EES-skýrslan gengur út frá því að Ísland sé aumingjaland sem ekki er hægt að stjórna með eigin lögum

Björn Bjarnason ræðst gegn öllum þeim sem dirfast að anda á EES-skýrsluna. Telur hann allt annað en sjónarmið skýrslunnar um stjórnskipun Íslands vera ótrúlega blekkingu, lygar og fals. Öll önnur afstaða til málsins er ómálefnaleg, því hann hefur sjálfskipaðan einkarétt að boða og túlka hina einu rétta afstöðu í málinu og er sá einkaréttur hafinn yfir eðlilega gagnrýni og málefnalega umræðu. 

Sjálfur fer Björn með staðlausa stafi og ósannindi, þegar hann reynir að telja fólki trú um að viðhorf skýrsluhöfunda stangist ekki á við grundvöll lýðveldisins Íslands. 

Í EES-skýrslunni segir:

„Stæðu Íslendingar utan lagasamstarfsins á EES-vettvangi og ætluðu að starfa í krafti heimasmíðaðra reglna yrði mikil hætta á einangrun, stöðnun og afturför í þjóðlífinu öllu. Á það einkum við á sviði efnahags- og atvinnulífs og þeim sviðum þar sem tæknivæðing hefur haft hvað mest áhrif." (Pkt. 7, bls 22)

Að Ísland hefur náð þeirri stöðu sem við höfum í dag er fyrst og fremst að þakka heimasmíðuðum reglum eins og stjórnarskránni og alvöru stjórnmálamönnum eins og t.d. þeim Geir Hallgrímssyni, Davíð Oddssyni og Sigmundi Davíð Gunnlaugssyni sem leiddu landhelgisbaráttu Íslendinga og baráttu gegn fjármálaglæpamönnum sem tóku þjóðina í gíslingu til þess að féflétta landsmenn með stuðningi ESB-sinna. Vegna heimasmíðaðra laga tókst Íslendingum að ná árangri í þessum málum þvert gegn valdi og vilja Evrópusambandssinna.

Ofangreind fullyrðing EES-skýrslunnar sannar, að aðstandendur hennar eru ofurseldir hugmyndafræði ESB um alríki álfunnar og að Ísland hafi ekki upp á neitt að bjóða sem sjálfstæð þjóð. Þetta er boðskapur búrókratanna sem selt hafa sál sína til Brussel og sami hræðsluáróður og Íslendingar mættu í umræðunni um ESB-umsóknina og í átökunum um Icesave sbr. Kúba norðursins.

En slíkar hótanir einar og sér duga ekki að mati Björns Bjarnasonar.

Hann vill taka upp lög ESB inn í stjórnarskrána svo ESB geti endanlega tekið öll völd á Íslandi:

„Binda verður enda á stjórnlagaþrætur vegna EES-aðildarinnar, annaðhvort með því að viðurkenna að hún hafi áunnið sér stjórnlagasess eins og aðrar óskráðar stjórnlagareglur eða með því að skrá ákvæði um aðildina í stjórnarskrána." (Pkt.2, bls 22)

Björn Bjarnason hefur verið iðinn að klína því á Miðflokkinn, að Miðflokksmenn hafi tekið þingið í gíslingu með því að nýta málfrelsisréttindi sín í þingsköpum til að andmæla 3. orkupakkanum. Sjálfur vill Björn Bjarnason að landinu sé stjórnað með þingsályktunum í stað lagasetninga þvert á stjórnskipunarlög Íslands og til að fullkomna þá vegferð vill hann breyta stjórnarskrá Íslands svo EES-löggjöfin verði æðri íslenskum lögum. 

Björn Bjarnason hefur gleymt öllu sem íslenska stjórnarskráin stendur fyrir. Með ályktanastjórnun þeirri sem Samfylkingarmenn innleiddu með ESB-umsókn sinni er framkvæmdavaldið að svína á löggjafarvaldinu og hefur tekið löggjafann í gíslingu þvert á fyrirmæli stjórnarskrárinnar. Þeirri vegferð heldur Sjálfstæðisflokkurinn áfram með núverandi flokksforystu og er stefna flokksins í dag í engu frábrugðin afritunarstefnu ESB-sinna á stefnu ríkisstjórna vinstrimanna á Norðurlöndum eins og í Svíþjóð. 

Sú stefna sem Björn Bjarnason áður stóð fyrir „Með lögum skal land byggja" hefur hann kastað fyrir róða.

Í staðinn er komin stefna Samfylkingarinnar: „Með þingsályktunum skal fullveldi eyða."

