Ríkisstjórnin aðhyllist kínverska kommúnista meira en bandamenn Íslands í NATO

Ísland er einn stofnenda NATO og var hlíft í seinni heimsstyrjöldinni fyrir áætlun nasista um að hertaka landið og nota sem millilendingarvöll fyrir sprengjuvélar á leið frá Þýskalandi til Bandaríkjanna. Sem betur fór urðu vinir okkar og bandamenn Bretar og Bandaríkjamenn fyrri til og getum við öll þakkað okkar sæla fyrir það.

Ísland er herlaust land og í lófa lagið fyrir næstum því hvern sem er búinn vopnum að hertaka landið. Vera Íslands í NATO er og hefur verið trygging fyrir því að frelsi og friður hefur ríkt í landinu. Þessu afneita vinstri menn og gera sér enga grein fyrir því, að vopnlaus maður getur talið sína daga lendi hann í vopnaátökum. Ísland verður að vera í varnarbandalagi eins og NATO til að halda burtu illum öflum.

Í dag flæða kínverskir kommúnistar út um allar jarðir og styrkja heimsyfirráðin. Belti og braut, Silkibrautin og mörg önnur verkefni hvað svo sem þau kallast. Vinstri græna ríkisstjórnin er undir hæl kínverskra kommúnista og málpípa þeirra í SÞ ásamt elítu ESB. Utanríkisstefna Íslands er páfagaukakór Kína og ESB. Utanríkisráðherrannn varð uppvís að því að ljúga að helsta bandamanni Íslands, Bandaríkjunum, þegar hann þóttist ætla að hætta við Belti og braut þáttöku Íslendinga en varð síðan skammaður af kínverska sendiherranum á Íslandi sem sagði slíkar yfirlýsingar tómt bull. 

Ríkisstjórnin felur athafnir kínverskra kommúnista á Íslandi. Hagsmunir þeirra eru þrándur í götu varnarsamnings Íslands við NATO eða hver keypti hótel Icelandairs – og eru Kínverjar með í framkvæmdum á alþjóðaflugvellinum í Keflavík fyrir beint flug milli Kína og Íslands? 

Er einhver heil ljósapera eftir í utanríkisráðuneytinu?

 

Höfnuðu framkvæmdum

Skandinavísku barnapíurnar í Staksteinum Morgunblaðsins

Morgunblaðið kallar ekki allt ömmu sína. Staksteinar dagsins eru hressir og skora hátt á perlulistann yfir klassísk ritverk. Vonandi lesa margir fullorðnir einmitt þessa staksteina svo þeir dreifist réttverðugir langt innan annarra landssteina:

"Það er óburðugt að fylgjast með utanríkisráðherra úr Sjálfstæðisflokki síðustu misserin. Yfirmenn hans í ráðuneytinu dingluðu honum inn í Mannréttindaráð SÞ. Heitið er öfugmæli og ráðið verður SÞ reglubundið til minnkunar.

Borið er blak af WHO, sem er með allt niðrum sig í alvarlegustu málum samtímans. Forstjórinn kemur úr Byltingarflokki Eþíópíu, og neitaði sem heilbrigðisráðherra þar að viðurkenna útbreiðslu kóleru! Og sem enn verra var; hann gerði svo mannkyninu óbætanlegt tjón með því að hann þumbaðist við til 11. mars !!! að staðfesta að kórónuveiran smitaðist á milli manna.

Fyrsta verk þessa forstjóra WHO var að skipa ömurlegustu pólitísku fígúru samtímans, Mugabe, slátrarann frá Simbabve, sem „sendiherra góðviljans“ af hálfu WHO! Mugabe var þá á lokametrum sem einræðisherra. 

Á sama tíma og yfirmenn ESB eru staðnir að því að láta Kína ritskoða yfirlýsingar sínar um kórónuveiruna ákváðu þeir, til að dreifa athyglinni, með skætingi í garð Ungverjalands eins og reglulega gegn Póllandi, sem þeir minna á að sé ekki lengur fullvalda ríki vegna aðildar sinnar að ESB. 

