Yfirvöld sýna góðan vilja en meiri aðgerða er þörf eins og Sigmundar Davíð Gunnlaugsson bendir réttilega á

Það er gott mál að ríkisstjórnin grípi strax til samræmdra aðgerða og stendur sameinuð að baki ákvörðunum. Það er mikilvægt að yfirvöld sendi sterk skilaboð til allra að allt verði gert sem í mannlegum mætti stendur til að mæta þeirri ótrúlega sérstæðu stöðu sem drápsveiran hefur í för með sér og lamar allt samfélagið. Þetta er svo sannarlega ástand sem kallar á allt það besta sem þjóðin getur tekið fram og að allir kraftar vinni saman óháð flokkslitum.

Málið er hins vegar svo risavaxið og botninum hefur enn ekki verið náð og lítur því miður ekki betur út en að allt peningakerfi hins vestræna heims gæti oltið á hliðina. Slíka útreið mun taka mörg ár ef ekki áratugi og jafnvel heila öld að ná sér á eftir. Við slíkar aðstæður hjálpa falleg orð um góða stöðu og þykkan gjaldeyrissjóð skammt og einhliða Hörpusýningar eru þeirra sem telja sig ekki síður merkilega en ríkisstjórn Kína. Ísland er ekki eitt í heiminum og aðrir stærri kraftar á ferð sem Ísland verður að lifa með. Hér er eitt dæmi:

Goldman Sachs spáir 24% falli vergra þjóðarframleiðslu USA á öðrum ársfjórðingi 2020 og a.m.k. 9% atvinnuleysi. Gangi spáin eftir eru Bandaríkin komin í kreppuna miklu. Að sveiflan upp á við verði jafn brött og Goldman Sachs sýnir á þriðja kvartali er óskhyggja. Yfir 80 milljónir Bandaríkjamanna hafa þegar farið í heimaeinangrun og fleiri fylgja á eftir. Tjónið af drápsveirunni kemur fyrst í ljós þegar útbreiðsla veirunnar hefur verið stöðvuð með einangrun eða bóluefni.

Ríkissjóðir greiða ekki til lengdar laun starfsmanna fyrirtækja og  munu fyrirtækin hrynja eins og spilaborg og fólki kastað í atvinnuleysi. Verðbréfamarkaðir t.d. í Stokkhólmi hafa lækkað -30% og Dr. Doom sem sá fyrir hrunið 2008 spáir -70% markaðshruni og vonast hann að það dugi til að Trump nái ekki endurkjöri.

Íslenska ríkisstjórnin stjórnar ekki veirunni frá Kína. Ríkisstjórnin getur notað súperutanríkisráðherrann til að mótmæla meðhöndlun kínverska kommúnistaflokksins á uppruna og útbreiðslu veirunnar sem þeir leyndu fyrir umheiminum og rænt hefur dýrmætum tíma frá okkur til að bregðast við og minnka tjónið. Hnattvæðingarblinda ríkisstjórnarinnar kemur sjálfsagt í veg fyrir slíkt.

Að kommúnistaflokkur Kína ráði því hverjir fá andlitsgrímur og hlífðarföt fyrir sjúkrahúsin eða hvort hægt sé að framleiða bíla í Evrópu er fullkomlega óviðunandi.

Þess vegna er afstaða formanns Miðflokksins Sigmundar Davíðs Gunnlaugssonar bæði skiljanleg og réttmæt.

 

 

Ólíklegt að þessar aðgerðir dugi

Ósannindi kínverska kommúnistaflokksins um kórónuveiruna kosta þúsundir jarðarbúa lífið

 

Alþjóðavæðingin hefur gert Kína að ægishjálmi alls lífs á jörðunni og önnur lönd að vanþróuðum ríkjum. Kínverjar stjórna lyfjaframleiðslu, bílaframleiðslu og alls konar annarri framleiðslu í heiminum. Vesturlönd eru orðin háð Kína með lífsnauðsynlega þætti samfélagsbyggingarinnar. Kommúnistaflokkur Kína reyndi að þagga niður veiruna í byrjun og bæði Kínverjar og heimurinn fyrir utan Kína misstu mikilvægan tíma sem hefur kostað þúsundir mannslífa í heiminum og á enn eftir að versna. 

Kínverski kommúnistaflokkurinn hefur gripið til þess ráðs að ásaka Bandaríkjamenn fyrir að hafa laumað veirunni inn í Kína og notar þennan lygaáróður til að afvegaleiða landsmenn í Kína um sannleikann í málinu.

Hvað eru Kínverjar að fela? Þingmaðurinn Josh Hawley vill láta rannsaka það.