Sigmundur Davíð Gunnlaugsson og Miðflokkssmenn bráðum þeir einu á Íslandi sem halda loforð sitt við stjórnarskrána

Það er afskaplega gott að ekki er endanlega búið að rífa stjórnarskrána okkar á hol með útúrsnúningi og kjaftaskahætti eins og virðist aðalmerki stjórnmálanna í dag. Miðflokksmenn með forsætisráðherraefni næstu ríkisstjórnar Íslands við stýrið, Sigmund Davíð Gunnlaugsson, eru eins og síðasti móhíkaninn, einu stjórnmálamennirnir sem enn standa við gefið heit að fylgja stjórnarskrá lýðveldisins. Þeir tveir eftirlifandi flokkar frá stofnun Lýðveldisins, Sjálfstæðisflokkur og Framsóknarflokkur eru ekki svipur hjá sjón miðað við upprunalegu stefnu og störf.

Framsóknarflokkurinn er rifinn á hol vegna uppgjafar við að fylgja stjórnarskránni og splundrað af ríkisembættissjúkum einstaklingum sem selja allt fyrir smáfé fái þeir bara sínar 10 mínútur í fjölmiðlum. Restinni af staðföstum bændum hent úr túni og tjöslað bak við hóla í Miðflokki Sigmundar Davíðs Gunnlaugssonar. Þar hefur þó safnast saman kjarni bændastéttarinnar sem nú verða enn á ný í aldanna skaut að rétta af skútuna sem farin er að mígleka og taka inn á sig sjó svo landsmenn súpa hveljur.

Sjálfstæðisflokkinn er varla lengur hægt að tala um sem neinn alvöru stjórnmálaflokk. Eftir Davíð Oddsson hefur flokkurinn gjörsamlega gírað úr, hent öllum áttavitum og öðrum vitum og ver með klóm og kjafti kjör ríkisstarfsmanna í ráðuneytum og í stjórnmálabákninu. Gömlu vegvísarnir sjálfstæði þjóðar, stétt með stétt og stjórnarskráin rifin niður og hent á hauga fyrir ályktunarstjórnun á strengjum ESB að hætti hirðfífla Samfylkingarinnar í stað laga að hætti stjórnarskrárinnar. Alvöru sjálfstæðismönnum er kastað fyrir borð og látnir dúsa í móum og hólum. Trúði utannríkismála dugir að ropa í samkvæmum ESB og fyrrum kempa gegn ESB fangi nýja tíðarandans með tillögum um að ESB taki yfir stjórnarskrá lýðveldisins. Fullveldið, stjórnarkrána og þjóðina mega hrægammarnir éta, svo lengi sem hagsmunasaveitin fær sitt enda lafir hálfstæðisflokkurinn í 20% sem ekki skarar helming í glæsidaga Davíðs Oddssonar. 

Samt eru til menn innan Sjálfstæðisflokksins á rangli í frumskógi reglugerðafargansins, uppskafningsins, alræði flokkseigendafélagsins, sem vilja af heiðarleika fara eftir stjórnarskránni en fá enga áheyrn lengur hjá flokknum. 

Sigmundur Davíð Gunnlaugsson og Miðflokksmenn eru helsta von Íslands til að standa vörð um hagsmuni landsins gegn alþjóðlegum og innlendum samsærum. Miðflokkurinn ber stjórnarskrá lýðveldisins í hjarta sér og stendur við gefin heit. En fleiri þurfa að koma að verkinu svo hægt verði að bjarga stjórnarskránni áður en kerfiskarlar og kerlingar bryðja hana endanlega í spað svo ESB geti tekið okkur í nefið. 

Það er heilshugar hægt að taka undir flest það sem Sigmundur Davíð skrifar í góðri grein sinni í Morgunblaði dagsins og sérstaklega lokaorð Sigmundar:

„Ég hvet því borg­ara­lega sinnað fólk á Íslandi til að staldra við, verja grunn­gildi sam­fé­lags­ins og frjáls­lyndi, þá hug­mynd að skoðana­skipti séu af hinu góða. Ann­ars höld­um við áfram niður braut raun­veru­legra öfga.

Lát­um svo ekki blekkj­ast af því þegar ný­ald­ar­póli­tík­us­ar mæta fyr­ir kosn­ing­ar og segj­ast ætla að gera eitt­hvað allt annað en þeir hafa verið að gera. Af ávöxt­un­um skulið þér þekkja þá."

 

Markmið og leiðir Kommúnistaflokks Kína að yfirráðum heims og nýrri heimsskipan

Kínverjar ætla að sigra höfðuóvin sinn Bandaríkjamenn með því að sjá til þess, að Bandaríkin hafi ætíð a.m.k. fjóra óvini sem rugla þá svo mikið í ríminu að þeir sjá ekki aðalóvin sinn Kommúnistaflokk Kína sem eflist að styrkleika á meðan, þar til Kína getur sigrað Bandaríkin.

Óvinirnir fjórir sem Kína óskar Bandaríkjamönnum eru:

• Hryðjuverkastarfsemi
• Rússar 
• Braselía (Kínverjum misstókst þar svo þeir leita að nýjum aðila) 
• Skulda- og efnahagskreppa

Að auki notfæra Kínverjar sér alþjóða deilur sem draga Bandaríkjamenn í stríð líkt og Írak og Afghanistan.