Fyrstu þjóðirnar sem hlaupa til með umvöndunarprikið þegar ESB ýtir á takka eru skandinavísku barnapíurnar. Á meðan fullorðið fólk stjórnaði íslenska utanríkisráðuneytinu var þess vandlega gætt að Ísland væri ekki ein af barnapíunum".

Ísland á svo sannarlega betur skilið en fullorðinslaust utanríkisráðuneyti sem rólar sér í hópi skandínavískra barnapía. Spurningin er hvenær þeir fullorðnu taka sig saman og manni ráðuneytið svo Ísland komist aftur inn á spor sjálfstæðrar utanríkisstefnu.

 

Utanríkisráðherra Íslands meðvirkur í ljótum valdaleik framkvæmdastjórnar ESB – segir Ungverjaland vera einræðisríki

„Hættið að dreifa ósannindum og fölskum fréttum” eru skilaboð ungverska utanríkisráðherrans Peter Szijjarto til starfsfélaga sinna í Svíþjóð, Finnlandi, Noregi, Danmörku og Íslandi. Útvarp Saga greindi frá.

Verður sendiherra Íslands ásamt sendiherrum hinna norrænu ríkjanna kallaður á fund utanríkisráðherra Ungverjalands til að taka á móti ámælum vegna falsfrétta Guðlaugs Þórs Þórðarsonar utanríkisráðherra um Ungverjaland. 

Dagens Industri greinir frá því að utanríkisráðherrar Norðurlanda hafa sent aðalritara Evrópuráðs ESB bréf, þar sem gagnrýnd er sú ákvörðun ungverska þingsins, að veita ríkisstjórn Ungverjalands undanþáguheimild í óákveðinn tíma til að ákveða aðgerðir gegn kórónufaraldrinum án þess að fá fyrst samþykki ungverska þingsins. 

Utanríkisráðherra Ungverjalands Szijjarto skrifaði á Facebook, að gagnrýni utanríkisráðherra Norðurlanda væri yfirdrifin og fölsk:

„Ósannindi um uppbyggingu einræðisríkis og endalaust, takamarkalaust vald. Ungverjaland er yfir þúsund ára þjóð og hafnar hástemmdri, hræsnisfullri leiðsögn. Ungverska fólkið ákveður sjálft hvað það vill og vill ekki. Það væri betra að utanríkisráðherrarnir sæju um sín mál sjálfir.”

Er það verkefni íslenska utanríkisráðuneytisins að aðstoða framkvæmdarstjórn ESB við að kúga ríki til hlýðni við sambandið?

Að vinna skítverk fyrir ESB bara vegna þess að ESB nær ekki upp á nef sér vegna sjálfstæðis Ungverjalands sem neitar að taka á móti kvótaflóttamönnum sambandsins?

Það er illa komið fyrir utanríkismálum Íslendinga að greiða skattfé svo utanríkisráðherra geti borið út falsfréttir fyrir ESB. Utanríkisráðherra skrifaði grein í Mbl. fyrir nokkru í stíl opinberunarbókar Jóhannesar og þarf bæði spámenn og miðla til að túlka orðavaðal ráðherrans.

Best að Guðlaugur Þór taki sér ævinlangt frí frá stjórnmálum.

 

Hárrétt mat sóttvarnarlæknis

Þórólfur Guðnason gerir hárréttan samanburð við sænsku leiðina en Svíar hafa sjöundu hæstu dánartölu í heimi miðað við milljón íbúa skv. statista. Verst er Belgía með 730, þá Spánn með 553, Ítalía með 491, Bretland með 452, Frakkland með 385, Holland með 302 og svo koma Svíar með 289 manns. Svíar voru illa búnir að mæta farsótt, rúmum á gjörgæslu fækkað og viðbúnaði hers eins og hersjúkrahús gefin burt. Allt samkvæmt úthýsingarverkefnum hnattvæðingarinnar og „just in time" afhendingu sem einungis dauðinn uppfyllir. 

