Þjóðverjar verja markmið kínverskra kommúnista að steypa Trump af stóli

Donald Trump Bandaríkjaforseti fer sér í engu óðslega gagnvart WHO sem hefur orðið uppvíst að ósannindum og töfum á vörnum í heiminum gagnvart kommúnistaveirunni. Bæði WHO og Kínverjar vissu að veiran smitaðist á milli fólks en lugu að umheiminum að svo væri ekki.

Jafnframt stöðvaði WHO alþjóðlegt læknateymi sem vildi takmarka ferðir til og frá Kína og leyfði veirunni þannig að smitast út um allan heim.

Það er aumkunarvert að fylgjast með hvernig hrægammaglæpamenn og kommúnistar bræðast saman í kjarna sósíalismans sem vill nota veiruna til þess að slá sundur hinn frjálsa heim.

Það er rétt stefna hjá Bandaríkjastjórn að hætta að ausa fé í undirsáta kínverskra kommúnista sem stefna að heimsyfirráðum. Íslenska ríkisstjórnin á að hætta öllum stuðningsáformum við Belti og braut verkefni Kínverja og styðja Bandaríkin í staðinn. Myndband Sky News að neðan sýnir hvernig WHO hefur logið og tafið varnir heims gegn veirunni sem kostað hefur þúsundir mannslífa og ómældar þjáningar um allan heim.

„Hjálpar ekki að skella skuldinni á aðra“

Kommúnistaveiran drepur á hryllilegan hátt

Frétt Morgunblaðsins um ástandið í Svíþjóð er ekki einu orði ofaukin. Ef eitthvað er má bæta frekar við til að nálgast ástandið eins og myndin ofan sýnir af einum starfsmanni heimilisþjónustunnar Anooni í Upplands Väsby norður af Stokkholmi, sem þjónar öldruðum og sjúkum á heimilum sínum.

Ástandið var svo slæmt, að starfsfólkið notaðist við klósettpappír í stað andlitsgrímu, glærublöð í stað hjálma, hettu úr skóplasti og svuntu og ermar úr ruslapokum til að hafa einhverja vörn, þegar annar búnaður var ekki til staðar. Seinna kom svo útbúnaður og frétt á Facebook um málið var fjarlægð. 

Anders Tegnell talsmaður Lýðhælsunnar sagði upphaflega að veiran kæmi aldrei til Svíþjóðar en varð að breyta því. Síðan sagði hann að ekkert smit kæmi frá fólki án einkenna en varð að breyta því. Smit er nú komið í elliheimili í 80% af Svíþjóð. Fyrir viku voru 40% allra látinna yfir 70 ára fólk frá elliheimilinum sem Lýðheilsan sagðist vernda sérstaklega. 

Núna hafa allir Svíar lært hvað fína orðið TRIAGE þýðir: Val á sjúklingum í yfirfullar öndunarvélar. Yfir 80 ára (heilsufarslegur aldur)= enginn möguleiki á að komast í öndunarvél. Eldri en 65 ára með bakliggjandi sjúkdóma = enginn möguleiki á að komast í öndunarvél. Aðrir eldri "frískir" með möguleika að ná sér = teknir úr öndunarvélum þegar "heilsufarslega yngri" þurfa að komast í vélarnar. 

Sjúkrabílarnir hringsóla tímum saman með dauðvona sjúklinga fyrir utan sjúkrahúsin í Stokkhólmi í bið að komast að með sjúklinga og unnið er á vöktum í líkbrennslum og dugar ekki til.  

Sverige er fantastiskt!

Fullkomlega vanhugsað frá a til ö

Boðskapur páskanna – mikilvægari nú en nokkru sinni fyrr

Þrátt fyrir

• Kínapestina sem heltekur allt líf
• stöðvun hins vestræna heims 
• áfallið sem fylgir uppgötvun þess að örlög heimsins virðast komin að miklu leyti í hendur kínverskra kommúnista 
• útsölu hrægamma á vestrænum ríkjum
• ónýtri "just in time" stefnu sem hefur afvopnað þjóðir allri sjálfbærni
• keypta spillta stjórnmálamenn 
• alþjóðakreppu sem nú þegar er orðin dýpri en Kreppan mikla

þá mun höggið taka enda og heimurinn ná áttum á ný. 

