnurum í stað þess að vinna fyrir kjósendur.

Wolfgang Streeck meinar að skattlagningarríkið hafi þróast yfir í skuldaríkið, þar sem lán eru tekin á grundvelli skattatekna framtíðarinnar til að greiða útgjöld nútímans. Þetta er dæmi sem ekki gengur upp, þar sem greiðslugetan minnkar stöðugt með stærri lánum. Alþjóðlegir peningamarkaðir lifa á lánuðum tíma sem fenginn er með "sýndarpeningum" seðlabanka á lágmarksvöxtum með kröfum um endurskipulagningu ríkja og banka á grundvelli eftirvæntingar um hagvöxt sem engin leið er að fá í fyrirsjáanlegri framtíð.

Tímafresturinn er runninn út og framundan er tímabil uppgjörs lýðræðisafla við fjármálaöflin. Wolfgang Streeck meinar að lýðræðisvæða verði efnahagskerfið og efnahagsvæða lýðræðið með því að þjóðir ESB endurheimti þjóðlegan rétt sinn yfir fjármálum sínum og taki upp þjóðlega gjaldmiðla að nýju. 

Heimasíða Wolfgang Streecks 

 

Atvinnan mikilvægust í komandi kosningum í Svíþjóð

Friðrik Reinfeldt forsætisráðherra Svíþjóðar og Anders Borg fjármálaráðherra Svíþjóðar skrifuðu í grein, sem birtist í Expressen aðfangadag jóla, að atvinnumálin séu mikilvægust fyrir Svíþjóð í nálægustu framtíð. 

"Veik batamerki umheimsins eru engin lyftistöng fyrir sænskt efnahagslíf. Samt sem áður þróast vinnumarkaðurinn betur en búist var við og störfum fjölgar. Eftirspurn innanlands leiðir hagvöxtinn. Blanda kerfisumbóta og hvetjandi aðgerða, sem framkvæmdar hafa verið í krísunni, hafa heppnast vel. Að leiða Svíþjóð með hallalausum fjárlögum, halda áfram umbótum vinnumarkaðsins ásamt mikilvægum framkvæmdum á sviði þekkingar eru þrjú mikilvægustu framtíðarverkefnin samtímis sem þörf hvetjandi aðgerða minnkar á næsta ári, þegar búast má við að batinn verði meiri og skilmerkilegri.

Svíþjóð hefur sýnt meiri viðspyrnukraft gegn kreppunni en flest önnur sambærileg lönd. Yfir 200 þúsund fleiri vinna í dag og þeim, sem eru fyrir utan vinnumarkaðinn hefur fækkað um 200 þúsund miðað við 2006. Svíþjóð er meðal þeirra ríkja, er hafa hvað sterkustu opinber fjárlög með litlum taprekstri og lágum skuldum.

Með mótsvarandi helmingi þjóðartekna af útflutningi höfum við engu að síður þurft að þola langdregna efnahagslægð. Áframhaldandi veik eftirspurn og aukin samkeppni frá löndum með stækkandi efnahag skapar þrýsting á stjórnmálin. Stærsta málefni Svíþjóðar er stuðningur við atvinnuuppbygginguna. Í takt með minnkandi þörf á hvetjandi aðgerðum, þegar efnahagurinn réttir smám saman úr kútnum, er mikilvægt að halda áfram að styðja við atvinnulífið og mennta börn og ungmenni fyrir kröfuharðan vinnumarkaðinn."

Seinna í greininni skrifa ráðherrarnir: "Þegar vinnumarkaðurinn tekur núna betur við sér en fyrri spár fjármálaráðuneytisins gerðu ráð fyrir, er mikilvægt að atvinnuumbæturnar verði ekki rifnar upp heldur að áfram verði hlúð að atvinnulífinu. Þar sem Sósíaldemókratarnir leggja til umtalsverðar skattahækkanir á laun og fyrirtæki til að fjármagna stóraukið bótakerfi, þá eru þetta mikilvægustu skilin í sænskri pólitík."

"Verkefnin eru mörg og kröfurnar skýrar um ábyrgðafulla stjórnmálastefnu. Það sýnir sig einna skýrast í aukningu starfa, þrátt fyrir kreppuna. Núna standa yfir sögulegar framfarir í samgöngumálum og íbúðarbyggingar hafa aukist. Það skilar sér í fleiri störfum og betri vinnumarkaði. Aðhald í fjármálum, áframhaldandi umbætur fyrir atvinnulífið og fjárfesting í hugviti eru skref fyrir skref í áttina til betri Svíþjóðar. Núna er enginn tími til að snúa af braut til baka til gömlu stjórnmálastefnunnar sem leiddi til geysilegrar einangrunar frá vinnumarkaðinum og er í grundvallaratriðum uppfull af átökum. Atvinnumálin og hæfileikinn að taka ábyrgð á þróun Svíþjóðar munu ráða úrslitum kosninganna."

Alla greinina má lesa á sænsku hér