Sænsk yfirvöld geta búist við mörgum ákærum af ólíkum meiði eins og fyrir morð á gamalmennum (neita öldruðum aðgang að sjúkrahúsi, súrefni og öndunarvélum), brot á mannréttindum (réttur til eigins lífs brotinn vegna mismunun eldri fyrir yngri, hraustari hópa), brot á vinnulöggjöf og svo framvegis.

Dauðatollur Svía er hár og skoðast í ljósi þess að ekki hefur verið beitt þvingandi aðgerðum við lokun samkvæma og fyrirtækja sem sjálfsagt hefur hlíft efnahgaslífi meira en í öðrum löndum. 

Núna er sumarið komið og fólk gefur ekki mikið fyrir fyrirmæli yfirvalda í Svíþjóð og flykkist á veitingahús og matsölustaði eins og engin kóróna sé til.

70 hefðu látist með „sænsku leiðinni“

Áhrif kínverska kommúnistaflokksins aukast fyrir fulltingi ESB og ríkisstjórnar Íslands

Alþjóðasinnarnir í ESB eru að sjálfsögðu ekki að styggja skjólstæðinga sína, kínverska kommúnistaflokkinn og því má ekki segja neitt opinberlega sem styggir kínverska kommúnista eða gengur gegn ESB. Til öryggis er hent skít í Bandaríkin og sérstaklega lýðræðislega kjörinn forseta þeirra DT (DT = Donald Trump). Páfagaukarnir í íslensku ríkisstjórninni herma svo allt sem frá Brussel kemur. 

Á sama tíma og andlit ESB er svo illa farið að ekki einu sinni esbaðir sænskir kratar þora lengur að hafa ESB-fánann með á blaðamannafundum um manndráp KFK-veirunnar (KFK = Kommúnistaflokkur Kína), þá stofnar íslenska ríkisstjórnin ritskoðunarnefnd sem bannar gagnrýni á ESB, KFK OG RÍ (RÍ = ríkisstjórn Íslands). Sérstakt verkefni RÚV er að traðka opinberlega á DT.

Í sama áframhaldi verður það líklega næst, að blóðrauður veirumerktur fáni kínverskra kommúnista verður formlega dreginn að húni Vesturlanda og menn dregnir fyrir dóm sem gleyma að hneigja sig og beygja í hvert sinn sem fáninn blaktir í vindi. 

Páfagaukarnir í íslensku ríkisstjórninni hafa gleymt að þegar þeir bíta höfuðið af skömminni verður það svo stórt að þeir geta ekki kyngt.

Ég hlakka til að kjósa í næstu þingkosningum!

 

ESB dró úr gagnrýni á Kína eftir þrýsting

Í ár kom lóan með alvöru forsetaframbjóðenda

Hressilegt var að lesa tilkynningu Guðmundar Franklíns um að gefa kost á sér í forsetaembættið. Þar ber við öðrum tón nærri grasrót og góðri mold í tali og skrifum Guðmundar sem ekki finnst í rykföllnum skjölum sagnfræðinga að fást við "fávísann lýðinn". Uppstoppaðir "fræðimenn" geyma sig jafnan á bak við innihaldslausan orðavaðal og endalausa bjúrókratíu og tútna út á svita skattgreiðenda sem borga ballið. 

Það er vel að sagnfræðingurinn fái eldhressan keppinaut. Vonandi tekst Guðmundi Franklín að storka svo að Bessastaðabónda að hann lyppist úr embætti með sínar vitlausu söguskýringarnar í eftirdragi. Það yrði hressilegasta tiltektin á Bessastöðum frá upphafi - mögulega með þeirri undantekningu þegar fyrsta lýðræðiskjörna konan komst þar inn, hin alúðlega og dásamlega Vigdís Finnbogadóttur. 