Páskarnir eru hátíð upprisu, vonar og ljóss.
Á meðan upprisa Krists og kærleikur lifir er borin von í hjarta.

Gleðilega páska árið 2020

Krossfesting mannkyns "just in time" fyrir páskana í ár

Fréttir af dauða tuga þúsunda í kjölfar Kínaplágunnar koma "just in time" fyrir páskana í ár. Föstudagurinn langi er óvenjulega langur vegna þjáninga allra þeirra sem smitast hafa af Wuhanveirunni, misst hafa ástvini og lent eða lenda í hremmingum, missa vinnu, fyrirtæki og lífsbrauð næstu mánuði.

Í kjölfar veirunnar ríða útsendir riddarar rauðum dreka um allan heim og tína haldstæðustu bitana á sviðinni jörð til að tryggja einveldi drekans á lofti og sjó. Hörmung er mikil, angistarópin nísta inn að merg. Ekkert, ekkert hefur staðist af áróðri meistara alþjóðavæðingarinnar sem lofuðu "just in time" velferðarkerfi nútímans. 

Sömu aðilar hlaupa undir verndarvæng kínverska drekans, þeir sækja ekki einungis auð úr pyngju kommúnismans í Kína, þeir sækja súrefni af síðum Glóbal Times þar sem drekinn spýr eitri og tálbeitum til að rugla þá sem enn eru ókrossfestir. 

Xi Jinping hefur þvegið hendur sínar, kommúnisminn þolir enga konunga á jörðu. Afnám auðvalds með keyptum júdösum sem svíkja frelsi einstaklingsins og frjáls viðskipti og leggja Belti og Braut drekans í heiminum.

Fólk verður neytt til að drjúpa höfði fyrir Kína til að komast fram hjá krossinum. Og kyssa á tær keisarans.

Bjartsýnir þrátt fyrir fleiri dauðsföll

Guð Blessi Bandaríkin og forseta Donald Trump

Ég þakka sendiherra Bandaríkjanna á Íslandi Jeffrey Ross Gunter fyrir mjög svo góða kveðju til íslensku þjóðarinnar á örlagatímum í bréfi til Morgunblaðsins í dag. Bandaríkjamenn eru og hafa alltaf reynst íslensku þjóðinni haldbærasti vinur allra. Núna þjást margir vinir okkar vestra í Kínaplágunni og hugrekki þeirra sem þar starfa að sjúkramálum aðdáunarvert. Fádæma góð viðbrögð yfirvalda Bandaríkjanna hafa létt undir með mörgum í þessarri illvígu baráttu við veiruna frá Wuhan. Ég er í Stokkhólmi og tek undir orð Bandaríkjaforseta Donald Trump um ókosti sænsku hjarðleiðinnar.

Bréf sendiherrans lýsir miklum kærleika til okkar Íslendinga og er í hrópandi andstæðu við nafnlaust bréf kínverska sendiráðsins til blaðsins. Í því bréfi fannst enginn kærleikur til landsmanna - aðeins hrátt andlit kommúnismans sem vill banna málefnalegar umræður.