Séð í þessu ljósi þjónar það markmiðum Kommúnistaflokks Kína, að Biden bolast út í Rússa. Kínaveiran, hvort sem hún er hluti af hryðjuverkastarfseminni eða ekki – er notuð til að koma á upplausn og efnahagskreppu. Breyta á Bandaríkjaþingi í annað þing kínverskrar alþýðu og árið 2049 þegar kínverska Alþýðulýðveldið verður 100 ára á Kína að vera óskorað sósíalískt alheimsveldi jarðar eftir að hafa unnið sigur á Bandaríkjamönnum.

Sjá nánar:

Útvarp Saga 

What China really wants - a New World Order

CCP plan to defeat US

Öll erum við Jónas ....nema helst Össur og Dagur að ógleymdum Ólafi.

Þetta er aðeins byrjunin á árásum Kommúnistaflokks Kína á Ísland og er einræðisflokkurinn farinn að sýna sitt rétta andlit. Það er Jónasi Haraldssyni til sóma að vera fyrsti Íslendingurinn, sem fær þessa sérstöku heiðursnafnbót frá kínverskum kommúnistum. Óska ég Jónasi til hamingju með titilinn sem honum hlotnaðist m.a. vegna afhjúpun umhverfissóðaskapar embættismanna kínverska alþýðulýðveldisins.

Kínverjarnir ráðast að sjálfsögðu ekki gegn hagsmunaaðilum sínum, hvorki í ríkisstjórn né í borgarstjórn. Þar eru efnhagslegu hagsmunirnir of sterkir. Borgarlínubræðurnir Dagur B. Eggertsson og Össur Skarphéðinsson að ekki sé minnst á Belti og Brautryðjandann Ólaf Ragnar Grímsson fá allir heiðursmedalíu Maó Tsetung fyrir vel unnin störf fyrir kínverska alþýðulýðveldið. Vinir og sérstakir varðmenn útrásarvíkinga, þau Jóhanna og Steingrímur eiga einnig inni hjá Kommúnistaflokki Kína en ekkert hjá alþýðunni á Íslandi, þótt Steingrími leyfist að sýna jakkafötin á Alþingi jafnvel á meðan hann sefur. Bjarni bankamær telur peningana í Asíubankanum og Guðlaugur Þór er með rjóðar kinnar í kvenréttindamálum.

Kommúnistar brjóta prentvélar lýðræðis í Hong Kong og sækja hart að Jónasi Haraldssyni á Íslandi.

Í hans sporum erum við Íslendingar í dag öllsömul Jónas.

 

Íslendingur settur á svartan lista Kínverja

Yfirlýsing Donald J. Trump: Biden setur Kína í fyrsta sætið

Ég skrifa reglulega fréttir á heimasíðu Útvarps Sögu svo minni tími hefur farið í skrifin hér, þótt af nógu sé að taka eins og t.d. hrikalegri utanríkisstefnu ríkisstjórnarinnar með utanríkisráðherra með allt niður um sig. Undanlægjuhátturinn nær lengra en til Evrópusambandsins, hið mikla ríki Kína er að gleypa heiminn. Þar eru forystumenn Sjálfstæðisflokksins rauðir í framan með sultudropa á fingrunum vegna þáttöku í einu mesta þöggunarsamsæri nútímans til verndar kínverska kommúnistaflokknum og boðskap kommúnismans út um heiminn. 

Donald Trump 45. forseti Bandaríkjanna sér þetta afar skýrt og lýsir því í nýjustu yfirlýsingu sinni þann 31. mars s.l. Yfirlýsingin birtist hér í lausri þýðingu og enskur texti að neðan. 

Róttæk áætlun Joe Biden um að hrinda í framkvæmd stærstu skattahækkunum í sögu Bandaríkjanna er stórfelld eftirgjöf til Kína og margra annarra landa, sem mun senda þúsundir verksmiðja, milljónir starfa og trilljón dollara til þessara samkeppnisþjóða. Biden-áætlunin er stórt högg gegn vinnandi Bandaríkjamönnum og mun snarminnka framleiðslu Bandaríkjanna og veita útrásaraðilum og erlendum, risastórum fjölþjóðlegum fyrirtækjum sérstök skattaleg forréttindi.

Biden lofaði að „byggja betur aftur“ – en landið, sem hann byggir sérstaklega upp er Kína ásamt öðrum heimshlutum. Undir stjórn Biden eru Bandaríkin enn á ný að tapa efnahagsstríðinu við Kína – og margra billjóna dala skattahækkunarstefna Bidens er stefna algjörrar efnahagslegrar uppgjafar. Að fórna vel launuðum bandarískum störfum er það síðasta, sem landar okkar þurfa á að halda, þegar landið okkar er að jafna sig eftir heimsfaraldurinn. 