Ég óska Guðmundi Franklín gæfu og gengis og komi enginn annar forsetaframbjóðandi honum hæfari fram gegn Guðna, þá á Franklín atkvæði mitt.

Guðmundur Franklín gefur kost á sér

Framagjarnir stjórnmálamenn hafa aðeins eina eðlisávísun á krepputímum: að hrifsa til sín völd

Það er mun einfaldara að lesa tilkynningar Bandarísku ríkisstjórnarinnar um aðgerðir gegn veirufaraldrinum en þeirrar íslensku. Fyrirsögnin ofan segir sitt og er fengin úr tilkynningu Hvíta hússins um aðgerðir gegn veirufaraldrinum í Bandaríkjunum (útvarp Saga greindi frá).

Bandaríkjastjórn með rétt fólk á réttum stöðum missir nefnilega ekki sjón á hlutverki sínu að þjóna fólkinu. Stjórnmálamenn Repúblikana undir leiðsögn Donalds Trumps skilja að reglugerðafargan og samþjöppun valds leiðir til spillingar og erfiðari stöðu þeirra sem stjórnskipun landsins og ríkisstofnanir eiga að þjóna. Hvíta húsið segir að:

”framagjarnir stjórnmálamenn bæði í Washington og annars staðar í heiminum hafa aðeins eina eðlisávísun á krepputímum: að hrifsa til sín völd. Sem sjaldan gerist tímabundið og oftast ekki í neinum tengslum við ríkjandi ástand. Í staðinn stækka stjórnmálamenn báknið og auka á reglugerðafargan og halda því fram að stærri ríkisstjórn muni koma í veg fyrir næstu hættu. Hið gagnstæða gerist. 

Seig þunglamaleg viðbrögð á alþjóðavettvangi gerðu kórónufaraldurinn verri. Alþjóða heilsustofnunin WHO með 2,4 milljarða dollara árleg fjárlög undirbjó ekki heiminn fyrir kórónuveiruna – hún gerði lítið úr hættunni og hermdi eins og páfagaukur eftir útskýringum kínverska Kommúnistaflokksins um að veiran smitaðist ekki milli fólks.”

Það er rétt ályktað hjá fjármálaráðherra að halli ríkissjóðs verður meiri vegna óvæntra kommúnistaveiruútgjalda og tekjufalls af sömu ástæðum. En fjármálaráðherrann skortir bein í nefið til að minnka reglugerðarfarganið og fá báknið burt enda erfitt um vik undir pilsfaldi vinstri grænna sem vinna með utanríkisráðherranum fyrir kínverska kommúnista á Íslandi.

Íslendingar þurfa að fá rétt fólk á þing sem þorir að takast á við báknið og þar fer Sigmundur Davíð Gunnlaugsson í fararbroddi. Miðflokkurinn talar ekki bara, hann framkvæmir líka.  

Aðgerðapakki upp á 60 milljarða

Gæti ekki Morgunblaðið reiknað út tjón kórónuveirunnar á Íslandi og birt tölurnar?

Það væri allt í lagi að slá tölu til bráðabirgða á það tjón sem kórónuveiran hefur valdið á Íslandi. Í Þýzkalandi birti Der Bild slíkar tölur sem samanlagðar námu ca 150 milljörðum evra  mótsvarandi 23 þúsund 544 milljörðum ísl. kr. Væri fróðlegt ef Morgunblaðið, sem hvort eð er er komið á svartan lista kínverskra ráðamanna fyrir andkínverskan áróður, fengi reiknispeking til að kasta tölu til bráðabirgða svo landsmenn hefðu aðgengi að ræða efnahagslegar stærðir í samhenginu. 