Ég skora á íslensku ríkisstjórnina að láta af öllum hugmyndum um að styðja Belti og Braut markmið Kínverja sem ganga út á að skapa kínverskum kommúnistum heimsyfirráð yfir flutningaleiðum til lofts og sjávar. Allir ættu að skilja núna, hversu afráðin för alþjóðavæðingarinnar var sem setti mikilvægustu framleiðsluegg vesturlanda öll í körfu kommúnismans í Kína. Við höfum á einu augnabliki fengið að upplifa hörmungar þess að vera háð ákvörðunum Kommúnistaflokks Kína hvort við fáum lyf, öryggisbúnað til sjúkrahúsa eða aðföng til iðnaðar og hátækni. Utanríkisráðherra Íslands á að semja við Bandaríkjamenn um samstarf Íslands og Bandaríkjanna og hætta að eltast við kínverska kommúnista og handbendi þeirra hjá WHO og SÞ. Krefja skal Kína ábyrgðar á upphaflegri þöggun um tilvist veirunnar sem kostað hefur þúsundir mannslífa. Einnig ber að taka undir gagnrýni á WHO og víkja Tedros Adhanom Ghebreyesus úr starfi umbúðalaust og fylgja Bandaríkjunum í baráttunni gegn spillingaröflum í heiminum.

Sá jákvæði andi sem felst í bréfi sendiherra Bandaríkjanna, gefur bæði hvatningu og veitir styrk til nýrra dáða sem hafa afgerandi áhrif á hvernig við mætum þeim vanda sem framundan er, hvort sem um ræðir fleiri heilsufarshættur eða þann gríðarmikla efnahagsvanda sem Kínapestin hefur skapað. 

Guð blessi bandaríska sendiherrann, bandarísku þjóðina og Donald Trump. 

Reiðubúin að rétta hjálparhönd

Dýr verður raforkustefna ESB Íslendingum með ónýta ríkisstjórn

Ríkisstjórn Íslands telur mikilvægara að vera í beinni línu við Evrópusambandið en að huga að málefnum landsmanna. Klúður ríkisstjórnarinnar í raforkumálum er þvílíkt að Rio Tinto íhugar lokun álversins í Straumsvík í a.m.k. 2 ár ef ekki endanlega vegna raforkuverðs á Íslandi. 

Ein von Rio Tinto til að fá skaðabætur vegna klúðursins er að stefna Landsvirkjun fyrir vörusvik, því Rio Tinto keypti upphaflega græna íslenska raforku úr orkumiklum fallvötnum hálendisins. Hins vegar sýna raforkukaup Rio Tinto að Landsvirkjun hefur svikið græn yfirlýst, umsamin markmið og afgreiðir í dag raforku framleidda úr kjarnorku og kolum skv. svarthvítum reikningum Landsvirkjunar.

Ég fagna því að Rio Tinto kæri Landsvirkjun fyrir vörusvik, þótt sá glæpur kosti ríkið himinháar upphæðir og jafnvel meiri en tekjur af sölu allra aflátsbréfanna. Slík málaferli gætu stöðvað brjálæðislega skammsýni Landsvirkjunar og ríkisstjórnarinnar og veitt hrokafullum ráðherrum ríkisstjórnarinnar sem vilja ásamt akademískum fræðingum Samfylkingar og Viðreisnar knésetja landsmenn undir hæl Úrsúlu.

Mynd forsætisráðuneytisins lýsir íslenskum stjórnmálum í dag: Forsætisráðherra situr límd við glansmynd Úrsúlu í beinni frá Brussel. Það er bara að taka beint við skipunum og gera að lögum fyrir fullveldisrænda Íslendinga. Mottó stjórnarráðsins: Skítt með Rio Tinto og landsmenn.

Óviss framtíð álversins

Ríkisstjórnin hlýtur að mótmæla gróflegri íhlutun kínverska sendiráðsins í íslenskt málfrelsi

Það þarf ekki nafnlausa sendiráðsyfirlýsingu kínverskra kommúnista til að betrekkja eldhúsveggina með morgunkaffi en litlu munaði samt í morgun.

Í óundirritaðri grein sendir kínverska sendiráðið frá sér yfirlýsingu um hvernig Morgunblaðið á og ekki á að skrifa leiðara blaðsins. Fer það fyrir brjóst ónafngreindra að bent sé m.a. á að kínverski kommúnistaflokkurinn beitti þöggun í upphafi veirusmits og breiðir núna þeim áróðri um allar jarðir, að bandaríski herinn hafi plantað veirunni í Kína og ef það sannist ekki, þá hafi veiran alla vega byrjað fyrst á Ítalíu og borist þaðan til Kína!