Stefna Biden mun klyfja herðar bandaríska verkamannsins með hæstu skattaálögum á fyrirtæki hins þróaða heims. Þú munt borga MEIRA í skatta, ef þú skapar störf í Bandaríkjunum og ræður bandaríska verkamenn til vinnu samkvæmt stefnu Biden – en borgar MINNA, ef þú lokar verksmiðjum þínum í Ohio og Michigan, rekur bandaríska starfsmenn og flytur alla framleiðsluna til Peking og Shanghai. Þetta er nákvæmlega ÞVERÖFUGT við að setja Bandaríkin í fyrsta sætið, þetta er að setja Bandaríkin í AFTASTA SÆTIÐ! Fyrirtæki, sem senda störf Bandaríkjamanna til Kína, ættu ekki að fá umbun með skattafrumvarpi Joe Biden, þeim ætti að refsa, svo þau haldi störfunum í Bandaríkjunum, þar sem þau eiga heima.

Þessi löggjöf er eitt stærsta sjálfskapaða efnahagssár sögunnar. Ef þessu skrímsli verður hleypt í gegn munu fleiri Bandaríkjamenn verða atvinnulausir, fleiri fjölskyldur rúnar að skinni, fleiri verksmiðjur yfirgefnar, fleiri iðngreinar laðar niður og fleiri verslunargötur loka – alveg eins og ástandið var áður en ég tók við forsetaembættinu fyrir 4 árum. Undir minni stjórn var met slegið í lágmarki atvinnuleysis með 160 milljónum nýjum störfum.

Þessar skattahækkanir eru dæmigerð alþjóðasvik Joe Bidens og vina hans: lobbýistarnir eiga að sigra, sérhagsmunirnir eiga að sigra, Kína á að sigra, stjórnmálamenn í Washington og embættismenn ríkisstjórnarinnar eiga að sigra en hart stritandi bandarískar fjölskyldur eiga að tapa.

Grimmdarleg og hjartalaus árás Joe Biden á bandaríska drauminn má aldrei verða að alríkislögum. Rétt eins og suður landamæri okkar breyttust úr því besta yfir í það versta og eru nú í molum, þá verður efnahagur okkar lagður í rúst!"

 

Alvara á ferðum um framtíð Íslands

Morgunblaðið skrifar í leiðara í gær undir fyrirsögninni „Þjóðarkreppa", að

• „Íslendingar hafa nú enga leið til að fella burt íþyngjandi ákvarðanir, sem stangast berlega á við stjórnarskrá og er laumað inn eins og ómerkilegustu þingsályktun og skotið fram hjá lögmætum atbeina forsetans með þessari sviksamlegu aðferð. Og með þessari aðferð er hratt og örugglega verið að smygla þjóðinni inn í ESB þvert á vilja hennar og þvert á sjálfa stjórnarskrá landsins."

Ef þessi fullyrðing er sönn er þjóðin stödd í miklum háska. 

Það er erfitt að trúa því, hvað þá sætta sig við, að engin leið sé til að fella burt ákvarðanir sem stangast berlega á við stjórnarskrá. Morgunblaðið sagði, þegar Orkupakka 3 var laumað gegnum kerfið sem þingsályktun, að hægt hefði verið um vik að heyra álit Hæstaréttar á málinu svo þingið væri öruggt í gjörðum sínum. Því miður var sú leið ekki farin og virðist sem ríkisstjórnin forðist bæði Hæstarétt og stjórnarskrána í hið lengsta. 

Sá góði maður Arnar Þór Jónsson héraðsdómari hefur átt alveg sérdeilis fróðlegar og létt lesnar og skiljanlegar greinar fyrir leikmenn um hvernig lagaramma stjórnarskrárinnar er ætlað að tryggja lýðræði fullveldisins og það sem er okkur öllum dýrmætast, sjálfsákvörðunarréttinn. Hefur hann skýrt samspil laga, dómstóla og lýðveldisstofnana á prýðilegan hátt sem hver og ein einasta manneskja með áhuga á þessum málum ætti að lesa. 

Hann speglar einnig raunveruleikann og regluverkið og ræðir þá vankanta sem berlega koma í ljós sem bæði hann og ritsjórar Morgunblaðsins hafa verið svo iðnir við að útskýra fyrir lesendum blaðsins. Af þeim skrifum má sjá, hversu langt sú óheillaþróun er komin á veg, sem bókstaflega ógnar stjórnskipun okkar í grundvelli sínum. Lýðræðislega kjörnir embættismenn fá ekki lengur við ráðið eða framfylgja meðvitað eða hugsunarlaust, fyrirmælum erlendis frá fram hjá reglum lýðveldisins. 