Sendiráð Kína í Þýskalandi ásakaði ritstjóra der Bild um að "ná ekki upp til hefðbundinnar vináttu alþýðu landanna" sem einungis kínverski kommúnistaflokkurinn skilgreinir og stjórnar. Það er eins í Þýskalandi og á Íslandi og reyndar nú orðið í öllum heiminum, að orð Kommúnistaflokksins eiga að gilda, þótt enginn, ekki einu sinni Kínverjar sjálfir hafi kosið þessa misheppnuðu kommúnistastjórn.

Að neðan bréf ritstjóra der Bild sem útvarp Saga birti í dag í lausri þýðingu:

Þið setjið allan heiminn í hættu

Kæri forseti Xi Jinping

Sendiráð ykkar í Berlín skrifaði opið bréf til mín vegna þess að við settum fram þá spurningu í blaðinu okkar BILD, hvort Kína ætti að greiða fyrir það gríðarlega efnahagslega tjón sem kórónuveiran hefur skapað um allan heim. 

Látið mig svara:

1. Þið stjórnið með því að vaka yfir fólki. Þú gætir ekki verið forseti án alls eftirlits. Þið vakið yfir og fylgist með öllu, sérhverjum meðborgara en neitið að hafa eftirlit með sjúkum matarmörkuðum í landi ykkar.

2. Eftirlit er afneitun frelsis. Og ófrjáls þjóð skortir sköpunarkraft.Þjóð sem ekki er framsækin skapar engar nýjungar. Þess vegna hefur þú gert landið ykkar að heimsmeistara í þjófnaði á einkaréttindum. Kína auðgast á uppfinningum annarra í stað þess að uppfinna sjálf. Ástæðan fyrir því að Kína skortir athafnasemi og uppfinningar er að ungu fólki í landi ykkar er ekki leyft að hugsa frjálst. Stærsta útflutningsvara Kína (sem enginn vildi fá en hefur samt sem áður farið út um allar jarðir) er Kórónan.

3. Þú, ríkistjórn þín og vísindamenn ykkar vissuð fyrir löngu síðan hversu smitsöm Kórónuveiran er en þið földuð það fyrir umheiminum. Helstu sérfræðingar ykkar svöruðu engu þegar vestrænir vísindamenn grennsluðust fyrir hvað væri að gerast í Wuhan. Þið voruð of stoltir og þjóðlegir til að geta sagt sannleikann sem þið óttuðust að væri þjóðarskömm.

4. ”Washington Post” greinir frá því að rannsóknarstofur ykkar í Wuhan hafi unnið að rannsóknum á kórónuveiru í leðurblökum en án þess að fyllsta öryggis hafi verið gætt. Hvers vegna eru rannsóknarstofur ykkar ekki jafn öruggar og fangelsin fyrir pólitíska fanga?

5. Í landi þínu hvíslar fólkið nafn þitt. Veldi þitt er að hruni komið. Þú hefur skapað óskiljanlegt, ógagnsætt Kína. Fyrir kórónufaraldurinn var Kína þekkt fyrir að vera eftirlitsríki. Núna er Kína þekkt fyrir að vera eftirlitsríki sem hefur smitað allan heiminn með dauðlegum sjúkdómi. Það er ykkar stjórnmálegi arfur.

Sendiráðið ykkar segir mér, að ég nái ekki upp til ”hefðbundinnar vináttu á milli fólksins okkar”. Ég reikna með að þú teljir stórkostlega ”vináttu” vera að þú sendir núna andlitsgrímur í stórmennsku um allan heim. Þetta er ekki vinátta, ég kalla það heimsvaldastefnu falda á bak við bros – Trójuhest.

Þú ætlar að auka styrk Kína með því að flytja út plágu. Þér mun ekki takast það. Fyrr eða síðar mun kórónan ljúka stjórnmálaferli þínum.

Virðingarfyllst
Julian Reichelt

Veirur algengari í leðurblökum en öðrum spendýrum

”Tsjernóbyl augnablik” Kína vegna hylmingu á kórónufaraldrinum

Frétt á útvarpi Sögu 17.apríl s.l.