Þegar heimurinn hefur hreinsað upp skítinn eftir Kínverska kommúnistaflokksinn á að sækja kommúnistana til ábyrgðar. Það verk verður að vinnast af þeim sem eftir verða í heiminum, eftir covid 19 og það sem á eftir kemur frá kommúnistunum í Kína.

Ísland í þriðja flokki vegna misskilnings Úrsúlu

ESB láðist að hafa samband við utanríkisráðherrann til að spyrja hvort mætti ekki strika Ísland af lista yfir viðskiptavini sambandsins fyrir andlitsgrímur og annan hlífðarbúnað fyrir starfsmenn sjúkrahúsa. 

Það kemur að sjálfsögðu utanríkisráðherra í opna skjöldu að Framkvæmdastjórn ESB hafi gleymt mikilvægasta viðskiptavini ESB - stjórnarráðinu í Reykjavík og einnig fyrir að hafa ekki framfylgt Lissabonsáttmálanum og reglum ESB um að biðja íslenska utanríkisráðuneytið um leyfi fyrir þeim vörum sem sambandið setur inn á sölulistann.

Vonandi kallar ráðherrann Úrsúlu inn á teppið og hirtir hana til. Verður Úrsúla geðill fer utanríkisráðherrann létt með að skipta um framkvæmdastjóra ESB fyrir kvöldmat til að kippa málunum í lið. 

Jákvæða fólkið er hamingjusamt með utanríkisráðherra landsins.

Evrópusambandið bannar sölu á grímum til Íslands

Sex sinnum sex sinnum sex aðeins fyrsta talan í sænska harmleiknum

Ekkert er lengur að marka opinberar tölur Svíþjóðar varðandi útbreiðslu eða dánartölur kórónuveirunnar. Lýðheilsan tók þá ákvörðun að hætta að eyða fjármunum, prófrörum og mannafla í jafn tilgangslausan hlut eins og að taka sýni og greina kórónaveiru hjá Svíum. Kári Stefánsson og Íslensk Erfðagreining eiga engan samanstað í velferðarríkinu.

Árangurinn lætur ekki standa á sér og smithraðinn hefur snarminnkað miðað við fyrri viku á meðan greining var í gangi. Opinberlega verða því smitaðir mun færri í sælulandinu en í nágrannaríkjum að ekki sé nú talað um land óperunnar, þar sem bæði smitaðir og ósmitaðir og ennþá lifandi syngja saman þvert yfir göturnar út frá svölum sínum. Hættan er þó sú að ný skandinavísk aría verði sungin 1. maí n.k. með þvílíkum angistarrómi að enginn lifandi jarðarbúi komist hjá því að heyra tónana.

Þegar sjúkrahúsin verða yfirfull og líkburður út hefur ekki undan aðstreymi nýrra sjúklinga inn, verður fólk sent heim með magnyltöflur og sagt að það hafi flensu. Síðan verður hverfum lokað, öllum bannað að fara út og lík þeirra sem heima deyja komast ekki inn í kórónutölur.

Sænskir jafnaðarmenn fylgja kommúnistaflokki Kína og sýna gott fordæmi og gefa starfsmönnum gjörgæsludeilda fyrirmæli um hverjir fá miða í þær fáu öndunarvélar sem eru í gangi á meðan einhver starfsmaður stendur uppi til að gæta þeirra. Miðað við varlegan útreikning verða 15% svo heppnir að sleppa við heimsendingu í líkpokum.

Eftir mánuð gæti Stokkhólmur allur verið settur í sóttkví og herinn líkt og í Kína og á Spáni sér til þess að enginn komist út eða inn.

Fyrsti kaflinn í sænska harmleiknum er hafinn.

Sex látnir í Svíþjóð

Guði sé lof, að Trump er ekki smitaður af Kínaveirunni

Enn ein spá og von andstæðinga Trumps er komin í ónýta hauginn. Bandaríkjaforseti lét greina sig og útkoman var neikvæð. Þau jákvæðu bjuggust öll við jákvæðri útkomu ef til ómögulegrar greiningu kæmi og eru því í tvöföldu neikvæðiskasti núna sem bætist við öll hin óteljandi köstin vegna bíræfni Bandaríkjaforseta að vera frískur. 

Síðan Davíð Oddsson hætti að vera forsætisráðherra varð skortur á "djöfli" á eyjunni köldu sem hægt er að kenna um hrakfarir mannkyns. Íslendingar eru hluti mannkyns og að mati íslenskra ráðherra sá mikilvægasti enda drjúpa aðrar þjóðir heims höfði í átt til landsins í leit að ráðstöfunum og upplýsingum.