Morgunblaðið notar orðið sviksamlegt um þá aðferð að nota þingsályktanir í stað lagasetningar, því þannig má komast hjá ákvæðum stjórnarskrárinnar sem Arnar Jónsson bendir á í sínum skrifum. Arnar Jónsson bendir einnig á það stjórnmálaoffors að

• „Gagnrýni var svarað með því að færa athyglina að smáatriðum, með útúrsnúningum eða með beinum rangfærslum."
• „Umræðan um málið, bæði í fjölmiðlum og á Alþingi, einkenndist af skoðanahroka, einstrengingshætti og valdboði, m.ö.o af allt öðru en frjálslyndi, sem þó var notað sem skrautfáni þeirra sem mæltu með innleiðingunni."
• „Þegar ég svo var kallaður fyrir þingnefnd rann upp fyrir mér að nánast allir flokkar töluðu einni röddu. Málefnalegri gagnrýni var hafnað án viðunandi röksemda. Sjónarmiðum um þróun Evrópuréttar og áhrifaleysi EES-ríkja var svarað út í hött. Enda fór svo að málið var keyrt í gegn."

Þetta er reynsla lagasérfróðs manns sem fenginn var til að segja álit sitt á málinu og þegar afstaða hans hentaði ekki þeim þingmönnum sem vildu orkupakka 3, þá fékk Arnar Jónsson að reyna það sem flestir sjálfstætt hugsandi menn í landinu hafa fengið að reyna í samskiptum við jámenn Evrópusambandsins í verki á Íslandi.

Gagnrýni Morgunblaðsins á Sjálfstæðisflokkinn er sönn. Flokkurinn hefur ýtt til hliðar þeim grundvelli sem gerði hann að burðarstoð íslensks stjórnmálalífs og þróunar Íslands öllum til hagsbóta gegnum tímann. 

En núverandi forysta Sjálfstæðisflokksins sem sveik í Icesave skilur ekki stjórnmál á þjóðlegum grunni. Mikilvægara er að viðhalda og efla embættismannakerfið og utanlandsferðir á einskisverða fundi m.a. með embættismönnum ESB. Þegar þessi menning kæfir stjórnarskrána í stofnunum lýðveldisins þarf þjóðin að grípa í taumana. 

Ég er genginn í Miðflokkinn sem var eini flokkurinn sem stóð á grundvelli stjórnarskrárinnar varðandi Orkupakka 3 með sárafáum undantekningum, reyndar aðeins einni í þingflokki Sjálfstæðismanna. Arfleifð Icesave baráttu þjóðarinnar er þar að finna og hjá reyndum Sjálfstæðismönnum eins og Davíð Oddssyni.

Þjóðin á mikið verk fyrir höndum að vinda ofan af því skrímsli sem því miður óvandaðir stjórnmálamenn, margir Sjálfstæðismenn og aðrir, hafa unnið hörðum höndum ásamt Vinstri grænum að skapa í embættismannakerfinu á Íslandi. 

Skrif Arnar Þórs Jónssonar og ritstjóra Morgunblaðisins ásamt starfi Miðflokksins og þeirra ótal mörgu landsmanna sem vilja bjarga sjálfstæði landsins, gefur birtu á veginn eins og frelsiskyndill í myrkrinu. Það ljós er gott vegarnesti til að hefjast tafarlaust handa.   

Er það stefna RÚV að hengja beri 45. forseta Bandaríkjanna? Agli Helgasyni finnst það.

Egill Helgason er flestum kunnur sem þáttarstjórnandi m.a. Silfur Egils hjá sjónvarpinu. Hann skrifar færslu á Facebook sunnudag 14. febrúar sjá skjáskot að ofan, þar sem hann lýsir áhyggjum sínum yfir „refsileysi" Bandaríkjanna gagnvart Donald Trump 45. forseta Bandaríkjanna. Með fylgir mynd af gálga með snöru svo ekki verður annað ráðið en að snaran hæfi sem nægjanleg refsing fyrir Trump svo Egill geti látið af áhyggjum sínum.

Þetta er hatursumræða á félagsmiðlum í boði starfsmanns RÚV.

Er það opinber stefna RÚV að hengja beri Donald Trump? Ef ekki – er það við hæfi að opinberir starfsmenn RÚV séu að dreifa hatursumræðu á félagsmiðlum burtséð frá því hvort þeir geri það í vinnutíma eða í frítíma?

Í Svíþjóð hefur starfsmönnum sjónvarpsins sem gleyma því hjá hvaða fyrirtæki þeir vinna í frítímanum verið vikið úr störfum fyrir minni sakir en útbreiðslu boðskapar um hengingu fyrrverandi Bandaríkjaforseta.

Vilja skattgreiðendur greiða fé fyrir hatursumræðu á félagsmiðlum?

Einfaldasta málið fyrir alla væri að víkja Agli Helgasyni úr starfi.

Ég er stuðningsmaður slíkrar tillögu.