ÓGNARSTJÓRN KOMMÚNISTAFLOKKSINS SETUR LÍF KÍNVERSKRA BORGARA – OG ALLS HEIMSINS Í HÆTTU

The Epoch Times greinir frá opnu bréfi stjórnmálamanna og sérfræðinga víða um heim sem lýsa hylmingu kommúnistaflokks Kína yfir uppruna veirufaraldursins sem ”Tsérnóbyl augnabliki” kínverskra yfirvalda. 
”Núverandi alþjóða kreppa er af völdum stjórnvalda sem svo mörg ykkar hafa liðið og stutt í áratugi” segir í bréfinu sem er beint til kínverskra meðborgara og Kínavina um allan heim.

Stjórnmálamenn sem skrifa undir bréfið er m.a. þingmenn frá Bretlandi, Litháen, Estlandi, Tékkalandi og ESB. ”Á meðan ekki er vitað nákvæmlega um uppruna og dreifingu veirunnar er spurningin um upprunann mjög mikilvæg fyrir íbúa Kína og alls mannkyns. Aðeins með því að skilja hvernig þetta alþjóðaslys varð til getum við komið í veg fyrir að það geti gerst aftur.”
Bréfið segir frá því, að kommúnistaflokkur Kína í Wuhan hafi þaggað niður útbrot veirunnar og haft áhrif á Alþjóðastofnun SÞ um að gera lítið úr hættunni.

Meðal annars var ekki hlustað á viðvaranir frá Taíwan sem greindi frá því í desember s.l. að veiran smitaðist á milli fólks. Fyrir atbeina kínverska kommúnistaflokksins er Taíwan útilokað frá þáttöku í WHO.  

”Við skulum aldrei gleyma því, að Tsjernóbyl augnablik Kína er sjálfskapað sár. Kommúnistaflokkurinn þaggaði niður í kínverskum læknum sem reyndu að vara aðra við hættunni í byrjun útbrotsins. Dr. Ai Fen sést ekki lengur opinberlega eftir að hún var í opinberu viðtali erlendis, starfsbróður hennar Dr. Li Wenliang lét lífið í baráttu við veiruna í Wuhan. Á dánarbeði Dr. Li sagði fjölskylda hans að ”það sæmdi ekki heilbrigðu þjóðfélagi að hafa aðeins eina rödd”.

”Kínverski athafnamaðurinn Ren Zhiqiang skrifaði að ”án þáttöku fjölmiðla fyrir hagsmuni íbúanna með birtingu staðreynda, þá herjar bæði veiran og illmennska kerfisins á líf fólksins.” Hann hvarf 12. mars. Hugrökku blaðamennirnir Chen Qiushi, Fang Bin og Li Zehua reyndu að segja fréttir af ástandinu í Wuhan en eru núna horfnir.”

Bréfið greinir einnig frá unga námsmanninum Zhang Wenbin sem gagnrýndi kommúnistaflokkinn opinberlega í myndbandi á netinu og hvarf skömmu síðar. Vinir hans óttast að hann sæti pyndingum af hálfu öryggislögreglunnar. 

”Alþjóða faraldurinn neyðir okkur öll til að horfast í augu við óþægilegan sannleikann: Þegar stjórnmálin taka yfir alla þætti lífsins að meðtalinni heilsu, þá hefur einflokksstjórn Alþýðulýðveldisins Kína sett alla í hættu.” ”Sem alþjóðlegur hópur opinberra einstaklinga, öryggismálagreinenda og athuganda Kína, þá sýnum við samstöðu með hugrökkum og samviskusömum kínverskum meðborgurum að meðtöldum Xu Zhangrun, Ai Fen, Li Wenliang, Ren Zhiqiang, Chen Qiushi, Fang Bin, Li Zehua, Xu Zhiyong, and Zhang Wenbin svo nokkur nöfn raunverulegra hetja og fórnarlamba sem setja líf sitt í hættu fyrir frelsið og fyrir frjálst og opið Kína. Þeir krefjast einskis annars en gagnrýnins mats á áhrifum kommúnistaflokksins á líf Kínverja og annarra meðborgara í heiminum. Við hvetjum ykkur til að sameinast þeim”.