Það er kannski vegna einræðisskipulags Kína með alræðisvaldi kommúnistaflokksins sem ósýnilegar plágur koma reglulega frá þessu mikla ríki yfir til annarra hluta heims. SARS, fugla-, svínainflúensa, HN og Covid eitthvað. Það verður grýtt leið fyrir kommúnistana að upplýsa fólk um eitthvað annað. 

Og hafandi kveikt eldinn, þá er ekki rétt að málum staðið að þykjast vera bjargvætturinn á meðan grannarnir eru uppteknir við slökkvistörf í sínum húsum. Það er vel yfir mörkum sannmælis að krefjast þess að aðrir sem eru að týna lífinu eigi að játa kommúnistaflokknum hyllingu vegna þess að hann geti boðið aðstoð!

Í yfirlýsingunni segir: "eðlilega fara menn að velta fyrir sér af hverju þessir ritstjórnargrein var birt". Sem betur fer er Morgunblaðið óháður miðill sem kínverskir kommúnistar eiga ekki. Morgunblaðið er hvorki Global Times eða Pravda og á fullan rétt á því að viðra aðra hugmyndafræði en lofgjörð um sósíalismann/kommúnismann. Það var ekkert í leiðara blaðsins 27. mars s.l. sem var "ómakleg árás" á Kína. 

Þessi fordæmalausa íhlutun ónafngreindra kommúnista í nafni "sendiráðs" í frjáls skoðanaskipti á Íslandi hljóta að verða ríkisstjórninni tilefni til áréttingar við sendiherra Kína á Íslandi og samtímis kennslustund í gildi tjáningarfrelsis fyrir Íslendinga.

Við veljum ekki leið Kommúnistaflokksins sem lokar vísindastofum, fyrirskipar eyðingu sönnunargagna, handtekur þá sem segja frá staðreyndum og stundar persónunjósnir á venjulegu fólki. 

Kínverskir kommúnistar vildu sjálfsagt loka Morgunblaðinu. En því miður, við veljum lýðræði og skoðanaskipti í stað einræðis.

Ríkisstjórnin, a.m.k. utanríkisráðherra á næsta leik. Eða er Guðlaugur Þór Þórðarson jafn fastur í bandi ónafngreinda eins og ESB?

Velferð í orði – helferð á borði

Ég tek heilshugar undir orð Mike Pompeo um lygar og þagganir kínverskra kommúnista í upphafi útbreiðslu veirunnar í Wuhan, Kína. "Þetta er klikkuð umræða" svo sannarlega. Ég á grein í Mbl. dagsins um alþjóðavæðinguna sem spurning er hvort ekki sé enn skæðari veira en Wuhan-veiran. 

Kemur betur og betur í ljós hvernig "just in time" hefur afvopnað þjóðir sem gleypt hafa stefnu hnattvæðingarinnar og hætt við fyrirbyggjandi aðgerðir til að mæta farsóttum og styrjöldum. 

Að vera ekki sjálfum sér nægur um mat, lyf eða hluti í venjulega framleiðslu er bókstaflega glæpsamleg stefna sem gerir þjóðir heims ósjálfbjarga og háða ákvörðunum Kommúnistaflokks Kína. ESB og SÞ eru hlutar þessa nýja heimssósíalisma undir forystu Kínverja sem stefna að heimsyfirráðum eins og hernaðarbrölt þeirra sýnir í Kínahafi með byggingu herstöðva á nýgerðum eyjum og útþenslustefnu gagnvart HongKong, Taiwan, Japan, Philippseyjum m.fl. 