 

Enginn styður vopnaða árás eða meinar Gísli að Vigdís hafi haldið um gikkinn?

Gísli Marteinn tekur að sér Pelósí samskiptahlutverk á Íslandi og kennir þeim sem gagnrýna borgarstjóra fyrir fjármálaspillingu um vopnaða árás óþekktra glæpamanna. Að ræða um horfin bílastæði er ekki sama og skjóta byssukúlu á bíl borgarstjóra. Að benda á hvað misferst í stjórn borgarinnar í lýðræðislegri umræðu er ekki sama og að beita ofbeldi.   

Gísli Marteinn fer sjúka leið í að kenna þeim um vopnaða árás sem gagnrýna stefnu meirihluta borgarstjórnar. Það mun ekki þagga byssurnar þótt þaggað verið niður í Vigdísi Hauksdóttur eða öðrum þeim sem anna hagsmunum borgarbúa og er um afar grófa aðdróttun að ræða af hálfu Baldurssonar. Að setja sama sem merki á milli málefnalegrar stjórnmálaumræðu og ofbeldisverka er dæmi um fullkomið rökþrot. Gísli er í sporum einræðisherrans sem kennir andmælendum um allt sem misferst í heiminum.  

Reiði margra borgarbúa í garð borgarstjóra er eigið sjálfskaparvíti Dags B. Eggertssonar. Hann hefur margoft verið kenndur við spillingu, valdníðslu og bruðl undanfarin ár og skilur eftir sig skuldir sem mun taka kynslóðir að borga. Að byggja Reykjavík eftir erlendri útópíu er það sama og að stela borginni af bæjarbúum. T.d. er ekki lengur leyft að keyra og leggja bílnum til að versla á Laugaveginum. Ekki er lengur hægt að njóta hafnarútsýnis vegna blokka fasteignavina borgarstjórans sem selja útsýnið til velefnaðra. Hagsmunir borgarbúa mæta afgangi og borgarbúar gerðir að öðrum og þriðja flokks þegnum í sinni eigin borg.

Það er verk lögreglunnar að finna og handsama ofbeldisglæpamennina og ef Gísla er annt um borgarstjórann ætti hann að aðstoða lögregluna í þeim störfum í staðinn fyrir að ráðast á Vigdísi Hauksdóttur. 

Enn ríkja lög á Íslandi - Gísli Marteinn er ekki yfir þau hafinn – ekki frekar en Dagur B.

Vill útrýma hatursfullri orðræðu: „Nóg komið“

Endurflutningur litla sæta íslenska leikritsins

Ofsækið drýpur eins og smjör af hatursblómi Demókrata í  Bandaríkjunum. Flæðir um allt og ristir djúpt sár í sálu Bandaríkjamanna. Þannig hefur það verið allan tímann gagnvart Trump, sem aldrei var viðurkenndur í stjórnsýslu Bandaríkjanna af þeim valdasjúku og stjórnblindu. Allt gert til að særa „bráðina" sem kemur úr öðrum ranni raunveruleikans en þægilegum ramma valdspillingar þeirra sem líta á valdið sem sína einkaeign og valta yfir þjóðina. Allt er þetta kunnuglegt fyrir Íslendinga sem horfðu upp á svipaða framkomu gagnvart Davíð Oddssyni, dugmesta og farsælasta stjórnmálamanns Íslands með hjartað sömu megin og landsmenn. Hljóp hatursfjandinn svo hart í Jóhönnu og Steingrím að böðlast var á landslögum og ráðinn erlendur Seðlabankastjóri bara til að geta hefnt sín á Davíð Oddssyni. Sama upp á teningnumm í samskiptum innan stjórnssýslunnar og að sjálfsögðu ekki hlustað á upplýsingar úr ranni mótherjans, þótt einmitt þær hefðu getað bjargað landsmönnum frá fjárhagshremmingum. 

Við þekkjum þetta, offorsið með stofnun Landsdóms og svo Geir Haarde. Geir Harða gátu þau skötuhjúin ekki beygt frekar en flokksbróður hans Davíð sem ekkert gaf hinum Davíð eftir sem sigraði Golíat. En landsmenn sitja uppi með eftirköstin sem eru að fara með fullveldið í gröfina og þjóðina í ánauð um ókomin ár. Það sama mun verða uppá teningnum í Bandaríkjunum. Hatrið gegn Donald Trump er notað til að réttlæta fasisma; ritskoðun og samþykkt kosningasvindls í ríki sem fram að þessu hefur verið talið fyrirmynd annarra lýðræðisríkja í heiminum. 