Utanríkisráðherrann íslenski bendir góðlátlega framámönnum annarra þjóða á að fyrst eigi að hlýða á orð sín áður en mál eru borin undir viðkomandi þjóðir. Sameinuð fréttamennska heims snýst svo að sjálfsögðu um íslenska utanríkisráðherrann, sem Trump setti í ferðabann til Bandaríkjanna. Hámark ósvífninnar var að leyfa ráðherrum annarra eyja í Atlantshafi að ferðast en ekki þeim íslenska. En sú ósvífni fór líka í ónýta hauginn, þegar Trump setti Írland og Bretland í farbann og jákvæða fólkið því í einu neikvæðiskastinu enn.

Áróðursmeistari jákvæða fólksins Björn Bjarnason veit ekki lengur hvaðan á sig stendur veðrið.

Trump er frískur og berst gegn kínversku veirunni. 

Davíð líka þegar síðast fréttist.

Trump ekki með kórónuveiruna

Kveðja frá H.H. Svíakonungi Carl XVI Gustaf

Vegna nýju kórónuveirunnar sendir Carl XVI Gustaf Svíakonungur frá sér eftirfarandi kveðju í lauslegri þýðingu:

 

"Fjölskylda mín og ég fylgjumst af mikilli alvöru með þróun covid-19 í og fyrir utan Svíþjóð.

Ég sendi sérstaka kveðju til Þín sem vinnur núna að því að fyrirbyggja og takmarka útbreiðslu hinnar nýju kórónuveiru og hjúkrar þeim einstaklingum sem hafa veikst.

Störf Þín eru mikilvæg fyrir land vort og mjög mikils metin af mér, fjölskyldu minni og öllum í Svíþjóð.

CARL GUSTAF

Arnar Þór Jónsson dómari - maðurinn með frelsiskyndilinn

Arnar Þór Jónsson, dómari, skrifar sérdeilis lýsandi grein um þýðingu stjórnarskrár lýðveldisins Íslands 27. feb. 2020 í Morgunblaðið. Ég man ekki eftir því að hafa lesið jafn skýra heilsteypta hugsun í áratugi, framsetta á jafn auðveldan, læsilegan og skiljanlegan hátt af löglærðum manni um málið. Hér fer maður sem veldur er á heldur og ljóst að hjartað slær fyrir lýðræði og frelsi. Skal hann og Morgunblaðið hafa bestu þakkir fyrir birtingu jafn upplýsandi greinar sem bæði vermir og lýsir upp veginn í vetrarmyrkrinu.  

Greinin er djásn alsett perlum og eina leiðin til að hún njóti sannmælis er að lesa hana alla sem ég hvet alla sem unna lýðræði og frelsi að gera. Hér er ein tilvitnun úr kaflanum Aldarfjórðungur í farþegahlutverki:

"Íslendingar standa frammi fyrir þeirri staðreynd að allar reglur EES eiga uppruna sinn hjá ESB. Stofnanir ESB setja reglurnar án aðkomu Íslands eða annarra EFTA-ríkja. Íslendingar áttu því enga aðild að samningu reglna O3. Þeir sem það gerðu unnu ekki í umboði íslenskra kjósenda og við þekkjum engin deili á þeim. Lýðræðisleg ábyrgð þeirra er engin og umræður þeirra um málið fóru fram bak við luktar dyr. Að ferlinu loknu voru gerðirnar sendar fullbúnar til samþykktar í sameiginlegu EES-nefndinni."

Í lokaorðum skrifar Arnar Þór: "Það leysir því engan vanda að afsala sér sjálfsforsjá og sjálfsábyrgð.Þeir sem kasta vilja frá sér þeirri ábyrgð vísa sumir til þess að við þurfum engar áhyggjur að hafa meðan stjórnað sé með lögum. Í því samhengi má minna á að ein skilvirkasta leiðin til að afnema réttarríkið er að gera það með lögum og lagaframkvæmd, þannig að ekkert standi eftir af ríki réttarins annað en skelin – og ásýndin – ein. Saga alræðisríkja á 20. öld sýnir að slíkur veruleiki er ekki fjarlægur eða óraunverulegur. Í Sovétríkjum Stalíns og Þýskalandi Hitlers geymdu stjórnarskrár fögur fyrirheit sem allir máttu vita að ekkert var að marka."

Þessi umræða er dýrmæt fyrir okkur og í skærri andstöðu við þöggun þess kerfisræðis sem tröllríður húsum bæði á Íslandi og á meginlandinu. Það er gaman að vera Íslendingur þegar menn eins og Arnar Þór Jónsson dómari finnast og Morgunblaðið sem sér heiður sinn í málfrelsi og lýðræði. 

Maurinn sem dreymdi um að stjórna fílaumferðinni

"Núna stoppum við fílahjörðina" var það síðasta sem maurinn sagði við vin sinn áður en fílahjörðin tróð úr þeim lífið.

Logi Einarsson er í sömu stöðu með inngöngumiða í heimsveldi ESB sem tekur smáþjóðir í nefið.