Bréfið má lesa á ensku og kínversku og sjá nöfn þeirra sem skrifa bréfið hér

„Myndum aldrei leyfa yfirhylmingu“

Látum ekki mistök fjármálahrunsins 2008 endurtaka sig 2020

Leiðtogi Miðflokksins Sigmundur Davíð Gunnlaugsson tekur með mun gleggri augum á fjármálakreppunni í kjölfar kórónukrísunnar en ráðherrar ríkisstjórnarinnar sem frekar halda glærusýningar í tónleikahúsi en að koma með nægjanlegar aðgerðir til lausnar vandans. Í viðtali við Viðskiptapúlsinnn sagði Sigmundur:"Ef markmiðið er að halda sem flestum í vinnu þá er þetta mjög neikvæður hvati þetta tryggingagjald". Vill hann réttilega afnema þennan aukaskatt á atvinnu landsmanna. Hann bendir einnig á þann þýðingarmikla þátt efnahagslífsins sem einyrkjar og smáfyrirtækin standa fyrir og segir áður kynntar aðgerðir of litlar að umfangi, of flóknar og sértækar.

Gagnrýnishugmyndir Sigmundar Davíðs Gunnlaugssonar eru yfirvegaðar og raunhæfar en ekki við því að búast að ESB-fötluð ríkisstjórn hlusti á nein rök þar sem ríkisstjórnarflokkarnir hafa króað sig af í búri alþjóðavæðingarinnar sem gert hefur svo marga háða ákvörðunum kínverska kommúnistaflokksins um afkomu sína. Ríkisstjórnin hefur fylgt "ísköldu hagsmunamati" Sjálfstæðisflokksins sem fórnar lífsafkomu landsmanna fyrir samstarf risa alþjóðlegra fyrirtækja við kommúnismann sem gert hefur Kínverja að þrælum og Vesturlönd ósjálfbjarga með eigin þarfir.

Það eru að sjálfsögðu öfug formerki þegar Sjálfstæðismenn eins og t.d. Guðlaugur Þór Þórðarson, Björn Bjarnason m.fl. hafa breyst í málsvara sósíalismans vegna alþjóðavæðingarinnar og verja með afli spilltar alþjóðastofnanir SÞ sem leyfa konuhöturum að sjá um réttindamál kvenna. Þessir Sjálfstæðismenn leggja meira lag við að gagnrýna Bandaríkin með rökum kínverska kommúnistaflokksins og breiða út lygar kommúnista um forseta Bandaríkjanna í stað þess að vernda hagsmuni íslenskra skattgreiðenda.

Alþjóðastefnan skildi sig frá íslenskum hagsmunum þegar í fjármálahruninu 2008, þegar tæma átti ríkissjóð í vasa glæpamanna og hneppa kynslóðir Íslendinga í skuldafjötra. Það fólk sem nú stjórnar valdi sínar leiðir þá og hefur fylgt síðan en öll lentu þau vitlausu megin við þjóðina í Icesave.

Íslenska þjóðin þarf að vera á fullu varðbergi við þeirri efnahagslegu þróun sem núna er fram undan. Byrjað hefur verið á því að greiða stórfyrirtækjum peninga sem bendir til lausnar í Icesave-stíl: Greiða skuldir fjárglæframanna með skattfé úr hirslum landsmanna, afskrifa skuldir fjárglæframanna og láta landsmenn sitja uppi með skaðann. Sú fjármálakreppa sem framundan er krefst góðrar stjórnmálalegrar leiðsagnar sem einungis Miðflokkurinn getur boðið upp á með reyndum forystumanni sem Sigmundur Davíð Gunnlaugsson er.

Felli tryggingagjald niður út árið