Í raun minna allir hermenn sem Biden hjónin þurftu að fá sem skjaldborg utan um sig bæði fyrir, undir og eftir innsetningarathöfnina, á Lúkasjenko og ástandið í Hvíta Rússlandi. Alla vega sáust engin merki vinsælda á Youtube myndbandi um athöfnina því einungis nokkur hundruð þúsund nenntu að horfa á það og þrisvar fleiri gáfu þumalinn niður en upp. Youtube fjarlægði „vitlausu" þumalputtana sem tölvuskít og þannig mun áfram verða haldið þar til alvöruveruleikinn verður orðinn svo gegnumsósaður af sýndarmennsku að venjulegt fólk fer að sjá fasismann og bróðurinn kommúnismann sem Salvadórískt listaverk.

Biden mun færa Bandaríkin áratugi aftur á bak í tímann og leiða landið inn í stærstu efnahagskreppu nútímans samtímis sem hann lyftir upp Kína áratugi fram í tímann. Íslenska ríkisstjórnin undir leiðsögn yfirtæknikratans Björns Bjarnasonar hallar sér í verki að Kommúnistaflokki Kína. Með flokksformanninn í bankaráði kommúnistabankans sem var stofnaður til að ryðja veg fyrir heimsyfirráðastefnu kommúnismans Belti og Braut þá er ljóst að landsmenn eiga sér fáa talsmenn lengur í þeim flokki sem svo lengi ljáði þjóðinni bæði eyrun og notaði heilann og tunguna í þágu þeirra sömu. Krata þekkjum við og sósíalista/vinstri menn í dulargerfi margbreytilegra hópa og nafna. Sjáið bara Reykjavík með borgarlínu kínverska strætóframleiðandans. Hvað hefur Dagur B. Eggertsson fengið margar svartar milljónir frá kínverskum kommúnistum fyrir að troða ónýtu dýru drasli í nafni grænu kínversku byltingarinnar á borgarbúa?

Trump er farinn af senunni en leikritinu er alls ólokið.

Ákæran send öldungadeildinni á mánudaginn

Endurræsingin mikla skerðir guðdómlegan rétt okkar til lífs, frelsis og hamingjuleitar

Birti hér grein Lars Bern um Endurræsinguna miklu sem við munum öll heyra meira af fljótlega. Meira um Svíann Lars Bern lengra niðri á síðurnni

Endurræsingin mikla
Nýlega las ég afar mikilvægan pistil um endurræsinguna miklu sem glóbalistana dreymir um að sjósetja og skrifuð var af bandaríska líbertaríanska stjórnmálamanninum og fv. þingmanni fulltrúardeildarinnar Ron Paul. Ég birti hér túlkun mína á skrifum hans.

World Economic Forum er miðstöð glóbalistanna. Stofnandi og stjórnarformaðurinn Klaus Schwab hefur lagt til að nota beri ofurviðbrögðin við kórónufarsóttinni til að hleypa af stokknum endurræsingu í öllum heiminum sem hann kallar „The Great Reset.” Hann hefur skrifað bók með sama nafni. Málið fjallar um að auka völd ríkisstjórna og kúga frelsi fólks í öllum heiminum.

Schwab sér frammi fyrir sér harðstýrt kerfi þar sem ofurríkir ólígarkar og alþjóðleg risafyrirtæki þeirra og bankar virka sem bandamenn stjórnmálalegrar valdaelítu sem þeir hafa stjórn á. Alþjóðafyrirtækin nýta ríkisstudda einokunarstöðu sína til að hámarka virðið á því sem þeir kalla „hagsmunaaðilar” í staðinn fyrir verðbréfaeigendur. Hagsmunaaðilar eru stjórnmálamenn, alþjóðasamtök, fyrirtækin sjálf og „borgaralega samfélagið.”

Óskir meðborgaranna ekki í fyrirrúmi

Að sjálfsögðu munu skriffinnar ríkisstjórna og stjórnmálamenn ásamt mikilvægustu sérhagsmunaaðilum ákveða hverjir eru og eru ekki hagsmunaaðilar og hvað séu hagsmunir hagsmunaaðilanna og hvaða aðgerðir fyrirtækin framkvæma til þess að hámarka virði hagsmunaaðilanna. Óskir meðborgaranna eru ekki í fyrirrúmi.

The Great Reset mun margfalda eftirlitssamfélagið með sporun í rauntíma. Hún mun veita heimildir á úthlutun rafrænna skilríkja til fólks svo það geti ferðast á staði með tækni sem komið hefur verið fyrir í líkamanum svo hægt sé að hafa fullkomið eftirlit með því.

Í tillögu Schwabs um eftirlit er hugmynd hans að skanna mannsheilann og nota örtækni til að sjá fyrir og ef þörf krefur, að koma í veg fyrir hegðun fólks í framtíðinni. Þetta þýðir að allir með „skannaðan” heila geta fengið réttindi sín skert af skriffinnum ríkisstjórna (eins og t.d. Dan Elíasson), þar sem geðþóttaákvarðanir eru teknar um hvort búast megi við að viðkomandi einstaklingur fremji afbrot. Kerfið fyrir sporun og eftirlit má einnig nota til að þagga niður í þeim sem tjá „hættulegar” stjórnmálaskoðanir sem trufla dagskrá glóbalistanna. Endurræsingin mikla skerðir guðdómleg réttindi okkar til lífs, frelsis og hamingjuleitar.