Eftir hrun Samfylkingarinnar þarf hæfileika a la Bagdad Bob til að setja sig á háan hest og skipa öðrum flokkum fyrir.

"Ég vinn ekki með Sjálfstæðisflokknum og Miðflokknum"segir Logi sem haldinn er kópíeringsveiru á háu stigi með afritað misheppnað landakort sænskra sósíaldemókrata sem komnir eru niður í sögulegt myrkur 22% fylgis.

Formaðurinn gleymir því líka, að íslenska þjóðin hefur gott útsýni til SamfylkingarDags í Reykjavík með ljóskastara Miðflokksins og Sjálfstæðisflokksins.

Væntanlega veitir þjóðin báðum þessum framámönnum logandi fína útkomu í næstu kosningum.

Íslendingar elska lýðræðið en ESB ekki.

Lýðræðismál að kjósa að vori

Hagsmunaverðir ESB á Alþingi hindra afturköllun ESB-aðildarumsóknar

Til marks um hvað lítð er að marka stefnu Sjálfstæðisflokksins sem þykist vilja halda Íslandi fyrir utan ESB, þá bregða sjálfstæðismenn ásamt öðrum ESB aðildarsinnum fæti fyrir þingsályktun Flokks Fólksins um formlega afturköllun Alþingis á aðildarumsókn þáverandi meirihluta Alþingis að Evrópusambandinu.

Íslendingar voru aldrei spurðir en gátu svarað fyrir sig í almennum þingkosningum og kom það svar eftir aðildarumsóknina, að helsti umsóknaraðilinn að ESB, Samfylkingin, stórtapaði fylgi og varð næstum að engu.

Inga Snæland formaður Flokks fólksins lýsti yfir vantrú sinni á að þingsályktunartillagan fái brautargengi á Alþingi í viðtali á Útvarpi Sögu nýlega. Innandyra ráða ESB-sinnar sem vilja innlima Ísland í ESB og ef ætlunin er að hindra lýðræðislega meðferð tillögunnar og atkvæðagreiðslu mun það í fyrsta lagi skrifast á núverandi ríkisstjórn Sjálfstæðis- og Framsóknarmanna ásamt Vinstri Grænum. 

Vel sést á launum forsætisráðherrans af hverju VG sænga með hverjum sem er eins og sjálfstæðis- og framsóknarmenn gera en Katrín Jakobsdóttir var 17 tekjuhæsti stjórnmálamaður í heimi 2019 að sögn DV. Mikilmennskubrjálæði ráðherra ríkisstjórnarinnar fer að slaga í fyrirkomulag Reykjavíkurborgar sem praktíserar stjórnskipun Norður-Kóreu á Íslandi.

Þingsályktunartillan er kjörið tækifæri fyrir þá þingmenn sem vilja sjálfstæða þjóð og fullvalda ríki á Íslandi að sýna hug sinn. Ég treysti því, að Miðflokksmenn komi til hjálpar en því miður dugir það ekki eitt og sér en vonandi fleytir það tillögunni í umræður og hugsanlega atkvæðagreiðslu, svo landsmenn sjái svart á hvítu hverjir hagsmunaverðir ESB eru á Íslandi. 

 

 

 

Mun ekki auka traust í viðskiptum við íslensk stjórnvöld

Þórdís Kolbrún iðnaðar- og alls kyns ráðherra er með pilsfaldinn úti á túni, þegar hún styður forstjóra Landsvirkjunar í viðleitni hans að slá sér á brjóst og eftirá véla þjóðina inn í samningagerð við Rio Tinto.

Á að láta líta svo út að Landsvirkjun sé "góði gæinn" og Tinto "sá vondi" til að fá samúð fólks á raforkuránstefnu Evrópusambandsins.

Ef þetta verður gert munu erlend stórfyrirtæki sjá, að ekkert er að marka samkomulag við íslensk ríkisfyrirtæki.

Eykst þá enn "grái" vandinn.

Þórdís Kolbrún ætti að tyfsa til á sér pilsið og huga að hagsmunum Íslendinga í stað þess að sveifla dansskónum í takt við stálhælana frá Brussel. Hún ætti sem einhverra mála ráðherra að verja Ísland og standa gegn rafmagnsskítavæðingu ESB með aflátsbréfum, loftslagssköttum og ráðstjórnareinræði. 

En pilsið nær ekki svo langt og þjóðleg framkoma hennar minnir meira á rykkjóttar hreyfingar strengjabrúðu en kvenmanns sem reynir að verða skörungur.

Ótrúlegt að gefa búrókrötunum í Brussel lokk úr hári sínu í bogastreng í hvert skipti sem kinnhestur kemur að austan.

Fylgjandi því að trúnaði verði aflétt