Það er svefngangur að hætti zomba með fljúgandi leðurblökur í kringum sig að fylgja aurunum beint í faðm kínverskra kommúnista. Mestöll sósíaldemókratía Vesturlanda mjálmar við dyragættir Kommúnistaflokkins, stór alþjóðafyrirtæki dansa með á þjóðlausu línunni og fjármálajöfrar á Wall Street eins og George Soros kaupa stjórnmálamenn til hægri og vinstri til að ná viðskiptamarkmiðum sínum. 

Kínverska veiran hefur breytt öllum heiminum. Fyrsta áfallið er að vopnast til að sigra veiruna. Enginn veit hvort Kommúnistaflokkur Kína lumi á fleiri veirum t.d. mannskæðri rottuveiru sem sagnir segja að skotið hafi upp kollinum í Kína. 

Á eftir fyrsta áfalli veiruárásarinnar kemur það næst að Kína, Rússar ásamt fleirum reyna að bola burtu dollarnum sem alþjóðagjaldmiðli og koma á eigin stafrænum miðli sem er tilbúinn til notkunar. Skammtímamarkmiðið er að velta aðalóvini hnattvæðingarinnar Donald Trump úr valdastóli og koma í veg fyrir endurkjör hans sem Bandaríkjaforseta seinna í ár. 

Stjórnmálaviðbrögð munu koma. Fólk skilur að alþjóðastefnan grefur undan lífsnauðsynlegum þáttum eins og mat og lyfjum. Þjóðríkið kemur til baka en reikna má að einhverjar öfgar geti skotið upp kollinum. 

Barnaskapur íslenskra ráðamanna hefur verið mikill, að dalta við ESB, SÞ og Kína á undanförnum árum. Skræfurnar í stjórnarráðinu munu þó varla fara að skríða undan hlýjum pilsfaldinum í Brussel og því mun íslenska þjóðin sjálf þurfa að grípa í taumana og ákveða örlög sín.

 

 

Skaut föstum skotum á Kínverja

Orðin vegin í haust – Palli er ekki einn í heiminum

Þegar fjármálakreppen reið yfir heiminn 2008 sögðu bankastjórarnir (að undanskildum Seðlabankastjóra), hagfræðingarnir og allur sérfræðingaskarinn að ekkert væri að óttast, fjármálin í góðu ásigkomulagi og engin hætta á gjaldþroti hjá einum né neinum. 

Í dag segja ráðherrar ríkisstjórnarinnar og Seðlabankastjóri að ekkert sé að óttast, því Ísland skuldi svo lítið og gjaldeyrisforðinn sé svo stór. Allt muni verða í lagi og Íslendingar ráða niðurlögum kórónuveirunnar og snúa fljótt aftur til daglegs lífs.

Það er eins og ríkisstjórn Íslands sé Palli einn í heiminum og trúi að orðin skapi nýjan veruleika að þeim sögðum sem guði einum almáttugum er falið. Að orð forsætis- og fjármálaráðherra byggi töfrahjúp yfir eyjuna fögru og verji hana fyrir utanaðkomandi áföllum.

Eftir þrjá mánuði munu þessi orð reynd og sannleikurinn koma í ljós.

Sú heimskreppa sem nú vofir yfir fer létt með að tæma bæði ríkissjóð og gjaldeyrisforða á einu augnabliki.

Það sem bjargar Íslandi verður sem fyrr, lambakjöt og fiskur.

 

 

Stoltur forsætisráðherra á fámennum ársfundi

Veira kommúnistaflokks Kína skýrð á myndum

Ein mynd segir meira en þúsund orð. Kommúnistaflokkur Kína stundar villuáróður um allan heim til að dreifa sýn á hverjir bera ábyrgð á kórónaveirunni. Það nýjasta er að veiran hafi verið komin til Ítalíu áður en hún kom til Wuhan. 

Sem betur fer fáum við á Vesturlöndum upplýsingar frá fólki sem þekkir til í Kína. Hér nokkrar myndir af netinu.