Endurræsingin mikla skerðir guðdómlegan rétt okkar til lífs, frelsis og hamingjuleitar.

Endurræsingin mikla þýðir gríðarlega stækkun velferðarríkisins með alþjóðlegu lágmarkstekjukerfi um leið og meirihlutinn verður gerður eignarlaus. Það mun tryggja að valdboð endurræsingarinnar miklu lifi áfram. Það mun einnig verða afskaplega dýrt. Afleiðinging verður vöxtur ríkisskulda en það mun ekki verða talið vandamál af þeim sem trúa nútíma fjármálakenningum. Þetta er nýjasta dæmi sögunnar um að fjármálahallinn skipti engu máli á meðan seðlabankar geta haft tekjur af því að búa til lán. Endurræsinging fjallar um að búa til áætlunarbúskap þeirra ofurríku sem þeir sjálfir og alþjóðafyrirtæki þeirra og bankar stjórna.

Endurræsingin fjallar um að búa til áætlunarbúskap þeirra ofurríku sem þeir sjálfir og alþjóðafyrirtæki þeirra og bankar stjórna.

Endurræsingin mikla mun að lokum mistakast af sömu ástæðu og allar aðrar tilraunir ríkisstjórna til að stjórna markaðinum hafa mistekist. Eins og Ludwig von Mises sýndi fram á, þá skekkja stjórnmálainngrip í markaðinn verðkerfið. Verðsetningar eru upplýsingar um virði vara og þjónustu sem einnig varðar aðrar vörur og þjónustu og dreifist til þáttakenda markaðsins. Valdboðsíhlutun á markaðinum eyðileggur þær upplýsingar sem verðið sendir út og leiðir til offramboðs á vissum vörutegundum og þjónustu og skorts á öðrum. Þannig lítur áætlunarbúskapurinn út og hefur gert alla tíð.

Lokanirnar sýna fram á hætturnar með valdboðsstjórnun á efnahagskerfinu og einkalífum okkar. Lokanirnar hafa aukið atvinnuleysið, leitt til lokunar margra smáfyrirtækja, meiri fíkniefnaneyslu, ofbeldi á heimilum og sjálfsmorða. Árangurinn er samfelld eyðilegging á sjálfstæðri millistétt og gengdarlaus eignatilfærsla til margföldu milljarðamæringanna. Bara á þeim tíma sem farsóttin hefur staðið yfir hafa nokkrir ofurríkir ólígarkar aukið eigur sínar um 2000 milljarða dollara.

Tvöfalda mistök misheppnaðrar stefnu

Við fáum að heyra að lokanirnar séu nauðsynlegar vegna veiru sem ekki er nein meiri háttar hætta fyrir stóran hluta almennings. En í staðinn fyrir að taka upp aðra stefnu þá tvöfalda stjórnmálamennirnir þá misheppnuðu með grímum, lokunum og læsingum. Samtímis þagga stóru tæknifyrirtækin (Google, Youtube, Facebook, Amazon, Twitter m.fl.), sem oft virka sem samstarfsaðilar stjórnmálamanna, niður í öllum sem setja fram spurningar um opinberu línuna, hættuna af kórónuveirunni, áhrif lokana, gríma og bóluefna. Nýjasta dæmið er þegar Youtube í samtarfi við umhverfisflokk ríkisstjórnarinnar lét loka síðum Swebbtv. Í Póllandi fer ríkisstjórnin allt aðra leið og sektar ritskoðun fyrirtækjanna á netinu.

Hin hroðalegu viðbrögð við farsóttinni er einungis nýjasta dæmið um, hvernig þeir sem afhenda frelsið gegn loforði um öryggi og heilsu munu sjálfir lenda í ófrelsi, öryggisleysi og vanheilsu.

Í staðinn fyrir mikla endurræsingu með valdboði, þurfum við mikla endurfæðingu mannlegs frelsis!

Lars Bern

Lars Bern er þekktur í Svíþjóð m.a. vegna skeleggra skrifa og þáttöku í umræðu óháðra fjölmiðla um vandamál líðandi stundar.

Lars Bern heldur uppi netmiðlinum anthropocene.live og hefur m.a. skrifað bækurnar „Af hverju hverfa gersemar okkar?: sænskur iðnaður keyrir í díkið”(2014) og „Metabóla farsóttin” (2019). Hann hefur verið fastur gestur í Swebbtv sem Youtube lokaði nýlega fyrir og hann skrifar greinar um heimsmál, heilsu- og efnahagsmál í blöð og tímarit. Greinin ofan birtist nýlega í Nya Dagbladet.